За време на Глобалната недела на медиумска и информациска писменост на УНЕСКО, a преку интервенцијата „Проѕирниот човек“, Гете-институтите во Југоисточна Европа им се обраќаат на младите и нивното опкружување со цел да ја поттикнат нивната медиумска и информациска писменост и препознавање на феномените како сајбер-булинг, идеали за убавина, лажни информации и онлајн зависност.

Со прес-конференцијата утре во Центарот за дизајн и иновации „Јавна соба“ ќе се означи официјалниот  почеток на интервенцијата „Проѕирниот човек“.

На прес конференцијата ќе зборуваат Анке Холштајн - Амбасадорка на Сојузна Република Германија, Адмирим Алити - Министер за информатичко општество и администрација, Филип Стојановски - Директор за партнерство и развој на ресурси од фондацијата Метаморфозис,  Катрин Оствалд-Рихтер - Директорка на Гете-институт Скопје, Фалк Шлајхер – раководител на јазичен оддел на Гете-институт Скопје и  Гордана Бабоска – референт за образовна соработка на Гете-институт Скопје

.

The post Преку интервенцијата „Проѕирниот човек“ младите ќе учат да ги препознаваат феномените сајбер-булинг, идеали за убавина, лажни информации и онлајн зависност appeared first on Република.