Амбасадата на САД во Скопје синоќа, во рамките на Американската вечер на програмата од Фестивалот „Охридско лето“, на директорката Наташа Поповиќ и додели Признание за големи достигнувања и соработка во промовирањето на Американската уметност и култура во Република Македонија. Ова високо признание е одобрено со печат од Стејт департментот во Вашингтон.

Агуста Филбин, Американската аташе за култура во Македонија, кажа дека признанието се доделува во знак за благодарност за долгогодишната соработка со Американската амбасада, унапредување на културните врски како и успешна промоција на американската култура во Република Македонија.

Поповиќ изразувајќи благодарност до Американската амбасада и амбасадорката Анџела Прајс Агелер, рече дека ваквите награди имаат значаен придонес во развојот на високите културни вредности по кое е препознатлив фестивалот „Охридско лето“.

Изразувам огромна благодарност на Културното аташе на Американската амбасада, на американската амбасадорка Анџела Агелер за ова високо признание кое го споделувам со мојот тим, со моите колеги со кои заедно реализираме уште едно успешно фестивалско издание, рече Поповиќ.

The post Американската амбасада на директорката на „Охридско лето“, Наташа Поповиќ и додели Признание за големи достигнувања и соработка во промовирањето на Американската уметност и култура во Македонија appeared first on Република.

Комисијата за доделување на награди и признанија на Стрип центар на Македонија - Велес донесе одлука признанието „Љупчо Филипов“ за развој и афирмација на македонскиот стрип за 2023 година да му се додели на Коле Манев, познат македонски сликар.

Како што информира Томе Трајков од СЦМ - Велес, врачувањето на ова високо признание е составен дел од активностите во рамки на традиционалниот меѓународен стрип салон - најреномирана стрип манифестација во земјава која ќе биде отварена на 23 август во Велес.

Коле Манев е роден на 5 април 1941 година во селото Бапчор, во Егејскиот дел на Македонија. Како дете заминал во непознат правец заедно со дваесетина илјади Македончиња протерани од Егејска Македонија. Училиште за применета уметност завршил во Скопје. Во 1960 година завршил прв степен на Ликовната академија во Белград, а потоа заминува на студентски престој во Париз, па Прага каде посетува предавања за анимиран филм. Своите дела ги изложува во земјава, Франција, како и земјите од Балканот.

Добитник е на голем број меѓународни награди и признанија за филм и сликарство.

Трајков потсетува дека Коле Манев влегува во историјата на списанието „ Наш свет“ како прв македонски стрип цртач кој објавува на неговите страници. Добро е познато значењето на списанието „Наш свет “ во развојот на македонскиот стрип.
Почнувајќи од 1960 година, па се до 1963 година Коле Манев, во соработка со разни сценаристи црта стрипови за македонски историски настани - Цар Самуил, Крале Марко, Карпош, Сирма војвода, па преродбениците Кирил Пејчиновиќ, Крсте Петков Мисирков и други се до народните херои од НОБ, Стив Наумов, Орце Николов, Ибе Паликуќа, Вера Јоциќи. Коле Манев започнува да ги работи многу млад, со едвај 19 години.

Македонскиот стрип центар како организатор на целокупната манифестација ова признание го наменува за заслужни домашни дејци за развојот и афирмацијата на деветтата уметност во земјава.

Досегашни добитници на ова високо признание „Љупчо Филипов“ се: Миле Топуз, Диме Иванов - Димано, Александар Сотировски, Ване Трајков, поранешната групација „Тајфа Арт“-млади автори и подоцнежни основачи на нови стрип асоцијации, Томислав Османли, Дарко Марковиќ, Киро Донев, редакцијата „Детска радост“, Оливер Ромевски, Стрип книжарницата „Бункер“,„Остен“- Галерија и списание, Томе Трајков-стрип работник, Александар Стеванов - хроничар и сценарист и Игор Стевковски-Стевац - стрип цртач.

The post Коле Манев добитник на признанието „Љупчо Филипов“ за 2023 appeared first on Република.

Британскиот крал Чарлс им оддаде признание на модната дизајнерка Рокснада Илинчиќ и новинарката Ана Винтур за нивните заслуги во модната индустрија.

Како што пренесува порталот Women Wears Daily, по повод својот прв официјален роденден, кралот им оддал почит и на други јавни личности од светот на уметноста, меѓу кои и поетите Мартин Амис, Иан Мекјуан и Бен Окри.

The post Признание за Ана Винтур од Британскиот крал Чарлс за заслуги во модната индустрија appeared first on Република.

Музејот на современата уметност од Скопје го доби престижното Специјално признание за креативност како кандидат од Република Македонија во рамките на доделувањето на наградата „Жива“ за најдобар словенски музеј, што ја доделува Меѓународната фондација „Форум на словенските култури“ со седиште во Љубљана, Р Словенија.

На свечената церемонија на доделувањето на наградите, која се одржа синоќа во Посавскиот музеј во Брежице, Република Словенија, присуствуваа многубројни гости и делегации од музеите кандидати, претседателката на меѓународното жири, Неда Кнежевиќ, директорот на Музејот на Југославија од Белград, Р Србија, и директорката на Форумот на словенските култури, Андреја Рихтер.

Во името на МСУ, признанието го прими националниот претставник на земјава во „Форумот на словенски култури“, Гордан Николов.

За Музејот на современата уметност, жири-комисијата во образложението за доделување на признанието истакна дека во последниве години овој водечки музеј и прв во областа посветен на модерната и современата уметност стана влијателна институција која негува креативност и соработка во интеркултурниот дијалог и дома и во странство.

Новиот поттик што Музејот го дава на широката дисеминација на уметничките колекции и на важноста на современото уметничко изразување, демонстрира напредок и натпреварувачки дух со интензивно инвестирање во трансформацијата на неговиот просторен капацитет и презентација на колекциите и општествено одговорните проекти. Музејот порасна врз темелите на солидарноста, обележана со регионалните и меѓународните донации на важни уметнички дела кои ги поттикнаа почетоците на формирањето на Музејот во шеесеттите години. Музејот успеа да создаде културна платформа за уметничка современа продукција – национална и меѓународна, промоција и истражување на сегашноста и идентитети кои служат за обележување на промените во времето.″

Добитник на наградата за најдобар словенски музеј ја доби Градскиот музеј во Вировитица, Хрватска, а беа доделени ушете неколку други признанија.

Наградата „Жива“ се доделува за промоција на заштитувањето, зачувувањето, едукацијата и информирањето за музејските збирки и за природните и културните споменици, нивната разновидност, содржина и социјална улога, нагласувајќи ги нивните креативни и прогресивни пристапи, отвореност и пристапност до јавноста, нивното влијание врз општеството и нивниот придонес кон развојот на музеолошките принципи и идеи.

За наградата „Жива“ годинава се кандидираа рекореден број музеи, дури 34 од 10 словенски земји.

Доделувањето на наградите, кое се реализираше по осми пат, од 16 до 19 ноември 2022 година го организираа „Форумот на словенските култури“, Министерството за култура на Република Словенија и Посавскиот музеј од Брежице.

Фондацијата „Форум на словенските култури“ е меѓународна организација основана во 2004 година на иницијатива од Република Словенија. Целите на организацијата се зближување и стимулирање на културната соработка меѓу словенските држави, како и заедничка афирмација на нивната култура во светот. Република Македонија, како една од земјите основачи на Форумот на словенските култури (ФСК), преку Министерството за култура, од самиот почеток активно се вклучи речиси во сите иницијативи и активности на оваа еминентна организација чија цел е зачувување на културните традиции на словенските народи и нивно промовирање како трајни и универзални вредности во глобални рамки.

The post MСУ од Скопје го доби престижното Специјално признание за креативност во рамките на наградата „Жива“ за најдобар словенски музеј appeared first on Република.