Во Република Турција денеска со бројни манифестации, програми и активности се одбележува 29 Октомври, Денот на Републиката и 100 години од прогласувањето на Република Турција.

Како што јави Анадолија, Денот на Републиката се одбележува низ целата земја, од Истанбул, Анкара, Измир, Трабзон до Газиантеп и Кахраманмараш.

Делегација предводена од претседателот на Турција, Реџеп Таип Ердоган денеска по повод 29 Октомври го посети Аниткабир, мавзолејот на основачот на модерна Република Турција, Мустафа Кемал Ататурк.

По тој повод беше интонирана националната химна и положено цвеќе. Турскиот претседател потоа остави порака во Книгата на впечатоци.

- Се обидовме правилно да ја заштитиме вашата доверба за време на нашето 21-годишно владеење, чијшто секој момент го поминавме служејќи на нашата земја и нација. Нашата република е побезбедна од кога било досега, во сигурни и компетентни раце, напиша Ердоган.

Националниот празник, Денот на Републиката во Турција се одбележува на 29 октомври во знак на сеќавање на прогласувањето на Република Турција во 1923 година. Републиката ја прогласи војсководецот Мустафа Кемал Ататурк, кој потоа беше избран од Големото народно собрание на земјата за прв претседател на современа Турција.

Еден од најголемите национални празници се обележува со низа пригодни манифестации низ целата земја, вклучително и положување венци во Аниткабир, мавзолејот на Ататурк.

The post Турција слави 100 години од основањето на Републиката appeared first on Република.

Во пресрет на големиот христијански празник Успение на Пресвета Богородица, меѓу народот познат како Голема Богородица, се одржува традиционална прослава во славното мијачко село Гари.

Жителите на селото, но и голем број луѓе кои потекнуваат од тука, се собираат во ова живописно населено место и со музика, зурли и тапани се движат низ сокаците кон главната селска црква посветена токму на празникот - Успение на пресвета Богородица“.

Истовремено, девојките ги облекуваат своите најубави традиционални носии и се приклучуваат на поворката кон главната селска црква.

Станува збор за православен храм изграден во 19 век. Црквата претставува правоаголна базилика, а се одликува со особено богат фрескоживопис, кој бил насликан од Дичо Зограф и неговата тајфа, богатиот иконостас изработен од гарците Марко, Јован и Петре Филиповски, како и иконите изработени од гарци.

Оваа црква, како и во останатите мијачки села е оградена со бедем.

Денот на Голема Богородица, црквата го одбележува како сеќавање на смртта на Богородица, и според евангелиската традиција, денот кога таа вискреснала на небото и го предала својот дух во рацете на Спасителот. Со оглед на тоа што Голема Богородица и претходи двонеделен пост, утре, верниците, особено жените, се причестуваат.

Во Македонија, се верува дека Богородица е заштитник на сите живи суштества, особено на родилките и мајките. Затоа, на овој ден, дамите не треба да прават ништо, туку да го посветат денот на почитувањето на Богородица. За празникот Успение на Пресвета Богородица не е добро било што да се прави со рацете, или да се започне нов бизнис. До ден-денес треба да се завршат сите летни работи на терен, и дури од Мала Богородица треба да почне со нови, есенски работи.

Иконата на Пресвета Богородица треба да биде во домот на секој христијанин. Во некои делови на Македонија сè уште се верува дека бојата на оваа икона, ако се меша со вода на овој ден, може да излечи многу женски болести. Исто така се верува дека билки и трева собрани на Голема Богородица имаат исклучително лековити својства. Се берат боровинки и лековити билки а се верува дека ќе донесат здравје и благосостојба на сите во домот.

Што се случило со Богородица после воскресението на Исус?

Преданието вели дека Богородица живеела 60. години, според некои извори 72., дека таа го надживеала својот син и како сведок на многу славни настани, ја продолжила неговата мисија. Библијата не дава сознанија за крајот на земниот живот на Богородица.
Според традицијата и списите, кои немаат световен карактер, се смета дека мајката Божја до крајот на својот живот, после смртта и воскресението Христово, живеела во Ерусалим, опкружена со вниманието на апостолите и првата христијанска заедница.

The post Гари ечеше од зурли и тапани – Гарци го одбележаа доаѓањето на Голема Богородица appeared first on Република.

Прославата на Илинден на владата… Детски риденден има повеќе гости, само кловновите се тука.

The post Прославата на власта од друг агол appeared first on Република.

Во касарната „Илинден“ се одржува централна свеченост по повод третата годишнина од членството на Македонија во НАТО.

Најавени се обраќања на премиерот Димитар Ковачевски, министерката за одбрана Славјанка Петровска и началникот на Генералштабот на Армијата генерал-потполковник Васко Ѓурчиновски.

Дел од свеченоста ќе бидат неколку показни вежби и активности на Армијата, вклучувајќи прелет на сојузнички воздухоплови во рамки на мисијата „Air Policing“.

https://www.youtube.com/watch?v=qF_ohUECYkg

The post Централна свеченост по повод третата годишнина од членството во НАТО appeared first on Република.

Со целогодишната програма по повод јубилејот 50 години МКЦ, Младинскиот културен центар денес на пладне ги отвора своите врати за сите посетители, токму онака како што биле отворени далечната 1972 година на 28 декември.

Целодневната програма која буквално ќе исполни секое ќоше на МКЦ, започнува во 12 часот со програма за најмладите, односно отворени предавања во Планетариумот. Во текот на попладневните часови, ќе се одржат работилници за танц за деца, новогодишна работилница за деца со образовни потреби, “Арт и Крафт” работилница со уметниците Драган Драш Китановски и Марјан Димиќ, како и настап на инклузивниот хор Ветерница и здружението Трисомија 21, по што следува и театарска престава за деца “ЏИНче” од театарот Сенки и Облаци.

Програмата потем продолжува со промоција на книгата “Неправилен ритам” од музичкиот критичар и новинар Љупчо Јолевски во кино Фросина од 18.30 часот. Во киното Фросина, со почеток од 15 часот па се до раните утрински часови, ќе се одвиваат проекции на филмови од програмата “Фестивали на гости” која вклучува филмски проекции на фестивалите кои долги години веќе традиционално се одржуваат во Младинскиот културен центар: Џифони, ЕХО Фестивалот на планински филм, Скопскиот филсмки фестивал, Македокс, Киненова, Филозофскиот филмски фестивал и новооформениот Флипбук фестивалот на анимиран филм.

Во 19 часот е закажан перформансот на уметникот Мирослав Масин, кој специјално за јубилејот 50 години МКЦ наслика дело со наслов “Птици”, кое ќе ќе биде трајно изложено во просториите на институцијата. Во рамките на ликовната програма, планирани се ретроспективни изложби на плакати на МКЦ како и дела на уметници кои изложувале во Галеријата, како и ликовен перформанс на младите автори Бранкица Јордановска, Ертунч Сали, Сања Симоска, Филис Синаноска, Воскресија Андреевска и Амир Карахасан со наслов “Го цртаме МКЦ”.

Главниот протоколарен дел е закажан во 20 часот, со настап на двата ансамбли на МКЦ, Градскиот дувачки оркестар и Женскиот младински хор, кој оваа година слави јубилеј 50 години, како и својата матична институција. По тоа, следат долгоочекуваните настапи на музичките групи Бадмингтонс, Санаториум, Чиста Околина, Дина Јашари, Суперхикс и 21 век.
Во новооформениот простор Клуб МКЦ, со почеток од 22, ќе пуштаат музика 20 најтесно селектирани диџеи, кои имаат за цел да ја анимираат публиката до раните утрински часови.
Да не ги заборавиме и двата одлични настани за прослава на литературната програма во МКЦ: Битката на недоискажаните односно фристајл битка на Поетите вс. Раперите, како и поетскиот перформанс “Поетска епизода 3”.

Со оглед на габаритноста на театарот како уметничка форма и исполнетоста на просторот, театарската програма ќе се одвива во рамките на проекции на театарски претстави со наслов “Што сме можеле да имаме на МОТ, а што никогаш нема да имаме” – со проекции на генијални, современи театарски продукции кои можеби еден ден ќе бидат дел од репертарот на фестивалот. Овие проекции ќе започнат во 17 часот и ќе се одвиваат во Џебното кино на МКЦ.

Покрај споменатите програми во рамките на дејностите на МКЦ, ќе се одржат и неколку презентации и работилници, односно работилница за мајсторијата на скречувањето со диџеј Гоце и Чваре, предавање на Архитектонски факултет со наслов “Невидливо Скопје” и презентација на филмскиот клуб “Ед Вуд” кој долги години функционирал во рамките на МКЦ, со проекција на филм на Гоце Цветановски.

Навистина беше тешко да се создаде програма во која треба да биде собрана толкава историја на настани, случувања, иницијативи, програми и активности кои се случиле во овие ѕидови во 50 години постоење. Решивме да се фокусираме на дејностите на МКЦ и фестивалите во наша организација и за нив да успееме и најдеме најсоодветна форма како да ги претставиме. Дел од нив со постоечки активности и настани, дел од нив со нешто поразлично и филувано во МКЦ дух.

Нашата желба за уште поуспешни наредни 50 години, мора да биде стратешки поддржана од институциите, најпрвин од нашите најнадлежни – Градот Скопје, па потем и Министерството за култура. Бидејќи во нас, мора да согледаат рамноправен партнер, затоа што, и можеби нескромно но – без МКЦ, нема фундаментална култура, велат од МКЦ.

Влезот на сите настани е бесплатен и отворен за сите посетители.

The post На пладне почнува прославата за 50 години МКЦ appeared first on Република.

The post „Балкан останува Балкан“: Дете со Даунов синдром отстрането од божиќната претстава, го оставија да седи во ходник appeared first on Република.

Неколку часа по прославата на светската титула, улиците на Буенос Аирес се како да паднала атомска бомба во главниот град на Аргентина!

Прославата, проследена со огромна еуфорија на навивачите, се претвори во масовен хаос, по што аргентинските фудбалери мораа да бидат евакуирани со хеликоптер.

https://twitter.com/SportsCenter/status/1604661600987889667?ref_src=twsrc%5Etfw%7Ctwcamp%5Etweetembed%7Ctwterm%5E1604661600987889667%7Ctwgr%5E0f4be704e48f4b39f7495eba79dc0cf7ddea9c50%7Ctwcon%5Es1_&ref_url=https%3A%2F%2Fwww.kurir.rs%2Fsport%2Ffudbal%2F4074190%2Fbuenos-ajres-dan-posle-proslave-potpuno-unisten

Евакуацијата на фудбалерите значеше и крај на парадата по улиците на главниот град на оваа јужноамериканска земја, но и почеток на конфликт на навивачите со полицијата.

Поради масовноста на луѓе на улиците, припадниците на полицијата мораа да употребат и шок бомби и солзавец за да ја растераат разбеснетата толпа.

По полициката интервенција и немирите, градот остана речиси целосно уништен.

https://twitter.com/sebadelfuturo/status/1605332296277819392?ref_src=twsrc%5Etfw%7Ctwcamp%5Etweetembed%7Ctwterm%5E1605332296277819392%7Ctwgr%5E7c503334ab0bd5b07552b9dfb5489554ac718929%7Ctwcon%5Es1_&ref_url=https%3A%2F%2Fwww.kurir.rs%2Fsport%2Ffudbal%2F4074190%2Fbuenos-ajres-dan-posle-proslave-potpuno-unisten

The post Во Буенос Аирес како да падна бомба: Фудбалерите евакуирани со хеликоптер, полицијата се судри со толпата, градот е речиси уништен appeared first on Република.

Откако хрватската репрезентација го совлада Мароко со 2:1, со што го освои третото место на Светското првенство во Катар, илјадници навивачи излегоа на улиците на Загреб да ја прослават оваа победа.

Тие се движат по улиците и плоштадите во градот со запалени факели и развиорени знамиња, додека на повеќе локации во главниот град на Хрватска светкаат огномети.

Слична слика е забележана во сите градови во државата.

Хрватите по втор пат во својата историја го освоија бронзениот медал на фудбалските Мундијали. Претходно тоа се случи на Светското првенство во Франција во 1998 година. Нивниот најдобар резултат останува второто место на Светското првенство во Русија 2018 година.

The post Загреб во пламен: Илјадници навивачи излегоа на улиците да ја прослават бронзата на Мундијалот appeared first on Република.

По повод одбележувањето на 8 Септември - Денот на независноста под слоганот „Обединети во слободата“, претседателот на Владата на Република Македонија, Димитар Ковачевски вечерва се обрати на централната свечена прослава која со богата музичка програма се одржа кај паркот „Ибни Пајко“ во Скопје.

Во продолжение, ви го пренесуваме текстот од обраќањето на премиерот Ковачевски:

Добровечер граѓанки и граѓани на слободна и независна Република Македонија - признаена од целиот свет, достоинствена членка на НАТО и идна членка на Европската Унија,

Добровечер Македонци, Албанци, Турци, Власи, Срби, Роми, Бошњаци, од другите етнички заедници, вградени во мирољубивиот, мултиетнички, европски и прогресивен концепт на едно, заедничко, општество на сите.

Честит 8-ми септември - Денот на независноста!

Почитувани претставници на Армијата, на полицијата, од економскиот сектор, од другите институции, на коишто е поставен државниот систем, што го градиме 31-на година досега, низ успеси и предизвици,

Почитувани претставници на меѓународната заедница, пријатели - сопатници во демократскиот развој на нашата држава,

Почитувани претставници на медиумите и од граѓанскиот сектор – глас на независната, слободна мисла, без кои не ќе беа можни демократијата и напредокот,

Почитувани присутни од сите сфери на општествено-политичкиот живот,

Благодарам што сте тука вечерва, заедно да го заокружиме прославувањето на Денот на независноста на Република Македонија, со цврста определба дека Обединети во слободата ги продолжуваме перспективите!

Перспективите на Република Македонија, кога, на историскиот референдум на 8-ми септември, 1991-та година, граѓаните, во огромно мнозинство, сплотени, независно од етничките, политичките или други различности, одлучија да живеат во самостојна и независна држава. А, нешто потоа, ги поставија и патоказите за развојот – членството во НАТО и Европската Унија.

„Гласот за суверена и самостојна македонска држава е глас за Македонија, заеднички дом на Македонците, Албанците, Турците, Власите, Србите, Ромите и претставниците на другите народи што живеат во неа, заеднички дом израснат врз вековното искуство на национална и верска толеранција и почитување, но и за достигнување квалитет на највисоки стандарди во меѓунационалните односи, така како што извира од духот на Крушевскиот манифест“, уверуваше првиот претседател на нашата држава, Киро Глигоров, во пресрет на референдумското изјаснување.

Случувањата потоа ја покажуваат исправноста на одлуката да се продолжи да се чекори по стапките на илинденците и асномците, кои „обединети во борбата“ ги поставиле темелите на слободата и државноста.

Граѓаните во тие 90-ти години покажале свесност дека обединувањето во минатото, ја донело слободата. Но знаеле и дека не смее назад од веќе постигнатото - во името на иднината. И затоа погледот го насочиле напред - кон остварувањето на новата прогресивна цел пред нив - независноста, со определбата, обединети да ја сочуваат и веќе извојуваната слобода.

Со мудрото политичко лидерство во тоа време, кога се случува мирната транзиција на тогашна Социјалистичка Република Македонија, во тогашна независна Република Македонија, сочуван е по мирен пат унитарниот карактер на нашата држава, нешто што во другите земји во регионот, за жал, не беше случај. А со обединувањето на граѓаните околу новопоставената перспектива - независноста, зачекорено е храбро по трасираниот пат на прогресот, што и денес го одиме.

Две суштински нешта сметав дека е потребно да нагласам, поради што се навратив на контекстот и на начинот на којшто е постигната независноста на денешна Република Македонија:

• важноста да се има мудро, храбро и прогресивно лидерство, кое што во клучен момент може да препознае што е исправно и да води напред и

• важноста на заедништвото, во заложбите за постигнувањето напредок.

Искуствата покажуваат дека:

• мораше да се обединиме за независноста на Македонија во 1991-та година;

• мораше да се обединиме и кога одлучивме да надвладее разумот и да спречиме проширување на конфликтот во 2001-та година;

• мораше да се обединиме кога ја обновиме демократијата во 2017-та година;

• мораше да се обединиме кога донесовме тешки државнички одлуки, со коишто Република Македонија, од меѓународно изолирана држава, ја развивме во почитуван и доверлив партнер, членка на НАТО, во 2020-та година, и денес, мора да се обединиме за да се реализира нашата втора стратешка цел – полноправното членство во Европската Унија.

Конечно е тоа можно, по 17 години од добиениот кандидатски статус.

Ги отворивме преговорите со Европската Унија.

Одржана е првата меѓувладина конференција, во Советот на ЕУ.

На патот, од независноста - до денес, наша света должност беше да го зачуваме македонскиот идентитет и да ја развиеме функционалната мултиетничност, по којашто денес сме препознаени во светот.

Го зачувавме, го потврдивме и го зајакнавме македонскиот идентитет. Македонците и македонскиот јазик се впишани во личната карта на Обединетите нации. Првите документи во Брисел веќе се преведуваат на македонски јазик. Европската унија нè прифати како Македонци, кои говорат македонски јазик.

Почитувани сме и признаени и како држава на богатство од различности, каде граѓаните Македонци, Албанци, Турци, Власи, Срби, Роми, Бошњаци, и сите други, кои живеат во Република Македонија, имаат исти права и должности и споделуваат исти демократски вредности, како Европа во мало - и во тоа е и нашата сила и нашата вредност.

Нашата историја е запишана во нас - се пренесувала и ќе се пренесува низ нашите поколенија - и тоа е непроменлив факт! Ја имаме шансата, во ваквите околности, да им го отвориме патот на прогресот на новите генерации, како што нам ни беше отворен - и наша должност е да го направиме тоа!

Седнавме на европската маса, затоа што таму ни е местото - бидејќи спроведуваме европски вредности, на дело. Кажавме и Не кога требаше и Да кога требаше и така ќе биде и во иднина.
Дијалошките маси се нашата силна страна. Имавме низ годините многу пријатели и лобисти и аргументи – имаме и денес. Но, на европската маса нас нè немаше. А, сепак и во такви услови, на светот му ја вративме вербата на функционалноста на дипломатијата, преку којашто постигнавме решение за долгогодишен исцрпувачки спор.

Сега на таа европската маса ние ќе говориме во наше име.

Ќе се слушаат и нашите аргументи и ставови - и нашата вистина.

И очекуваме ова да олесни во предизвиците и во овој европски почеток, коишто, како во секој почеток - разбирливо будат внимателност кај сите нас. И тоа е добро, да сме заеднички внимателни.

Почитувани граѓани,

Интеграциите се битката на генерациите на денешнината и денес оваа битка бара исто така од нас, несебично, храбро, политичко лидерство!

Сакам да ви обрнам внимание, дека е потребно - но не е доволно, да сме обединети само дома.

Потребно е да бидеме обединети во регионот.

Потребно е да бидеме обединети во Европа.

Потребно е да бидеме обединети со демократскиот свет.

Бидејќи и овој современ, цивилизациски, технолошки развиен 21-ви век во којшто живееме, ги покажа своите слабости. Нè исправи: прво пред пандемијата со КОВИД-19, а потоа и со војната во Украина, којашто ретко кој можеше да поверува дека навистина ќе се случи.

Но, се случи, трае и никој не може да предвиди каков развој на настаните ќе следува.

Светот, Европа, регионот, а со тоа и ние како граѓани и како држава, сме соочени со последиците од овие состојби: потребата да сме сигурни на безбедносен план и да осигуриме достапност до храна и енергенси, посебно пред претстојната зима.

Три големи чекора, коишто зависеа од нас, направивме навреме.

Се обединивме во НАТО, како земја членка и го осигуравме нашиот територијалниот интегритет и безбедноста. Денес, во време на војна, е повеќе од кога било јасно - што значи да не сме сами и изолирани, туку да сме дел од најголемиот безбедносен сојуз, каде земјите членки солидарно се штитат меѓу себе.

Се обединивме и во иницијативата Отворен Балкан и како што можевте да слушнете, договоривме солидарност за достапност на храна и енергенси за нашите три земји. Нема да имаме забрани за тргување со основните земјоделско и прехранбени производи. А ја унапредуваме соработката на енергетски план и пошироко во регионални рамки, во заложбите за обезбедување енергенси, со коишто треба да се преброди најтешката зима што се очекува во поновата светска историја.

Ги започнавме преговорите со Европската Унија и работиме со забрзано темпо за граѓаните на Република Македонија што поскоро да бидат дел од европското семејство.

Регионалното поврзување носи придобивки, но ако сме обединети и во европското семејство, со 27 земји-членки можеме само да претпоставиме што ќе значи тоа на економски план, во оваа светска економска криза.

Европа ги отвори вратите за нас. Дали ќе станеме дел од европското семејство – сега, од нас зависи!

Ако претходните генерации успеале да се обединат во борбата за слобода и во сонот за независна, напредна држава - кој има право, за од која било причина, да го спречи обединувањето на граѓаните на Република Македонија денес, во слободата - за напредокот да продолжи?!

Никој го нема тоа право!

Почитувани граѓани, политички раководства, почитувани претставници на Владата и Парламентот:

Повикувам на обединување и во слободата на одлучување! Знаеме дека мора да продолжиме по европскиот пат, поради нас самите и за оваа цел вреди да се обединиме, без калкулации и без задршки - исто како за независноста во 1991-та, исто како во битките 1903-та и 1944-та година. Државничките одлуки подразбираат лидерство и храброст за слободно одлучување, посебно кога тие одлуки се влог во подобра сегашност и подобра иднина за сегашните и идните генерации.

Пред почеток сме на скрининг состаноците со ЕУ.

Веќе донесовме одлука за воспоставување структура на преговори за пристапување на државата во Унијата, што подразбира целосно вградување на европските закони, во нашиот систем.

Нашата проценка е дека завршувањето на преговорите со ЕУ до 2030-та година е реална, остварлива и неопходна цел, посебно во глобалната констелација на случувањата.

И затоа е потребно одговорно однесување од сите во државата, за да се овозможи забрзана динамика на преговарачкиот процес.

Ако во почетоците на независноста на Република Македонија беше патриотизам создавањето на институциите, воспоставувањето монетарна самостојност, воведувањето државна валута - денес тоа значи функционирање по принципот на европските вредности и домашна економија којашто напредува низ принципите на конкурентност на заедничкиот европски пазар.

 

Затоа што ние не припаѓаме само географски на европскиот континент, туку актуелните случувања покажуваат дека сме си многу потребни едни на други. Ние се поставивме стопроцентно на линија на надворешната политика на ЕУ, бидејќи веруваме во истите демократски вредности и принципи и знаеме дека тоа се вреднува.

Реков дека ние решивме да бидеме мудри, одлучни, несебични, да се соочиме со сите наши стравови и да донесеме храбри одлуки за иднината, затоа што тоа е одговорност на секој политичар. И денес сум уште поуверен дека ги правиме исправните чекори. И повикувам сите да ни се придружат.

Ќе укажам и на уште еден аспект важен за граѓаните, за што е неопходно разумно однесување и обединување, дома.

Постигнавме, со нашата посветеност кон унапредувањето на животниот стандард на граѓаните, историско покачување на минималната и просечната плата, на пензиите, на социјалната поддршка за ранливите категории граѓани, спуштајќи ја на историско ниво невработеноста. Успеавме да донесеме низа мерки за поддршка на граѓаните и стопанството. Но, прво пандемијата, сега и светската економска криза и војната во Украина се одразуваат значително на животниот стандард. Ние како Влада, ги следиме будно потребите на граѓаните и реагираме според капацитетите во државниот Буџет. Разгледуваме и нови можни мерки со цел да ги поддржиме граѓаните и фирмите и сите заедно, обединети, да ја пребродиме зимата. Во овие напори, апелирам на коректност на економскиот пазар.

Посебно, охрабрувам на политички план, сите да покажеме достоинствена почит кон предизвиците со коишто се соочени граѓаните и државата од глобалната криза и да се помогне во решенијата, наместо да се блокираат. Има време и до избори и за политиканство – но, сега не е тоа време!

Ние ја прифативме за своја водилка, прогресивната идеја за напредок преку обединување и затоа толку зборувам за оваа потреба и на домашен и на меѓународен план.

Ајде да продолжиме по патот на развојот!

Обединети во слободата е битка за перспективите!

Слободата е одговорност. Таа значи право на избор, но со одлуките и изборите што ги прави секој, потсетувам дека треба сите да живееме.

Ќе го заокружам обраќањето со оценка на претседателот Глигоров, како што почнав.

„На Балканот, вели во една изјава тој, премногу се живее од историјата, а премалку од она што ќе биде утре“.

Верувам дека тој би бил горд денес, бидејќи ние, во нашата држава, како и на Балканот, прогресивните раководства денес се фокусирани кон подобро утре, поучени од вчера.

Драго ми е што сме вечерва во овој парк во центарот на градот, во некогаш најголемото и најпознато маало во Скопје, Ибни Пајко, со што ја испраќаме пораката дека градиме заедничката иднина за нашите деца. Уверен сум, дека во големо мнозинство сме обединети во приоритетите кон иднината, исто како на историскиот 8-ми септември, пред 31-на година. Тоа е мудро, зрело и потребно, исто како и при секој чекор напред.

Нека ни е вечен Денот на независноста!

Да живее Република Македонија, да живеат граѓаните!“

 

The post Ковачевски: Европските и демократски перспективи немаат замена appeared first on Република.

Инфлацијата го јаде стандардот на граѓаните, цените се повеќе растат, платите не го следат трендот на рстење на ценита, а трошоците за живот стануваат се поголеми. Прашање е што прави власта за да ги заштити граѓаните и државата и колку штеди.

Иако првично најавија препораки за штедење, сепак може да се забележи дека тие препораки останаа на хартија.

Така, видовме во криза власта потроши стотици илјади евра за прослава за Рамковниот договор, за што реагираа и од ВМРО-ДПМНЕ. Лидерот на партијата Христијан Мицкоски денеска рече дека додека младите ја напуштаат државата, градовите се празнат власта троши пари на граѓаните расфрлувајќи се со прослави како таа вчера за која се потрошени речиси 100.000 евра, пари на граѓаните.

Премиерот Ковачевски уште во март повика да се намали користењето на службените возила и картичките за репрезентации, но и тоа дека сите функционери кои се платени од граѓаните максимално одговорно да ги трошат државните пари.

По ваквата изјава на премиерот, следеа низа тендери со кои се трошеа и се уште се трошат буџетски пари, 48 илјади евра за цвеќињата, 37 илјади евра на скап кујнски прибор како и скоро 40.000 евра за апетисани, пилешко месо и ролетни, се бараа ф’стаци и лешници од прва класа, и останати тендери како и тие за вчерашната прослава која заврши а граѓаните платија речиси 100.000 евра, објави ТВ24.

Од буџетските пари, Министерството за одбрана преку 4 јавни набавки ќе троши над 70 илјади евра на сушени модри сливи, маслинки топено сирење, пастеризиран зеленчук, ајвар, кондиторски производи, чоколадо и сушено овошје. Но и ќе организира манифестација по повод 30 годишнината од македонската армија. Од Министерството за одбрана велат дека целта е припадниците на Армијата да добијат оброк согласно сите правила и нутриционистички стандарди, а изведувачите кои ќе настапат со свои песни ќе пејат без пари.

Во време на економска криза, општина Чаир распиша тендер, без да ја наведе планираната сума на пари што ќе ја потроши за сувенири. На тендерот се бараат леени фигури од Скендербег, Мајка Терза, Саат кула и Хасан Приштина, плакети со гравура, стаклени и керамички чаши, стаклени шишиња, дрвени привезоци, изработка на дизајн, печатење на моден картон боите да се персонализирани и со златок отисок на логото на општината. Колку пари ќе бидат потрошени од парите на граѓаните во општина Чаир, градоначалникот Висар Ганиу не одговори, од општината велат дека утре ќе одговорат.

The post Нови тендери за набавка на скапа храна, прослава на Рамковниот договор: Штеди ли владата поради економската криза? appeared first on Република.

Наместо да се слави мултиетничкиот карактер, што треба да биде еден од главните столбови на Рамковниот договор, синоќешната прослава на 21-годишнината од неговото потпишување мина во сенка на однесувањето на дел од присутните на забавата.

Дамка на прославата фрли исвиркувањето на водителката, кога таа прозборе на македонски јазик.

https://www.youtube.com/watch?v=EBUlIkkyaug

Од Владата засега нема реакција на однесувањето на присутните на настанот, кој според најавите на првиот вицепремиер Артан Груби, се очекува во иднина да прерасне на нивото на Егзит.

The post Водителката исвиркана кога прозборе на македонски на прославата за Рамковен appeared first on Република.

Власта на СДСМ и ДУИ е изгубена во просторот и одлепена од реалноста. За еднодневна прослава по повод Рамковниот договор ќе потроши над 70 илјади евра само за журка и пејачи, во време кога државата е во криза и кога во Тетово граѓаните немаат основни услови за живот, велат од ВМРО-ДПМНЕ,

Од партијата истакнуваат дека додека тетовци се без вода, десетици села во тетовско, гостиварско се без канализација, а арачиновци сè уште сонуваат за канализацијата која им беше ветена уште пред повеќе од 6 години, Ковачевски, Груби и останатите министри од најнеспобната влада ќе потрошат илјадници евра пари на граѓаните за забава.

-Во 21 век има населени место во Тетово, Гостивар, Кичево, Куманово кои газат во кал заради неасфалтирани улици или немаат чиста вода за пиење, ама тоа криминалците од власта не ги интересира. Нив ги интересира добра прослава со познати музички ѕвезди, како и добар кетеринг. Нема пари за проекти и капитални инвестиции ама за тоа има пари за приватна забава на Ковачевски и Груби. Во време на економска и енергетска криза, каде што илјадници граѓани остануваат без работа или не знаат како да го преживеат месецот власта реши да фрли пари за партиска прослава. Малку им беше грабежот кои го прават на граѓаните преку зголемувањето на акцизите, даноците, како и преку десетиците криминални тендери, сега решија преку прослава да му замачкаат очи на народот, се наведува во соопштението.

Ова расипничко работење на криминалците од СДСМ и ДУИ за многу брзо ќе му дојде крајот. Граѓаните на следните предвремени парламентарни избори ќе го казни ова неодговорно и криминално работење на СДСМ и ДУИ.

The post ВМРО-ДПМНЕ: Во време на криза ДУИ и СДСМ ќе потрошат 70 илјади евра за партиска прослава на рамковен договор, а Тетово нема вода за пиење appeared first on Република.

Антониа Гиговска го откажа настапот на таканаречениот „Peace festival“, кој го организира Министерството за политички систем и односи меѓу заедниците во рамките на одбележувањето на Охридскиот рамковен договор годинава.

Првото издание на фестивалот кој се стреми да стане традиционален, ќе се одржи на плоштадот „Скендербег” во Скопје со настап на познати музички звезди, меѓу кои и Антониа Гиговска. Заедно одбележуваме 21 годишнина од Охридскиот рамковен договор како и започнување на преговори за полноправно членство во Европската Унија, се велеше на фејсбук-страницата на Министерството.

Оваа објава сега е избришана и на нејзиното место стои најава за настапот на Владо Јаневски.

Младата пејачка, пак, порача дека го откажала настапот, кој бил резервиран од нејзиниот менаџмент, а за кој таа не знаела дека има политичка конотација.

Менаџментот прифати ангажман за кој не знаев/ не знаевме дека има политичка конотација, па оттаму бев приморана да го откажам мојот ангажман, се разбира со секоја почит према организаторот и према било која политичка страна, јас не сакам да бидам дела од такви манифестации бидејќи политиката не ме интересира… Мојата работа е да правам музика која ќе остане и на фановите да им го дадам најдоброто од мене, стои во пораката од Гиговска.

На фестивалот кој ќе се одржи оваа сабота, 13 август 2022, на плоштадот Скендербег во Скопје ќе настапат и многу албански ѕвезди, кои на својот профил ги промовираше министерот Артан Груби:

The post Антониа го откажа настапот за Рамковен, место неа ќе пее Владо Јаневски appeared first on Република.

На бугарските фалсификатори кратки им се нозете, пишува на фејсбук-постот на забранетата политичка партија на Македонците во Бугарија ОМО Илинден-Пирин. Тие објавија две фотографии од 1923 година, од прославата на Македонците на 20 годишнината од Илинденското востание во Софија.

Ова е уште една потврда дека името на востанието е Илинденско и дека не постои Илинденско-Преображенско востание, како што сакаат да го прикажат бугарските историчари - фалсификатори, кои му го смениле името во 60-тите години на 20 век, во времето на диктаторот Тодор Живков.

Бугарските историчари не знаеле како да го избришаат македонскиот идентитет на востанието, и решиле да му го сменат и фалсификуваат името, за да му дадат лажен бугарски карактер.

На двете фотографии од 1923 година се гледа како околу 10 илјади Македонци, од кои голем број емигранти во Бугарија, организираат прослава на 20-годишнината од Илинденското востание во Софија.

Под фотографиите добро се чита:

„Дваесетгодишнината од Илинденското македонско востание се отпразнува в Софија најторжествено (најсвечено). После панихидата во централната црква „Света Недела“, манифестацијата од неколку десетици илјади Македонци се упати кон гробиштата, на чело со Илинденското знаме, знамињата на разните братства наредени по азбучен ред, портретите на починалите македонски дејци и многубројни венци.

На десно се одделните братства пристигнати на плоштадот пред црквата. На лево, почетокот на манифестацијата, која завива (врти) по улицата „Гробарска“ напред со Илинденското знаме и грамадниот плакат со картата на Македонија“.

The post Во Софија во 1923 година се прославило Илинденското, а не Илинденско-Преображенско востание appeared first on Република.

Граѓански свирежи, нарачани аплаузи и над 1.000 полицајци кои треба да го чуваат. Вака премиерот Ковачевски утре ќе го прославува 2-ри Август во Крушево. Таму придружба на премиерот ќе му прават вицепремиерите Артан Груби и Славица Грковска и министрите Оливер Спасовски и Бисера Костадиновска-Стојчевска.

Прославата ќе ја отвори Ковачевски во 30 минути по 11 часот. Но, веројатно стравувајќи од гневот на народот, кој со недели протестираше против францускиот предлог и кој може да го дочека премиерот со извици, пцовки и свирежи, за чување на владината делегација биле ангажирани дури 1500 полициски службеници од различни единици, неофицијално дознава Алфа.

Во истовреме, додека народот самоиницијативно ќе се собере на мечкин камен, СДСМ, со пораки го кани своето членство на прославата, пишувајќи им дека е обезбеден бесплатен превоз. Во една таква покана, општинската организација на Соцјал-демократите во Центар ги повикува своите членови, „кои сакаат да присуствуваат на настанот“ на збирно место за тргнување.

Почитувани, Ве известуваме дека на 2-ри Август,по повод престојниот празник ќе се оди организирано со бесплатен превоз во Крушево, сите кои сакаат да присуствуваат на настанот. Тргнувањето е во 06:00 на 02.08.2022 збирно место цветен пазар во Капиштец. Со почит, ОО СДСМ Центар.

Но Дел од членовите на СДСМ откажуваат послушност, и се незадоволни од „третманот“ на нивната партија, па коментираат по социјалните мрежи.

„Што сме ние, компири за ставање во вреќа? Каде ви се ликовите со по три до пет вработени по фамилија? Каде ви се директорите со дебели г****и што јадат шкампи по елитни ресторани додека дел од членството нема пари да си плати кафе? Каде ви се спонзорушите и мисиците, кои ги топорите на слики кога има владин хепенинг“ – пишува еден експониран активист на СДСМ на својот профил на Фејсбук.

Се поизвесно е дека утре во Крушево, граѓаните ќе бидат поделени на две групи. На една, тие што ќе му аплаудираат на Ковачевски, од друга страна обичниот народ.

Ова година пак, исвиркан беше и претседателот Стево Пендаровски и тоа во два наврати. Пендаровски пред само неколку дена беше исвиркан на Галичката свадба, а претходно пак беше исвиркан и кога отиде да положи свежо цвеќе на гробот на Гоце Делчев, на четврти февруари годинава.

Инаку, прославата за Илинден во Крушево почнува вечерва со оддавање почит на борците од Крушевската Република и останатите борци за независна Македонија. Илинден претседателот на државата ќе го чествува во манастирот „Прохор Пчински“.

The post Крушево за Илинден под опсада: Над 1000 полицајци ќе го чуваат премиерот од македонскиот народ appeared first on Република.

Под слоганот „Илинден - нашата сила за иднината“, годинава, се одбележува 2 Август – Денот на Републиката – Илинден. Во таа чест, како што соопшти владината прес-служба, делегации на Владата, на Собранието и на претседателот на државата ќе го чествуваат празникот преку голем број свечености.

И оваа година, граѓаните на Македонија го слават националниот празник почитувајќи ги заедничките, интеркултурни вредности, меѓусебно почитувајќи се, празнувајќи гордо, достоинствено и обединето - наведуваат од Владата.

Како што информираат, чествувањето на денот, кога славиме 119 години од почнувањето на Илинденското востание, прогласувањето на Крушевската Република и Денот кога пред 78 години е одржано Првото заседание на АСНОМ и воспоставувањето на нашата државност, ќе почне на 1 август во 20:45 часот во Крушево, кога традиционално, во организација на Општина Крушево започнува манифестацијата „Десет дена Крушевска Република“. На Манифестацијата која ги претставува културата, традицијата и историјата на Крушево, пред нашите граѓани, ќе присуствува и ќе се обрати и претседателот на Владата Димитар Ковачевски, кој годинава ја предводи владината делегација во Крушево, по повод прославата на националниот празник Илинден.

Делегации на Владата учествуваат на сите настани опфатени со државната програма за одбележување на државниот празник 2 Август – Денот на Републиката – Илинден: „Нашата сила за иднината“.

Одбележувањето на Денот на Републиката и Илинден на 2 Август ќе почне со настаните во Скопје, каде високите делегации ќе ги предводи и ќе се обрати претседателот Стево Пендаровски.

Во 8:00 часот делегацијата предводена од претседателот Пендаровски ќе положи цвеќе на вечните почивалишта на поранешните претседатели Киро Глигоров и Борис Трајковски и на генералот Михајло Апостолски, како и пред споменикот на паднатите борци од НОБ во Алејата на великаните, на градските гробишта „Бутел“.

Потоа, делегации ќе положат свежо цвеќе на спoменикот на АСНОМ во паркот „Жена Борец“ во Скопје, на споменикот на Никола Карев пред Собранието, како и на спомен-обележјето на Методија Андонов-Ченто на Градскиот плоштад.

Свечената манифестација ќе продолжи со обраќањето на претседателот на државата Стево Пендаровски во вилата на Водно во 9:00 часот.

Владината делегација во Скопје ќе ја предводи вицепремиерот за економски прашања, координација на економските ресори и инвестиции, Фатмир Битиќи, заедно со министерката за одбрана, Славјанка Петровска и министерот за информатичко општество и администрација, Адмирим Алити. Дополнително во владината делегација се Христина Оџаклиеска, заменик-министерка за животна средина и просторно планирање, Башким Хасани, заменик-министер за одбрана и Роберт Алаѓозовски, национален координатор за развој на културата и меѓуресорска соработка.

Претседателот на државата Пендаровски по повод одбележувањето на Илинден – Денот на Републиката, на 2 Август 2022 година, ќе ја предводи и државнo-црковната делегација во посета на манастирот „Св. Прохор Пчински“.

Државната празнична програма, стои во соопштението, продолжува пред Меморијалниот центар АСНОМ, во Пелинце, во организација на претседателот на Собранието на Република Македонија, Талат Џафери.

Во чест на Првото заседание на Антифашистичкото Собрание на Народното ослободување на Македонија – АСНОМ, пред споменикот на АСНОМ, со почеток во 10:00 часот, ќе биде положено цвеќе, по што претседателот на Собранието, Талат Џафери ќе се обрати и следува организирана културно-уметничка програма.

На споменикот на АСНОМ во Меморијалниот центар Пелинце, по повод националниот празник Илинден, владината делегација ќе ја сочинуваат министерот за здравство Беким Сали, министерката за труд и социјална политика, Јована Тренчевска и заменик-министерот за правда Агим Нухиу.

Претседателот на Владата, Димитар Ковачевски предводејќи висока владина делегација со државни почести и чествувања ќе го одбележи големиот национален празник Илинден во Крушево.Во состав на владината делегација предводена од премиерот Ковачевски се првиот заменик-претседател на Владата и министер за политички систем и односи меѓу заедниците, Артан Груби, заменичката на претседателот на Владата задолжена за политики за добро владеење Славица Грковска, министерот за внатрешни работи, Оливер Спасовски и министерката за култура Бисера Костадиновска-Стојчевска.

Владината делегација ќе се поклони и ќе оддаде почит положувајќи цвеќе на вечното почивалиште на првиот претседател на Крушевската Република, Никола Карев во споменикот „Македониум“ на Гумење и на споменикот на паднатите борци на Слива, кои се симбол на жртвата на востаниците за одбрана на Крушевската Република, со почеток во 8:30 часот.

Од 10:30 часот, со присуство на панихидата за загинатите Илинденци во црквата „Св. Никола“, на владината делегација и со положување цвеќе на споменикот на Мечкин камен продолжува церемонијата во чест на националниот празник, по што на Мечкин камен во 11:30 часот, започнува манифестацијата на која свечено ќе се обрати претседателот на Владата на Република Македонија, Димитар Ковачевски.

Во рамки на централниот дел од државната програма за чествување на 2 Август во Крушево ќе биде одржана празнична културно-уметничка програма.

Свечената програма за одбележување на Денот на Републиката и оваа година го опфаќа традиционалното чествување на Илинден во Смилево во организација на Општина Демир Хисар, каде се чествува со положување цвеќе и фолклорна манифестација.

-Од 9:00 часот, владината делегација, предводена од министерот за образование и наука Јетон Шаќири, во придружба на министерката за култура, Бисера Костадиновска-Стојчевска и заменик-министерот за здравство Владимир Рендевски ќе оддадат почит на могилата на Даме Груев, споменикот на смилевски Илинденци и спомен плочата на Смилевскиот партизански одред, по што следува посета на Меморијалниот музеј, положување цвеќе на споменикот на Даме Груев и во 10:00 часот во спомен паркот „Даме Груев“ започнува традиционалната прослава, најави владината прес-служба.

The post Владата смисли слоган за прославата на 2 Август: „Илинден – Нашата сила за иднината“ appeared first on Република.

Кралицата Елизабета Втора денеска, на последниот ден од прославите по повод 70-годишнината од нејзиното стапување на тронот, накратко се појави на балконот на Бакингемската палата за да ги поздрави насобраните луѓе.

Кралицата (96) излезе на балконот, придружувана од синот Чарлс, внукот Вилијам, нивните сопруги и деца. Тогаш се огласи и британската химна „God save the queen“.

Елизабета Втора ги ограничи своите настапи во последните месеци поради проблеми со одењето. Досега таа се појави само два пати во текот на четиридневната празнична програма.

Таа им мавна на илјадниците луѓе собрани пред палатата на крајот од парадата, на која присуствуваа над 100 национални познати личности како пејачот Ед Ширан и поранешниот фудбалер Гери Линекер.

Елизабета Втора се искачи на тронот во 1952 година, кога имаше 25 години. Таа е британскиот монарх со најдолго владеење.

The post Кралицата Елизабета Втора се појави на балконот на Бакингемската палата на последниот ден од прославата на платинестата годишнина appeared first on Република.

На 03.06.2022 во Полициската станица Бит Пазар биле приведени три малолетни лица, од кои двајца од Арачиново на возраст од 15 и 16 години и едно лице на возраст од 17 години од Скопје, поради тоа што на плоштадот „Скендербег“ во Скопје околу 23.00 часот, каде се одржувал јавен собир организиран од политичката партија, пред завршување на настанот, го нарушиле јавниот ред и мир со физичката пресметка со друга група на лица, а биле употребени и остри предмети.

Во Градската општа болница “Свети Наум Охридски“ биле донесени со повреди од остар предмет 15 годишник од с.Арачиново, Г.С. (20) од с.Танушевци и А.Н.(20) од с.Брест.

Од малолетниците кои биле приведени биле одземени два ножа. По целосното расчистување и документирање на случајот ќе следи соодветен поднесок.

The post Малолетници со ножеви се тепале на прославата на ДУИ appeared first on Република.

Дваесеттиот роденден Демократската партија за интеграција (ДУИ) ќе го слави три дена.

Според агендата што е објавена. на 3 јуни, односно во петок, во хотелот Хилтон во Скопје од 17 до 18 часот ќе биде организирана панел дискусија „Родовата интеграција во последните 20 години“ (Активност на Форумот на Жени на ДУИ). Потоа од 20.30 до полноќ ќе има концерт на олоштадот Скендербег во Скопје.

Во сабота на 4 јуни од 19 до 20 часот ќе има фудбалски натпревар (Активност на Форумот на младите на ДУИ), во Спортска сала на Средното Медицинско Училиште во Тетово.

Од 20.30 часот до полноќ ќе има концерт на плоштадот Илирија во Тетово, а централната манифестација ќе се одржи во недела од 13 до 14 часот во Паркот на Чаир Скопје.

На сите овие настани ќе присуствува лидерот на ДУИ, Али Ахмети, најавуваат од партијата.

The post 20-тиот роденден ДУИ ќе го слави три дена appeared first on Република.

Пригодната свеченост по повод 9 Мај – Денот на победата над фашизмот и Денот на Европа на која ќе се обрати премиерот Димитар Ковачевски.

Во рамки на свеченоста премиерот Ковачевски ќе положи и цвеќе пред споменикот „Ослободители на Скопје“ во дворот на Владата.

The post Следете во живо: Одбележување на 9 Мај – Денот на победата над фашизмот и Денот на Европа appeared first on Република.