Како што беше најавено, Македонскиот народен театар, новата театарска сезона 2024/2025 година ќе ја започне со отворање на новата сцена - летната сцена „Славиша Кајевски“, со патувања и гостувања надвор од државата, гостувања во МНТ, како и реализирање на премиерни изведби.
На 4 септември официјално започнаа подготовките за претставата „12“ во адаптација и режија на Синиша Евтимов, работена по мотивите (12 Angry Men) од Реџиналд Роуз.
Приказната ја следи поротата од 12 луѓе додека размислуваат дали да осудат или да ослободат 18-годишен обвинет врз основа на разумно сомневање, принудувајќи ги поротниците да ги испитаат сопствените морални вредности.
Одбраната и обвинителството ја завршиле својата работа, а поротата е испратена во посебна просторија за да одлучи дали младиот човек е одговорен за убиството на сопствениот татко. Она што изгледа како лесна одлука, наскоро станува бура од емоции во која на виделина излегуваат сите мани и предрасуди на поротниците.  Единствениот кој се противи на смртната казна и се сомнева во доказите што ги изнесува обвинителството е поротникот број 8.
Во претставата, која е дел од годишната програма на националната установа МНТ за 2024 година, ќе игра моќна машка актерска екипа: Тони Михајловски, Никола Ристановски, Игор Џамбазов, Јордан Симонов, Владо Јовановски, Сашко Коцев, Оливер Митковски, Сенко Велинов, Ѓорѓи Јолевски, Александар Микиќ, Гораст Цветковски и Благој Веселинов.
Асистент на режисерот е Борјан Стојков, костимограф е Александар Ношпал, сценограф и дизајнер на светлото се на Мартин Манев, а музиката е на ПМГ Колектив.
Премиерата е закажана за октомври.
Списокот на претставите кои ги режирал Евтимов е обемен и разновиден, и во жанровска смисла и во однос на театарските куќи во кои работел. Хронолошки ги издвојуваме претставите кои ги има режирано во МНТ: „Едмонд“ (1996) од Дејвид Мамет, „Венко“ (2000) по текст на Благоја Ристески-Платнар, „Дипломец“ (2004), „Сомнително лице“ (2007) од Бранислав Нушиќ, „Така било пишано“ (2010) по текстот на Сашко Насев, (праизведба), „Кој се плаши од Вирџинија Вулф?“ (2012) според Едвард Олби, и последните две комедии „Не се клади на Енглези“ (2014) според Владимир Гурѓевиќ - претстава која е на репертоарската програма веќе десетта година и сѐ уште ги полни салите, како и претставата „Мој термин“ (2019) по мотивите на Лорен Бафи и Висенте Виљануева.

The post Во МНТ почна пробата за најновата претстава: „12“ со моќна машка актерска екипа, во адаптација и режија на Синиша Евтимов appeared first on Република.

Претседателот Стево Пендаровски во скопската гимназија „Никола Карев“ присуствуваше на пробата на средношколскиот бенд „Црно Собрание“.

Тој се запозна со Мона, Доротеја, Кирил, Мартин, Павел и Дарија, членовите на рок бендот „Црно Собрание“ чија менторка е професорката по музичка уметност Емилија Ристановска.

Рокерски рифови кои носат младешка енергија и креативност, но и критичко мислење. Браво дечки, бидете секогаш свои и вашите сништа ќе се остварат. Останете на својата патека. Ми ги пренесоа и впечатоците од концерот на средношколски бендови „БГ инвазија“ во Белград, каде освоија награди за најдобри гитаристи и најдобри вокали“, рече Пендаровски.

 

View this post on Instagram

 

A post shared by Стево Пендаровски (@stevopendarovski)

The post Пендаровски во скопската гимназија „Никола Карев“ на проба на средношколскиот бенд „Црно Собрание“ appeared first on Република.

Македонската претставничка Андреа ја имаше првата проба на евровизиската сцена во Торино, каде ќе настапи во втората полуфинална вечер на 12 мај со песната „Circles“.

@eurovision Dressed all in black, supported by nothing more than pulsing graphics and dramatic lighting, @Andreamusic20's first rehearsal on stage was very impressive! 👏🇲🇰 #Eurovision #Eurovision2022 #EurovisionTikTok ♬ original sound - Eurovision

The post Андреа ја имаше првата проба во Торино appeared first on Република.