Радиологија е една од најпроблематичните точки во здравството, но работиме на решавање на проблемите, изјави министерот за здравство Фатмир Меџити, при денешната посета на велешката ЈЗУ Општа болница одговарајќи на новинарско прашање за вчерашниот демант од Државниот завод за ревизија на неговата изјава за искористеноста на магнетната резонанца.

Јас уште на почетокот кажав дека ќе ја централизираме сета радиологија која ќе биде во Ккиниката за радиологија и нема да има потреба од радиолози во целата држава, туку само техничари коишто ќе го вршат тоа снимање и онлајн нашите колеги радиолози ќе можат да ги прочитаат. Но, тоа е процес што трае и ние сме многу внимателни кога ќе донесеме фактички одлука како тоа понатаму да го решаваме. Затоа и стојам на зборот, ние го земавме извештајот од Државниот завод за ревизија и пред две недели државниот ревизор беше кај мене во кабинет и ние по моја иницијатива потпишавме меморандум со Државниот завод за ревизија и целта ни е како кабинет и министерство за здравство повеќе да нема пропусти и злоупотреби. Јас кажав и тогаш и сега повторувам овие приблеми ние нема да ги решаваме преку ноќ, но макотрпно работиме за да се решаваат, потенцира Меџити.

Воедно додаде дека на Универзитетските клиники во комплексот „Мајка Тереза“ единствен дефицит има на радиолози и друг кадар во Клиниката за Радиологија и дека работат на решавање на проблемот.

Знаете радиолог не може да создадете преку ноќ и еден месец, тие се специјализации кои траат подолго, но затоа целта на овој процес кој ние како министерство веќе го водиме и мислам дека за кратко време ќе имаме и конкретен резултат и ќе бидете известени како ќе постапиме понатаму. Дека има пропусти и злоупотреби има, јас првиот кажав дека здравството е во тешка состојба, но вие сте сведоци и целата јавност и сите пациенти дека ние ја дисперзиравме целата апаратура низ целата држава, потенцира Меџити.

The post Меџити: Радиологија е една од проблематичните точки во здравството,но работиме на решавање на проблемите appeared first on Република.

Во име на членките на Македонската банкарска асоцијација, ве информираме дека во моментот кога соопштението се подготвуваше и испраќаше дел од услугите на нашите членки, поврзани со картичните брендови VISA и MasterCard се недостапни – на банкомат или во трговија.

Како и досега, средствата на клиентите на банките се достапни во сите експозитури и филијали.

Членките на Македонската банкарска асоцијација се во интензивна комуникација со картичните брендови VISA и MasterCard, и од досегашните анализи може да се каже дека причината за проблемот не е поврзана со националните телеком оператори, ниту со поединечните системи на банките. По добивање покомплетни сознанија, јавноста навремено ќе биде известена од страна на Македонската банкарска асоцијација.

Се надеваме на брзо нормализирање на сервисите.

Комерцијална објава

The post Причината за проблемот со картичките не е поврзана со националните телеком оператори, ниту со поединечните системи на банките, тврдат од МБА appeared first on Република.

Регионалната ѕвезда Северина Вучковиќ имала проблеми со полицијата во Белград. Наводно, снимањето на спотот за песната „Небо“, кој е дует со Сенди Ценов и раперот кој се претставува како Под Радарот, ненадејно било прекинато кога по пријава од граѓани на сетот дошла полициска патрола.

Според очевидци од местото на настанот за „Курир“, на некои жители на Нов Белград им пречела бучавата што ја создавале звучниците на автомобилите кои пуштаат музика за видеото, а од страшната бучава не можеле да спијат.

Како што се наведува, кадри од спотот се снимала цела ноќ, до раните утрински часови, а на граѓаните покрај бучавата им пречел и звукот на автомобилите и моторите, кои исто така биле користени при снимањето на спотот.

Наводно полицијата добила пријава, па полициска патрола отишла на местото на снимањето, каде што ја интервјуирале и самата Северина и другите членови на екипата. Откако полицајците добиле уверување дека ќе се стишат, пејачката поминала без казна, а подоцна немало повеќе слични проблеми.

The post Северина имала проблеми со полицијата во Белград appeared first on Република.

Вашето субјективно чувство дека сте некој друг пол може да биде и ментално растројство, тоа е индивидуално чувство и можеби е патолошка состојба, вели за Детектор Отец Јаков Епископ Стобиски. Според него Родовата дисфорија е патолошка состојба, се смета за медицинска состојба, а тоа што некој не го смета за растројство е друг проблем, но факт е дека на овие лица треба да им се помогне.

Кога психолошкиот аспект ќе има сериозен импакт на објективната реалност, на општествената свест, тоа субјективно чувство може да биде и ментална состојба, ментално растројство. Тоа е индивидуално чувство, тоа е реален свет за личноста што страда тоа е патолошка состојба.

Родовата дисфорија се смета за медицинска состојба, тоа е патолошка состојба. Тоа што некој не ја смета за растројство, тоа е, тоа е сериозна состојба и во која што луѓето страдаат и апсолутно треба даи м се помогне. Јас зборувам против трендот.

До 2007 година родовата дисфорија како дијагноза е исклучитено ретка и се дијагностицирала кај машката популација на 15.000 момчиња само едно момче било дијагностицирано. Од 2007 навака за 4.000% е зголемен тој тренд.

Во било која гранка на медицината, таква експлозија, таква епидемија на трансџендеризам би ги вклучила сите аларми“ – вели Отец Јаков за Детектор.

The post Отец Јаков: Трансродовите лица можеби имаат здравствени проблеми, треба да им се помогне appeared first on Република.

Месечината што опаѓа во март 2023 година ќе им донесе сериозни проблеми на три знаци на Зодијакот. Опасни датуми почнуваат од денес 13 март, до 20-ти. Врвот на опасност е од 12 до 19 март.

Астролозите кажуваат кој треба да биде исклучително внимателен и што да очекувате.

Бик

На Биковите ќе им биде тешко да ги контролираат своите емоции. Тие можат да бидат нервозни, психотични или да плачат. Ќе биде тешко овие денови да го исчистите умот од напливот на емоции за да донесете трезвени одлуки, но треба да се обидете да дадете се од себе.

На наведените датуми до 20 март 2023 година, треба да се воздржите од возење, јавно говорење и донесување важни одлуки за вашата иднина.

Лав

Лавовите до 20 март треба да избегнуваат долги патувања со јавниот превоз. Може да имаат зголемена раздразливост во периодот до 20 март, што ќе доведе до конфликти и во семејството и на работа. Но, по завршувањето на периодот во кој Месечината е при опаѓање, ситуацијата постепено ќе се подобрува.

Јарец

Третиот знак на Зодијакот кој е во опасност во наредната недела е Јарецот. Може да имаат напади на паника, нервни сломови и депресивни мисли. Тие може да се поврзани со неможноста да се влијае на некоја ситуација.

Исто така, здравствената состојба ќе се влоши – хроничните болести може да се активираат, а поголема е и склоноста на фаќање вируси.

The post Неволји на повидок: Три хороскопски знаци ги демне опасност до 20 март appeared first on Република.

Ѕвездата на „Пријатели“, Џенифер Анистон (53), откри дека со децении страда од проблеми со спиењето, а грижата дека не може да спие често и создава огромен стрес во текот на ноќта.

„Се плашам да поминам уште една ноќ броејќи ги пукнатините на ѕидовите. Проблемот со несоница го доживеав во моите 30-ти, па дури и порано, но кога сме помлади едноставно не ги забележуваме последиците од недостатокот на сон и се чувствуваме непобедливи, изјави Анистон во интервју за магазинот „Пипл“.

„Само го прифатив проблемот со несоницата, а потоа одеднаш почнувате да ги разбирате ефектите од недостатокот на сон и како тоа влијае на целиот ден, на функционирањето на вашиот ум и на вашиот физички изглед“, рече таа, признавајќи дека таа знаела и да оди во сон.

„Колку повеќе се грижев за тоа, толку потешко ми беше да заспијам. Порано знаев да шетам во сон, а од таква состојба ме запрепастуваа домашните аларми. Тоа стана нешто со кое навистина се борев“, рече таа и поради нејзиниот проблем, на крајот реши да побара лекарска помош.

Порано сонот беше последното нешто на мојата листа, но не можете целосно да се придржувате до трите столба на здравјето – исхрана, вежбање и спиење. Не можете да вежбате и да јадете правилно ако не сте спиеле добро, бидејќи во тој случај телесниот часовник воопшто не работи, е мислењето на ѕвездата на „Пријатели“.

The post Џенифер Анистон 30 години се бори со проблем за кој не може да најде лек appeared first on Република.

Општина Чаир истакнаа дека сметките за електрична енергија се значително зголемени, но проблемот за парното е најалармантен во овој момент. Тој напомена дека не е проблем долгот на општина Чаир, кој се исплаќа на рати за загревањето на училиштата. Поголем проблем претставува исклучувањето од топловодната мрежа на граѓаните и тоа е сериозен предизвик бидејќи 25% според информациите се одкажале од парното. Трошоците за електричната енергија се зголемени од 500 илј 1,4 милони, а во најголемиот дел од институциите во општината зголемувањето е над 3 проценти.

Вчера ние плативме 2 милиони денари од долгот и одговор ни беше дека ќе имаме топлинска енергија само за два дена. Се поставува прашањето “Што и ако ги подмириме сите долгови, кога по овој интензитет топлификација може да не снабдува нас уште девет до десет дена со парно и таман кога ќе започне учебната година пак ќе останеме без парно греење. Општина Чаир не е виновна во овој случај. Ние имаме долг, што нормално го плативме по рати, но пак ова претпријатие ќе има проблеми и не знам како ќе се решаваат по деновите кога ќе бидат подмирени овие долгови. Сите ставови на градоначалниците во ЗЕЛС се исти, бараме состанок со Владата и да ни помогне. Само како компарација на последниот месец и сега, плативме приближно 500 илјади денари за осветлување, а овој месец е 1.400.000 денари. Сметките се драстични и ова ќе биде голем товар за сите општини, изјави градоначалникот на Чаир Висар Ганиу.

На седницата на ЗЕЛС, од страна на општина Валандово беше истакнато дека во моментов не е раскинат договорот за набавка на електрична енергија, нов договор треба да се склучи во февруари, но зголемување на цените ќе го оптовари буџетот.

Општина Куманово пак покрај проблемите со зголемените трошоци за електрична енергија, имаат проблем и со зголемување на цена на гасот од 25 на 80 денари на метар кубен, што ќе го загрози снабдувањето на училиштата и градинките, а ќе го стави во нерентабилност и јавното претпријатие кое снабдува со гас.

Исти се проблемите и во општините Охрид, Струмица, Велес. За градоначалникот на Струмица истакна дека трошоците за струја биле 7 милиони денари а сега се 25 милиони денари со барање дека Владата треба да обезбеди средства за капитални инвестиции за алтернативни извори на енергија. Градоначалникот на Велес Марко Колев истакна дека без интервенција на владата тешко ќе се опстои, општина Велес има сериозни проблеми во уредување на градежно земјиште и се лимитирани со приходи и буџет, при што нема дополнителни можности за финансирање за да ги покрие трошоците. Споредбено во октомври 2020 трошоците за струја биле 1,4 милиони додека во октомври 2021 трошоците се драстично зголемени на 6,6 милиони денари.

The post Проблемот со парното најалармантен за Чаир appeared first on Република.