Највисоките партиски органи на СДСМ следната недела ќе одржат состаноци на кои ќе се извршат подготовките за свикување отчетен Конгрес, согласно статусот на партијата, по поразот на двојните избори кои ги претрпе партијата и најавите за смена на раководството.

Во тек се подготовки за процесите што ќе се случуваат во партијата, согласно статутарните постапки и она што беше јавно соопштено досега, по изборите. Наредната недела се планирани состаноци на раководството на СДСМ и Извршниот одбор за отпочнување на постапката за свикување отчетен Конгрес, согласно Статутот на партијата, брифираат од партијата.

На отчетниот Конгрес, како што наведуваат оттаму, ќе се рагледаат причините за изборниот резултат, спроведените анализи и поднесените извештаи за работењето на партијата.

Согласно Статутот, се очекува на отчениот Конгрес да бидат дефинирани рокови и начин на спроведување на внатрепартиски избори. Процесот на обнова ќе биде на сите нивоа, ќе се избира претседател, заменик претседател, раководство, сите органи и тела на партијата на централно и локално ниво, согласно Статутот на СДСМ, брифираат од партијата.

Досегашната владејачка партија претрпе пораз на претседателските и парламентарните избори. Поранешниот претседател Стево Пендаровски, поддржан од СДСМ, кој се бореше за втор мандат на вториот круг од претседателските избори загуби од неговата противкандидатка, поддржана од ВМРО-ДПМНЕ, Гордана Силјановска Давкова, освојувајќи 251.899 гласови или 29,25 отсто, наспроти 561.000, одноно 65,14 отсто за новата шефица на државата.

Согласно резултатите од парламентарните избори, пак, Коалицијата за европска иднина, предводена од СДСМ освои 18 мандати во 120-члениот Парламент, додека Коалицијата „Твоја Македонија“ на ВМРО-ДПМНЕ 58 мандати. Европски фронт на ДУИ освои 19 мандати, Коалицијата од албанскиот опозициски блок „Вреди“ 13, а Левица и Движење ЗНАМ – За наша Македонија по шест мандати.

Лидерот на партијата и поранешен премиер Димитар Ковачевски по прогласувањето на резултатите од двојните избори изјави дека резултатот е разочарувачки, дека на СДСМ му е зададен сериозен удар и најави процес на обнова и консолидација на партијата и нови избори за претседател и раководство на партијата.

СДСМ повторно покажа државотворност и одговорност по стоти пат. Најлесно беше по толку лажни обвинувања и напади од ВМРО-ДПМНЕ да не го мобилизираме нашето членство за негласање на претседателските избори, но не паднавме во таа замка. Покажавме дека Македонија ни е поважна и секогаш ќе биде така. Денешниот резултат е разочарувачки. На СДСМ му е зададен тежок удар не замо од граѓаните, туку и од симпатизерите и поддржувачите на партијата. Во наредниот период детално ќе ги анализираме овие резултати. Во наредните месеци ќе треба посериозно и подлабоко да го најдеме изворот и причините за овој поразителен исход, рече Ковачевски на прес-конференцијата вечерта, по објавувањето на првичните резултати од гласањето.

Тој тогаш посочи дека не сака да избрзува со заклучоците и да посочува виновници, но подвлече дека и тој и партиското раководство како и сите избрани функционери имааат одговорност на локално и централно ниво.

Никој реално не е без одговорност и тука ќе мораме заедно да поминеме низ овој процес. СДСМ ќе треба добро да погледне навнатре, да размисли што направивме и кои се резултатите и да види кои се слабостите во изминатите четири години, а можеби и во последните седум години. И уште поважно, што е тоа што треба да направи за ја обновиме и вратиме довербата на граѓаните што ја изгубивме, рече Ковачевски.

Тој најави процес на обнова и консолидација на партијата и повика на нов избор на сите партиски тела почнувајќи од претседателот на партијата, раководството и сите органи на партијата.

По поразот на изборите оставки од партиските функции поднесоа потпретседателите на СДСМ, Фатмир Битиќи, Сања Лукаревска и Перо Костадинов, додека дополнителната заменик министерка за труд и социјална политика Јованка Тренчевска се повлече од функцијата претседателка на Форумот на жени на СДСМ.

The post СДСМ наредната недела ќе почне со подготовки за отчетниот Конгрес, а потоа и за внатрепартиските избори appeared first on Република.

Нашето име е ВМРО-ДПМНЕ, никогаш не било важно како сега да се случи обединување, да се обезбеди национално единство, пишува на социјалната мрежа на Фејсбук лидерот на ВМРО-ДПМНЕ Христијан Мицкоски.

Ова го чувствувам како потреба на македонскиот народ, но и како моја обврска да се обидам да ја реализирам идејата за национално единство во моменти кога таа и е најпотребна на Македонија.

Промените во твои раце, Македонија повторно твоја, заокружи број 2, пишува Мицкоски во својата објава.

The post Мицкоски: Никогаш не било важно како сега да се случи обединување, да се обезбеди национално единство appeared first on Република.

Овен

Викендов во каква ситуација и да се впуштите не дозволувајте да бидете виновни. Проверете дали сè се случува со причина поради вашите нереални очекувања. Не се лутете пребрзо.

Бик

Викендов потрудете се да не се споредувате со другите и да не барате перфекционизам во односите. Постојаното споредување ќе ве одведе во очај, затоа бидете опуштени.

Близнаци

Овој викенд ќе мора да промените некои работи во вашата врска која бара промени. Откажете се од тврдоглавите интереси и започнете со работа на себе и на врската.

Рак

Сакате резултати од работата во односот со партнерот, но тие изостануваат поради недоволната комуникација. Се враќате на раните кои уште не се залечени, а на сето тоа недостасува малку емпатија, како за вас, така и за партнерот.

Лав

Овој викенд поставете си јасна граница помеѓу минатото и сегашноста. Партнерот ве поддржува, но вие тоа не го гледате.

Девица

Ви се нуди одлична можност за да поправите некои односи. Се грижите за себе е исто важно, како и да се грижите за партнерот.

Вага

Поминувајте повеќе време во домот со партнерот или без него. Ова може да ве доведе до недоразбирање бидејќи нема да покажувате јасно што сакате. Разговарајте.

Скорпија

Имате стравови кои се однесуваат на слободата и довербата. Ова не е случајно и не ги игнорирајте овие знаци за тревога, бидејќи ќе ви ги уништи идните односи.

Стрелец

Имате проблеми со пријателите, а таа нервоза и ја пренесувате на саканата личност. Потребно е да не кревате голема прашина, бидејќи сето тоа е минливо.

Јарец

Овој викенд допишувањето со поранешната љубов ќе ве изненади, но и ќе ве помести од место. Само имајте на ум дека воопшто не е во прашање нова романса со среќен крај, туку лекција која не сте ја научиле.

Водолија

Ќе имате сомнежи во сопствените одлуки кои се однесуваат на поранешниот партнер. Се двоумите бидејќи ви изгледа дека повеќе нема што да се направи. На повидок е нова љубов, старата оставете ја во минатото.

Риби

Ве очекува убав викенд, не влегувајте во непотребна расправија. Малку сте исцрпени и потребен ви е мир. Уживајте.

The post Големи промени викендов за овие хороскопски знаци appeared first on Република.

Васко Шутаров

Се канев да пишувам нешто за животните промени кои се неминовност во нашите животи. Никој не успеал да го замрзне летото трајно и да ѝ забрани на зимата да дојде, никој не успеал да ја направи младоста вечна и да не ѝ дозволи на староста да затропа на врата, никој не успеал да изѕида доволно високи и цврсти бедеми кои би биле брана за брановите од културни, општествени или политички промени, кои исто така неминовно се случуваат, како и сè друго во животот!

Размислувајќи за темата, потсетувајќи се што тоа науката, а посебно филозофијата и уметноста велат за неминовноста од промени, онемев од веста дека од овој свет си заминала една несекојдневна и во сè посебна уметница, жена-симбол за промени и освојувања на слободи во животите на неколку генерации млади! Веста за смртта на Слаѓана Милошевиќ како метеор удри во најдобро чуваното и однегувано парче градина, во која се случуваат најубавите и најинтимните освојувања на слободи и среќа - таа мала интимна градина во која Слаѓана беше мерна единица за храброст, убавина и вистина. И жена која менуваше све(с)т!

Прегледувајќи деновиве десетици интервјуа што ги имала последниве години, ми се потврдува претставата за Слаѓана дека беше обдарена со харизма и мноштво таленти и дека беше темелна и вредна во пристапот кон секоја работа (па и во љубовта, за која понекогаш скромно зборуваше)! Беше икона на цел еден бран на промени во 80-тите години во некогашна Југославија во скоро сите сфери од творештвото, најмногу во музиката, но и во модата, во книжевноста, во авангардниот театар, на алтернативната сцена, во документариот филм и активизмот. Беше и „Секси Дама“ и „Принцеза од некоја друга планета“, авангарден предвесник и на промените и на новото во времето кое го живеевме! Беше бескомпромисен бунтовник, со причина!

Како пасиониран собирач на секакви можни знаења, од научни до религиски и како сопственик на мноштво таленти, знаеше во интервјуата да каже: „Задача на секој од нас е секојдневно да се менуваме и поправаме! Јас сум една од оние кои веруваат дека мора да се учи до последниот ден од животот. Секој нов ден имаме шанса да научиме нешто ново  и да постоиме во сегашниов миг, бидејќи времето минува и носи нови барања и нови законии ако не се менуваме и не го следиме, едноставно излегуваме од игра! Така се претвораме во исушени черупки кои го чекаат само својот последен суд!“

Слаѓана беше прва жена на просторите на поранешна Југославија која така здраво згазна врз тогашниот подзаспан медиумски простор, рушејќи многу табуа, неформални и формални забрани (забранувана за емитување и на радио и на телевизија, во еден период!), често цензурирана и јавно шиканирана, но бескомпромисна - нејзиниот глас и авангардна појава, сепак допираа секаде и до секого! „Преку уметноста на модата ја одразував мојата животна филозофија, својот бунт и неприфаќањето на лошите правила! Ја употребував модата како оружје против сè она што нè уназадува, против ретроградната култура што нè разјадува”, зборуваше во една прилика.

Како врвен интелектуалец, многу критички ја оценуваше својата улога како јавна личност, сепак „дозволена” во тогашниот „социјализам со човечки лик”, како нов и необичен лик, преку кој илјадници млади ги проектираа своите неостварени сонови, желби и слободи! Таа беше начисто дека е осудена да ја игра улогата на своевиден издувен вентил по кој тогашниот режим секогаш можеше здраво да удри, а неа да ја крши! Но, Слаѓана успеа да создаде армија од обожаватели на кои им го расчистуваше патот кон нов систем од вредности, нови правила на игра, нови начини на живеење и култура на однесување.

Во што и да сте први и да предничите пред другите, вие ќе ги сносите последиците од тоа! И кога ги рушите постоечките концепти и принципи во која било област, морате да ја издржите стоички сета критика од мноштвото кое го поддржува и брани сопствениот комфор и општествениот отпор кон какви било промени!”

Зад себе не остави потомство, но остави антологиска музика и неколку капитални книжевни дела. Во едно од нив „Цивилизацијата и жената – Машка жена” на 1.726 страници ја опишува жената на еден толку оригинален и луциден начин: „...И велам дека не постои машки и женски свет, како што не постои машка и женска наука, историја, уметност, вера! Светот во кој живееме е заеднички! Не постои машка и женска вистина! Вистината е само една, иста за обата пола. И затоа единственото исходиште кое мене ме занимаше, беше вистината! Вистината стана моја обврска, бидејќи само од вистината може да произлезе ред, а од редот мир! Сè што е засновано на невистина и лаги, кога тогаш ќе потоне, ќе се раствори и ќе исчезне!”

Да живееше во еден малку поцивилизиран свет, за каков што цел живот се бореше, Слаѓана Милошевиќ ќе беше заштитена со закон, како непроценливо (интер) национално богатство! Ќе беше ѕвезда или херој или штогоде друго важно, бидејќи цел свој живот, темелно и безрезервно го посвети на промените на старото и на времето кое допрва доаѓаше, бидејќи таа секогаш и беше чекор пред времето! Предвреме и замина од овој свет, мизерно третирана и крајно разочарана од здравствените власти на својата држава, кон која, патем, негуваше најдлабоки патриотски чувства.

Таму каде Слаѓана сигурно уште долго ќе живее се пејзажите од интимни градини на оние кои ја сакаа и ја почитуваа и од каде уште долго ќе одѕвонува нејзиниот глас, стиснат меѓу заби, но моќен да стаса и некаде надвор од планетите: „Менувајте се луѓе на подобро, секој ден менувајте се и себеси и светот околу себе-и не дозволувајте заради вашето мало парче животен комфор, сите заедно да живееме во таква сеопшта мизерија од невистини и лаги! Борете се за промени, затоа што самиот живот е постојана промена!”

.............................................................................................................

Неспорно е дека луѓето во најголем дел се обидуваат да ги избегнат или да им се спротивставуваат на промените и кога се свесни дека нема да им успее тоа! Промените се закон на природата, промените се и главна општествена и политичка законитост! Во природата нема недостатоци или дупки низ кои можеме да се провлечеме и да ја замрзнеме засекогаш нашата најдобра возраст или омиленото годишно доба! Мудрите го разбираат тоа, храбрите го доживуваат како предизвик за промени, мноштвото луѓе како причина да стравуваат и на сите можни начини да ги спречуваат промените!

Откога е светот и векот било така! Од античките мислители Хераклит, Сократ и филозофите-стоици кои учеле дека не постои ништо трајно освен промените, до модерната наука, како онаа на австрискиот филозоф Рудолф Штајнер, во која се развива и докажува теоријата за личниот развој, заснован на седумгодишни човекови циклуси на промени.

Можеби наједноставен одговор за промените се крие во приказната за еден средновековен пророк кој побарал совет од најмудриот човек во тоа време, да му ја каже животната порака која би била клучна за секој човек? „И ова ќе помине!” - му одговорил мудрецот!

Но, мудроста на модерниот човек се состои не само во очекување промената сама по себе да се случи и во трпењето таа да си замине, туку во постојаното преоткривање на промените во себе и во креирањето промени во сопствената непосредна и подалечна  средина, во еден склад во кој промените би пулсирале во ист ритам-и би емитирале вистина, убавина, добрина и сила!

20 век ни ја откри Вирџинија Вулф, која беше книжевен велемајстор да ги долови сите нијанси на промените во нашите животи. Во нејзиното ремек-дело „Бранови” (1931), Вулф ги следи тековите на свеста на шест пријатели, почнувајќи од нивното детство до нивните зрели години. Ликовите влегуваат во нови етапи од животот кои се исполнети со многу промени и нови нешта, но и постојан недостаток на сигурност. Вулф ги прикажува сите шест лика во постојан процес на промени и метаморфози, како што тоа го правиме сите во нашите животи!

И други големи умови на 20. век, векот на најголеми движења, преврати, револуции и војни, но и век на неприкосновен потрошувачки конформизам, испраќаа моќни пораки, дека, ако не се менуваме, нема да растеме, а ако не растеме, исто како да не живееме! Моќна е пораката на Махатма Ганди дека „ние самите треба да бидеме промената која сакаме да ја видиме во светот!”

21 век, по искуствата и со коронавирусот, ни го врати на менито на јавниот наратив изразот „и ова ќе помине”, преку бестселерот на американската психотерапевтка Џулија Семјуел! Во делото „Ова ќе помине: Приказни за промените, кризите и новите почетоци” Семјуел, споделувајќи ги своите искуства со пациентите за време на пандемијата, ќе го запише и ова: „Прифаќањето на промените, исто така, ве прави подобри, бидејќи промената е единствената сигурност во животот, а болката двигател на промените - преку болката учиме и за личното и за универзалното“!

(Зарем овие лекции од животот во нашата интимна градина на растење, не ни беа всадени и од Слаѓана Милошевиќ од нашата младост, пред многу години?!)

.............................................................................................................

Векот што го живееме, бара од нас постојано нови промени, дури и оние најчудните! Чуден е векот во кој промените ја однесоа и климата и половите и интимата до своите крајности и спротивности, а уште почудни се правилата на игра, кога преку превезот на промените се навлегува и во оној најинтимниот предел, таа интимна градина, од почетокот на текстов.

Нашата интимна градина не е напросто наша скриена комфор-зона во која се повлекуваме и се напојуваме со сопствената исконска енергија! Тоа е и нашиот микрокосмос во кој е вткаена нашата автентичност и посебност, но и нашата нишка преку која се поврзуваме со светот и со Универзумот и така заеднички пулсираме во сеопштиот ритам од промени.  Во таа наша интимна градина-зона на растење и живеење, има билки и стебла по кои не се посегнува - нив ги именуваме како себство од сопствен идентитет, свое име, своја совест и свест, своја гордост и своја скромност! Ако не сме свои, што ќе менуваме и какви промени ќе практикуваме?!

Дали е крајно време за вистински промени?! Промени преку кои ќе се вратиме во редот на нормални општества, народи и држави! Промени кон нормални вредности и стандарди, за нормални луѓе, со нормални животи и во нормални времиња! Промени преку кои ќе и се вратиме најнапред на својата интимна градина и промени за кои само преку неа ќеучиме и ќе ги практикуваме- како да го фатиме ритамот на промените во времето, кое секогаш имаме право да го именуваме, како свое!

The post За промените, бунтовниците со причина и гордоста appeared first on Република.

Задоволството е големо кога гледам толку млади лица кои горат во желбата да се вградат во генерацијата која треба да издвојува голема победа, да донесе промени и да сврти нов лист кој ќе биде различен од се досега. Унијата на млади сили на ВМРО-ДПМНЕ било средиштето од каде се градат карактерите кои подоцна ќе ја имаат одговорноста да управуваат со работите кои се важни за нашата Македонија и воопшто тоа не е едноставно, ниту лесно како ќе биде насаден тој плод и како ќе изникне тој никулец кој треба да донесе живот, радост и промени, ова денеска го истакна претседателот на ВМРО-ДПМНЕ, Христијан Мицкоски.

Оваа Унијата на млади сили на ВМРО-ДПМНЕ денес е жарот од каде ВМРО-ДПМНЕ ја црпи и силата и енергијата за големи промени кои мора да се случат. Надежта која треба да се расемени низ сите млади луѓе и да се охрабрат, да се внесе сигурност и чувство на младешка пркост, дека не зависи се од политичарите, од Владата која ја гуши енергијата, од системот кој те прилепува до просечноста, од авторитетите кои се медиокритети, туку дека сега оваа битка да зависи од тебе, од сите нас и доаѓаат тие 5 минути кога треба да се ослободи енергијата која мора револуционерно да ги промени работите. Таа енергија се овие млади луѓе тука и илјадници други, низ улиците на градовите, по домовите, на куќите кои ја бараат шансата за која сонуваат. Младиот човек во оваа земја е отргнуван настрана, додека истите нивни врсници во светот се тие кои ја имаат одговорноста да ги движат работите. Соништата на младите тука не се поразлични од тие на големиот Запад, но она што е различно е шансата да стигнат до сонот. Тие таму го имаат системот и сета поддршка која тој ја дава за нивните соништа. Младите тука го имаат за жал системот против себе. Ако прашањето е што треба да направиме, одговорот е јасен и недвосмислен, а тоа е заедно да го смениме системот кој е пречка за вашите соништа. Затоа што како човек кој половина од својот живот го посвети на образувањето на млади луѓе, можам со сигурност да кажам дека најголемата загуба е залудно потрошениот талент. Некогаш тоа зависи од способностите и посветеноста на поединецот, но кај нас овде во Македонија тоа зависи за жал од системот кој што пак влече надоле. Системот граден од Владата, составен од лукративни и себични политичари, и ги скратува крилјата на соништата и можноста младите да полетаат со своите способности и да бидат она што сакаат да бидат. Затоа што само кај нас способноста за жал не е доволна, трудот и часовите посветени за надоградување за тоа што вистински сакате да бидете, не се доволни, потребно е да ве посака среќата, да имате врски или пак вистински да бидете виртуоз да се снајдете во системот на извртени вредности преполн со неморални спирали и лукративни интереси. И нормално најверојатно по пат ќе ја загубите надежта низ тој лавиринт и може да се обесхрабрите како илјадниците други кои веќе тоа го направија се откажаа и си заминаа, вели Мицкоски.

Тој додава дека не осудувам никого, ниту пак имам предрасуди кон нив, но ние што останавме тука го немаме комодитетот да се откажеме затоа што во наши раце е нашата судбина и судбината на идните генерации кои доаѓаат по нас. А, има ли подобар начин од тоа вие, сите заедно да го пресечеме гордиевиот јазол на таквиот корумпиран систем во распаѓање и да започнете со промените. Затоа Унијата на младите сили ќе ја има мојата поддршка. Заедно овие години ги водиме сите битки, заедно се надополнуваме, заедно растеме во нашите искуства, заедно се радуваме и тагуваме за сите наши порази и победи. И заедно овој пат тргнуваме во последната, но најважната битка да ја промениме оваа грда слика на тежок живот, чемер, страдања и упропастен систем и она што е најважно заедно да победиме. Не еден покрај друг, туку еден до друг. Заедно да изградиме иднина. Заедно да го одбележиме времето на доаѓање на една млада полетна и сигурна генерација која ќе расчисти со сите сеништа од минатото и ќе донесе не само зрак и надеж, туку светлина и иднина, сега и тука. Со овие луѓе и за заедничката кауза и цел. Македонија горда и исправена. Држава на среќни и реализирани луѓе. Ваквите сериозни промени бараат и сериозна подготовка. Треба да знаете дека го немаме луксузот да го разочараме народот и оние луѓе кои во нас гледаат надеж. Тоа не е само за нас одговорност, туку и порака дека друг избор немаме отколку силно, одлучно да тргнеме напред против неправдите, да ги донесеме промените и да ги поразиме оние кои преку ноќ станаа милионери на грбот на народот и кои ја опљачкаа нашата држава. Никој не е посилен од народот, а најмалку оваа забревтана власт која најсилно се држи до фотелјата бидејќи знае дека ако нејзе ја нема, нема ништо. И да, после нивниот пораз на следните парламентарни избори следува неизбежното, а тоа е одговорност. Во оваа наша последна и најважна битка за промени еден од најважните сегменти е Унијата на млади сили на ВМРО ДПМНЕ, затоа што тоа е структурата која треба да се вклучи во промените и да ја направи разликата, и ова е Унијата кон која секој член на партијата има посебно чувство на припадност и почит. Сергеј имаш тешка задача, но знам дека ти и твојот тим заедно со нас ќе победиме. Сега е моментот кога ни треба секоја поддршка затоа што само заедно ќе бидеме посилни, а промените ќе се случат толку силно колку што ќе биде и нашата поддршка. А, победата нема да биде само наша, моја или ваша победа, туку триумф на народот, правдата и Македонија ќе си ја вратиме на народот која сегашните политичари ја оддалечија и приграбија. Македонија на народот, на генерациите кои ќе го одбележат повторното раѓање на надежта и ќе создадат нови стандарди, да завладеат вредностите во кои силно веруваме.

-Власта е сериозно разнишана. Нивната фузија не е ниту некаква идеологија, ниту пак постигнување на некоја заедничка цел како што е влез во ЕУ, ниту пак некакви реформи околу кои се обединуваат, нивниот најсилен лепак се парите и фотелјите. Нема човек кој не знае дека следи промена на власта, но тие се држат до фотелјите и се борат за гола власт не само затоа што им се слатки парите што ги крадат, туку знаат дека потоа ќе се соочат и со одговорност за секој украден денар. И ќе кажам дека треба да се плашат, затоа што таквата одговорност мора да дојде. Не може да има акција без реакција, или крадење и криминал без притоа да дојде и правда за тоа. Правда ќе има затоа што забегаа и претворија општество каде владее култура на крадење и корупција. Денес стана нормално во државата секој еден поединец кој си има работа со системот да даде пари или мито. Од највисоката до најмалата позиција. Се краде од министер до портир низ државните институции, а оној кој не го прави тоа, на него се гледа како исклучок. И оваа култура на корупција и крадење е само пресликување на однесувањето на челните луѓе на државата. И таквата култура на корупција ја гледаме и во случајот со Онкологија каде се крадело од болните со рак. Човек со мачнина гледа како имало профитери од туѓата смрт. И досега немало ваков скандал кој морам да признам дека никако не може да биде ниту разбран од човек со нормална свест. И знаете, секаде во светот, и во други држави има случаи каде ќе има недостатоци на системот и грозоморни исклучоци на брутално кршење на правилата и законите. Но, функционалните држави се разликуваат од нас по начинот на кој тие реагираат и постапуваат откако ќе излезе ваков скандал и одговорноста која мора да ја има. А, што направи оваа власт? Влезе обвинителството не со истрага, туку со предистрага, а истиве кои профитирале на грбот на најзагрозените сега се уште се во состојба да работат. Повторно одредуваат терапија која ја краделе и во секој час може да го повторат делото. Воедно доста со навреди на интелигенција дека за големите катастрофи во Македонија може да биде виновен кабелот, кочниците, или сестрите, а не и оние што потпишуваат договори и даваат насоки. Еден познаник ми вели, а што ќе направеше ти да беше власт. Ќе ги уапсев од првиот до последниот и ќе мораа да одговараат. И кој сака нека биде директор, и од која и да доаѓа партија. Па овој директор сега што го толерираат им шета по штабот и држи предавања и се смее на правдата в лице. И мисли ли дека сега тој траор ќе престане или мисли дека вечно ќе биде заштитен? На секој еден кој се огрешил спрема законот има причина и треба да се плаши, и треба да стравува затоа што неодминливо како што има ден и ноќ ќе има одговорност и правда. Тоа јас ви го ветувам, вели Мицкоски.

Тој додава дека и драги пријатели во исто време кога и крадат од терапија за болни ќе ги видите како излегуваат и држат трибини под насловот „И ние сме Европа“. Да ние географски сме во Европа, но со власт како од Африка. Дојде време и пензионерите да протестираат зошто и тие се незадоволни и тоа го прават со право. Ги оставија на питачки стап и ниту еднаш не ги покачија пензиите додека инфлацијата ги изеде нивните примања. Владее беспарица за која власта нема слух. И доста со приказните реформи, ЕУ, вакви – такви измени, претседавање со ОБСЕ, шетање низ светот на Владата како демек работат нешто. Народот го оставивте без леб. Народот е гладен. Не е главна тема меѓу народот Европската Унија, или колку пати Ковачевски ќе каже и ние сме Европа, туку тоа што народот нема пари ниту за леб. Кога последен пат прошетале низ маркетите, ги виделе ли цените и платите на луѓето. Тоа е главната тема која го мачи нашиот народ. Економијата никогаш не била полоша. Имаме образование без учебници, земјоделие без платен труд, компании кои се затвораат, медиуми кои животаркаат, новинари чија професија ја дезавуираат, со примања кои ги потценуваат и профитери над маката на народот. Ова се главните теми кај реалниот човек, а не маглата која тие ја продаваат. Тука власта ја убива надежта и животот кај луѓето, а не големите теми за кои само зборат, а ништо не прават и ова мора да се промени. Промената која мора да се случи и новата влада која ќе дојде ќе одговори на реалните проблеми важни за секој човек. Највеќе од се ви ветувам дека ќе работам на тоа економијата да ја кренам на нозе и народот да почувствува повеќе пари. За бадијала соништа, големи цели и идеали, ако стомакот на народот е празен. Промени мора да има секаде во секој сегмент, но најголемата мора да се случи во економијата, каде народот мора да има пари, повеќе пари за секого и сиромаштија која мора да се намалува. Мора да се направат промени и да се обнови надежта кај луѓето за подобар живот и иднина која ќе ја градиме сега и тука. Не за 5, 10 или 15 години, туку сега и тука.

Додека се случуваат сите овие проблеми, пропагандите на соседите никогаш не престанаа. Додека оваа власт не убедува во придобивките од добрососедскиот договор кои самите го склучија, Бугарија тера отворена пропаганда против Македонија и како тоа да не е доволно, овие денови тие вршат жесток притисок и терор при пописот во Албанија, македонското малцинство да се впишува како етнички Бугари. И сега познати ни се намерите на бугарската политика, но необјаснив е молкот на македонската власт. Да бидам искрен не очекувам дека Али Ахмети ќе се прекрши за Македонците во Албанија, но барем Ковачевски да преземе мерки и да реагира на ваквиот отворен притисок за асимилација која гледаат како им се случува пред очи. Од овде, од срцето на Македонија јавно повикувам и апелирам Македонците од Албанија да излезат и да се попишат како Македонци, она што со векови биле и ќе продолжат да бидат. Апелирам дека сега е моментот да не потклекнуваат, и одговорот на сите туѓи пропаганди да биде масовност. Следуваат промени во Македонија и како Македонци и Македонија како нивна држава од која тие влечат потекло, ќе им помогне во иднина, и ќе ни биде полесно повеќе да се вклучиме во поддршката за развој и негување на македонските особености и култура. Апелирам сега кога притисоците и заканите се методот со кој Бугарија врши пропаганда, одговорот на Македонците од Албанија да биде масовност на пописот. Основата на се она што овие денови се случува во политиката тука во Македонија, се уставните измени. Позади измените на Кривичниот законик, амнестијата која сами си ја гласаа, и оние јавни превирања и препукувања со сеништата од минатото, се основата на валканиот план на Владата, валканиот план на власта се само уставни измени. Бидејќи ја знаат непопустливоста на пратениците, ја знаат и одлучноста на раководството на ВМРО-ДПМНЕ и народот против прифаќање на бугарски диктати, тие пробуваат да создадат непринципиелни коалиции кои би можеле да доведат до уставни измени. Иако шансите реално тие да се случат не се ни ниту теоретски. Во тој контекст за жал се темели на нивниот план за непринципиелна соработка на СДСМ – ДУИ и за жал, некои делови од поранешното раководство на ВМРО-ДПМНЕ. Морам да кажам дека како човек оваа јавна преписка со поранешниот претседател на ВМРО-ДПМНЕ не ме прави среќен, ниту ова е битка која ја одбрав јас, но недвојбено никој не треба да ја тестира мојата определба да се опстои на нашите ставови дека прифаќање на диктати не доаѓаат во предвид по ниту една цена. Ниту пак дека тоа може да помине низ мала врата или било каква комбинација. Морам да кажам дека сум длабоко разочаран од неговото однесување. Долго време јавно одбегнував да се произнесам за тоа, и за многу, многу други работи кои ми се случуваа мене и на моите најблиски соработници во битката ВМРО-ДПМНЕ да ја ставиме на здрави нозе и она што е денес силна структура на прагот на најголемата победа. Се до извесен период, иако немав и немам никакви контакти, мислев дека делиме иста цел. Патот до оваа цел ВМРО-ДПМНЕ силно и обединето беше трновит, со многу удари, и мене како човек ми е предизвик да се борам против оваа власт и да бидам рамо до рамо со мојот народ во битката да ги смениме, но морам да кажам дека воопшто не ми беше лесно, ниту сеедно да ги примам ударите внатре, од луѓето со кои сум мислел дека делиме иста кауза. Не можам никако да разберам како воопшто е возможно да се уортачи било кој со истите кои ја предизвикаа и се причина за сите неволји, па дури и неговите лични, прогони и предавства кои се случија на Македонија. Да дели усбеа и писма по кабинетите на ДУИ, да има непринципиелни разговори. Ја сфаќам и неговата тешка судбина, но пеколно е сознанието дека зад завесата се прават валкани планови за кои цената би требало да ја плати друг. За многу работи од внатрешните работи со поранешниот претседател нема да говорам и ќе оставам историјата да суди, за многу работи ќе се послужам со онаа народната „ти кон мене со клетви, јас со благослови“, но немојте никогаш и никој да ја тестира нашата одлучност да ги браниме нашите ставови, ниту пак намерата да не отстапиме во работите кои веруваме или пак било како да го разочарам народот, вели Мицкоски.

Тој додава дека чудно е тоа проклетство на историјата, човекот кој збореше за нож во грб, и разни ножиња да стане токму тоа за сопствената партија. Мене не ми беше цел да влезам во конфликт и јавна преписка со него, но овој валкан план мораше да го знае јавноста. И ова е вистински последниот пат кога се осврнувам на оваа тема и нема повеќе да говорам за ова зошто имаме работа, а тоа е пад на оваа криминална Влада. Јас му посакувам добро здравје, добра среќа и да не го прави на другите тоа што нему не сака да му го прават. Имаме работа, нашиот противник е оваа криминална Влада на чело со СДСМ и ДУИ.

-Сакам да одговорам уште на една теза, што сме правеле овие пет и половина години во опозиција како раководство. На почетокот од 2018 година ВМРО-ДПМНЕ како политичка партија беше предизвикот исправен пред нејзе да биде прогласена како терористичка организација е избришана од регистарот во кој функционираше како политичка партија, со замрзнат имот, со блчокирана сметка, меѓународно изолирана, бевме среќни ако некој по ходници здраво ни направеше. Тоа бепе реалноста таа зима 2018, чекор по чекор благодарение на вас, на народот дојдовме до оваа двојна победа која се случи на локалните избори во 2021 година. Историска победа која не ја направила ниту една политичка партија од позиција на опозиција. Денеска ВМРО-ДПМНЕ има двојно повеќе градоначалници од власта, денеска ВМРО-ДПМНЕ има најголема пратеничка група во парламентот, денеска ВМРО-ДПМНЕ има повеќе од 30 проценти повеќе членови на Советите во општините. Денеска ВМРО-ДПМНЕ заедно со народот има два пати поголем рејтинг од владеачката СДСМ и за неколку месеци од денеска ВМРО-ДПМНЕ заедно со народот ќе постигне уште еден историски резултат, а тоа е историска победа на претседателките избори и историска победа на парламентарните избори. Во меѓувреме додека ја консолидиравме партијата и обединувавме го пративме во пензија поранешното раководство на СДСМ. Во меѓувреме додека ја консолидиравме партијата и повторно ВМРО-ДПМНЕ стана најголемата и најсилната политичка партија во Македонија го пративме во пензија СЈО и обвинителите криминалци кои го прогонуваа ВМРО-ДПМНЕ и секој еден член во ВМРО-ДПМНЕ. Затоа денеска ВМРО-ДПМНЕ драги браќа и сестри е силно и без внатрешни поделби.Обединето и сплотено. Фокусирано кон пад на оваа власт. А, тоа го покажува и бројката на 44 пратеници кои се гаранцијата дека нема да попушти браната против уставните измени кои значат прифаќање на надворешен диктат, наспроти поделената СДСМ и помалиот број на пратеници за уставни измени. Тука не треба да се заборави и фактот за дестабилизрината и поделна ДУИ. И ги слушам оние прозивки од СДСМ дека сме биле разединети и со конфликти, тие кои не смеат ниту името на нивниот поранешен претседател да го кажат. Епа еве една порака до нив и до нивните лакеи и до сите оние подлизурковци кои што мислат дека ВМРО-ДПМНЕ на овој начин че се раздели ќе се подели има еден начин ад тестирате и да се соочите со вистината, ајде на избори. Еве ако ВМРО-ДПМНЕ е навистина така поделено како што вие викате, ајде избори тоа е единствениот начин како ќе покажете и докажете дека тоа што го зборувате е вистина. Но, тоа вие обични кукавици нема да го направите. Затоа што знаете како ќе поминете. Ќе ве разбиеме сите на купче и СДСМ и ДУИ. Цунами ќе ви се случи, ќе ве оддува торнадо, затоа што позади нас стои народ, и народ ќе ви се случи. Ќе ве победиме силно затоа што ја претеравте. Затоа што камен на камен не оставивте. Ајде на избори. Да видите што е сила и посветеност, истакна Мицкоски.

Тој додава дека овој период мора да го посветиме на терен. Да го посетиме секој дом и секое населено место. Да ги збиеме редовите. Да направиме јасна линија на оние кои и во опозицијата се слуги на власта и да не се ситни браната против оваа власт. Оние кои се лакеи и постојат за да прават проблеми во опозицијата. Колку биде поголема поддршката за ВМРО-ДПМНЕ толку ќе бидат поголеми промените кои мора да се случат и кои народот ги бара. Ако си против оваа власт тогаш мора гласот да биде за ВМРО-ДПМНЕ само така може да има сила вашиот глас.

Ве повикувам да земете учество во промените, машко и женско, старо и младо да излезе и да даде поддршка. Да победиме и да ги промениме работите. Сеништата да ги оставиме и поразиме во минатото, да зборуваме за иднината. За иднината која мора да дојде и да ја создадеме. Македонија да ја кренеме. Гордо високо, сите заедно, да победи заедничкиот патриотизам, надежта и верба за иднината. Заедно, ВМРО-ДПМНЕ силно, Македонија горда. Да дојде часот кога ќе дојде генерација создадена за големи промени и победи. Македонија во која веруваме и во која се исполнуваат соништата. Имаме сила и знаење за големи работи. Да победи правдата и вистината. Да бидеме заедно горди и свои на своето. Да сте живи и здрави! Да живее ВМРО-ДПМНЕ, Унијата на млади сили на ВМРО-ДПМНЕ! Да живее Македонија, рече на крајот тој.

The post Мицкоски: Географски сме Европа, но со власт како од Африка, барам силна поддршка за големи промени appeared first on Република.

„И денеска сме во општина Македонска Каменица во посета на населените места Цера и Косевица, овде сме така речено како во Швајцарија. Меѓутоа општо заклучокот кај граѓаните е дека постои голема разочараност од власта на ДУИ и нивните слуги од Социјалдемократскиот сојуз на Македонија“, истакна пратеникот и член на ИК на ВМРО-ДПМНЕ, Драган Ковачки од средбата со граѓаните при теренската активност на ВМРО-ДПМНЕ насловена како „Ова е Македонија за сите“.

Ковачки додаде дека криминалците од власта граѓаните ги доведе до беда и сиромаштија.

Парите ја изгубија својата вредност, а задолжувањето на Македонија и на македонските граѓани е највисоко во историјата. тие пари ќе треба да ги враќаат идните генерации, односно идните Македонци, Албанци, Турци, Роми, итн. Се додека е оваа структура на власт од ДУИ и Социјалдемократскиот сојуз Македонија ќе тоне и ќе губи, заклучи Ковачки.

Тој посочи дека Македонија со оваа власт ќе го губи достоинството, ќе го губи идентитетот, ќе ја губи економската стабилност, и ќе го губи просперитетот односно ќе го губи и народот.

Токму затоа на Македонија и се потребни промени, да дојдат лица кои што имаат визија, кои што имаат капацитет и одлучност да се справат со овие криминалци, овие неранимајковци на власт и да ги пратат на обвинителни клупи, а Македонија да ја одведат таму каде што заслужува, а тоа е во ЕУ“, порача Ковачки.

The post Ковачки: На Македонија ѝ се потребни промени appeared first on Република.

СДС се партија која лаже и за тоа има судска пресуда. Но позагрижувачки е што СДС почнува да блада. Очајот во СДС достигнал толкав степен што веќе не знаат што зборуваат. Нервозата во СДС расте како што расте антивладиното расположение кај граѓаните, стои во соопштението на ВМРО-ДПМНЕ.

Македонските граѓани забрзано осиромашуваат, нивото на инфлација е далеку повисоко од земјите во регионот и Европа. Ја уништија економијата и според релевантните меѓународни извештаи имаме најмал раст на БДП, а од нас полоши се само Русија и Украина кои се во војна.

Дополнително се случува распад на системот во Македонија, а единствено што функционира се организираниот криминал и корупција во највисоките ешалони на власта на Ковачевски. Впрочем затоа околу 60 % од граѓаните сметаат дека со оваа власт Македонија оди во погрешна насока.

Ковачевски и СДС се претворија во коалициски приврзок на ДУИ во власта и се трудат од петни жили на сила да се одржат уште некој месец плус на власт за да украдат уште некој тендер. Но и самите веќе се свесни дека крајот на владеењето им се ближи. Доаѓа време на промени и доаѓа време за одговорност на криминалите на оваа власт“, наведуваат оттаму.

The post ВМРО-ДПМНЕ: Доаѓа време на промени appeared first on Република.

Претседателот на ВМРО-ДПМНЕ Христијан Мицкоски заедно со градоначалникот на општина Кисела Вода, Орце Ѓорѓиевски денеска ќе присуствуваат на започнување на изградба на нов пазар кај Дом на култура „Билјана Беличанец“.

Настанот е во рамките на активноста „Промените се случуваат, секогаш со народот“,

По завршувањето на настанот изјава за медиуми ќе даде Мицкоски.

The post Мицкоски во посета на Општина Кисела Вода appeared first on Република.

Затемнувањето на Сонцето се смета за важен настан во астрологијата бидејќи носи важни промени. На 25 октомври нè очекува последното затемнување на Сонцето за 2022 година, а се во сезоната на Скорпија. Како еден од најмистериозните знаци на Зодијакот кој носи трансформации, периодот од  23 октомври до 21 ноември, кога Сонцето ќе влезе во знакот Скорпија, ќе биде многу моќен и ќе донесе многу промени.

Скорпијата е знак на интимност и екстремни чувства, па затоа треба да очекуваме вакви теми да се појавуваат често во овој период. Ќе сакаме да откриеме што е длабоко, што е скриено во нас и потиснато. Ќе имаме желба да ги откриеме сите скриени и тајни нешта, а соочувањето со вистината понекогаш нема да биде едноставно и пријатно чувство.

Во моментот Сонцето е во знакот Вага, а тоа значи дека се стремиме кон правда и апсолутна рамнотежа, но кога ќе премине во Скорпија повеќе ќе се раководиме од интуицијата. Скорпијата е страсна, има силна волја и знае што сака да добие. Таа се бори за тоа со сите сили. Затемнувањето на Сонцето во Скорпија ќе им донесе таква трансформативна енергија на сите знаци. Но, во овој период може да се појават и негативни импулси, како што се љубомора, манипулации и желба за одмазда. Можеме да ги контролираме, само треба да имаме силна волја.

Со други зборови, овој период ќе нè поттикне целосно да се вратиме кон себе, да го откриеме нашиот потенцијал и да ги препознаеме нашите силни страни. Затемнувањето на Сонцето во Скорпија нè поттикнува да се запознаеме подлабоко и подобро, да ги прифатиме своите емоции и да станеме свесни од кои треба да се ослободиме, а кои да ги прифатиме и развиеме. Во овој период, неопходно е да најдеме начин како да ги трансформираме нашите чувства во самољубие и самоприфаќање со помош на сопствената сила и мудрост.

Поставете си одредени прашања, погледнете во своето срце и нека вашиот ум биде отворен за нови знаења. Сега е вистинското време да ја дознаете вистината по која копнеевте долго време.

Не плашете се да ги изразите своите чувства, не срамете се од она што е внатре во вас и што ви ја топли душата. Кажете ѝ нешто убаво на саканата личност; кажете им на оние кои ве лажеле и повредиле дека ја знаете вистината; заблагодарете им се на оние кои ве воспитале… Нека проговори вашата душа за време на затемнувањето на Сонцето во Скорпија!

The post За точно 10 дена следи последното помрачување за 2022, најмногу ќе влијае врз финансиите appeared first on Република.

Владејачката Комунистичка партија во Кина наредниот месец ќе изврши промени во Уставот за време на реконструкција на раководството, што се одржува во текот на пет години. Потегот, според некои аналитичари, може да го консолидира авторитетот и власта на претседателот Си Џинпинг во рамки на партијата.

Политбирото разговарало за нацрт-амандман на уставот на партијата на средба предводена од Си, објави денеска државната новинска агенција Синхуа, без да ги специфицира промените.

На конгресот што започнува на 16 октомври, се очекува Си да обезбеди трет петгодишен мандат, зацементирувајќи го својот статус како најмоќниот кинески лидер, уште од Мао Це Тунг, основач на Народната Република.

Уставот на партијата последно беше изменет во 2017 година.

The post Комунистичката партија во Кина ќе внесе промени во Уставот во октомври appeared first on Република.

Во просториите на Партијата за слобода и правда (ССП) денеска се одржа состанок на сите опозициски изборни листи кои го поминаа цензусот на изборите во Белград или се уште имаат шанса да го поминат: Обединети за победа на Белград, коалицијата НАДА, коалицијата Мораме, Заветници, Двери / ПОКС и листата „Ајде луѓе“, јави дописникот на МИА од Белград.

Претседателот на ССП, Драган Ѓилас, изјави дека за опозицијата во Белград гласале 70.000 луѓе повеќе отколку за Српската напредна партија (СНС) и Социјалистичката партија на Србија (СПС), дека поради нерегуларности гласањето ќе се повтори на некои избирачки места и ги повика граѓаните на дополнителните избори да гласаат за опозицијата и да и помогнат на листата „Ајде луѓе“ да влезе во Градското собрание со што ќе се отвори патот на опозицијата да формира власт во главниот град.

Ѓилас истакна дека присутните партии на состанокот порачале дека нема да формираат власт со СНС во главниот град.

Опозицијата има податоци од сите избирачки места, а според нив, на изборите во Белград гласале 916.960 гласачи, од кои нешто повеќе од 412.000 ги поддржале СНС и СПС, додека повеќе од 485.000 гласале за другите партии кои не се дел од претходната градска власт, што е јасно дека 70.000 белграѓани се повеќе за промена на сегашната власт отколку оние кои ја поддржуваат актуелната, изјави Ѓилас, додавајќе дека „ќе видат на кои избирачки места ќе поднесат приговори“ и најави дека опозицијата ќе поднесе барање за увид во вреќите со избирачкиот материјал.

Тој посочи и дека во првичните резултати што ги објави ГИК не се вклучени 100 избирачки места каде гласале 100.000 луѓе.

Во случај да нема повторување на гласовите, односот на мандатите во Градското собрание меѓу СНС и СПС од едната, и сите останати листи од другата страна, е 55:55, посочи Ѓилас.

Се разбира, со оглед на повторувањето, тој однос може да се промени, оцени Ѓилас и потсети дека листата „Ајде луѓе“ на Борис Тадиќ, според сегашните резултати има 2,80 отсто гласови, а и недостасуваат само 0,2 отсто од гласовите за да го помине цензусот.

Ако го помине цензусот, добива три мандати, два на сметка на СНС и еден на сметка на Обединетите, нагласи Ѓилас, објаснувајќи дека во тој случај односот во собранието може да се смени на 56:54 или дури 57:53, бидејќи опозицијата со само 0,2 отсто повеќе гласови би добила дополнителен мандат. 

The post Ѓилас: Опозицијата освои 70.000 гласови повеќе во Белград appeared first on Република.

Почитувани градоначалници, советници, драги пријатели од општините Велес, Свети Николе, Лозово, Градско, Неготино и Кавадарци. Денес сме тука затоа што имаме што да кажеме и што да порачаме пред присутните, и да ја раскажеме нашата приказна и вистината за тоа што е сработено во првите 100 дена од мандатот на градоначалниците на ВМРО-ДПМНЕ. Многумина пред избори ветуваат се и сешто, се колнат дека ќе сработат, а многу малку потоа излегуваат да кажат што сработиле дури и по еден цел изминат мандат, ова денеска го истакна Христијан Мицкоски по повод отчетот на градоначалниците на неколку општини кој се одржува во Велес.

-Ние тоа го правиме во првите сто дена, и ќе го правиме редовно овие 4 години локална самоуправа. И причината за тоа е што имаме програма која ја реализираме и одговорност што е најважно пред граѓаните. Пред сите граѓани кои во тие промени ја гледаат надежта која ја чекаат со децении, таа искра која доаѓа од најдлабоките емоции и пориви да направиме нешто подобро за Македонија и иднината на нашите и идните генерации. И во едни тешки услови на постојани опструкции од централната власт, на кратења, удари и подметнувања од кои нема да се жалиме затоа што на тој начин на кој тие колку удираат пониско ние се креваме повисоко и стануваме посилни, градоначалниците на ВМРО-ДПМНЕ отпочнаа 1090 проекти низ целата држава. Овие 100 дена се сублимат на многу мали, но еднакво вредни победи за сите нас. Но и големи проекти за кои треба волја, но и знаење. А вие самите знаете дека никогаш не ветувавме чуда, но она кое што се чувствува дека носиме ПРОМЕНИ ШТО ЈА МЕНУВААТ СЕГАШНОСТА, ПРОМЕНИ ШТО НОСАТ ИДНИНА и промени за кои заедно сите се бориме. Ние ПОКАЖАВМЕ ДЕКА УМЕЕМЕ, И МОЖЕМЕ. И тука има нешто што тие го немаат. Нови луѓе, со нова енергија и план кој го соддржи клучот – РАБОТА, РАБОТА И МНОГУ РАБОТА. Од овие повеќе од 1090 проекти кои се започнаа со реализација, дури 166 се капитални објекти низ целата територија на Македонија, вели Мицкоски.

Тој додава дека голем дел од овие проекти се реализирани токму и во општините кои денес даваат отчет, а за кој градоначалниците детално ќе говорат по моето обраќање.

-Започнати се со проектирање, градба или реконструкција нови 33 градинки и 68 училишта. Точно 206 улици и патишта се градат или реконструираат со вкупна должина од околу 100 км. Се инвестира во градба на 111 водоводи и канализации, 96 игралишта и паркови. Расчистени се повеќе од 200 диви депонии. Секој си го поставува прашањето дали сето ова е доволно? Секако дека потребно е повеќе и уште подобро. И ние нема да застанеме. И ние НЕМА ДА ВЕ ИЗНЕВЕРИМЕ! Бевме заедно кога имаше и поплави, и кога имаше пожари, и кога тутунот не се откупуваше и кога власта затвораше врати за народот. Ние заедно со народот, со луѓето на Македонија од сите вери и нации се боревме за иднина во која што веруваме. Затоа продолжуваме да работиме за ПРОМЕНИ КОИ МОРА ДА СЕ ПОДЛАБОКИ И КОИ МОРА ДА СЕ ПОШИРОКИ! И ова е почетокот за нашата заедничка визија за иднината за која се бориме и иднината која сите вие ја заслужувате, за градоначалници кои се вашиот глас во институциите и државата, за политичари кои се вашата сила во општеството кое мораме да го менуваме. ЗАЕДНО ДО ЦЕЛТА. Заедно во нови успеси и проекти. И ЌЕ СЕ ИЗБОРИМЕ, за многу нови победи. Надежта е родена и таа ќе победи. Затоа што наша задача и наша обврска се ПРОМЕНИ ШТО НОСАТ ИДНИНА за секој човек, вели Мицкоски.

Тој додава дека се бориме за секоја општина, така мора да се бориме и за нашата Македонија, да ги надминеме предизвиците, да станеме посилни како земја и многу поодговорни за нашата заедничка иднина.

-Светот се менува со мослкавична брзина. Македонија на тој план е заглавена во криминал, се чини во бесконечно тапкање во место и безперспективност. На ова мора да се стави крај. Македонската политика многу малку нуди решенија за суштината на проблемите, а многу повеќе таа се базира на гол ПР. Тоа се случува и кога станува збор за последните случувања поврзани врз агресијата во Украина. Дури и на таквата несреќа каде има стотици загинати, каде животи се губат, каде луѓе испаничени за своите животи се спасуваат, власта, оваа тука, истата СДСМ брои лајкови на социјалните мрежи, прави политика кој на која страна бил, кој кому намигнал, што сум кажал и кога сум кажал и дали доволно сум ја поддржувал Украина. Затоа ја користам оваа прилика овде од Велес да им порачам на глодарите коишто ги чекаат крадените пари од фамилијата на власт чиишто политики ги спроведува администаторот Ковачевски. Додека Ковачевски ја распродаваше Македонија преговарајќи за идентитетот, газејќи дебели црвени килими и седејќи во удобни кожни фотелји во Брисел, разговарајќи со Петков, распродавајќи го достоинството, додека го продаваше она кое ни е преостанато и наследено од нашите предци кои со глава го платиле ова што ние денеска го живееме, јас имав состанок со амбасадорот на Руската Федерација во седиштето на ВМРО-ДПМНЕ, уште пред 20 дена и гледајќи го во очи јасно му кажав дека го поддржувам територијалниот интегритет и суверенитет на секоја независна држава како што е Украина. Зошто е тоа важно. Затоа што не така одамна и нашата татковина и нашата Македонија беше предмет на агресија од север и од запад. И затоа ние не смееме да дозволиме и да поддржуваме да биде нарушен територијалниот интегритет и суверенитет на ниту една суверена и независна држава. Но, гледајќи го во очи и разговарајќи лице во лице, некриејќи се поради некои други причини, Фејсбук статуси или бледи соопштенија од владата. Сите ние имаме одговорност пред самите граѓани, и затоа жалам навистина жалам, што не можам повеќе да сторам за да го спречам тоа што таму се случува. Кога би можел се би дал да ги убедам тие политичари кои денеска одлучуваат дали некои човечки животи ќе траат подолго, а некои пократко. Жалам што не сум толку моќен во геостратешка смисла да тоа го направам, но едно знам дека мора да им се даде шанса на мирот и дипломатијата, и дипломатските преговори и разговори. Бидејќи тоа е иднината за сите нас, рече Мицкоски.

Тој потенцира дека затоа, тука во Македонија мора обединетост како нација, затоа што Македонија е земја изникната од никулецот на борбата за слобода и правдини. И нашата земја е изградена од жртвата на луѓето кои сонуваа за своја земја, човечки права, и своја држава Македонија. Затоа ова е добра можност и во Собранието да се усвојат две Декларации, едната за поддршка на Украина со порака за мир, и почитување на меѓународните норми, а втората за титанот за великанот Гоце Делчев, којашто упорно овие од власта од СДСМ одбиваат да ја поддржат. Тоа е нешто кое што во името на сите наши борби и стремежи го должиме како сиболичен гест и искрена желба како народ со своја историја на слобода и борба за правда.

-Воедно да си бидеме искрени и да си признаеме дека Македонија на светската карта и во меѓународните односи има многу и мала и симболична улога. Многу работи не зависат од нас, и ние треба како народ и држава да се насочиме кон она што преставува наш државен и стратешки интерес и да ги решаваме реалните проблеми. Наместо администраторот Ковачевски да ги облекува чевлите со преголем број за носење и да има перцепција на лажен џин, да си погледнеме во лице и да се насочиме кон решавање на економските потешкотии кои сега со кризата во Украина може да бидат уште поголеми. Народот го интересираат состојбите на истокот, но највеќе го интересира домашниот есап. А тука дома имаме работа со поимот стагфлација што е комбинација од висока инфлација, високи цени и стагнирање на економијата. Денес секое семејство пред се го мачи тоа што бензините за две и пол години се покачени за 70 проценти, струјата е повисока за 30 проценти, цените на лебот, млекото и маслото вртоглаво растат. Можен е нов ценовен шок на енергенсите, додека државата се уште одбива да се откаже од акцизата за горива која ја зголеми. Нема никаква дополнителна набавка на стокови резерви во состојба кога целиот регион посветува внимание на оваа тема. владата не негира дека ќе донесе нова одлука за Евро обврзница што ќе значи нов рекорд за задолжување кое треба да го платат сите граѓани и неродентие генерации. Енергетската криза нѐ чинеше до сега повеќе од 200 милиони евра, висок износ на средства кој можеше да се искористат за справување со инфлацијата, за соодветен раст на пензииите и платите, од што корист ќе имаа сите граѓани. Наместо тоа плаќаме скап увоз на струја, којшто дополнително ја разгорува инфлацијата а плаќаме скап увоз на струја затоа што не произведуваме. Затоа што наместо да произведуваат во Битола и во Осломеј и во сите оние хидроцентрали тие увезуваат, а увезуваат за да делат пари, за да делат од рекетот кој го спроведуваат на грбот на народот и потоа ќе ви речат дека политиката е стабилна и владата водела сметка. Ниту владата води сметка, ниту политичката состојба е стабилна. Сам што не се урнала како кула од карти. Затоа денеска народото осиромашува а единствени кои се богатат се оние кои ги газат дебелите црвени килими на Илинденска број 2. Ќе потсетам дека денеска домашното произвдоство на електрична енергија изнесува нецели 34% од вкупните домашни потреби, додека историскиот просек е 62%, додава Мицкоски.

-Ова се работите кои говорат дека се живее лошо во Македонија, но и ова се работите поради кои се повеќе млади, мои студенти за жал си заминуваат од државата. И јас за разлика од оваа влада која оставаше празни чевли пред зградата на Илинденска и броеше, така од ракав колку си заминале од земјава, и после кога ги зграбија фотелјите се заборавија, ќе споделам еден податок кој е официјален и го објавува еврропската статистика ЕУРОСТАТ-ако во 2012 та година биле издадени 9 317 работни дозволи од земјите на ЕУ за македонски државјани, во 2019 та година бројот на издадени дозволи е 26 653 дозволи или три пати повеќе луѓе отишле да работат во странство затоа што со СДСМ, со Зоран Заев и администраторот Ковачевски тие буквално не гледаат никаква иднина во Македонија. Нашата задача е да ги вратиме овие луѓе и да им кажеме дека ќе се бориме за сите луѓе поддеднакво затоа што Македонија е за сите луѓе и затоа што оваа држава мора да има иднина. А драги пријатели, иднината која ја градиме мора да биде достоинствена, да бидеме свои на своето и само така препознаени од Европската Унија. И на тој план пред неколку дена кога станува збор за спорот со Бугарија побарав од владата на Ковачевски да побара писмени гаранции за нашиот идентитет, за нашата многувековна историја, традиција обичаи, за нашиот македонски јазик и тоа дека нема подоцнежните фази Бугарија да не блокира на патот кон полноправно членство ЕУ. Резултатот од тоа е молк. Ќутат. Владата молчи. Цела влада молчи, бегаат како ѓавол од темјан да ја коментираат оваа тема. Владата прво ја одби понудата за национален консезус и единство за прашањето со Бугарија, сега не се изјаснува ниту за гаранции за историјата и јазикот, идентитетот. Тоа говори само за едно, дека Ковачевски преговара лош договор далеку од очите на јавноста. Тоа му е задолжението кое му го остави Зоран Заев за да може да ужива во привилегиите на се посиромашниот народ. А Македонија нема ниту простор, ниту време за губење. Затоа апелирам на разум и на заштита на националните и државни интереси, како и општествена мобилизација на сите фактори влијателни во Македонија, и во оваа прилика сакам да се заблагодарам на МАНУ, која испрати апел за заштита на националните интереси и историската вистина за Македонија што е аргумент плус на масата за преговори со Бугарија. Ковачвски нека ја искористи нашата подадена рака за национално единство, капацитетите на МАНУ, Универзитетите, мудрите луѓе, нека побара гаранции за нашиот идентитет и така со сочувано достоинство заедно да се бориме за европската иднина на Македонија, вели Мицкоски.

Лидерот на ВМРО-ДПМНЕ додава дека време е да се остават нишаните, партиските поделби, и мора да дадеме одговори на вистинските потреби на народот. И ова се мали чекори, но со огромна важност. Ние имаме одговорност во име на сите овие луѓе да водиме, и да одиме напред. И затоа велам дека не смееме да губиме повеќе ниту една секунда, туку заеднички и сложно да градиме иднина. Да создаваме промени што носат иднина. Да сте живи и здрави, да е вечна нашата Македонија и наскоро да се радуваме на нови победи и проекти.

The post Мицкоски: 1.090 проекти за 100 дена се промените кои носат иднина appeared first on Република.

Ова е Македонија со ВМРО-ДПМНЕ! Ова е само дел од најзначајните отпочнати проекти по општини во првите 100 дена!

Вака Христијан Мицкоски, лидерот на ВМРО ДПМНЕ ги најавува 100-те дена од локалната власт на ВМРО ДПМНЕ.

100 дена промени што носат иднина, вели Мицкоски.

The post Мицкоски: 100 дена промени што носат иднина! appeared first on Република.