Понекогаш малите уши на децата не ги собираат големите зборови на возрасните. Всушност, тие не ги разбираат. Со цел да им помогне на децата да ги разберат, а на родителите и наставниците полесно да ги објаснат гломазните зборови, како политика, еманципација, екологија, идентитет и слично, издавачката куќа „Арс Ламина“, под импринтот за деца „Либи“ ја почна новата едиција „Големи зборови за мали уши“. Со оваа едиција учиме големи зборови преку мали приказни од секојдневието. Ги подготвуваме децата за светот што ги чека.
Првиот наслов од оваа едиција е сликовницата „Градоначалник“ од авторката Илина Мангова, со илустрации на Александар Сотировски, што беше промовирана вчеравечер (28 ноември), во „Литература.мк“, во „Дајмонд мол“, во присуство на многубројни деца и нивните родители.

Промоторката на изданието, уредничката Оливера Ќорвезироска, откри дека соработката на авторката Илина Мангова со „Арс Ламина“ почнала филмски, но и многу регуларно (нешто на што едуцира и самата сликовница), како што е редот, го пратила текстот за книгата на мејлот rakopisi@arslamina.com. По што ракописот бил разгледан од уредниците и прифатен за објавување.
- Илина нè изненади со понудениот текст, зашто ја знаевме од друг општествен контекст, од друго деловно поле - политикологијата. Текстот е мошне свеж и различен, поинаков од нештата со кои постојано се соочуваме, од нештата што постојани ни се нудат во издавачката куќа. Видовме дека текстот засекува длабоко со актуелното секојдневие и во состојбите со децата, со образованието, со „лудото“ време во кое живееме и ни требаше малку време да го обмислиме во поширок издавачки контекст - истакна Ќорвезироска.

Мангова откри дека идејата за приказната се родила кога учителката на нејзиниот син во градинка, Весна Пецeва, ги поканила родителите да бидат родители-учители на еден ден и својата работа да им ја претстават на децата.
- За мене ова беше голем предизвик, бидејќи работам на политички теми преку соработка со политички актери и институции, што беше комплицирано и неинтересно да им го доловам на деца од претшколска возраст. Ми текна дека можам да им доловам некој демократски процес кој на нив ќе им биде разбирлив и истовремено интересен. Најопиплив процес за таа цел ми беа изборите за градоначалник бидејќи децата имаат претстава за околината во која живеат и можат лесно да разберат дека луѓето кои живеат на едно место избираат некој - градоначалник кој ќе биде „главен“ за тоа место, и ќе биде одговорен за тоа како таа околина изгледа и да ја одржува. Смислив приказна за град по името на групата од градинка, четири кандидати за градоначалник, направив гласачка кутија и ги пречекав децата на моето работно место. Откако им ги претставив кандидатите на децата, тие можеа тајно да гласаат за еден кандидат. На крајот заедно ги броевме гласовите и можеа да видат кој победил. На децата им беше многу интересно, а по некој ден сфатив дека имам едукативна и забавна приказна и доволно текст кој можам да го доработам во текст за сликовница – рече Илина.

Главниот лик во оваа богато илустрирана книгичка, е малиот Тигран, кој од својата мајка добива одговор на прашањата - што е тоа градоначалник, што се избори и гласање. Преку јазик разбирлив за децата, таа му ги објаснува овие големи зборови, и процесот на гласање за нов градоначалник.
- Да не беше Тигран немаше никогаш да ја напишам книгата, ниту да размислувам за детскиот свет. Разговорите со мојот син ми беа главната инспирација, затоа и најавтентично ми беше ликот да го носи неговото име. Кога првпат му кажав дека приказната сум ја преточила во сликовница само смирено ја прими информацијата, но кога ја донесов сликовницата дома и му покажав дека главниот лик е тој, многу се возбуди и беше многу радосен. Малку беше критичен дека детето на сликовницата не личи на него, но му објаснив дека илустраторот има креативна слобода да го нацрта како што го замислил. Потоа ја читавме и гласаше за кандидатот што многу сака да направи паркови во градот, а потоа почна да ги собира и нашите гласови, на баба му и на тетка му, за да види кој кандидат ќе победи на овие мали семејни избори – рече таа.

Ова издание е корисен прирачник за сите родители, наставници и едукатори, кои сакаат да им го поедностават овој сложен збор и професија, но и да им помогнат да го разберат светот околу себе.
- Главната порака која ја учат децата преку оваа книга е за одговорност. Дека сите ние имаме некакви одговорности и нив треба да ги исполнуваме. Неопходно е децата од мала возраст да ги учиме на одговорност со цел да градиме поодговорни генерации. Преку оваа сликовница исто така децата учат и за изборите како демократски процес во кој луѓето со својот глас решаваат кој ќе биде одговорен за јавниот простор во кој живеат. Развиваат свест дека градоначалникот е одговорен да си ги исполнува своите обврски, да се грижи за јавниот интерес и да го одржува јавниот простор во кој живеат... Исто така важно ми е да пратам и порака за дарување и донирање. Мојот авторски хонорар го пренаменив во примероци кои ги донирам за да стигнат до деца од поранливи категории – истакна Мангова.

Илина Мангова е политиколог, која работи на унапредување на демократските процеси во Македонија и регионот. Таа е регионална советничка за Европа во Меѓународниот републикански институт (ИРИ) и соработува со политички партии, како и со извршната, законодавната и локалната власт во сферата на добро управување.

Александар Сотировски е македонски стрип-цртач и илустратор, автор на најновиот генерациски бран мејнстрим стрип-автори. Автор е на многу препознатливи стрипови и илустрации и има соработувано со повеќе домашни и светски продукциски и издавачки куќи.

The post Илина Мангова: Сликовницата „Градоначалник“ ги учи децата на одговорност appeared first on Република.

Новата книга за деца „Градоначалник“ од авторката Илина Мангова, со илустрации на Александар Сотировски, ќе биде промовирана денеска (28 ноември), со почеток во 18:30 часот, во „Литература.мк“, во „Дајмонд мол“. Промотор на сликовницата ќе биде уредничката Оливера Ќорвезироска.

„Градоначалник“ е првата книга од новата едиција за деца „Големи зборови за мали уши“, издание на „Либи“, дел од „Арс Ламина – публикации“.  Понекогаш малите уши на децата не ги собираат големите зборови на возрасните. Всушност, тие не ги разбираат. Со оваа едиција учиме големи зборови преку мали приказни од секојдневието. Ги подготвуваме децата за светот што ги чека.

Главниот лик во оваа богато илустрирана книгичка, е малиот Тигран, кој од својата мајка добива одговор на прашањата - што е тоа градоначалник, што се избори и гласање. Преку јазик разбирлив за децата, таа му ги објаснува овие големи зборови, и процесот на гласање за нов градоначалник. Ова издание е корисен прирачник за сите родители, наставници и едукатори, кои сакаат на децата да им го поедностават овој сложен збор и професија, но и да им помогнат да го разберат светот околу себе.

Илина Мангова е политиколог која работи на унапредување на демократските процеси во Македонија и регионот. Таа е регионална советничка за Европа во Меѓународниот републикански институт (ИРИ) и соработува со политички партии, како и со извршната, законодавната и локалната власт во сферата на добро управување. Покрај тоа, Мангова има значајно искуство во граѓанскиот сектор како истражувачка, предавачка и менторка. Мангова има дипломирано политички студии на Правниот факултет „Јустинијан I“ во Скопје, а има магистрирано компаративна политика – демократија на Лондонската школа за економија и политички науки (ЛСЕ) во Лондон со Чивнинг стипендија од британската Влада. Авторка е на повеќе од 15 стручни трудови и е коуредничка на книгата „Живот за утре – Општествени трансформации во Југоисточна Европа“. Верува дека ангажманот за јавното добро и чувството за одговорност се учат од најмали нозе и ова дело за детската публика e нејзин мал придонес кон таа цел.

Александар Сотировски е македонски стрип-цртач и илустратор, автор на најновиот генерациски бран мејнстрим стрип-автори. Автор е на многу препознатливи стрипови и илустрации и има соработувано со повеќе домашни и светски продукциски и издавачки куќи.

The post Промоција на сликовницата „Градоначалник“ од Илина Мангова, со илустрации на Александар Сотировски appeared first on Република.

Слушачка промоција на седмата албумска објава на Крсте Роџевски на албумот „Крстена вода“ ќе се одржи во среда, на 27 ноември во 20 часот во „Аудиокултура“.

Дванаесет нови песни, во отскриена, сува, наивна форма, снимени како соло настап во живо, во студиото Bunker во Њујорк.

„Крстена вода“ е издание на чикашката етикета Port Of Entry 3901, објавено како винил и во дигитален формат: https://kristorodzevski.bandcamp.com/album/krstena-voda

Сите текстови и композиции се дело на Крсте Роџевски, како и сите вокали и инструменти: акустична гитара, усна труба, удиралки, теренски снимки…

Албумот е снимен од Aaron Nevezie, миксан од Ben B. Goss, а мастериран од Michael Fossenkemper во њујоршкото TurtleTone Studio.

Дизајнот на омотот го направија Иванчо Талевски и Matt Neff.

Продуцент на албумот е самиот Роџевски. Само во оваа прилика, винилното издание на албумот „Крстена вода“, ќе биде достапно по промотивна цена.

The post Промоција на „Крстена вода“ на Крсте Роџевски во „Аудиокултура“ appeared first on Република.

Во просториите на Аудиокултура, на 25 ноември (понеделник) во 19.30 часот ќе биде промовирана книгата „Прес енд плеј“ (Press & Play) на Ненад Георгиевски. Книгата ја претставува македонската музичка сцена преку серија рецензии и текстови напишани во период од 20 години, за странски публикации, како All About Jazz и Vintage Cafe.

Таа е збирка од авторски текстови кои даваат детален увид во креативните активности на македонските музичари и нивните дела. Книгата за првпат беше објавена во јули 2020 и ова е второ, надополнето издание.

Самата книга е калеидоскоп од луѓе чии таленти, идеи и дела оставиле свој белег во Македонија и надвор од неа. Овие содржини ги испитуваат нивните амбиции и достигнувања, почнувајќи од инспирацијата со која создавале, оригиналноста, искуствата, начинот на работење, па сè до избраните решенија како илустрации, дизајн, визуелизации.

Публикацијата се состои од рецензии на албуми, на концерти и на фестивалски настапи на изведувачи, меѓу кои: Влатко Стефановски, „Леб и сол“, Кирил Џајковски, „Фолтин“, Џијан Емин, Гоце Стевковски, Националниот џез-оркестар, Џон Апелгрен, Зоран Маџиров, „Анастасија“, „Чалгија Саунд Систем“, „Проект Жлуст“, Сашо Поповски и Стринг Форсис, Љубојна и многу други, потоа на фестивали како Скопскиот џез-фестивал, „Офф-фест“ или на концерти на македонски изведувачи во држави како Србија, Хрватска, Грција, САД. Потоа, тука се критички осврти за видеоизданија, како и за книги од визуелните уметности, како „Џезтетика“ на Татјана Ранташа или „Cloud Arrangers“ на Жига Коритник.

„Press and Play“ ја прикажува македонската музичка сцена како уникатен спој од традиционални и современи елементи, културни влијанија и иновации. Преку рецензиите и текстовите, читателот добива увид во богатството и шаренилото на музичката култура во Македонија, како и во специфичните стилови и звуци кои ги прават македонските музичари препознатливи на глобално ниво. Со своите содржини, книгата претставува единствен извор на информации за македонската музичка култура, напишани на англиски јазик и платформа достапна за милиони читатели.

Книгата е дело на новинарот Ненад Георгиевски, кој е добитник на наградата за публицистика за 2023 г. „Мито Хаџивасилев Јасмин“ и е автор на уште 4 книги од областа на публицистиката („Музика и муабети“, „Уште музика и муабети“, и „Ретки птици“). Издавач на книгата е Номад-Арт Скопје, а идејното решение е на Билјана Билбилоска.

The post Промоција на книгата „Прес енд плеј“ на Ненад Георгиевски appeared first on Република.

На 25 ноември 2024 година (понеделник), со почеток во 19 часот, во изложбениот салон Империјал 2 на Културно-информативниот центар во Скопје ќе биде промовирана книгата „Поглед отстрана. Рацин (1908 – 1943)“ од Горан Калоѓера, во превод од хрватски на македонски јазик на Славчо Ковилоски, кој е и автор на предговорот, а во издание на „Македоника литера“.

За книгата ќе зборуваат проф. д-р Славчо Ковилоски и Нове Цветаноски, уредник на изданието. Датумот на промоцијата се совпаѓа со денот на излегувањето од печат на првото издание на книгата на Кочо Рацин „Бели мугри“, односно со 85-годишнината од објавата на оваа знаменита книга за современата македонска литература (на 25 ноември 1939 година, во Самобор, Хрватска).

Како што пишува авторот во воведот на книгата, Рацин е неговиот научен предизвик за кого, уште како млад научник, се обидел детално да го реконструира престојот во Хрватска и неговите дружења со истакнати антифашисти, писатели, уметници и политички другари. Во воведниот дел проф. д-р Горан Калоѓера пишува за Рацин како интелектуалец, поет, романсиер, публицист, критичар, полемичар, собирач на усно народно творештво, односно за неговата биографија, за неговото место и поврзаност со хрватската култура и со Хрватска воопшто. Главниот дел од книгата е анализа на публицистичкиот опус на Рацин, неговата проза, поезијата (песни на хрватски/српскохрватски јазик), култната книга „Бели мугри“, песните на Рацин надвор од збирки и поетски циклуси, како и збирката народни песни што ја подготвил Рацин пред неговата смрт во 1943 година. На крајот од книгата авторот дава заклучен осврт. Ова е втора книга на Калоѓера за Коста Солев Рацин, првата е напишана на почетокот на неговата научничка дејност.

„Ретко кој македонски поет привлекол толку внимание кај теоретичарите, книжевните историчари и филолозите како Рацин. Рацин беше карпа, брана, првоборец во уметничкиот израз на мајчиниот јазик, потпора и надеж за многумина, пример за идеален револуционер и на крајот жртва. Беше човек визија, предвидел многу историски настани, кои за жал се обвистинија. Тој беше најчесното и најчеститото нешто што го имаа Македонците во периодот меѓу двете војни“ – пишува Калоѓера за Рацин.

Во предговорот Славчо Ковилоски пишува:

„Делото ’Поглед отстрана. Рацин (1908 – 1943)‘ од Горан Калоѓера е силно, експресивно, набиено со емоции, но и остварување коешто дава одлична слика за времето во кое живеел Рацин, како и за неговата личност. Изнесените анализи и синтези се и тоа како добредојдени за поширо­ка­та македонска читателска јавност, а со сигурност ова важи и за хрватските читатели. Всушност, авторот гради уште еден мост на поврзување помеѓу Македонците и Хрватите, во негов препознатлив стил. Тој е директен при соопшту­вањето на своите согледби и ставови и тоа му дава посебна тежина, убавина и читливост на книгата. На крајот, Кало­ѓера завршува со констатацијата дека без разлика на временската дистанца и релативно скромниот опус на Рацин, тој и понатаму останува најпознатиот македонски писател во Хрватска. Така ќе завршиме и ние, со констата­цијата дека Калоѓера е еден од најпознатите современи македонисти, не само во Хрватска, туку и во европски рамки.“

Горан Калоѓера (Дубровник, 1951) е надворешен член на Македонската академија на науките и уметностите, надворешен член на Друштвото на писателите на Македонија и почесен доктор (doctor honoris causa) на Универзитетот „Св. Кирил и Методиј“ во Скопје. На Универзитетот во Риека ги извршувал функциите декан на Педагошкиот и на Филозофскиот факултет и проректор за настава и меѓународна соработка. Во периодот од 1980 до 1990 година бил прв предавач на курсевите по Македонска книжевност и Македонски јазик на Педагошкиот факултет во Риека. Основач е и раководител на Лекторатот по македонски јазик на Филозофскиот факултет на Универзитетот во Риека. По професија е дипломиран кроатист (јужносла­вист) и компаративист. Докторирал на тема македонско-хрватски и хрватско-македонски книжевни врски и допири на Педагошкиот факултет во Риека.

Впечатлива е стручната и академската биографија на професорот Калоѓера, кој првенствено се занимава со книжев­ното наследство, историјата на книжевноста, риеч­ката литература и секако македонската литература. Тој е меѓу најистакнатите македонисти во Хрватска и на Балканот. Објавил триесет и две книги на книжевно-историски теми, како и стотина научни и стручни трудови од областа на јужнословенската компаратистика. Од неговите македо­нистички трудови значајни се: „Јужнословенски кни­жевни проткајувања“ (1991), „Хрватско-македонски кни­жев­ни врски“ (1988), „Рацин во Хрватска“ (2000), „Компа­ра­тивни македонско-хрватски студии“ (2000), „Препозна­вања“ (2004), „Браќата Миладиновци – легенда и ствар­ност“ (2001), „Компаративни македонско-хрватски студии“ (2000), „Препознавања“ (2007), „Прилози за истражува­њето на македонската книжевна историја“ (2009), „Маке­донскиот 19 век“ (2011), „Македонско-хрватски врски“ (2006), „Македонски теми без дилеми“ (2014), „Македон­ците во Приморско-горската жупанија“ (2016), „Македон­ски пријателства“ (2019). За неговиот придонес во афирма­цијата на македонската литература, култура и јазик добил повеќе македонски награди, меѓу кои: Орден за заслуги за Македонија, Почесно Рациново признание за 2005 година, Медал Св. Климент, почесен докторат (doctor honoris causa) на Универзитетот Св. Кирил и Методиј. Горан Кало­ѓера извесен период ја извршуваше функцијата почесен конзул на Република Македонија во Република Хрватска. По пензионирањето, е прогласен за професор емеритус на Универзитетот во Риека.

Калоѓера е докажан пријател на Македонија и голем поборник на научната вистина за Македонија, а како научник, славист и македонист ужива висок углед како во Хрватска, така и во Македонија.

The post Промоција на книгата „Поглед отстрана. Рацин (1908 – 1943)“ од Горан Калоѓера вечерва во КИЦ appeared first on Република.

На 25 ноември 2024 година (понеделник), со почеток во 19 часот, во изложбениот салон Империјал 2 на Културно-информативниот центар во Скопје ќе биде промовирана книгата „Поглед отстрана. Рацин (1908 – 1943)“ од Горан Калоѓера, во превод од хрватски на македонски јазик на Славчо Ковилоски, кој е и автор на предговорот, а во издание на „Македоника литера“.

За книгата ќе зборуваат проф. д-р Славчо Ковилоски и Нове Цветаноски, уредник на изданието. Датумот на промоцијата се совпаѓа со денот на излегувањето од печат на првото издание на книгата на Кочо Рацин „Бели мугри“, односно со 85-годишнината од објавата на оваа знаменита книга за современата македонска литература (на 25 ноември 1939 година, во Самобор, Хрватска).

Како што пишува авторот во воведот на книгата, Рацин е неговиот научен предизвик за кого, уште како млад научник, се обидел детално да го реконструира престојот во Хрватска и неговите дружења со истакнати антифашисти, писатели, уметници и политички другари. Во воведниот дел проф. д-р Горан Калоѓера пишува за Рацин како интелектуалец, поет, романсиер, публицист, критичар, полемичар, собирач на усно народно творештво, односно за неговата биографија, за неговото место и поврзаност со хрватската култура и со Хрватска воопшто. Главниот дел од книгата е анализа на публицистичкиот опус на Рацин, неговата проза, поезијата (песни на хрватски/српскохрватски јазик), култната книга „Бели мугри“, песните на Рацин надвор од збирки и поетски циклуси, како и збирката народни песни што ја подготвил Рацин пред неговата смрт во 1943 година. На крајот од книгата авторот дава заклучен осврт. Ова е втора книга на Калоѓера за Коста Солев Рацин, првата е напишана на почетокот на неговата научничка дејност.

„Ретко кој македонски поет привлекол толку внимание кај теоретичарите, книжевните историчари и филолозите како Рацин. Рацин беше карпа, брана, првоборец во уметничкиот израз на мајчиниот јазик, потпора и надеж за многумина, пример за идеален револуционер и на крајот жртва. Беше човек визија, предвидел многу историски настани, кои за жал се обвистинија. Тој беше најчесното и најчеститото нешто што го имаа Македонците во периодот меѓу двете војни“ – пишува Калоѓера за Рацин.

Во предговорот Славчо Ковилоски пишува:

„Делото ’Поглед отстрана. Рацин (1908 – 1943)‘ од Горан Калоѓера е силно, експресивно, набиено со емоции, но и остварување коешто дава одлична слика за времето во кое живеел Рацин, како и за неговата личност. Изнесените анализи и синтези се и тоа како добредојдени за поширо­ка­та македонска читателска јавност, а со сигурност ова важи и за хрватските читатели. Всушност, авторот гради уште еден мост на поврзување помеѓу Македонците и Хрватите, во негов препознатлив стил. Тој е директен при соопшту­вањето на своите согледби и ставови и тоа му дава посебна тежина, убавина и читливост на книгата. На крајот, Кало­ѓера завршува со констатацијата дека без разлика на временската дистанца и релативно скромниот опус на Рацин, тој и понатаму останува најпознатиот македонски писател во Хрватска. Така ќе завршиме и ние, со констата­цијата дека Калоѓера е еден од најпознатите современи македонисти, не само во Хрватска, туку и во европски рамки.“

Горан Калоѓера (Дубровник, 1951) е надворешен член на Македонската академија на науките и уметностите, надворешен член на Друштвото на писателите на Македонија и почесен доктор (doctor honoris causa) на Универзитетот „Св. Кирил и Методиј“ во Скопје. На Универзитетот во Риека ги извршувал функциите декан на Педагошкиот и на Филозофскиот факултет и проректор за настава и меѓународна соработка. Во периодот од 1980 до 1990 година бил прв предавач на курсевите по Македонска книжевност и Македонски јазик на Педагошкиот факултет во Риека. Основач е и раководител на Лекторатот по македонски јазик на Филозофскиот факултет на Универзитетот во Риека. По професија е дипломиран кроатист (јужносла­вист) и компаративист. Докторирал на тема македонско-хрватски и хрватско-македонски книжевни врски и допири на Педагошкиот факултет во Риека.

Впечатлива е стручната и академската биографија на професорот Калоѓера, кој првенствено се занимава со книжев­ното наследство, историјата на книжевноста, риеч­ката литература и секако македонската литература. Тој е меѓу најистакнатите македонисти во Хрватска и на Балканот. Објавил триесет и две книги на книжевно-историски теми, како и стотина научни и стручни трудови од областа на јужнословенската компаратистика. Од неговите македо­нистички трудови значајни се: „Јужнословенски кни­жевни проткајувања“ (1991), „Хрватско-македонски кни­жев­ни врски“ (1988), „Рацин во Хрватска“ (2000), „Компа­ра­тивни македонско-хрватски студии“ (2000), „Препозна­вања“ (2004), „Браќата Миладиновци – легенда и ствар­ност“ (2001), „Компаративни македонско-хрватски студии“ (2000), „Препознавања“ (2007), „Прилози за истражува­њето на македонската книжевна историја“ (2009), „Маке­донскиот 19 век“ (2011), „Македонско-хрватски врски“ (2006), „Македонски теми без дилеми“ (2014), „Македон­ците во Приморско-горската жупанија“ (2016), „Македон­ски пријателства“ (2019). За неговиот придонес во афирма­цијата на македонската литература, култура и јазик добил повеќе македонски награди, меѓу кои: Орден за заслуги за Македонија, Почесно Рациново признание за 2005 година, Медал Св. Климент, почесен докторат (doctor honoris causa) на Универзитетот Св. Кирил и Методиј. Горан Кало­ѓера извесен период ја извршуваше функцијата почесен конзул на Република Македонија во Република Хрватска. По пензионирањето, е прогласен за професор емеритус на Универзитетот во Риека.

Калоѓера е докажан пријател на Македонија и голем поборник на научната вистина за Македонија, а како научник, славист и македонист ужива висок углед како во Хрватска, така и во Македонија.

The post Промоција на книгата „Поглед отстрана. Рацин (1908 – 1943)“ од Горан Калоѓера appeared first on Република.

Во 12:00 во Друштвото на писателите на Македонија ќе се одржи предавање-промоција на делото „Авторските неологизми во поезијата на Весна Мундишевска-Велјановска“ од М-р Елизабета Јончиќ.
Кога ќе се спомнат неологизми или кованици, најчесто првото нешто што ни паѓа напамет е нашиот класик Гане Тодоровски и неговите раскошни стихови со примери на зборотворење. Но, делото „Авторските неологизми во поезијата на Весна Мундишевска-Велјановска“ е вистински новитет на ова поле, затоа што претставува првата студија кај нас за неологизмите во творештвото на една поетеса. За тоа на кој начин се конструирани новите зборови во поезијата на Мундишевска-Велјановска и кои се нивните одлики ќе зборува М-р Елизабета Јончиќ, членка на Друштвото на писателите на Македонија. Преку паралели со зборотворењето на Гане Тодоровски, Јончиќ ќе се обиде да одговори и на прашањето како новите зборови во современата македонска литература го отсликуваат духот на нашето време.
Друштвото на писателите на Македонија ве поканува на настанот, кој е замислен како промоција-предавање, но и како мало одбележување на јубилејот 90 години од раѓањето на Гане Тодоровски. За книгата на Јончиќ свои излагања ќе имаат и писателката и издавач Гордана Јовиќ-Стојковска и М-р Марија Стојановска, асистентка на Педагошкиот факултет во Битола.

The post Промоција на „Авторските неологизми во поезијата на Весна Мундишевска-Велјановска“ од М-р Елизабета Јончиќ во ДПМ appeared first on Република.

Долгогодишниот професионалец во ИТ индустријата, Суад Сефери, ја објавува првата книга за вештачка интелигенција на Балканот, „The AI Journey“, со цел да едуцира како луѓето ефикасно да ја користат вештачката интелигенција (ВИ). Во време на неверојатен технолошки напредок, ВИ брзо се наметнува како клучна алатка во различни области – од работните места до креативните индустрии.

Во мојата книга го истражувам односот помеѓу човечката креативност и капацитетите на ВИ. Поставувам прашања како: Дали интелигенцијата која сме ја создале може да нè замени како автори, мислители или уметници? И што значи тоа за иднината на човечката креативност?“, вели Сефери.

Како дел од промоцијата на книгата, Сефери најавува серија бесплатни работилници за употребата на вештачката интелигенција во различни професии. Работилниците ќе бидат профилирани за новинари, маркетери, професори и други професионалци. Учесниците ќе научат како да генерираат податоци за истражувачки стории, да создадат успешни кампањи и да развијат клучни слогани.

Целта на овие работилници е да им помогнеме на луѓето да се запознаат со практичните аспекти на ВИ и да ги подобрат своите перформанси во професионалниот живот. Време е да ја отвориме стручната фела во Македонија за она што е модерно и што би било од особено значење, додава Сефери.

Сите учесници се охрабруваат да донесат свои лаптопи за време на работилниците, бидејќи практичната работа ќе биде клучен дел од обуката. За деталите кога и каде ќе се одржуваат овие работилници, авторот ќе ја информира јавноста.

Без разлика дали сакаме или не, ВИ станува невидлив партнер во нашиот живот и професија. Време е подобро да се запознаеме со неа“, заклучува Сефери.

Книгата „The AI Journey“ може да се најде во сите поголеми книжарници низ градот или може да се нарача онлајн.

The post Долгогодишниот професионалец во ИТ индустријата Суад Сефери ја објави првата книга за вештачка интелигенција на Балканот „The AI Journey“ appeared first on Република.

„И јас сум Сирма“ не е роман, туку нешто меѓу сага и еп. Тоа е приказна што ќе ве натера да плачете, да мразите и да се смеете... книга што никого нема да остави рамнодушен.
Со овие зборови вчеравечер (14 ноември) во преполниот Младинскиот културен центар – Скопје беше претставен новиот, и досега најсложен и најсериозен роман на популарниот автор Зоран Спасов Sоф – „И јас сум Сирма“. Кон книгата, која е во издание на „Попули“, дел од „Арс Ламина – публикации“, се осврнаа промоторката Татјана Алексиќ и уредничката Татјана Димовска-Атанасова.

Ова е петта книга на Зоран Спасов Sоф во издание на „Арс Ламина“, по хит-книгите „Тито, мојот претпоследен херој“, „Торонто експрес“, „Џабе живиш у Скопје“ и „Цепај сине: пошто џабе живиш у Македонија“. Во своето обраќање Ѕоф истакна дека Сирма е всушност симбол за Македонија, а „И јас сум Сирма“ е приказна за Македонија.

- Сирма напати ме потсетува на некого: на мајка ти, баба ти, на мајка ми... но најмногу од сè ми личи на Македонија. Двете делат иста судбина, со секој здив, со секој збор, со секоја реченица. Не ја познавам лично, но имам чувство дека цело време е тука некаде, на дофат... Книгата има многу слоеви. Има многу пораки меѓу редови и многу ликови. Една од ретките книги каде што на едно место ги има Страшо Пинџур, Нострадамус, Невена Георгиева-Дуња, Данте Алигери, Ибе Паликуќа и други... и се сместени на местото каде што припаѓаат. Еден од рецензентите на книгата ме праша како успеав една долга историја од 3000 страни, да ја спакувам во 200 страници... Но, книгата е проследена и со веб-сајт ijassumsirma.mk каде што се објавени рецензиите и сите материјали поврзани со книгата, а има и проверка на фактите во книгата. Факти што не му се познати на Македонецот. Ќе се зачудат читателите како јас некои луѓе, кои се антихерои, ги носам на пиедестал, како големи Македонци, а имам и некои „величини“ кои малку ги имам намалено... Во книгата ве чекаат многу изненадувања –пријатни и непријатни, ако не се расплачеш, не си човек, и ако не се намееш –пак не си човек... така ја пишував, со смеа и солзи – рече Ѕоф.

Одамна имал желба да напише книга за Сирма Војвода, која ја смета за олицетворение на непокор, рамо до рамо со Роза Луксембург, Клара Цеткин, или Милунка Савиќ. Според него Сирма е трагичен лик, со трагична судбина, како што е трагична судбината на Македонија.

Уредничката на книгата Татјана Димовска-Атанасова истакна дека „И јас сум Сирма“ е најамбициозното дело на Зоран Спасов Ѕоф досега. Станува збор за своевиден книжевен експеримент, што може да се перципира како хибрид, фрагментарен роман или пак, како збирка раскази што може да се читаат засебно и без одреден редослед. Жанровски е ситуиран како историска фикција со примеси на драма, политички трилер, сатира, магичен реализам и дистопија.

Она што најпрецизно би ја дефинирало оваа книга е книжевен пачворк. Авторот зема парчиња од нашата историја, од сосем различни временски контексти и педантно ги пришива едно за друго со една заедничка нишка – ликот на Сирма Војвода. Навидум неповрзани меѓу себе, приказните во романот се слеваат во еден вид наративен кластер кон центарот на романот - Сирма. Користејќи се со социјални типови, преместување на перспективата, инверзија и иронија, Ѕоф ги карикира колективните митови, си поигрува и се пресметува со стереотипите и со сето она што е типично за ова општествено-политичко и историско милје. Романот е импресивна вивисекција на македонскиот дух прикажана преку внатрешна и надворешна фокализација на главната хероина Сирма, која авторот ја издига на ниво на митолошка парадигма - синоним за сила, истрајност, храброст, бескомпромисност, но пред сè синоним за Македонија – рече Димовска-Атанасова.

Промоторката на книгата Татјана Алексиќ рече дека „сите ние, помалку или повеќе, сме Сирми“.

Мерак ми е што вечерва и јас сум Сирма! Сите ние сме Сирми. Ова не е омаж за Сирма, туку женски родослов... Сите ние, помалку или повеќе сме Сирми, и треба да ѝ се поклониме, како што Sоф, писател и женољубец со култ кон македонската жена, им се поклони - оживувајќи ја Сирма, во еден современ роман - сага, приказна во приказна, затоа што „сите живи суштества се раѓаат со инстинкт за преживување. Пајаците, за да преживеат, ткаат мрежи. Луѓето за да преживеат, ткаат приказни. За нас нема ништо поважно од овие приказни“, што би рекол генијалниот Горан Стефановски, со кого нашиот ткаач на приказни Sоф, го почнува второто поглавје на романот „И јас сум Сирма“. Можете да го читате романот од напред од средина, а и од назад... како Хазарски речник. Хронологијата нема свој крај во романот, како ни идеологијата на Сирма. Да напишеш ваков роман фикција, фузија од историски факти и митови, среќа и горчина, реалност и фантазија, треба да си начитан, наслушан, нагледан, нашетан и наигран. Да си доообар играч на полето (терен) на културата. Не мора да си најаден и напиен, затоа што испишаните страници се храна и вино. Дегустаторите на романот ,,И јас сум Сирма" ќе имаат сервирана богата трпеза на пикантерии од далечното минато, поблиското минато и блиската иднина, без да почувствуваат дека се во сегашноста, качени на временската машина ала автобусот од филмот „Ко то тамо пева“ - рече Алексиќ.

Специјална гостинка на настанот беше младата актерка Јована Спасиќ, која беше во улога на Сирма. Со доза на драматичност, хумор и сарказам таа ја „оживеа“ Сирма на бината во денсинг-салата на МКЦ, претставувајќи ја истовремено нејзината храброст и сила, но и нежност и убавина. По промоцијата, забавата продолжи со настап на „Сирма rock’n’roll бенд“, кој изведе познати рок и поп-нумери од домашната и светската сцена.

Како што беше случајот со претходните книги, така и со новата – заработката од продажбата на „И јас сум Сирма“, Ѕоф ќе ја донира во хумани цели. Вчера на Детската клиника во Скопје беше отворена библиотеката „Соба на бајките“ – донација на Зоран Спасов Ѕоф и „Арс Ламина“. Библиотеката е направена и опремена со средства од продажбата на претходната хит-книга на Ѕоф – „Цепај сине: пошто џабе живиш у Македонија“. Во библиотеката се застапени околу 100 книги за деца, сликовници, читанки и лектири на македонски и на албански јазик. Со оваа донација Ѕоф и „Арс Ламина“ ја продолжуваат заедничката мисија да им помогнат на најранливите категории, особено на децата.

The post Книгата „И јас сум Сирма“ ја пишував со смеа и солзи, кажа на промоцијата авторот Зоран Спасов Ѕоф appeared first on Република.

Романот „Ќе се видиме ли, пак!?“ од Зоран Радически, издание на „ПНВ Публикации“ од Скопје, ќе биде претставен пред тетовската и пред скопската публика. Првата промоција на романот ќе се одржи на 29 октомври од 19:30 часот во родниот град на авторот ‒ Тетово, во „Музејот на тетовскиот крај“ (поранешен Дом на АРМ), а книгата ќе ја промовира Перица Сарџоски, додека пак, промоцијата во Скопје е закажана за следниот ден ‒ 30 октомври со почеток во 20:00 часот во кафе-книжарницата „Буква“, а промотор ќе биде Дарко Лешоски. Настаните ќе ги модерира Јулијана Величковска. Изданието е поддржано од Министерството за култура.

‒ Во романот „Ќе се видиме ли, пак!?“ Зоран Радически на забавен начин раскажува за предизвиците на поединецот кој е изместен од својот досегашен животен контекст и простор. Среде хаосот на големиот град, еден сосема обичен човек се обидува да „плива“ и, од малите, искршени фрагменти на стварноста, да го обликува и преосмисли својот идентитет. Неговата емигрантска приказна не е натопена во блуз и патетика. Низ дисторзија од јазични игри и свесно кршење на стандардот, пред читателот, калеидоскопски, со голема брзина, се прикажуваат цела низа бизарни, необични случки, ексцентрични ликови, а атмосферата понекогаш е фантазмагорична и на граница на реалното. Во својот „расказнет роман“, иако дебитантски, авторот умешно се справува со предизвиците што ги носи пишувањето на оваа форма и вешто ги користи можностите на жанрот ‒ Иван Шопов.

Зоран Радически е книжевен преведувач, поет, лингвист и полиглот. Роден е во 1985 година во Скопје. Дипломирал и магистрирал на Катедрата за превод и толкување и на Катедрата за јужнословенски јазици при Филолошкиот факултет „Блаже Конески“ во Скопје. Зоран, главно, преведува поезија и кратка проза од: германски, англиски, африкаанс, холандски; а во зависност од потребите, исто така и од: шпански, француски, италијански, руски и други јужнословенски јазици на македонски јазик и обратно. Има преведено повеќе збирки и песни од различни домашни и странски поети. Зоран пишува хаику, класична поезија и проза. Учествувал како поет на повеќе книжевни фестивали и застапен е во неколку антологии. Досега има објавено една хаику збирка на македонски јазик „Сенките во сонот“. Бил ангажиран како преведувач и толкувач на фестивалот „Струшки вечери на поезијата“ и во рамките на платформата за млади европски поети „Версополис“.

The post Промоција на романот „Ќе се видиме ли, пак!?“ од Зоран Радически во Скопје и во Тетово appeared first on Република.

Легендарната македонска група „Меморија“ во пресрет на својот голем славенички концерт закажан за 16-ти ноември 2024 во арената „Борис Трајковски“ по повод 40 години од своето постоење, во етер пушти уште една нова, петта по ред песна насловена „За добро да е“.

Овој пат во прашање е нова авторска песна, чиј автор е новиот гитарист на бендот Рубин Димковски, додека автор на текстот е Душко Темелковски, некогашниот пејач на прилепската група „Бен Хур“.
Песната е стилски поинаква од сето она што досега групата го работела, во брз ска ритам, но со мошне заразен и певлив хорски рефрен и стихови од кои извира чиста позитива, што и тоа како ни е потребно на сите нас во овие матни времиња. Главниот вокал и овој пат го преземал Ристо Самарџиев, но во хорските рефрени пеат сите челенови на групата, што дава добар шлагворт за уште подобра интеракција со публиката која ќе ја пее во еден глас со групата на нивниот претстоен, славенички скопски концерт, на 16-ти ноември, но и на сите останати настапи во иднина.
Како и претходните новоизлезени песни и оваа е снимена во студиото „Тра ла ла“ на Мите Димовски кој заедно со Давор Јордановски ја изработиле музичката продукција, додека извршен продуцент е Петар Георгиевски – Камиказа.
Песната официјално беше промовирана на прес конференција која се одржа во просториите на „Универзитет Скопје“.

https://www.youtube.com/watch?v=CaBbuOVEA8Q

The post „Меморија“ пушти во етер уште една нова песна насловена „За добро да е“ appeared first on Република.

Фотомонографијата „Костимот во Македонија од појавата на фотографијата до денес“ од Зорка Тодорова-Младеновиќ ќе биде промовирана на 23 септември (понеделник), во 18 часот, во КЦ „Магаза“ во Битола. Настанот е во рамките на „Олабај“ – офф-програмата на Интернационалниот фестивал на филмската камера „Браќа Манаки“.

Промоторка на книгата ќе биде Наде Геневска-Брачиќ, етнолог и кустос-советник во НУ Завод и музеј – Битола, воедно и авторка на едниот предговор во книгата, а модераторка ќе биде уредничката Бисера Бендевска. „Костимот во Македонија од појавата на фотографијата до денес“ е издание на „Арс Либрис“, дел од „Арс Ламина – публикации“ и е поддржано од Министерството за култура, како дело од национален интерес.

Ова е второ претставување на „Костимот во Македонија“, по промоцијата во Музејот на македонската борба за државност и самостојност во Скопје, во март оваа година. Книгата ги сублимира сознанијата и знаењата здобиени од стручната наобразба на авторката во областа на костимографијата и на модниот дизајн, но и од работните искуства, пред сè како филмски и музејски костимограф. Повикувајќи се на големите студии на проф. д-р Ѓорѓи Здравев за македонските народни носии, на д-р Воислав С. Радовановиќ, кој се фокусирал на раскошноста на мариовската носија и на неколкумина други македонски стручни лица, етнолози, и потпирајќи се на својот вроден раскажувачки талент, Тодорова-Младеновиќ создаде читлив и рецептивен текст интересен за стручната јавност, но и за секој љубопитник што го интересира развојот на облеката во Македонија од првите фотографски записи, па до денес.

Стилот на пишување е белетризиран и збогатен со цитати од македонската книжевност, конкретно од романот „Крпен живот“ на Стале Попов во кој детално се опишуваат постапките на креирање облека во домаќинството, а вклучени се и сведоштва на историски личности од почетокот на 20 век во Македонија, кои зборуваат за други аспекти на облекувањето во тоа време. Книгата е збогатена со многубројни фотографии од приватната архива на авторката и од други извори, педантно забележани во книгата.

Зорка Тодорова-Младеновиќ (1943) е моден креатор, костимограф, автор и новинар. По дипломирањето на Националната школа за декоративни уметности во Париз, Франција, во 1968 година, се вработува во Радио-телевизија Скопје како костимограф за ТВ-серии, драми и музичко-забавни емисии. Истовремено работи костимографии и за играни филмови („Мементо“, „Жед“, „Истрел“, „Исправи се Делфина“, „Црвениот коњ“, „Хај-фај“, „Војната заврши“ итн.), и за театарски претстави (во Драмски театар, Кумановски театар, Битолски театар, Театар на националностите, Театар „Пралипе“ итн.). Во текот на својот работен век пишува и текстови за мода во македонските дневни и периодични изданија („Починка“, „Екран“, „Вечер“, „Нова Македонија“, „Журнал“, „Просветена жена“ и др.), а одреден период го уредува специјализираното списание „Текстилен информатор“. По пензионирањето, Тодорова-Младеновиќ реализира околу 200 историски костими за восочните фигури изложени во редовните поставки на Музејот на македонската борба за државност и самостојност, како и во Археолошкиот музеј во Скопје.

The post Промоција на „Костимот во Македонија“ во рамките на „Олабај“ – офф-програмата на фестивалот „Браќа Манаки“ appeared first on Република.

Во бифето на Младинскиот културен центар (МКЦ) во Скопје, вечерва, на 4 септември, со почеток во 20 часот, ќе се одржи промоција на романот „Деца“ од познатата српска авторка Милена Марковиќ. Овој роман, што во 2021 година ја освои престижната НИН-ова награда, носи моќна и емотивна приказна за животот и растењето.

Промоцијата ќе биде проследена со разговор меѓу авторката и македонската писателка Јулијана Величковска, а изданието е објавено од ПНВ Публикации, со поддршка од Министерството за култура на Република Србија. Преводот на македонски јазик е дело на Сашо Огненовски.

Критиките за романот се одлични. Познатиот новинар Теофил Панчиќ за „Деца“ вели: „Ова е книга што ќе остави траен впечаток на читателот. Не можам да замислам некој кој ќе ја прочита, а нема да се почувствува променет“. Писателот Миљенко Јерговиќ додава: „’Деца‘ е поетско ремек-дело за женственоста, мајчинството и историјата, роман што ни ги отвора трауматичните сеќавања на минатото“.

Милена Марковиќ е истакната драматургка, сценаристка и поетеса. Нејзини дела, како сценариото за серијата „Мочуриште“ и драмите „Брод за кукли“ и „Павилјони“, се изведуваат и на македонските сцени, вклучувајќи го и Народниот театар во Битола. Во својата кариера, Марковиќ има освоено бројни награди за својата литературна и драмска работа, како што се „Милош Црњански“ и „Борисав Михајловиќ Михиз“.

The post Промоција на романот „Деца“ од Милена Марковиќ во МКЦ appeared first on Република.

Премиерот Христијан Мицкоски денеска во Владата ќе одржи прес-конференција на која ќе ја промовира мерката „Помалку трошоци-повеќе за сите“.

Како што соопшти владината прес-служба, станува збор за мерка со која ќе се замрзнат и намалат цените на производите потребни за децата за отпочнување на учебната година, со што, како што велат, директно ќе се помогне за заштита на стандардот на граѓаните.

The post Владата ќе ја промовира мерката „Помалку трошоци-повеќе за сите“ appeared first on Република.

Новата книга „Трибун, Хронистерик, Номад” од македонскиот писател Александар Прокопиев ќе биде промовирана денес во 19:30 часот во хотел Аполонија, во рамки на Гевгелиско културно лето 2024.

Промотор: Влатко Галевски

Оваа широка, длабока и пловна есеистичка книга на Александар Прокопиев, на самиот раб помеѓу критичкиот и прозниот дискурс, содржи десетина текстови со сроден тоналитет, подредени во три музички именувани циклуси: Praeludium, Scherzo и Lento.

Александар Прокопиев (1953, Скопје) досега објавил дваесетина прозни книги – раскази, новели, есеи и еден роман – некои од нив се преведени на светски и балкански јазици. Во 2000-та година, Енциклопедија Британика ја истакна неговата книга хибридна проза „Антиупатства за лична употреба” меѓу најинтересните годишни изданија од Југоисточна Европа, во 2011-та година за збирката бајки за возрасни „Човечулец” Прокопиев ја доби угледната меѓународна награда „Балканика”, 2022 година во најновата едиција на обемната, реномирана историја на европските книжевности „Les Lettres Europeenes”, неговата проза се анализира во поглавјето „Тенденции и современи фигури 1989-2021”, споредувајќи ја неговата со нарацијата на инвентивните раскажувачи како Бартелми, Калвино…

На најновата книга есеи „Трибун, Хронистерик, Номад” ѝ претходеа: „Дали Калимах беше постмодернист?” (1994), „Патувања на сказната” (1996), „Постмодерен Вавилон” (2000), „Борхес и Компјутерот” (2005), „Измислувајќи ја Европа” (2014).

The post Новата книга „Трибун, Хронистерик, Номад” од македонскиот писател Александар Прокопиев ќе биде промовирана денес на Гевгелиско културно лето appeared first on Република.

Во деновите кои доаѓаат, Дом на култура “Иван Мазов – Климе“ Кавадарци ги најавува следните настани:

Вторник, 13 август 2024, 20 часот, Галерија при Дом на култура Кавадарци – отворање на изложба на дела од деветата Меѓународна радовишка ликовна колонија 2024.

Среда, 14 август 2024, 20 часот, Градски плоштад Кавадарци – концерт “Фатени за раце го менуваме светот“ со настап на членови на Фолклорниот ансамбл “Тиквеш“ кој работи при Дом на култура Кавадарци и учениците од посебната паралелка при ОУ “Страшо Пинџур“ Кавадарци.

Четврток, 15 август 2024, 20 часот, Галерија при Дом на култура Кавадарци – Промоција на „Роман на годината 2023“ чиј добитник е една од најпознатите македонски писателки Лидија Димковска. За романот и наградата ќе зборуваат познатиот македонски новинар Ѕвездан Георгиевски, како претставник на Фондацијата “Славко Јаневски“ која ја доделува наградата, промоторот Виолета Танчева Златева и секако авторката на наградениот роман “Единствен матичен број“ – Лидија Димковска. Наградата Роман на годината годинава се додели по 25 пат, а во Кавадарци се случува промоција по петти пат, традиционално како прв град после Скопје.

The post Промоција на „Единствен матичен број“ од Лидија Димковска во Кавадарци appeared first on Република.

Синоќа со промоција на монографијата на Никица Гилиќ „Predavanja o filmskom modernizmu“ (2024) во издание на Leykam International, Zagreb, Croatia заврши фестивалот на анимиран филм „Флипбук филм фестивал“

Новата авторска книга на професорот по филмологија и книжевен компаративист Никица Гилиќ, „Predavanja o filmskom modernizmu“, донесува фундаментални размислувања за филмскиот модернизам, типологијата на модернистичките филмови и анализи на одредени репрезентативни дела и опуси на играни, експериментални, анимирани и документарни филмови – од зрелите достигнувања на Томислав Готовац, преку загрепската школа за анимиран филм и авторски филмски класици – до Карл Тодор Драјер, Роберт Бресон, „Безбедно место“ на Јурје Леротиќ и филмовите на Стенли Кјубрик, браќата Коен, Дамир Чучиќ, Маја Дерен и други современи хрватски аниматори.

Целта на оваа монографија е да ги доближи модернизмот и постмодернизмот до филмските љубители, поради што авторот користи примери од делата на избраните автори, велат организаторите.

Книгата ја промовираа професор Александар Прокопиев и Жарко Иванов.

The post „Флипбук филм фестивал“ заврши со промоција на монографијата на Никица Гилиќ „Предавања за филмскиот модернизам“ appeared first on Република.

Приказните на истакнати жени што владееле во средновековниот период на Балканот,  кои беа во фокусот на проектот „Владетелки на Балканот“ (SheLeadersVR) кој  се реализираше во Скопје со фотограметриско снимање и дигитализација на артефакти во Музејот на Македонија, стигна до финалето.

Проектот е поддржан од програмата на „Креативна Европа“, а кофинансиран од Министерството за култура. Центарот за научно истражување и промоција на културата „ХАЕМУС“ – домаќин и партнер од Македонија, го работеше овој проект во партнерство со: Здружението за дигитализација и информација на културното наследство „Digi.ba“, NoHo Ireland, Универзитетот во Сараево, Народниот музеј на Црна Гора и Археолошкиот институт при САНУ во Белград.

Во Европска куќа во Скопје деновиве се одржа промоција на VR и AR апликациите.

Целта на проектот е да се создадат дигитални апликации коишто ќе овозможат користење на виртуелна и проширена реалност при реконструкција на животот, дејствијата, просторот за живеење и предметите поврзани со пет избрани жени – средновековни владетелки од територијата на Западниот Балкан.

Врз основа на научно истражување, пишани и визуелни извори, беа создадени сценарија за играниот сегмент на VR апликацијата како и фантастични костуми со цел да се оживеат петте женски владетели на средновековниот Балкан.

На реконструкција на костумот на византиската принцеза и кралица Марија Палеологова, работеше м-р Василка Димитровска, креативен директор на ХАЕМУС, која беше во својство на главен консултант на проектот од Македонија. Костумот беше изложен за време на прес конференцијата, а понатаму ќе биде изложен и достапен при различни промотивни активности.

Историскиот костум на кралицата Марија Палеологова е специјално создаден  за потребите на AR и VR апликациите, каде што го носи вистинска актерка во автентично историско опкружување кое е дигитално реконструирано. Поради спецификата на театарската изработка, костумот не може да се облекува како кај примерите со жива интерпретација на наследството, туку е изложбен експонат којшто јавноста набрзо ќе има можност да го види.

Дополнително со историскиот костум, ХАЕМУС доби на управување и целосна опрема за VR искуство која вклучува и специјални окулари или очила за VR со чија помош ова искуство во времетраење од половина час е сеопфатно за сите сетила. Со нив може да се погледнат приказните за 5 кралици кои се направени во форма на интерактивна квиз-игра, а кога ќе ги заврши петте видео игри се отвора шеста врата која води кон тајна одаја каде се наоѓаат предметите (артефактите) што корисникот ги собрал попатно.

Тоа е видео игра, каде што треба да се пронајдат тајни артефакти коишто припаѓаат на сите кралици. Во случајот со Македонија, корисниците на апликацијата буквално влегуваат во средновековната Палата на Скопско Кале која за потребите на проектот е реконструирана, се движат низ неа и решаваат загатки, за да можат да го пронајдат тајниот предмет којшто ѝ припаѓал на средновековната владетелка Марија Палеологова,  објасни на средбата со новинарите, Димитровска

The post Претставен проектот „Владетелки на Балканот“: Со апликацијата влегувате во Палата на Скопското кале, решавате загатки за да го пронајдете тајниот предмет на средновековната владетелка Марија Палеологова appeared first on Република.

Вечерва во Културниот центар „Лабораториум“ во Скопје, со почеток во 21:00 часот, ќе се одржи промоцијата на новиот спот на скопскиот бенд „Занаду“.

Песната “Не сакам” е сингл направен во длабочините на морето, од забите на сонцето, предвесник на вториот студиски албум на бендот.

The post Промоција на новиот спот на скопскиот бенд Занаду вечерва во Лабораториум appeared first on Република.

Денеска напладне во НУ Библиотека „Григор Прличев“ ќе биде промовирано најновото поетско дело на Оливера Јовановска „Секојдневниот ореол“.
Промотор ќе биде проф. д-р Виолета Ачкоска.
Стихови ќе читаат Софија Милеска и Христијан Јовановски.
Оливера Јовановска е родена на 21 јули 1970 година во Битола, Македонија. Таа е македонска и австралиска поетеса која во далечната 1986 година се пресели да живее во Австралија. Таму се здобива со диплома за администрација и бизнис менаџмент, кој се главен фактор за нејзино успешно менаџирање бизнис за здрава храна. Моментално поголем дел од времето го минува во Скопје, Македонија.
Автор е на збирките поезија „Неостварена љубов” (2020), „Магични љубовни зборови” (2021), „Одмрзнати чувства” (2022) „Слушни го срцето” (2023), „Време безвремено” (2023), ,, Секојдневниот ореол“ (2024), ,,Примабалерина“ (2024), Хаику поезија ,,Бисерно клопче“ (2024), збирката раскази „Талкање низ соништата” (2024), како и збирката раскази за деца ,,Чувај го детето во себе“ (2024). Јовановска е автор и на романот „Лавиринт на Вистината” (2021), кој е издаден на англиски, албански и руски јазик. Застапена е со поезија и проза во повеќе зборници и антологии во Македонија.
Член е на МЛД „Григор Прличев” од Сиднеј и на МЛД „Кочо Рацин“ од Мелбурн, исто така е член и на фондацијата ,,Такец“ од Битола.
Оливера Јовановска повеќепати е наградувана за поезија и проза во Австралија и Македонија. Некои од нејзините песни се изведувани од познати македонски интерпретатори, така што нејзините стихови се слушнати и на неколку фестивали.

The post Во „Прличевата одаја“ денеска промоција на „Секојдневен ореол“ од Оливера Јовановска appeared first on Република.