Украинската влада донесе одлука со која дополнително ја заострува мобилизацијата, па во иднина пасоши на воено способни мажи ќе може да се издаваат само во земјата, пренесува Хина.

Новата регулатива е објавена откако шефот на дипломатијата, Дмитро Кулеба, до 18 мај  ги суспендираше конзуларните услуги за лицата кои ги исполнуваат условите и притоа ги критикуваше оние Украинци кои се наоѓаат  во странство за тоа дека не служат во војната против Русија.

Последната владина одлука предвидува пасоши да може да им се издаваат на мажи на возраст од 18 до 60 години и тоа само во Украина.

Во странство во моментов живеат стотици илјади воено способни Украинци, во моменти кога земјата се соочува со недостиг на војници во војната против подобро опремената и поголема руска армија.

Шефот на дипломатијата, Кулеба, во своите коментари за суспензијата на конзуларните услуги, пред два дена кажа дека е непримерно регрутите да живеат во странство,а сè уште да сакаат да ги користат услугите од државата.

„Престојот во странство не го ослободува граѓанинот од неговите обврски кон татковината“, напиша тој на X.

The post Ќе треба да се вратат во земјата и да одат на фронтот: Украинските мажи нема да можат да вадат пасош надвор од Украина appeared first on Република.

Масовната мобилизација што се спроведува во Украина резултира со сериозни загуби кај припадници на националните малцинства кои живеат во земјата. Најчести реакции за таквата украинска мобилизиација на малцинствата доаѓаат од Унгарија, но сега, својот глас го кренаа и романските и молдавските организации за човекови права, кои излегоа со алармантни изјави.

Националниот совет на Романците на Украина испратил писмо до романскиот амбасадор во Украина, Корнелиу Јонеску, со барање да се интервенира во мобилизациската политика на властите во Киев и да се запре неоправданото активното регрутирање на етнички Романци во редовите на украинската војска.

Информациите за регрутирање на висок процент граѓани во областите каде што живеат националните малцинства се потврдени и од романски платеници кои учествуваат во воените дејствија во Украина. Во својата видео порака тие бараат да престанат мобилизациските акции во населените места каде што живеат Романци и каде што нема останато никој освен стари лица, деца и инвалиди, како што се селата Дмитровка и Александровка, градовите Измаил и Килија во регионот Одеса и градот Херца во регионот Черновци.

Истовремено, Здружението на Молдавците во Украина „Ватра“ се приклучи на повиците. Неговиот претседаел Виталиј Никула испратил писмо до амбасадорот на Молдавија во Украина, Валери Кивер, со барање да се спречи зголемена мобилизација во областите густо населени со молдавското национално малцинство во регионот Одеса.

Напорите на романските и молдавските активисти повторно беа поддржани од Унгарците, односно од претставниците на Друштвото на унгарската култура на Закарпатија (КМКСЗ), од каде апелираа до унгарскиот амбасадор во Украина, Онтал Гејзер, со слично барање - да се запре присилната мобилизација на нивните сонародници.

The post Останати се само стари, деца и инвалиди: Националните малцинства во Украина се побунија против присилната мобилизација во украинската војска appeared first on Република.