Хрватскиот најтиражен весник „Јутарњи“ објавува шокантни информации за мрежата која стои зад клубот Привилеџ каде беше убиен хрватскиот ракометар Денис Тот.

Иако Стефан Стаменков официјално е наведен како одговорно лице во скопската фирма „Супер лајт парк“, која стои зад дискотеката „Привилиџ“ во скопскиот градски парк, јавна тајна е дека сопственик на дискотеката е Цветко Дичевски, подобро познат како Цветко или „Цвеле привилиџ“. Се работи за лице кое има досие за убиство во обид со нанесување тешки телесни повреди во 2013 година, а откако хрватскиот ракометар Денис Тот (27), кој настапуваше за скопски РК „Бутел“, беше претепан до смрт пред тој фолк клуб на На 7 април околу 3,30 часот, дотичниот го избришал својот Фејсбук профил.

 

Покрај таа дискотека, го поврзуваат и со кафулето „Манго“, чии активности сега на својот профил ги објавува неговиот татко Митре Дицевски. Затоа, не е чудно што кога се распрашувавме во Скопје за вистинските сопственици на „Привилиџ“, многу наши соговорници избегнаа да одговорат. Народниот клуб „Привелиџ“ е запечатен со решение на Државниот пазарен инспекторат при Министерството за економија на Македонија на 12 февруари, бидејќи на Стаменков не можел да му биде врачено решение за затворање на клубот на 16 февруари бидејќи немал важечка лиценца. Иако државниот инспекторат ја има адресата и бројот на мобилниот телефон на одговорното лице! Увидот бил извршен на 13 февруари, кога било констатирано дека фирмата со која раководи Стаменков нема дозвола за работа - пишува „Јутарњи“.

Хрватскиот весник пренесува и анализа на ИРЛ за хаосот со ноќните клубови во Скопје.

„Хаос и беззаконие“ е главниот лајтмотив на истражувачката статија за ноќните клубови во Скопје, објавена на порталот Research Reporters’ Laboratory Macedonia само осум дена пред да биде убиен хрватски ракометар во клубот „Привилиџ“ во градскиот парк во Скопје. Новинарите на тој портал спроведоа опсежна истрага, поткрепена со документи, интервјуа и сведоштва кои укажуваат дека ноќните клубови како „Привилиџ“ се надвор или на работ на законот.

 

„Ноќна шема на Скопје: чии се ноќните клубови“ е насловот на текстот. Луѓето од бизнисот, политиката и забавата го чуваат просторот за дискотеки во градскиот парк. Работат на црно и без договори и лиценци, но се надвор од радарот на институциите кои ги штитат. Тие се дел од општеството на Енвер Малиќи. Дарко Гелев Брејк, поп ѕвезда и бизнисмен е дел од луѓето кои се занимаваат со овој бизнис. Тој е зет на Светозар Јаневски, попознат по прекарот Свето Пивара, кој во 90-тите стана сопственик на Пивара Скопје, која од него ја купија Хајнекен и Кока Кола пред повеќе од една деценија, а тој сега е посветен на виното -  пренесува „Јутарњи“.

Целиот текст на „Јутарњи“.

The post „Јутарњи лист“: Вистинскиот газда на ноќниот клуб го избришал профилот по смртта на ракометарот Денис Тот appeared first on Република.

Хрватските медиуми се упорни да се дознае вистината  за убиството на ракометарот Денис Тот пред клубот „Привилиџ“ во Градскиот парк.

„Јутарњи лист“ објавува информации за можните сопственици за дискотеката. Се споменува името на извезен Цветко Дичевски со прекар Цвеле Привилиџ“ кој наводно има досие за обид за убиство од 2013 година и кој по последниот настан го избришал Фејсбук профилот.

„Јутарњи“ забележува дека е тешко да се дознае кои се вистинските газди на дискотеката која ја нарекуваат „народњачки“ клуб.

Хаос и беззаконие е описот на „Јутарњи“ за ноќните клубови во Скопје.

Мафијата историски отсекогаш се обидувала да го контролира ноќниот живот до одреден степен затоа што им нуди многу придобивки: од нелегалниот пазар на дрога до голем број креативни начини за перење валкани пари-пишува „Јутарњи“.

The post „Јутарњи лист“: Хаос и беззаконие владее во ноќните клубови во Скопје кои ги контролира мафијата appeared first on Република.

Управителот и сопствениците на „Привилиџ“ ќе одговараат согласно законските одредби, рече вечерва министерот за економија Крешник Бектеши во емисијата „Топ тема“ на Телма ТВ за ноќниот клуб кој работел без лиценца, а пред кој се случи убиството на хрватскиот ракометар Денис Тот.

Ноќниот клуб во Градскиот парк во Скопје веќе имал забрана за работа која не ја почитувал, а по убиството на ракометарот пред оваа дискотека, Државниот пазарен инспекторат (ДПИ) повторно отиде на терен и го затвори.

Во однос на локалот кој немал лиценца за вршење на одредена дејност, во овој случај на ноќен клуб, ние отворено и транспарентно кажавме дека ова не е обврска на Министерството за економија, не е ни на Владата, тоа е на инспекторатите. Колку што сум информиран од страна на ДПИ тие веќе направиле контрола и веќе е затворен. И претходно иако имал забрана за вршење на дејност тие работеле и согласно тоа ќе одговараат согласно законите во нашата државата. Ние секако дека како институција како Министерство за економија кое води регистар за давање лиценци за ноќни клубови во Секторот за туризам од вчера веќе ја известивме и МВР и јавноста дека тој локал не поседува лиценца и сега надлежните институции треба да постапат согласно законските одредби, рече Бектеши.

Тој повика институциите, како што е обвинителството, понатаму што побргу да ја завршат работата.

The post Бектеши: Управителот и сопствениците на „Привилиџ“ ќе одговараат согласно законските одредби appeared first on Република.

Хрватскиот ракометар Денис Тот кобната ноќ седел во исто сепаре со тројцата осомничени за неговото убиство. Според „Јутарњи лист“, хрватскиот ракометар еден дел од вечерта во ноќниот клуб ја поминал со Клементина Л.(19) , Ангело Ѓоргиевски (28) и Андреј К.(22), кои по излегување од дискотеката го претепале Тот.

Која била причината тројцата да го нападнат ракометарот заега не е познато. Она што официјално е информирана јавноста, и од она што министерот Оливер Спасовски го кажа, е дека Тот и Клементина се познавале од претходно и дека нешто во нивниот меѓусебен однос е причина за инцидентот.

Ракометари на РК„Бутел“ за „Јутарњи“ рекле дека во „Привилиџ“ не оделе често, но дека заедно целиот тим биле таму пред два месеци за да ја прослават победата над „Е. Пелистер“.

The post Ракометарот се познавал со девојката која го удираше пред клубот appeared first on Република.

Пазарната инспекција попладнево ја затвори дискотеката „Привилиџ“ во Градскиот парк, потврди за „Слободен печат“ директорката на ДПИ, Анета Симеска.

Причината поради која диско клубот е затворен, според неа е непочитување на решението за привремена забрана за дејност кое претходно му било издадено на клубот поради немање лиценца.

Пред дискотеката минатата недела убиен беше 27-годишниот хрватски ракометар Денис Тот, присутен на организирана забава која траела до доцните утрински часови.

The post Затворена дискотеката пред која беше претепан хрватскиот ракометар appeared first on Република.

Министерот за економија, Крешник Бектеши, потврди дека дискотеката „Привилиџ“, пред која беше убиен хрватскиот ракометар Денис Тот, немала лиценца за работа, тврди „Слободен печат“.

Државниот пазарен инспекторат може да излезе на терен и да провери околу ова – додаде Бектеши.

Истиот извор наведува дека од државниот пазарен инспекторат најавиле дека повторно ќе постапат за овој ноќен клуб, иако наводно и претходно постапувале.

Пред ноќниот клуб „Привилиџ“, претепан до смрт беше ракометарот Денис Тот. За неговото убиство, се товарат три лица, од кои две се во триесетдневен притвор. Првоосомничениот Анџело Ѓоргиевски е во бегство и истражните органи петти ден не откриваат дали ја напуштил државата или е во земјава.

The post Дискотеката пред која беше убиен Тот, работи без лиценца: Министерот Бектеши бара инспекција appeared first on Република.

Хрватските медиуми со големо внимание ја следат ситуација со ракометарот на Бутел, Денис Тот, кој се наоѓа во критична состојба по вчерашното претепување во Скопје.

Според порталот „Вечерњи“ хрватскиот ракометар бил претепан во ноќниот клуб „Привилиџ“, а снимките од безбедносните камери биле избришани.

– Инцидентот се случил во ноќниот клуб „Privilege“, а снимките се исбришани. Некој знае што прави, пишува порталот повикувајќи се на лице познато на редакцијата.

Денис Тот има бројни повреди по целото тело, многу фрактури и најверојатно е удиран со тапи предмети, но и со раце и нозе.

Родителите на 27-годишниот ракометар допатуваа во Скопје.

Се очекува во текот на денешниот ден, МВР да даде официјални информации за инцидентот

The post Хрватскиот ракометар бил претепан во клубот „Привилиџ“, веднаш избришани снимките од камерите appeared first on Република.