Рудар од Пробиштип се здобил со тешки телесни повреди при извршување работни задачи во рудник во Пробиштипско. За настанот бил известен јавен обвинител, информираат од Министерството за внатрешни работи.

На 20.08.2024 во 20:40 часот во Полициската станица Пробиштип, од Итната медицинска помош Пробиштип било пријавено дека кај нив со тешки телесни повреди бил донесен Д.Н.(28) од село Добрево, пробиштипско. Според пријавеното, тој се здобил со повредите при извршување работни задачи во рудник во пробиштипско, известуваат од МВР.

Оттаму дополнуваат дека увид извршиле полициски службеници од ОВР Пробиштип и за настанот бил известен јавен обвинител.

The post Рудар тешко повреден на работното место во пробиштипски рудник appeared first on Република.

Надворешната канцеларија за криминалистички работи Пробиштип поднесе кривична пријава против З.Т.(59) од Пробиштип кој неовластено подигнал туѓи парични средства од банкомат.

Како што информираат од Министерството за внатрешни работи, З.Т. се сомничи дека сторил кривично дело „оштетување и неовластено навлегување во компјутерски систем“.

На 04.05.2024 пријавениот, искористувајќи го моментот кога оштетениот од банкомат на банка во Пробиштип не успеал да подигне парични средства и не се одјавил од системот, неовластено од неговата сметка подигнал парични средства во износ од 20.000 денари, стои во соопштението од МВР.

The post Човекот пред него не се одјавил: Жител на Пробиштип подигнал туѓи пари од банкомат appeared first on Република.

Трудов инспектор бил на терен за да направи увид по несреќите на двајца работници на работните места во Пробиштип, од кои едната се случи во рудник, а втората е во фабрика за акумулатори.

Од Државниот инспекторат за труд денеска за МИА велат дека го чекаат извештајот од инспекторот, по што ќе знаат како понатаму ќе постапат.

Според информациите од МВР несреќите се случиле во рудникот за олово и цинк во село Добрево и во фабриката за акумулатори во Пробиштип.

-Во понеделникот во 22:08 часот во Полициската станица Пробиштип, од Итна медицинска помош Пробиштип било пријавено дека кај нив со тешки телесни повреди бил донесен 38 годишниот Т.Ј. од Пробиштип. Според пријавеното, тој се здобил со повредите додека извршувал работни задачи во рудник во село Добрево, пробиштипско. Увид бил извршен.

Надлежните од Клиничка болница-Штип велат дека 38 годишниот Т.Ј е примен со тешки телесни повреди и е веднаш транспортиран во Клинички центар „Мајка Тереза“ во Скопје.

Втората несреќа се случила вчера во 00:48 часот. Во Полициската станица Пробиштип, од Итната медицинска помош Пробиштип било пријавено дека кај нив со тешки телесни повреди бил донесен 20 годишниот А.Р. од Пробиштип. Според пријавеното, тој се здобил со повредите при извршување работни задачи во фабрика за акумулатори во Пробиштип. Увид бил извршен и се работи на расчистување на случајот. Дваесет годишниот работник на вилушкар е примен во штипската Клиничка болница, каде што по прегледот, лекарите го пуштиле на домашно лекување, бидејќи бил со полесни повреди.

The post Трудов инспектор направил увид по двете несреќи во рудник и фабрика за акумулатори во Пробиштип appeared first on Република.

Во Општина Штип гласањето на 74 избирачки места тече без проблеми и излезноста на избирачите до 13 чадот е 31 процент од вкупниот број на гласачи, вели за МИА претседателот на ОИК Штип, Виктор Вацев.

Посочува дека досега од членовите на Избирачките одбори не е пристигната никаква поплака или забелешка за избирачкиот процес на гласачките места.

Вацев истакна дека во моментов се одвива смената на членовите на Избирачките одбори, оние кои биле прва си заминуваат, а процесот на гласањето на Избирачките места го предаваат на оние членови кои се втора смена. Во помалата рурална Општина Карбинци на 16-те Избирачки места гласањето се одвива без никакви проблеми, информира Љупка Гацева Велинова член на ОИК Карбинци.

Во оваа општина излезноста до 13 часот е 24 проценти, а право на глас имаат 3.169 избирачи. Во Општина Пробиштип излезноста на гласачките места до 13 часот е 37 проценти.

The post Мирно и без проблеми гласаат избирачите во Штип, Карбинци и Пробиштип appeared first on Република.

Се наоѓаме пред портите на четвртиот Илинден каде ќе имаме реформи, европски стандарди, одговорност и безмилосна битка со корупцијата и криминалот, рече во своето излагање на митингот во Пробиштип кандидатката за претседател на Република Македонија Гордана Силјановска Давкова.

Се наоѓаме пред портите на четвртиот Илинден каде ќе имаме реформи, европски стандарди, одговорност и безмилосна битка со корупцијата и криминалот, бидејќи ниту една област како образование, здравство, еконoмија, социјалнa заштита, наука и сл. не може да се помести ниту педа напред. Не смееме да дозволиме македонското ткиво да биде корумпирано и криминализирано, оттаму нашата политичка максима ќе биде „крај на корупцијата и криминалот и негово искоренување”, бидејќи во прашање е системско зло.

Фамилиите на власт се поврзани со корупција и криминал, не е воопшто пријатно да гледате слики каде највисоки функционери ја делат трпезата со секого, односно тоа е доказ дека со премолчување и самите се дел од тоа криминално семејство. Мора да ставиме крај на ова! Не смее претседатели и премиери кои се во изборна трка да сметаат на гласови добиени со помош на криминалците, бидејќи таму нема збор / беса, таму има ветување и исполнување.

Здравјето на целата нација, здравјето на Македонија го врзуваат за болниот живот на ликови кои се длабоко потонати во криминал.

Само кога секој ќе стрепи од криминал и корупција, тогаш ќе има шанса младите да се вратат назад, а Мекедонија како совршен мозаик да зачекори во просперитетната ера - рече Силјановска Давкова.

The post Силјановска Давкова: Се наоѓаме пред портите на четвртиот Илинден, ќе имаме реформи, европски стандарди, одговорност и безмилосна битка со корупцијата и криминалот appeared first on Република.

На вториот ден од победничкиот караван, кандидатот за претседател Стево Пендаровски се обрати пред граѓаните на Пробиштип, им се заблагодари за досегашната и повторно ја побара нивната поддршка на 24 април и на 8 мај.

Истакнувајќи дека во изминативе пет години тоа што го ветил и го исполнил до последно, Пендаровски посочи дека бил, е и ќе биде претседател на сите.

„Не постои еден единствен граѓанин кој сакал да ме види, да поразговара со мене, а да не сум го примил. Не постои ни еден кој побарал помош од мене, а да не сум се обидел во рамки на моите можности, да му помогнам. И не постои ниту еден граѓанин, човек во нашава држава кој може да каже дека сум го деградирал, дека сум го дискриминирал, дека сум го понижил, дека сум го навредил само затоа што не е од оваа политичка структура, само затоа што не е Македонец, или од која било вера и да е“, потенцираше Пендаровски.

Во насока на лажните ветувања на опозицијата, Пендаровски рече дека граѓаните не смеат да им веруваат на политичари чии ставови се менуваат во зависност од тоа дали ги кажуваат јавно или зад телевизиските камери. Тој додаде дека опозициските функционери велат „никогаш Северна“, ама од Македонија пет години по ред примаат високи функционерски плати како пратеници, како градоначалници, како локални советници.

Зборувајќи за досегашните грешки на владејачката гарнитура, Пендаровски со граѓаните на Пробиштип ја сподели идејата за целосен ветинг на сите судии и обвинители, но и на сите политичари.

„Во однос на главната парола „Нема правда, нема мир“ чесно е кажеме дека застанавме на половина пат. Затоа јас предлагам и сите што ме поддржуваат се согласуваат со тој предлог, веднаш после изборите, откако ќе ја добиеме вашата доверба да направиме комплетен, длабок сеопфатен ветинг на сите судии и обвинители, но и на сите политичари кои ја бараат вашата доверба“, заклучи Пендаровски.

Вториот ден од кампањата, Пендаровски ќе го заврши со централен митинг во Штип.

The post Пендаровски во Пробиштип: Во однос на главната парола „Нема правда, нема мир“ чесно е кажеме дека застанавме на половина пат appeared first on Република.

Драган Анастасов од СДС во предизборната кампања за втор градоначалнички мандат на изборите во 2021 година, порача дека до 2023 година ќе го затвори старото јаловиште, или ќе си даде оставка, нови избори немало да чека. Пробиштип го чека Анастасов да си го исполни зборот и веднаш да си поднесе оставка, се вели во соопштението од ВМРО-ДПМНЕ.

– СДС излажа, Анастасов излажа, изборите во мај се шанса за Анастасов да си оди, а граѓаните да гласаат и за градоначалник што ќе го затвори прашањето. Драган Анастасов не успеа со темелниот проект на неговата кампања и основа за мандат, затоа нека покаже доблест и нека замине. Јаловиштето е извор на канцерогено загадување со олово, кадмиум, цинк, жива, железо, бакар, арсен, ураниум и хемикалии како бакар сулфат, натриум цијанид, калциум оксид и калциум карбонат, за коешто веќе осум години решението седи во фиока. Никогаш не било полошо. Важно е да ги поразиме – велат од партијата.

https://youtu.be/EDEMMvrpSI4

The post ВМРО-ДПМНЕ: Пробиштип го чека Анастасов да остане на зборот и да си поднесе оставка заради јаловиштето appeared first on Република.

На 25 август (петок) на повеќенаменското игралиште во градскиот парк во Пробиштип ќе се одржи деветтото издание на „Рудар Рок Фест“.

Организаторите посочуваат дека и оваа година се обиделе да ги заживеат основните карактеристики на овој рок настан од претходните години, односно хард рок музиката и промовирањето на нови бендови од македонската рок сцена.

Па така посетителите ќе имаат можност да уживаат во хард рок, панк и метал звуци на нашите изведувачи. На ‘Рудар Рок Фест’ 2023 година ќе настапат младиот хард рок бенд ‘Преку ред’, кои скоро го издадоа својот прв албум Хаос. Понатаму, прогресив-рок бендот Беседа, победници на последното издание на ‘Лузер фест’. Нашите ‘Прв ред’, во нивниот препознатлив панк-рок стил. По примерот на ланската година и за 2023 повикавме кавер бенд ќAshbornќ кој ќе отсвири големи хитови од историјата на рок музиката. За љубителите на тешките метал звуци за оваа година ги имаме амбициозните Мамут. И за крај се одлучивме да имаме едно истакнато име од македонската рок сцена од осамостојувањето а тоа се алтернативниот рок бенд ‘Ласт експедишн’.
Поздрав со рударското среќно“, велат организаторите.

Фестивалот се организира во рамките на културните денови по повод 28 август – Денот на рударите и големиот христијански празник – Пресвета Богородица.

The post „Рудар рок фест“ на 25 август во Пробиштип appeared first on Република.

Поставување на фотоволтаици над селото Неокази во Општина Пробиштип ги загрижува мештаните. Тие го искажаа својот револт од сечата на дрвата и упатија низа прашања до надлежните во Општина Пробиштип. Прашуваат дали ова значи дека селото е пред уништување и има ли начин истото да се спречи.

Дали урбаната заедница Неокази е предодредена за селидба или за уништување, бидејќи од сите страни сме заобиколени со негативни елементи, така да сега ни е проблемот со боровите кои моите генерации ги садеа, а некој си дозволува да ги сече до уништување. Има ли начин ова да престане, велат жителите на село Неокази.

Градоначалникот на Општина Пробиштип, Драган Анастасов потенцираше дека станува збор за приватни парцели и дека општината овде нема никаква надлежност. Додава дека тие парцели претходно биле во сопственост на жители од Неокази кои сами одлучиле да ги продадат.

Околу земјиштето кое е во атарот на село Неокази, таму станува збор за земјиште кое е во приватна сопственост. Причината за продажбата на земјиштето веројатно е оти земјиштето тие не го обработуваат и за да нема дилема кај нашите граѓани повторувам, таму станува збор за приватни парцели. За инвестициите на фотоволтаици, сѐ она што е над петта категорија се добвива дозвола за поставување, вели Анастасов.

Тој ги охрабри граѓаните доколку е прекршен некој член од Закон да реагираат до наделжните институции.

The post Борови кои со генерации се садеа, некој си дозволува да ги сече за фотоволтаици, велат револтираните жители на Неокази appeared first on Република.

Граѓаните на Пробиштип се против отварање на нов рудник за злато и сребро Плавица-Црн Врв, децидни се градоначалникот на Општина Пробиштип, Драган Анастасов и еколошкиот активист Светлана Станојковска. Бараат Владата и ресорните министерства под итно да го запрат процесот за издавање на концесиција за отварање на рудникот „Плавица-Црн Врв“.

Да зборуваме со аргументи и факти, договор за издавање на концесија е издадена на 11.05 2015 година, што значи немаат дозвола за експлоатација, а според Законот за минерални суровини временскиот рок од потпишување на договор за концесија, барање и добивање на дозвола за експлоатација е четири години. Што значи рокот не е запазен, рокот е истечен повеќе од две години. Значи има простор за одземање на концесијата, вели Станојковска.

Забележува дека и Законот за минерални суровини е на страна на граѓаните на Општина Пробиштип во членот 51, којшто се однесува за еднострано раскинување на концесијата за експлоатација, како и член 54 став 1 од истиот Закон и се однесува какошто вели за рокот на поднесување на барање за издавање на дозвола за експолоатација и рокот за започнување на експлоатација е четири години.

Што значи дека имаме една чиста позиција и тоа законска позиција, каде што има потреба и треба да се одземе концесијата. Меѓутоа еве ќе им цитирам и уште еден Закон. Предлог Законот за дополнување на Законот за животна средина донесен на 7 мај 2021 година, интервенирано е во еден амандман, којшто гласи „Се забранува градење на тешка и загадувачка индустрија на пет километри од населени места и заштитени подрачја. Што значи навистина законите се на наша страна, потенцира Станојковска.

Градоначалникот на Пробиштип, Анастасов вели Општина Пробиштип својот став го изнесе и вчера во Министерството за транспорт и врски на расправата за Државна урбанистичка планска документација (ДУПД).

Мојот став сум го кажал и сега само ќе го повторам дека Општина Пробиштип и јас како градоначалник на Општина Пробиштип сум на истиот став од веќе познати причини, кога станува збор за Пробиштип дека ние имаме повеќе загадувачи и дека уште еден ваков проект би бил премногу за граѓаните на Пробиштип. Јас знам дека не постои градоначалник кој не сака сите проблеми да се решат, ние сме свесни дека овде ќе имаме дополнителни приходи. Но, не сакам тие средства, тие приходи граѓаните да ги трошиме за лекување, вели Анастасов.

Еколошкиот активист Станојковска надополнува дека Пробиштип по глава на жител е со најзагадувачка индустрија, во овој град се сместени неколку фабрики од тешката индустрија, има две хидројаловишта, од кое едно старо и едно активно, како и рудникот за олово и цинк Добрево, кое сега е во сопственост на бугарски „Булмак“.

На овој град не му треба тешка загадувачака индустрија, отварањето на уште еден таков рудник ќе биде премногу за граѓаните на Пробиштип. Знаеме дека и во минатото имаме некои загадувања, коишто и по пет децении градот не може да се справи со нив, ја имаме и старата јаловишна депонија, која е една од 16 жешки еколошки точки, вели Станојковска.

Градоначалникот Анастасов појаснува дека опафатот за отварање на нов рудник за злато и сребро Плавица-Црн Врв е голем, односно ги опфаќа општините Кратово и Пробиштип, од кои над 450 хектари се на територија на Општина Пробиштип.

Станува збор за територија исто толку колку што е целиот град, односно опфатот на Генералниот урбанистички план на Пробиштип, или некаде над 450 хектари. Така да мојот став е исти, сум разговарал неколку пати со менаџментот на „Плавица“ укажани се сите наши забелешки како општина. Грешката според мене е направена уште во 2016 година, кога и се дава концесија за истраги, за да можат тие да прават истражувања на целата оваа територија и стоиме на ставот дека ќе направиме се за да не отпочне со работа овој рудник, вели Анастасов.

Станојковска укажува дека опфатени се атараите на неколку пробиштипски села Кундино, Гризилев, Добрево, Марчино, Шлегово, Приковци и ќе биде на пет километри од градот Пробиштип. Таа најави дека доколку не се одземе концесијата неколку еколошки здруженија во земјава ќе поднесат и тужба.

The post Пробиштип и еколошките активисти не сакаат отворање на нов рудник за злато и сребро appeared first on Република.

Екипа на рудари, вработени во рудникот „Булмак 2016“ во Пробиштип заминаа за Турција да помогнат на луѓето кои се погодени од силниот земјотрес во Турција, соопшшти градоначалникот на Општина Пробиштип, Драган Анастасов.

Веста за катастрофалниот земјотрес во Турција и Сирија не погоди сите, во вакви моменти ја покажуваме хуманоста и солидарноста на нашите граѓани. Екипа вработени рудари од рудникот „Булмак 2016“, во координација со Дирекцијата за заштита и спасување, утрово замина за Турција да помогнат на луѓето кои се погодени од силниот земјотрес. Им посакуваме успешно да ја завршат својата хумана мисија, вели Анастасов.

Тој на сите граѓани од Турција и Сирија, им изразува најдлабоко сочувтсво за големите човечки загуби.

Сите заинтересирани правни субјекти и граѓани можат да донираат парична помош на: Сметката на Фондот на солидарноста на Црвениот крст на РСМ: 300000001327966, даночен број: 4030984271620 АД Комерцијална банка со назнака: помош за населението во Турција и Сирија.  како и да се донираат 100 денари со повик на телефонските броеви 143 400 на Македонски Телеком и А1, додаде Анастасов.

The post Рудари од Пробиштип заминаа во Турција appeared first on Република.

ОВР Пробиштип поднесе кривична пријава против правно лице од Скопје и управителот М.Ш.(39), поради постоење основи на сомнение за сторено кривично дело „злоупотреба на постапка за јавен повик, доделување на договор за јавна набавка или јавно приватно партнерство, соопшти МВР.

Пријавеното правно лице и одговорното лице во текот на мај 2022 година, по пат на електронско јавно наддавање биле избрани за најповолен понудувач за отуѓување на градежно земјиште сопственост на РСМ. Но, тие не го уплатиле целокупниот износ поради што Општина Пробиштип била принудена да ја активира банкарската гаранција. При активирање на гаранцијата, Општината била известена дека во банката не постои банкарска гаранција, односно банкарската гаранција била фалсификувана“, се вели во полициското соопштение.

На тој начин, Општина Пробиштип од пријавените не успеала да го наплати своето побарување, при што ѝ е причинета материјална штета во вкупен износ од 932.400 денари (околу 15.000 евра).

The post Газда на скопска фирма фалсификувал банкарска гаранција за државно земјиште во Пробиштип appeared first on Република.

Полициски службеници вчера го привеле Д.М.(31) од Пробиштип, осомничен дека во периодот од мај до јули оваа година, по запознавање со две жени од Битола на социјалната мрежа Фејсбук и по започнување љубовна врска со нив, кај едната извршил кражба, а другата ја измамил за сума од 6500 евра и 7200 денари, соопшти МВР.

Тој е спроведен и задржан во СВР Битола и по целосно документирање на случајот против него ќе биде поднесена соодветна пријава.

The post Едната ја ограбил, другата сама му дала – „фателен“ пробиштипјанец измами две битолчанки appeared first on Република.

При акциска контрола на територија на градот Пробиштип изминатата вечер се санкционирани 29 возачи кои управуваат моторни возила под дејство на алкохол, соопшти МВР.

За време на контролата биле санкционирани и три учесници кои управувале патничко моторно возило пред да се стекнат со право за управување на моторно возило, еден учесник во сообраќајот кој управувал патничко возило по истекот на важноста на сообраќајната дозвола.

The post Полицијата казнуваше возачи во Пробиштип за време на концертот на Цеца appeared first on Република.

Новата тартан гумирана атлетска патика на Градскиот стадион во Пробиштип е завршена во рамки на заложбите на Општината за вложување во инфраструктура за обезбедување на услови за развој на спортот во градот.

Градскиот стадион полека го добива потребниот изглед. Многу наскоро следува и поставување на нови седишта на трибините.  Дополнително кон ова општината води разговори со приватниот сектор за финансирање и поддршка на фудбалскиот клуб Рудар за да го вратиме во лигата којашто доликува на овој фудбалски клуб, изјави градоначалникот на Општина Пробиштип, Драган Анастасов.

Проектот за изградба на атлетската патека е финансиран од страна на Агенцијата за млади и спорт и Општина Пробиштип. вдј/сп/

The post Пробиштип ќе раѓа атлетски надежи appeared first on Република.

Поради огромен интерес за концертот закажан за на 11.06 (сабота) на најголемата балканска ѕвезда Цеца Ражнатовиќ и нејзината ќерка, младата ѕвезда Анастасија Ражнатовиќ истиот ќе биде преместен на градскиот стадион во Пробиштип, наместо „Аква паркот“.

Организаторите велат дека морале да се одлучат на овој чекор, бидејќи аква паркот би бил претесен да ги собере сите обожаватели на Цеца и Анастасија.

Моравме да го преместиме концертот, бидејќи интересот е преголем. Секој ден добиваме повици и резервации и од Србија и Бугарија. Она што е најважно тоа што во сабота не очекува топло и убаво време, велат тие.

Инаку ова е прв заеднички настап на Цеца и нејзината ќерка Анастасија и којзнае дали повторно некогаш ќе ги видиме двете на иста бина. Она што беше интересно пред неколку дена е нивната листа на желби кои ја открија организаторите.

Двете пејачки всушност не бараат „од пиле млеко“ како некои други ѕвезди, напротив, тие се скромни во своите побарувања.

Тие кои сè уште немаат набавено влезници, истото може да го сторат онлајн преку продажната мрежа на www.kupikarta.com, продавницата на „Југотон“, како и „Розе Веро 2“.

Исто така на денот на концертот ќе има и организиран превоз од Скопје и сите поголеми градови. За подетални информации јавете се на телефонскиот број: +389 75 507 455

The post Поради преголем интерес, концертот на Цеца и Анастасија се сели на градски стадион appeared first on Република.

Двајца рудари се повредени додека биле на своите работните места во рудник во Пробиштип.

Портпаролот на СВР-Штип, Гордана Панајотова во соопштение информира дека синоќа во 20.10 и во 20.40 часот во Полициската станица Пробиштип, од Итната медицинска помош Пробиштип било пријавено дека кај нив за укажување на лекарска помош биле донесени 54 годишниот Б.П. од Пробиштип и 49 годишниот О.В. од село Ратавица, пробиштипско, кои се повредиле за време на работа во рудник во Пробиштип.

Портпаролот на Клиничка болница-Штип, Марина Шуманска за МИА вели дека само еден од рударите е хоспитализиран синоќа во Клиничка болница-Штип, направени се прегледи од страна на ортопед и хирург, по што рударот бил пуштен на домашно лекување.

The post Повредени двајца рудари во Пробиштип appeared first on Република.

Заврши реконструкцијата на Кино салата во Пробиштип, објави на денешната прес-конференција градоначалникот, Драган Анастасов.

Анастасов истакна дека со вчерашната последна контрола од страна на комисија од Агенцијата за финансиска поддршка на земјоделството и руралниот развој со која е констатирано дека сите позиции и фази се завршени, и официјално се заокружи проектот за реконструкција на Кино салата „Злетовски рудар”.

Финансиската поддршка за овој проект изнесува 17 милиони денари обезбедени преку Агенцијата и три милиони за ДДВ обврска на општината.Општина Пробиштип доби функционална кино сала со капацитет од 360 посетители и веќе од месец март ќе следуваат и првите културни настани. Особено ми е драго што конечно по една деценија ја вративме можноста за одржување на културни настани во нашата општина, со ставањето во функција на кино салата, рече Анастасов.

При реновирањето е задржана автентичноста на салата, а во неа освен кино проекции ќе се одржуваат театарски претстави, музички концерти и други културни настани. Анастасов истакна дека со Музејот на минеролошката збирка Домот на културата.

The post Реновирана Кино салата во Пробиштип appeared first on Република.