И на постојната, и на новата траса за патот Прилеп - Битола има неексплодирани средства и затоа работата на таа траса ќе оди тешко, објасни вчера министерот за транспорт и врски Александар Николоски во „Клик Плус“ на ТВ21.

Тој рече дека ако се деминираат тие гранати, за 2-3 години може да се очекува Прилеп и Битола да бидат поврзани со автопат.

Има проблем со деминирање. Таа траса поминува низ линијата на фронтот во Првата светска војна, и затоа потребно е да се деминираат сите тие. Не се малку, и сериозна е работата, и ако тоа се заврши на време, тогаш за 2-3 години очекувам да имаме автопат Прилеп – Битола, рече Николоски.

https://youtu.be/D2Lme1-9QFg?si=Ih8jvm0XjpZsWAer

The post Тешко оди изградбата на патот Прилеп – Битола оти има многу неексплодирани гранати од Првата светска војна appeared first on Република.

АМСМ денеска информира дека вчера од 13:15 часот поради изградба на патен коридор 10Д, делница Прилеп-Битола, извршено е пренасочување за секаков вид на сообраќај и тоа од клучка Тополчани по Р1101 до депонија Алинци.

Временскиот режим ќе трае во временски период од една година.

The post Почнува градењето на патот Прилеп-Битола, една година ќе се вози со пренасочување appeared first on Република.

Дежурен јавен обвинител од Основното јавно обвинителство Прилеп извршил увид на лице место на тешката сообраќајна несреќа на патот Прилеп-Битола во која утрово три лица го загубија животот, а едно е повредено.

Според првичните сознанија, како што соопштија од Јавното обвинителство, до несреќата дошло при судар на патничко возило „тојота“ со прилепски регистарски ознаки и товорно возило „волво“ со скопски ознаки. Причините за несреќата се утврдуваат.

Јавниот обвинител издал наредба за обдукција на телото на починатите, сите патници во автомобилот, како и за испитување на примероци од крв и урина од возачот на камионот. Наредено е и сообраќајно-техничко вештачење за утврдување на причините, се појаснува во соопштението.

https://republika.mk/vesti/crna-hronika/zaginaa-vrvni-doktori-od-prilep-kamionot-navodno-vozel-vo-sprotiven-pravets/

Три лица од Прилеп загинаа, а едно лице е повредено во тешката сообраќајна несреќа што утрово се случила околу 7:50 часот во судир на патничко возило и камион на магистралниот пат Прилеп-Битола, на излезот од градот, кај селото Лагово.

Тројцата загинати се од патничкото возило „тојота“ со прилепски регистерски таблички, а повредениот е од камионот. Во судирот патничкото возило се запалило, соопштија од СВР Битола.

https://republika.mk/vesti/crna-hronika/se-prostuvaat-od-niv-zagubata-e-pregolema-ova-se-doktorite-koi-zaginaa-pred-prilep/

Сообраќајната несреќа се случила помеѓу патничко возило „тојота“ со прилепски регистарски ознаки управувано од Н.В.(42) од Прилеп и сопатници А.Р и Ф.Ј., сите од Прилеп и товарно возило „волво“ со скопски регистарски ознаки, управувано од Г.Р.(51) од Битола. Во несреќата патничкото возило се запалило и на местото починале тројцата патници. Смртта ја констатирал лекар од Итната медицинска помош Прилеп, информираат од СВР Битола.

Магистралниот пат се уште е затворен за сообраќај, а увид на местото на несреќата прават полицијата и јавен обвинител.

Како медицинска екипа констатиравме смрт на три лица, сите од патничкото возило „тојота“. Повредениот од камионот итно е пренесен во Општатата болница во Прилеп со телесни повреди, изјави Боше Милошески, началник на Итната медицинска помош од Прилеп, кој беше на увид на местото на сообраќајката.

Повеќе од час и половина екипите на прилепската противпожарна единица интервенирале за да го изгаснат пожарот.

Во 7:45 часот изутрината добивме пријава за камион, кој гори на патот Прилеп - Битола, кај селото Лагово. Кога дојдовме на местото видовме дека не гори само камион, туку и патничко моторно возило, односно се случила сообраќајна несреќа. За да го изгаснеме пожарот интервениравме со пет возила и 12 пожарникари. Го обезбедуваме просторот, има бензин, нафта истечено. Станува збор за хибридно возило во сообраќајката со литиумски батерии, изјави Виктор Стојчески, заменик- момандир на ТППЕ- Прилеп.

Магистралниот пат Прилеп - Битола од 8 часот изутрината е затворен за сообраќај. Сообраќајот се одвива по алтернативни патишта.

The post Ќе се вештачи местото на несреќата, крв и урина земени од возачот на камионот appeared first on Република.

Двајца врвни лекари од приватната болница „Плодност“ Битола, загинаа утрово во сообраќајката кај индустриската зона во Прилеп на пат за Битола. Загинаа примариус доктор Александар Ристески, радилог и гинкологот д-р Никола Василески. Животот го загуби и Фанче Јованоска рендген техничар во болницата, сите од Прилеп, дознава „Апла.мк“.

https://republika.mk/vesti/crna-hronika/tri-a-ne-dve-litsa-zaginale-na-litse-mesto-so-teshkiot-sudir-na-patot-prilep-bitola/

Според информациите од СВР Биотла утрово во 07.51 часот било пријавено дека на патот Прилеп - Битола кај клучката Лагово се случила сообраќајна несреќа помеѓу патничко возило „тојота“ со прилепски регистарски ознаки управувано од Н.В.(42) од Прилеп и сопатници А.Р и Ф.Ј., сите од Прилеп и товарно возило „волво" со скопски регистарски ознаки управувано од Г.Р.(51) од Битола.

Во несреќата патничкото возило се запалило и на лице место починале тројцата патници во истото.

Смртта ја констатирал лекар од Итна медицинска помош Прилеп.

Како што соопштуваат дел од медиумите, до судирот дошло бидејќи камионот се движел во обратен правец, кон Прилеп, но тоа ќе се утврдува после увидот кој на лице место го вршат јавен обвинител и полициски службеници од ОВР Прилеп.

На социјалните мрежи е споделено и видео од епилогот на несреќата:

The post Загинаа врвни доктори од Прилеп, камионот наводно возел во спротивен правец appeared first on Република.

Млад прилепчанец го загуби животот во тешкиот судир којшто се случи вчера на патот Прилеп-Битола.

Како што соопштуваат од МВР, во 15.48 часот во Полициската станица Прилеп било пријавено дека на регионалниот пат Прилеп-Битола, на излез од Прилеп, се случила сообраќајна несреќа помеѓу товарно возило „волво“ со кавадаречки регистарски ознаки, управувано од К.И.(58) од Кавадарци, патничко возило „рено 5“ со прилепски регистарски ознаки, управувано од С.С.(21) од Прилеп и патничко возило „рено меган“ со ресенски регистарски ознаки, управувано од Г.И.(39) од Ресен.

На местото на несреќата од здобиените повреди починал С.С., а лекар од Итната медицинска помош констатирал смрт.

Возачот на товарното возило К.И. и неговиот сопатник З.П.(48) од Кавадарци се здобиле со телесни повреди, констатирани во Градската општа болница Прилеп.

Извршен бил увид од јавен обвинител и увидна екипа од ОВР Прилеп.

Поради сообраќајката сообраќајот неколку часа се пренасочуваше по стариот пат.

The post Млад прилепчанец го загуби животот во тешкиот судир на патот Прилеп-Битола appeared first on Република.

На државен пат Р1101 делница Прилеп - Битола заради интезивирање на градежните активности кај мост на река Шемница, од 27 март ќе има целосно затворање и времена измена на режимот на сообраќај, соопштува АМСМ.

Сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Од утре изменет сообраќаен режим на патот Прилеп – Битола, не се знае кога ќе се готови градежните работи appeared first on Република.

Поради сообраќајна несреќа што се случила патниот правец Прилеп – Битола сообраќајот помеѓу Прилеп и Лагово се одвива по стариот пат, информираат од ЈП Македонија пат.

Екипите на ова јавно претпријатие се на лице место и работат на расчистување и нормализација на сообраќајот.

The post Сообраќајка на патот Прилеп-Битола, сообраќајот се пренасочува appeared first on Република.

Од утре, понеделник, ќе биде изменет режимот на сообраќај на магистралниот пат A3, делница Прилеп-Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект, информираат од АМСМ.

Се замолуваат сите учесници во сообраќајот да ја почитуваат поставената времена сообраќајна сигнализација и да се прилагодат кон условите на патот. Времениот режим на сообраќај е со важност од 6 месеци, односно се до завршување на градежните работи.

Од 5 декември, пак, е изменет режимот на сообраќај на државен пат A2, делница Тетово-Гостивар во двата правци на движење поради изведување на геотехнички истражувања на коловозот.

Сообраќајот на државните патишта се одвива непречено, пo наместа влажни коловози. Интензитетот на сообраќај на патните правци надвор од градските средини е умерен.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Од утре времен режим на сообраќај на делницата Прилеп-Битола appeared first on Република.