Кинескиот претседател Кси Џинпинг отвори мегапристаниште во Перу финансирано од Кина.

Пекинг инвестираше 1,3 милијарди долари во проектот, кој се очекува да генерира 4,5 милијарди долари годишно и да отвори 8.000 работни места.

Кси рече дека Чангчаи, длабокоморско пристаниште со 15 докови, е успешен почеток на „Поморскиот пат на свилата на 21. век“ и дел од Кинеската иницијатива „Појас и пат“.

Кина е подготвена да работи со перуанската страна за да го земе проектот Чангчаи како почетна точка за создавање нов морски-копнен коридор меѓу Кина и Латинска Америка и поврзување на Големата патека на Инките“, порача Кси.

The post Кинескиот претседател отвори мегапристаниште во Перу финансирано од Кина appeared first on Република.

Романија сака да го купи единственото пристаниште на Молдавија, што се наоѓа во Црното Море.

Станува збор за купување на меѓународниот дел на пристаништето Ѓурѓулешти на брегот на Дунав.

Интерес за купување изрази романскиот премиер Марсел Чолаку, кој се занимава и со купување на енергетски компании во Молдавија.

Пристаништето Ѓурѓулешти има терминал за нафта, два терминали за жито, терминал за други товари и деловен парк. Не е наведена сумата за која Романија е подготвена да го купи пристаништето.

Уште во септември 2023 година, Чолаку ги објави плановите на земјата да го купи молдавското пристаниште, бидејќи Романија „треба да стане важен центар во процесот на обнова на Украина“.

The post Романија сака да го купи единственото пристаниште на Молдавија „за да стане важен центар во процесот на обнова на Украина“ appeared first on Република.

Фалсификат парфеми во вредност од околу четири милиони евра се запленети во романското црноморско пристаниште Констанца при контрола на граничните полициски и царински инспектори.

На 23 мај, заеднички тим од гранични службеници на крајбрежната стража и царински инспектори од Царинското гранично биро во Констанца извршија физичка проверка на контејнер натоварен со стока што пристигнува од Обединетите Арапски Емирати, наменета за трговска компанија во Романија. По детални проверки, утврдено е дека во контејнерот имало 18.000 парфеми кои можат да ги нарушат правата на интелектуална сопственост на познати брендови, се вели во соопштението на Генералниот инспекторат на Граничната полиција.

Стоката, која би чинела околу четири милиони евра доколку се продава како брендирани производи, е запленета за вештачење и понатамошна истрага.

The post Фалсификат парфеми во вредност од околу 4 милиони евра запленети во романското пристаниште Констанца appeared first on Република.

Најмалку 30 јахти изгореа во голем пожар што избувна во пристаништето во Медулин на хрватското крајбрежје, јави хрватската национална телевизија ХРТ, повикувајќи се на информации од полицијата во Истра.

Полицијата добила дојава за пожар во пристаништето утрово во 03:55 часот. Досега изгореа 30 пловила, а неколку од нив потонаа. Пожарот се уште беснее, се слушаат и експлозии, јави ХРТ

Пожарот се шири од една на друга јахта. Засега нема информации за жртви во пожарот.
Медиумот јави дека просечната цена на една јахта усидрена во тоа пристаниште е околу 150.000 евра.

The post Над 30 јахти изгореа во пожар на хрватско пристаниште appeared first on Република.

Српскиот претседател Александар Вучиќ вчера на отворањето на српско-грчкиот бизнис форум во Палатата Србија истакна дека на Србија и треба пристаниште поради извозот, кој ќе се зголеми и дека Србија е подготвена да купи одредени капацитети на пристаништата во Солун или Пиерија.

Србија се повеќе ќе извезува, мора да имаме пристаниште. За нас е важно да ги искористиме капацитетите на Солун и Пиерија, дури и да купиме дел од пристаништето, одредени капацитети од 5-10 проценти. Имаме пари, тоа не е проблем. Треба да имаме побрз извоз во светот и разговаравме за тоа – рече Вучиќ.

Кога ќе го зголемиме производството на автомобили, со рудници, железарници, тоа ќе ни треба, рече тој.

Ќе се бориме за секоја грчка и српска компанија

Ќе треба да работиме повеќе и да се бориме за секоја грчка и српска компанија, да се бориме за наш влез на грчкиот пазар во различни области, но да привлечеме што повеќе грчки компании овде. Затоа побарав од премиерот Мицотакис, иако знам дека се работи за пазарно работење, да побара од грчките финансиски институции, особено од грчките банки, повторно да покажат интерес за српскиот пазар, бидејќи Србија денес е поинаква – нагласи Вучиќ.

The post Србија ќе си купи пристаниште во Грција: Имаме пари, тоа не е проблем, вели Вучиќ appeared first on Република.

Украинските воздухопловни сили објавија дека голема група руски дронови влегле во областа на устието на реката Дунав и се упатиле кон речното пристаниште Измаил во близина на границата со Романија.

Групи на социјалните мрежи објавија дека слушнале истрели од противвоздушна одбрана во областа во близина на двете пристаништа на Дунав – Измаил и Рени.

Гувернерот на јужната област Одеса, Олех Кипер, побарал од жителите на областа Измаил да се евакуираат околу 1:30 часот по локално време, а еден час подоцна ја прекинал тревогата за воздушен напад.

Украинските пристаништа на Дунав сочинувааат околу една четвртина од извозот на жито пред Русија да се повлече од договорот за безбеден премин на украинскиот извоз на жито преку Црното Море.

Оттогаш тие станаа главна излезна рута, при што житото се испраќа до романското црноморско пристаниште Констанца за понатамошна испорака.

Рускиот напад на пристаништето Измаил ги зголеми глобалните цени на храната на почетокот на август.

The post Руски дронови нападнале пристаниште на Дунав клучно за извозот на украинското жито appeared first on Република.

Пристаништето во Одеса повторно работи со полн капацитет по вчерашниот прекин на работата предизвикан од руското гранатирање на енергетски објекти во регионот на Одеса.

Одеса е едно од трите пристаништа што Украина може да ги користи за извоз на жито според руско-украинскиот договор.

Ројтерс вчера објави дека за време на прекинот на работата на пристаништето Одеса, извозот бил извршен од пристаништата Черноморск и Јужни, односно другите две пристаништа опфатени со договорот.

Украинскиот министер за земјоделство, Микола Солски, претходно за Ројтерс изјави дека главната причина за исклучувањето на пристаништето е тоа што генераторите не биле вклучени откако регионот Одеса остана без струја по гранатирањето што остави околу 1,5 милиони жители на областа без струја.

Претседателот на Украина Володимир Зеленски изјави дека ситуацијата во регионот Одеса е многу тешка.

За жал, потребно е долго време да се стави во функција електричната мрежа на целата област. Не зборуваме за часови, потребни се неколку дена“, изјави Зеленски.

The post Пристаништето во Одеса повторно работи со полн капацитет appeared first on Република.

Владата на денешната 108. седница, на предлог на Министерството за политички систем и односи помеѓу заедниците, го разгледа и прифати Извештајот за извршени преговори за склучување на Спогодбата за соработка меѓу Владата на Република Македонија и Советот на министри на Република Албанија за развој на инфраструктурни проекти, логистичка безбедност и ефикасност на транспортна стоки меѓу двете земји.

-Разгледан е и прифатен и усогласениот текст на Спогодбата. Се работи, според посоченото од страна на Министерството за политички систем и односи помеѓу заедниците, за реализација на усвоен заклучок на последната заедничка седница помеѓу владите на двете држави, според којшто, на Република Македонија и се доделува бесплатен пристап до дел од пристаниште, Порто Романо во Драч, а следствено на тоа, нашата држава ќе изгради суво пристаниште во Струга, информираат од Владата.

Од владината прес-служба посочуваат дека целта на соработката е подобрување на инфраструктурното поврзување, ефикасноста на транспортот за транзитни товари меѓу трговски пристаништа во Република Албанија и Република Македонија и безбедност на мрежата за снабдување во регионот

The post Владата ќе гради суво пристаниште во Струга appeared first on Република.

Криминалот од солунското пристаниште продира и до Македонија, се наведува во истражувањето на Глобалната иницијатива против организиран криминал за ранливоста во безбедноста на балканските пристаништа.

Пристаништата со контејнери во Југо-Источна Европа стануваат сè по поранливи на трговија сонедозволени стоки, се вели во извештајот насловен „Порозни пристаништа: Истражување напоморските балкански патишта“, публикуван денеска од Глобалната Иницијатива Против
Транснационалниот Организиран Криминал.Истакнувајќи голем број големи заплени на кокаин, хероин и цигари од 2018 година па до денденеска, авторите сугерираат дека традиционалниот „балкански пат“ за трговија преку копно се надополнува со поморски патишта кои стигнуваат до пристаништата во Јадранското, Егејското и Црното море.

„Се чини дека има промена во моделите и шемите на шверц “, изјави коавторот Волтер Кемп.

„Тоа веројатно е така поради мерките наменети за ограничување на миграциските текови и
КОВИД; ефектот на поместување на големите заплени на кокаин во Белгија и Холандија; ипрекинот предизвикан од војната во Украина, шеверцерите сега бараат алтернативни патишта.”
Големите заплени на кокаин – обичично задскриени во кутии со банани – во пристаништата какоДрач (Албаниа), Плоче и Ријека (Хрватска) и Солун (Грција) предизвика сомнеж дека пристаништата во Југо-Источна Европа стануваат се поатрактивни за трговците со луѓе.

Овие констатции идат во прилог на големите заплени на хероин во пристаништата Констанца(Романија), Копер (Словенија) и Варна (Бугарија), како и долгогодишниот проблем со шверцот нацигари, кој се одвива особено преку пристаништата Бар (Црна Гора) и Пиреја (Грција).

Базираните заклучоци се врз студија на случај за овие девет комерцијални пристаништа ворегионот, а извештајот ги следи главните рути на трговија со луѓе и ги објаснува употребенитетехники за прикривање. Извештајот, го разгледува и екосистемот на пристаништата и нивните ранливости и ги опишува криминалните актери кои дејствуваат во и околу пристаништата.

„Во некои пристаништа, се чини дека постојат ќелии на криминални групи кои работат како делод пошироки транснационални мрежи“, вели главниот автор Руџеро Скатуро.

Неколку пристаништа се магнети за криминал, кои не само што ги привлекуваат локалникриминални групи туку ги привлекуваат и оние од земјите без море на кои им е потребен излездо морето.

Зголемените инвестиции во инфраструктурата ќе ги направат балканскитепристаништа попривлечни за бизнисот – законски и незаконски. Затоа е важно да се подобрибезбедноста на регионалните пристаништа, како и да се зголеми соработката меѓу институциитеза спроведување на законот долж поморските балкански рути“, додава тој.

Во извештајот се забележува дека безбедноста на пристаништата во југоисточна Европа еподобрена во изминатата деценија поради поголемите инвестиции во технологијата, усогласувањето со меѓународните безбедносни стандарди, како и поддршката и обуката од организации како Канцеларијата на ОН за дрога и криминал и ЕВРОПОЛ, и билатерална помош.

Но, како и во другите пристаништа низ светот, техничките подобрувања понекогаш се поништуваат поради корупција.

Извештајот, истовремено, ја нагласува и ранливоста на реката Дунав од нелегална трговија. „Се чини дека Дунав е „слепа точка“ и таа заслужува поголемо внимание, особено порадипотенцијалот за шверц на гориво“, вели Кемп.

„Заканата од нелегалните пазари околу Црното Море треба да поттикне поблиска регионална соработка со главна цел а таа е за спроведување на законот“, предложи тој.
Авторите, дополнително, препорачуваат поголема соработка помеѓу управителите на
пристаништа, полициите, бродските компании и царинските агенции долж познатите рути нанелегална трговија, на пример помеѓу Латинска Америка, Западна Европа и Западен Балкан.

„Треба да преминеме од само гледање на безбедноста на пристаништата кон следење и нарушување на транснационалните текови“, заклучува Скатуро.

The post Криминалот од солунското пристаниште продира и до Македонија appeared first on Република.

На социјалните мрежи е објавена снимка од дрон на која се гледа како тече процесот за реконструкцијата на стратешкото пристаниште на брегот на Азовското Море.

https://twitter.com/KBoz3/status/1539136471117987840?ref_src=twsrc%5Etfw%7Ctwcamp%5Etweetembed%7Ctwterm%5E1539136471117987840%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fukrajina%2Fvesti%2F642748%2Frat-u-ukrajini-118-dan%2Fvest

The post Во Мариупол се изведува реконструкција на пристаништето разурнато од борбите appeared first on Република.

Руската Влада планира да им дозволи на бродовите што превезуваат жито да го напуштат пристаништето Одеса, во Украина, со што ќе ја ублажи блокадата која предизвика страв од недостиг на храна и глад, пренесува ДПА.

Руските власти се договориле со Киев и Анкара за шема за ослободување на пратки со жито од Одеса, која беше под блокада, објавил провладиниот весник Известија, цитирајќи владини кругови.

Во територијалните води на соседната земја, турските воени сили ќе го преземат деминирањето и тие исто така ќе ги придружуваат бродовите до неутрални води, се вели во денешниот извештај.

Руските воени бродови потоа ќе ги придружуваат бродовите што пренесуваат жито до Босфорот.

Овој чекор доаѓа откако цените на храната постојано се зголемуваат по војната на Москва против Украина што доведе до огромни турбуленции на светските пазари. Украина е еден од најголемите светски извозници на жито, а падот на нејзините испораки по руската инвазија тешко ги погоди африканските земји.

Рускиот претседател Владимир Путин неодамна го прими претседателот на Африканската унија и Сенегал, Меки Сал со кого разговараа за ова прашање, потсетува ДПА.

Додека Путин негираше дека Русија е одговорна за високите цени, тој рече дека е подготвен да ја олесни испораката на жито.

Рускиот министер за надворешни работи Сергеј Лавров се очекува во среда во Анкара на разговори за ова прашање. По разговорите, шемата за ослободување жито од Одеса треба да биде официјално одобрена, пишува весникот.

The post Москва ќе дозволи извоз на жито од пристаништето Одеса appeared first on Република.

Според податоци на Европол, белгиските и холандските пристаништа се главните порти кон Европа за дистрибуција на кокаин на европскиот пазар. Меѓу нив, пристаништето во Антверпен е најтешко погодено во Белгија, а властите минатата година заплениле рекордни 90 тони дрога.

Како што објави дописникот на РТВ Словенија од Брисел, борбата против организираниот криминал и трговијата со дрога била тема на разговор меѓу белгискиот и холандскиот премиер Александар Де Кро и Марк Руте, кои се сретнал во белгискиот град Гент.

Не само пристаништето Авр во Франција или Хамбург во Германија, туку и Ротердам во Холандија повеќе не е се наоѓа на врвот на листата на главни влезни точки на европскиот пазар за јужноамерикански кокаин по заострената владина контрола во последните години.

Една третина од пратките што европските агенции за спроведување на законот успеале да ги запленат во последните години беа наменети или пристигнале во Антверпен, Белгија.

Пристаништето во Антверпен е едно од најголемите во светот, со површина од 11.246 хектари, на кое може да се сместат повеќе од 20.000 фудбалски игралишта.

Директно или индиректно вработува повеќе од 144.000 луѓе, е дом на повеќе од 900 компании и обработува повеќе од 231 милион тони поморски товарен сообраќај годишно.

Антверпен е и најголемата влезна точка во Европа за свежо овошје, има директни контејнерски врски со Колумбија и Гватемала, а царинските процедури мора да бидат многу брзи поради расипливоста на товарот.

Според тоа, властите можат да проверат само еден процент од контејнерите за кои постои сомневање дека содржат дрога.

Во 2019 година, во Антверпен беа запленети 60 тони дрога, во споредба со 90 тони минатата година, но големиот обем, според истражувачите, не е толку резултат на поефикасна контрола отколку зголемената употреба на кокаин во Европа и, следствено, зголемените испораки.

Според неофицијални податоци, органите на редот заплениле само десет проценти од дрогата што во пристаништето пристигнува со контејнерски бродови.

Доходовниот бизнис е контролиран од криминални организации, според истражителите, организирани по националност, а доминираат Мароканци и Албанци. Тие меѓусебно соработуваат во индивидуални работи, но борбата за контрола на трговијата со дрога се интензивира во последните години, а во Антверпен сега се води вистинска мафијашка војна со напади и пукотници низ градските улици.

Од февруари минатата година, белгиските власти спровеле повеќе од 41 операција во кои беа вклучени повеќе од 600 лица во различни случаи кои вклучуваат успешен упад во шифрирана телефонска мрежа „SKI ECC“ што ја користат организираните криминални групи.

Но, ова е само капка во океанот. Полицијата и обвинителството предупредуваат дека им снемува средства за справување со криминални групи кои имаат на располагање огромни суми пари.

Градоначалникот на Антверпен, Барт Де Вевер, кој исто така е еден од највлијателните белгиски политичари, ја стави борбата против организираниот криминал на чело на својата политика - тој сега има полициска заштита поради смртни закани.

Неговата партија „Н-ВА“, десничарската Нова фламанска алијанса, која се залага за постепено отцепување на Фландрија од Белгија, не е само најголемата партија во Фландрија, туку и во целата земја и не учествува во владата на премиерот Де Кру.

The post Албанската и мароканската мафија водат кокаинска војна за превласт во Антверпен appeared first on Република.

Бугарскиот премиер Кирил Петков денеска го посети пристаништето во северниот грчки град Александропулис и се запозна со неговите можности, соопшти бугарската Влада на својата Фејсбук страница.

Како што јави дописникот на МИА од Софија, Бугарија за првпат ќе учествува во постапката за концесија на пристаништето во северниот грчки град. Бугарија ќе биде дел од конзорциумот што ќе конкурира за правата на концесија. Нејзината сопственост во овој конзорциум ќе биде меѓу 10 и 15 отсто.

Преку евентуалното стекнување на концесиски права до 2062 година, Бугарија ќе има пристап до пристаниште во Егејското Море. На овој начин оваа земја ќе стане стратешки партнер во трговските односи во балканскиот регион, што ќе биде од големо значење за бугарскиот бизнис.

The post Бугарскиот премиер Петков го посети грчкиот пристаништен град Александропулис appeared first on Република.

Црногорската полиција во моментов проверува дали е поставена експлозивна направа во пристаништето Бар, велат за „Вијести“ од Полициската управа (УП).

Од пристаништето соопштија дека вработените веднаш биле евакуирани и дека нивните вработени преземаат мерки и дејствија од нивна надлежност.

Радио Бар јави дека машки глас анонимно пријавил дека во пристаништето Бар е поставен експлозив. Повикот бил околу 12 часот од непознат број, и притоа мажот им соопштил дека доколку не ја известат полицијата „за 10 минути цел Бар ќе биде кренат во воздух“, пренесува „Вијести“.

The post Евакуирано пристаништето во Бар поради дојава за бомба appeared first on Република.