Јавен обвинител од Основното јавно обвинителство за гонење на организиран криминал и корупција ја координираше акцијата на Одделот за сузбивање организиран и сериозен криминал при МВР и истражители од Истражниот центар на ОЈО ГОКК, во рамките на која е целосно разоткриено злосторничко здружување во западниот дел од земјата. Во акцијата од слобода се лишени 13 лица, а едно лице е недостапно на органите на прогонот. Претреси се извршени на 17 локации во тетовскиот регион и во Охрид.

Групата одреден временски период се занимава со посредување во вршење проституција и недозволена трговија со дрога, а нелегално стекнатите приходи од овие кривични дела припадниците на групата ги прикривале со перење пари и други приноси од казниво дело.

Организираната група ја создал 35-годишник од селото Боговиње, кој ги организирал и координирал криминалните активности на другите припадници на групата и во угостителски објекти во с.Жеровјане, с.Горно Седларце и во Охрид наведувал на проституција девојки-странски државјанки кои работеле како танчерки во стриптиз-клубови.

Фактичкото работење на два од клубовите го организирал и раководел неговиот брат (второосомничениот), додека третиот осомничен раководел и ја организирал работата на стриптиз-клубот во Охрид. Четвртиот осомничен учествувал во наведувањето на проституција на девојките во угостителските објекти и бил задолжен за организација на нивното патување и влез во нашата земја, како и за олеснување на процедурите за добивање на документи за легален престој за странските државјанки, а давал и насоки за криминалните активности на другите припадници на групата во однос на сместување и превоз на девојките. Петмина припадници на злосторничкото здружување биле задолжени за обезбедување и неовластена продажба на дрога, најчесто кокаин, на девојките и гостите во угостителските објекти. Едниот од нив ги помагал и олеснувал активностите за пренос на дрогата и посебно бил ангажиран за предупредување при полициските контроли и бил задолжен да го следи движењето на полицијата на патот кон клубовите за што ги информирал членовите на групата.

The post Разоткриена организирана криминална група, вршеле проституција и илегална трговија со дрога appeared first on Република.

Речиси 50 отсто од проститутките коишто работата во берлинските бордели во моментов се Украинки, пишува весникот „Велт“.

Овие жени тврдат дека ова за нив тоа е привремена работа и дека за неколку месеци ќе прекинат да се занимаваат со проституција, а потоа ќе се вратат во Украина.

The post Скоро половина од проститутките што работат во берлинските бордели се девојки од Украина appeared first on Република.

Жена, која била обвинета за организирање проституција доби функција во украинското Министерство за одбрана.

Како што пишуваат украинските медиуми, станува збор за Наталија Куровскаја, која е назначена на функцијата заменик-раководител на секторот за политики за набавки. Како што реагираат медиумите, во 2022 година, таа била обвинета за трговија со луѓе и сексуална експлоатација, што, очигледно, не било пречлки за Куровскаја да добие солидна позиција во државната служба.

Заедно со нејзиниот поранешен сопруг, Куровскаја организирала мрежа за давање сексуални услуги, која работела во Украина, Русија, Казахстан, Белорусија и Европа. Таа беше судена затоа што се обидела да регрутира проститутки за понатамошна продажба на макроа во Мароко.

Украинските медиуми објавуваат дека нејзиниот татко, офицер на Одделот во Черкаси на Воената служба за спроведување на законот, и помогнал да добие функција во Министерството за одбрана.

The post Жена судена за трговија со луѓе доби висока функција во украинското министерство за одбрана appeared first on Република.

На доживотна затворска казна и 27 години затвор е осуден првоосомничениот во случајот од октомври 2022 година, за сексуална злоупотреба и принудување на проституција на 12-годишно девојче од атинска населба, јави дописничката на МИА од Атина.

Мешовитиот поротен суд во Атина ги соопшти пресудите и казните за сите обвинети, кои во петокот беа прогласени за виновни, а затворска казна добија првоосомничениот, 55-годишниот Илиас Михос и уште едно лице, додека, пак, останатите 17 обвинети кои имале улога на „клиенти“ и беа прогласени за виновни за платен сексуален однос, добија условни казни.

Во случајот, осомничена беше и мајката на девојчето за која судот во петокот едногласно пресуди дека е невина за порнографија и за принудување лице на проституција, а е обвинета само за изнуда и се очекува утре да излезе од притвор.

Со измените во Кривичниот законик во Грција, за кривично дело сексуална злоупотреба на малолетно лице, можно е изрекување и на доживотна затворска казна, како што беше случај со првообвинетиот Михос, додека пак останатите затворски казни се однесуваат на другите дела меѓу кои: злоупотреба на малолетно лице што нема наполнето 14 години; детска порнографија (поседувал и дистрибуирал материјал); принудување лице на проституција и за недозволено поседување оужје.

Според грчките медиуми, иако станува збор за доживотна затворска казна, сепак во затвор ќе биде 20 години.

Конкретниот случај, откако беше откриен во Грција предизвика шок кај јавност, а како што тогаш објави МИА, сега веќе осудениот Михос го знаел и семејството и девојчето, бидејќи се од иста населба, ја знаел нивната финансиска состојба, нивниот статус и токму тоа го злоупотребил.

Според дел од информациите во грчките медиуми, девојчето наводно повремено помагало во маркетот и добивало џепарлак, со оглед на тоа што потекнува од сиромашно семејство со осум деца и со татко корисник на дрога.

Во периодот од април до август 2022 година, Михос континуирано, со употреба на сила, сексуално го злоупотребувал девојчето и ја терал да му испраќа провокативни фотографии, кои ги објавувал преку различни профили на различни педофилски платформи и сајтови на интернет и во улога на макро барал „клиенти“ за тогаш 12-годишната девојка.

Според она што во октомври 2022 година беше објавено во Грција, целиот случај бил откриен откако девојчето заедно со нејзиниот брат биле на Лефкада, на одмор кај нивната тетка.

Тетката забележала дека девојчето е постојано со нејзиниот мобилен телефон и разменувала пораки, меѓутоа не добила одговор со кој разговара. Успеала да го земен мобилниот, да ги прочита вулгарните и несоодветни пораки што Михос ѝ ги испраќал на 12-годишната, по што веднаш реагирала.

Пораките ги испратила до мајката на девојчето и побарала од неа веднаш да оди во полиција и да го пријави, во спротивно, тоа ќе го стори лично таа. Иако првично мајката се двоумела, сепак го пријавила, тогаш 53-годишниот, по што полицијата почнала акција.

Од мобилните телефони, како на обвинетиот, така и на девојчето, беа откриени низа контакти на педофили кои биле во комуникација со 12-годишната, со што започнаа и апсењата, а во притвор беа над 20 лица.

The post Принудувал на проституција малолетно девојче: Доживотна затворска казна за главниот осомничен за сексуална злоупотреба во Грција appeared first on Република.

Долги години се шпекулира дека меѓу членовите на естрадата има многу девојки кои ја практикуваат најстарата професија.

Позната српска тв водителка работи како „пријателка на ноќта“ со утврден ценовник Така, 4 часа поминати со неа чинат и до 1.000 евра, додека таа наплаќа и до 2.500 евра за некои фетиши.

Водителката сè уште не е мажена, а во јавноста сака да презентира живот без проблеми и дека е чист хедонист и сака да се задоволува себеси,  и поради што нема време да им се посвети на мажите.

The post Koлку е ценовникот на оваа позната тв водителка appeared first on Република.

Полициски службеници во неделата околу 21.30 часот ја затекнале 34-годишната Е.А. од Битола како нуди сексуални услуги на Градското шеталиште.

Е.А. била затекната како нуди сексуални услуги на шеталиштето во период кога имало голем број шетачи, информира МВР.

Против 34-годишната битолчанка е поднесена соодветна пријава.

The post Битолчанка приведена откако нудела сексуални услуги на Широк сокак appeared first on Република.

Шест члена на организирана криминална група се уапсени поради постоење основно сомнение дека сториле кривични дела Здружување заради извршување кривични дела и посредување во проституција, соопшти српската полиција.

Уапсени се Ј.Д.(1973), Д.К. (1959), А. С. (1982), Ж. Ш. (1983), B. Г. (1993) и Д. M. (1989).

Српската полиција се спомнева дека од септември 2022 до мај 2023 година врбувале жени да се занимаваат со проституција, а потоа изнајмувале станови на територијата на Белград каде што жените биле со клиенти, објавија српските медиуми.

Приведените се обвинети и за организирано рекламирање проституција преку социјалните мрежи, подведувајќи повеќе од 10 девојки на кои им организирале превоз до клиентите. Медиумите објавуваат дека полицијата се сомнева дека членовите на организираната група ги поделиле парите добиени од проституција.

При претрес на становите и другите простории што осомничените ги користеле, биле пронајдени 203.000 динари, 3.200 евра, 39 мобилни телефони, 3 лаптопи, кои веројатно биле користени за евиденција на девојките кои даваат сексуални услуги, евиденција за заработените пари, за времетраењето на давање на сексуални услуги.

На осомничените им е одредена мерка притвор до 48 часа и со кривична пријава ќе бидат изведени во надлежното обвинителство.

The post Врбувале девојки за проституција во Белград – уапсена шестчлена криминална група appeared first on Република.

Свесно почнав да се занимавам со проституција, но сега кога сакав да излезам од неа, многу моќни луѓе ме притискаа и не ми дозволуваат да излезам од тој пекол“, изјави  28-годишната девојка од Србија за весникот „ Ало“. Нејзиното уметничко име е Барби.

Ме пратија кај луѓе од светот на криминалот, спортот, поп музиката, кои буквално ме исмеваа. Меѓу нив беше и познат фудбалер кој сега игра во странство, како и еден од нашите легендарни фудбалери во подоцнежните години. Морав да го правам тоа што ми го кажаа и да исполнам разни болни желби-се пожали Барби.

The post Српска проститутка се пожали: Ме изнајмуваа на фудбалери appeared first on Република.

Хрватската полиција истражува случај на елитна проституција во Копривница, која наводно се организирала во популарно градско кафуле.

Како што неофицијално дознава порталот „Даница.хр“ од извор близок до истрагата, се сомнева дека келнерките на кафулињата во Копривница се вклучени во давање сексуални услуги. Станува збор за ескорт проституција, тврди соговорникот на Даница, а тоа го поткрепуваат и фотографии од атрактивни келнерки од социјалните мрежи.

Полицијата наводно веќе испрашала некои девојки кои се осомничени дека давале сексуални услуги за пари. Барем една од нив признала се, додава добро упатен во целата приказна.

„Даница.хр“ пишува дека десетици мажи од Копривница и околните градови во последните месеци ги користеле услугите на елитните проститутки во кафулињата.

Меѓу нив има познати менаџери, претприемачи, спортисти, богати граѓани на влијателни позиции“, открива еден од соговорниците, кој поради околностите е запознаен со целата афера.

Се се случувало во изминатите месеци, а кулминирало откако полицијата се посомневала дека нешто чудно се случува ноќе во едно популарно кафуле. Гласините велат дека тајниот полициски истражител тогаш наводно дејствувал како „клиент“ и успеал да ги потврди сомнежите за проституција.

Инаку, проституцијата е прекршок за кој се казнува парична казна од 20 до 100 евра или затвор од 30 дена.

Новинари на „Слободна Далмација“ испратиле е-пошта со прашња до полицијата во Копривница во врска со случајот, но оттаму не сакале да ја потврдат или демантираат информацијата дека вршеле претреси и криминални истраги поради сомнение за проституција во градот.

По вашето барање, со оглед на важечките законски ограничувања засновани на Законот за кривична постапка, не можеме да одговориме на наводите во вашето барање“, одговориле кратко.

The post Елитна проституција цветала во популарно кафуле во Хрватска appeared first on Република.

Мајката која ја принудувала малолетната 14-годишна ќерка на сексуални услуги доби 15 години затвор, а екс полицаец кој учествувал во чинот заработи казна од 18 години затвор.

Ваква е одлуката на скопскиот Апелациски суд.

Мајката призна дека ја запознала ќерката со полицаецот и ја носела во неговата куќа, каде што тој вршел полови дејствија врз девојчето, а за возврат мајката добивала 2.000 денари.

Вината ја призна и екс полицаецот.

Судот констатираше дека поради сериозноста на кривичното дело максималната казна е 20 години, но поради признанието, казната е 18 години затвор.

The post Мајка ја принудувала малолетната ќерка на секс со екс полицаец: За мајката 15, за полицаецот 18 години затвор appeared first on Република.

„Елитната проституција цвета на јавната сцена во Србија. Како што дознава „Курир.рс“ позната пејачка и водителка се простититуираат на Карибите.Тие на Карибите отпатувале поради „работа“ и  уживаат за сите пари.

Таму ги пречекал макро чија професија во јавноста е менаџер.

. Пејачката со години се занимава со овој бизнис и најмногу работи во странство. Србија не ја интересира бидејќи тука ја гради кариерата на поп ѕвезда. Најголемите пари што ги заработуваат се од проституција. На Карибите никој не ги знае, никој не ги контролира-дознава весникот.

The post Позната пејачка и водителка се проституираат на Карибите! appeared first on Република.

На 16.01.2023 во полициска станица е извршен службен разговор со 17-годишник, постапувајќи по пријава на 46-годишна скопјанка, според која нејзината 17-годишна ќерка, која живеела во вонбрачна заедница со 17-годишникот, со закани од него била подведувана и присилувана на проституција.

За настанот е известен Јавен обвинител и се преземаат мерки за расчистување на случајот.

The post Малолетник присилувал малолетничка на проституција appeared first on Република.

Во Вишиот суд во Ниш почна судењето на Александр М.(47) од Ниш, кој е обвинет за учество во киднапирање на три жени , а кои  ги принудил на проституција во Париз и Тулуз, Франција.

Тој денеска изјави дека не се согласува со обвинението и дека не се чувствува виновен.

- Ќе се бранам со молчење додека сите документи добиени од Франција не бидат целосно преведени од француски на српски. Тогаш ќе можам да ја изнесам мојата одбрана. Во 2008 година бев повикана во Специјалниот суд во Белград за да ме известат дека против мене се води судски процес во Франција и дека ќе бидам повикан ако треба. Од тогаш до пред седум месеци никој не ме контактираше. Јас сум семеен човек, имам две деца и веќе дваесет години живеам во Ниш на иста адреса. Затоа, немам намера никаде да бегам, затоа барам мерката притвор да се замени со електронска - изјави денеска Александра М во Вишиот суд во Ниш.

Александар  е обвинет дека бил соучесник во три киднапирања.

Тој се товари дека за 5.000 евра ја „купил“ жената Олга Сергиенко со осудениот Бојан Н. и сега починатиот Зоран Р. и дека ја држеле три месеци и ја наговорил на проституција. Зоран Р. по наредба на обвинетиот и отсекол дел од малиот прст, а потоа од Париз ја однеле во Тулуз, каде за нивна сметка се проституирала. Девојката била врзана гола за кревет каде ја мачеле за да признае што таа и друга жена, Весна Р., кажале за време на нивниот престој во полиција за проституцијата. Ја удирале со лопата по главата, а под ноктите и биле забиени клинци. По измачување починала Весна Р., бидејќи била удирана во главата- рече заменик обвинителот во судот.

The post Три Србинки биле држени како робинки во Франција: Им забивале шајки под нокти, ги мачеле, тепале и на крај со лопата ја усмртиле appeared first on Република.

Полицајката (27) која се снимаше како орално задоволува колега во тоалетот и  нејзина пријателка, со која заедно се сликаа во секс пози, се уапсени и против нив е поднесена прекршочна пријава за проституција, соопшти српската полиција. Покрај пријавата, сообраќајната полицајка  ќе добие и отказ од МВР на Србија.

Ова е епилогот на аферата која изби на крајот на август, кога на социјалните мрежи се појавија шокантни порно-снимки од српска полицајка. На една од нив се гледа како црномуреста девојка во униформа на кадет од Центарот за основна полициска обука (ЦОПО) во Сремска Каменица орално задоволува колега во тоалетот.

Друго видео ја покажува истата девојка како симулира орален секс со банана во соблекувалната на ЦОПО..

Исто така, пред два месеци на интернет се појавија слики и видеа каде таа позира во секс пози со русокоса пријателка, двете облечени во садо-мазо облека.

Наводно, најголемиот дел од спорните порно снимки и фотографии биле направени пред неколку години, додека полицајката била на обука во Сремска Каменица, по што се вработила во МВР. Според неофицијални информации на српските медиуми, таа е од југот на Србија, а по завршувањето на обуката работела во сообраќајната патрола на автопат.

Кога видеата излегоа во јавноста, започна истрага, па прво била уапсена познаничката на споменатата полицајка, која признала дека се занимава со проституција, па дури и признала за кого работи.

Така било откриено дека и полицајката влегла во светот на проституцијата, а била уапсена во петокот на своето работно место.

Како што утврди истрагата, осомничената полицајка примала клиенти главно во елитни белградски хотели. Против неа ќе биде поднесена прекршочна пријава бидејќи не е макро, туку се занимава со проституција. Дополнително, таа ќе одговара и за нарушување на угледот на МВР и други дела, вели добро упатен извор на Информер.

The post Полицајката што се снимаше додека орално го задоволуваше колегата уапсена за проституција appeared first on Република.

Во текот на изминатата вечер (08.09.2022) во периодот од 01.20 до 05.00 часот полициски службеници од Бирото за јавна безбедност Оддел за криминалистичка полиција од Скопје, Одделот за специјални полициски операции, како и полициски службеници од Струга и инспектори од Одделот за странци во координација со Државниот пазарен инспекторат, Управата за јавни приходи и Државниот инспекторат за труд спроведоа акциска контрола во угостителски објекти во Струга.

При контролата затекнати се две малолетни лица, едно лице е приведено под дејство на алкохол кај кого во патничкото моторно возило пронајден е остар предмет и метален предмет - боксирач за што ќе следува и соодветна пријава. Утврдено е непочитување на законот за забрана за пушење во затворени простории, како и неиздавање фискални сметки. Притоа затекнати се странски државјани без соодветна документација за регулиран престој, а шест странски државјанки без работна дозвола кај кои по извршен претрес биле пронајдени поголема сума на пари.  

The post Многу пари и непријавени девојки од странство пронајдени во струшки ноќен клуб appeared first on Република.

По неколкумесечна истрага поради сомневање дека се вмешани во подведување девојки, српската полиција уапсила пет макроа во Белград. Тие се обвинети дека ангажирале најмалку седум девојки, меѓу кои и една позната старлета, како и водителка од локална телевизија, дознава „Ало.рс“.

Р.М.(43), С.Т.Ј.(43), С.Д.(33), Г.С.(59) и Ѓ. А.(25) се обвинети дека од јануари до средината на јуни издавале станови на територијата на градот, во кои, наводно, со проституција се занимавале девојките кои претходно тие ги регрутирале. Тие организирале рекламирање за проституција преку интернет сајтови, а потоа однеле најмалку седум девојки на адресите каде што се среќавале со клиентите. Парите стекнати на тој начин осомничените ги делеле во зависност од задачите. Еден час сексуални услуги со девојки чинел од 150 до 200 евра.

Како што пишува весникот, дека се работи за добро организирана екипа говори и фактот што апсењето се случило дури по неколкумесечна предистражна постапка.

Осомничените ги рекламирале девојките на интернет порталот „cityoflove“, наменет за промоција на давање сексуални услуги, со објавување и ажурирање огласи со фотографии и огласени телефонски броеви на ангажираните девојки. Инаку, на тој сајт има околу 673 девојки кои се огласуваат дека работат во Белград, но повеќето имаат странски броеви - објаснува за „Ало“ извор близок до истрагата.

Според изворот, следејќи ја оваа група, истражителите откриле дека осомничените ги возеле девојките на состаноци со муштерии, чекале да завршат, а потоа со клиентите проверувале колку се задоволни од услугата.

Освен што посредувале во проституција, приведените имале обврска да им изнајмат стан на девојките, да ги возат низ градот и да ја проверуваат секоја соба во која давале сексуални услуги.

Понатамошното набљудување го открило комплетниот начин на работа и било утврдено дека девојките доброволно влегле во бизнисот со проституција. Обврската на осомничените макроа била да им изнајмат стан на овие девојки, да гарантираат сигурност со тоа што претходно ќе ја проверат просторијата во која давала услуги и ќе ги договорат деталите со клиентот. Заработените пари се делеле во износ од 60 до 40 отсто во корист на девојките - вели изворот.

Апсењето е изведено откако полицијата собрала доволно докази против групата. Макроата ќе одговараат кривично, а девојките прекршочно.

The post Старлета и водителка во Белград земале по 200 евра за еден час секс: Разбиена група за проституција appeared first on Република.

На Јелена Јојиќ(35), белградската мадам која е уапсена поради сомнеж дека посредувала меѓу клиенти и проститутки и за тоа земала 40 проценти заработка, полицијата и ги одзела двата мобилни телефони преку кои ја водела работата. Меѓу девојките кои работеле за неа, а меѓу нив имало познати пејачки, старлети веќе апсени за проституција, но и една мисица, завладеала вистинска паника.

Според информациите, клиенти на Јојиќ и биле бројни познати поранешни и сегашни фудбалери, бизнисмени, политичари, но и поранешно момче на една пејачка. Наводно тие биле толку задоволни од нејзините услуги и дискреција, што ја честеле и со по неколку илјади евра, задоволни од девојките кои им ги праќала.

Цената на услугата за час, кои го наплатувала како обичен и орален секс била од 1.000 до 1.500 евра, а за ноќ клиентите плаќале и по 5.000 евра со девојка. Цените биле далеку повисоки за клиентите кои еден час или ноќта сакале да ја поминат со неколку девојки. После завршената работа проститутките сами ги земале парите од клиентите и на Јелена и давале 40 отсто, пишува српски Курир.

The post Од 1.000 до 1.500 евра за час, а 5.000 евра за ноќ: Ова е белградската мадам која подведувала проститутки appeared first on Република.

Одделот за сузбивање на организиран и сериозен криминал, Сектор за криминалистички истраги – националната единица за сузбивање на криумчарење мигранти и трговија со луѓе до Основното јавно обвинителство за гонење на организиран криминал и корупција вчера поднесе кривична пријава против Н.Р.(52) селото Леуново во Општина Маврово и Ростуше, со престој во Добри Дол, гостиварско, за сторено кривично дело „трговија со луѓе“.

Како што соопштија од МВР, пријавениот, во периодот од средината на март минатата година, па сè до 20 март оваа година во угостителски објект на подрачје на Гостивар со кој управувал, подолг временски период со употреба на сила и закана, како и со злоупотреба на својата положба, подведувал на вршење проституција повеќе женски лица, наши и државјанки на Русија, Украина, Србија, за одреден паричен надоместок.

Тие биле и трудово експлоатирани, со што стекнал за себе противправна материјална корист. Експлоатацијата по пат на проституција се вршела во самиот угостителски објект на подрачјето на Гостивар, како и на други локации и објекти во Гостивар и Тетово.

Исто така, од страна на Одделот за сузбивање на организиран и сериозен криминал, Сектор за криминалистички истраги, Национална единица за сузбивање на криумчарење мигранти и трговија со луѓе, врз основа на судска наредба издадена од Основен кривичен суд Скопје, извршени се претреси на угостителскиот објект и претрес во деловни простории кои ги користи угостителскиот објект на подрачје на Гостивар во село Добри Дол.

На 20 и 21 март оваа година, при претрес, во содејство со Одделот за специјални и посебни операции, Регионален центар за гранични работи Север и СВР Тетово беше затекнато пријавеното лице, три странски државјанки од Србија и една наша државјанка, како и шест лица гости во објектот. Н.Р. е лишен од слобода и изведен пред Судија на претходна постапка, при што му е одредена мерка притвор во траење од 30 дена, се наведува во соопштението на МВР.

The post Фатен макро од Леуново, цела година со закани терал девојки на проституција appeared first on Република.