Руското Министерство за надворешни работи денеска на бугарскиот амбасадор во Москва Атанас Крастин му врачи нота со која се прогласуваат „персона нон грата“ 14 вработени во амбасадата и во конзуларните преставништва на Бугарија во Русија.

Во соопштението објавено од руското МНР стои дека Москва смета оти протерувањето руски дипломати од Бугарија „нанесува значителна штета на традиционалните врски“ меѓу двете земји и укажува на „натамошна деградација на колективниот Запад, подготвен да ги жртвува интересите на своите партнери, само за да и наштети на Русија“.

Истовремено во документот се посочувÐ ° дека „непријателските потези на Софија кон Москва немаат ништо заедничко со националните интереси на Бугарија и нејзиниот народ“.

The post Русија протерува 14 бугарски дипломати appeared first on Република.

Портпаролката на руското Министерство за надворешни работи, Марија Захарова, порача дека официјална Москва би можела да и врати на цела Европска Унија поради протерувањето на 70 руски дипломати од Бугарија.

Политизираната одлука на Софија за неоправдано намалување на нашиот дипломатски персонал во Бугарија сигурно нема да помине без билатерален одговор - порача Захарова.

Таа ги повика Софија и ЕУ „да размислат за принципот на реципроцитет што е основа на дипломатските односи“.

Европската дипломатија треба да разбере дека непромислената поддршка на антируските акции од различни земји-членки ја принудува ЕУ да преземе одговорност за последиците, вклучително и кога станува збор за одмазднички мерки од наша страна - наведе Захарова.

Седумдесет вработени во руските дипломатските претставништва пред два дена ја напуштија Бугарија поради обвинувања за шпионажа. Со нив заминаа и нивните семејства, а вкупниот број луѓе кои ја напуштија земјата изнесува околу 200. Тоа е досега најголем број протерани дипломати од Бугарија, членка на ЕУ и на НАТО, но традиционално блиска до Русија.

ЕУ го изрази своето жалење за „неоправданата закана на Русија да ги прекине дипломатските врски со Бугарија“.

Голем број европски земји протераа руски дипломати по почетокот на руската воена операција во Украина на 24 февруари, а Москва возврати со слични мерки.

The post Захарова: Целата ЕУ може да се соочи со реципрочни мерки поради протерувањето руски дипломати од Бугарија appeared first on Република.

„Има оперативен состанок на Советот на министри, на кој се разговара за тоа (протерувањето на руски дипломати), има долг процес што се одвиваше и кој заврши кога Министерството за надворешни работи го направи отповикот вчера“.

Ова го изјави денеска премиерот во оставка на Бугарија – Кирил Петков по неговото сослушување во Народното собрание за протерувањето на 70-те руски дипломати, јавува „БГНЕС“.

„Идејата за одлука на еден човек е уште еден обид за политички маневри, но се надевам дека денеска се сретнаа сите пратеници. Ова е процес кој започна во март, имаме белешки од април, мај, јуни, го имавме Советот за безбедност со сите служби кои кажаа – САНС, ДАР, Воено разузнавање. Излегоа две работи, тоа е долг процес, второ беа вклучени многу служби, трето не сме во нормална ситуација во моментов, војната во Украина предизвика нова ситуација во ЕУ, особено што Русија ја прогласи Бугарија за непријателска држава“ – рече Петков.

Тој нагласи дека сега „сите се фокусираа на 70 луѓе, реално руската амбасада продолжува да има над 40 вработени, што е голема бројка во споредба со многу европски земји, работите станаа јасни“.

„Јасно беше објавено дека јас како премиер сум раководел со Советот за безбедност, но има извештај од МНР, Државната агенција за национална безбедност“ додаде Петков.

The post Петков: Не одлучив сам за протерувањето на 70-те дипломати appeared first on Република.

Лидерката на Бугарската социјалистичка партија и вицепремиерка во оставка Корнелија Нинова на отворен брифинг во Народното собрание објави дека БСП ги прекина сите разговори со „Продолжуваме со промената” за формирање нова влада.

Како што јави дописникот на МИА од Софија, одлуката за протерување на 70 руски дипломати од Бугарија е без преседан во бугарската дипломатска историја, коментира Корнелија Нинова.

Според неа, ова е на работ на прекин на дипломатските односи и, според Корнелија Нинова, тоа е апсолутно неприфатлив чин. Таа најави дека ваквата одлука ја донел сам премиерот на Бугарија Кирил Петков. Таа ја повика потпретседателката Илијана Јотова да го докаже своето тврдење дека има одлука за протерување на руски дипломати од владата во Софија. Министрите од БСП во Владата не учествуваа во носењето на ваквата одлука, додаде Нинова.

Бугарските социјалисти бараат затворена седница на Националното собрание и сослушување на првиот човек на Државната агенција за национална безбедност (САНС), за извештајот што тој го подготви и му го достави на премиерот во оставка Кирил Петков.

Корнелија Нинова го повика претседателот да свика итен состанок на Советодавниот совет за национална безбедност, бидејќи неговата изјава е крајно загрижувачка што не знаел за таков извештај на САНС и претседателот не може да не знае дали има такви информации бидејќи тој го назначува директорот на оваа специјална служба.

Извор: МИА

The post Бугарските социјалисти ги суспендира сите преговори со Петков поради протерувањето на 70 руски дипломати appeared first on Република.

Бугарскиот претседател Румен Радев во изјава за медиумите пред самитот на лидерите на НАТО во Мадрид го коментираше протерувањето на руските дипломати од Бугарија.

Не можам да разговарам за ова прашање бидејќи ги немам потребните информации. Се надевам дека премиерот во оставка Кирил Петков има издржани и веродостојни информации за оваа одлука и добро ја разгледа и по обем и по последици, изјави Радев.

Лидерите на НАТО на високо политичко ниво ќе разговараат за натамошното зајакнување на источното крило на Алијансата преку зголемување на мултинационалните борбени групи на ниво на бригада. Допрва треба да се донесат оперативни одлуки на воено-политичко ниво.

Радев ја опиша средбата како почеток во клучен момент во радикално изменета стратешка безбедносна средина како резултат на руската агресија во Украина и зголемената конкуренција меѓу главните стратешки играчи на глобалната сцена.

Според него, по децении фокусирање на борбата против тероризмот во оддалечените региони, НАТО се враќа на својата главна улога – заштита на суверенитетот и територијалниот интегритет на земјите-членки.

Вчера премиерот во оставка Петков објави дека се протеруваат 70 руски дипломати кои работеле во Бугарија, за кои премиерот во оставка Кирил Петков рече дека работеле за служби, а дипломатската работа им била покритие.

Денеска конзуларната служба на руската Амбасада во Бугарија и Генералниот конзулат во Варна ја прекинаа својата работа. Исто така, денеска и Генералниот конзулат во Русе ќе престане со работа и ќе биде затворен еден месец.

The post Радев не знаел за протерувањето на руските дипломати appeared first on Република.

Конзуларната служба на руската Амбасада во Бугарија и Генералниот конзулат во Варна ја прекинаа својата работа. Исто така, денеска и Генералниот конзулат во Русе ќе престане со работа и ќе биде затворен еден месец, јави МИА од Софија.

Ова следи по вчерашната одлука на бугарските власти да протераат 70 руски дипломати кои работеле во БУгарија, за кои премиерот во оставка Кирил Петков рече дека работеле за служби, а дипломатската работа им била покритие.

https://republika.mk/vesti/balkan/bugarija-proteruva-70-ruski-diplomati-rabotele-za-stranski-sluzbi/

Лидерката на Бугарската социјалистичка партија, Корнелија Нинова, која е коалициски партнер на Петков во објава на Фејсбук напиша дека одлуката за протерување на 70 руски дипломати е чин без преседан во бугарската дипломатија, што според неа ќе има долгорочни последици. Нинова изјави дека категорично е против ваквата одлука.

Владислав Панев од Демократска Бугарија, исто така коалициски партнер на Петков, рече дека ја поздравува одлуката за влез во Советот на министри пред состанокот на владејачката коалиција во Бугарија.

The post По протерувањето на 70 дипломати Русија затвори два конзулати во Бугарија appeared first on Република.

Руското Министерство за навдворешни работи денеска соопшти дека протерува 34 вработени во француските дипломатски претставништва.

Триесет и четворица вработени во француските дипломатски претставништва во Русија се прогласени за „персона нон грата“.Тие имаат рок од две недели да ја напуштат земјата, се наведува во соопштението.

Протерувањето на француските дипломати е реципрочна мерка по протерувањето на руските дипломати од Франција како дел од заедничката европска акција поради руската инвазија врз Украина.

The post Русија протерува 34 француски дипломати appeared first on Република.

Руската Амбасада во Скопје излезе со реакција по повод протерувањето на уште шест руски дипломати од Македонија.

Без да се најави реакцијата на руската страна на овој непријателски чекор, истакнуваме дека неговите последици ќе имаат сериозно влијание врз односите меѓу Русија и Македонија, наведува руската Амбасада на својата официјална Фејсбук страница.

Во реакцијата на Амбасадата се додава дека „руските дипломати никогаш не се мешале во внатрешните работи на Македонија и не извршувале дејствија што ја прекршуваат Виенската конвенција за дипломатски односи од 1961 година“.

Убедени сме дека таквата практика е спротивна на стремеж на народите на нашите земји за конструктивна соработка, нема перспектива и води кон конечно деградирање на билатералните односи. Се разбира, руската страна ќе преземе мерки, не нужно симетрични, но чувствителни, како одговор на овој чекор, како и на прогласувањето на петмина дипломати на Амбасадата персона нон грата на 28 март годинава, велат од Амбасадата.

Македонија на 28 март прогласи за персона нон грата петмина руски дипломати, а денеска дополнителни шестмина, поради, како што наведе МНР, извршувале активности што се во спротивност со Виенската конвенција за дипломатски односи.

The post Ќе превземеме мерки, протерувањето сериозно ќе влијание врз односите меѓу Русија и Македонија appeared first on Република.

The post Русија протера 45 вработени во полската амбасада и двајца бугарски дипломати appeared first on Република.

Портпаролката на Министерството за надворешни работи на Русија, Марија Захарова, порача дека Русија ќе одговори на протерувањето руски дипломати од Германија.

Ќе одговориме и на овој злобен чин на германската политичка машинерија - изјави Захарова.

Германската министерка за надворешни работи Аналена Бербок ја објави одлуката за протерување на 40 руски дипломати, вработени во руската амбасада во Берлин, како „персона нон грата“.

https://republika.mk/vesti/svet/germanija-protera-40-ruski-diplomati/

Германија протера „значителен број“ руски дипломати, што шефицата на германската дипломатија го нарече одговор на „неверојатната бруталност“ што Кремљ ја спровел во Украина.

Овој потег на Германија следува по преземените слични чекори на европските партнери во изминатите денови како одговор на руската воена акција во Украина.

The post Захарова: Русија ќе одговори на протерувањето на руските дипломатите од Германија appeared first on Република.