Протеините се еден од најважните нутриенти за телото, потребни за здрав метаболизам, развој на клетките и одржување на силни мускули и коски. Тоа е особено важно за луѓето кои се занимаваат со физички активности со висок интензитет, за деца, адолесценти и бремени жени, бидејќи го поддржува правилниот раст и развој.

Препорачаната дневна доза на протеини за возрасни е околу 60 грама, но количината варира во зависност од полот, возраста, активноста и тежината.

Во една статија објавена во The American Journal of Clinical Nutrition, истражувачите анализирале протеини од растително и животинско потекло. Заклучокот е дека внесот на двата вида протеини е важен за физичкото здравје и когнитивната благосостојба.

Храната која содржи најмногу протеини вклучува:

* Црвено месо: Извор на целосни протеини, но треба да се консумира умерено поради неговото потенцијално влијание врз здравјето на срцето.

* Пилешко: нискокалоричен извор на протеини идеален за градење мускули.

* Риба и морски плодови: Покрај протеините, содржат и здрави омега-3 масни киселини кои придонесуваат за здравјето на срцето.

* Мешунките (особено гравот): Високо со протеини и влакна, тие се одличен избор за вегетаријанците.

* Јаткасти плодови (бадеми, ореви): Богати со протеини, здрави масти и минерали.

* Јајца: Разновиден извор на протеини и важни хранливи материи како холин.

* Млечни производи: Богати со протеини, но со умерен внес на сирење поради високата содржина на масти.

* Цели житарки (овес, киноа): Достапен извор на протеини со додадени влакна за дигестивно здравје.

* Соја и нејзините деривати: Одличен растителен извор на протеини, погоден за вегетаријанци и вегани.

* Овошје и зеленчук: Иако не се богати со протеини, тие придонесуваат за целосна и урамнотежена исхрана.

Внесувањето на протеини од животински и растителни извори е од суштинско значење за телото, но рамнотежата е неопходна.

Прекумерното внесување црвено месо може да биде поврзано со ризици за здравјето на срцето, па затоа се препорачува да се комбинираат различни извори на протеини за оптимално здравје.

The post Ова се најбогатите протеински намирници што треба да ги јадеме appeared first on Република.

Познато е дека намалувањето масти од стомакот е „една од најтешките цели“ во секојдневието. Сепак, има едно „тајно оружје“ во таа битка – протеините.

За разлика од јаглехидратите или мастите, протеинот го поттикнува човековото тело активно да работи на согорување на калориите, намалување на гладот ​​и одржување на брзиот метаболизам. Имено, со додавање повеќе протеини во исхраната, го претвораме своето тело во „машина за согорување маснотии“, пишува порталот „Кликс“. Следат неколку полезни својства на протеините во однос на „тврдоглавите“ масни наслаги.

Го намалуваат гладот и желбата за грицки доцна навечер

Протеините помагаат во стабилизирање на нивото на шеќер во крвта, спречувајќи неочекувана желба за слатки, чипс и други штетни закуски. Со одржување стабилен шеќер во крвта, протеинот управува и со здравата исхрана која спречува дебелеење и масни наслаги.

Протеините нѐ одржуваат сити подолго време

Како прилично заситувачка храна, протеините помагаат за подолго чувство на ситост. Со додавање храна со протеини во секој оброк – помала е веројатноста да посегнете по грицки или да се прејадете подоцна. Оваа природна контрола на апетитот е клучна за одржување на недостигот од калории и делотворно отстранување на салото од стомакот.

Градат мускулна маса на местото на маснотиите

При слабеење, клучно е да се зачува мускулната маса, бидејќи мускулите согоруваат повеќе калории отколку маснотиите. Протеините го поддржуваат одржувањето на мускулите, што го одржува метаболизмот и кога се губат маснотии. Диетата богата со протеини гарантира дека тежината што се губи – се маснотии, пред сѐ, вклучително и „тврдоглавото сало“ кај стомакот.

Храната богата со протеини е богата и со други хранливи материи

Помалку мрсното месо, јајцата, рибата и мешунките се преполни со есенцијални хранливи материи, за разлика од друга храна во секојдневниот избор, што содржи јагленохидрати. Овие намирници обезбедуваат одржлива енергија и го поддржуваат целокупното здравје, давајќи двојна корист – губење маснотии и воопшто подобра исхрана

The post Протеините се „убиец“ на маснотииите и шекерот во вашиот организам appeared first on Република.

Во денешниот свет каде здравата исхрана е клучна за одржување на виталноста и благосостојбата, недостатокот на протеини може да биде сериозен проблем кој влијае на вашето здравје и перформанси. За да бидете сигурни дека внесувате доволно протеини, важно е да ги препознаете и разберете најчестите индикатори за недостаток на оваа витална хранлива материја.

The post Ова се најчестите показатели дека ви фалат протеини appeared first on Република.