Данела Арсовска ја замајуваше јавноста и лажеше дека нема долг на ЈСП кон приватните превозници, а потоа откако ја тужеа, долгот се плати и со судска пресуда се констатираше дека има и долг за затезни камати и судски трошоци, реагираат од ВМРО-ДПМНЕ.

Оттаму посочуваат дека во судската пресуда, се констатира долг на ЈСП од над еден милион евра кон приватните превозници и дека тој долг Арсовска на рати го исплаќала кон приватниците. Во судскиот документ се пресудува и дополнително исплаќање на затезни камати, казни и судски трошоци, во износ од еден и пол милион денари.

По ова, се разобличија сите лажни тврдења на Арсовска, дека не им должи на приватните превозници, по што граѓаните на Град Скопје со месеци беа блокирани, се случуваше хаос во градот, а градскиот превоз тотално крахираше.

Данела Арсовска, да не се крие, бидејќи е должна пред скопјани, да се извини и да одговори:

Зошто свесно лажеше за долгот кон приватните превозници?

Зошто со своите постапки, директно дозволи да се блокира Скопје со месеци?

Зошто го оптовари градскиот буџет, за плус милион и пол денари, кои сега треба да ги платат граѓаните?, се вели во реакцијата на ВМРО-ДПМНЕ

The post ВМРО-ДПМНЕ: На лагите на Арсовска дека не должи на приватните превозници им дојде крајот appeared first on Република.

На виделина излезе дека ЈСП раководено од страна кадарот на Данела Арсовска и СДС на приватните превозници им должел 1,5 милиони евра, велат од ВМРО-ДПМНЕ, додавајќи дека пред една година Арсовска и тогашниот директор на ЈСП со триста манипулации и клевети се обидуваа да го докажат спротивното, но еве вистината излезе.

Освен што се потврди долгот на ЈСП кон приватните превозници, сега со народни пари треба да се платат дополнителни 1,5 милиони денари за затезни камати и судски трошоци.

И доколку долгот мораше да се исплати, не смееше да дојде до тоа да бидат исплатени овие казнени 1,5 милиони денари. За трошењето за овие средства, но и состојбите со јавните претпријатија во Градот Скопје, главна причина е нерационалноста и инаетот на Арсовска. Таа наместо да се зафати со реализација на програмата и проектите од програмата за која доби поддршка од граѓаните, се зафати со сплеткарења, кавги, клевети, обвинувања, кочења, а сега гледаме и со плаќање на затезни камати и судски трошоци, вели ВМРО-ДПМНЕ.

The post Поради нерационалноста на Арсовска ќе се исплатат 1,5 милиони евра долг кон приватните превозници и целосно непотребни 1,5 милиони денари камати и судски трошоци appeared first on Република.

Јавното сообраќајно претпријатие никако да ја заврши финансиската голгота со приватните превозници, без кои не може да фукционира градскиот превоз, колку и тоа да го порекнува градоначалничката Данела Арсовска. Всушност, таа го порекнуваше и милионскиот долг кон приватните превозници, за да на крај испадне дека ЈСП навистина им ги должи тие пари, објави „Нетпрес“.

После долги превирања, јавни препукувања, ароганции, протести, хаос во градскиот сообраќај, долгот сепак е исплатен, но, тоа што остана недокажано е: што со казнетите камати за долгот кои беа дел од тужбата на „Слобода превоз“?

Веројатно и очекувано, Основниот суд Скопје вчера донесе одлука дека ЈСП треба да му исплати на „Слобода превоз“ камати за долгот од 61.812.596 денари (за период од 15.9. 2022 до 18.5.2023 година). Значи, освен што од градската каса им беше исплатен милионскиот долг, во недоличен процес на јавни препукувања, сега Градот ќе треба да плаќа и камати, наместо да не негираше дека постои долг и да го исплати тоа што го должи пред приватните превозници да поднесат тужба.

Во судскиот процес, тужбата за исплата на главниот долг е повлечена, бидејќи во меѓувреме ЈСП целосно го исплаќа долгот, но сепак, казнените камати останале.

Според пресудата, ЈСП се задолжува на „Слобода превоз“ да му плати законска казнена камата во висина од референтната стапка на НБМ и тоа:
„На платен износ од 82.146 сметано од 15.9.2022 до 28.2. 2023
На платен износ од 9.931.718 денари сметано од 15.9 2022 до 17.3.2023
На платен износ од 411.367 (од 15.9.2022 до 22.3.2023)
На платен износ од 589.487 9 (од 15.10 2022 до 22.3.2023)
На платен износ од18.696.842 (од 15.10.2022 до 22.3.2023)
На платен износ од 968.707 (од 15.10 2022 до 18.5.2023)
На платен износ од25.132.329 ( од15.11.2022 до 18.5.2023)“.

Исто така, „ЈСП се задолжува да му плати на Слобода превоз 7.200 денари како надоместок при доцнење на исполнување на парична обврска и да му ги надомести трошоците во постапката од 272.093 денари“.

Целиот текст тука

The post Поради инаетот на Арсовска, сега ЈСП ќе плаќа и камати за долгот кон приватните превозници appeared first on Република.

Кратко траеше љубовта меѓу Град Скопје, ЈСП „Скопје“ и приватните превозници, бидејќи, како што дознава „Плусинфо“, јавното претпријатие не ја врши исплатата според договорената динамика. На приватниците им доцни исплатата за јуни, јули и за август. Авансот не се дава редовно, па поради тоа дел од нив најавуваат повторен штрајк доколку не се намират сметките.

Сопственик на приватен автобус во неформален разговор за „Плусинфо“ признава дека повторно е закочена исплатата и дека веќе цели три месеци не им е исплатен ниту еден денар на сметката.

Јас сум сопственик на приватен автобус и можам да кажам дека повторно започнаа проблемите со исплатата на парите од страна на ЈСП. Веќе ни доцнат повеќе од 3 месеци, а никој не ни кажува во што е проблемот. Ова е неприфатливо и неодговорно од ЈСП, кое е јавно претпријатие и треба да ги почитува своите обврски кон приватните превозници. Ние сме во многу тешка финансиска ситуација поради оваа задоцнета исплата. Имаме трошоци за гориво, сервис на возилата, осигурување, плата за возачите и за други работници. Ние не можеме да работиме без пари. Не можеме да ги задоволиме ниту своите потреби, ниту потребите на патниците, кои заслужуваат квалитетен и безбеден превоз, вели тој за порталот.

Сопственикот истакна дека во моментов бараат од ЈСП да им ги исплати сите пари што е можно поскоро.

Ако не го направат тоа, ние ќе бидеме принудени да престанеме со работа и повторно да штрајкуваме. Навистина не сакаме да дојде до тоа, бидејќи тоа би значело уште поголем хаос и незадоволство во јавниот превоз. Сакаме да работиме во партнерство со ЈСП „Скопје“ и да обезбедиме добар сервис за граѓаните, но за тоа треба да имаме фер и редовна исплата, ни изјави тој.

Повеќе на „Плусинфо“

The post Скопје пред нов колапс? Град Скопје и ЈСП трет месец им доцнат со исплатата на приватниците appeared first on Република.

Јавното сообраќајно претпријатие – Скопје на социјалните мрежи објави дека е потпишан договор со приватните автобуски превозници и  тие од денеска повторно ќе почнат да сообраќаат низ улиците на Скопје.

Од утрово приватните превозници ќе ги опслужуваат линиите 23, 45, 61, 63, 73, 9, 11, 11A, 12, 47A, 55, 19, 20, 22, 52, 54, со  105 модерни автобуси.

The post Приватните превозници од денеска повторно низ скопските улици appeared first on Република.

Јавното сообраќајно претпријатие – Скопје на социјалните мрежи објави дека е потпишан договор со приватните автобуски превозници и од утре тие повторно ќе почнат да сообраќаат низ улиците на главниот град.

Како што се наведува во објавата, договорот е потпишан денеска од страна на новиот в.д. директор на ЈСП Скопје Крсте Петревски и претставниците на приватните превозници и дека веќе од утре приватните превозници ќе ги опслужуваат линиите 23, 45, 61, 63, 73, 9, 11, 11A, 12, 47A, 55, 19, 20, 22, 52, 54, со, како што се вели, 105 модерни автобуси кои ги исполнуваат еколошките стандарди согласно јавниот повик.

- Со новиот начин на работа и стандардизацијата во јавниот превоз, граѓаните ќе добиваат квалитетна и навремена услуга, а буџетите на Град Скопје и ЈСП Скопје ќе бидат заштитени од злоупотребите и самоволието кое во минатото било пракса, се вели во објавата на ЈСП Скопје.

The post Конечно добра вест и од Град Скопје: Приватните превозници почнуваат да возат appeared first on Република.

Приватните превозници ќе се вратат на улиците низ градот до крајот на месецов, тврди градоначалничката Данела Арсовска во интервју за „10 минути“ на ТВ21.

Она кое го имавме како постапка, беше прекинато на два пати. Имаа недостатоци во документацијата, сега им е целосна документацијата, и во рамки на законски, јавниот повик е исполнет, договорот се склопува неделава, и очекувам скоро дека ќе се реши. Од прилика осум дена од потпишувањето на договорот приватните автобуси ќе се вратат на улиците и очекувам тоа да биде кон крајот на овој месец. Ова што го направија во изминатите неколку дена, имаше проверка во ЈСП на ГПС системите, и тоа како постапка беше завшрено, и сега следува само официјализација на договорот, рече Арсовска.

Скопје е со редуциран јавен превоз повеќе од пет месеци.

The post Приватниците до крајот на мај се враќаат во превоз, ветува Арсовска appeared first on Република.

Град Скопје денеска објави нов јавен повик за враќање на приватните превозници во јавниот превоз. На првите два повици немало пријавени, а како што информираат од Градот, третиот повик е пропаднат поради нецелосна документација на подносителите на апликациите.

Подносителите на апликациите имаа нецелосна документација. Постапката е во тек, и се надеваме дека набрзо ќе биде успешно спроведена, за што ќе бидете навремено известени, велат за МИА од Град Скопје.

На веб-страницата на Градот денеска беше објавен нов оглас со идентични услови како и на претходниот. Огласот е отворен до 24 април.

Се бараат превозници за линиите со број 9,11,11А,12,19,20,22,23,45,47А,52,54,55,61,63 и 73. За овиие линии потребни ќе бидат 115 автобуси и 245 возачи.

The post Приватни автобуси уште нема, поради „нецелосна документација“ пропадна третиот повик на Град Скопје appeared first on Република.

Ќе биде распишан нов повик за вклучување на приватните автобуски превозници во јавниот превоз во главниот град, потврдија за МИА од Град Скопје.

Дел од приватните превозници на 1 март по средбата со градоначалничката Данела Арсовска објавија дека е постигнат договор и оти ќе се пријават на повикот.

Конечно имаме договор со Градот Скопје, ги договоривме сите детали, од исплатата на долгот на ЈСП од 1,5 милиони евра, до пуштањето на јавните повици, изјави членот на приватните превозници,

Постигнат е договор со Градот Скопје, ги договоривме сите детали, од исплатата на долгот на ЈСП од 1,5 милиони евра, до пуштањето на јавните повици. На тој јавен повик ќе се пријавиме сите, нема причина да не се пријавиме, условите ни одговараат, изјави превозникот Јовица Зафировски по средбата.

Приватните превозници, кои имаат ново координативно тело за преговори, се надеваат дека ќе се вратат во сообраќај до 20-ти овој месец.

По ова од Град Скопје испратија соопштение во кое најавија дека ќе објават нов јавен повик за линии за приватните превозници.

Јавниот повик ќе ги содржи условите за аплицирање како и во претходните два јавни повици, со тоа што ќе може да аплицира секој превозник кој планира чесно и одговорно да се држи до договорот за јавен превоз. На овој јавен повик, нема да можат да учествуваат „Слобода Превоз“ и „Макекспрес“ поради пречките кои произлегуваат од претходниот, сега раскинат договор кој предвидуваше забрана за учество на јавен повик доколку договорот се раскине пред истекот на истиот и по нивна вина, се вели во соопштението од Град Скопје објавено на 1 март и кое може да се најде и на нивната веб-страница.

Во соопштението Град Скопје посочува дека нема никаков долг кон превозниците, и оти договорните одредби предвидуваат единствено услови за вршење превоз на територија на градот.

Што се однесува до тековните обврски од ЈСП Скопје кон приватните превозници, истите ќе бидат исплатени согласно потпишаните договори, додека трае јавниот повик за нови договори за јавен превоз, се вели во соопштението.

Приватните превозници во ноември 2022 година престанаа да бидат дел од градскиот јавен превоз поради долгови што бараа да им бидат исплатени од Град Скопје. Кон крајот на ноември и почетокот на декември со повеќе од 300 автобуси паркирани на клучните крстосници го блокираа главниот град. Во меѓувреме, градските власти ги отфрлаа наводите дека им должат пари, но инспекцискиот надзор покажа дека Град Скопје не во право.

Јавниот градски превоз, во меѓувреме, продолжи да сообраќа само со автобусите на ЈСП, а Град Скопје објави два огласи за приватни превозници на кои не се пријави ниту една компанија.

The post Денеска ќе биде распишан нов повик за приватни превозници appeared first on Република.

Утре ќе биде распишан нов повик за вклучување на приватните автобуски превозници во јавниот превоз во главниот град, потврдуваат за МИА од Град Скопје.

Претходно, на 1 март од Град Скопје најавија дека ваков повик ќе биде распишан наскоро, но, тогаш нагласија дека „Слобода Превоз“ и „Макекспрес“ нема да може да учествуваат на него поради пречките кои произлегуваат од раскинатиот договор кој забранува учество на јавен повик доколку договорот биде раскине пред истекот и по нивна вина.

Јавниот повик ќе ги содржи условите за аплицирање, како и во претходните два јавни повици, со тоа што ќе може да аплицира секој превозник кој планира чесно и одговорно да се држи до договорот за јавен превоз, посочија во тогашното соопштение од Град Скопје.

Од Градот напоменаа дека тие немаат никаков долг кон превозниците, а оти договорните одредби предвидуваат единствено услови за вршење превоз на територија на Скопје.

Од друга страна, во врска со долгот на ЈСП „Скопје“ кон приватните превозници, од Градот во соопштението посочија дека дека средствата ќе бидат исплатени согласно потпишаните договори, додека трае јавниот повик за нови договори за јавен превоз.

The post Градот Скопје утре ќе распише нов повик за вклучување на приватните автобуски превозници во јавниот превоз appeared first on Република.

Конечно имаме договор со Градот Скопје, ги договоривме сите детали, од исплатата на долгот на ЈСП од 1,5 милиони евра, до пуштањето на јавните повици, изјави членот на приватните превозници, Јовица Зафировски.

На денешната прес-конференција, Зафировски информираше дека јавните повици за сите линии ќе се објават во петок или во понеделник.

На тој јавен повик ќе се пријавиме сите, нема причина да не се пријавиме, условите ни одговараат. Очекуваме дека до 20 овој месец ќе почнеме со работа, рече тој, појаснувајќи дека ќе има три јавни повици, односно три пакети и ќе бидат опфатени сите линии, меѓутоа, со нова прераспределба.

Зафировски рече дека засега немаат потпишано ништо туку ова им било презентирано усно.

Во врска со застареноста на некои од автобусите, Зафировски рече дека целата листа на автобуси е доставена до Град Скопје и дека градоначалничката изразила подготвеност да ги субвенционира во тој дел.

Приватните превозници во ноември 2022 година престанаа да бидат дел од градскиот јавен превоз поради долгови што бараа да им бидат исплатени од Град Скопје. Кон крајот на ноември и почетокот на декември со повеќе од 300 автобуси паркирани на клучните крстосници го блокираа главниот град. Во меѓувреме, градските власти ги отфрлаа наводите дека им должат пари, но инспекцискиот надзор покажа дека Град Скопје не во право.

Јавниот градски превоз, во меѓувреме, продолжи да сообраќа само со автобусите на ЈСП, а Град Скопје објави два огласи за приватни превозници на кои не се пријави ниту една компанија.

The post Долгот ќе биде исплатен, приватните превозници ќе почнат со возење најдоцна до 20 март appeared first on Република.

Приватните превозници во јавниот автобуски превоз и Град Скопје денеска постигнаа договор за исплата на долгот од 1,5 милиони евра, повтрди за МИА од членот на приватните превозници Јовица Зафировски.

Тој потенцита дека повеќе детали ќе објавува на денешната прес-конференцијата закажана за во 11 часот.

Инаку, приватните превозници во ноември 2022 година престанаа да бидат дел од градскиот јавен превоз поради долгови што бараа да им бидат исплатени од Град Скопје. Кон крајот на ноември и почетокот на декември со повеќе од 300 автобуси паркирани на клучните крстосници го блокираа главниот град. Во меѓувреме градските власти ги отфрлаа наводите дека им должат пари, но инспекцискиот надзор покажа дека Град Скопје не во право.

Јавниот градски превоз, во меѓувреме продолжи да сообраќа само со автобусите на ЈСП, а Град Скопје објави два огласи за приватни превозници на кои не се пријави ниту една компанија.

The post Приватните превозници и Град Скопје постигнаа договор appeared first on Република.

Приватните автобуски превозници се примени на средба во Град Скопје откако вчера најавија дека добиле покана за средба од Градот за денеска во 9 часот. Тие минатиот понеделник откако не беа примени во Јавното сообраќајно претпријатие - Скопје, најавија дека повторно ќе почнат со протест преку блокади од денеска ако не бидат примени и не се најде решение за долгот којшто тврдат дека го има Град Скопје кон нив.

Град Скопје ги раскина договорите со приватните превозници кои пред Нова Година блокираа повеќе сообраќајници во центарот на Скопје со барање да им бидат исплатени парите, што пак градоначалничката Данела Арсовска негира дека Градот им е должник.

Средбата не се знае до кога ќе трае, но превозниците се надеваат на добар исход.

The post Приватните автобуски превозници на средба во Град Скопје appeared first on Република.

 Верувам дека со приватните автобуски превозници треба да се разговара и за сите проблеми да се најде решение, меѓутоа тоа во ниту еден случај не смее да биде на штета на Градот Скопје, а Градот и скопјани претрпеа сериозна штета од нивните постапки и однесување, изјави скопската градоначалничка Данела Арсовска во интервју за МИА.

Таа вели дека понудата на Градот за ангажирање на приватните превозници преку јавните повици било во најдобар интерес на сите, но бидејќи никој не се пријавил на нив таа тема, според неа, веќе е затворена.

- Објавивме јавни повици на коешто викавме сите коишто имаат намера и коишто декларативно кажуваат дека и претходно чесно работеле и чесно ја вршеле својата дејност и сега да пристапат кон тоа и да можат да ја работат чесно работата во којашто практично се вложиле себеси или инвестирале за да ја вршат како дејност. Меѓутоа, за жал, никој од нив не се охрабри, не се појави на тој јавен повик, со што сметам дека оваа тема е и затворена, истакна Арсовска.

Околу тоа дали сепак ќе се бара некое решение или превозниците ќе останат колатерална штета во целата приказна, Арсовска вели дека пред да се предизвика целиот хаос во градот требало да се размислува за реперкусиите за сите граѓани на Скопје.

- Затоа што некој свесно ги довел во состојбата во која што се, сега имаме свесно креиран предизвик во Градот Скопје со којшто ЈСП се обидува да се справи и да доведе до тоа да имаме примарно квалитетна услуга за скопјани во делот на јавниот превоз, додаде Арсовска.

Таа потенцира дека во овој момент Градот Скопје е фокусиран да најде квалитетно системско решение и да изготви реформа во јавниот превоз, којашто, според неа, мора да биде нешто што ќе го опфати целиот град и сите места каде што сега или ретко или пак воопшто не сообраќаат автобуси. Нагалсувајќу дека повеќе од 40-тина година не е направена сообраќајна студија во Градот, Арсовка вели дека на скопјани треба да им се понуди еден концепт со којшто трајно ќе биде решено сето она што го имале како проблем или како предизвик.

Во врска со одлуката на градскиот Совет да не го поддржи предлогот за задолжување на Градот Скопје за набавка на нови еколошки автобуси, Арсовска смета дека во овој случај одговорноста паѓа на советниците, кои ги прават тие „кочници“ од политичка природа.

- Јас не верувам дека кој било од тие советници лично смета дека не е добро скопјани да добијат ефикасен и еколошки јавен превоз, рече Арсовска, изразувајќи уверување дека на следната седница на градскиот Совет, што трба да се одржи кон крајот на месецов, советниците ќе го подржат тој предлог и дека до крајот на годината ќе може да го исполни ветувањето дадено на скопја за обебзедување еколошки автобуси.

Градоначалничката Арсовска во интервју за МИА говори и за прашања поврзани со нејзиното разрешување од претседателската функција во ЗЕЛС, предизвиците и проблемите настанати во недостиг на поддршката од Советот ,како и за градежниот хаос во главниот град, последните случувања во МКЦ.

The post Арсовска: Со приватните превозници треба да се најде решение, но не на штета на Скопје appeared first on Република.

Приватните автобуски превозници утрово се собраа пред седиштето на Јавното сообраќајно претпријатие „Скопје“ со барање за средба со директорот за решавање на нивниот проблем со долгот, со цел да можат повторно да почнат со работа, но беа одбиени со образложение дека тој не е присутен и е на друг состанок.

Тие велат дека ќе побараат прием и кај скопската градоначалничка Данела Арсовска, како и кај премиерот Димитар Ковачевски, и доколку не бидат примени и од Градот Скопје и од Владата, тогаш како единствено излезно решение го гледаат протестот.

Финансиски сме исцрпени, веќе не работиме три месеци, но сепак ќе ги сервисираме автобусите и ќе бидат во функција. Најпотребни ни се финансиските средства. Да го договориме начинот на исплата, да ни ги исплатат средствата, автобусите ќе ги активираме повторно, додаде Зафировски.

На прашањето што ќе направат доколку нема средба ни со директорот, ни со Град Скопје, ни со Владата, Зафировски одговори дека единствен излез како демократско право е протестот.

The post Приватните автобуски превозници најавуваат нови блокади appeared first on Република.

Дел од приватните превозници најавија протест за денеска од девет часот пред седиштето на ЈСП во Автокоманда.

Исен Халили од „Макекспрес“ во изјава за МИА вели дека викендов се одржал состанок на лица од двете компании, на кој е одлучено да се протестира во текот на денешниот ден. Како што нагласи Халили, целата работа околу решавањето на нивниот проблем се одоговлекува, а тие се без работа и имаат трошоци.

На протестот ќе се бара средба со директорот на ЈСП, а се подготвуваат и барања за прием до Град Скопје и до Владата.

И Милоград Димитриевски, еден од сопствениците на „Макеспрес“ потврди дека таков состанок е одржан.

– Превозници од „Макекспрес“ и „Слобода превоз“ сами одржале состанок и се договориле утре од девет часот да одржат протест пред седиштето на ЈСП во Автокоманда. Јас не бев присутен на тој состанок, но ја добив информацијата од колегите кои биле присутни, дека така е договорено. Има информации во јавноста дека 5.000 денари биле исплатени на „Слобода превоз“, по кој основ, не знам. Кај нас немаат префрлено ништо од 2 ноември наваму, вели Димитриевски за МИА.

The post Гужви во Автокоманда: Приватните превозници на протест пред ЈСП appeared first on Република.

Приватните превозници во понеделник најавуваат протест пред седиштето на ЈСП Скопје во Автокоманда.

Според официјални информации на Телма, тие ќе протестираат пред управната зграда на компанија и ќе си ги бараат парите, бидејќи, како што велат, им префрлиле само 5.000 денари.

The post Приватните превозници во понеделник на протест пред ЈСП, им префрлиле само 5.000 денари appeared first on Република.

Денеска завршува вториот јавен повик на Град Скопје за автобуските линии 9, 11 и 12. На првиот повик за линиите 20 и 22 не се пријави ниту еден приватен превозник.

Во меѓувреме Слобода превоз и Макекспрес ја очекуваат долгонајавуваната средба со премиерот Димитар Ковачевски.

УЈП изготви извештај за работењето на јавниот превоз.

Граѓаните се револтирани поради доцнењето на превозот а Град Скопје уверува дека ЈСП ги надополнува линиите што ги покриваа приватните превозници.

The post Денеска завршува вториот оглас на Град Скопје за избор на приватни превозници appeared first on Република.

Извештајот на Управата за јавни приходи (УЈП) се уште не е пристигнат во Владата и по неговото добивање се очекува министрите од економските ресори да одржат состаноци со приватните автобуски превозници и со Град Скопје.

Премиерот Димитар Ковачевски денеска одговарајќи на новинарски прашања по прес-конференцијата во Владата потврди дека извештајот на УЈП не е пристигнат во Владата.

– УЈП во рамки на своите надлежности прави контрола. Уште немаат завршено со извештај којшто е доставен до Владата. Кога тоа ќе биде направено, тогаш ќе можат министрите од економските ресори да се информираат за деталите и потоа задолжените министри ќе можат да одржат состаноци со Град Скопје и со приватните превозници, рече Ковачевски.

Тој посочи дека се работи за деловни односи меѓу приватните превозници, ЈСП и Град Скопје.

– Повторувам уште еднаш – тоа се исклучиво деловни односи меѓу приватните превозници, ЈСП и Град Скопје и дополнително деловни односи меѓу приватните превозници, затоа што ако ги видите видеата како држат состаноци меѓу себе, тоа и не е баш некое највисоко ниво од аспект на начин на одржување на состаноци, рече Ковачевски.

The post Извештајот за приватните превозници се уште не е пристигнат од УЈП до Владата appeared first on Република.

Пропаднаа обвинувањата на Данела Арсовска кон нас, тврдат приватните превозници. Тие велат дека инспекторите на Управата за јавни приходи два дена по ред ги чешлале документите на јавното сообраќајно претпријатие како и на компанииите „Слобода превоз“ и „Мак Експрес“ и единствено што откриле е дека ЈСП навистина ним им должи над милион евра.

– „Во записникот е константиран тој долг од увидот во целата сметководствена документација и сметам дека полека, полека сите лаги кажани во овој изминат период и сета оваа невоља која што ни се случи поради брзоплетоста, неправилното и несоодветното постапување, како и незнаење за менаџирање на процесите што доведоа до еден ваков колапс на јавниот превоз брзо ќе се констатираат и затоа треба некој да си понесе одговорност.“ – истакна Ленин Јовановски од „Слобода Превоз“.

Во меѓувреме кризата со јавнит превоз во Скопје се продлабочува. На градот му фалат скоро 50 автобуси и над 100 возачи. Додека се уште чека на ветената средба со Премиерот Ковачевски. По првиот оглас за линиите 20 и 22, градот Скопје објави и втор за избор на приватни превозници кои ќе бидат дел од јавниот превоз, овој пат за линиите 9, 11 и 12.

„Понудите ќе се оценуваат според возен парк, човечки ресурси, техничка логистика, искуство во вршење на општински линиски превоз на патници“ – пишува во огласот на јавното сообраќајно претпријатие.

Од Макекспрес и Слобода превоз согласни. Велат, на огласите никој не сака да се пријави.

– „Изминатите денови, во сите контакти кои што сме ги имале со нашите досегашни превозници, никој од нив не пројавил желба да се јави на тендерот. Сепак, се уште е рано, мислам дека луѓето се уште ги разгледуваат можностите, но, сите најавио се дека никој нема да се јави на овој тендер.“ – вели Милорад Димитриевски од „Мак Експрес“

Според овие два огласи, на ЈСП му се потребни севупно 48 автобуси и 103 возачи. Градоначалничката Арсовска, откако се скара со приватните превозници затоа што одби да го исплаќа милионскиот долг, своевремено тврдеше дека во Скопје воопшто нема недостаток на автобуси и дека ЈСП соодветно ги надополнува сите лини. Засега се чека на поканата за средба со премиерот, а ако тоа не се случи без соодветно оправдување, превозниците велат дека сите опции се на маса, па дури и повторно блокирање на градот.

Извор: Алфа

The post Приватните превозници тврдат: УЈП утврди дека ЈСП има милионски долг кон нив appeared first on Република.