Во програмата на владата за периодот 2024-2028 година, младите и образованието, посебно високото образование се во фокусот на министрите и во тој дел планираме проекти што ќе го подобрат статусот на младите и секако студентите во општеството, истакна заменик министерот за финансии Николче Јанкуловски.

На првиот академски час на Универзитетот „Св. Климент Охридски“ во Битола, Јанкуловски најави законски измени со кои на редовните студенти ќе им се овозможи да имаат право на работа без да го изгуват статусот на вонреден студент.

Планираме да го зголемиме процентот на учеството во апликативната наука од сегашните 0,3 да стигнеме до 1 процент, планираме ослободување од плаќање на персоналниот данок од доход на оние компании кои што ќе вработуваат млади до 29 години, а во наредните четири години планираме да вработиме до 500 најдобри студенти што ќе покажат значајни резултати на јавните универзитети, а се со цел да ги зајакниме административните капацитети на државата. Работиме на законски измени со кои на реовните студенти ќе им овозможиме да имаат право на работа со скратено работно време, а со цел да не го губат статусот на редовно студирање и истовремено да работат со цел да заработуваат. Редовно ќе ги исплаќаме студентските ступендии и средствата за студентски оброк, и постепено ќе го зголемуваме тој износ, нагласи Јанкуловски.

Универзитетот „Св. Климент Охридски“ годинава го зголеми процентот на запишани студенти во прва година, а ќе овозможи и четврт уписен рок, истакна ректорот Игор Неделковски.

Се надеваме дека и оваа генерација ќе биде извор на многу успешни професионалци во своите професии и столб за равој на регионот и државата. Ние како Универзитет, задоволни сме од интересот за студирање во оваа година бидејќи ја достигнавме за нас таа магична бројка од 1000 нови студенти и споредено со минатата година имаме раст на бројот на запишани студенти. Сепак во наредниве денови ќе има четврт уписен рок во сите универзитетски единици. Порачувам, рече ректорот Неделковски, студентите да бидат посветени и да стекнат вештини што ќе ги применат во својот професионален живот и секако да ја искористат можноста што ја нуди универзитеската асоцијација КОЛОРС во која битолските студенти стануваат дел од 120.000 студенти на КОЛОРС.

Пригодни обраќања на првиот академски час што се одржа на Технички факултет во Битола имаа градоначалникот Тони Коњановски и деканот Митко Костов.

The post Вработување на најдобрите 500 студенти, право на работа за редовните студенти – само дел од програмата за образованието appeared first on Република.

Од 03.08.2024 до 07.08.2024 година во Битола ќе се одржи 13то издание на Интернационалниот детски театарски фестивал „Битолино“. Оваа година под мотото „Раскажи ми приказна без зборови“ фестивалот ќе се одржи на сцените на НУ. Центар за култура Битола, а дел од настанате надвор од натпреварувачката конкуренција, ќе се одржат на сцената на НУ. Народен театар Битола. ИДТФ Битолино е во организација на „Бабец театар“, а оваа година фестивалот повторно е проект од национален интерес во културата за 2024 финансиски поддржан од Министерството за култура и дел од Годишната програма за култура на Општина Битола за 2024 и составен дел од програмата на Битфест 2024.

„Бабец театар“ и покрај сите кризи кои го зафатија општеството продолжи да создава театарски претстави, претстави кои ќе допрат до секое дете и претстави кои ќе отворат нови полиња за размислување кај децата. Горди сме што создадовме една генерација на млади луѓе кои токму поради нас го засакаа театарот. Оваа година пријавени се повеќе од 50 волонтери кои во своето мотивационо писмо навеле дека нивното детство било и é исполнето со претстави и настани на „Бабец театар“ и ИДТФ „Битолино“. Брендот „Бабец театар“ кој цели 14 години успеа да опстане како професионален детски театар со 22 премиери и над 65.000 посетители и ИДТФ „Битолино“ на кој публиката (16.760) имаше можност да погледне 84 претстави од 48 театри кои во Битола допатуваа од 30 различни земји од 4 континенти, веќе се запишаа со златни букви во историјата на македонскиот театар и ќе направиме се оваа приказна да продолжи со нови проекти и радосни мигови за децата. Бабец театар како дел од Македонскиот национален центар АСИТЕЖ на ова издание на ИДТФ „Битолино“ ја започнува својата мисија за создавање на услови за брз и квалитетен развој на театарот за деца преку одржување на неколку состаноци и дебати со театарските работници. Свесни сме дека нема да биде лесно, но наш единствен адут е квалитетот кој многупати сме го потврдиле, еден пример за тоа е освоената награда за најдобра женска улога на актерката Јулијана Мирчевска за улогата на Марика во претставата „Јованче и Марика“ во продукција на „Бабец театар“ на 1-от Интернационален фестивал на детски театри „Игор Маџиров“ во организација на НУ „Театар за деца и младинци“ од Скопје“, истакнува Васко Мавровски, директор на ИДТФ Битолино.

Честа да настапат на свеченото отворање на тринаесеттото издание на ИДТФ Битолино ќе им припадне на Antzoki Teatteri од Шпанија со претставата „Огномет – искри на животот“. На вториот фестивалски ден ќе настапат гостите од „Тheatre Stories“ театарот од Литванија со претставата „Стапица“. Третиот фестивалски ден на ИДТФ Битолино ќе биде посветен на организатор „Бабец театар“, кој по повод 14от роденден на децата во Битола ќе ја подари својата најнова премиера „На гости кај Кате и Фреда“ во режија на Јован Ристовски. Претставата е дел од годишната програма на Министерството за култура за 2024 година и ќе биде изведена надвор од натпреварувачката програма.Наредните денови се резервирани за претставите: „Големото езеро“ во продукција на театарот „Imaginar do Gigante“ од Португалија, претставата од Германија во продукција на „Theater Kunstdünger“ со наслов „Подла патека“. Последниот фестивалски ден ќе започне со претставата „2- квадратни метри“ во продукција на Gobi Dance Company од Унгарија, а втората претстава за овој ден е проектот на Odivo театарот од Словачка со наслов „Воздух“.

Оваа година за време на Фестивалот ќе се одржува и театарската работилница со наслов „Приказна во движење“ под раководство на пантомимичарот и режисер за пантомима Војо Цветановски, со што Битолино ја продолжува традицијата секое издание на фестивалот да има своја работилница со која преку театар и преку говорот на телото, без употреба на зборови, ќе ги доближат децата до процесот на создавање на еден лик и на една театарска претстава за деца воопшто. Театарската работилница ќе трае пет дена односно ќе претставува мини процес за создавање на театарска претстава, започнувајќи со запознавање на основните движења во пантомимата и претставување на основните ликови во комедија дел арте се до креирање на една приказна односно кратка вежба во која актери ќе бидат самите деца учесници на работилницата а ќе биде презентирана пред публиката на последниот ден од Фестивалот.

На 13. издание на ИДТФ „Битолино“ ќе биде доделена наградата „Гран При за најдобра претстава во целина“, за наградата ќе одлучуваат тројца врвни уметници од интернациналното жири во состав: претседател на жири комисијата Милан Пајиќ (Србија), актер и  членовите на жири комисијата: Драгана Милошевски Попова, театарски режисер и Благојче Божиновски, театарски режисер.

Оваа година тимот кој неуморно цела година работеше на подготовките за реализација на фестивалот Ви ветува едно незаборавно дружење со одлични претстави. На крајот сакам да ја изразам мојата благодарност до сите 50 волонтери кои работат во организацијата на фестивалот без кои Битолино не би бил тоа што е, додава Мавровски.

ИДТФ „Битолино“ финансиски е поддржан од официјалниот партнер Комерцијална банка АД Скопје, а потпомогнат од Туристичката агенција Орбита и од Битола. За успешна реализација на фестивалот со своите капацитети ќе помогнат НУ Центар за култура Битола и НУ Народен театар Битола. Логистичката поддршка за фестивалот е од Македонскиот национален центар на детски театри АСИТЕЖ, Светската асоцијација за детски театри АССИТЕЖ и Асоцијацијата за детски театри од средна и југоисточна Европа ТЕАТАР ЕПИЦЕНТАР.

Од 03.08 (сабота) до 07.08 (среда)

Нова сцена - НУ Центар за култура / НУ Народен театар Битола

Театарска работилница

„Приказна во движење“

Војо ЦВЕТАНОВСКИ

Оваа година Фестивалот започнува со театарска работилница со наслов „Приказна во движење“ под раководство на пантомимичарот и режисер за пантомима Војо Цветановски, со што ја продолжуваме традицијата секое издание на фестивалот да има своја работилница со која преку театар и преку говорот на телото, без употреба на зборови, ќе ги доближиме децата до процесот на создавање на еден лик и на една театарска претстава за деца воопшто. Театарската работилница ќе трае пет дена односно ќе претставува мини процес за создавање на театарска претстава, започнувајќи со запознавање на основните движења во пантомимата и претставување на основните ликови во комедија дел арте се до креирање на една приказна односно кратка вежба во која актери ќе бидат самите деца учесници на работилницата а ќе биде презентирана пред публиката на последниот ден од Фестивалот.

Војо Цветановски - дипломира пантомима и режија за пантомима на „НАТФИЗ - Крсто Сарафов“, Софија, Р. Бугарија во 2003 година.

Во 2003 година создва работилници за обука на актери / улични артисти / пантомимичари низ кои минаа стотици ученици.

Во 2010 година работилницата која ја создаде во Скопје, под име „Театар од вториот кат“ беше во времетраење од една година и беше концентрирана на создавање на пантомимичари, улични артисти и улични живи статуи. На истата беа селектирани десетина кандидати со кои продолжи темелно да работи по факултетски систем.

Во март 2011 година го оформува Здружението на граѓани за театарска и изведувачка уметност „Тим Театрос К Скопје“.

Од таа 2011 година па се до оваа 2024 година, заедно Тим Театрос К, секоја година селектиран е и настапува на следниве фестивали за уличен театар:

Cest is d Best - Загреб; Sprancirfest - Вараждин; KalelargArt - Задар; SAF - Пореч; CrikArt - Цриквеница; Pflstersktakel - Линц; StrasenKunst - Вилах; Fantastica - Фрајштад; Ana Destnica - Љубљана; Lent - Марибор; Masca - Букурешт; InArt - Тиват/Подгорица; ТротоАрт - Бања Лука, Prizrenfest – Призрен, а од 2022, 2023 и 2024 година Тим Театрос К е ко-соработник и задолжен за уличниот театар на театарските фестивали, „Меѓународен фестивал на монодрамата – Битола“ и „МТФ Војдан Чернодрниски – Прилеп“

Во 2018 година на фестивалот Зигет, кој се одржува во Будимпешта, Тим Театрос К, ја понесе првата награда (награда од публика) за најдобра продукција за улични живи статуи на светско ниво, со актот КОНТРАБАС.

Заедно со Тим театрос К настапи и на светското првенство за улични живи статуи во Арнем, Холандија, во октомври месец, 2019 година.

Во 2019 година е дел од тричлената жири комисија на фестивалот Зигет која имаше за задача да оценува која продукција за улични живи статуи ќе биде најдобра на светско ниво за тековната 2019г.

Од 2017 година па се до оваа 2024 година во Скопје, а и надвор од Скопје, низ Македонија заедно со Тим Театрос К го организира и креативно осмислува фестивалот на уличните живи статуи „Статуафест - Другото лице на улицата“, а во 2023 година, исто така во Скопје „се роди“ и помалиот брат на „Статуафест“ – „Центарски улици“ кој досега имаше две изданија, 2023 и 2024 година.

Војо Цветановски оваа 2024 година, поддржан од ГЕТЕ Институтот, a кон програмата „Културата ја движи Европа“/„Culture Moves Europe“ работеше осумдневна работилница за „Пантомима и Уличен театар“ во Бања Лука, БиХ (Република Српска), која резултираше со настап на учесниците од рабоитлницата на третото издание на Меѓународниот фестивал за улична уметност ТРОТОАРТ во Бања Лука.

Покрај дружењето и развивањето на креативноста кај децата основната цел на оваа театарска работилница е што повеќе деца да успееме да ги заразиме со магијата на театарот и на тој начин да започнеме да создаваме нови театарски потковани генерации кои ќе бидат идната публика со високи театарски критериуми.

03.08 (сабота) , со почеток во 20:30 часот

голема сцена – НУ Центар за култура Битола

Antzoki Teatteri - Шпанија

„Огномет - Искри на животот“

режија: Tony Casla

(детска театарска претстава)

Честа да настапат на свеченото отворање на тринаесеттото издание на ИДТФ Битолино ќе им припадне на Antzoki Teatteri од Шпанија со претставата „Огномет – искри на животот“

ANTZOKI TEATTERI е професионална театарска компанија која е создадена во 2012 година. Оттогаш, тие имаат премиерно изведено 9 претстави, и се една од најактивните шпански театарски компании во делот на интернационално презентирање на шпанската култура и театар. Нивните претстави се гледани во Америка, Европа и Африка. Тие се меѓународно признати за нивното учество на бројни меѓународни фестивали и на нивниот репертоар се играат претстави кои раскажуваат приказни кои влијаат на општеството. Тие се двапати наградени со Гран-при на Шпанија за изведувачки уметности, во 2019 и во 2021 година.

Едно девојче и момче преживуваат воен конфликт. Заедно тие бараат засолниште каде што можат да се засолнат и да преживеат. Приказна за борба, издржливост, поддршка и вистинското значење на пријателството. Кога не можеш да избереш, се бориш. Да живееш, да одиш, да гледаш, да се насмевнуваш... Игрите на постарите не секогаш завршуваат како кошмари на помладите. Знаете ли зошто? Затоа што децата ќе го променат светот онолку пати колку што е потребно. Децата во Битола ќе имаат можност да погледнат и доживеат едно ново театарско решение врз основа на една тажна и потресна приказна со силна порака до возрасните и мотивација за децата уште еднаш да го променат светот на подобро.

04.08 (недела) , со почеток во 20:30 часот

голема сцена – НУ Центар за култура Битола

Тheatre Stories - Литванија

„Стапица“

режија: Jurate Trimakaite

(детска театарска претстава)

На вториот фестивалски ден ќе настапат нашите гости од „Тheatre Stories“ театарот од Литванија со претставата „Стапица“. Претставата ,,Стапица” е создаденa во соработка помеѓу група литвански и француски театарски уметници. Визуелната, надреалистичка претстава „Стапица“ длабоко ја истражува темата на манипулација. Претсавата е инспирирана од лични искуства на уметниците и судири со заблуда, манипулативна реалност и појава на маски во нашиот секојдневен живот. Уметничката форма на ,,Стапица” е инспирирана од ликот на симболот на маската и неговата уметничка интерпретација во делата на познатиот литвански и полски сликар Стасис Еидригевичиус, како и делата на Јан Шванкмаер. Во претставата „Стапица“ идеите не се артикулираат преку зборови, туку преку предмети, маски и движење. Маските за изведба се креирани од познати канцелариски предмети од секојдневниот живот и помагаат да се открие внатрешната состојба на ликовите (актерки: Кристина Маурушевичиуте и Вилма Раубаите) Ликовите во „Стапица” постојано се наоѓаат во разни манипулативни мрежи: разновидни сценарија на експлоатација на пазарот на трудот, имагинарни злосторства, општествени норми, лични стравови и нереални соништа. Со цел да се одбрани и да се усогласи, карактерот на актерката Кристина Маурушевичиуте не само што се спротивставува, туку и ги слуша улогите наметнати од манипулаторите, почнувајќи сама да носи маски. Бегајќи од една во друга стапица, таа се наоѓа самата себе заробена во другите - попаметна, посветла, сè поневидлива, исто како во современото општество и во нашиот секојдневен живот. Како да се задржи честа и достоинството во овие околности? Дали е можно да се избега од стапицата на манипулаторите? Кои се причините за бескрајната манипулација? Актерките Вилма Раубаите и Кристина Маурушевичиуте користат маски во претставата како средства за откривање на сложени односи меѓу ликовите на претставата и нивните внатрешни чувства. Маските за изведба се динамични, моќни и неочекувано, парадоксално создадени од различни предмети специфични за деловен простор. Овие маски кои постојано се менуваат како нашите постојано менливи улоги во општеството. Ова ќе биде интересен предизвик и поука за тинејџерите во иднина да се спротистават на манипулациите со кои ќе се соочат во животот и да се борат секогаш да го одбранат својот идентитет и интегритет.

Theatre Stories е театарска платформа која обезбедува можности и простор за изведувачки уметници од различни земји да експериментираат и да истражуваат нови визуелни театарски јазици и можности и на нивни нови уметнички начини да раскажат значајни приказни преку визуелни театарски средства и да разговараат со нивните гледачи за релевантни и значајни теми. Le Tas de Sable – Ches Panses Vertes, копродуцискиот партнер на овој проект, е место и компанија посветена на уметничко истражување и создавање на кукларство и современо пишување. Проектот може да се подели на четири главни области: продукција, менторство на уметници, планирање и пренос на настани. Развојот на истражувањето е петта вкрстена цел. Le Tas de Sable - Ches Panses Vertes постојано бара нови начини за растегнување на границите, за поддршка на иновациите и подобрување на комуникацијата со публиката.

05.08 (понеделник) , со почеток во 20:30 часот

Нова сцена – НУ Центар за култура Битола

„Бабец театар“ Битола – Македонија

„На гости кај Кате и Фреда"

режија: Јован Ристовски

(детска театарска претстава)

Третиот фестивалски ден на ИДТФ Битолино ќе биде посветен на организатор „Бабец театар“, кој по повод 14от роденден на децата во Битола ќе ја подари својата најнова премиера „На гости кај Кате и Фреда“ во режија на Јован Ристовски. Претставата е дел од годишната програма на Министерството за култура за 2024 година и ќе биде изведена надвор од натпреварувачката програма.

Драмскиот детски текст “На гости кај Кат и Фреда” важи за еден од најдобрите германски современи драмски дела наменети за детската популација, односно за возраст од 5 +. Во Македонија за прв пат е поставена детска германска драматургија. Оваа исклучителна драма е важна бидејќи ја разработува темата за промени, инклузија, прифаќање и неприфаќањето на различностите и една од најважните теми - емпатијата. Фабуларната приказна на современиот германски драмски текст кој ја разработува темата за социјална кохезија и емпатија е современа приказна за две другарки кои прифаќаат да дојде непознат гостин кај нив дома. Преку присуството на третиот лик кој доаѓа на гости двете најдобри другарки ги изместува од нивната комфортна зона. Преку присуството на непознатото трето девојче, се октриваат различни однесувања и ставови на двете најдобри другарки, преку кој се открива чинот на прифаќањето или не прифаќањето, флексибилноста за промени, стравот од непознатото, чувството за солударност и спротивно на тоа, себичноста. Авторката нуди прекрасна приказна за разојот на емпатијата помеѓу луѓето, децата - особено кон незаштитените и ранливи групи. Театарскиот проект се залага за правилен развој на децата, поттикнување на емоционална интелигенција преку осознавање на меѓучовечките релации. Овој германски текст беше успешно реализиран во 14 театри во Германија, Швајцарија, Шведска и Камбоџа. Преведен е на 12 јазици.

Целта на оваа претстава е да се упати порака дека ништо друго, ниту изгледот, ниту материјалните средства не се важни во животот, како што е однесувањето. Доколку го живееме животот чесно, со добро срце и љубезен однос кон сите ќе напишеме приказна која вреди да се раскажува.

06.08 (вторник) , со почеток во 19:00 часот

Нова сцена – НУ Центар за култура Битола

Imaginar do Gigante – Португалија

„Големото езеро“

режи: Pedro Saraiva

(детска театарска претстава)

Четвртиот фестивалски ден ќе започне со претставата „Големото езеро“ во продукција на театарот „Imaginar do Gigante“ од Португалија. Публиката ќе има можност да гледа една фантастична визуелизација на многу актуелна тема. На Северниот Пол, боите се здружуваат на небото формирајќи огромно бело ќебе. Мајката мечка и нејзиното малечко си играат и долго нуркаат во замрзнатото море. Потоа ги сушат алиштата на студот и одат дома да направат вечера. Но, со секој изминат ден градовите стигнуваат се поблиску и ги одмрзнуваат домовите. Мајката мечка и нејзиното младенче си заминуваат. Каде? Тоа е она што ќе го дознаеме. Глобалното затоплување и загадувањето на морето станаа еден од најголемите проблеми на Земјата. Врз основа на приказната за семејство на поларни мечки, португалскиот театар на публиката ќе му претстави едно уметничко дело за животната средина, со манипулација со предмети, кукли и проектирани сенки.

Imaginar do Gigante е креативна структура која обезбедува услуги од областа на уметноста и културата. Изведувачките уметности, современи дела за деца и издаваштво на книги за читање се главните области на активност на овој театар. Нивната примарна работа е да истражуваат нови креативни процеси, од текстови до нови слики, во областа на театарската естетика за деца. Креативците во овој театар веруваат во детската уметничка лабораторија и во потрагата по уметничка естетика која може да се осврне на основите на слободата, на нашето најголемо богатство имагинација. Проучувањето на новите естетски, еколошки и технолошки модалитети, хибридни и извонредни, можат да го трансформираат она што го нарекуваме дете на иднината. Тимот во овој проект работеше со деца на различни локации во Португалија, Сао Томе и Принсипе, Мали, Гвинеја-Бисао, Мозамбик и други земји. Со својата работа придонесуваат за подобрување на уметничкото образование и системот за обука за театар, како и зближување на децата од современите изведувачки уметности. Amaginar do Gigante е поддржан од Генералниот директорат за уметности, член на мрежата Descampado Artis tas Associados и член на ASSITEJ.

06.08 (вторник) , со почеток во 20:30 часот

голема сцена – НУ Центар за култура Битола

Theater Kunstdünger - Германија

„Подла патека“

концепт: Christiane Ahlhelm & Lydia Starkulla

(детска театарска претстава)

Втората претстава на четвртиот фестивалски ден ни доаѓа од Германија во продукција на „Theater Kunstdünger“ со наслов „Подла патека“. Авантуристичка претстава со неколку зборови. Единственото нешто што ќе треба да го направи публиката е да ги запознае непознатите и да се вклучи во авантурата. Понекогаш, промените ни помагаат да ја забележиме нашата околина потемелно. Што би се случило, ако се вратиме од училиште, вратата е затворена, и никој нема? Веселото дете е извадено од секојдневната рутина и досадно му е додека чека... Во меѓувреме, живеејќи многу блиску во паралелен свет, обично е мистериозно суштество... Одеднаш детето забележува дека не е само и дека некој е исклучително заинтересиран за неговата училишна чанта. Нивната средба е проследена со авантуристичка потера која завршува во хартиената пештера на мистериозно суштество. Запознавање со чуден свет бара храброст, љубопитност, разбирање еден за друг и едната или другата подла патека за заедно да стигнат до некоја дестинација. „Подлата патека“ се раскажува со користење на ткаенина од 55 метри на две вертикални ролни, кои овозможуваат да се движи , напред и назад, како и горе-долу. Механичко возење на тобоган за очи, срце, и имагинација!

Театарот Kunstdünger е основан во 2000 година од Кристијане Алхелм. Од 2015 година е формиран постојан тим кој работи како колектив. Се наоѓа во близина Минхен. Местата на кои ги изведуваат своите претстави се театри, градски куќи, училишта и градинки, како и фестивали претежно во Германија, но бидејќи фокусот се повеќе и повеќе се става на невербални изведби театарот веќе започна да гради интернационална кариера. Претставите се инспирирани од класичните комедии и приказни за деца, поезија и објекти.

07.08 (среда) , со почеток во 19:00 часот

Нова сцена – НУ Центар за култура Битола

Gobi Dance Company - Унгарија

„2- квадратни метра“

режија: Tamás Somogyi

(монодрама за деца)

Последниот фестивалски ден ќе започне со претставата „2- квадратни метри“ во продукција на Gobi Dance Company од Унгарија. Во претставата ќе настапи Рита Гоби, која е танчерка, кореограф и професорка по танц, таа континуирано ги истражува стиловите и јазиците на танцот. Дипломирала на Унгарската танцова академија во Будимпешта. Таа учество на различни меѓународни танцови работилници и програми за престој како што се американското OMI DANCE Residency, VARP резиденција во SE.S.TA-KoresponDance, во Чешка, во MORISHITA Studio, Токио, PIM OFF во Италија . Во 2006 година ја основала танцовата компанија Góbi. Оттогаш има создадено неколку современи танцови продукции, интерактивни перформанси за деца и учествувала во различни интердисциплинарни проекти. Рита е професорка по танц во уметничкото стручно училиште Nemes Nagy Ágnes, Budai Táncklub, и редовно одржува работилници во Унгарија и на меѓународно ниво. Таа, исто така, работи како кореограф во куклени театри и класични театри.

Осаменоста во староста погодува две третини од луѓето. Што можеме да направиме ако водиме само дијалог со себе? Танчер - кореограф и куклар работат заедно на спомени и сеќавања. Претставата се базира на движење без текст, гестови и елементи на куклен театар. Целта на Рита Гоби и Тамаш Сомоѓи е со хумор и хуманост да го разгледаат стареењето, осаменоста и прашањето за соочување со спомените и да ја натераат публиката да размислува за периодот од животот што ќе дојде во сите наши животи. Кога гледаме постара личност, можеме ли да замислиме низ што поминал? Како било кога бил млад? Какви цели и можности имал, каков живот живеел? Може ли постарото јас да се поврзе со младото јас, или стареењето на телото ги носи со себе душата и духот? Темите на претставата се стареење, осаменост и сеќавање.

07.08 (среда) , со почеток во 20:30 часот

голема сцена – НУ Центар за култура Битола

Odivo theatre - Словачка

„Воздух“

режија: Monika Kováčová

(театарска претстава за деца)

Последната претстава за ова издание на ИДТФ „Битолино“ ќе биде проектот на Odivo театарот од Словачка со наслов „Воздух“. Воздушна лабораторија за деца, нивните родители и сите оние кои сакаат да полетаат. „Воздух“ е форма на поезија на театар на предмети што го прикажува нашиот однос кон летањето, движењето во воздухот. Изведувачите, како и научниците, ги истражуваат можностите за создавање и трансформација на светот преку проток на воздух, додека протокот влијае на различни материјали/предмети и вибрациите на воздухот генерираат музика.

Од 2014 година, независната театарска група Одиво ја претстави својата работа на повеќе од 100 национални и меѓународни фестивали и доби многу награди. Театарскиот јазик на групата вклучува уметнички кросовери и игра со методите на куклена игра, предмети, физички театар, вклучително и уметнички перформанс. Освен што прави свои продукции за сите возрасни групи, Одиво е вклучен и во паратеатарски проекти, едукативни активности и соработки со уметници од различни области. Клучните личности на групата се Моника Ковачова и Марија Данадова. Освен со независна сцена, тие соработуваат и со театри финансирани од нивната држава.

Децата на Битолино уште еднаш ќе имаат можност да погледнат едно невербално шоу наменето за деца од најмала возраст.

The post 13. издание на Интернационалниот детски театарски фестивал „Битолино“ под мотото „Раскажи ми приказна без зборови“ appeared first on Република.

36. Поетска ноќ во Велестово ќе се одржи од 16 до 18 август на локации во Велестово и Охрид. Со поетски портрет годинава ќе биде претставено творештвото на Елизабета Баковска, а во интернационалната програма ќе гостуваат поети од шест земји, и тоа: Велика Британија, Ирска, САД, Хрватска, Србија и Македонија.
‒ Од годинава, за наредниот 4-годишен циклус имаме неколку концепциски промени, имено, наместо преку беседа, творештвото не поетот во фокус ќе биде претставувано преку разговор, во дослух со современите трендови. Исто така, се воведува настанот „Поетско интермецо“ преку кој странските поети ќе имаат можност да читаат и пред публиката во Велестово, а не само во Охрид ‒ истакна програмскиот директор на фестивалот, Јулијана Величковска.

Годинешното издание ќе биде отворено на 16 август од 21 часот на сретсело во Велестово со „Езеро“ ‒ мал музички концерт на хрватската кант-авторка Нина Ромиќ во придружба на Јелена Галиќ. Ќе следува поетскиот портрет на Елизабета Баковска, а потем и настанот „Поетско интермецо“. Вечерта ќе биде затворена со изложбата на фотографии „Паметници на заборавот“ од Сашо Димоски, во тремот на црквата „Успение на Пресвета Богородица“.Автор на постерот за годинешното издание е Андреј Павлов.

На 17 август со почеток од 19 часот во кафе и бар „Шила“ во Охрид ќе се одржи интернационалното поетско читање „Мозаик“ на кое ќе настапат: Патрик Котер (Ирска), Фиона Сампсон (Белика Британија), Иван Херцег (Хрватска), Марко Ѓорѓевиќ (Србија), Минг Ди (Кина/САД), Елизабета Баковска, Владимир Мартиновски и Христина Цветаноска од Македонија, а по читањето, публиката ќе има можност да ужива во уште еден настап на Нина Ромиќ и Јелена Галиќ.

Фестивалот ќе заврши на 18 август со организрано разгледување на културно-историското наследство на градот Охрид и природните убавини на планината Галичица, придружено со неформални поетски читања.

Фестивалот го овозможија Министерството за култура, Општина Охрид, Традуки и Комерцијална банка АД Скопје, а негови помагатели се Хрватското друштво на писатели (ХДП), кафе и бар „Шила“ од Охрид, Пелистерка АД Скопје, вила „Сансет“ од Велестово, ресторан „Домаќинска куќа Велестово“ и пицерија „Немо“ од Охрид.

The post 36. Поетска ноќ во Велестово од 16-18 август со автори од Британија, Ирска, САД, Хрватска, Србија и Македонија appeared first on Република.

На 19.07.2024 година со почеток во 11:30 ч. во Конгресната сала на Хотел Дрим во Струга, се одржа прес конференција на која директорот на СВП, Тодорче Тасевски, ги соопшти деталите за Програмата на годинешното издание на Фестивалот.

„Струшки вечери на поезијата“ како еден од најстарите и најзначајните светски поетски фестивали ќе се одржи и  годинава, во вообичаениот термин, на крајот на август, од 22 до 26 август во своето автентично издание на препознатливите локации.

Свеченото отворање на фестивалот ќе се одржи во Центарот за култура „Браќа Миладиновци“ во Струга, познат и како Дом на поезијата, а свеченото затворање ќе биде со традиционалното читање на Мостот на поезијата.

Мотото на годинешниот фестивал е ДОПИР НА УБАВИНАТА. Со ова мото сакаме да го потенцираме оној аспект на поезијата и поетскиот јазик кој овозможува контакт на човечкото битие со вишите сфери на Убавината, отелотворена во поезија. Но исто така, сакаме да оддадеме почит на иновацијата на Брајовото писмо, чија кодификација пред 200 години им овозможила на слепите лица преку тактилноста и рељефноста на Брајовото писмо преку допир да навлезат во светот на книгата и писмото и да ја почувствуваат убавината на поезијата.)

Оваа година, го имаме францускиот лауреат, истакнатиот поет Жан Пјер- Симеон. Поетскиот портрет на лауреатот е на 24 август и според традицијата ќе се одржи во катедралната црква Св. Софија во Охрид.

Повеќе од 25 странски поети од светот, како и домашни поети од постарата, но и од помладата генерација, ќе учествуваат на фестивалот на главните поетски читања.

Оваа година, во рамки на Програмата на фестивалот ќе бидат одбележани годишнините на двајца наши истакнати поети: 90 години од раѓањето на Петре М. Андреевски и 95 години од раѓањето на Гане Тодоровски. Во рамки на одбележувањето, во соработка со Здружението на слепи лица на општина Велес, ќе биде издадено специјално издание со Брајово писмо, избор од антологиските песни на Петре М. Андреевски и Гане Тодоровски. Изборот го подготви професорката Кристина Николовска од катедрата за македоска книжевност и култура на Филолошкиот факултет „Блаже Конески“.

Во рамки на пригоден настан, „Декади поезија“, ќе бидат одбележани годишнините на живот и творештво на петмина истакнати македонски поети.

Во рамки на Програмата, предвидени се портрети  на добитниците на наградите „Мостови на Струга“ (годинешната добитничка е германската поетеса Катрин Пиц за нејзината дебитанска збирка „Вакви денови имало отсекогаш“),како и портретот на добитникот на наградата „Браќа Миладиновци“ за 2024 година, кој ќе биде објавен на самиот почеток на август. Конкурсот траеше до 25 јуни. Истакнатиот шведски поет Бенгт Берг ќе биде претставен со избор поезија. Оваа година, во рамки на Фестивалот ќе биде претставена и добитничката на возобновената награда „Млада Струга“, Филипа Сара Попова. Во рамки на програмата на СВП ќе биде организиран специјален настан поврзан со настапот на избраните поети од платформата „ВЕРСОПОЛИС“, проект поддржан од Европската Комисија. СВП се дел од овој проект од 2014 година.

Од изданијата на Струшките вечери на поезијата, освен редовните публикации: Монографијата за добитникот на Златен Венец, Зборникот на Фестивалот, преведеното издание на минатогодишниот добитник на наградата Браќа Миладиновци, изданието на добитникот на наградата Мостови на Струга, ќе биде издадена Антологија насловена „Од поети за поети“ чиј приредувач е нашиот истакнат македонски поет Милован Стефановски. Оваа антологија содржи избор на песни од македонски поети, коишто се посветени на други поети и со тоа воспоставуваат своевиден поетски дијалог. Во едицијата „Плејади“ ќе биде издаден избор поезија од истакнатиот шведски поет Бенгт Берг во препев на нашиот истакнат поет Ивица Челиковиќ, кој живее и работи во Шведска. Исто така, ќе биде издадена необјавената збирка „Скршен терариум“ на добитничката на наградата „Млада Струга“, Филипа Сара Попова, а ќе бидат издадени и тројазични избори на поезија на двајцата избрани поети во рамки на платформата Версополис.

Свеченото отворање и свеченото затворање на СВП ќе се одвиваат на препознатливите локации, а во останатите денови, претпладневната програма е предвидена да се одвива во Конгресната сала на хотел „Дрим“,кој исто така, е еден од нашите главни поддржувачи, а вечерната програма на летната сцена на Центарот за култура „Браќа Миладиновци“.

Медиумски покровител на Фестивалот е Македонската Телевизија која што ќе врши директнен пренос на главните настани.

„Струшките вечери на поезијата“ го задржуваат континуитетот на одржување на фестивалот, кој почнувајќи од 1961 година ја покажува моќта на поезијата да го обедини светот

The post „Струшки вечери на поезијата“ од 22 до 26 август под мотото „Допир на убавината“ appeared first on Република.

На вториот ден од овогодинешниот 23.CINEDAYS ќе ги погледнеме следниве филмови.

„The most precious of Cargoes“ во режија на Микел Хазанавичиус во кино Фросина. Анимирана басна за Втората светска војна, адаптирана од романот на Жан-Клод Грумберг од 2019 година, која во еден дел станува батетичен ѕид во сликите на холокаустот, удавени во партитурата на Александар Деспла.

Следен филм е „Mavera“ dir. Батухан Ибрахим во МКЦ Парк. кој што претставува кратка трагична приказна за девојка по име Билјана. По смртта на татко ѝ, таа се обидува да ја продаде семејната куќа и да ѝ помогне на сестра си Вики да си замине од малиот град во потрага по подобра иднина. Но прво ќе мора да помине низ нефункционалниот бирократски лавиринт и да докаже дека татко ѝ навистина е мртов.

„Good Guys go to Heaven“ во режија на Раду Поткоава во МКЦ Парк. Филмот претставува надреална романтична комедија, која нуди избрзано размислување за последиците од нашиот избор и премногу сентиментален крај. Дан гине во сообраќајна несреќа. Пристига во Чистилиштето, чудно место на пуста плажа, каде што времето секогаш е топло, а пијалаците секогаш студени. Набрзо, открива дека не е сам, таму е и Лаура, девојката во која бил вљубен во средно. Ќе успеат ли двајцата најпосле да бидат заедно?

„Excursion“ во режија на Уна Гуњак, во кино Фросина. „Екскурзија“ е долгоочекуваното долгометражно деби на босанската режисерка Уна Гуњак, чиј краток филм „Кокошка“ ја освои Европската филмска награда во 2014 година. Инспириран од дамнешен вистински настан, филмот зборува за личната вистина на младите девојки и како тие управуваат со својата сексуалност и што навистина ги мотивира нивните постапки и желби. Нормите на општеството, неговите вредности и вечното насилство што го врши врз своите поединци (преку своите поединци) по една навидум несвесна тинејџерска игра.

„The seed of sacred fig“ dir Мохамад Расулоф во Кинотека. Филм на иранскиот дисидент-режисер Мохамад Расулоф, кој неодамна избега од Иран откако беше осуден на затвор и камшикување. Неговото појавување на премиерата на неговиот филм создаде еден од најемотивните моменти во неодамнешното издание на Кан. Снимена целосно тајно, приказната го следи брачниот пар од Техеран, кој сѐ повеќе е во војна со нивните прогресивно настроени млади ќерки за време на националните политички протести предводени од жени. Специјална награда на жирито во Кан.

„The Palace“ во режија на Роман Полански во МКЦ парк. Новиот филм на оскаровецот Полански ве носи во откачен хотел на најлошата забава на која сте биле. Да, и Џон Клиз е таму. Сместена во хотел на новогодишната ноќ во 1999 година, оваа комедија наоѓа место за Џон Клиз, Мики Рурк и Фани Ардан, но вие можеби ќе сакате да ги избегнете.

Билетите за CINEDAYS ќе бидат по цена од 250 денари, за сите филмови.

The post Проекции во кино „Фросина“, МКЦ Парк и во Кинотека на вториот ден од „Синедејс“ appeared first on Република.

По синоќешното експлозивно отворање на 23. издание на OFFest со импресивниот настап на „султанот на сахарскиот блуз“ BOMBINO, како и на ѕвездите на јужноафриканскиот психоделичен транс BCUC (Bantu Continua Uhuru Consciousness), нашиот најголем и најзначаен фестивал на музика на светот продолжува натаму. Втората вечер на годинешниот OFFest, што ќе се одржи вечерва во Националната опера и балет, е резервирана за вкусниот микс од меланезиски, индиски, африкански влијанија и европски фолк со елементи на импровизирана музика на холандскиот секстет BOI AKIH (БОИ АКИ), во комбинација со оригиналниот и моќен звук на француско-етиописката супер група KUTU (КУТУ). Овој програмски сплет несомнено создава услови за беспрекорно фестивалско доживување.

Повеќе од 25 години, пејачката и текстописец Моника Акихари и гитаристот и композитор Нилс Браувер се срцето и душата на БОИ АКИ. Безграничната љубопитност ги наведува на нови експерименти и откритија. Така, тие денес ги чувствуваат блиски музичките традиции од сите страни на светот – од модерен џез до класична Индиска музика, од Меланезиска, Африканска и Европска фолк до импровизирана музика. За музичарите, сите овие различни традиции и влијанија не се крајна дестинација, туку инспирација и почетна точка за музички развој. Тие можат да се забележат во бојата и текстурата на нивната музика, во сложените композиции и слободната импровизација, во употребата на вокалот и техниките на свирење, во смелите формации, а исто така и во необичната збирка на инструменти што ги користат – често изработени од нив самите и соодветно прилагодени на нивните индивидуални музички идеи. Уникатниот звук на Бои Аки произлегува од постојаната интеракција меѓу музичарите и изворите од кои тие црпат. Овој звук, изненадувачки нов, а сепак целосно препознатлив, ги обединува акустичните звуци и електронските звучни пејзажи со сестраниот, топол глас на Моника Акихари, која понекогаш пее на Англиски, а понекогаш на Харуку, јазикот на островот на нејзиниот татко. Во музичките проекти на Бои Аки, нивните длабоки, лични музички истражувања резултираат со хармоничен спој на навидум инкомпатибилни звуци, ритми и тоналитети, поништувајќи ги границите помеѓу старото и модерното, помеѓу музиката, приказната и поезијата и помеѓу Истокот, Западот, Северот и Југот.

КУТУ се формирани во Адис Абеба каде што францускиот виолинист и композитор Тео Секалди, повеќеслоен импровизатор и славна фигура на класичната музика и џезот во својата земја, го откри симбиотскиот глас на етиопската рок-пејачка Хејван Гебрeволд, добро позната на локалната вибрантна андерграунд музичка сцена по нејзиниот акробатски вокал и елегантни движења, како дел од 10-члениот рок бенд Јано. Заедно, тие се впуштија во авантура на создавање нов импровизаторски концепт кој ги спојува Азмари и Етио-џез корените со поезијата и грувот на светската урбана култура. Од поезијата на денешницата и селекцијата на етиопски племенски ритми, Тео Секалди гради сончев систем во кој се соединуваат импровизацијата, галопирачките вокали и панк енергијата, поддржани од моќна ритам секција и постава со заразна енергија: електро-вселенски клавијатури, древни перкусии, хипнотичен бас, заносен танц и небески гласови. Блескав етиопски транс состав, во кој слободата на џезот проникнува во суровата длабочина на Азмари звукот. КУТУ пленат и раздвижуваат со експлозија од волшебни ритми и енергија, наметнувајќи возбудлив танц, своевидна ведра духовност! Во Етиопија бендот се третира како еден вид НЛО поради својот речиси вонземски звук.

The post БОИ АКИ и КУТУ вечерва на ОФФест: Микс од африкански влијанија и европски фолк и моќен звук на француско-етиописката супер група за беспрекорно фестивалско доживување appeared first on Република.

Светски познатиот виолинист од Литванија Џулијан Рахлин, на 12 јули на Античкиот театар во Охрид ќе го отвори годинешното 64-то издание на фестивалот „Охридско лето“. Ова денеска на прес-конференција го најави директорката на НУ „Охридско лето“ , Наташа Поповиќ, објавувајќи ја фестивалската програма за ова издание.

Годинава за Свеченото отворање на Античкиот театар ви најавувам грандиозен концерт со светски познатиот виолинист од Литванија, Џулијан Рахлин, еден од највозбудливите и најпочитуваните виолинисти кој ја маѓепсува публиката низ целиот свет со неговиот исклучително богат звук, беспрекорна изведба и маестрална интерпретација. Славниот виолинист и диригент ќе настапи заедно со оркестарот на Македонската филхармонија, изјави Поповиќ.

Античкиот театар, Долни Сарај, Црквата „Света Софија“ и нејзиното предворје, како и Центарот за култура „Григор Прличев“ и годинава ќе бидат локациите на кои ќе се случуваат најголемите уметнички настани од 12 јули до 20 август.

Од 12 јули до 20 август на отворените сцени, Антички театар, Долни Сарај, Предворје „Св. Софија“, како и Црквата „Св Софија“ и Центарот за култура ќе пречекаме над 500 уметници од 24 земји: Србија, Литванија, Словенија, Германија, Австрија, Велика Британија, Италија, Јапонија, Русија, Чешка, Венецуела, Бразил, Шпанија, Црна Гора, САД, Хрватска, Словачка, Романија, Грција, Кина, Полска, Франција, Белгија и секако, уметници од Република Македонија, најави Поповиќ.

Уметничката програма конципирана од селекторката Бисера Чадловска и Сања Арсовска ќе донесе 36 неповторливи доживувања од кои најголемиот дел од областа на класичната музика, шест театарски креации, и по една изложба и промоција на книга.

И оваа година зачекоривме со голема возбуда, но и со стремеж да го зачуваме реномето на најпрестижна културно-сценска манифестација. Предизвикот да се биде домаќин на уште едно незаборавно издание на фестивалот „Охридско лето“ нѐ обврза да понудиме квалитет со кој на сцената по 64 -ти пат ќе одекне магијата на бројните светски музички гласови и творечкиот дух на врвните театарски претстави.Изминатиов период, работејќи посветено и професионално, успеавме да ги завршивме подготовките во делот на програмата. Посебно ме радува што и годинава успешно го реализиравме проектот, „Концерти преку цела година“, со што понудивме исклучително квалитетни настани. Со ваквата новина обезбедивме континуитет во поглед на успешна и квалитетна програма која ќе му даде обележје на фестивал кој ги следи светските трендови, појасни директорката на НУ „Охридско лето“, Наташа Поповиќ.

Селекторката на музичката програма Бисера Чадловска, рече дека секоја година ја конципира програмата на фестивалот „Охридско лето“ според искуството од претходната година.

Се трудам да ги следам реакциите на публиката и моите сопствени впечатоци и да дојдам до заклучок што недостасува и што би можело се промени, додаде или одземе. Оваа година, шеесет и четвртото издание на фестивалот, на публиката ќе и донесе исклучителна можност да го слушне еден од најпознатите светски виолинисти, Џулијан Рахлин. Уште поинтересно е што тој ќе настапи како диригент и виолинист, заедно со оркестарот на Македонската филхармонија. Исто така, како селектор на музичката пограма, но пред сѐ, како диригент, среќна сум што Македонската филхармонија ќе настапи на отворањето на фестивалот „Охридско лето“ после подолго време, токму во годината кога институцијата одбележува 80 години од нејзиното постоење, рече Чадловска.

Репертоарот на класичната музика ќе донесе звучни имиња меѓу кои пијанистот Бери Даглас од Велика Британија, гитаристот Герхарт Рајхенбах од Германија, како и француско-белгиското дуо на виолончело и пијано Ками Тома и Џулиен Брокал. На програмата ќе биде и светски познатиот гитарист Влатко Стефановски. Роденденот на „Охридско лето“ на Долни Сарај ќе се прославува со спектакуларен настан, со салса ансамблот „Меркадонегро“.
Годинешното „Охридско лето“, според драмската селекторка Сања Арсовска, ќе донесе разнолика театарска авантура, разноликост во стиловите, формата, естетиката и драматургијата, и како што рече, на ова издание ќе има три премиерни изведби.

Првата премиера на „Охридско лето“ ќе се случи на 22 јули со претставата „Галеб“ на Битолскиот народен театар, а во режија на Багријана Попов. После ова, на 28 јули, следи уште една премиера на Шекспировата „Крал Лир“ во продукција на Lit Moon theatre company од Калифорнија, САД, а во копродукција со Финска, Ерменија, Македонија. Претставата е режирана од Џон Блондел. Третата премиера е од театарот „Џинот“ од Велес на 30 јули. Се работи за претставата „Рацин“, работена според делото на нашиот непослушен комунистички романтичар, по драматизација на Сашо Димовски, а режија на Дејан Пројковски, најави Арсовска.

Покрај премиерите, драмската програма на 64-тото „Охридско лето“ ќе ги донесе и театарските претстави „Безгрешна“ со СНГ драма од Марибор, „Лет над кукавичкото гнездо“ со Драмски театар Белград, стенд-ап шоу на српскиот и холивудски актер Никола Ѓуричко, како и претставата „Алиса во земјата на стравовите“ во продукција на Југословенскиот драмски театар Белград која ќе ја спушти завесата на годинешното фестивалско издание.

На денешната прес-конференција беше претставено и годинешното идејно решение за рекламниот материјал изработено од маркетинг агенцијата „Идеа плус“. Дизајнот прикажува стилизирана женска фигура која свири виолина, стоејќи на традиционален охридски чун. Музичките ноти околу фигурата ja симболизираат хармонијата на музиката и природните убавини на Охрид, со фенерот како симбол кој фестивалот го позиционира како водилка низ светот на културата. Изборот на темно-сината позадина со контури на маски има за цел да создаде мистична и спокојна атмосфера, потсетувајќи на долгогодишната традиција и театарот како дел од фестивалот.

The post Светскиот виртуоз на виолина Џулијан Рахлин ќе го отвори 64. „Охридско лето“ appeared first on Република.

Агенцијата за аудио и аудиовизуелни медиумски услуги (АВМУ) ги објави извештаите за платено политичко рекламирање (ППР) емитувани за време на вториот круг од претседателските избори и за парламентарните избори 2024.

Во вториот круг од изборната кампања за претседателските избори, вкупно 57 радиодифузери (32 телевизии и 25 радија) склучиле договори со двајцата учесници во изборната кампања.

Од 10-те национални телевизии, најмногу реклами емитуваа Канал 5 (24 часа 1 минута и 32 секунди), Сител (16 часа 25 минути и 16 секунди) и Алфа (14 часа 24 минути и 43 секунди), додека од 4-те национални радија најмногу реклами имаа Антена 5 (8 часа 31 минута и 40 секунди) и Канал 77 (4 саати 32 минути и 7секунди), се вели во извештајот на АВМУ.

За кандидатот за претседател Стево Пендаровски биле емитувани вкупно 160 часа 58 минути и 32 секунди ППР (128 часа 48 минути и 43 секунди на ТВ и 32 часа, 9 минути и 49 секунди на радио), додека за кандидатката Гордана Сиљановска-Давкова емитувани се вкупно 122 часа и 22 секунди ППР (75 часа 14 минути и 5 секунди на ТВ и 46 часа 46 минути и 17 секунди на радио).

Во однос на парламентарните избори, на 68 радиодифузери (39 телевизии и 29 радија) кои склучиле договори со учесниците во изборната кампања биле емитувани вкупно 567 часа 43 минути и 31 секунда платено политичко рекламирање.

Од 11-те национални телевизии, најголем обем на реклами имаа Алсат-М (44 часа 12 минути и 27 секунди), Канал 5 (35 часа 58 минути и 4 секунди) и ТВ Компани 21-М (33 часа 5 минути и 57секунди), додека од 4-те национални радија најмногу реклами емитуваа Антена 5 (15 часа 22 минути и 35 секунди) и Канал 77 (10 часа, 6 минути и 46 секунди), се вели во извештајот на АВМУ.

Извештајот за ППР на радиодифузерите за вториот круг од изборната кампања за претседателските избори во периодот од 25 април до 6 мај 2024 година е достапен на линкот.

Извештајот за ППР на радиодифузерите од изборната кампања за парламентарни избори во периодот од 18 април до 6 мај 2024 година е достапен на линкот.

The post АВМУ објави кој колку емитувал платена политичка програма за втор круг претседателски и за парламентарните избори appeared first on Република.

Францускиот институт е најстарата странска институција која што е присутна тука во Скопје и во Македонија. Тоа е знак на долготрајното пријателство кое ги поврзува Франција и Македонија. Нам ни припаѓа како улога таа соработка да еволуира и затоа во нашата програма насочена кон младите содржани се иновативни дигитални активности, поле каде Франција е своевиден пионер и има најдобри образовни програми.

Ова го истакнува во разговор за МИА Иго Бештел, директор на Францускиот институт по повод одбележувањето на големиот јубилеј 50 години од неговото основање. Јубилејот ќе го одбележат вели со најдоброто од Франција - мошне атрактивна и разновидна програма која ќе се реализира под мотото „извонредност и иновација“, која започна со настапот на француската театарска група „Кафиг“ и изведбата на претставата „Мозаик“ на светски познатиот кореограф Мурад Мерзуки во МНТ, а завршува на 28 јуни со уличен театар низ улицата „Македонија“.

Првично формиран како Француски културен центар во далечната 1974 година чија првична мисија е презентација и промоција на француската култура, мисла, и јазик, Бештел смета дека Институтот кој е француска јавна институција која делува под капата на француското МНР, има оставено силен печат врз културната размена меѓу двете земји, во поттикнување на соработката меѓу актерите од различни сфери, во  доближувањето на Франција, и на вредностите на Франкофонијата.

The post Францускиот институт ќе одбележи 50 години во Македонија со најдоброто од Франција – мошне атрактивна и разновидна програма која ќе се реализира под мотото „извонредност и иновација“ appeared first on Република.

Единаесет претстави во продукција на националните театри и шест претстави во придружната програма се селектирани на 58. МТФ „Војдан Чернодрински“, што ќе се одржи од 7 до 14 јуни во Прилеп. „Ново читање“ е именувана програмата на уметничкиот директор Ана Стојаноска, која денеска на прес-конференција ја образложи својата селекција во Центарот за култура „Марко Цепенков“ во Прилеп. Иницијалната позиција од која почна селекцијата е да се дефинира сериозна голема театарска претстава која е во контекст или со годинешниот Автор во фокус - Горан Стефановски или во контекст на современиот пристап во третирањето на театарот денес, вели Стојаноска.

Собранието на фестивалот одлучи наградите за животно дело да ги добијат актерите Мими Таневска-Србиновска и Јордан Витанов.

Мотото на фестивалот годинава е „Промени се, промени сè“.
-Се решив да го прикажеме тоа што е современо и актуелно, истовремено во корелација со европските театарски трендови. Она што доминира во програмата е потребата да се најдат нови читања на стари теми, истовремено создавајќи поинаков третман на просторот. Доминантно во продукцијата беа повеќе камерните или „мали“ сцени наспроти големата сцена. Имаше неколку впечатливи камерни претстави работени според домашни автори, но не одговараа на концептот на ова издание на фестивалот. Тоа не значи дека беше естетички ограничена, туку создаде ново гледање и на драмите и на просторот. На македонската театарска продукција како и да ù фали сериозно истражување и на современите театарски тенденции, но и на сопствените театарски капацитети. На нашите театарски сцени им треба промена која се надевам ќе ја иницира фестивалот годинава – рече Стојаноска и додаде дека „промената е најблиската потрага по сопствениот креативен потенцијал. Таа е првата победа во битката со конформизмот, старите навики, инертните или наследени ситуации“.

Концептот „Ново читање“ ги опфаќа двете потпрограми: „Новото читање на драмите од авторот во фокус - Горан Стефановски“ и „Ново читање на класиците“.
Во потпрограмата „Новото читање на драмите од авторот на фокус – Горан Стефановски“, селектирани се:

1.„Дупло дно“ во режија на Наташа Поплавска, продукција на Народен театар „Војдан Чернодрински“ – Прилеп;
2.„Диво месо“ во режија на Мартин Кочовски, продукција на Албански театар - Скопје;
3.„Демонот од Дебар Маало“ во режија на Наташа Поплавска, продукција на Центар за култура „Ацо Шопов“ – Штип;
4.„Црна дупка“ во режија на Љупчо Ѓорѓиевски, продукција на ЦК „Антон Панов“ – Струмица.

Во „Ново читање на класиците“ го гледаме авангардниот пристап во третманот на драмите што се класични/лектирни, а истовремено и потенцијалниот нов моментум во третирањето на театарот. Во оваа програма се претставите:

1.„Хеда Габлер“ од Хенрик Ибзен, во режија на Васил Христов, продукција на Драмски театар - Скопје;
2.„Едвард Втори“ според Кристофер Марлоу, во режија на Андриј Жолдак, продукција на Ц.К „Јордан Хаџи Константинов - Џинот“ – Велес;
3.„Иванов“ од Антон П. Чехов, во режија на Зоја Бузалковска, продукција на Македонскиот народен театар;
4.„Домот на куклата“ од Лукас Хнат, во режија на Билге Емин, продукција на Турски театар - Скопје;
5.„На дното“ од Максим Горки, во режија на Ќендрим Ријани, продукција на Народен театар – Битола;
6.„Ало! Ало!“ според Џереми Лојд и Дејвид Крофт, во режија на Синиша Евтимов, продукција на Театар Комедија;
7.„Франкенштајн“ од Мери Шели, во режија на Кокан Младеновиќ, продукција на Театар за деца и младинци - Скопје.

Во придружната програма ќе бидат презентирани неколку претстави кои се во контекст на концептот на комплетната селекција:

1.„Кенди“ од Лук Дејвис, во режија на Тамара Стојаноска, продукција на Театар „Златен Елец“;
2.„Лекција“ од Ежен Јонеско, во режија на Ѓорѓи Ризески, продукција на Motion Network и НТ Штип;
3.„Црна дупка“ од Горан Стефановски, дипломска претстава по театарска режија на Александар Јовановски, во класата на проф. м-р Зоја Бузалковска, ФДУ Скопје;
4.„Натчовек“ од Сашо Димоски, во режија на Васил Зафирчев, продукција на Драмски театар „Стојан Бочваров“ - Варна;
5.„Поол“ од Марк Рејвенхил, во режија на Шенај Мандак, продукција на МКЦ и Хибрид.
6.„Арт“ од Јасмина Реза, дипломска претстава на студентите по актерска игра од класата на проф. Дејан Пројковски, Универзитет „Еуропа Прима“ - Скопје.

Фестивалот ќе биде отворен со настан во чест на добитниците на наградата за животно дело, што ќе се одржи во Центарот за култура, а потоа ќе следува изведбата на претставата „Хеда Габлер“ на Драмски театар.

-И годинава сакаме Прилеп да биде град-театар, ќе има уште фестивалски зони што ќе ги откриваме постепено. Им се заблагодарувам на сите што го помагаат фестивалот – рече Стојаноска.

За време на фестивалот ќе се одржи еден ден комплетно посветен на Авторот во фокус - Горан Стефановски, на кој ќе се презентираат сите актуелности поврзани со зачувувањето на ликот и делото на Горан Стефановски во македонската култура.

Ќе бидат одржани пет работилници, освен презентацијата на едукативната програма: Работилницата за драмско пишување што ќе ја води Ана Трпеноска, Работилницата за читање на Горан Стефаноски што ќе ја води проф. д-р Јелена Лужина, Работилницата за следење на фестивал што ја води тимот на Умно.мк, Работилница за тело - говор - простор што ја води Искра Шукарова и Работилницата за костимографија што ја води Александар Ношпал. Повиците за учество на овие работилници ќе ги објавиме наскоро.
Ќе бидат одржани промоции на повеќе изданија од театарска и театролошка литература од македонски и странски автори. Ќе бидат активни сите фестивалски зони како минатата година, ќе имаме и некои нови кои ќе ги откриваме постепено во текот на следните денови на фестивалот.

За наградите на фестивалот и годинава ќе одлучува тричлено меѓународно жири, во состав: д-р Марина Миливојевиќ-Маѓарев, театарска критичарка од Србија, д-р Марина Катниќ-Бакаршиќ, драматург од Сараево и актерката Варја Ѓукиќ од Црна Гора.

The post 58. издание на МТФ „Војдан Чернодрински“од 7 до 14 јуни во Прилеп: Селектирани се единаесет претстави во продукција на националните театри и шест претстави во придружната програма appeared first on Република.

Во фокусот. Тоа се двата збора што ја карактеризираат, ја означуваат понудата на филмското мени на Кинотека. Акцент и посебна тематска целина посветена на великанот на седмата уметност, нашиот филмски автор Столе Попов.

Оваа година битната кинотечна награда „Златниот објектив“ќе му биде доделена на Столе Стојан Попов – режисер, сценарист, продуцент и автор, кој во голема мера ја задолжи националната кинематографија – како со својот наградуван филмски опус, така и со својот педагошки и менаџерски ангажман на полето на седмата уметност и филмското образование.

Режисерот Попов ќе биде официјално присутен на самата церемонија, а присутните филмски работници ќе бидат во можност да проследат темелна анализа и осврт за и околу неговото творештво. На големото платно во кино салата повторно ќе може да се видат клучните остварувања со неговиот режисерски потпис – документарните филмови ОГАН, ДАЕ, АВСТРАЛИЈА, АВСТРАЛИЈА, како и веќе антологиските играни филмови ЦРВЕНИОТ КОЊ, СРЕЌНА НОВА 1949, ТЕТОВИРАЊЕ. Во рамките на циклусов ќе биде прикажан и македонскиот револуционерен  вестерн-проект, ДО БАЛЧАК, реализиран по сценарио на легендата на македонската театарска и филмска драматургија, Горан Стефановски.

Во 70-тите години од минатиот век, македонската филмска продукција добива нов импулс со појавата на една нова авторска генерација. Суштината на оваа појава беше како веќе воспоставените традиционални вредности во македонскиот филм да не бидат само фактографска придобивка туку да се надградат со едно ново, естетско значење. Столе Попов претставува исклучителен пример за погоре напишаното.

Роден е 1950 година, во Скопје, Република Македонија. Дипломирал филмска режија на Академијата за театар, филм и телевизија во Белград.

Од 1978 до 1988 година работи како режисер во „Вардар филм“, а од 1985 до 1986 година ја врши должноста директор на филмската куќа. Од 1989 година работи како професор по филмска режија на Факултетот за драмски уметности во Скопје и е раководител на катедрата по филмска режија. Од 1997 година е член на Европската филмска академија.

Добитник е на повеќе од 50 врвни европски и светски филмски награди и признанија, од кои посебно се издвојуваат осумте гран прија на разни интернационални фестивали и двете номинации , за „Оскар“ на Американската и „Феликс“ на Европската филмска академија.

Столе Попов беше номиниран за наградата Оскар на Американската филмска академија за најдобар краткометражен документарен филм со ДАЕ (МАЈКА) во 1979 г.

Домашната кино-сцена ќе биде претставена и преку ретроспективна проекција на кратки форми. Филмофилите ќе бидат во можност повторно да ги видат филмовите потпишани од етаблираните дејци Кочо Недков, Дарко Марковиќ, а ќе биде прикажан и краткиот филм ВЛАКНА, по сценарио и во режија на Елеонора Венинова.

На менито на Кинотека, месецов се наоѓа и промоцијата на новиот филм потпишан од францускиот кино-провокатор Франсоа Озон. Се работи за еден навистина интересен, постмодерен осврт и своевиден римејк на делата потпишани и креирани од легендата на германскиот нов бран, Рајнер Вернер Фасбиндер.

Ако имате дилема дали да го поминувате своето слободно време во салата на Кинотека или, пак, надвор, на убавото време, не се двоумете. Има време и за едното и за другото. Но секако, не смее да се изостави понуденото, подготвеното програмско мени на Кинотека, особено богато и значајно месецов.

9 МАЈ (ЧЕТВРТОК) 18:00 ч.
15 МАЈ (СРЕДА) 18:00 ч.
ТЕШКА ГОДИНА
(A Difficult year)
Игран филм, Франција
2023, 120 мин., колор, ДЦП
Режија: Оливие Накаш, Ерик Толедано (Olivier Nakache, Éric Toledano)
Сценарио: Оливие Накаш, Ерик Толедано (Olivier Nakache, Éric Toledano)
Улоги: Пио Мармаи, Џонатан Коен, Метју Амалрик, Ноеми Мерлан, Даниел Лебрун (Pio Marmaï, Jonathan Cohen, Mathieu Amalric, Noémie Merlant, Danièle Lebrun)

Длабоко заглавени во долгови, Алберт и Бруно се обраќаат кај социјален работник за да им помогне да се справат со нивните животи. На една од групните сесии, наидуваат на соседната сала за состаноци каде се собираат млади активисти, предводени од возбудлив организатор.
Привлечени повеќе од бесплатното пиво и чипс отколку од борбата на групата против консумеризмот и заштитата на животната средина, Алберт и Бруно се приклучуваат на движењето без многу убедување, но наскоро почнуваат да чувствуваат можност…

Возрасна категорија: 16 години
Влезница: 150 денари

9 МАЈ (ЧЕТВРТОК) 20:00 ч.
БУРЕ БАРУТ
(Bure Barutа)
Игран филм, Србија, Македонија, Франција
1998, 102 мин, 35мм
Режија: Горан Паскаљевиќ (Goran Paskaljević)
Сценарио: Горан Паскаљевиќ, Дејан Дуковски (Goran Paskaljević, Dejan Dukovski)
Улоги: Мики Манојловиќ, Мирјана Карановиќ, Небојша Глоговац (Miki Manojlovik, Mirjana Karanovik, Nebojsa Glogovac)

Белград, средина на деведесеттите години од минатиот век. Во текот на една вечер, животот на дваесетина луѓе се вкрстува на неочекувани и непријатни начини. Незрел и гневен младич краде автомобил, а станот на неговиот татко бива уништен. Мане, по враќањето од странство, открива дека неговата сакана Наталија има нов љубовник. Таксист купува пијалак, а насилен човек со садистички карактеристики го осакатува. Пропаднати пријателства, непријатни признанија, насилството и агресијата еруптираат во текот на една судбоносна вечер.

Филмот БУРЕ БАРУТ е во режија на познатиот југословенски и српски режисер Горан Паскаљевиќ. Сценариото за филмот е адаптација на драмскиот текст на авторот Дејан Дуковски, кој од 1995 година е поставен на сцената на Југословенскиот Драмски Театар.

Филмот на Паскаљевиќ е добитник на повеќе награди и признанија меѓу кои се издвојуваат ФИПРЕСЦИ наградите на Европските филмски награди и на Венецискиот филмски фестивал, како и Бронзената Камера 300 на Интернационалниот фестивал на филмската камера „Браќа Манаки“.

Возрасна категорија: 16 години
Влезница: 150 денари

13 МАЈ (ПОНЕДЕЛНИК) 17:00 ч.
20 МАЈ (ПОНЕДЕЛНИК) 17:00 ч.
АНАТОМИЈА НА ПАДОТ
(Anatomie d’une chute)
Игран филм, Франција
2023, 152 мин., колор, ДЦП
Режија: Жастин Трие Толедано (Justine Triet)
Сценарио: Жастин Триe, Артур Харари (Justine Triet, Arthur Harari)
Улоги: Сандра Хулер, Свон Арло, Мило Мачадо – Гранер (Sandra Hüller, Swann Arlaud, Milo Machado-Graner)

Кога нејзиниот сопруг мистериозно умира, паѓајќи од балкон, писателката и мајка Сандра Војтер станува главен осомничен. Единствен сведок на прераната смрт на сопругот е нејзиниот слеп син, што дополнително ја комплицира ситуацијата. Сандра мора да се соочи со последиците од чувањето тајни, справувајќи се со судењето за убиство на нејзиниот сопруг, додека нејзиниот невин син мора да избере помеѓу семејната лојалност и вистината.

АНАТОМИЈА НА ПАДОТ (Anatomie d’une chute) е возбудлив судски трилер, во режија на Жастин Трие. Во филмот таа ја испитува тенката линија кога вистината станува фикција, а фикцијата вистина. Употребувајќи го минималистичкиот интензитет на камерната драма – и користејќи сложена, елипсовидна монтажа – Триет конструира мистерија која на крајот е помалку за смртта колку за скриените животи што ги водиме.

Филмот ја имаше својата премиера на 76-тото издание на Кански филмски фестивал во 2023 година, каде што ја освои Златната палма. Филмот е добитник на два Златни глобуса, како и Оскар за најдобро оригинално сценарио.

Возрасна категорија: 16 години
Влезница: 150 денари

10 МАЈ (ПЕТОК) 20:00 ч.
ОГАН
(Fire)
Краток документарен филм, Македонија
1974, 12 мин, ДЦП
Режија: Столе Попов (Stole Popov)
Сценарио: Столе Попов (Stole Popov)

Филмот претставува апотеоза на човековото знаење и способноста во процесот на работата да ја потчини и насочи огнената стихија. Атрактивните секвенци, кои речиси може да се почувствуваат, во кои при огромна температура на сите страни летаат искри, на филмот му придаваaт дополнителна поетска длабочина, за што, впрочем, покрај режисерот и сценарист Столе Попов, заслужен е и кинематограферот Мишо Самоиловски, кој беше повеќекратно награден за исклучително добро завршената работа на овој филм.

Документарниот филм ОГАН се закити со главната – Прва награда – на Фестивалот на документарен и краткометражен филм во Белград во 1974.

АВСТРАЛИЈА, АВСТРАЛИЈА
(Australia, Australia)
Документарен филм, Македонија
1976, 71 мин, ДЦП
Режија: Столе Попов (Stole Popov)
Сценарио: Божин Павловски (Stole Popov)

Филмот го одразува животот на македонските иселеници и печалбари во Австралија. Со нивното заминување во далечната земја, во туѓина, некои од нив успешно се социјализираат, а некои, пак, постојано остануваат со дилемата за своето враќање. Преку личните, автентични сведоштва и метафоричната дескрипција на севкупниот живот во новото опкружување, изразена со мозаични филмски експресии, филмот допира многу болни точки од животот на печалбарите.
Најголемата вредност на филмот е во начинот на кој режисерот, во манир на голем документарист, го систематизира обемниот материјал и ја раскажува филмската приказна преку контрапунктирање на македонската традиција и австралиската реалност.

Документарниот филм на Столе Попов е еден од најпрепознаените документарци во југословенската и македонска кинематографија. Во 1976 година филмот се закити со специјалната награда од публиката на филмскиот фестивал во Тузла, Босна и Херцеговина.

Возрасна категорија: за сите возрасти
Влезница: 150 денари

11 МАЈ (САБОТА) 20:00 ч.
ДАЕ (МАЈКА)
(Dae)
Краток документарен филм, Македонија
1979, 16 мин, ДЦП
Режија: Столе Попов (Stole Popov)
Сценарио: Анте Поповски (Ante Popovski)

Дае (Мајка) е филм во кој на поетски начин се портретира животот на едни од последните Роми-номади. Тој изобилува со многустрана иконографија како извор на инкарнација на романтичното разбирање на животот без огради. Оваа поетска визија за животот на последните номади е снимена во автентичниот амбиент на чергарската населба спроти празнувањето на најголемиот ромски празник. Како атавистички обележја на нивните верувања, во кои спаѓа и ритуалното капење како симболично пречистување и причест на душата и телото, мистеријата на раѓањето и дочекувањето на новиот живот, па сè до желбата за живот без стеги, презентирана низ метафората на бесниот галоп на коњите, тие атакуваат врз сетилата на гледачот и не го оставаат рамнодушен по гледањето на филмот.

Филмот ДАЕ се здоби со номинација за Оскар на Американска филмска академија во 1979.

ЦРВЕНИОТ КОЊ
(The Red Horse)
Игран филм, Македонија
1981, 137 мин, ДЦП
Режија: Столе Попов (Stole Popov)
Сценарио: Ташко Георгиевски, Столе Попов (Tasko Georgievski, Stole Popov)
Улоги: Велимир Бата Живојиновиќ, Јорданчо Чевревски, Илија Џувалековски (Velimir Bata Zivojinovik, Jordanco Cevrevski, Ilija Dzuvalekovski)

Дејството на филмот се одвива од крајот на Граѓанската војна во Грција до почетокот на 1960-тите години. Во филмот се прикажува тешката судбина на Борис Тушев и неговите другари кои ја трпат тортурата на официјалната власт.

Творечкиот ангажман на режисерот Попов, во овој филм е свртен кон историската тематика, која и дотогаш беше една од битните ознаки на македонската филмска поетика. Така, временскиот период што го зафаќа драмското дејство на филмот се протега од крајот на Граѓанската војна во Грција, па преку зенитот на сталинизмот во Советскиот Сојуз и сталиновата смрт во почетокот на педесеттите години, па сè до почетокот на шеесеттите години.
Снимателот Бранко Михајловски и сценографот Властимир Гаврик – успешно во реалистичка смисла, а и максимално функционално во драматуршка смисла – успеваат мошне сугестивно да му ги пренесат на гледачот искуството и креативната надградба на оваа драматична сторија. Некаде во овие драматуршки текови се наоѓа и музичката придружба на филмот, дело на композиторот Љупчо Константинов

„ЦРВЕНИОТ КОЊ е жесток филм за егзилот, во режија на Столе Попов… Со голема уверливост Бата Живоиновиќ игра херојски партизански борец кој обесхрабрен се откажува од сè, со цел да се врати дома, но само за да најде туѓа земја каде што повеќе не припаѓа.“ Со овие пофални зборови Linda Gross, филмската критичарка на влијателниот L.A.Times го опиша токму овој филм на режисерот Попов.

Возрасна категорија: 16 години
Влезница: 150 денари

14 МАЈ (ВТОРНИК) 18:00 ч.
МАКЕДОНСКИ КРАТКИ ФИЛМОВИ

ДУПЧАЧИ
(Miners)
Краток игран филм, Македонија
1978, 11 мин, 35мм
Режија: Недков Кочо (Koco Nedkov)
Сценарио: Недков Кочо (Koco Nedkov)

Во постојаната и сурова борба на човекот да ја совлада природата, тој ќе започне со уништување на својот најголем сојузник. Автентична приказна за една помалку позната професија која започнува онаму каде што завршува асфалтот. Во планински амбиент, кој го украсуваат разновидни растенија и каде што живеат многубројни инсекти, птици и животни, доаѓа човекот, за да внесе немир и од дамнина скротената утроба на земјата и исконскиот мир во природата го нарушува со татнежот на експлозивот и ревот на машините.

КОЈ Е ВИНОВЕН?
(Who is guilty?)
Краток документарен филм, Македонија
1962, 8 мин, 35мм
Режија: Недков Кочо (Koco Nedkov)
Сценарио: Билбиловски Киро, Недков Кочо (Kiro Bilbilovski, Koco Nedkov)

КОЈ Е ВИНОВЕН, во режија на домашниот филмски работник Кочо Недков, е во самата своја суштина пропаганден филм. Своевиден обид да се евидентираат причините што доведуваат до сообраќајни несреќи во условите на сè погустиот сообраќај

ЛИФТ ГОРЕ, ЛИФТ ДОЛУ
(Elevator up, elevator down)
Краток игран филм, Македонија
1967, 14 мин, 35мм
Режија: Наумовски Душан (Dusan Naumovski)
Сценарио: Георгиевски Ташко (Tasko Georgievski)
Главна улога: Дамески Дарко (Darko Dameski)

Група деца наоѓаат простор за игра помеѓу недоизградени станбени куќи и цигланата, градејќи свој свет во неисцрпните можности што ги нуди нивната фантазија. Нивната игра, радоста и смеата, му пречат на чуварот на градилиштето, а тоа значи и крај на играта.

РАКА
(Hand)
Краток Анимиран филм, Македонија
1980, 11 мин, 35мм
Режија: Марковиќ Дарко (Darko Markovic)
Сценарио: Марковиќ Дарко (Darko Markovic)

Преку дланката метафорично е претставена судбинската животна енергија, која низ животот го води човекот. Со згаснувањето на животот на раката, престанува и човековото битисување. За да не дојде до тоа, потребни се извонредна храброст, самостојност и животен полет.

Награди: 1980 ФЈДКФ, Белград, „Голем златен медал Белград“ за режија на анимиран филм

ВЛАКНА
(Vlakna)
Краток игран филм, Македонија
2013, 26 мин, ДЦП
Режија: Елеонора Венинова (Eleonora Veninova)
Сценарио: Елеонора Венинова (Eleonora Veninova)
Улоги: Ирена Ристиќ, Бојан Зировиќ, Марија Арсенкова (Irena Ristic Bojan Zirovic Marija Arsenkova)

Детективката Вели го истражува убиството на малото девојче со едно влакно како клучен доказ и место на злосторство што ја тера да го преиспита сопствениот разум и начин на живот.

13- 18 МАЈ 20:00 ч.
НЕДЕЛА НА ИТАЛИЈАНСКИ ФИЛМ

16 МАЈ (ЧЕТВРТОК) 18:00 ч.
23 МАЈ (ЧЕТВРТОК) 18:00 ч.
ПИТЕР ФОН КАНТ
(Peter von Kant)
Игран филм, Франција
2022, 85 мин, ДЦП
Режија: Франсоа Озон (François Ozon)
Сценарио: Франсоа Озон, Рајнер Вернер Фасбиндер (François Ozon, Rainer Werner Fassbinder)
Улоги: Денис Меноше, Калил Бен Гарбиа, Исабела Аџани (Denis Menochet, Khalil Ben Garbia, Isabelle Adjani)

Францускиот актер Денис Меноше го глуми Питер, декадентен филмски режисер на врвот на својот успех, кој се вљубува во Амир (Калил Бен Гарбиа), младото, неверојатно убаво момче кое влегува во станот на Питер како гостин на неговата најдобра пријателка Сидоние (Изабелa Аџани).

Со „Питер вон Кант“, плодниот француски режисер Франсоа Озон му оддава почит на едно од неговите најтрајни влијанија, иконата на новото германско кино Рајнер Вернер Фасбиндер, повеќе од 20 години и речиси 20 филмови подоцна, откако за прв пат ја адаптираше драмата на Фасбиндер.
Филмот става метатекстуален пресврт на класичниот филм на Фасбиндер „Горчливите солзи на Петра вон Кант“. Умножувајќи ја театарската структура на оригиналот, филмот се одвива во серија чинови, во текот на кои односот помеѓу Питер и Амир се влошува и динамиката на моќта се менува. Во меѓувреме, немиот, занесен помошник на Питер, Карл (Стефан Крепон) е измачуван, но истовремено и воодушевен од автократската суровост на неговиот шеф.

За потребите на промотивната кампања за проектов, режисерот на Huit femmes и Été 85, Франсоа Озон, избира идентично да ја репродуцира поп-арт визуелноста на германскиот постер за Querelle, последното дело на големиот Рајнер Фасбиндер, издаден во 1982 година. Врз основа на полароид направен од Енди Ворхол, сликата е идеализирана претстава на двајца млади мажи, чии карактеристики се означени со црвени и жолти линии. Дизајнот на Ворхол совршено го доловува духот на адаптираниот роман на Жан Жене, Querelle de Brest, и оној на филмот на Фасбиндер. Четириесет години подоцна, Денис Меноше и Калил Гарбиа повторно позираат за ова препрочитување, сурово и колоритно дело.

Филмот беше премиерно прикажан во конкуренција на Меѓународниот филмски фестивал во Берлин како филм за отворање на 10 февруари 2022 година.

Возрасна категорија: 16 години
Влезница: 150 денари

17 МАЈ (ПЕТОК) 18:00 ч.
27 МАЈ (ПОНДЕЛНИК) 18:00 ч.
28 МАЈ (ПЕТОК) 20:00 ч.
ВРЕМЕ НА БЕТОН
(Concrete Time)
Документарен филм, Македонија
2024, 75 мин, ДЦП
Режија: Игор Иванов (Igor Ivanov)
Сценарио: Игор Иванов, Томи Салковски (Igor Ivanov, Tomi Salkovski)
Наратор: Никола Ристановски (Nikola Ristanovski)

„Време на бетон“ ја раскажува приказната за Скопје, поточно неговата архитектонско-урбанистичка историја. Тагата за еден „организам“ од челик, бетон и стакло, една метропола на солидарноста која речиси како да доаѓа од иднината. Документарниот филм во основа својот фокус го става на модерната, посебно на кусата ера на брутализмот. Во својата фрагментарност, документарецот не случајно е поставен како литературно-репортерска нарација која, меѓу другото, како цитат, потсетува на оние квалитетни телевизиски емисии со информативна и едукативна содржина кои веќе одамна ги нема во нашата продукција.

„Време на бетон“ е снимен по сценарио на Иванов и Томи Салковски, кој е и продуцент. Автор на нарацијата која го води филмот е новинарот Ѕвездан Георгиевски, а наратор е актерот Никола Ристановски. Соработници на сценариото се Мишко Ралев и Јордан Минов, изборот и изведбата на музиката е на пијанистката Дуња Иванова. Кинематографер е Ѓорѓи Клинчаров, монтажата на Дејан Смилески, а дизајнот на звук е на Игор Поповски.

Возрасна категорија: 16 години
Влезница: 150 денари

18 МАЈ (САБОТА) 18:00 ч.
25 МАЈ (САБОТА) 18:00 ч.
ЛУСИ ГАНГСТЕРКАТА

(Lucy ist jetzt Gangster)
Детски фамилијарен филм, Германија
2022, 89 мин, ДЦП
Режисер: Тил Ендеман (Tim Endemann)

Безгрижната, сакана Луси (10) решава да ограби банка. До пред неколку недели, таа не би ни претрчала преку улица. Но, машината за сладолед се расипа и без 30.000 евра тие ќе мора да ја затворат семејната сладоледџилница. Тоа барa екстремни мерки!
Луси го наговара лошото момче од училиштето, Тристан (11) да ја тренира: Операцијата „Лусифер“ опфаќа различни дисциплини на лошите момчиња како што се крадење, лажење, мамење и поткупување. Тренингот на Луси е толку успешен што нејзината најдобра другарка Рима (10) повеќе не ја препознава – смртно е загрижена што би можела следно да направи новата гангстерка Луси…

Возрасна категорија: 12 години
Влезница: 150 денари

20 МАЈ (ПОНЕДЕЛНИК) 20:00 ч.
СРЕЌНА НОВА`49
(Happy New `49)
Игран филм, Македонија
1986 г., 125 мин., колор, 35 мм
Режија: Столе Попов (Stole Popov)
Сценарио: Гордан Михиќ (Gordan Mihić)
Улоги: Александар Ѓорчев, Мето Јовановски, Светозар Цветковиќ, Владица Милосављевиќ, Петар Арсовски, Мите Грозданов, Душко Костовски (Svetozar Cvetković, Meto Jovanovski, Vladica Milosavljević, Petar Arsovski, Aleksandar Gjorchev, Mite Grozdanov, Dushko Kostovski)

Дејството на филмот започнува во јуни 1948 година. Група југословенски студенти, на школување во СССР, по несогласувањата меѓу двете земји се враќаат дома. Меѓу нив се и Драгослав, неговата девојка Вера и блискиот пријател Градимир, кого раздвојувањето со СССР го доведува до низа внатрешни конфликтни ситуации, кои конечно кулминираат со чинот на неговото самоубиство на железничката станица во Суботица. Истрагата во врска со самоубиството започнува веднаш. Семејството на Драгослав го очекува неговото враќање, дотолку повеќе што мајка му, тешко болна, е пред умирање. Таткото Стојан, по професија каменорезец, се грижи за егзистенцијата на семејството. Тука се уште и неговата сестра Нела во годините кога престанува да биде дете, и браќата, помалиот Коле и Коста, гимназијалец, кој пред матурата заминува од училиштето. Тој се занимава со црноберзијански работи. За него нема повеќе авторитети, како што нема ни непознаници во живеењето „на работ“. Драгослав дома ја доведува и Вера со која сака да се ожени. Првата средба на Драгослав и Коста завршува со тепачка поради желбата на постариот брат Коста да живее и да се однесува во согласност со нормите на граѓанскиот живот. Непосредно потоа Драгослав е одведен од ОЗНА. Тој е обвинет дека е советски агент и е задржан во истражниот затвор.

Возрасна категорија: 16 години
Влезница: 150 денари

21 МАЈ (ВТОРНИК) 18:00 ч.
27 МАЈ (ПОНЕДЕЛНИК) 20:00 ч.
28 МАЈ (ВТОРНИК) 18:00 ч.
ВКУСОТ НА ЉУБОВТА
(La Passion de Dodin Bouffant)
Игран филм, Франција
2024, 135 мин, ДЦП
Режија: Ан Хунг Тран (Anh Hung Tran)
Сценарио: Марсел Руф, Ан Хунг Тран (Marcel Rouff, Anh Hung Tran)
Улоги: Жилиет Бинош, Беноа Манжимел, Емануел Салинџер (Juliette Binoche, Benoit Magimel, Emmanuel Salinger)

Ненадминливата готвачка Ежини веќе дваесет години работи за познатиот гурман Доден. Како што минува времето, гастрономската пракса и меѓусебното восхитување прераснуваат во романтична врска. Нивната поврзаност создава јадења, повкусни од било кога, а кои ги збунуваат и најпознатите светски готвачи.
Сепак, Ежини ја сака својата слобода и не сака да се омажи за Доден, а тој одлучува да направи нешто што никогаш досега не го направил – тој да готви за неа.

Возрасна категорија: 13 години
Влезница: 150 денари

21 МАЈ (ВТОРНИК) 20:00 ч.
ЏИПСИ МЕЏИК
(Gipsy Magic)
Игран филм, Македонија
1997 г., 135 мин., колор, 35 мм
Режија: Столе Попов (Stole Popov)
Сценарио: Владимир Блажевски (Vladimir Blazhevski)
Улоги: Предраг Мики Манојловиќ, Бајрам Северџан, Горан Додевски, Катина Иванова, Владимир Јачев, Арна Шијак, Синоличка Трпкова (Predrag Miki Manojlović, Bajram Severdzhan, Goran Dodevski, Katina Ivanova, Vladimir Jachev, Arna Shijak, Sinolichka Trkova)

Таип, главата на едно повеќечлено и сиромашно ромско семејство, мечтае за Индија, прататковината на сите Роми. Случајно се запознава со индиски доктор кој е припадник на силите на УНПРОФОР и добива идеја како да заработи пари, да купи коњ и да го однесе семејството во Индија. И така започнува низата „несреќни случки“ во семејството на Таип: посмртниците за бабата, мајката, синовите, ги потпишува докторот Риџу, а Таип ги добива парите што му следуваат од „социјалното“ за умирачките. Но, ваквиот начин на заработување е однапред осуден на неуспех и завршува трагично за семејството.

Возрасна категорија: 16 години
Влезница: 150 денари

23 МАЈ (ЧЕТВРТОК) 20:00 ч.
СКОПЈЕ 63
(Skopje 63)
Документарен филм, Хрватска, Македонија
1964, 77 мин, ДЦП
Режија: Вељко Булајиќ (Veljko Buljaic)
Сценарио: Јован Бошковски, Матеја Матевски, Ѓорѓи Старделов (Jovan Boskovski, Mateja Matevski, Gjorgji Stardelov)
Сниматели: Драган Салковски, Љубе Петковски (Dragan Salkovski, Ljube Petkovski)

На 26 јули 1963, во 5 часот и 17 минути, Скопје го погоди катастрофален земјотрес со јачина од 6.1 степен по рихтеровата скала. Само три дена подоцна, режисерот Вељко Булајиќ со својата екипа пристигнува во разурнатиот град. Следните неколку месеци се снима материјал, сведоштво за потресната судбина на градот. Булајиќ, по завршувањето на првата етапа од реализацијата, цели 12 месеци го монтира и синхронизира снимениот материјал. Монументалниот документарен проект е прикажан на фестивалот во Кан во 1964, а на венецијанското филмско биенале ја добива наградата за најдобар долгометражен документарен филм. Од неколкуте филмски прикази на скопскиот земјотрес, се чини дека филмот на Булајиќ најдобро се носи со тестот на времето. Делото не е само документ на настанот, туку е и креативен, оригинален па и универзален приказ. Осврт кон едно време, еден одлучувачки настан и многу човечки судбини. Најбитниот слој на филмот е изборот на авторот филмот да не се фокусира исклучиво на земјотресот, туку и на реакцијата на луѓето, заедницата и односот на системот кон оние кои ги загубиле своите најблиски и своите домови.

СКОПЈЕ 63 е сведоштво за моќта на филмот како медиум, сведоштво за битната авторска визија. Филмот е во продукција на тогашниот Вардар Филм и Јадран Филм, а при реализацијата Булајиќ соработувал со нашите познати автори и филмски дејци – Јован Бошковски, Матеја Матевски, Ѓорѓи Старделов, Љубе Петковски, Драган Салковски. За потребите на филмот е снимен и еден од првите концерти на Есма Реџепова и нејзината изведба на Chaje Shukarije.
Во 2020 година хрватските филмски критичари го прогласија токму ова остварување за еден од најдобрите хрватски документарни филмови на сите времиња.

Возрасна категорија: 16 години
Влезница: 150 денари

25 МАЈ (САБОТА)
ДО БАЛЧАК
(To the Tilt)
Игран филм, Македонија
2014, 165 мин, ДЦП
Режија: Столе Попов (Stole Popov)
Сценарио: Горан Стефановски, Столе Попов (Goran Stefanovski, Stole Popov)
Улоги: Инти Сирај, Мартин Јорданоски, Сашко Коцев (Inti Siraj, Martin Jordanoski, Sasko Kocev)

Дејствието на филмот се случува во 1907 во Отоманска Македонија, неколку години по крваво задушеното Илинденско востаниe. Приказната ги следи случувањата на комплексен љубовен четириаголник помеѓу Крсто – бескомпромисен и идеалистичен комита, Музафер – безмилосен турски офицер, Филип – опортунист кој се враќа дома по завршени студии во Европа, и Тереза – слободоумна Европејка во потрага по авантура, која ги залудува тројцата мажи и предизвикува серија на настани со далекусежни и несогледиви последици.

Филмот е сурова, но романтична љубовна приказна во која македонската кауза за сопствен идентитет и самостојност е видена од агол на строга индивидуалност, лишена од каква било идеологизација. Ова е филм за дијалектичката средба на митското со антимитското, филм во кој се среќаваат легендите и раскажувањата со реалната стварност на суровиот живот. Антивестерн, пандан на традиционалниот Амerican Western или нешто што слободно би можеле да го наречеме Маcedonian Eastern, филм што излегува од просторот на кој од памтивек се среќаваат и судираат западната и источната цивилизација…

ДО БАЛЧАК бил прикажан во Шведска, во рамките на „Balkan New Film Festival“, учествувал на фестивалот „Febiofest“ во Прага, а бил прикажан и во Минхен, во рамките на 10-тите Денови на Балканот .

Возрасна категорија: 16 години
Влезница: 150 денари

29 MAJ (СРЕДА) 20:00 ч.
ТЕТОВИРАЊЕ
(Тatoo)
Игран филм, Македонија
1991, 132 мин, ДЦП
Режија: Столе Попов (Stole Popov)
Сценарио: Живојин Павловиќ, Столе Попов (Zivojin Pavlovic, Stole Popov)
Улоги: Мето Јовановски, Лиљана Меџеши, Стојан Аранџеловиќ (Meto Jovanovski, Liljana Medjesi, Stojan Arandzelovic)

Приказната на овој антологиски домашен филм е за кантеларна, но симпатична индивидуа која се наоѓа во затвор од апсурдни причини, а потоа умира како жртва на полициска бруталност.

Култниот игран филм ТЕТОВИРАЊЕ е еден од најгледаните, најцитирани и највлијателни долгометражни играни филмови во поновата македонска историја. Особено се истакнува брилијантната ролја на Мето Јовановски, кој всушност за цело време стои како стожерна актерска фигура во проектот. Како основа за филмот послужи текстот на писателот Мирко Ковач, а неговата финална структура ја направија заеднички режисерот Попов и белградскиот синеаст Живоин Павловиќ.
Режисерот Попов во овој филм го остава настрана предложениот сценаристички преттекст и се обидува да направи посебна визуелна структура, каде што апсурдното ќе го најде својот изразен простор. Во „Тетовирање“, егзистенцијалните, односно судбинските проблеми и прашања, се судираат со проблемите на човековата вера, која не мора нужно да биде религиозен чин, и тие проблеми го доведуваат јунакот до една етичка конфронтација со себе, но и со другите.
Режисерската постапка на места е строго реалистичка, на места дури и со натуралистички навеви, но сите тие елементи само помагаат да се ослободи онаа вистинска драмска енергија што ова дело, без сомнение, ја содржи во голема мера. Снимателот на филмот, Мишо Самоиловски, успева да постигне максимална функционалност на секој кадар, а тоа истото важи и за сценографијата на Никола Лазаревски.

Рон ХОЛОВЕЈ (1933-2009), познат и признат американски критичар, историчар на филм, режисер и дописник, беше голем поборник на ТЕТОВИРАЊЕ. Во еден негов осврт кон филмот, тој го опиша како „уште еден извонреден актерски перформанс од Мето Јовановски како ’губитникот’ Илија и беше еден вид навремен социокритички филмски документ што придонесува за едно демократско општество“„.

Возрасна категорија: 16 години
Влезница: 150 денари

The post Фокус на македонскиот филм во мај во Кинотека appeared first on Република.

После распадната држава, нема што реформско, почнуваме да ја градиме од почеток. Предизборната програма на ВМРО-ДПМНЕ е направена да ја градиме државата од почеток. Тоа значи дека, покрај економијата која што е клучна, клучно е да функционира правосудниот систем, затоа што без него не можеме да очекуваме економски резултати и луѓето ни се на прво место, вели потпретседателката на ВМРО-ДПМНЕ, Гордана Димитриеска Кочоска во нејзиното гостување на Телевизија 24 каде што ја објаснива предизборната програма на ВМРО-ДПМНЕ

Ако претходно имавме некој концепт кој што значеше постојано да се фаворизира или поттикнува потрошувачката, финалната и јавната потрошувачка, ние веќе се фокусираме на концептот фаворизирање или поддршка на инвестициите. Тоа е една од клучните работи. Сериозна борба со сива економија и сериозна борба со корупција и криминал. Тоа се клучни точки од кои што сме тргнати кога ја подготвувавме програмата“, рече Димитриеска Кочоска.

Во однос на едно од главните предизборни заложби на ВМРО-ДПМНЕ за линеарно покачување на сите пензии во висина од пет илјади денари и во однос на коментарите дека тоа се многу пари кои што треба да се издвојат од буџетот, Димитриеска Кочоска, посочи дали до сега некој се запрашал колку изгубиле пензионерите додека се правеле пресметките по новите методологии кои ги применуваше актуелната влада.

Прво, колку беа украдени пензионерите во годините кога се менуваше методологијата, колку беа украдени, некој направи пресметка да види? Никој, тоа е првиот момент. Денес имаме пензионери кои што живеат со 13 и помалку 13 илјади денари пензија. Треба така да ги оставиме? Методологијата 10% раст на пензиите во процент, фер беше за оние со најниски пензии? Да ги оставиме во таква состојба во услови на толкава инфлација“, запраша Димитриеска Кочоска.

За нас, додаде таа, пет илјади денари е праведно решение за да може да ја исправиме неправдата која што е направена кон нив.

Во однос на сивата економија која што сега изнесува околу 35%, Димитриеска Кочоска истакна дека тоа е едно од столбовите во програмата и во економскиот дел од програмата, посочувајќи дека тоа е долг процес и дека секако дека не очекуваат таа да се намали на нула, но само да се намали на 20 отсто во буџетот ќе се обезбедат дополнителни над 700 милиони евра.

Само да намалиме и да стигнеме до 20% сива економија, ние ќе обезбедиме дополнителни 742 милиони евра за една година. Е сега, тоа што не сакаме да ја гледаме сивата економија и тоа што имаме на секој чекор тоа е друг проблем. Рековме, воведување на е-фактура веднаш. И во моментов работата и Светска банка и ММФ, ама никој немаше слух да го воведе тоа, тендерот подготвен седи година дена никој нејќе да го спроведе. Никој не сака да го спроведе затоа што електронската фактура ќе значи заштеда во повратот на ДДВ, бидејќи имаме фиктивни фактури на основ на кој што се исплаќа фиктивно поврат на ДДВ“, посочи Димитриеска Кочоска.

The post Димитриеска Кочоска: Програма на ВМРО-ДПМНЕ е направена да ја градиме државата од почеток, затоа што оваа власт целосно ја распадна appeared first on Република.

Од изборниот штаб на кандидатот за претседател Стево Пендаровски попладнево ја доставија Програмата за претстојните избори.

„Претседателскиот кандидат Стево Пендаровски во својата програма за претстојните претседателски избори ги адресира клучните потреби на сите категории граѓани и нуди решенија за сите предизвици пред кое е исправено македонското општество.

Програмата на кандидатот Пендаровски е составена од пет клучни столба, односно Глас на граѓаните – заштитник на правата и слободите; Промотор на младите ранливите и маргинализираните заедници; Заштитник на демократијата и соработката меѓу заедниците во македонското општество; Борба за правна држава ослободена од кнаџите на организираниот криминал и корупција; Европска интеграција како двигател на целосната трансформација.

Независност од партиите и посветеност на граѓаните, формирање на советодавно тело за формулирање на ефективни демографски политики, зголемена грижа за нашата дијаспора, продолжување на корективната улога и употреба на правото на вето на закони кои се спротивни од интересите на граѓаните, предводење на концептот на целосен ветинг во судството и политиката и посветеност на унапредување на соработката со институциите на ЕУ, се само дел од заложбите на Пендаровски за вториот претседателски мандат“ се наведува во соопштението од штабот на Пендаровски.

The post Пендаровски ја објави својата програма appeared first on Република.

Втората програмска дебата  „Дипломатски хоризонти – Реформи во политичкиот систем, стратегии за надворешната политика и дипломатија посветена на ЕУ“ се одржува во рамките на денешното презентирање на програмата на ВМРО-ДПМНЕ „Платформа 1198“.

The post Следете во живо: Дипломатски хоризонти – Реформи во политичкиот систем, стратегии за надворешната политика и дипломатија посветена на ЕУ appeared first on Република.

Март – месец кога започнува пролетта. Повеќе светлина, подолг ден, разновидни бои. Во секој случај, месец што се очекува со нетрпение. Со понудата во својата програма Кинотека се определи да соодветствува на месецот на пролетта.

На почетокот и при крајот на понудата Кинотека ќе ги прикаже филмовите кои одбележуваат три децении од премиерата. Првиот јубилеец е ЕВТИНИ ПРИКАЗНИ креиран од Квентин Тарантино. Оваа филмска класика изврши немерливо влијание врз понатамошниот тек на филмската уметност, и го воскресна тогаш заборавениот Џон Траволта. Лук Бесон, пак, со своето авторско дело ЛЕОН ПРОФЕСИОНАЛЕЦОТ ги промовираше актерските таленти на Натали Портман и Гери Олдман.

Големиот јубилеј, 60-годишнина од смртта на пионерот на подвижните слики на Балканот, Милтон Манаки, ќе биде во фокусот во почетниот дел на мартовското издание на филмскиот караван на Кинотека. Ќе биде презентирано ДВД изданието со реставрираните снимки на браќата Манаки од почетокот на 20 век. Во ДВД-то се содржани првите снимки на Манаки – од баба им, 114-годишната  Деспина, која преде во родното село Авдела, и снимки на кои нивната камера  регистрирала важни историски настани. Делото на браќата Манаки е обработено документаристички во проектот ПРИКАЗНА ВО СЛИКИ, како заедничка творба на режисерот Роберт Јанкуловски и сценаристката Илинденка Петрушева. Пред проекцијата режисерот  Јанкуловски ќе има презентацијата за делото на Милтон Манаки.

Сосема следствено на ова, следуваат филмови во циклусот ЛАУРЕАТИТЕ НА МАНАКИ. Ќе се започне со популарниот филм НЕВЕРОЈАТНАТА СУДБИНА НА АМЕЛИ ПУЛЕН. Ова е можеби најпознатиот филм на големиот француски режисер Жан Пјер Жене. Веднаш по премиерата филмот ги освои симпатиите на публиката, како и на критиката, а две децении подоцна има стекнато култен статус. Ниту еден француски филмски протагонист на овој век не е толку сакан како Амели, за неа е создаден мјузикл и е именуван нов вид жаба. Омилениот филмски класик на Тарантино ДОБРИОТ ЛОШИОТ И ГРДИОТ и познатата биографска драма ЕРИН БРОКОВИЧ, со Џулија Робертс во насловната улога наградена со Оскар, го заокружуваат овој циклус. Филмовите ќе бидат проектирани на оригинална 35 мм лента.

И во месец март нема да изостанат творештвата, овој пат краткометражни, на неколку македонски режисери. Тоа се постарите филмови  ЕМБРИО НО М, ЗИМСКИ ИМПРЕСИИ, СПОМЕНИК, како и новите КУТИИ и ДАЛИ СИ МАЖ?

Кинотеката сметаше дека е потребно да бидат видени и двата филма БЕЗ СОНЦЕ и НИВО 5 на култниот експериментален француски автор Крис Маркер. Ова е одличен вовед во централната содржина за месецов. Во цилкусот наречен ДЕНОВИ НА ФРАНКОФОНИЈАТА ќе бидат прикажани остварувања од една од најквалитетните и највлијателни европски кинематографии.

Денови ќе има и за словачката кинематографија, интересна дотолку повеќе што овде, кај нас, за неа  не се знае многу. РЕТРОСПЕКТИВАТА НА СЛОВАЧКИОТ КЛАСИЧЕН ФИЛМ е навистина ретка можност за македонската филмска публика да добие суштински увид во историјата на една релaтивно блиска кинематографија, како словачката. Како што кажува и името на ретроспективата, тоа е селекција на класици на словачката кинематографија од периодот на комунистичка Чехословачка.

Кинотеката во месец март, кој календарски трае 31 ден, очигледно нема да ги изневери филмофилите, туку ќе ги направи побогати со нови сознанија и нови филмски искуства. Ова е доволно седиштата во кинотечната кино сала да бидат исполнети.

 Целосна ПРОГРАМА

The post „Евтини приказни“ на Тарантино за старт на мартовската програма во Кинотека appeared first on Република.

Како што најавија организаторите, годинешново 38-мо издание на фестивалот на забавна музика „Макфест 2023“ во Штип, според списокот на музички имиња и квалитетот на песните кои ќе ги изведуваат, ветува уште посодржајна и поатрактивна музичка понуда од минатата година. Ако фестивалот лани направи крупен исчекор од  „неколкугодишната летаргија“, годинава се очекува тој со крупни чекори „од седум милји“ да  зачекори кон изданијата од своите најдобри денови во долгата и богата историја.

За тоа гаранција даваат најнапред избраните композиции во обете фестивалски вечери. Првата вечер на млади надежни имиња и фестивалски дебитанти  воедно има и натпреварувачки карактер, зашто половината најдобри од неа ќе се најдат на сцената на “Макфест 2023“ и во следната, ревијална вечер, рамо до рамо со поголемите, попознати и веќе етаблирани естрадни имиња.

Некои од нив како Драгана Јовановска, Тијана Периќ, Бранкица Свирков – Бани (во дует со Томе Токи), Марија Грујовска, Александра Трајческа… веќе имаат големо естрадно искуство, зашто некои од нив учествувале на поголеми и помали домашни и регионални музички, талент, шоу натпреварувања и фестивали, па поединци дури имаат и фестивалски победи или освојувале друг тип награди.

Како и да е, севкупно и првата вечер ветува одличен сценски настап, потенцијални хитови и балади, интересни дуети и избор на најдобрите кои ќе ја комплетираат втората, ревијална вечер.

Во неа пак годинава ќе имаме вистинска македонска музичка „прва лига“ засилена со неколку македонски суперѕвезди. Некои од нив пред извесен број години учествувале на „Макфест“, некои за прв пат се на сцената на домот на културата во Штип, но сите заедно се едни од најголемите македонски музички имиња, со бројни настапи, концерти, турнеји и секако… дузина хитови зад себе што и денес ги пејат и повозрасните и помладата публика, радиостаниците  со години не престануваат да ги вртат во радиоетерот.

Музички и продукциски, уметничкиот директор Роберт Саздов и неговиот тим соработници како што самиот изјави, направија се’ звукот на „Макфест“ да биде уште поблизок до актуелните, светски, музички трендови  од друга страна, со свеж  звук и модерна продукција блиски до младата публика, да не се заборави и онаа повозрасната, која ќе може да ја препознае песната блиска до нејзиниот вкус и сензибилитет. Со еден збор на „Макфест 2023“ ќе има музика за сите вкусови и возрасти.

Со таа цел и во тој дух е создаден и годинешниот слоган, односно годинешното мото на фестивалот:  „38 години Макфест – „Фестивалска симфонија за цела Македонија“! Како дел од фестивалскиот редизајн е и новата официјална музичка шпица на „Макфест“, која после цели 32 години ќе ја доживее својата замена, а нејзин автор е токму уметничкиот директор на фестивалот, реномираниот македонски  композитор и музичар, Роберт Саздов.

Организационо-извршната и продуценстка екипа  предводена од Александар Арсовски, организатор и координатор на Макфест од општина Штип,  исто така има полни раце работа, сакајќи фестивалот покрај музичките, да го надополни и со иновативни визуелно-сценски содржини, кои ќе ја збогатат комплетната аудио-визуелна слика на „Макфест 2023“ за комплетно уживање и на публиката во салата и на ТВ гледачите.

Претходно за сите детали и поединости, претставниците на македонските медиуми ќе бидат известени и информирани на ПРЕСС конференцијата со мини коктел, која е планирана да се одржи во првата половина на месец октомври во еден елитен хотел во Скопје. На неа ќе бидат презентирани и најмалите ситници околу учесниците, композициите, водителите, презентерите, жирито, црвениот тепих, фоајето, сцената, бекстејџот… И секако директниот ТВ пренос на МРТ од двете вечери, но и директниот „лајв стриминг“ на Интернет  и социјалните мрежи на уште неколку интернет канали и платформи на кои сите случување пред почетокот, за време на одржувањето и по завршувањето на „Макфест 2023“ ќе бидат директно емитувани, а изјавите, разговорите, интервјуата… на фестивалските  протагонисти преку снимки, поткасти и емисии и одложно емитувани.

Се на се’,  на годинешниов „Макфест 2023“  кој ќе се одржи на 20 и 21 октомври во Центарот за културата „Ацо Шопов“ во Штип очекувајте едно многу поинакво издание на најпознатиот фестивал во Македонија.

The post „Макфест 2023“: Македонската музичка „прва лига“ и музика за сите вкусови и возрасти appeared first on Република.

Прогресивниот, музички фестивал Андерфест ќе се одржи по петти пат на 13 октомври во Младинскиот културен центар (МКЦ). Публиката и овој пат на овој јубилеј ќе има можност да ужива во музиката од претежно алтернативната и рок енд рол сцена од нашата држава која ќе покаже дека е одлична, велат организаторите на Андерфест.

Андерфест фестивалот веќе добро се препознава од страна на младите уметници и публиката и ова претставува единствен фестивал кај нас што е целосно посветен на младите актуелни музичари. Од најавените бендови сите се одлично познати на македонската публика. Се работи за актуелни музички имиња, за кои организаторите очекуваатмногу публика и забава.

На Андерфест 5 ќе настапат: Преку ред, Ред 18, Конспираси, Луфтанза, Пич Ваис и Последен удар.

Едвај чекаме овие шест бенда да се качат на сцената во МКЦ и да го превртат фестивалскиот под наопаку. Исто и вие?“, прашуваат организаторите од Андерфест Скопје.

Продажбата на карти за концертот e започната и истите можете да ги набавите преку следниот линк.

За првите 100 карти цената ќе биде 300 денари, потоа 400 денари, а на врата последен ден 500 денари.

The post Објавена програмата на 5. издание на Андерфест кој во октомври ќе се одржи во МКЦ appeared first on Република.

Објавена е целосната програма на второто издание на Get EXITed настанот во преубавиот струмички Градски парк. ЕГЗИТ и Општина Струмица за 7 септември подготвуваат спектакл кој го предводат Џон Њуман, Бурак Јетер и Констракта, а сега им се придружуваат Ван Гог, Џамбо Агушеви Оркестар, Лана и „Д Георс“. Овие одлични изведувачи за време на маратонската забава на посетителите ќе им донесат разновиден звук – од соул, поп и рок, преку најголемите глобални хитови, до музика на светот и техно! Струмичкиот Get EXITed го организира тимот на ЕГЗИТ во соработка со општината Струмица, влезот е слободен, додека за посетителите кои овој голем настан сакаат да го доживеат на специјално ниво во продажба се ВИП влезниците по промотивната цена од 3100 денари.

Суверената поп/соул ѕвезда Џон Њуман, турскиот продуцент, хитмејкер и диџеј Бурак Јетер и една од најпосебните музичарки на нашите простори Констракта на 7 септември ќе се најдат во исклучително друштво на колегите и колешките од регионов! Квалитетната гитарска страна на Get EXITed настанот ќе ја предводат рок ветераните на регионалната сцена, бендот Ван Гог. Во тридецениската кариера тие создадоа 10 студиски албуми, меѓу кои најновиот „More bez obala“. Овој бенд, оформен во 1986 година, наполни многу арени во Србија и светот и два пати ја освои регионалната „Емтиви“ награда. Пејачот, гитарист, автор на песните и фронтмен на групата , Звонимир Ѓуриќ - Џуле во 2019 ја објави книгата „Ван Гог – Море без брег“, со стихови од песните, фотографии и, како што се вели во описот на книгата – тајни.

Македонскиот Џамбо Агушев Оркестар потекнува токму од Струмица, а денеска е еден од најдобрите трубачки ансамбли на Балканот. Првото аудио-издание за меѓународниот пазар го објавија во 2016 година, што беше важен чекор во трасирањето на патот на овој бенд кон светската сцена, додека во 2020 пристигна вториот албум, насловен „Brasses For the Masses“, и тоа за угледната германска издавачка куќа „Асфалт Танго“. Овој албум донесе одлична изведба, но и нов, практично фанки звук, како и композиторска разновидност која Оркестарот Џамбо Агушеви во полн сјај ќе ја покаже во струмичкиот Градски парк.

На овој Get EXITed настан ќе бидат претставени и исклучителни млади уметници од полето на електронската музика, меѓу кои се Лана (Lanna) и Д Георс (The Geors). Лана е продуцентка и диџејка од Нови Сад, една од најперспективните млади надежи на електронската сцена. Нејзиниот пат кон ѕвездите почна кога на 13 години за прв пат настапи на Егзит како најмлада учесничка, а зад себе веќе има настапи со најголемите глобални имиња, меѓу кои се Нина Кравиц, Амели Ленс, Пол Калкбренер и Индира Паганото. Лани есента започна да ги објавува првите изданија – прво „My Journey“, а потоа и ЕП „White Shadows“ во соработка со Себастијан Хас. Така стана најмладата продуцентка на Топ 100 Прогресив-хаус листата на Битпорт. Оваа инспиративна млада музичарка е воедно и првото име кое истапи пред сеопфатниот центар на ЕГЗИТ за развој на глобални музички ѕвезди, насловен „EXIT Echosystem“.

„Д Георс“ е македонско мелодик-техно дуо составено од двете сестри близначки – Патриција и Андреа Геор. Патувањето во светот на електронската музика го започнаа во 2015 година, а освен во родната Македонија, до сега настапувале и во Швајцарија, Грција, Албанија, Бугарија, додека глобалните сцени секако ги очекуваат. Покрај големата љубов кон класичната музика и свирењето клавир и виолина, сестрите Геор зад себе имаат и успешни кариери во манекенството, кои траат повеќе од деценија.

Со седум исклучителни изведувачи меѓу кои се Џон Њуман, Бурак Јетер, Констракта, Џамбо Агушеви Оркестар, Ланна и Д Георс, второто Get EXITed издание ветува несекојдневно разновиден музички настан на кој сите се добредојдени! Влезот е слободен, додека за посетителите кои овој голем настан сакаат да го доживеат на специјално ниво во продажба се ВИП влезници по промотивна цена од 3.100 денари. Струмичкиот Get EXITed го организира тимот на ЕГЗИТ во соработка со Општина Струмица.

The post Објавена програмата за Get EXITed спектаклот во Струмица appeared first on Република.

Програмата за третиот ден ќе започне со мастеркласот на Али Ашгари во 18:00 часот во Хотел
Фреја, Струга.

Проекциите ќе започнат 20:30 часот и ќе се прикажат филмови од студентската,
меѓународната, регионалната програма и специјалните програми „МК special“ и „Соочување со
минатото“.
Редослед на прикажување:
„Progesteror(n)“, во режија на Тина Величковиќ
„5/3/0“, во режија на Danilo Stanimirović
„Little waves“, во режија на Filip Peruzovic
„Homo perfectus“, во режија на Alki Politi
„Madden“, во режија на Malin Ingrid Johansson
„Human Nature“, во режија на Mónica Lima
„Live“, во режија на Mara Tamkovich
„Murder Tongue“, во режија на Ali Sohail Jaura
„Life of a Board“, во режија на Леона Јариќ
По проекциите ќе се одржи сесија на прашања и одговори.
Потоа следува музичката ОФФ програма со Фолтин во Мезебар Барабар. Повеќе информации и
резервации на бројот 071319075.
Целосната програма и саатница е достапна на социјалните мрежи и веб-страницата на „Drim
Short“.

The post Мастерклас на Али Ашгари, проекции на филмови, концерт на „Фолтин“ денеска на „Дрим шорт фестивал“ appeared first on Република.

Под слоганот „120 години Илинден - Огниште на татковината“, годинава, се одбележува 2-ри Август- Денот на Републиката - Илинден. Во таа чест, делегации на Владата на Република Македонија, на Собранието на Република Македонија и на Претседателот на Република Македонија ќе го чествуваат празникот преку голем број свечености.

И оваа година, граѓаните на Република Македонија го слават националниот празник почитувајќи ги заедничките, интеркултурни вредности, меѓусебно почитувајќи се, празнувајќи гордо, достоинствено и обединето.

По повод чествувањето на денот, кога славиме 120 години од започнувањето на Илинденското востание, прогласувањето на Крушевската Република и Денот кога пред 79 години е одржано Првото заседание на АСНОМ и воспоставувањето на нашата државност, ќе се одржат низа свечености во организација, но и со учество на државниот врв.

На 1-ви август во 20:30 часот во Крушево, традиционално, во организација на НКС „Десет дена Крушевска Република“ се отвора истоимената манифестација која ги претставува културата, традицијата и историјата на Крушево, пред нашите граѓани. На отворањето на НКС „Десет дена Крушевска Република“ ќе присуствува и ќе се обрати и претседателот на Владата, Димитар Ковачевски.

Делегации на Владата на Република Македонија учествуваат на сите настани опфатени со државната програма за одбележување на државниот празник 2 Август - Денот на Републиката - Илинден.

Одбележувањето на Денот на Републиката, Илинден на 2- Август ќе започне со настаните во Скопје, каде на свечена манифестација на Тврдината Кале во Скопје ќе се обрати претседателот на Владата на Република Македонија, Димитар Ковачевски, а високи владини делегации ќе положат цвеќе на повеќе локации во градот.

Во 8:30 часот владина делегација во чиј состав се министерот за надворешни работи Бујар Османи, министерот за транспорт и врски Благој Бочварски  и заменик министерката за правда, Викторија Аврамовска Мадиќ ќе положат свежо цвеќе на споменикот на АСНОМ во паркот „Жена Борец“ во Скопје, на споменикот на Никола Карев пред Собранието, како и на спомен-обележјето на Методија Андонов-Ченто на Градскиот плоштад.

Свечената манифестација во Скопје, продолжува на Тврдината Кале во Скопје, во 9:30 часот, каде по положувањето на свежо цвеќе пред споменикот на Слободата „Сила, слава и победа", ќе се обрати претседателот на Владата на Република Македонија, Димитар Ковачевски.

По обраќањето на премиерот на свеченоста, следува културно уметничка програма.

Премиерот Ковачевски, ја предводи владината делегација во чиј состав се првиот вицепремиер и министер за политички систем и односи меѓу заедниците, Артан Груби, вицепремиерот за економски прашања и координација на економските ресори Фатмир Битиќи, министерката за одбрана Славјанка Петровска.

Претседателот на Собранието на Република Македонија, Талат Џафери, предводејќи висока државна делегација со државни почести и чествувања ќе го одбележи големиот национален празник Илинден во Крушево.

Во состав на владината делегација на чествувањето на државниот празник 2 Август - Денот на Републиката - Илинден во Крушево се, министерот за земјоделство, шумарство и водостопанство Љупчо Николовски, министерката за труд и социјална политика Јованка Тренчевска, како и министерот за образование и наука, Јетон Шаќири.

Владината делегација ќе се поклони и ќе оддаде почит положувајќи свежо цвеќе  на вечното почивалиште на првиот претседател на Крушевската Република, Никола Карев во споменикот „Македониум“ на Гумење и на споменикот на паднатите борци на Слива, кои се симбол на жртвата на востаниците за одбрана на Крушевската Република, со почеток во 9:00 часот.

Од 10:00 часот, со присуство на панихидата за загинатите Илинденци во црквата „Св. Никола“, на Владината делегација и со положување цвеќе на споменикот на Мечкин Камен продолжува церемонијата во чест на националниот празник, по што на Мечкин Kамен во 11:30 часот, започнува манифестацијата на која свечено ќе се обрати претседателот на Собранието, Џафери.

Во рамки на централниот дел од државната програма за чествување на 2 Август во Крушево ќе биде одржана празнична културно-уметничка програма.

Претседателот на државата Стево Пендаровски во 10:15 часот, по повод одбележувањето на 2 Август, Илинден – Денот на Републиката, на 2 август 2023 година, ќе се обрати пред Меморијалниот центар АСНОМ, во Пелинце.

Во чест на Првото заседание на Антифашистичкото Собрание на Народното ослободување на Македонија – АСНОМ, пред споменикот на АСНОМ, ќе биде положено свежо цвеќе, по што претседателот Пендаровски, ќе се обрати и следува организирана културно-уметничка програма.

На споменикот на АСНОМ во Меморијалниот центар Пелинце, по повод националниот празник Илинден, владината делегација ја сочинуваат министерот за внатрешни работи, Оливер Спасовски, министерката за животна средина и просторно планирање, Каја Шукова, министерот за информатичко општество и администрација, Азир Алиу.

Свечената програма за одбележување на Денот на Републиката и оваа година го опфаќа традиционалното чествување на Илинден во Смилево во организација на Општината Демир Хисар, каде се чествува со положување цвеќе и фолклорна манифестација.

Од 09:00 часот, Владината делегација, во состав на заменик министерот за финансии Филип Николовски и националниот координатор за интеркултурализам, едно општество, развој на културата и меѓуресорска соработка Роберт Алаѓозовски, ќе оддадат почит на могилата Даме Груев, споменикот на смилевските Илинденци и  спомен плочата на Смилевскиот партизански одред, по што следува посета на Меморијалниот музеј, положување цвеќе на споменикот на Даме Груев, по што во спомен паркот „Даме Груев“ започнува традиционалната прослава.

Нека е вечен и честит празникот Илинден- Денот на Републиката!

The post Илинден годинава се одбележува под слоганот „120 години Илинден – Огниште на татковината“ appeared first on Република.