Принцот Вилијам, поранешен армиски офицер, го посети „Солсбери Плејн“ во јужна Англија и имаше тренинг сесија со велшката гарда. За таа прилика, Вилијам облече воена униформа.

Војниците му го покажале оружјето. За време на обуката тој управувал со дрон и пукал од снајпер и автомат. Инаку, Вилијам е полковник и таа функција ја извршува од 2022 година.

Фотографиите ги воодушевија обожавателките

Prince William ladies and gentleman. pic.twitter.com/aYCnTp2RIH

— Prince & Princess of Wales (@TribesBritannia) November 26, 2024

Оваа посета на принцот Вилијам беше фатена од фотографите.

Фотографиите го привлекоа вниманието на обожавателите на кралското семејство, кои коментираат дека Вилијам изгледа одлично во војничка униформа и со нов имиџ, брада и мустаќи.

Јас не сум од оние луѓе кои мислат дека принцот Вилијам е убав маж, но ова е добра слика“, „Дами и господа, принцот Вилијам“, „Колку е симпатичен“, се некои од коментарите.

The post Јас не сум од оние луѓе кои мислат дека принцот Вилијам е убав маж, но ова е добра слика, фотографиите од „Солсбери Плејн“ ги воодушевија обожавателките appeared first on Република.

Маскирани крадци влегле во замокот Виндзор додека принцот Вилијам, Кејт Мидлтон и нивните деца спиеле во нивниот дом во близина, објави вчера британски Сан.

Крадците користеле украден камион за да ја пробијат безбедносната капија на кралскиот имот. Според некои извори, тие најверојатно некое време го набљудувале замокот Виндзор.

Се верува дека принцот и принцезата од Велс, заедно со нивните три деца биле во замокот Аделаида, кој е оддалечен само пет минути пеш од местото каде што влегле крадците.

„Сан“ претходно објави дека вооружените полицајци биле отстранети од двата главни влеза во замокот Виндзор, иако се претпоставува дека тие сè уште патролираат околу имотот.

The post Маскирани крадци влегле во замокот Виндзор додека принцот Вилијам, Кејт Мидлтон и децата спиеле appeared first on Република.

Сите велат дека љубовницата на принцот Вилијам е виновна што британската принцеза Кејт ја нема во јавноста подолго време, а се шпекулира дека токму таа била мистериозната жена забележана во автомобил со престолонаследникот. Која е богатата маркиза Сара Роуз и дали му е љубовница на Вилијам? Таа живее во замок со 106 соби, предизвикува восхит со нејзниот стил, а се појави и на свадбата на принцот и принцезата, пишува „Индепендент“.

Гласината дека Роуз, маркизата од Чолмондели е причина што Кејт веќе неколку месеци не е во јавноста брзо се шири во Велика Британија. Дури, луѓето на социјалните мрежи тврдат дека има информации дека вчера таа била во автомобилот со Вилијам, а не принцезата Кејт. Не постојат докази за оваa шпекулација.

If this is how they launch Camilla 2.0 it really is going to break the internet… and maybe the monarchy pic.twitter.com/QP97P8dVnf

— Henry VIII (@SussexHenryVIII) March 11, 2024

Родителите на Сара се Тимоти Ханбери, веб-дизајнер и Ема Ханбери, моден дизајнер. Сара е поранешна манекенка и има 39 години. Работела за конзервативниот пратеник Мајкл Гоув, но сега го води имотот на нејзиниот сопруг, Дејвид Роксавиџ, седми маркиз од Чолмондели. Двојката има три деца – близнаците Александар и Оливер, кои имаат 15 години, и осумгодишната ќерка Ајрис. Семејството живее во Хоутон Хол во Норфолк.  Замокот изграден од првиот британски премиер, Сер Роберт Волпол, во 1720 година, Хотон Хол се наоѓа во простран парк со заградена градина и раскошен ентериер, дело на познатиот англиски архитект Вилијам Кент.

Сара Роуз го запознала својот сопруг, 23 години постар од неа, на одмор во Италија во 2003 година. Тие ја објавиле свршувачката шест години подоцна, а се венчале во Челзи во 2009 година.

Нејзините врски со кралското семејство се воспоставени уште од дамнина. Нејзината баба Лејди Елизабет Ламберт беше една од осумте деверици на свадбата на покојната кралица Елизабета Втора со војводата од Единбург. Завршила училиште во Бакингемшир, каде годишната школарина е околу 38.000 фунти, потпишала договор со врвната агенција за модели Сторм и е позната по откривањето на Кејт Мос.

The post За „исчезнатата“ Кејт виновна ли е љубовницата на Вилијам: Која е фаталната маркиза Сара? appeared first on Република.

Бројни теории на заговор ја следат Кејт Мидлтон, чие закрепнување по операцијата на абдоменот на 16 јануари во Лондон продолжува. Она што може да се прочита на социјалните мрежи често е повеќе од бизарно. Судските експерти ја предупредуваат палатата дека има премногу мистерија и нејасност во најавите за здравствената состојба на принцезата од Велс и кралот Чарлс трети, што создава погодна почва за секакви шпекулации. Засега нема промена во јавните објави, а познато е што мисли принцот Вилијам за гласините поврзани со неговата сопруга.

Пред речиси два месеци беше објавено дека Кејт Мидлтон имала абдоминална операција во истата болница каде Чарлс Трети набрзо имал операција за бенигно зголемување на простатата. Подоцна му бил дијагностициран рак, кој бил поврзан со други здравствени проблеми. Но, не беше кажано за каков рак станува збор, ниту пак се знае која е причината за операцијата на принцезата, која пред само два дена се појави во јавноста, за прв пат откако ја објави здравствената состојба.

Иако од Кенсингтонската палата најавија дека Кејт нема да се појави во јавноста дури после Велигден и дека информациите за неа ќе бидат објавени по потреба, тоа не ги смирува теоретичарите на заговор кои кажуваат и пишуваат се - од тоа дека принцезата донирала бубрег на кралот, побегнала од Палатата, дека се породила во тајност, дека состојбата и е многу посериозна отколку што се мисли... претставени се најстрашните сценарија.

Како принцот Вилијам реагира на теориите на заговор?

Тој е фокусиран на својата работа, а не на социјалните мрежи“, изјави портпаролот на принцот од Велс, за магазинот „Пипл“.

Во текстот се вели дека не им придава значење, но тешко е што не се земаат предвид ваквите бизарни приказни. Судот и претходно имаше политика да реагира дискретно или воопшто да не реагира на многу работи, а искрено, теориите за Кејт можеби не заслужуваат поинаква реакција.

Вилијам неодамна реагираше на чуден начин кога го прашаа за неговата сопруга, експертите постојано ја предупредуваат Палатата да излезе со подиректно и подетално соопштение, но познато е дека Кејт (засега) сака информациите за нејзиното здравје да останат приватни.

The post Принцот Вилијам се огласи за теориите на заговор кои кружат за Кејт Мидлтон appeared first on Република.

Британскиот принц Вилијам изјави дека сака да види „што е можно поскоро крај на борбите во Појасот Газа“. Вилијам зборуваше за „високата човечка цена на конфликтот на Блискиот Исток, откако Хамас изврши терористички напад“, објави Би-Би-Си.

Вилијам изјави дека има „итна потреба од зголемена хуманитарна помош за Газа“, како и ослободување на заложниците.

Тој најави дека ќе учествува на низа состаноци и посети за „запознавање со човечките страдања“ во конфликтите во Газа, Израел и Блискиот Исток.

Принцот Вилијам ќе се сретне со млади „борци против омразата и антисемитизмот“ од различни средини во сè уште неименувана синагога, како и со оние кои обезбедуваат хуманитарна поддршка на Блискиот Исток.

За време на посетите, Вилијам ќе ја истакне својата загриженост за порастот на антисемитизмот.

Како што јавуваат странските агенции, посетите на принцот ќе претставуваат симболична почит на жртвите од конфликтите на Блискиот Исток.

The post Принцот Вилијам: Сакам да видам крај на борбите во Појасот Газа што е можно поскоро appeared first on Република.

Британскиот принц Вилијам денеска им се врати на должностите по операцијата на неговата сопруга Кејт и веста дека кралот Чарлс Трети боледува од рак, а неговиот помлад брат Хари се враќа во САД откако го посети нивниот татко.

Престолонаследникот Вилијам ги одложи планираните ангажмани за да се грижи за своите деца, откако 42-годишната Кејт на 16 јануари беше подложена на операција на абдоменот и помина две недели закрепнувајќи во болница.

Неговиот татко во истата болница се лекуваше поради зголемена простата пред Бакингемската палата во понеделникот да објави дека дополнителните тестови покажале оти 75-годишниот монарх има рак.

Вилијам (41) денеска првпат официјално се појави во јавноста по здравствените проблеми на кралското семејство. Вилијам присуствуваше на церемонија на доделување државните почести во замокот Виндзор, а подоцна присуствуваше и на хуманитарна гала вечера.

Бидејќи кралот ги одложува јавните обврски поради лекување, а Кејт нема да се врати на своите обврски најмалку до Велигден, товарот ќе падне на преостанатите членови на кралското семејство, особено на Вилијам и кралицата Камила.

Кралскиот коментатор Роберт Хардман рече дека Вилијам веќе презел значителен дел од државните должности кон крајот на владеењето на кралицата Елизабета кога таа имала потешкотии да се движи.

– Во таа смисла не е толку различно, но очигледно постои товар од очекување. Тој ќе мора да биде замена во многу прилики, тој ќе биде како шеф на државата на многу начини на ист начин како што беше принцот Чарлс кога кралицата беше болна – изјави Хардман.

И покрај дијагнозата, Чарлс има намера да продолжи со повеќето кралски должности приватно. Секоја среда ќе разговара со премиерот Риши Сунак по телефон, потврди портпаролот на премиерот.

Бакингемската палата не даде детали за здравствената состојба на Чарлс освен дека не е рак на простата, но објави дека кралот останува „апсолутно позитивен“ и со нетрпение очекува да се врати на јавните обврски што е можно поскоро.

The post Принцот Вилијам се врати на своите должности по операцијата на неговата сопруга и веста за ракот на кралот appeared first on Република.

Принцот Вилијам, кој е прв во редот за наследство на британскиот престол, ќе преземе дел од задолженијата на неговиот татко, кралот Чарлс, на кого му беше дијагностициран рак.

Војводата од Велс привремено се повлече од своите кралски задолженија пред три недели за да се грижи за сопругата и трите деца откако војвотката Кејт имаше операција на стомакот. Кралот Чарлс, кој веќе почнал со редовни третмани, ќе продолжи да учествува на состаноци на тајниот совет, но сѐ уште се разработува како тие ќе се спроведуваат.

Бакингамската палата не откри за каков тип на рак станува збор, освен дека не е рак на простата, иако болеста му била откриена при неодамнешното лекување на проширена простата.

Британскиор премиер Риши Сунак изјави дека ракот бил откриен во рана фаза.

Како и сите други, и јас ја примив веста со шок и тага, но, за среќа, рано е откриено“, изјави Сунак.

Чарлс (75) помина три ноќи во приватна лондонска болница откако беше подложен на процедура за проширена простата пред повеќе од една недела. Од палатата тогаш кажаа дека тој решил да излезе во јавност за своите здравствени проблеми со цел да охрабри други мажи да се проверат.

The post Принцот Вилијам ќе преземе дел од задолженијата на кралот Чарлс appeared first on Република.

Единаесетгодишниот Амир Хасан го прашал принцот Вилијам за неговата финансиска состојба за време на неговата посета на проектот за млади Hideaway во Манчестер, Англија. Ова ненадејно прашање упатено кон Вилијам покажа дека тој не знае точно колку пари има во неговата кралска каса.

Тој му пришол на принцот и директно го прашал:

-Колку пари имате на сметката?“, пренесува британски Телеграф.

Идниот крал се насмеал пред да признае:

“Не знам”, одговорил Вилијам.

Според британските медиуми, се верува дека принцот Вилијам тежи околу една милијарда фунти, а The Sunday Times пишува дека откако го наследил имотот на неговиот татко, Војводството Корнвол, може да се пофали со богатство од повеќе од 20 милијарди фунти.

Децата присуствуваа на посетата на Вилијам и работеа на уметнички проект кој вклучувал шишање коса како од списанието. Го прашале и принцот дали сака да им се придружи.

-Јас сум буквално последната личност што треба да ја прашате. Косата ми исчезнува, се пошегува Вилијам со малите деца

The post Дете го збуни принцот Вилијам без текст: „А колку пари имаш на сметка?“ appeared first on Република.

Вилијам, принцот од Велс, зема годишна плата од речиси шест милиони фунти, открива неодамна објавениот годишен финансиски извештај на британското кралско семејство.

Неговиот приход (платата на принцот од Велс) е регулиран уште во 1337 година со Големата повелба на кралот Едвард трети, со која кралот ги оставил приходите од Војводството Корнвол на својот најстар син и наследник.

Од пред 700 години, титулата Принц од Велс оди со значителна финансиска привилегија, а така е и денес.

За да не испадне дека најважната титула на идниот крал се однесува на еден дел од Обединетото Кралство, Велс, и дека тој зема плата од друго војводство, договорено е титулата војвода од Корнвол да оди рака под рака со титулата наследник на тронот.

Платата произлегува од годишниот нето приход од имоти, инвестиции и од изнајмување недвижен имот во сопственост на Круната од целото војводство.

Истото правило важело и за кралот Чарлс кога бил принц.

The post Еве колкава е платата на принцот Вилијам, најстариот син и наследник на кралот Чарлс Трети appeared first on Република.

Додека го чекаме крунисувањето на кралот Чарлс, британското кралско семејство не мирува со своите отровни стрели што си ги испраќаат меѓусебно, особено одметнатиот принц Хари.

Пријател на принцот Вилијам наводно изјавил за „Дејли бист“ дека нема никаква врска со помирувањето на престолонаследникот со неговиот помлад брат принцот Хари.

Пред неколку дена медиумите пишуваа дека принцот Вилијам наводно „примил огромна сума пари“ во 2020 година, во спогодба со компанијата „Њуз Груп Веспејперс“ (НГН), на чело со Руперт Мардок, за хакирање телефони со цел да се соберат информации за таблоидите. Самиот Хари го тврди тоа.

Откривајќи тајни Хари пали се до темел. Многу е јасно дека Вилијам е свесен дека неговата врска со него е завршена – тврди неименуван близок пријател на принцот од Велс.

Како што истакнал, иако порано браќата биле најдобри пријатели, сега меѓу нив е готово, а Вилијам ја изгубил секаква доверба во својот помал брат.

- Вилијам никогаш повеќе нема да му верува на Хари. Како можеше? Вистината е дека Вилијам сега апсолутно го мрази Хари и никогаш нема да му ја прости штетата што му ја нанесе на семејството – вели изворот. - Браќата беа многу блиски кога беа помали, толку многу што за нас што ги познававме тогаш е неверојатно што дојдоа до моментот кога Хари ги откри доверливите законски решенија на својот брат.

Станува збор за скандал во кој е откриено дека споменатата компанија хакирала телефони на познати личности и членови на британското кралско семејство.

Во судските документи, чии детали се појавија во медиумите оваа недела, се вели дека принцот Хари тврди:

- Изгледа брат ми знаеше многу повеќе од мене за хакирањето телефон, иако не ми кажа.

Тој понатаму наведува дека НГН „сепак го подмирил своето барање за пари за огромна сума“ и забележува дека јавноста не била запознаена со деталите, „со очигледно поволна зделка за возврат да молчи сè“, додава тој.

Споменатата компанија се обидува да тврди дека е предоцна Хари да поднесе тужба против нив, а принцот не нуди објаснување зошто не поднел тужба порано. Извори блиски до Вилијам веруваат дека Хари излезе во јавноста со сето тоа „за инает“, а наводно и постариот принц го чувствува истото.

The post Братска кавга: Принцот Хари упати нови обвинувања против својот брат appeared first on Република.

Кралското семејство уште еднаш е под будното око на јавноста, но овојпат причината не се принцот Хари и Меган Маркл. Станува збор за британскиот обожуван кралски пар, принцот Вилијам и принцезата Кејт Мидлтон.

Имено, „Marca“ некако дошла до информации дека следниот на ред на наследство на британскиот трон Вилијам има љубовна афера со моделот Сара Роуз Хенбери.

Како што наведуваат тие, Вилијам го поминал Денот на вљубените со Сара. Сара е родена во 1984 година и е венчана за маркизот од Чолмонделеј со кој има три деца. Пред да се венча работела како модел.

Ова не е првпат да има сомнеж во тајната врска на Вилијам и Сара. Уште од 2019 година првпат започнале гласините за наводната врска со Сара.

Таа повторно ги иницирала сомнежите кога се појавила на погребот од кралицата Елизабета Втора во друштво на својот сопруг Дејвид иако генерално се блиски пријатели со кралското семејство.

Првите сомнежи за симпатиите меѓу Вилијам и Сара ги објави британски „The Sun“. Сара и Кејт на почетокот биле добри пријателки, но тоа повеќе не е случај, пишува „Newidea“.

Сепак, во април минатата година кралскиот експерт Ендру Мортон кажал дека оваа токсична приказна е чисто измислување и дека Вилијам и Кејт одлучиле тоа да го игнорираат и воопшто да не го коментираат.

The post Принцот Вилијам не ѝ е верен на Кејт Мидлтон? appeared first on Република.