Утрово околу 06.00 часот полициски службеници од Полициската станица Струмица ги лишиле од слобода С.И. (32) и Р.И. (31) и двајцата од Струмица.

Истиот ден околу 04.30 часот во СВР Струмица било пријавено дека во магацински простор на угостителски објект во Струмица С.И. извадил пиштол кој го вперил кон двајца од вработените и се обидел да го употреби, но истиот не испукал, а при обид да го репетира од страна на други присутни, пиштолот му бил одземен.

На настанот, според пријавеното, му претходело недоразбирање помеѓу Р.И. и дел од вработените, по што Р.И. си заминал од местото и по околу половина час повторно се вратил заедно со С.И. притоа Р.И. физички нападнал некои од вработените, а С.И. се обидел да го употреби пиштолот.

Од страна на полициски службеници од СВР Струмица на лице место бил пронајден и подигнат неиспукан куршум од пиштолот, а по одземање на пиштолот во рамката од истиот биле пронајдени уште 5 куршуми.

Лицата се задржани во Полициска сттаница Струмица, за настанот е запознаен Јавен обвинител од Основното јавно обвинителство Струмица и по целосно документирање на настанот против нив ќе биде поднесена соодветна пријава.

The post Приведени две лица кои нападнале вработени во угостителски објект во Струмица appeared first on Република.

На подрачјето на Гази Баба синоќа во 23.00 часот полициски службеници од Единицата за интервентна полиција при СВР Скопје ги лишиле од слобода С.Ј.(32) и М.М.(34), двајцата од Скопје.

Како што соопштија од МВР, тие околу 20.00 часот во спортска обложувалница во село Стајковци со закана од вработениот одзеле пари.

Од полициски службеници од Единицата за внатрешни работи Гази Баба бил извршен службен разговор со пријавените, при што тие во целост го појасниле начинот на извршување на кривичното дело. По целосно документирање на случајот од страна на ЕВР-Одделение за криминалистички работи Гази Баба ќе биде поднесена кривична пријава за сторено кривично дело „разбојничка кражба“ по чл.238 од Кривичниот законик.

The post Приведени две лица, расчистена разбојничка кражба од обложувалница appeared first on Република.