Рускиот политички аналитичар Валери Соловеј тврди дека водачот на „Вагнер“, Евгениј Пригожин е жив, бидејќи, според ова тврдење, неговиот двојник загинал во падот на авионот на платеничкиот бос минатата недела. Тој додаде дека на почетокот на следниот месец ќе соопшти во која земја наводно побегнал Пригожин.

Британски „Дејли Мејл“ го пренесува тврдењето на Соловеј дека Пригожин е „жив, здрав и слободен“ и дека се наоѓа во неименувана земја, иако вчера на гробиштата во Санкт Петербург беше одржан таен погреб за лидерот „Вагнер“.

Според Соловеј, поранешен професор на престижниот московски институт за меѓународни односи (МГИМО), за кој „Дејли мејл“ тврди дека е центар за обука и за руски шпиони и за дипломати, Пригожин ја лажирал својата смрт во авионска несреќа одобрена од Путин и дизајнирана од неговиот Совет за безбедност.

The post Соловеј: Пригожин е жив, неговиот двојник загина во падот на авионот и Путин го знае тоа appeared first on Република.

Шефот на паравоената група Вагнер, Евгениј Пригожин е меѓу жртвите во авионската несреќа во Русија, потврди денеска генетското вештачење спроведено од руските истражни органи.

На крајот од „генетското вештачење“ било утврдено дека идентитетот на десетте жртви чии тела биле пронајдени по урнувањето на авионот „одговараат на списокот“ на патниците и членовите на екипажот на авионот, меѓу кои бил и Пригожин, се наведува во соопштението на Истражната комисија.

Истражителите на 25 август објавија дека ги пронашле и црните кутии со податоци за летот на авионот што се урна на 23 август.

The post Истрагата потврди дека Пригожин е меѓу жртвите во авионската несреќа во Русија appeared first on Република.

Авион во кој се наоѓал Евгениј Пригожин се урна пред два дена недалеку од Москва. Вчера, во телевизиска изјава, Путин му „изрази сочувство“ на семејството на Пригожин.

„Го познавам Пригожин многу долго, од почетокот на 90-тите. Тој беше човек со тешка судбина, кој направи сериозни грешки во животот, но ги постигна потребните резултати“, рече Путин.

Тој исто така рече дека руските власти ќе го земат предвид она што истражителите го откриваат за авионската несреќа, но веднаш додаде дека „истрагата за инцидентот ќе потрае некое време“. Тој, исто така, тврди дека Пригожин „имал тежок животен пат.

Чеченскиот лидер Рамзан Кадиров, сојузник на рускиот претседател Владимир Путин чии сили често се бореле заедно со единиците на Вагнер во Украина, го пофали наследството на Евгениј Пригожин.

„Ние сме пријатели долго време“, рече Кадиров во подолга објава на Телеграм. „Често моравме да ги решаваме најкомплицираните прашања.

Кадиров го опиша Пригожин како личност која „се издвојува од другите со брзината на реакција, уникатните комуникациски вештини и упорноста“. Тој секогаш беше подготвен да помогне и навистина помагаше од срце, рече тој.

Иако тој не го кажа тоа, од изјавата на Кадиров се гледа дека тој верува дека Пригожин е убиен.

Додека Кадиров рече дека Пригожин е „важна фигура на националната сцена“, тој неодамна „или не ја видел или не сакал да ја види целосната слика за она што се случува во земјата“.

„Го замолив да ги остави своите лични амбиции зад себе во корист на прашања од највисоко национално значење. Сè друго можеше да се реши подоцна“, рече Кадиров.

„Но, токму таков беше Пригожин, со неговото цврсто однесување и желба да го добие она што го сака овде и сега.“

За придонесот на групата Вагнер во руската војна во Украина, Кадиров рече:

„Нема сомнеж дека тој даде голем придонес [во специјалната воена операција]. И таа заслуга не може да му се одземе. Неговата смрт е голема загуба за целата земја“.

The post Кадиров: Му зборував на Пригожин да ги остави амбициите на страна, но… appeared first on Република.

Украинскиот претседател Володимир Зеленски денеска изјави дека Украина нема никаква врска со наводната смрт на Евгениј Пригожин, кој очигледно загина вчера во авионска несреќа во Русија, пренесуваат украинските медиуми.

-Ние не сме вмешани во оваа ситуација, тоа е сигурно. Мислам дека сите се свесни за тоа кој е вклучен, рече Зеленски на прес-конференција во Киев, но не даде повеќе детали.

Украинскиот претседател, наведе дека, најверојатно, зад падот на авионот на Пригожин стои рускиот претседател Владимир Путин, против кого Пригожин се обиде да изврши државен удар пред неколку месеци и експресно се откажа.

The post Зеленски за загинувањето на Пригожин: Ние не сме вклучени во оваа ситуација, сите се свесни за тоа кој е виновникот appeared first on Република.

Франција на 24 август, објави дека постојат „оправдани сомнежи“ за причината за авионската несреќа во која најверојатно загинал Евгениј Пригожин, шефот на руската паравоена група Вагнер.

Сè уште не ги знаеме околностите на оваа несреќа. Можеме да имаме некои разумни сомневања, изјави владиниот портпарол Оливие Веран за телевизијата Франс 2.

Пригожин беше човек кој ја вршеше валканата работа на Путин. Тоа што тој го направи беше неразделно од политиката на Путин, кој му даде одговорност да врши злоупотреби како шеф на Вагнер. „Пригожин остави зад себе масовни гробници. Тој остави немири во голем дел од земјината топка, мислам на Африка, Украина и самата Русија, рече Веран.

The post Француска влада: „Оправдани сомнежи“ за причината за падот на авионот на Пригожин appeared first on Република.

Извори за руските медиуми се сомневаат во личниот пилот на Пригожин, Артем Степанов, поранешен основач на компанијата МНТ Аеро, компанијата која го поседуваше авионот Ембраер Легаси 600 во кој се наоѓаа Пригожин и заповедникот на „Вагнер“ Дмитриј Уткин. Изворите тврдат дека Степанов имал пристап до авионот и дека пред експлозијата побегнал на полуостровот Камчатка на далечниот исток на Русија.

Руските власти засега не можат да го лоцираат, но неговиот брат тврди дека Артем е на кампување и дека не може да биде контактиран на неговиот мобилен телефон.

Дополнително, руските медиуми пишуваат дека била поставена експлозивна направа во одделот за слетување на авионот во кој летале Пригожин и Уткин.

Според првичните информации, експлозијата се случила додека леталото било во воздух. Експлозијата предизвикала откинување на крилото, кое потоа удрило во стабилизаторот. Авионот потоа почнал забрзано да се качува, за потоа да се заврти и да почне да паѓа. Екипажот и патниците изгубиле свест поради наглото губење на притисокот предизвикано од експлозијата. Поради ова, пилотот и копилотот не можеле да пријават дефект и да испратат повик за помош.

„Скај њуз“ јавува дека има шпекулации дека авионот бил соборен од ракетен систем воздух-земја, а се шпекулира и дека на патниците пред да се качат им била подарена кутија шишиња со вино и дека таа експлодирала и предизвикала авионот да се сруши.

The post Според „Скајњуз“- експлодирала подарена кутија шишиња со вино, според руските медиуми Пригожин е убиен во експлозија и имаат главен осомничен appeared first on Република.

Командантот на руската платеничка формација Вагнер и нејзиниот соосновач Дмитриј Уткин се исто така меѓу оние кои се наоѓале во авионот што синоќа се урна во таа земја, соопшти Федералната агенција за цивилен транспорт на Русија, пренесува Би-Би-Си.

Таа агенција претходно потврди дека меѓу десетте патници и членови на екипажот во авионот бил и шефот на Вагнер, Евгениј Пригожин, водачот на краткотрајниот и неуспешен бунт против военото раководство на Кремљ во мај оваа година.

Телеграмскиот канал Сива зона, за кој се верува дека е близок до Вагнер, објави дека и Пригожин и Уткин загинале во авионската несреќа.

Светските медиуми јавуваат дека авионот бил приватен и дека се урнал во областа Твер северно од Москва, главниот град на Русија.

Претставници на рускиот граѓански транспорт потврдија дека авионот „Ембраер Легаси“ летал меѓу Москва и Санкт Петербург и превезувал седум патници и тројца членови на екипажот. Нивните имиња се објавени.

Меѓу патниците беше и Валери Чекалов, близок соработник на Пригожин, кој беше ставен на списокот на санкционирани лица од Русија од страна на американското Министерство за финансии бидејќи „обезбедувал испораки на муниција во Руската Федерација за Пригожин или во негово име“.

Според првичните информации, сите во авионот загинале.

Русија започна истрага за причините за падот на авионот.

Телеграмскиот канал Сива зона тврди дека Пригожин бил убиен од „предавници на Русија“.

The post Уткин, соосновачот на Вагнер бил со Пригожин во авионот што се урна во Русија appeared first on Република.

Рускиот претседател Владимир Путин ќе се држи до историјата и ќе се „справи“ со Пригожин, кого го прогласи за предавник по краткиот обид за државен удар на Вагнер во јуни, изјави Христо Грозев, водечки руски истражувачки новинар.

-Сите знаат што прават со „предавниците“ оние Русите кои се поврзани со режимот на Путин, а Путин тоа не го стори. Тој сака да го види мртов. Се уште не може да го направи тоа, изјави Грозев за „Фајненшл тајмс“.

Грозев претходно во јануари годинава изјави дека Пригожин ќе го предаде Владимир Путин во рок од шест месеци. Неговото предвидување се претвори во реалност на крајот на јуни, кога Евгениј Пригожин, кој е на чело на платеничката војска на „Вагнер“, го предводеше маршот кон Москва.

-За шест месеци Пригожин или ќе биде мртов или ќе се случи нов државен удар... Можете да ме држете за збор, рече познатиот руски новинар.

The post Путин ќе се држи до историјата и ќе се „справи“ со Пригожин, тврди водечки руски истражувачки новинар appeared first on Република.

Водачот на руската приватна армија „Вагнер“ Евгениј Пригожин, кој во јуни предводеше неуспешен еднодневен бунт против руското воено раководство, е фотографиран во Санкт Петербург, каде што се одржува самит Русија – Африка.

Директорот на „Рускиот дом“ во Централноафриканската Република, Дмитриј Сити, денеска објави фотографија на која Пригожин позира со непознат гостин од Африка, пренесува порталот Фонтанка од Санкт Петербург.

Сити напиша дека се работи за фотографија од самитот и за неа му се заблагодарува на „господинот амбасадор“.

Истата фотографија ја објавија повеќе медиуми кои претходно беа дел од медиумската империја на Пригожин. Тие наведоа дека Пригожин на самитот се сретнал со претставници на Централноафриканската Република, Мали и Нигер.

Групата „Вагнер“ е обвинета за учество во повеќе конфликти и бруталност, особено во Африка. јт/

Фото: Социјални медиуми на Дмитриј Сити

The post Пригожин во Санкт Петербург appeared first on Република.

Рускиот претседател Владимир Путин се сретна со лидерот на приватната армија Вагнер, Евгениј Пригожин неколку дена по неговиот бунт, изјави денеска портпаролот на Кремљ Димитриј Песков.

Средбата што се одржала на 29 јуни, траела три часа во Кремљ, а учествувале и командантите на Вагнер. На состанокот биле вкупно 35 луѓе.

Песков изјави дека за време на средбата на 29 јуни, Путин презентирал „оценка“ за настапот на Вагнер на бојното поле во Украина и за „настаните од 24 јуни“.

Самите команданти ја претставија својата верзија за тоа што се случи. Тие истакнаа дека се лојални поддржувачи и војници на шефот на државата и врховен командант (Путин) и порачаа дека се подготвени да продолжат да се борат за својата татковина, рече Песков.

Платениците на Вагнер се бореа заедно со руската армија во Украина, но тензиите меѓу основачите на таа приватна армија и руското воено раководство кулминираа на 24 јуни кога Приогожин и неговите борци тргнаа кон Москва.

Бунтот беше прекинат со посредство на претседателот на Белорусија Александар Лукашенко, во чија земја беше договорено Пригожин да оди, но и сега не се знае каде се наоѓа.

The post Песков: Путин и Пригожин се сретнаа по бунтот на Вагнер appeared first on Република.

Генералот Сергеј Суровикин, заменик-командантот на руските воени операции во Украина, знаел дека Евгениј Пригожин водачот на платениците од Вагнер планира бунт против военото раководство на Москва, објави Њујорк Тајмс.

„Њујорк тајмс“ се повикува на американски претставници запознати со американското разузнавање за бунтот на Пригожин и наведува дека официјалните лица „се обидувале да откријат дали генералот Сергеј Суровикин, поранешниот врховен руски командант во Украина, помогнал во планирањето на акциите на Пригожин минатиот викенд“.

Пригожин замина во егзил во Белорусија според договорот со кој заврши кусиот бунт на неговите борци од Вагнер во текот на викендот, додека претседателот Владимир Путин ги пофали неговите вооружени сили за избегнување граѓанска војна.

„Њујорк тајмс“ објави дека американските власти, исто така, рекле дека има знаци дека други руски генерали можеби го поддржувале Пригожин.

Суровикин во октомври беше ставен на чело на операциите во Украина, но во јануари рускиот министер за одбрана Сергеј Шојгу го назначи началникот на Генералштабот Валериј Герасимов да ја надгледува кампањата, а Суровикин стана негов заменик.

Пред да започне бунтот, Пригожин бил против Шојгу и Герасимов, обвинувајќи ги за неуспехот на кампањата и недостиг на армиска поддршка за борците на Вагнер

The post Њујорк Тајмс: Суровикин знаел за планот на Пригожин appeared first on Република.

Шефот на групата „Вагнер“, Евгениј Пригожин, тврди дека неговите единици ја презеле контролата врз градот Ростов на Дон, додека претседателот на Русија се подготвува за вонредно обраќање до јавноста.

Војската шета низ Ростов, а патролираат оклопни возила.

Пригожин кажа дека силите на „Вагнер“ ќе продолжат да го блокираат градот и ќе се движат кон Москва, освен доколку началниците на одбраната Сергеј Шојгу и Валери Герасимов не дојдат да го пречекаат.

Да потсетиме дека војниците на групата „Вагнер“ под контрола на Пригожин тргнаа кон Ростов на Дон, по неговото обвинување дека руската армија ги „уништува“ неговите борци.

Пригожин вети дека ќе го запре „злото“ на военото раководство и го најави „маршот на правдата“ на неговите војници.

Москва реагираше со покренување истрага против шефот на групата „Вагнер“, кој беше обвинет за предизвикување граѓанска војна.

The post Пригожин: Ќе тргнеме кон Москва, „Вагнер“ го контролира Ростов appeared first on Република.

Евгениј Пригожин, шефот на приватната руска воена компанија Вагнер, го подигна руското знаме во Бахмут, за кое тврди дека сега е целосно под контрола на руските сили.

На видеото објавено на Телеграм, може да се види Пригожин, опкружен со членови на Вагнер на улица на разурнат град, како држи руско знаме на кое е испишан денешниот датум.

- На 20 мај 2023 година точно во 12 часот го зазедовме последното упориште на непријателот, висококатницата „Авион“ - вели Пригожин.

pic.twitter.com/dRgWDQpLiX

— zoranceran (@zoranceran2) May 20, 2023

The post Пригожин го развиори руското знаме во Бахмут appeared first on Република.