Вечерва во 20 часот во Europe House Крива Паланка, ќе се организира проекција на филмот “NHA FALA” (Мојот глас) во режија на Флора Гомес, филм кој воедно е и дел од Креативна Европа.

„Иако на летото му се ближи крајот, долгите и топли денови сè уште нè дружат. За да го зграбиме максимумот од преостанатите летни денови, организираме movienight во дворчето на Europe House Крива Паланка“ велат организаторите.

The post Проекција на “NHA FALA” (Мојот глас) во Europe House Крива Паланка appeared first on Република.

Проекција на документарниот филм „Беласица“ (2023) на режисерката Марија Апчевска и трибина на тема менталното здравје во 21виот век на која ќе учествуваат:

• Ѓорѓе Хаџи-Анѓелковски, психијатар кој промовира нови решенија за третман на менталните растројства и промотор на процесите за де-инстуционализација.

• Анче Каевска - професор, гешталт терапевт и долгогодишен реализатор на гешталт работилници.

• Јасмина Лукановска, специјален едукатор и рехабилитатор, Арт окупационен терапевт со долгогодишно искуство во работа со деца со попреченост.

Филмот „Беласица“ го следи и го доловува богатото секојдневие на живеењето во заедница, за луѓето кои го поминале најголемиот дел од својот живот во институции.

Овој проект се реализира од месец јануари до мај во рамки на програмата Артс Хаб, на КСП Центар- Јадро, а се остварува со финансика поддршка на Фондацијата Отворено општество - Македонија.

The post Проекција на документарниот филм „Беласица“ од Марија Апчевска и трибина на тема: „Процеси, терапевтски практики и грижа во и вон институциите за ментално здравје“ во КСП Центар Јадро appeared first on Република.

Во Социјалниот центар „Дуња“ по повод интернационалниот ден на жената работничка, 8 Март, во своите простории ќе организира проекција на филмот „Штрајк“.

„Штрајк“ на Метин Јегин ја раскажува приказната за заедничкиот отпор на жените муслиманки и христијанки против лошите работни услови во фабрика за производство на свила во градот Бурса во Османлиската империја.

„Бурса во 1910 година станува збирно место на европската буржоазија, која се стационира тука особено кога на чело на Duyun-i Umumin (администрација за османлискиот јавен долг) доаѓа британски управител. Но, Бурса станува и место каде се вкрстуваат патиштата на револуционери инетернационалисти од различни земји и движења. Филмот со својата интернационалистичка димензија, ја поврзува борбата на суфражетките и шпанскиот отпор, преточувајќи ги во борбата на жените свиларки кои тогаш се пролетеризираат, додека ‘нивната’ империја се наоѓа на самиот залез на својата историја“, соопштуваат од „Дуња“.

Од таму посочуваат дека после проекцијата следува дискусија околу филмот, но и пошироко, за положбата на жената во класното општество, нејзиното угнетување, можности за ослободување и слично.

The post Проекција на филмот „Штрајк“ по повод денот на жената работничка во СЦ „Дуња“ appeared first on Република.