Германскиот производител на оружје „Рајнметал АГ“ објави дека планира да постави најмалку четири производствени капацитети во Украина.

Овој потег доаѓа во време кога профитот на „Рајнметал“ се зголемува во услови на војната во Украина и зфголемената милитаризација на НАТО, при што цената на акциите на компанијата скокна за повеќе од 400% во последните три години. Се очекува оваа година „Рајнметал“ да генерира рекордна добивка од 10,9 милијарди долари од продажбата на оружје.

Новите фабрики на „Рајнметал“ во Украина се очекува да произведуваат оклопни возила, оружје за противвоздушна одбрана и гранати, при што целата шема очигледно е насочена кон заживување на практично непостоечкиот воено-индустриски комплекс на Украина.

https://republika.mk/vesti/svet/germanija-i-ukraina-zaednichki-ke-gradat-fabrika-za-munitsija-na-ukrainska-teritorija/

Основана во 1889 година како „Рајанише Металварен унд Машиненфабрик АГ“, „Рајнметал“ произведуваше оружје и муниција за германската воена машинерија уште пред Првата светска војна, а потоа и за нацистичкиот режим до избувнувањето на Втората светска војна.

The post Германски „Рајнметал“ остварува рекорден профит од војната во Украина appeared first on Република.

Италијанската влада воведе еднократен данок од 40 отсто на добивката на банките, а собраните пари планира да ги искористи за да им помогне на луѓето кои земаат хипотекарни заеми да го купат својот прв имот.

Остриот пораст на каматните стапки на централната банка им донесе рекордни профити на банките бидејќи тие можеа овој раст да го пренесат на кредитокорисниците, а во исто време не ги зголемија значително каматните стапки на депозитите. Земјите како Шпанија и Унгарија веќе воведоа данок на прекумерната добивка на банкарскиот сектор.

Италијанската влада годинава ќе ја оданочува со еднократен данок од 40 отсто нето каматната маржа на банките, што ја претставува разликата меѓу каматите на заемите и депозитите и е извор на заработката на банките. Се проценува дека со овој данок државата ќе инкасира нешто помалку од три милијарди евра, дознава Ројтерс од добро упатени извори.

Десничарската влада на Италија постојано ги критикуваше банките дека не ги пренесуваат повисоките трошоци за пари на штедачите, но презеде мерки само по најновиот сет рекордни приходи пријавени од банките кон крајот на јули и почетокот на август.

Сите италијански банки работеа многу подобро од очекуваното и ги зголемија проценките за профитот благодарение на зголемените каматни стапки. Водечката италијанска банка Intesa Sanpaolo на крајот на минатиот месец објави дека очекува добивка од над 13,5 милијарди евра од нето каматната маржа оваа година.

UniCredit, исто така, го подобри своето финансиско водство за оваа година и сега очекува да постигне нето приход од повеќе од 21,5 милијарди евра и нето добивка од повеќе од 7,25 милијарди евра оваа година.

Треба само да ги погледнете профитите на банките во првата половина од годината за да разберете дека не зборуваме за неколку милиони, туку за милијарди - рече вицепремиерот Матео Салвини на прес-конференција во Рим доцна вчера.

Ако (е точно дека) товарот на повисоките каматни стапки е двојно зголемен за домаќинствата и бизнисите, она што го добиваат имателите на тековните сметки сигурно не е двојно зголемено, изјави Салвини, додавајќи дека постои голем јаз меѓу применетите стапки на заемите и депозитите.

The post Италија воведе огромен данок за банките за неочекуван профит appeared first on Република.

Американската компанија Амазон соопшти дека нејзиниот профит за вториот квартал, од април до јуни, изнесува 6,7 милијарди долари односно 65 центи по акција. Тој резултат ги надмина очекувањата на Волстрит, кој предвидуваше профит од 30 центи по акција. Ова е значителна промена во однос на вториот квартал од минатата година, кога Aмазон забележа загуба од две милијарди долари, односно 20 центи по акција.

Вкупниот приход на Амазон за вториот квартал се зголеми на годишно ниво за 11 отсто на 134,4 милијарди долари, додека аналитичарите од агенцијата „Рефинитив“ предвидуваа приход од 131,5 милијарди долари. Ова е највисок приход на Амазон од четвртиот квартал на 2020 година. Приходот од веб-услугите на Амазон (AWS) пораснаа за 12 отсто на годишно ниво на 22,1 милијарди долари, а приходот од рекламите изнесуваше 10,7 милијарди долари.

Шефот на оваа компанија, Енди Џеси, кој ја презеде функцијата од Џеф Безос во 2021 година, значително ги намали трошоците. Бројот на вработени во Амазон на глобално ниво во вториот квартал падна за четири отсто на годишно ниво, на 1,46 милиони работници.

The post Профитот на Aмазон во вториот квартал 6,7 милијарди долари, повисок од очекуваното appeared first on Република.