Во врска со извршено кривично дело "Предизвикување омраза, раздор или нетрпеливост врз национална, расна, верска и друга дискриминаторска основа" по чл.319 од КЗ, по повод организираната прослава на албанското знаме на плоштад Скендербег во Скопје, при што по завршување на прославата од страна на повеќе лица на неколку локации на бул. "Крсте Мисирков", извршено е  палење и кинење на државното знаме на РСМ, од  страна на полициски службеници од ЕВР Центар и Бит Пазар,  заедно со ЕИП, во врска со настаните лишени се од слобода осум лица.
Од страна на Единицата за насилен криминал -  Одделение за насилен криминал преземени се оперативни мерки и активности, како и прегледи на видео снимки од безбедносни камери и видеа објавени на социјални мрежи, при што е обезбеден доказен материјал и документирани се дејствијата на лицата Ф.И., Е.Д. и С. М..
Во координација со ОЈО Скопје против нив е поднесена кривична пријава по брза постапка за кривично дело "Предизвикување омраза, раздор или нетрпеливост врз национална, расна, верска и друга дискриминаторска основа" по чл.319 од КЗ и се изнесени пред Судија за претходна постапка, од чија страна на истите им е одредена мерка притвор во траење од осум дена.

The post Одредена мерка притвор за тројцата учесници во инцидентите во Скопје, кои беа обвинети за предизвикување омраза и раздор appeared first on Република.

Основното јавно обвинителство Скопје поведе постапка против три почнолетни лица за кривично дело – Предизвикување омраза, раздор или нетрпеливост врз национална, расна, верска и друга дискриминаторска основа од член 319 став 1 од Кривичниот законик. Против уште едно малолетно лице ќе се води редовна постапка според Законот за правда за децата.

Осомничените на 28.11.2024 година околу 20:00 до 23:00 часот на булевар „Крсте Мисирков“ во Скопје, по завршување манифестација на плоштадот Скендербег по повод прослава на денот на албанското знаме, со излагање на подбив на национални симболи, односно со палење, уништување и кинење на државното знаме, предизвикале омраза, раздор и нетрпеливост врз основа на етничка припадност.

https://republika.mk/vesti/crna-hronika/toshkovski-za-vcherashnite-intsidenti-so-makedonskoto-zname-uapseni-se-8-litsa-megu-koi-i-maloletnik/

The post ОЈО бара притвор за три лица по сквернавењето на македонското знаме appeared first on Република.

Укинат му е притворот на Горан Весиќ, поранешниот српски министер за градежништво, неофицијално дознава Нова.рс.

Горан Весиќ беше уапсен минатата недела поради падот на настрешницата на железничката станица во Нови Сад, кога загинаа 15 лица, а двајца беа тешко повредени.

По рочиштето му беше одредена мерка притвор до 30 дена, а вчера беше примен во болница поради штрајк со глад.

Вонистражниот совет на Вишиот суд во Нови Сад, одлучувајќи по жалбите на Вишото Јавно Обвинителство и на бранителот на осомничениот, му го прекина притворот на осомничениот Горан Весиќ, утврдувајќи дека од наредбата за спроведување на истрагата, како и од докази доставени од Вишото јавно обвинителство Нови Сад во списите на предметот, засега не постои основано сомнение дека сторил тешко кривично дело против општата безбедност од чл. 288 ул. 2 од КЗ во врска со кривичното дело предизвикување општа опасност од чл. 278 ул. 3 во врска со ст. 2 од КЗ, што е неопходен услов за секое лице да биде приведено. Имајќи предвид дека јавниот обвинител за неговите тврдења изнесени во наредбата за спроведување на истрагата не достави докази што укажуваат на постоење на основано сомневање, мнозинството е на мислење дека во овој момент не постои основано сомнение за постоење на причинско-последична врска меѓу дејствијата опишани од обвинителот дејствијата и пропустите на осомничениот Горан Весиќ со последиците.

 

Како и при одлучувањето за притвор, судот е должен на прво место да утврди дали постои основано сомнение дека лицето за кое се предлага притвор сторило кривично дело, што во конкретниот случај засега не произлегува, советот оцени дека жалбите се нерелевантни наведува Вишото Јавно Обвинителство во насока на влијание врз сведоци и други стравови пропишани во член 211 став 1 во точките 1 до 4 од ЗКП, па на осомничениот Горан Весиќ му го прекина притворот и нареди да биде пуштен веднаш. Прекинувањето на притворот не влијае на понатамошната истрага“, се наведува во соопштението.

The post На доскорешниот српски министер за градежништво, Горан Весиќ, му е укинат притворот за несреќата во Нови Сад appeared first on Република.

Сите уапсени поради падот на настрешницата на Железничката станица во Нови Сад денеска ќе бидат сослушани, објави српски Блиц. Како што јавуваат, после тоа судот ќе донесе одлука за евентуален притвор.

Вишото јавно обвинителство во Нови Сад вчера соопшти дека се уапсени и приведени вкупно 12 лица во врска со трагедијата во Нови Сад, кога падна настрешница на железничката станица во Нови Сад, а вкупно 15 лица го загубија животот, додека двајца се тешко повредени.

Меѓу уапсените се Горан Весиќ, до неодамна министер за градежништво, транспорт и инфраструктура, потоа Анита Димовски, в.д. помошник министер за железници и интермодален транспорт и Јелена Танасковиќ, до неодамна вршител на должноста директор на „Српска железничка инфраструктура“. Горан Весиќ поднесе оставка на 5 ноември, додека Јелена Танасковиќ во средата.

Порталот Република јавува дека меѓу уапсените е и Небојша Шурлан, поранешен директор на „Српската железничка инфраструктура“, кој на оваа функција беше до март годинава, кога поднесе оставка.

The post Денеска ќе се одлучува за притворот за 12 уапсени поради трагедијата во Нови Сад appeared first on Република.

Јавен обвинител од Основното јавно обвинителство Скопје до судијата за деца при Основниот кривичен суд – Скопје поднел барање за поведување подготвителна постапка против дете во судир со законот родено 2009 година за кое постои основано сомнение дека извршило дејствија кои со закон се предвидени како кривично дело насилство од член 386 став 3 во врска со став 1 од Кривичниот законик.

Јавно обвинителство денеска соопшти дека на 25 октомври, детето заедно со други непознати лица, започнале разговор со малолетник, но набрзо потоа без особен повод започнале да го удираат со тврди предмети. Детето во судир со законот, се додава, извадило нож и ја прободело жртвата во натколеницата.

На 13 ноември, во автобус на ЈСП Скопје, тој, во група со уште три непознати лица, извршил грубо насилство и нанел телесна повреда – убоди со нож во главата на 15-годишник, со што кај останатите патници предизвикал чувство на несигурност, загрозување и страв, се вели во соопштението.

Јавниот обвинител до судијата за деца доставил и предлог за определување мерка притвор за детето во судир со законот.

The post Побаран притвор за 15 годишник кој со нож издупил друго дете во глава во автобус на ЈСП appeared first on Република.

Неверојатно, но вистинито - Ибро Берило, градоначалникот на општина Трново во Босна и Херцеговина, повторно победи на локалните избори, иако беше во притвор пред и за време на изборите, од каде водеше кампања!

Ибро Берило е во притвор под обвинение за системска корупција.

Кандидатот на Партијата за демократска акција (СДА) за градоначалник на општина Трново, со огромно мнозинство победи на локалните избори во таа општина во Босна и Херцеговина (БиХ), што само по себе не би било чудно да не се кандидирал на изборите. кампања од притвор, каде што е поради злоупотреба на положбата.

The post Ова го има само на Балкан: Градоначалник во Босна водеше кампања од притвор и победи appeared first on Република.

Во неделата наутро во 08.05 часот во СВР Скопје, од Казнено – поправната установа Затвор Скопје било пријавено дека во притворското одделение, во просторијата во која престојувал, бил пронајден починат осуденикот В.В.(36) од Скопје.

Лекар од Итна медицинска помош констатирал смрт без видливи траги од насилство, а по наредба на јавен обвинител телото на починатиот било дадено на обдукција.

The post Во притвор почина млад скопјанец appeared first on Република.

Раперот, продуцент и претприемач Шон „Диди“ Комбс ќе остане во притвор откако судијата не одобри кауција. Рап-ѕвездата се соочува со обвиненија за организирана секс-трговија, подведување и перење пари, како и бројни други обвиненија поврзани со настани од 2009 година досега.

Комбс (54) се изјасни невин по приведувањето и одредена му е мерка притвор додека трае судењето. Тој беше уапсен во Њујорк завчера. Обвинет е по три точки за сексуална злоупотреба на жени и принудување на учество во секс забави, на користење дрога, со закани и насилство.

Во Судот во њујоршката општина Менхетен, во присуство на членови на семејството кои дојдоа да го поддржат познатиот музичар, неговиот адвокат побара ослободување со кауција од судијката Робин Тарнофски.

Барањето е одбиено со објаснување дека постои загриженост за „неурамнотежена моќ“ во случајот каде што се вклучени луѓе може да бидат „подложни на принуда“, нагласи Тарнофски.

Таа, исто така, ја наведе неговата наводна склоност кон гнев, насилство и злоупотреба на супстанции, како можна опасност. Адвокатот на Комбс, Марк Агнифило рече дека ќе поднесе жалба.

Демијан Вилијамс, американски адвокат од Њујорк, рече дека истрагата е во тек, но Комбс е единственото обвинето лице досега. Според обвиненијата, Комбс наводно учествувал во континуирано вербално, емоционално, физичко и сексуално злоставување жени.

И покрај неговите напори да негува имиџ на деловен моќник, големиот број тужби го прикажуваат Комбс како насилник кон жените. Лавината обвинувања уследи откако пејачката Кеси, со вистинско име Касандра Вентура, минатата година тврдеше дека Комбс ја подложувал на физичко насилство и дрога повеќе од 10 години, а и ја силувал во 2018 година.

Тие двајца се запознале кога Вентура имала 19, а Комбс 37, по што таа потпишала договор со неговата издавачка куќа и почнале да излегуваат. Обвинението беше решено вонсудски, но тоа повлече низа други тужби за сексуални напади. Меѓу наведените случаи е и оној од декември, каде што жена тврди дека Комбс и други групно ја силувале кога таа имала 17 години.

The post Кауцијата не e одобрена – Диди останува во притвор appeared first on Република.

Основното јавно обвинителство Велес донесе Наредба за спроведување истражна постапка против мајката на 6-месечно бебе кое на 12 јули беше пронајдено оставено на клупа на улицата „8 Септември“. Бебето го забележал случаен минувач и го однел во ЈЗУ Општа болница Велес, каде било примено во тешка општа здравствена состојба.

Во текот на предистражната постапка, надлежен јавен обвинител издаде наредби за утврдување на ДНК профил на бебето и ДНК анализа со кои се утврди дека сега осомничената е биолошка мајка на бебето, која со грубо запоставување на својата должност за родителска грижа и воспитување го запуштила своето новородено дете и во услови на исклучително висока температура на воздухот од над 40 степени целзиусови, го оставила на клупа, необлечено, неухрането и дехидрирано. По приемот во велешката болница, таа на кратко го посетила бебето, по што си заминала и не се вратила. Поради тоа постои основано сомнение дека со ваквите дејствија таа сторила кривично дело – Запуштање и малтретирање на дете од член 201 став 3 во врска со став 1 од Кривичниот законик.

Кај хоспитализираното бебе било констатирано тешко нарушување на здравствената состојба, што надлежниот јавен обвинител го документираше со соодветна медицинска документација и вешт наод, а испитан е и сведокот кој го пронашол оставеното дете. Против осомничената, која е во бегство и недостапна на адресата на која престојувала во Велес, надлежниот јавен обвинител до судијата на претходна постапка достави предлог за определување мерка притвор. Предлогот е прифатен, а притворската мерка ќе започне да се применува веднаш по нејзиното пронаоѓање и лишување од слобода.

Детето е ставено под старателство на Центар за социјална работа и сместено во установа за згрижување деца без родителски надзор

The post Притвор за мајка од Велес: Го оставила бебето на клупа на 40 степени, неухрането и дехидрирано appeared first on Република.

Специјалниот суд во Хаг им го продолжи притворот на лидерите на поранешната ОВК, Хашим Тачи и Кадри Весели, кои се обвинети за воени злосторства и злосторства против човештвото.

Во образложението на решението е наведено дека советот констатирал дека доколку тие бидат ослободени, постои ризик да побегнат или да влијаат на сведоците и да се мешаат во работата на судот, пренесува онлајн весникот „Репортери“.

Тачи и Весели се во судски притвор во Шевенинген од ноември 2020 година, кога беа уапсени на Косово.

The post Продолжен притворот на Хашим Тачи и Кадри Весели appeared first on Република.

СВР Охрид поднесе кривична пријава против Х.П.(18), К.С.(20), Т.М.(19), А.С.(18) и Д.А.(19) сите од Скопје, поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанци и прекурзори“ и „овозможување на употреба на наркотични дроги“.

На 22.07.2024 во Охрид, полициски службеници извршиле преглед над пријавените, при што пронашле и одзеле амфетамин, таблета MDMA, марихуана и дробилка со остатоци од марихуана.

На пријавените им била изречена мерка притвор во траење од 30 дена.

The post Тинејџери од Скопје фатени со дрога во Охрид, добија притвор appeared first on Република.

Поранешниот припадник на ОВК, Блерим Рамадани од Косово, кој минатиот месец беше уапсен на косовско-македонската граница врз основа на потерница од Интерпол издадена на барање од Србија, избегал од куќен притвор од домот на роднини во земјава.

Од страна на надлежен судски орган доставена е документација до МВР за распишување на централна потерница за лицето Б.Р. бидејќи во моментов е недостапно за органите на прогонот. МВР презема мерки за пронаоѓање на лицето, потврдија од МВР за МИА.

Рамадани, врз основа на меѓународната потерница издадена до Интерпол од Србија, беше уапсен на 17 јули 2024 година на граничниот премин Јажинце и однесен на 30 дена екстрадиционен притвор во затворот во Шутка. Содржината на налогот за апсење се заснова на сомневањата на Србија дека Рамадани, како поранешен војник на ОВК, извршил воени злосторства во регионот на Неродиме.

На 1 август, мерката на Рамадани од надлежен македонски суд му беше преиначена од „притвор“ во „куќен притвор“ и тој, според решението, беше упатен на адреса во Скопје. Со оваа одлука се предвидуваше тој да остане во „куќен притвор“ до 16 август.

Српскиот министер за внатрешни работи Ивица Дачиќ за време на посетата на граничниот премин Табановце на 25 јули побара од скопските власти да ѝ го екстрадираат Рамадани на Србија. Прашањето за неговата екстрадиција беше отворено и при посетата на министерот за внатрешни работи на Косово, Џељаљ Свечља на Скопје на 31 јули. Свечља рече дека Скопје треба да одлучува самостојно, обвинувајќи ја Србија дека има тенденција да ги расипува односите меѓу државите од Западен Балкан.

Рамадани, според косовските медиуми, е третиот државјанин на Косово како поранешен војник на ОВК, уапсен во Македонија врз основа на српска потерница. Гафур Дуголи и Томор Морина беа уапсени во минатото, но со судска одлука беа ослободени.

The post Поранешниот припадник на ОВК, Блерим Рамадани избегал од куќен притвор appeared first on Република.

ОЈО Гостивар поднесе предлог за определување мерка краткотраен притвор од 48 часа со цел обезбедување одредени докази за трите приведени лица во врска со вчерашното убиство во Гостивар.

По истекот на тој законски рок, како што информираат од ОЈО Скопје, обвинителството ќе извести за истражната постапка и новите мерки за обезбедување што ќе бидат предложени.

- Согласно првичните сознанија, мотив за убиството се подолготрајни несогласувања и конфликти меѓу сторителите и жртвата, стои во соопштението од ОЈО.

Вчера околу 17:15 часот во СВР Тетово било пријавено дека во гостиварско село Дебреше со автоматско оружје било пукано кон Р.К.(35) од Дебреше.

- Како осомничени извршители на делото се браќата Ј.В и Б.В. од истото село. Тиe во моментот на извршувањето биле во патничко возило „Волво“ со швајцарски регистарски ознаки. Едниот од нив, Б.В. е приведен. Од него е одземена автоматската пушка со која го извршил делото, рече вчера портпаролот на ОЈО Гостивар.

The post Предлог за притвор за осомничените за убиството во Гостивар, мотив било несогласувања и конфликти appeared first on Република.

Судот му одреди мерка притвор од 30 дена на 40-годишниот скопјанец, осомничен за инцидентот со 4-те малолетници кои беа пронајдени во неговата куќа во бессознание, алкохолизирана состојба и под дејство на психотропни супстанци.

Против него Јавното обвинителство покрена истражна постапка поради постоење основи на сомнение за сторени кривични дела „тешки дела против здравјето“, „производство и тргување со штетни лековити средства“ и „опасно изложување“.

Состојбата создадена по консумирање алкохол и лекови предизвикала губење на контролата кај малолетниците, при што ја искршиле покуќнина и добиле телесни повреди.

Состојбата на децата кои се лекуваат на Клиниката за токсикологија се подобрува и ќе останат под лекарска грижа до понеделник наутро. Полицијата соопшти дека малолетниците консумирале алкохол и лекови.

Од Клиниката за токсикологија пред неколку дена информираа дека во примерокот од крвта нема присуство на алкохол, додека Јавното обвинителство пред неколку дена во најавата за отворање на истрагата соопшти дека осомничениот им нудел лекови на малолетници за да ги забавува додека конзумирање алкохол, додека тој лично ги користел за да се осамостои од алкохолот. За трите кривични дела поради кои е приведен 40-годишниот скопјанец ризикува затворска казна од можни 16 години.

The post 30 дневен притвор за скопјанецот кој им давал психотропни супстанци на четворицата малолетници кои завршија на Токсикологија appeared first on Република.

Расчистено е двојното убиство во Стајковци, кога маж ги усмрти братот и снаата. Осомничениот Љ.К.(66) од скопско Стајковци беше изведен пред судија на претходна постапка кој му определил мерка притвор во траење од 30 дена.

Полицијата против осомничениот поднесе кривична пријава поради постоење основи на сомнение за сторено кривично дело „убиство“ по член 123 од Кривичниот законик.

-Тој се сомничи дека на 14.05.2024 во домот во с.Стајковци со метален предмет ги нападнал неговиот брат В.К.(64) и неговата снаа С.К.(57), кои од здобиените повреди починале на местото, информира МВР.

Од Обвинителството соопштија дека тој со умисла ги лишил од живот својот брат и снаата.

-Осомничениот прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди, соопштија од Обвинителството.

По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка.

The post 30 дена притвор за осомничениот за двојното убиство во Стајковци appeared first on Република.

Основниот суд во Приштина соопшти денеска дека на српски државјанин, идентификуван со инцијалите С.М., му одредил едномесечен притвор поради постоење сомневања дека ги сторил кривичните дела „Здружување со цел противуставна дејност“, „Загрозување на лица под меѓународна заштита“, „Учество во толпа што врши кривично дело и хулиганство“ и „Напад врз службено лице“, поврзани со нередите од мај минатата година во Звечан во северно Косово, јави дописникот на МИА од Приштина.

Судот наведува дека „постојат правни причини за определување притвор, имајќи ги предвид начинот и околностите во кои се сторени кривичните дела, особено општествената опасност на кривичните дела, последиците од кои многу припадници на КФОР, полициски службеници, новинари и други граѓани се повредени“, а причинети се и „бројни материјални штети од опожарување и физички оштетувања.

С.М. е осомничен дека со група други осомничени учествувал во протестите организирани на 29.05.2023 година пред зградата на општина Звечан, нападнале припадници на КФОР и припадници на косовската полиција, како и користеле пена за блокирање на вентилацијата на полициски автомобил во кој во тие моменти биле заробени полициски службеници, а целта на пријавениот била да го спречи снабдувањето со кислород на овие полицајци, сериозно загрозувајќи ги нивните животи, со што дејствијата на овој обвинет ги исполнуваат сите елементите на кривичните дела за кои е осомничен, се наведува во судското соопштение.

Според образложението за определување притвор, доказите доволно покажуваат дека обвинетиот, доколку му се дозволи да се брани на слобода, ќе се обиде да ги промени доказите за кривичното дело, влијаејќи врз други осомничени кои се на слобода, како и други потенцијални сведоци“.

Во конкретниот случај постои и ризик од бегство на обвинетиот, тој лесно може да избега, имајќи го предвид фактот дека е државјанин на Србија и доколку биде ослободен може да избега, така што во овој случај определување притвор е неопходно и повеќе од оправдано, се наведува во соопштението.

The post Косово со притвор за српски државјанин за учество во протестите appeared first on Република.

Основниот суд во Урошевац денеска соопшти дека му изрекол мерка притвор во траење од 40 дена на македонски државјанин, кој е уапсен од косовската полиција на 3 мај, врз основа на меѓународна потерница, издадена на барање на Македонија, јави дописникот на МИА од Приштина.

Според соопштението на судот во Урошевац, против лицето, идентификувано со иницијалите Б.К., е покрената потерница од Интерпол, поради сомневање дека е сторител на кривични дела „подготовка на терористички дела и разбојништво“.

Против обвинетиот е распишана меѓународна потерница од Интерпол, со барања од 2 април 2005 година и 9 мај 2008 година од државата Македонија. Обвинетиот Б.К. е осомничен дека ги сторил казнените дела во државата Македонија и на 03.05.2024 година е приведен и уапсен од Единицата за брзи интервенции и Единицата за борба против наркотици во Урошевац, се вели во соопштението.

Во него се наведува дека странките се известени оти жалбата против ова решение не го одлага неговото извршување.

Од македонското Министерство за внатрешни работи за МИА информираат дека се известени за апсењето од косовските колеги.

Медиумите во земјава јавуваат дека станува збор за Агим Красниќи, неговиот брат Бесим Красниќи, Сехат Рамадани и Фадиљ Точи кои се уапсени во Урошевац. За нив се распишани меѓународни потерници од страна на македонската полиција. Агим Красниќи е во бегство од февруари во 2020 година, кога не се врати во штипскиот затвор по слободен викенд. За доиздржување на казната затвор има уште 3 години и 3 месеци.

The post Притвор од 40 дена за македонскиот државјанин баран со меѓународна потерница уапсен во Косово appeared first on Република.

Вишиот суд во Заечар им го продолжи притворот за уште 30 дена на С.Ј и Д.Д., осомничени за убиството на двегодишното девојче Данка Илиќ, беше потврдено за Танјуг од тој суд.

Според оваа одлука, нивниот притвор може да трае до 29 мај.

Осомничените се во притвор од 6 април поради опасност од бегство, можност за влијание врз сведоци и уништување или отстранување траги од извршување на кривично дело, како и нарушување на јавноста.

Во притвор е и таткото на Д.Д., под сомнение дека му помогнал на синот да го премести телото на девојчето.

По 10-дневна потрага и детална проверка на сите индиции и информации, полицијата ги уапси С.Ј и Д.Д. .

Телото на девојчето кое исчезна на 26 март во Банско Поле кај Бор сè уште не е пронајдено.

The post Продолжен притворот за осомничените за убиството на Данка Илиќ appeared first on Република.

На францускиот актер Жерар Депардје кој беше повикан на сослушување по обвиненијата за сексуален напад, а потоа бил испратен во притвор во Третото одделение на париската полиција, му е укинат притворот, соопшти париската полиција.

Две жени го обвинија Депардје за сексуални напади за време на две различни снимања: првиот пат во 2014 година, за време на снимањето на „Волшебникот и сијамските близнаци“ на Жан-Пјер Моки и вториот пат во 2021 година, за време на снимањето на „Зелените прозорци“ на Жан Бекер, пишува парискиот весник Фигаро.

Првата пријава ја поднела 24-годишна помошничка на филмски сет во 2014 година. Таа во јануари годинава поднела пријава за „полов напад врз ранливо лице од страна на лице кое ја злоупотребувало положбата“.

Втората пријава, поднесена во февруари годинава за „сексуален напад, сексуално вознемирување и сексистичка навреда“, дојде од 53-годишна филмска декоратерка.

Легендарниот француски филмски актер беше обвинет во декември 2020 година за „силување“ и „сексуален напад“ по пријава на актерката Шарлот Арно, која го тужеше за две силувања во неговиот дом во Париз на крајот на август 2018 година.

Пријавата на актерката Елен Дарас, која го обвини Жерар Депардје дека сексуално ја нападнал за време на снимање на филм во 2007 година, беше поднесена кон крајот на декември 2023 година, а шпанската новинарка и писателка Рут База исто така поднесе тужба во Шпанија за силување против Депардје.

The post Укинат притворот на актерот Жерар Депардје кој е обвинет за сексуален напад appeared first on Република.

Александар Ѓорчевски, татко на убиената Вања Ѓорчевска, ќе излезе од Истражниот затвор Скопје во Шутка и мерката притвор наместо во затвор ќе ја издржува во домашни услови. Вака одлучи Врховниот суд откако Ѓорчевски утрово на јавна седница повторно побара притоврот да му биде укинат. Ова е втора јавна седница пред Врховниот суд за мерката притвор на таткото на Вања, откако во март годинава Врховниот суд ја одби како неоснована жалбата против мерката притвор на Ѓорчевски, по решението на Апелациониот суд Скопје.

Врховниот суд по денеска одржаната јавна седница одлучи да ја прифати жалбата на Александар Ѓорчевски, татко на убиената Вања Ѓорчевска, против решението на Апелацискиот суд Скопје за издржување на мерката притвор.

Ова значи дека Ѓорчевски ќе излезе од Истражниот затвор Скопје во Шутка и мерката притвор наместо во затвор ќе ја издржува во домашни услови.

„Врховниот суд ја известува јавноста дека по одржаната јавна седница, Советот за казниви дела донесе Решение со кое жалбата на обвинетиот А. Ѓ., изјавена преку неговиот бранител Владимир Туфегџиќ, адвокат од Скопје, ја уважи, a решението на Апелационен суд Скопје од 2 април 2024 година, го преиначи на начин што определената мерка притвор против обвинетиот А.Ѓ. ја укина и за обвинетиот определи мерка куќен притвор и мерка на претпазливост“, информираа од Врховниот суд.

Бранителот на осомничениот Ѓорчевски, адвокатот Владимир Туфегџиќ, на седницата рече дека од последната одржана јавна седница до денеска, околностите воопшто не се променети.

„Затоа останувам при жалбените наводи дека решението со кое е продолжена мерката притвор е донесено без доволно образложенија во кои не се наведува ниту еден доказ со кој се докажува зошто овој човек би требало да остане во притвор“, рече тој.

Туфегџиќ во март месец годинава уште кажа дека Александар Ѓорчевски не само што е невин, туку тој е оној што до пред објавувањето на трагедијата 24 часа собирал докази за да може да дознае што се случило со неговата ќерка Вања.

Ова е втора јавна седница пред Врховниот суд за мерката притвор на таткото на Вања, откако во март годинава Врховниот суд ја одби како неоснована жалбата против мерката притвор на Ѓорчевски, по решението на Апелациониот суд Скопје.

The post Таткото на убиената Вања оди во домашен притвор, одлучи Врховниот суд appeared first on Република.