Градската библиотека „Браќа Миладиновци“ - Скопје по повод својот 79. роденден, в петок, на 15 ноември, во 12 часот ќе одржи презентација на Дигиталната колекција Анте Поповски. Проектот е во соработка со семејството и Здружението за зачувување на делото на Анте Поповски - Антево Перо.

Дигитализирањето на творештвото на Поповски, како и целокупната дигитална платформа се од особено значење за афирмација на македонската култура и јазик и нивна поголема достапност до студентите, истражувачите и академската фела.

The post Градската библиотека „Браќа Миладиновци“ по повод 79. роденден ќе ја презентира Дигиталната колекција Анте Поповски appeared first on Република.

Јасен став на Европската комисија е дека проширувањето им централна улога во геополитичкиот пристап на ЕУ, порача денеска високиот претставник за заедничка надворешна и безбедносна политика на Унијата, Жосеп Борел при презентацијата на Пакетот извештаи за проширувањето.

- Граѓаните очекуваат од Европската Унија да дејствува со цел да се гарантира стабилноста и соработката во нашето соседство. Ако тоа не можеме да го сториме во нашето најблиско соседство, тешко ре да се верува дека тоа ќе успееме да го направиме во подалечните делови од светот, нагласи Борел, додавајќи дека Европската Унија нема да биде само набљудувач на настаните.

На заедничката прес-конференција со еврокомесарот за проширување и соседска политика, Борел нагласи дека во изминативе пет години се соочивме со предизвици без преседан во сферата на здравството, животната средина и безбедноста, а речиси пред 1000 дена Русија ја започна целосната агресија врз Украина.

- Русија претставува егзистенцијална закана за Европа, повеќе од кога било до сега, и членството во ЕУ стана стратешки избор. Алтернативите (на членството) може да бидат полесни на краток рок, но она што е лесно на краток рок, може да донесе тешкотии на долг рок, порача Борел.

Тој нагласи дека она што е наведено во извештаите се базира на индивидуалните достигнувања на земјите аспиранти за членство и нивните заслуги, чиј темел пред се е владеењето на правото.

- Во изминатите пет години пристапните преговори се вратија на врвот на приоритетите на Европската комисија. Во 2019 година имаше пет кандидати за членство, а денес има девет земји кандидати и еден потенцијален кандидат, што ги прави 10, односно двојно повеќе. Тоа покажува дека Европската Унија дејствува како магнет, привлекувајќи луѓе и држави, истакна Борел.

Според него, постепената интеграција донесе резултати, па така земјите вклучени во пристапниот процес веќе имаат видлива корист од тоа.

- Тоа значи дека не мора да чекате до крајот за да ги добиете сите придобивки (од членството), туку тоа е процес низ кој има видливи придобивки кои граѓаните ги чувствуваат секојдневно, рече Борел, додавајќи дека тоа вклучува пристап до програмата Еразмус+, тоа што сите граѓани од Западниот Балкан може да патуваат во ЕУ без визи, како и Планот за раст на регионот и инструментите за поддршка на Молдавија и Украина, со кои се наградуваат реформите, од кои најважно е владеењето на правото.

Тој посочи дека ЕУ се обидува да воспостави посилни врски со кандидатите за членство во сферата на енергетската и безбедносната политики, со цел да се одбранат европските вредности, да се зачува регионалната стабилност и да се заштити глобалниот поредок.

- Нашата Унија не треба да биде само поголема, туку и посилна. Можете да станете поголеми, но тоа не значи автоматски дека сте и посилни. Ние го сакаме и едното и другото. Сакаме да ги интегрираме нашите соседи и сите заедно да бидеме посилни, рече високиот претставник на ЕУ.

Борел посочи дека во услови на руската агресија врз Украина, не може да развивате односи со Русија како се да е нормално, а во исто време да сакате членство во ЕУ, бидејќи не може и едното и другото.

Според него, во изминативе години има значително усогласување на кандидатите за членство со заедничката надворешна и безбедносна политика на ЕУ, што е показател дека тие ги споделуваат европските вредности и геополитички цели.

- Некои наши партнери се целосно усогласени со нашата заедничката надворешна и безбедносна политика. Би можел да споменам Македонија, Албанија, Црна Гора, Босна и Херцеговина и Косово, кое доброволно се усогласува, потенцира Борел.

Вархеји, од своја страна, нагласи дека актуелна Европска комисија работеше напорно да го врати проширувањето како еден од трите нејзини приоритети и тоа не само да се дискутира за тоа, туку и да се оствари напредок.

- Проширувањето не е поврзано само со промената на нашето геополитичко опкружување, туку тоа е и во интерес на ЕУ, истакна Вархеји, додавајќи дека членството во Унијата е долгорочна гаранција за мир, стабилност, безбедност и просперитет.

Тој нагласи дека со измената на метедологијата за членство извршена во 2020, ЕУ направи многу значајна промена во пристапот и го врати кредибилитетот на процесот, кој се загуби негде попатно, правејќи го предвидлив со ставот дека ако има напредок од едната, ќе го има и од другата страна.

- Врз основа на тоа можеме да кажеме дека направиме многу. Не само што имаме нов земји кандидати за членство, туку и шест земји кои преговараат, а може да им се приклучи и седма ако Советот донесе одлука за старт на преговорите со БиХ, рече Вархеји.

Според него, сето ова е видлив напредок и врз основа на тоа до крајот на мандатот на новата Европска комисија би можеле да очекуваме ново проширување на Унијата.

Тој посочи и дека паралелно со ова, ЕУ работи и на намалување на економско-социјалниот јаз меѓу земјите кандидати и членките на Унијата, за што се одвоени 30 милијарди евра само за земјите од Западниот Балкан, што претставува една третина од БДП на регионот.

- Не само што е потребно ЕУ да биде силна, туку треба и да ја донесе Европа во соседните региони, рече Вархеји, потенцирајќи дека за таа цел е подготвен и Планот за раст на Западниот Балкан, како и алатки за поддршка на Молдавија и Украина, што треба да им помогне на овие земји да ги спроведат потребните реформи и да бидат подготвени за членство во ЕУ до крајот на мандатот на новата Комисија, кој завршува кон крајот на 2029 година.

Пакетот извештаи за проширувањето ја оценува усогласеноста на земјите кандидати и потенцијални кандидати за членство во ЕУ со Копенхашките критериуми, кои се однесуваат на стабилност на институциите кои ги гарантираат демократијата, владеењето на правото, почитувањето на човекови права и заштита на малцинствата, потоа одржувањето на функционална пазарна економија и нејзината способност за справување со конкурентскиот притисок и пазарните сили во ЕУ, како и капацитетите да се преземат обврските од членството, вклучително и за ефикасно спроведување на правилата, стандардите и политиките на ЕУ.

Пакетот за проширување ги дефинира експлицитно оние реформи што треба да ги преземат земјите опфатени со пристапниот процес за да станат членки на ЕУ и информира за нивниот напредок на патот кон членство во Унијата.

Во документот се прави и преглед на спроведувањето на клучните политички и економски реформи од страна на аспирантите за членство и им се даваат јасни препораки за следниот период. сп/

The post Борел: Проширувањето има централна улога во геополитичкиот пристап на ЕУ appeared first on Република.

Втората програмска дебата  „Дипломатски хоризонти – Реформи во политичкиот систем, стратегии за надворешната политика и дипломатија посветена на ЕУ“ се одржува во рамките на денешното презентирање на програмата на ВМРО-ДПМНЕ „Платформа 1198“.

The post Следете во живо: Дипломатски хоризонти – Реформи во политичкиот систем, стратегии за надворешната политика и дипломатија посветена на ЕУ appeared first on Република.

Под мотото „ИЗИИС за Скопје“, тимот на Институтот за земјотресно инженерство и инженерска сеизмологија започна со посебно дизајнирани едукативни посети на деца од претшколска и школска возраст, со што дава акцент на вредноста на рана едукација каде најмладите жители на Скопје имаа можност да го истражуваат фасцинантниот свет на земјотресите преку забавни и динамични презентации и активности.

„Организиравме серија интерактивни работилници за најмладите, како потсетник на Скопје и земјотресот пред 60 години. Подготвивме наменски визуелни помошни алатки и практични демонстрации, при што ги запознаваме со концептот земјотрес и на начин соодветен на возраста се фокусираме на теми безбедност, отпорност и подготвеност„ - истакнуваат од ИЗИИС.

Со оваа серија работилници, оваа етаблирана и меѓународно призната научна институција го започна проектот „Градиме издржливост„ посветен на шесте децении од катастрофалниот земјотрес кој го погоди Скопје. Одбележувањето на годишнината од настанот, нема само да биде потсетник туку ќе има за цел да ги едуцира новите генерации за безбедноста од земјотресите. Беа посетени неколку градинки, основни и средни училишта низ Скопје,а програма опфаќаше од науката за земјотресите до подготвеност за итни случаи.

После трите недели во кои се одржаа серијата едукативни работилници, проектот на ИЗИИС продолжува кон истражување на сеизмичката сигурност и безбедност на три објекти кои се од особен интерес и се симболи на пост-земјотресно Скопје: МАНУ - Македонска Академија на Науки и Уметности, Музеј на град Скопје и Македонска Радио Телевизија (МРТ).

The post ИЗИИС за Скопје: Едукативни посети на деца од претшколска и школска возраст за рана едукација на најмладите appeared first on Република.

Претседавачот со ОБСЕ и министер за надворешни работи Бујар Османи денес и утре (27-28 февруари) е во дводневна посета на Вашингтон.

Повод за посетата е неговата утрешна презентација пред Хелсиншката комисија во Вашингтон, каде ќе се обрати на тема „Претседателството на Македонија со ОБСЕ во 2023 година“.

Во рамки на својата агенда, денес тој ќе оствари средба и со Дерек Шоле, Советник во Стејт департментот на Државниот секретар Ентони Блинкен во администрацијата на Претседателот на САД Џозеф Бајден.

Исто така, предвидена е средба и со Помошник администраторот на УСАИД за Европа и Евроазија, Ерин МекКи.

The post Османи во дводневна посета на Вашингтон: Презентација пред Хелсиншка комисија appeared first on Република.

„Заедно дишеме“ е партиципативен, колаборативен проект на уметницата Симона Манчева кој покренува прашања за начинот на кој живееме и се однесуваме спрема природата.

Првата етапа од овој проект се одржа помеѓу 5 и 8 август, 2022 година со четиридневна уметничка работилница за креирање ‘лендарт’ во месноста Лавчани, во близина на Велес.
.‘Лендарт’ е уметничко движење кое се појавило во 60-тите и 70-тите години на минатиот век преку креирање уметнички дела со користење природни материјали на отворен простор. Движењето било карактеризирано со алтернативен пристап кон уметничките практики кои ги поврзувале природата и културата преку одржливата уметност

Во работилницата учествуваа уметниците: Ана Трајковска, Ристо Јосифовски-Ромбо,, Доротеј Нешовски, Елче Димова Пантелиќ, Славица Јапиданова, и волонтерите: Уна Стошиќ, Викторија Чочева, Влатко Илов, Николинка Лазиќ, Верица Чочева, Дарко Стојанов кои заедно со логистичка подршка од Елена Данова..

Втората етапа кој се состоеше од серија на работилници се оддржа од 16 до 26ти , 2022 година во НВО Инфо-Центар – Кавадарци и градскиот парк „Љупчо Шкартов“ во соработка со Општина Кавадарци и секторот за хортикултура.

Симона Манчева [1989] е визуелен уметник. Магистерски студии има завршено на Факултетот за ликовни уметности во Скопје. Нејзините уметнички интереси се темелат на согледување на фиктивната реалност и уште повеќе фиктивен морал во општествата. Преку нејзините уметнички истражувања, таа се обидува да ги прикаже и сруши нашите ограничени предрасуди и стереотипи кои ги зајакнуваат границите на нашата слобода и во исто време ја развиваат свеста на луѓето за остварување на нивните права и задоволување на нивните потреби. Целите на нејзината практика се родовата и половата дискриминација, наследените стереотипи, сексуалниот идентитет, социјално маргинализираните групи, разновидноста и варијациите на луѓето и нивните тела. Преку нејзината уметност, таа сака да ги преиспита и да интервенира во овие општествени конструкции, да ги разбере контрадикциите и стереотипите кои произлегуваат од нив.

The post Презентација на проектот „Заедно дишеме“ на уметницата Симона Манчева appeared first on Република.

The post Презентација на проектот „Човеколики неволји“ на уметницата Ивана Мирчевска appeared first on Република.

Почитувани, во рамките на новиот проект Arts Hub кој ќе го реализираме во периодот 2023/24 година, продолжуваме со серијата презентации и разговори со уметници од локалната уметничка сцена.

Преку оваа серијата од 6 презентаци и разговори, домашните уметници и автори кои во контекст на програмата КСП Центар Јадро во изминативе 2 години беа поддржани да реализираат свои проекти на партиципативна/социјално ангажирана уметност (Кристина Божурска, Културно Ехо, Елена Чемерска, Ивана Мирчевска, Симона Манчева, Лидија Пајевиќ и Крунислав Стојановски) ќе ги претстават своите веќе реализирани проекти и ќе ги споделат искуствата и лекциите научени од праксата во специфичниот локален контекст. Проследени со прашања и одговори , овие презентации и разговори, меѓу другото, ќе ги пренесат искуствата и ќе помогнат во освестување на битните аспекти поврзани со подготовката и реализацијата на проекти и акции базирани на социјално ангажираната уметност.

„Преку проектот „Домашна работа“ наша цел беше да развиеме експериментални и колаборативни форми на уметничка пракса, каде што фокусот беше насочен кон процесот и можностите што произлегуваат од тој процес. Нашата почетна точка на онлајн работилниците беше разгледувањето на дела од автори чиј главен фокус е социјалниот ангажман. Потоа го користевме ова искуство како средство за отворање на дискусија, правење паралели со личните животи, мобилизирање на идеи и иницирање акција. Младите учесници беа охрабрени да го препознаат потенцијалот што уметноста може да го има во обликувањето на нашата социјална реалност. Тие беа охрабрени да создадат и свои уметнички дела со различни достапни материјали со цел да посочат на социјалните теми и проблеми од нивната локална заедница, притоа носејќи ја уметноста на неочекувани јавни простори. Создавањето на пињати пред КСП Центар - Јадро не однесе во друга форма на учеството на публиката. Креиравме настани за дружење со соседите и случајните минувачи и заеднички изработувавме предмети потребни за изложбата. Пињатите се направени од донирани, непотребни хартии од домашни задачи кои потоа беа персонализирани со текстови, напишани и собрани од младите учесници на онлајн работилниците. Кршењето на пињатите на отворањето на изложбата ќе биде метафоричка „катарза“, симбол на личното и колективно дејствување на разбивање на несаканата реалност и „пишување“ и замислување на нова иднина со поголема емпатија, сочувство и разбирање.“ - истакнува Божурска во својот текст за целите и фазите на проектот.

Божурска го развиваше својот проект во периодот март-јули 2021 година во кој свое активно учество земаа Јана Иванова, Јована Лалчевска, Грегор Пешевски, Благица Стојанова, Ивона Здравева, Денис Денчиќ, Софија Краљевска, Исидора Божиновска и Лукас Картер.

На следниов ЛИНК можете да ја погледнете дигиталната верзија на публикацијата 👉 https://drive.google.com/.../199ej9TJ7wfS.../view...

Кршење на пињатите на вечерта на отворањето на изложбата 👉 https://fb.watch/iy3dW_gNt6/

Kратко видео од втората работилница од партиципативниот проект "Домашна работа" на Кристина Божурска  👉  https://fb.watch/iy3gJeFc3W/

Кратко виодео од првата работилница од партиципативниот проект "Домашна работа" на Кристина Божурска 👉 https://fb.watch/iy3i8DMjxZ/

-------------------------------------------
Кристина Божурска дипломирала сликарство на Факултетот за ликовни уметности во Скопје во 2008 година, a во 2017 магистрира на Институтот за културолошки студии, Скопје, фокусирајќи се во своето истражување на социјалните практики во уметноста. Во своите дела користи мноштво техники и материјали, вклучувајќи готови предмети, сликарство, цртеж, текст и видео. Суштина на нејзината практика е социо-политичкиот контекст каде преку изборот на материјали и визуелни референци директно ги коментира актуелните проблеми.Честопати трга од отфрленото, непотребното, заборавеното, во обид да го помести фокусот на опсервација и да го преиспита доминантниот консензус. Имала самостојни изложби во галерија Уна во Бјаред, Шведска; Мала Станица, МКЦ и СИА Галерија, Скопје, Прима галерија Берлин и Куманово и учествува на бројни групни изложби и видео-фестивали во земјата и надвор.
Остварила студиски престој во ISCP New York и добива стипендија за учество во работилницата Arte Utile на Тања Бругера, на Летната Уметничка Академија во Салзбург во 2013. Има освоено неколку награди: Универзитетска награда за најдобар дипломиран студент (2007/2008), Најдобар видео во категоријата "Нано минута" на Меѓународниот видео фестивал во Бразил (2008); (YVAA) "Денес", наградата за млад уметник за 2010 година и во 2019 BuzArt награда на уметничката резиденција “Togetherness” во Тирана, доделена од Швајцарската фондација за култура во Албанија и галерија Кало. Предава ликовна уметност во интернационалното училиште QSI, Скопје.

The post Презентацијана проектот„Домашна работа“ на Кристина Божурска во рамките на Arts Hub во КСП Центар- Јадро appeared first on Република.

Во рамките на новиот проект Arts Hub кој ќе го реализираме во приодот 2023/24 година, продолжуваме со серијата презентации и разговори со уметници од локалната уметничка сцена.

Преку оваа серијата од 6 презентаци и разговори, домашните уметници и автори кои во контекст на програмата КСП Центар Јадро во изминативе 2 години беа поддржани да реализираат свои проекти на партиципативна/социјално ангажирана уметност (Кристина Божурска, Културно Ехо, Елена Чемерска, Ивана Мирчевска, Симона Манчева, Лидија Пајевиќ и Крунислав Стојановски)  ќе ги претстават своите веќе реализирани  проекти и ќе ги споделат искуствата и лекциите научени од праксата во специфичниот локален контекст. Проследени со прашања и одговори , овие презентации и разговори, меѓу другото, ќе ги пренесат искуствата и ќе помогнат во  освестување на битните аспекти поврзани со подготовката и реализацијата на проекти и акции базирани на социјално ангажираната уметност

Серијата на презентации ја продолжуваме  со презентацијата на проектот  „ Создаваме град, градиме иднина!“ на Културно Ехо  на  8 февруари, 20 часот во КСП Центар- Јадро

Проектот „Создаваме град, градиме иднина!“ имаше за цел да ја зголеми транспарентноста и партиципативноста во процесот на урбанистичкото планирање на градот, преку серија јавни настани од мултимедијален карактер, чија основна цел беше да поттикнат критичко размислување и да иницираат вклучување на локалната заедница во процесот на планирањето на просторот.

Тема на проектот беше новиот генералeн урбанистички план за Скопје (ГУП за период од 2023 до 2032 година) кој е најважниот документ за планирањето на иднината на градот. Во рамки на проектот беа  реализирани 3 настани во 3 општини во Скопје.

Содржина на настаните  штп се реализираа во рамките на проектот:

1. Интерактивен документарен филм кој  обработува повеќе локации од важечкиот ГУП (од 2012 до 2022 година) што веќе се предмет на дебата во јавниот дискурс.

Тимот кој го изработи документарниот филм и перформансот:
Режија: Андреј Георгиев и Драгана Гунин
Актер: Симона Димковска
Кинематограф: Кристијан Караџовски
Монтажа: Дејан Смилевски и Андреј Ристески
Наратор: Мартин Манев
Гласови: Наталија Теодосиева, Илија Волчески, Јанка Лефкова и Благојчо Стојанов

2. Работилница на тема: Што претставува ГУП и зашто е важен? Инволвирање на граѓаните и интеракција за нови идеи и предлози во насока на планирањето на градот.

3. Дебата на тема „Нов ГУП, нова можност за Скопје?“

Проектот „Создаваме град, градиме иднина!“ го реализира Меѓународно здружение на граѓани Културно Ехо-Скопје во соработка со здружението Ситископ - Скопје во рамки на проектот „Места на дарежливост - трансформативни станици“ на КСП Центар Јадро.

Проектот Arts Hub е место за  спојување, креативно истражување и изразување, каде што уметниците и сите оние што се заинтересирани да го искусат креативниот процес ќе можат  да ги развијат и надградат своите интереси, знаења и вештини. На овој начин учесниците  ќе имаат прилика да ги споделат и надградат своите заеднички интереси, како што се визуелнитe уметности, музиката и изведувачките уметности итн.

Главна цел  на проектот  е да се  мотивираат уметниците кои што работат во  различни уметнички дисциплини да ги зголемат своите знаења и вештини во областа на социјално ангажираната уметност, специфичните форми на театар, аудио продукцијата и аудио подкаст, фотографија и видео,  и  како и тоа да се поттикнат, користејќи го стекнатото искуство низ едукативниот процес  да создадат свои  партиципативни проекти  преку кои ќе имаат импакт во заедницата и ќе делуваат во подигање на свеста за разни социјални  и политички теми и проблеми.

Следствено, проектот ќе ги задоволи потребите за комуникација на проблемите со публиките и  јавноста  преку уметничките проекти во насока на подигнувањето на свеста за проблемите;  мобилизација на уметничката сцена која во соработка со активното граѓанството  ќе создаде партнерства и воспостави отворени врски со групите засегнати од проблематиките што проектите ги таргетираат; охрабрување на разни целни групи  во иднина сами да се борат за каузите во кои веруваат и делуваат, како и да се поттикнат и да започнат да размислуваат како самоиницијативно можат да го подобрат квалитетот на животот во нивните заедници.

Овој проект ќе се стреми кон напуштање на класичните формати на продукција и презентација на уметнички проекти што подразбира активна работа со креативци од повеќе уметнички дисциплини, партиципативност, активно учество на граѓаните и публиката.

The post Презентацијата на проектот „Создаваме град, градиме иднина!“ на Културно Ехо  денеска во КСП Центар- Јадро appeared first on Република.

Во рамките на новиот проект Arts Hub кој ќе го реализираме во приодот 2023/24 година, продолжуваме со серијата презентации и разговори со уметници од локалната уметничка сцена.

Преку оваа серијата од 6 презентаци и разговори, домашните уметници и автори кои во контекст на програмата КСП Центар Јадро во изминативе 2 години беа поддржани да реализираат свои проекти на партиципативна/социјално ангажирана уметност (Кристина Божурска, Културно Ехо, Елена Чемерска, Ивана Мирчевска, Симона Манчева, Лидија Пајевиќ и Крунислав Стојановски) ќе можат на своите колеги, пред се помлади и помалку искусни, но и на заинтересираните граѓани од локалната заедница, да им ги претстават своите веќереализирани  проекти и да ги споделат искуствата и лекциите научени од праксата во специфичниот локален контекст. Проследени со прашања и одговори од публиката, овие презентации и разговори, меѓу другото, ќе ги пренесат искуствата и ќе помогнат во  освестување на битните аспекти поврзани со подготовката и реализацијата на проекти и акции базирани на социјално ангажираната уметност

Серијата на презентации ја продолжуваме  со презентацијата на проектот  „ Создаваме град, градиме иднина!“ на Културно Ехо 

Проектот „Создаваме град, градиме иднина!“ имаше за цел да ја зголеми транспарентноста и партиципативноста во процесот на урбанистичкото планирање на градот, преку серија јавни настани од мултимедијален карактер, чија основна цел беше да поттикнат критичко размислување и да иницираат вклучување на локалната заедница во процесот на планирањето на просторот.

Тема на проектот беше новиот генералeн урбанистички план за Скопје (ГУП за период од 2023 до 2032 година) кој е најважниот документ за планирањето на иднината на градот. Во рамки на проектот беа  реализирани 3 настани во 3 општини во Скопје.

Содржина на настаните:

1. Проекција на интерактивен документарен филм кој ги обработува повеќе локации од важечкиот ГУП (од 2012 до 2022 година) што веќе се предмет на дебата во јавниот дискурс.

Тимот кој го изработи документарниот филм и перформансот:
Режија: Андреј Георгиев и Драгана Гунин
Актер: Симона Димковска
Кинематограф: Кристијан Караџовски
Монтажа: Дејан Смилевски и Андреј Ристески
Наратор: Мартин Манев
Гласови: Наталија Теодосиева, Илија Волчески, Јанка Лефкова и Благојчо Стојанов

 2. Работилница на тема: Што претставува ГУП и зашто е важен? Инволвирање на граѓаните и интеракција за нови идеи и предлози во насока на планирањето на градот.

3. Дебата на тема „Нов ГУП, нова можност за Скопје?“

Проектот „Создаваме град, градиме иднина!“ го реализира Меѓународно здружение на граѓани Културно Ехо-Скопје во соработка со здружението Ситископ - Скопје во рамки на проектот „Места на дарежливост - трансформативни станици“ на КСП Центар Јадро.

 Проектот Arts Hub е место за  спојување, креативно истражување и изразување, каде што уметниците и сите оние што се заинтересирани да го искусат креативниот процес ќе можат  да ги развијат и надградат своите интереси, знаења и вештини. Arts Hub ќе обезбеди достапен простор за собирање и континуирана работа. На овој начин учесниците  ќе имаат прилика да ги споделат и надградат своите заеднички интереси, како што се визуелнитe уметности, музиката и изведувачките уметности итн.

Главна цел  на проектот  е да се  мотивираат уметниците кои што работат во  различни уметнички дисциплини да ги зголемат своите знаења и вештини во областа на социјално ангажираната уметност, специфичните форми на театар, аудио продукцијата и аудио подкаст, фотографија и видео и  како и тоа да се поттикнат, користејќи го стекнатото искуство низ едукативниот процес  да создадат свои  партиципативни проекти  преку кои ќе имаат импакт во заедницата и ќе делуваат во подигање на свеста за разни социјални  и политички теми и проблеми.

Следствено, проектот ќе ги задоволи потребите за комуникација на проблемите со публиките и  јавноста  преку уметничките проекти во насока на подигнувањето на свеста за проблемите;  мобилизација на уметничката сцена која во соработка со активното граѓанството  ќе создаде партнерства и воспостави отворени врски со групите засегнати од проблематиките што проектите ги таргетираат; охрабрување на разни целни групи  во иднина сами да се борат за каузите во кои веруваат и делуваат, како и да се поттикнат и да започнат да размислуваат како самоиницијативно можат да го подобрат квалитетот на животот во нивните заедници.

Овој проект ќе се стреми кон напуштање на класичните формати на продукција и презентација на уметнички проекти што подразбира активна работа со креативци од повеќе уметнички дисциплини, партиципативност, активно учество на граѓаните и публиката.

The post Презентацијата на проектот  „ Создаваме град, градиме иднина!“ на Културно Ехо  appeared first on Република.

КСП Центар Јадро во рамките на новиот проект Arts Hub, кој ќе го реализираме во приодот 2023/24 година, започнува со серијата презентации и разговори со уметници од локалната уметничка сцена.

Преку оваа серијата од 6 презентаци и разговори, домашните уметници и автори кои во контекст на програмата КСП Центар Јадро во изминативе 2 години беа поддржани да реализираат свои проекти на партиципативна/социјално ангажирана уметност (Кристина Божурска, Културно Ехо, Елена Чемерска, Ивана Мирчевска, Симона Манчева, Лидија Пајевиќ и Крунислав Стојановски) ќе можат на своите колеги, пред се помлади и помалку искусни, но и на заинтересираните граѓани од локалната заедница, да им ги претстават своите веќереализирани  проекти и да ги споделат искуствата и лекциите научени од праксата во специфичниот локален контекст. Проследени со прашања и одговори од публиката, овие презентации и разговори, меѓу другото, ќе ги пренесат искуствата и ќе помогнат во  освестување на битните аспекти поврзани со подготовката и реализацијата на проекти и акции базирани на социјално ангажираната уметност

Серијата напрезентации ја започнуваме со презентацијата на проектот „Добро. Подобро, чисто!„ на ЛидијаПајевиќ и Крунислав Стојановски.

“Добро.подобро.ЧИСТО!” е едукативно-уметнички проект кој се реализираше во рамките на проектот „Места на дарежливост -трансформативни станици“. Проектот има за цел да го подигне нивото на јавна свест за еколошките прашања во урбаната средина на градот Скопје и да се поддржи проактивниот однос на поединецот кон општествените предизвици со кои се соочуваме денес.

Преку креативна употреба на фотографскиот медиум и арт - терапија проектот ги охрабрува учесниците не само да го набљудуваат светот околу себе, туку и да култивираат однос на самоистражување заради јакнење на чувството на лична моќ.

Вака осмислен, проектот се реализираше во периодот септември - октомври 2022 преку провеќе активности: фотографирање во екстериер, работилница за цијанотипии, работилница со арт терапија и изложби. Активностите ги спроведуваа Лидија Пајевиќ и Крунислав Стојановски во соработка со гиманзиите “Никола Карев” и “Јосип Броз Тито”.

Проектот Arts Hub е место за  спојување, креативно истражување и изразување, каде што уметниците и сите оние што се заинтересирани да го искусат креативниот процес ќе можат  да ги развијат и надградат своите интереси, знаења и вештини. Arts Hub ќе обезбеди достапен простор за собирање и континуирана работа. На овој начин учесниците  ќе имаат прилика да ги споделат и надградат своите заеднички интереси, како што се визуелнитe уметности, музиката и изведувачките уметности итн.

Главна цел  на проектот  е да се  мотивираат уметниците кои што работат во различни уметнички дисциплини да ги зголемат своите знаења и вештини во областа на социјално ангажираната уметност, специфичните форми на театар, аудио продукцијата и аудио подкаст, фотографија и видео и  како и тоа да се поттикнат, користејќи го стекнатото искуство низ едукативниот процес  да создадат свои  партиципативни проекти  преку кои ќе имаат импакт во заедницата и ќе делуваат во подигање на свеста за разни социјални  и политички теми и проблеми.

Следствено, проектот ќе ги задоволи потребите за комуникација на проблемите со публиките и  јавноста  преку уметничките проекти во насока на подигнувањето на свеста за проблемите;  мобилизација на уметничката сцена која во соработка со активното граѓанството  ќе создаде партнерства и воспостави отворени врски со групите засегнати од проблематиките што проектите ги таргетираат; охрабрување на разни целни групи  во иднина сами да се борат за каузите во кои веруваат и делуваат, како и да се поттикнат и да започнат да размислуваат како самоиницијативно можат да го подобрат квалитетот на животот во нивните заедници.

Овој проект ќе се стреми кон напуштање на класичните формати на продукција и презентација на уметнички проекти што подразбира активна работа со креативци од повеќе уметнички дисциплини, партиципативност, активно учество на граѓаните и публиката.

The post Презентација на проектот „Добро. Подобро, чисто! на Лидија Пајевиќ и Крунислав Стојановски во КСП Центар Јадро appeared first on Република.

Повиците за проекти од програмата „Креативна Европа“ денес беа презентирани во Гостивар пред претставници на невладиниот сектор, установи и институции. Присутните на настанот што се одржа во Центарот за култура АСНОМ, имаа можност да слушнат подетално околу условите и аплицирањето за категориите „Проекти за соработка“ и „Циркулација на европски книжевни дела“. Програмата ја спроведува Министерството за култура, и е наменета за културните и креативните сектори.

Оваа презентација се прави со цел да ги информираме и мотивираме потенцијалните апликанти доколку се во можност да се вклучат во повиците кои се тековни за оваа 2023-та година. Сепак, Програмата трае до 2027-ма година и редовно на годишно ниво се објавуваат повици, така добро е да се запознаат со критериумите и начините на аплицирање, да одлучат дали можеби ќе се јават на повик во некоја од наредните години. Инаку, станува збор за повеќегодишни европски копродукциски проекти кои може да траат до 48 месеци. Вклучени се 42 земји од кои нашите организации може да си најдат партнери и да изработуваат заеднички проекти во сите области на културните и креативни области почнувјаќи од архитектура, издаваштво, музика, визуелни уметности итн., појасни Билјана Прентоска од Министерство за култура.

извор: Гостиварпрес.мк

The post Во Гостивар презентирани можности за културни проекти финансирани од ЕУ appeared first on Република.

Технолошкиот парк Скопје е иницијатива на СТП партнери холдингот-македонска компанија основана од група компании и партнери лоцирани главно во САД. Според бизнис планот, тоа е директна инвестиција од 170 до 240 милиони евра кои водат до 1,6 милијарди евра придонес кон македонскиот БДП.

Скапоцен камен скриен во срцето на Балканот. Проектот Скопски Технолошки Парк чека одобрување од страна на македонската Влада. Опструкциите на овој проект им служат на вкоравените, нетранспарентни локални интереси кои го забавуваат растот на македонската економија.

Американскиот актер Џон Малкович го поддржува планот за изградба на Стонбриџ студијата филмски, музички и медиско продукциски ресурси во Скопје, Македонија.

Сакам да ги поздравам моите македонски пријатели и да ја искажам мојата возбуда за можноста да работам со моите пријатели и колеги Доналд Ворен Мофет и Мет Дилон. Ние одлучивме овој проект да го наречеме Стонбриџ (Камен мост“ проект во чест на богатата култура и неверојатната историја на луѓето во Македонија. Како син на Балканот овој проект ми е особено важен, вели во изјавата Малкович заблагодарувајќи се на одвоеното време да го гледате ова видео.

Скопскиот технолошки парк беше поддржан од Владата и има писмена официјална потврда за тоа. Земјиштето кое е предмет на бизнис планот на СТП, беше посочено од страна на Владата и општината Карпош. СТП сериозно ги разбра тие препораки и веднаш започна со изработка на деловниот план и договорите со инвеститорите и комплетирање на документацијата која Законот за стратешки инвестиции ги одредува. СТП ги поднесе до Владата деловниот план и потребната документација на 27 јануари 2022 година. СТП доби поддршка во вид на отворено писмо до Владата на Македонија од страна на 28 професори, театарски, филмски и музички уметници од Македонија и Балканот, меѓу кои и проф. др Љубомир Кекеновски .

СТП беше земен како пример за стратешка инвестиција од страна на др Зоран Јовановски во изданието „Економија и бизнис“  од јули/август 2022 година.

Поранешниот гувернер на Пенсилванија, првиот секретар за Национална безбедност и основач на Риџ глобал, г-динот Том Риџ, како и г-динот Стив Колер претседавач на Риџ глобал се акционери на СТП Капитал партнери и Холдинзи и тие беа луѓето кои стоеја зад економскиот бум на Пенсилванија и ја направија 14-та економија на глобално ниво за време на нивниот мандат.

Г-динот Скот Блеклин, основач на Blacklin Associates LLC, беше на важни позиции, меѓу кои потпретседател на Циско системите за растечки пазари, одговорен за пазарите на повеќе од 130 земји. Тој исто така е поранешен претседател на Американската стопанска комора во Москва/ Русија и беше директор на меѓународниот оддел на државата Мериленд.

СТП има акционери кои се водечки инвестициски банкари, еден од нив е г-динот Александар Каре Де Малберг. Поранешни клучни луѓе во КПМГ и Делоит, кои се дел од тимот на СТП, како и менаџментот на КПМГ од Белград.

Сите тие гледаат на Скопскиот технолошки парк како на многу важна стратешка инвестиција за Македонија и регионот на Западен Балкан. Водечки банки и институции како и нивните врвни менаџери врз основа на нашиот деловен план и учеството на истакнати акционери и сериозните партнери во заедничкото вложување дадоа високи оценки за проектот СТП. Сите тие се на мислење дека врз основа на деловниот план на СТП, јавниот интерес е целосно заштитен и тврдат дека тоа е лесна одлука за Владата на Македонија.

Технолошки парк Скопје е стратешка инвестиција која ги исполнува сите законски барања од Законот за стратешки инвестиции чија додадена вредност за македонската економија ќе се остварува преку Центар за академски студии, неколку светски водечки универзитети и други високообразовни институции работат на создавање на креативна и кооперативна академска средина, која ќе има мултукратно позитивно влијание на македонското образование и општество.

Мулти-културен центар: Оддел за филмски и музички уметности, овој центар ги опфаќа академскиот центар и филмските школи од разни делови на светот во посебна зграда за таа намена. Развојот и активностите на Стонбриџ студијата, целосен филмски, ТВ и музички сервис, се планираат за локацијата на СТП и за ТИРЗ.

Деловен центар: овој дел од технолошкиот парк ќе ги опкружува и вмрежува содржините на академскиот и креативниот центар преку развој на инкубатори за претприемачи и меѓународни компании кои вложуваат во претприемачки зафати, како и технолошки компании кои се очакува да вработат над 850 ИКТ професионалци и останати експерти од технолошкиот сектор и вработувања од помошните сектори. Севкупниот број на нови вработувања и /или одржување на постојните во градежниот сектор и новите технолошки индустрии заедно, се очекува да достигне неколку илјади лица кои ќе ги опслужуваат филмските и музички студија и услужниот сектор.

Главните технолошки сектори во деловниот центар ќе бидат застапени преку компаниите од Сајбер безбедноста- Риџ Глобал, основана од Гувернерот на Пенсилванија и Првиот министер за безбедностна САД, г-динот Томас Риџ.

ИОТ-Интернет на нештата, водена од Ансари менаџмент, како и останати компании од роботиката, гејминг индустријата, блокчејн технологиите кои ќе оформат околу нив кластери на комплементарни компании од земјата и странство.

СТП влезе во десеттиот месец од денот на поднесување на барањето за статус на стратешка инвестиција. Зошто СТП се уште чека?

https://www.youtube.com/watch?app=desktop&v=MegTuGV9tAg&feature=youtu.be&fbclid=IwAR1QLSSzn3XaSGxCVcEowCsw8esnoUlMT9sGN5ef7Ygax5Gozy5sy_FXkEw

The post Зошто проектот Скопски Технолошки Парк десет месеци чека одобрување од Владата? appeared first on Република.