Одбојкарите на Македонија се враќаа дома по настапот на Златната лига во Белгија, а летот од Цирих до Скопје бил неочекувано запрен по неверојатна случка – гром удрил во авионот додека летал, објави порталот Екипа.

Поради ова, пилотот решил веднаш да се врати назад во Цирих каде што принудно слетал, за среќа без посериозни проблеми. Нашите одбојкари веќе се сместени во хотел и утре наутро со нов лет ќе тргнат кон Скопје.

Навистина неверојатна ситуација, додека летавме со авионот удри гром во него и пилотот реши да се врати во Цирих. Не беше пријатно кога слушнавме што се случи, видовме силна светлина во непосредна близина, вели за ЕКИПА капитенот Никола Ѓоргиев.

The post Гром удрил во авионот во кој биле македонските одбојкари, па морале принудно да слетаат во Цирих appeared first on Република.

Хеликоптер на македонската Армија денеска принудно слетал во близина на Скопје откако за време на редовна летачка обука во воздухопловниот ВИНГ се појавило предупредување на инструментите за појава на грешки во работа на моторот. Хеликоптерот слетал кај селата Средно и Долно Коњаре во реонот на Петровец.

Од Армијата информираат дека нема никакви оштетувања на леталото ниту повредени во посадата.

При редовно извршување на летачка обука во воздухопловниот ВИНГ, следејќи ги безбедносните процедури. поради појава на сигнализациско предупредување на инструментите за појава на грешки во работа на моторот, во време околу 14:30 часот е пристапено кон принудно слетување во реонот на селата Средно Коњаре и Долно Коњаре, во реонот на Петровец“, се вели во соопштението од АРМ.

По слетувањето, како што соопштија од Армијата, преземени се сите процедури за обезбедување на местото, сè до утврдување на причината на дефектот и оспособување на хеликоптерот.

The post Хеликоптер на АРМ принудно слетал во околината на Скопје, нема повредени, ниту пак оштетувања appeared first on Република.