На 29.11.2024 во 18.45 часот полициски службеници од Отсекот за недозволена трговија со дрога и оружје при СВР Велес ги лишиле од слобода Д.С.(43) и Р.С(33), двајцата од Велес. При претрес во домот на С.Т.(49) од Велес, извршен од страна на полициски службеници од Отсекот за недозволена трговија со дрога и Отсекот за општ криминалитет при СВР Велес, по претходно издадена наредба од Основен суд Велес, во присуство и на адвокат, каде биле затекнати и Д.С. и Р.С., биле пронајдени и одземени еден килограм кокаин, бела тврда материја, течност со остатоци од бела прашкаста материја, гасен пиштол “зораки”, вага и прибор за приготвување на наркотични дроги и други предмети. Д.С. и Р.С. биле задржани во полициска станица, известен бил јавен обвинител и по насоки на јавен обвинител на лице место се обезбедува С.Т., поради здравствени причини. Извршено е вештачење во Одделот за форензички испитувања и против С.Т., Д.С. и Р.С. поднесена е кривична пријава по брза постапка за ,,Неовластено производство и пуштање во промет на наркотични дроги, психотропни супстанции и прекурсори”," предвидено по член 215 од КЗ.

The post Претрес во Велес, пронајден еден килограм чист кокаин appeared first on Република.

Вчера во 10.00 часoт во с.Романовце, кумановско, полициски службеници од СВР Куманово го лишиле од слобода К.С.(30) од с.Романовце.

При претрес во неговиот дом, извршен со судска наредба, биле пронајдени и одземени два пиштоли „Зораки“ со рамки и една кутија со 30 куршуми калибар 9 мм.

Лицето било задржано во полициска станица и по целосно документирање на случајот, против него ќе биде поднесена соодветна пријава.

The post Претрес во кумановско, пронајдени пиштоли и куршуми appeared first on Република.

Компанијата беше обвинета и дека ги прекршила санкциите што Европа ѝ ги наметна на Русија поради инвазијата врз Украина.

Британските и француските власти отворија истрага за мито и корупција во францускиот гигант „Талес“, најголемиот европски производител на одбранбена технологија.

Истрагата ја водат британската Канцеларија за сериозни измами – СФО и француската слуќба ПНФ. Раководството на „Талес“ објави дека ќе целосно ќе соработува со истражителите.

Истрагата е во врска со договори за одбранбена технологија со земји во Азија, изјавиле анонимни извори за Ројтерс. Сомневањата упатуваат на подмитување странски функционер, трговија со влијание, управување со украдена стока и перење пари.

„Талес“ всушност е новото име на компанијата „Томпсон“, формирана во 1968 година. „Талес“ денес има погони со вкупно 81.999 вработени во 56 земји. Со приход од 18,4 милијарди долари во 2023 година „Талес“ бил на осмото место на листата најголеми продавачи на оружје и воена опрема.

Меѓу производите на „Талес“ доминираат радари, системи за контрола на воздушен сообраќај, уреди за електронско попречување, визири и шлемови за пилоти, но и оклопни возила и пушки.

Компанијата беше обвинета дека ги прекршила санкциите што Европа ѝ ги наметна на Русија поради инвазијата врз Украина. Наспроти ембаргото, „Талес“ продолжил да извезува во Русија, вклучувајќи 800 камери за термална визуелизација, како и 60 навигациски системи, проектирани дисплеи за руските борбени авиони „су-30“ и 20 шлемови за пилоти на „миг-29“.

The post Најголемиот француски производител на воена технологија, „Талес“ го тресат за мито и корупција appeared first on Република.

На 26.10.2024 полициски службеници од СВР Битола го лишиле од слобода Д.Р.(49) од Битола, затоа што при претрес во неговиот дом и помошни простории, извршен со судска наредба, биле пронајдени марихуана и прашкаста материја.

Д.Р. бил задржан во полициска станица и по документирање на случајот ќе следува соодветен поднесок.

The post Претрес во Битола, пронајдена дрога appeared first on Република.

На 25.10.2024 полициски службеници од СВР Тетово го лишиле од слобода И.Џ.(46) од Тетово, затоа што при претрес во неговиот дом и помошни простории, извршен со судска наредба, биле пронајдени и одземени хероин и непозната супстанца. Тој е задржан во полициска станица и по документирање на случајот против него ќе следува соодветен поднесок.

The post Претрес во Тетово, пронајдена дрога appeared first on Република.

Полициски службеници од СВР Тетово вчера во 14 часот го лишиле од слобода М.М.(23) од Тетово, соопштија денеска од МВР.

По претходно добиена судска наредба, бил извршен претрес во неговиот дом и помошни простории во Тетово, каде била пронајдена марихуана и дробилка со остатоци од марихуана.

Тој е задржан во полициска станица и по документирање на случајот, против него ќе биде изготвен соодветен поднесок.

The post Претрес во Тетово, пронајдена дрога appeared first on Република.

Основното јавно обвинителство за гонење на организиран криминал и корупција оформи предмет поради основи на сомневања за сторени кривични дела од областа на финансискиот криминал, односно „даночно затајување“, „даночна измама“ и „перење пари и други приноси од казниво дело“ на група субјекти.

Како што информираат од ОЈО, предметот е оформен по доставено известување од страна на Министерството за внатрешни работи за сознанија до кои дошла Управата за јавни приходи.

Заради докажување на основите на сомневање за сторување на наведените кривични дела, на барање на предметниот јавен обвинител, судија на претходна постапка при Основен кривичен суд Скопје издаде наредби за претрес на дом и други простории на повеќе локации во повеќе градови, велат од обвинителството.

Оттаму дополнуваат дека полициски службеници, службени лица од Управата за јавни приходи координирано со истражители од Лабораторијата за дигитална форензика при Истражниот центар на ОЈО ГОКК при претресите обезбедле бројна документација и електронски записи што ќе бидат предмет на обработка и анализа со цел обезбедување материјални докази за потребите на водењето на понатамошната кривична постапка.

- Претресите сè уште се во тек. Со оглед дека станува збор за предистражна постапка која според закон е тајна, јавноста навремено ќе биде информирана за поединости што нема да ја нарушат постапката, дополнуваат оттаму.

The post ОЈО ГОКК отвори предмет за финансиски криминал, претреси на повеќе локации appeared first on Република.

Министерството за внатрешни работи вчера презеде низа мерки и активности за расчистување на кривичното дело убиство, кое беше извршено на паркинг простор пред ТЦ „Мавровка“, соопштија оттаму, додавајќи дека мерките и активностите продолжија и во текот на вечерта.

Веднаш по добиената пријава за пукање во близина на ТЦ „Мавровка”, при што бил застрелан В.Е.(59), кој починал на местото на настанот, веднаш се преземени низа оперативно тактички мерки и активности од страна на полициски службеници од СВР Скопје за пронаоѓање и лишување од слобода на сторителите. Извршени се претреси и прегледи на повеќе локации и возила, а беа ангажирани и полициски службеници од Одделот за специјални полициски операции, хеликоптери и дронови. Приведени се две лица за кои постојат основи на сомнение дека се сторители на кривично дело „убиство“ казниво по член 123 од КЗ, кои ќе бидат изнесени пред судија на претходна постапка по целосно расчистување и документирање на случајот. Се преземаат мерки за пронаоѓање и на третото осомничено лице односно целосно расчистување на случајот во координација со ОЈО Скопје. Во текот на денот од страна на СВР Скопје по издадени наредби од страна на судија на претходна постапка извршени се претреси на четири локации за кои постојат индиции дека престојувале лицата инволвирани во кривичното дело. При преземањето на мерките и активностите пронајдени се доволен број на материјални докази. СВР Скопје и вечерва спроведува низа на оперативно тактички мерки со цел лишување од слобода на третото осомничено лице. По целосното расчистување на случајот, МВР соодветно ќе ја информира јавноста, соопшти МВР вчера.

Директорот на Бирото за јавна безбедност Александар Јанев, пак, oбјави видео од дел од акцијат.

Полицијата реагираше веднаш со сите расположливи ресурси, вклучувајќи ги комбинирани полициски и истражни методи. Итно беа активирани и преземени сите мерки, со цел да се обезбеди безбедноста на граѓаните.
Нашата цел е да не дозволиме градот и државата да се претворат во полигон на пресметки на криминални групи.
Законот и редот се и ќе бидат над криминално-мафијашките структури.
Криминалот нема етничка или партиска припадност, а нашиот одговор е и ќе биде жесток и без компромис.
Сите граѓани треба да се чувствуваат безбедно, а ние ќе продолжиме да работиме со најголема одговорност и ангажираност за да се оствари тоа.
Ве молиме да бидете внимателни и да соработувате со полицијата. Вашата безбедност е наш приоритет и нема да се задоволиме додека не го вратиме спокојот и сигурноста во нашиот град.
Македонија е над се и држава за сите нас, во која сите ние и нашите деца треба да живееме и да се чувствуваме безбедно, порача тој.

The post Како изгледаше претресот и потрагата по третиот осомничен за убиството кај „Мавровка“ appeared first on Република.

На 03.08.2024 во 03:15 часот, полициски службеници од Одделението за недозволена трговија со дрога при СВР Охрид, во ноќен клуб лоциран на булеварот „Железничка“ во Охрид, извршија преглед врз А.М.(29) од Прилеп и притоа, пронајдоа и одзедоа бела прашкаста материја.

По целосно документирање на настанот, против него ќе биде поднесена соодветна пријава.

The post Прилепчанец претресен во клуб во Охрид, кај него најдена бела прашкаста материја appeared first on Република.

Поголема кличина на недозволени предмети се откриени при претресите што утрово беа извршени во Казнено поправната установа Идризово со цел обезбедување доказни материјали, информира за МИА директорот на КПУ Идризово - Скопје, Зоран Јовановски.

https://republika.mk/vesti/crna-hronika/tigri-vlegoa-vo-idrizovo-se-spremala-vojna-megu-dve-bandi/

Тој нагласи дека веќе се завршени претресите.

Во акција координирана од Основното јавно обвинителство Скопје, поради сомневања за кривично-правни дејствија, утрово се извршени претреси во КПУ Идризово – Скопје со цел обезбедување доказен материјал, информира претходно ОЈО Скопје.

The post Јовановски: Поголема количина на недозволени предмети се откриени при претресите во КПУ Идризово appeared first on Република.

СВР Струмица поднесе кривична пријава против Т.Ј.(37) од Радовиш поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.

На 20.07.2023, полициски службеници извршиле претрес во домот на пријавениот, при што пронашле и одзеле кокаин и дробилка.

The post Маж доби кривична пријава, полицијата кај него најде кокаин appeared first on Република.

Полициски службеници од СВР Скопје, Единица за недозволена трговија, го лишиле од слобода З.М.(46) од Драчево, Скопје.

Имено, по претходни сознанија и добиена наредба од Основен кривичен суд Скопје бил извршен претрес во неговиот дом, при што биле пронајдени и одземени една ловна пушка и 44 ловни патрони.

The post Претрес во скопско Драчево, пронајдени пушка и патрони appeared first on Република.

Полицијата по претходно добиена судска наредба денеска извршила претрес во викенд куќа во општина Чучер Сандево, кај С.Н..

Како што соопшти МВР, за време на претресот во објектот биле затекнати и Х.С. и Г.Г.. При тоа, кај Г.Г. е пронајдена прашкаста материја, а во стара куќа во рамки на дворот пронајдена е грутчеста материја.

Лицата се лишени од слобода и по документирање на случајот ќе биде поднесен соодветен поднесок.

The post Претрес во Чучер Сандево, пронајдена дрога appeared first on Република.

Полициски службеници на СВР Тетово, со судска наредба, вчера извршиле претрес во домот и помошни простории на 47-годишниот тетовец А.Е., кој се барал за издржување на затворска казна.

При претресот, во просториите кои ги користел А.Е., а кој во моментот бил отсутен, пронајден е и од неговата 38-годишна сопруга одземен е хероин, како и предмети со остатоци од хероин.

По комплетно документирање на случајот против А.Е. ќе следува соодветен поднесок по член 215 од Кривичниот законик.

The post Претрес кај осуденик, му ја пронашле сопругата со хероин appeared first on Република.

На 06.10.2023 во 22.30 часот во Струмица полициски службеници од Секторот за внатрешни работи Струмица го лишиле од слобода Ј.М. (34) од Струмица, затоа што во патничкото возило „санг јонг“ со бугарски национални ознаки, управувано од негова страна, бил пронајден кокаин.

Исто така, на 06.10.2023, врз основа на наредба од судија на претходна постапка, бил извршен претрес во домот на З.Б. (58) во Струмица, поради основи на сомнение дека му ја продал дрогата на Ј.М.. При претресот биле пронајдени повеќе полиетиленски пакувања со кокаин, марихуана, дигитална вага, шприц исполнет со кафеава материја и пари во различни апоени. Ј.М. и З.Б. биле лишени од слобода и задржани во Полициската станица Струмица. По целосно документирање на случаите против нив ќе бидат поднесени соодветни пријави до надлежното обвинителство.

The post Претрес во Струмица, пронајдена дрога, две лица се лишени од слобода appeared first on Република.

Рано утрово околу 6 часот во с.Митрашинци, беровско, по добиена судска наредба од Основен суд Кочани, извршен е претрес во домот на Б.Б.(63) во с.Митрашинци.

Како што соопшрија од МВР, при извршениот претрес во куќата во која што тој живее, пронајдени се 22 пакувања со експлозив (околу два килограми) и 9 м бавногоречки фитил.

Б.Б. е лишен од слобода и по целосно документирање на случајот, против него ќе биде поднесен соодветен поднесок.

The post Два килограми динамит пронајдени кај маж во Митрашинци appeared first on Република.

На наплатна станица „Сопот“ во Велес вчера во 16:45 часот од полициски службеници од СВР Велес се лишени од слобода Б.С.(27), Н.Д.(22) и М.М.(25) сите од Кавадарци.

Како што информираат од Министерството за внатрешни работи, во извршен преглед врз нив и возило „голф 4“ со кавадаречки регистарски ознаки, во кое се превезувале, како и по извршен претрес во нивните домови во Кавадарци, биле пронајдени и одземени солзавец, бела грутчеста материја, марихуана, пиштол „застава“, рамка со еден куршум калибар 6.35 мм, осум куршуми, два ловни патрони, пневматска пушка, пневматски пиштол калибар 4.5 мм, два ножа, солзавец.

По целосно документирање на случајот ќе биде поднесен соодветен поднесок.

The post При претрес во Кавадарци пронајдени дрога и оружје, приведени три лица appeared first on Република.

Полициски службеници од Одделението за криминалистички работи Ѓорче Петров денеска го лишиле од слобода Р.М.(43) од скопско.

При претрес извршен со судска наредба во неговиот дом во општина Сарај, биле пронајдени автоматска пушка и пет куршуми. Лицето е приведено во Полициска станица и по документирање на случајот ќе биде поднесен соодветен поднесок, се наведува во соопштението од МВР.

The post Апсење во Сарај, пронајдено оружје appeared first on Република.

Денеска (28.07.2023) во 06.30 часот, полициски службеници од Единицата за недозволена трговија при СВР Скопје го лишиле од слобода Р.Б.(41) од Скопје.

При претрес во неговиот дом на подрачјето на Ѓорче Петров, извршен со судска наредба, биле пронајдени и одземени марихуана и две дигитални ваги.

Тој бил задржан во полициска станица и по целосно документирање на случајот против него ќе биде поднесена соодветна пријава.

The post Претрес во Ѓорче Петров- пронајдена дрога, приведен дилер appeared first on Република.

Полициски службеници од Единицата недозволена трговија при СВР Скопје во содејство со полициски службеници од Единицата за интервентна полиција при СВР Скопје, денеска го привеле триесет и едногодишениот Р.С. од скопското село Кондово.

Како што соопшти МВР, при претрес во неговиот дом, извршен со судска наредба, биле пронајдени и одземени марихуана, автоматска пушка, неколку куршуми за автоматска пушка и осум саксии со развиени стебла од канабис сатива.

Р.С. бил задржан во полициска станица и по целосно расчистување и документирање на случајот против него ќе биде поднесена соодветна пријава.

The post Претрес во Кондово, пронајдени дрога, пушка и куршуми appeared first on Република.