Вчера попладне во 16.10 часот било пријавено дека на патот за село Арачиново, скопско, во патничко возило „цитроен“ со скопски регистарски ознаки бил пронајден починат 50-годишниот А.И. од село Сарај, скопско, извести МВР.

Од страна на лекар од Итната медицинска помош била констатирана смрт без видливи траги на насилство, додаваат од Министерството за внатрешни работи.

Извршен бил увид од увидна екипа од СВР Скопје, а телото на починатиот е предадено на семејството.

The post Починат маж пронајден во „цитроен“ на патот за Арачиново appeared first on Република.

На 06.05.2023 во 00.05 часот на ул.„Блаже Биринчето“ во Скопје, полициски службеници од ЕВР Карпош го пронашле Д.Д.(16) од Скопје – штитеник од Јавна установа за згрижување на деца-Влае 2, за кој на 04.05.2023 беше пријавено дека се оддалечил од установата. Д.Д. бил предаден во домот.

The post Полицијата го пронајде 16-годишното момче од Карпош кое се водеше како исчезнато appeared first on Република.

Британскиот актер Џулијан Сендс исчезна минатиот петок додека планинареше во Калифорнија.

Сега полицијата потврди дека неговиот автомобил е пронајден, блиску до местото каде што бил пријавен за исчезнат.

Британскиот актер последен пат е виден пред една недела во планинскиот венец Сан Габриел, кој се наоѓа северно од Лос Анџелес.

Според локалната полиција, пребарувањето на областа морало да се одложи поради неповолните временски услови.

Оттогаш нема нови информации или информации од сведоци за тоа каде се наоѓа, изјави за Би-Би-Си Глорија Уерта од Канцеларијата на шерифот во Сан Бернардино.

Исто така, рекоа дека оваа планина е многу опасна и дека дури и искусни планинари доживуваат несреќи.

Да потсетиме, се претпоставува дека актерот бил во движење уште 48 часа по пријавеното исчезнување, бидејќи му се менувала локацијата на телефонот.

The post Пронајден автомобилот на исчезнатиот актер Џулијан Сендс appeared first on Република.

Вчера околу 15 часот во Полициската станица Радовиш З.Н. од истоимениот град пријавил дека на планина Плачковица, на местото „Чаркова река“ во атар на село Козбунар, Радовишко, забележал човечки труп, соопштија денеска од СВР Струмица.

Според информациите од полицијата, трупот подолго време бил на местото каде е пронајден. Бил лоциран на тешко пристапен планински предел, во длабок дол.

Увид на местото извршиле екипа на Одделението за внатрешни работи Радовиш и Јавен обвинител од Основно јавно обвинителство Радовиш, по чија наредба трупот е предаден на обдукција.

The post Пронајден човечки труп на планината Плачковица appeared first on Република.

МВР информираше дека денеска во околу 11:40 часот во водите на р.Пена, во атарот на тетовско Фалише, пронајдено е телото на 62-годишниот И.Л. од Тетово, за кого на 31.12.2021 беше пријавено дека се оддалечил од домот.

По добиената пријава, по И.Л. интензивно се трагаше со екипи на СВР Тетово, а во потрагата беа вклучени и кучиња-трагачи. Лекар констатирал смрт, извршен е увид од страна на полициски екипи во координација со Јавен обвинител, по чија наредба телото е предадено за обдукција.

The post Трагичен крај: Пронајден тетовецот кој исчезна пред Нова година appeared first on Република.