Претседателката на Советот на јавни обвинители, Душица Димитриеска, денека изјави дека е примено известување од Вишото јавно обвинителство Скопје дека се врши притисок врз работата на обвинителството.

Известувањето е доставено од страна на вишиот обвинител, сите понатамошни постапувања и преземени дејствија, ќе бидат споделени. Во однос на содржината, не можам да ја споделам пред да се запознаат членовите, рече таа.

По денешната седница, таа, исто така, информираше дека републичкиот обвинител Љупчо Коцевски ги информирал членовите на Советот дека ја проверува работата на сите четири виши обвинителства.

Коцевски претходно преку соопштение ги отфрли тврдењата на шефот на вишото скопско обвинителство Мустафа Хајрулахи за наводно мешање во предмет во кој повеќе од еден месец постапувало Вишото јавно обвинителство Скопје.

Тој изјави дека има обврска, првпат после повеќе од четири години, да изврши надзор над работата на Вишото јавно обвинителство Скопје поради информации и пресуди од Врховниот суд кои укажуваат на можно нестручно работење и пријави за закани и притисоци кон вработени во обвинителството.

До крајот на месецот, контроли ќе бидат извршени и во сите останати виши јавни обвинителства и во ОЈОГОКК. Коцевски очекува нападите кон него да продолжат со уште поголем интензитет, особено од лица кои со вакви обвинителски одлуки се спасиле од кривичен прогон.

The post Советот на јавни обвинители ќе утврдува дали Коцевски вршел притисок врз Хајрулахи appeared first on Република.

The post Д-р Никола Маџунков: СДСМ-Струмица со нерегистрирано возило агитира и разгласува за митингот, а доцна во ноќта нивни познат лик вршел притисоци во турското маало appeared first on Република.

Криминалците и корумпираните на власт последниве денови го користат секој механизам за притисок врз граѓаните кои не ги поддржуваат или не излегуваат на собирите на ДУИ и нивниот Фронт. Оваа појава е уште поизразена во шестата ИЕ, соопштија денеска од коалицијата ВРЕДИ.

Повеќе од еден месец Тетово се претвори во град во кој бандите се борат меѓу себе среде бел ден, каде што затворениците слободно се движат. Додека одредени полицајци секојдневно ги притискаат граѓаните од шестата ИЕ, дури и преку телефонски јавувања, да излезат на митинзи на ДУИ и да гласаат за ДУИ на претстојните избори. Сето ова се случува откако ДУИ на незаконски начин, го држи на функција шеф на Секторот за внатрешни работи, Шефик Бајрами, кој е познат како злобната и одмаздничка рака на ДУИ. Граѓаните во Тетово се изразително потресени од криминалот и настаните што се случија во Тетово откако Шефик Бајрами незаконски беше именуван шеф на Секторот за внатрешни работи. Имајќи ги предвид секојдневните инциденти и случувања, директно го прашуваме министерот за внатрешни работи: Дали Секторот за внатрешни работи во Тетово и началникот Шефик Бајрами се под контрола на министерот за внатрешни работи? Дали ситуацијата и вработените во СВР Тетово се под контрола на началникот? Зошто началникот доброволно го прифати сопственото деградирање од функцијата ‘помошник директор’ во ‘началник на СВР Тетово’ и тоа само неколку дена пред формирањето на техничката влада?, се вели во соопштението.

Од друга страна, наведено е таму, ја прашуваме и ДУИ:

Министерот бара Владата да го разреши првиот човек на СВР – Тетово, но Владата незаконски го задржува на функцијата. Зошто? Која е улогата на началникот на СВР Тетово назначен од страна на ДУИ?! Што очекува власта од овој началник?! Да обезбеди безбедност за време на изборниот процес или или да контролира камионите на јавните претпријатија во Тетово и Гостивар?! Или да создаде паника и небезбедност кај граѓаните? Додека ДУИ ќе ни даде одговори на овие прашања, ние ќе им ги образложиме точните задачи на овој началник на СВР Тетово, именуван од страна на ДУИ! Снимките и фотографиите од собирите на ДУИ на социјалните мрежи и медиумите докажуваат дека овој началник има задача да менаџира со полицајците и полициските инспектори, одредувајќи кој треба да отиде во кој штаб на ДУИ треба да оди, имајќи ги лично под контрола тие полицајци дури и на собирите на ДУИ! Ви прикажуваме само дел од тие фотографии на кои можете лично да го видите првиот човек на СВР Тетово како се шета по партиски активности и врши притисок врз граѓаните но и врз вработените во полицијата. ОВИЕ СЕ САМО НЕКОЛКУ ФОТОГРАФИИ НА САМИОТ НАЧАЛНИК НА СВР ТЕТОВО И НА НЕКОИ ОД ИНСПЕКТОРИТЕ КОНТРОЛИРАНИ ОД НЕГО ВО НЕКОИ ШТАБОВИ НА ДУИ ВО ТЕТОВО И ГОСТИВАР, КАДЕ ПРИСУТНИ БИЛЕ И АРИФ АСАНИ И АРДИТ ЏАФЕ, кои, исто така, се советници во кабинетот на заминик министерот Назим Буши.

Овие фотографии, додаваат од ВРЕДИ, ќе ги испратиме до сите амбасади и релевантни меѓународни институции, за да имаат појасна слика за ситуацијата за време на кампањата и колку демократски и коректни ќе бидат изборите во регионот на Тетово и пошироко.

Но, уште еднаш испраќаме прашања до министерот за внатрешни работи: Што мислите господине министер, дали ќе имаме мирни и регуларни избори во 6-та изборна зона?! Дали треба да бидеме загрижени поради овој човек, кој што само се ‘омаловажи’ во Тетово, се случија убиства и инциденти и никој не го испрашуваше за одговорноста, напротив вие го штитите?! Или сакате целата изборна единица да ги оставите во рацете на ДУИ и на нејзините криминалци?, се вели во соопштението на ВРЕДИ.

The post Банди се тепаат секој ден, затвореници шетаат слободно, а началникот на СВР-Тетово од ДУИ врши насилство и притисок appeared first on Република.

Од Студентскиот отпор алармираат на притисоците и заканите кон студентите во изборот на нов декан на Филозовскиот факултет. Ви го пренесуваме нивното отворено писмо во целост:

Почитувана јавност, студенти, професори,

Чувствуваме обврска да ве информираме и предупредиме за случувањата деновиве на Филозофскиот факултет. Имено, во пресрет на изборите за претседател и членови на Факултетското студентско собрание на Филозофскиот Факултет се врши огромен притисок врз студентите од страна на професорите.

Поради овогодинешниот избор за нов декан на Филозофскиот факултет каде што право на глас имаат именувани студенти од Факултетското студентско собрание започнати се меѓупрофесорки превирања со политички позадини за тоа кој ќе биде нов декан.

Штета од овие политички превирања во професорските кругови за тоа „кој ќе го добие престолот” ја трпат студентите. Ве известуваме дека во овие денови се нарушува студентската автономија затоа што професори и од едниот и од другиот „тим” во оваа нивна политичка битка вршат притисоци врз студенти за избор на овој или оној кандидат за претседател на Факултетското собрание, надевајќи се дека тој кандидат ќе им донесе глас повеќе при изборот на нов декан на Филозофскиот факултет.

Ваквите игри не само што ја нарушуваат студентската автономија која е загарантирана туку и сериозно го поткопуваат и нарушуваат кредибилитетот на УКИМ како најстар универзитет во Македонија.

Апелираме до студентите на Филозофски факултет доколку почуствуваат закани, притисоци од професорите да се обратат до Студентски отпор, а при изборите да гласаат по сопствена волја.

The post Притисоци и закани кон студентите на Филозофскиот факултет поради политичките превирања за избор на нов декан appeared first on Република.

Денеска по завршувањето на централниот настан на положување на светиот крст во водите на Охридското езеро, претседателот на ВМРО-ДПМНЕ, Христијан Мицкоски беше прашан за пратениците од власта кои што посакуваат избори, при што истакна дека нема рационален човек во македонскиот парламент и што и сака добро на Македонија, а да не сака избори.

Но, посочи Мицкоски, оние полукриминални групи кои се дел од македонското подземје, а кои се контролирани од високите раководства во Социјалдемократскиот сојуз (СДСМ) и Демократската унија за интеграција (ДУИ), веќе почнуваат да вршат притисоци врз пратениците во македонскиот Парламент кои се организирање предвремени парламентарни избори.

И покрај притисоците кои што почнаа да им се вршат, Мицкоски изрази убедување дека овие пратеници, кои што пред се му посакуваат добро на државата, ќе ги издржат притисоците од криминалните структури и останат доследни на кажаното, бидејќи борбата за Македонија нема цена.

Па, мислам дека не би имало човек во Парламентот, рационален човек кој што и сака добро на Македонија, а да не посакува избори. Но, оние полукриминални групи кој што, високото раководство на СДСМ и ДУИ ги контролираат и се дел од македонското подземје, веќе почнуваат да вршат притисок врз тие пратеници. Јас сум убеден дека тие ќе останат доследни, бидејќи борбата за Македонија нема цена, а криминалците еден ден ќе зажалат за ова што го прават, рече Мицкоски.

The post Мицкоски: Полукриминални групи под контрола на СДСМ и ДУИ вршат притисоци врз пратеници appeared first on Република.

Претседателот на Србија, Александар Вучиќ во обраќањето до јавноста изјави дека Србија во иднина ќе оди посилно на европскиот пат, дека е под голем притисок откако рускиот претседател Владимир Путин направи паралела меѓу Косово и Доњецк и Луганск и дека од Белград ќе се бара да ја признае независноста на Косово за Москва да не може да го искористи случајот како аргумент за своите постапки во Украина. Тој исто така порача дека нема да ги гаси пријателствата на Исток, колку и да има притисоци, јави дописникот на МИА од Белград.

Мојата порака е дека Србија денеска е на европскиот пат, дека засилено ќе одиме по тој пат и ќе се бориме за местото на Србија во семејството на европските народи, нагласи претседателот на Србија.

Вучиќ потсети и дека претседателот на Руската Федерација Владимир Путин на средбата со генералниот секретар на ОН Антонио Гутереш се повикал на пресудата на Меѓународниот суд на правдата дека одлуката на Косово да прогласи независност од Србија не е спротивна на меѓународното право и го искористи тоа како аргумент дека Доњецк и Луганск имале право да прогласат независност од Украина.

Ќе се соочиме со најтешки притисоци да кажеме дека Косово не е ништо слично на она што се случува во Украина, рече Вучиќ, додавајќи дека Запад очекува од Србија да ја признае независноста на Косово.

Затоа, како што рече, „Косово ќе биде најдоминантна тема за нас во наредниот период“. – И, веднаш да ви кажам – сите европски лидери ми кажаа дека Путин инсистирал на случајот со Косово во нивните меѓусебни разговори, изјави Вучиќ.

Претседателот на Србија оцени дека не очекува Русија да го признае Косово, но оти очекува Србија да биде под голем притисок да го стори тоа за Путин да не може да го искористи случајот како аргумент за руските потези во Украина.

Целиот Запад, за да му го ускрати тој аргумент на Путин, ќе побара од Србија брзо да се придвижи кон признавање на независноста на Косово за да му кажат на Путин дека тоа не е ист случај, изјави Вучиќ.

Како што рече, „има мал број земји кои велат дека сакаат нормализација на односите меѓу Белград и Приштина, а голем број од нив се за взаемно признавање, не само САД туку и повеќето други“.

Тој додаде дека дијалогот меѓу Белград и Приштина не постои, а обидот за дијалог во Берлин бил само обид.

Вучиќ посебно го посочи влезот во меѓународните институции и организации на Косово, бидејќи Приштина ја информирала меѓународната јавност дека сака да биде членка на Советот на Европа, а Германија ги поддржала.

Нашиот одговор ќе биде дециден и силен… Ќе ги покажеме забите многу поостро отколку што мислеа, истакна Вучиќ.

The post Вучиќ: По изјавата на Путин, Србија е под притисок на Запад да го признае Косово appeared first on Република.

Во средното скопско училиште „Васил Антевски-Дрен“ се врши притисок врз учениците за да се вратат на настава, а како што дознава „Курир“ од свои извори на некои ученици ветувани им се оценки доколку истите ги натераат да ги убедат останатите да се вратат во училишните клупи. Според изворите на порталот, повикувани биле поедини ученици и им биле ветувани оценки, доколку ги натераат останатите ученици утре да се појават во училиште.

Покрај притисоците врз учениците, се врши притисок и врз наставниот кадар кој што не е во штрајк, и од нив се бара да ги повикаат учениците да се вратат во училиште. „Курир“ дојде до допис од директорката на училиштето „Васил Антевски-Дрен“, кој што беше испратен до наставниците, и од кои се бара да ги повикаат учениците да се вратат во училишните клупи.

Класните раководители и наставници кои не се во штрајк, и се на своите работни места, согласно донесената Одлука бр. 02-724/1. од 27.04.2022 год. а во согласност со Законот за средно образование и Законот на наставници да ги повикаат учениците да се вратат наредовна настава утре 28.04.2022 година (четврток) која продолжува да се организира со цел исполнување на наставнитепрограми со распоред на часови кои ќе се прилагодуваат согласно наставниците кои не се во штрајк, стои во дописот од директорката на средното училиште „Васил Антевски-Дрен“ од Скопје Таља Јовановска, а испратен до наставниците.

The post Им ветувале добри оценки ако ги убедат соучениците да дојдат на настава: Притисок врз ученици и наставници од „Васил Антевски-Дрен“ appeared first on Република.

Владата да запре со понижувањето и притисокот врз наставниците, и да ги реализира барањата на СОНК, велат од ВМРО-ДПМНЕ.

Неодговорни се изјавите од владата дека немаат пари за покачување од 18% како што бара СОНК, а во исто време нивните генерални секретари склучуваат криминални физибилити студии тешки милиони.

Несериозно е да зборуваат дека немаат пари за покачување на платите на наставниците, а во исто време да распишуваат оглас за да градат зграда за АХВ од над 8 милиони евра.

Потценувачки е да нема пари за наставниците, а секој месец во РЕК Битола да се склучуваат милионски договори за ископ, механизација, или друг вид на работи, на кои потоа се гледаат струмички камиони како вртат.

Владата не ги покачи платите за да има да краде.

Пари во буџетот за поголеми плати има, само треба да се запре со крадењето кое го прават функционерите од СДСМ и ДУИ, стои во партиското соопштение.

The post Владата да запре со понижувањето и притисокот врз наставниците, и да ги реализира барањата на СОНК appeared first on Република.

Потпретседателката на ВМРО-ДПМНЕ, Гордана Димитриеска Кочоска заедно со градоначалникот на Општина Велес, Марко Колев во рамките на активноста „Промените се случуваат, секогаш со народот“, извршија увид на градежни активности на улици во индустриската зона „УЗУС“, каде беше дадена и изјава за медиумите.

Запрашана за коментар околу најавите на СОНК за излегување на улица доколку до 26 април не се исполнат барањата на просветните работници, Димитриеска Кочоска истакна дека имајќи во предвид тоа што во државата сѐ поскапе и се зголемија трошоците за живот, единствено што бараат просветните работници се нивните права, па затоа Владата треба да излезе во пресрет и да ги реализира.

Прво во нашава држава буквално сѐ поскапе, но знаењето за жал остана да биде на маргините и во вакви услови кога имаме зголемени трошоци за живот, просветните работници единствено што бараат се своите права и треба да Владата им излезе во пресрет и ги реализира. Прво морам да кажам дека сум згрозена од притисокот кој власта го прави врз просветните работници. Тие штрајкуваат заради тоа што сакаат да го обезбедат истиот начин на живот и истиот животен стандард. Ако ние имаме ненормално поскапување на сите трошоци за живот, зголемувањето на платите ќе значи само дека она што го живееле и начинот на кој што живееле претходно да го имаат и понатаму. Владата и овие притисоци кои што ги прави врз нив само покажува дека ние се враќаме и живееме во 19-ти, а не во 21-ви век, потенцираше Димитриеска Кочоска.

Таа додаде и дека притисоците кои ги прави министерката за труд и социјална политика врз просветните работници дека нема да им бидат исплатени платите се нереални и незаконски затоа што правото на штрајк е загарантирано со устав и тие штрајкуваат на работното место.

Морам да напоменам и тоа дека нереални и незаконски се притисоците од страна на министерката за труд и социјала, затоа што просветните работници штрајкуваат на своето работно место. Значи прво со устав им е загарантирано правото на штрајк и не може да се заканува дека нема да ги добијат нивните плати затоа што тие доаѓаат на работа и штрајкуваат во своите работни простории“, нагласи Димитриеска Кочоска.

Таа за крај уште еднаш упати апел до власта да им излезе во пресрет на просветните работници и истакна дека просветните работници треба да останат до крај на својот став.

Уште еднаш апелирам до власта да излезе во пресрет на просветните работници, а сметам дека тие треба да останат на својот став и да истраат до крај затоа што доколку имаме пред два месеци промена и зголемување на минималната плата, тие ништо друго не бараат освен едноставно да се следи таа пракса“, заврши Димитриеска Кочоска.

The post Димитриеска Кочоска: Згрозена сум од притисокот на власта кон просветните работници, тие ги бараат само нивните основни права appeared first on Република.

На вработените во образованието и детските градинки кои штрајкуваат државата ќе им исплати само придонеси, порача министерката за труд и социјална политика Јована Тренчевска. Таа нагласи дека тоа не значи притисок кон нив да го прекинат штрајкот, туку само почитување на законите и Колективниот договор.

Не се работи за притисок, ниту за каква било уцена, туку за почитување на законите и Колективниот договор. Во Колективниот договор за детска заштита за градинките кои се во надлежност на МТСП, убаво е дефинирано што треба да се прави во случај на штрајк и што е должен да направи работодавачот. Истото е дефинирано и во Законот за работни односи каде се вели дека во услови на штрајк работодавачот е должен да исплати придонеси на сите оние работници кои штрајкуваат на најниската основица за исплата на придонесите. Следниот член – 241 дава можност СОНК да обезбеди исплата на нето плата за сите оние работници кои штрајкуваат. Затоа сметам дека се работи само за почитување на законите, а не за какви било притисоци или уцени од страна на МТСП врз вработените во градинките кои штрајкуваат, рече Тренчевска.

Таа нагласува дека доколку таа како министер не постапи согласно со тоа што е предвидено во законите, може да сноси и кривична одговорност.

Јас како министер мора да го почитувам Законот и мора да го почитувам Колективниот договор. Се друго што ќе биде направено надвор од ЗРО и она што е мое законско овластување ќе биде злоупотреба на службена положба, а со оглед на тоа што е врзано со фискални импликации ќе значи кривична одговорност. Не сакам да се впуштам во нешто што ќе значи кривична одговорност поврзана со моето работење, ниту прекршување на законската регулатива, нагласи министерката во одговор на новинарско прашање по посетата на градинката „Орце Николов“ во Општина Карпош.

Според неа, Владата во текот на дијалогот го понудила решението кое е најсоодветно во однос на буџетот со кој располага државата. Со друго зголемување, нагласи таа, може да се предизвикаат несакани инфлаторни проблеми во државата. Затоа, рече, е побарано и ресорните министерства за труд и социјална политика, за образование и наука, и за финансии, со ребаланост да обезбедат средства за покачување од 10 проценти на платите за вработените во образованието и детската заштита.

Побара СОНК да ја преиспита одлуката и неговите претставници и членството да седнат да разговараат за конкретниот предлог, и да го прифатат, со цел, како што рече, штрајкот да прекине и учениците да се вратат во училиштата и во градинките.

Таа нагласи дека за натамошно зголемување на платите е отворен и нов процес за подготовка за нов општ колективен договор во јавниот сектор во кој ќе се вклучува нова методологија која ќе овозможи постојан раст на платите во овој сектор, преку опција на годишно ниво да се усогласуваат со пораст на трошоци на живот и раст на просечната плата.

Според министерката Тренчевска, во 29 градинки во земјава вработените не штрајкуваат и таму нормално се одвива процесот на згрижување на децата. Во останатите, рече, се прифаќаат сите деца иако има делови од објектите кои се затворени.

Самостојниот синдикат на образованието, науката и културата (СОНК) вчера рече дека очекува да ги добие заклучоците на Владата во врска со генералниот штрајк на вработените во градинките, основните и средните училишта и најави дека ќе ги разгледа и ќе се произнесе по нив. Дотогаш, посочија од СОНК, штрајкот на вработените во образованието и градинките продолжува.

Штрајкот на вработените во образованието и во градинките почна на 11 април.

The post Власта ги остава штрајкувачите без плата appeared first on Република.

Започна втората недела откако СОНК спроведува штрајк во училиштата и градинките, вчерашната одлука на Советот на синдикатот да не ја прифати понудата од владата за зголемување  на платите од околу 2500 денари, за што се изјаснија 95 % од синдикалните организации.

Притисоците врз штрајкувачите се засилуваат, но тоа нема да не поколеба да истраеме, велат од СОНК. Според нив, исплатата само на придонесите додека штрајкуваат, што вчера ја најави владата и обидот да се ангажираат заменски наставници во училиштата, се притисоци кои не значат ништо, рекоа од синдикатот.

Тие ниски удари и тие закани што во текот на викендот и претходната недела ги трпиме, нема да не поколебаат. Кратењето на дневниците и заменските наставници не значат ништо. Прво се обидоа со заменски наставници , па видео дека не можат да се најдат такви луѓе. Со кратењето на дневниците, не знам по кој основ како ќе ги скратат кога ние сме 8 часа во градинка тука, изјави Мирјана Китановска- претседател на синдикална оирганизација  при СОНК во ЈДГ „ 8 Март“-Кисела Вода

Во неколкуте клови на ЈДГ „ 8 Март“, од утрово се згрижени околу 200 деца. А, во клонот во Драчево, каде сите вработени штрајкуваат, за децата се грижат само 3 лица од  другите клонови на градинката.

Само тројца кои што ги згрижуваат сите деца кои  се во моментот во градинката.Значи тоа е една голема бројка. Измешан состав и возраст на дечиња . Воопшто не се нивните воспитувачи или негователи, рече Лена Спасеновска Поповска- претседател на регионален одбор на СОНК за Општина Кисела Вода

СОНК остануваат на ставот за зголемување на платите за 18, 4 %, согласно порастот на минималната плата.

Со одбивањето на понудата за покачување на платите од 10%, СОНК реши да продолжи со уцени кои се единствено на штета на образованието на учениците и им го отежнува секојдневието на родителите, напиша премиерот Ковачевски на својот Фб профил, утрово.

Според него Владата прави сѐ што треба за да го одржи дијалогот и да најде заеднички јазик, но барањата и односот на СОНК се целосно неприфатливи. Местото на децата е во училиштата и во оваа ситуација единствено СОНК и раководството се одговорни за тоа што тие не го остваруваат правото на образование, напиша Ковачевски.

The post Притисоците и ниските удари врз штрајкувачите се засилуваат, но тоа нема да не поколеба да истраеме, велат од СОНК appeared first on Република.

„Aлфа“ останува трн во око за СДСМ, велат од телевизијата, додавајќи дека додека партијата беше опозиција им се закануваа, а сега како власт им прават невидени притисоци.

Сите институции се во спрега во обид да најдат „влакно во јајце“ и да ѝ наштетат на единствената кртичка телевизија која остана во македонскиот етер. Она што беше навестено од опозиција, сега се спроведува како власт, велат оттаму.

Инаку, напади врз телевизија „Алфа“ има од повеќе страни – УЈП, обвинителства, инспекции.

Поранешниот премиер и партиски лидер, Зоран Заев, уште пред повеќе од шест години дел од медиумите ги прогласи за политички непријатели.

Во моментот став на СДСМ и мој личен став е дека поголем политички непријател за нас како опозиција се медиумите како што се „Сител“, „Канал 5“, „Алфа Телевизија“, „Дневник“ и „МРТ“, изјави тогашниот претседател на СДСМ, Зоран Заев, на 1 декември 2015 година.

„Алфа“ е единствената која остана трн во око. Следуваа суптилни и не толку суптилни закани кои само добиваа на интензитет.

Не ја прифаќаме, не ја прифаќаме на „Алфа телевизија“, бидејќи вие ќе видите зошто, изјави Зоран Заев на 6 март 2020 година.

Примерот на поранешниот партиски лидер го следеа речиси сите функционери – со етикетирање на телевизијата и на новинарите.

Јас разговарам и со вас, би сакала да разговарам и со сопственикот на вашта телевизија ама не го знам кој е, изјави Радмила Шеќеринска, на 10 јули 2020.

Медиумите на Мицковски имаат задача да го поткопуваат Договорот со Грција и со текстовите негативно да влијаат на членството во НАТО, изјави портпаролката на СДСМ, Богданка Кузеска, на 20 февруари 2020.

Но, притисокот врз „Алфа“ не остана само на закани, велат оттаму, додавајќи дека власта ги користи сите механизми кои и стојат располагање во обид да ја замолчи единствената кртичка телевизија која остана во македонскиот етер.

Како што расте гледаноста на „Алфа“, а паѓа рејтингот на власта – така се засилуваат и притисоците.

Последен во низата е оној од Управата за јвни приходи која изготвила решение за наплата на наводен долг од околу 200 илјади евра, во кои се пресметани и огромни камати, а за кој се уште се води судски спор кој нема разрешница.

Телевизијата речиси секој ден е домаќин на различни инспектори, истражители, обвинители. И покрај сите проверки и чешлања на документацијата со години, досега не успеаја да најдат ништо неправилно и незаконско.

https://youtu.be/eyOYZX9BwmY

The post „Алфа“: Додека беа опозиција СДСМ ни се закануваа, сега како власт ни прават невидени притисоци преку сите нивни институции appeared first on Република.