Ослободени се сите обвинети во случајот „државен удар“, на денот на парламентарните избори во Црна Гора во 2016 година, со одлуката на Вишиот суд на 12 јули.

Новата одлука ја донесе тричлениот судски совет на судијата Зоран Радовиќ.

Немаше докази дека обвинетите се виновни за делата што им се ставаат на товар, па затоа се ослободени, најави Радовиќ во образложението на пресудата.

Со пресудата беа ослободени руските државјани Едуард Шишмаков и Владимир Попов, обвинети за организирање и финансирање на насилната промена на власта во Црна Гора.

Ослободени се и лидерите на прорускиот Демократски фронт - актуелниот претседател на Парламентот на Црна Гора Андрија Мандиќ, пратеникот Милан Кнежевиќ и возачот Михаило Чаѓеновиќ, како и пензионираниот генерал на српската жандармерија Братислав Дикиќ и седум други српски државјани кои беа уапсени на денот на изборите во 2016 година.

На изрекувањето на пресудата не присуствуваа ниту специјалните обвинители, ниту обвинетите, туку само бранителите.

Инаку, ова е втора пресуда на Вишиот суд во процес кој трае седум години врз основа на обвинението на Специјалното обвинителство кое обвинетите ги товареше за терористички обид за насилно уривање на власта во 2016 година.

The post Ослободителна пресуда за сите обвинети за случајот „државен удар“ во Црна Гора appeared first on Република.

Милијардерот од Индија по име Пракаш Хиндуџа и тројца членови на неговото семејство денеска беа осудени на затворски казни во Швајцарија поради експлоатација на индиски работници во нивната вила во таа земја, така што им го одземале пасошите, им забранувале да излегуваат надвор и ги принудувале да работат и до 18 часа дневно.

Пракаш Хидуџа (79), неговата сопруга Камал (75), синот Ајај и неговата сопруга Намрата се осудени на затвор од четири до четири и пол години. Петтообвинетиот, семејниот менаџер Наџиб Зијази, е осуден на 18 месеци затвор.

Судот одлучи дека четворицата се виновни за експлоатацијата и незаконското вработување на работниците, речиси целосното одбивање на здравственото осигурување на работниците и исплата на плати кои не достигнуваат ни десетина од платата што се исплаќа во Швајцарија за таквите работни места.

Според обвинителите, работниците опишале „атмосфера на страв“ која Камал Хиндуџа ја правел. Тие биле принудени да работат со многу малку или без време за одмор, а во моментот на прием работеле до доцна во ноќта. Тие спиеле во подрумот на вилата, лоцирана покрај езерото, и тоа не задолжително на кревети, туку на душеци на подот.

Швајцарскиот суд не ги прогласи обвинетите за одговорни за некои од посериозните точки од обвинението, како што е шверцот на луѓе, бидејќи, како што беше речено во судот, работниците знаеле во што се впуштаат - барем делумно.

Тоа се главно неписмени Индијци кои не биле платени во швајцарски франци, туку во индиски рупии, а овие средства им биле исплаќани во банките во Индија до кои немале пристап.

The post Милијардер и неговото семејство одат во затвор поради експлоатација на работници appeared first on Република.

Синот на американскиот претседател Џо Бајден, Хантер, е прогласен за виновен по три обвиненија за нелегално купување и поседување оружје, додека бил зависник од дрога, пренесува Си-ен-ен.

Ова е првпат член на потесното семејство на Бајден да биде прогласен за виновен за кривично дело за време на неговиот претседателски мандат, иако овие дела неговиот син Хантер ги извршил пред тој воопшто да стане претседател на САД.

Хантер е прогласен за виновен по сите три обвиненија, како што пренесува Би-би-си, откако поротата расправала околу три часа.

Првата точка од обвинението е за давање лажна изјава за набавка на огнено оружје, втората е за давање лажна изјава за прибавување на записник и третата е за недозволено поседување огнено оружје.

За време на судењето детално е опишана неговата злоупотреба на дрога преку СМС-пораки и преку неговите мемоари, но и преку сведочење на неговите поранешни партнерки.

На Хантер може да му биде изречена максимална казна од 25 години затвор, откако е прогласен за виновен по три точки од обвинението. Но, може да се соочи и со казна и до 750 000 долари. Сепак, како што пишуваат американските медиуми, веројатно е дека ќе добие помала казна од максималната бидејќи ова му е прв прекршок.

Судијата соопштил дека изрекувањето на казната е закажано за 120 дена по изрекувањето на пресудата.

Американскиот претседател Џо Бајден претходно изјави дека нема да го помилува својот син Хантер, во случај да биде осуден.

Обвинителите тврдат дека Хантер лажел кога купил револвер марка „колт кобра“ во октомври 2018 година, велејќи дека не е корисник или зависник од дрога.

Хантер Бајден се изјасни дека не е виновен по обвиненијата за кривично дело. Неговиот адвокат Абе Лоуел им кажа на поротниците дека неговиот клиент не се обидува да ги измами бидејќи во времето кога го купил пиштолот, не бил корисник на дрога.

Приватниот живот на Хантер Бајден, како и неговите професионални и бизнис-зделки постојано се предмет на жестоки контроверзии и дискусии. Неговата борба со зависноста од тешки дроги и алкохол се документирани и датираат од времето кога работел во неговата сопствена фирма.

Хантер Бајден не сведочеше на судењето, кое се одржа во родниот град на Бајден, Вилмингтон, Делавер.

Неговиот брат Бо Бајден почина во 2015 година од тумор на мозокот. Во 2017 година Хантер се развел од Кетлин Бајден, а истата година се појавија вести дека Хантер Бајден бил во романтична врска со Хали Бајден, вдовицата на Бо Бајден.

The post Хантер Бајден е прогласен за виновен за нелегално поседување оружје додека бил зависник од дроги, му се заканува затворска казна до 25 години appeared first on Република.

Џулијан Асанж извојува победа во битката против екстрадицијата од Велика Британија, откако судиите во високиот суд во Лондон му одобрија да поднесе жалба.

Двајца високи британски судии што го надгледуваа случајот на Асанж заклучија дека доставените дипломатски гаранции од Вашингтон не се доволни и дозволија да продолжи жалбата против екстрадицијата.

Асанж реши да не се појави лично на сослушувањето поради здравствени проблеми, изјави неговиот адвокат пред Високиот суд.

Претходно се шпекулираше дека новинарот денеска ќе се појави на суд. Наместо тоа, тој е застапуван од неговиот адвокат. На рочиштето присуствуваат и неговата сопруга Стела, како и неговиот татко и брат.

Адвокатот на Асанж, Едвард Фицџералд, му повтори на Високиот суд дека неговиот клиент не треба да биде екстрадиран во САД. Тој ги повика судиите да не ги прифаќаат гаранциите на Вашингтон, нарекувајќи ги „еклатантно несоодветни“.

Пред сослушувањето десетици демонстранти се собраа пред зградата на Високиот суд во Лондон. Демонстрантите бараат ослободување на австралискиот новинар.

https://www.youtube.com/watch?v=jX8clB5R4ug

The post Високиот суд во Лондон пресуди во корист на Асанж appeared first on Република.

Судот во Басман во Москва му одреди двомесечен притвор на продуцентот на новинската агенција Ројтерс, Константин Габов, соопшти прес-службата на судовите во главниот град.

Судот определи мерка превенција во вид на притвор во траење од два месеци, односно до 27 јуни 2024 година. Продуцентот на новинската агенција Ројтерс беше обвинет за сторено кривично дело според дел 2 од член 282.1 од Кривичниот законик на Руската Федерација „Учество во екстремистичка организација“, се вели во судскиот документ објавен на Телеграм.

Габов е осомничен дека учествувал во подготовка на фото и видео материјал за објавување на Јутјуб каналот НавалниЛајв, сопственост на Фондацијата за борба против корупцијата (ФБК).

Фондација е ставена на списокот на странски агенти и екстремистички организации, чии активности се забранети во Русија

The post Судот во Москва одреди двомесечен притвор на продуцент на Ројтерс appeared first on Република.

Јулија Навални, сопругата на рускиот опозициски лидер Алексеј Навални, денеска изјави дека судот ја отфрлил тужбата против затворот во кој тој почина, бидејќи, според неа, тоа би значело објавување на видео-снимката и други информации за околностите на неговата смрт.

Навални на платформата Икс (Твитер) напиша дека верува дека случајот е затворен, бидејќи во спротивно ќе ги принуди затворските власти да дадат детални информации за тоа што се случило на 16 февруари, кога починал нејзиниот покоен сопруг.

Претходно денеска поранешниот помошник на Навални, Иван Жданов, изјави дека тужбата на мајката на починатиот руски опозиционер, во која се наведува дека тој не добил соодветна медицинска помош во затворот каде ја отслужувал казната и починал, е одбиена, бидејќи Навални лично не поднел жалба.

Жданов рече дека судот во малиот град Лабитнанги, во близина на затворот во кој почина Навални, ја отфрлил тужбата со образложение дека обвинител мора да биде самиот Навални.

Руските затворски власти соопштија дека 47-годишниот Навални се онесвестил и починал на 16 февруари откако прошетал пред затворот каде што издржувал тридецениска казна. Тимот на Навални подоцна објави дека во неговата смртна потврда е наведено дека тој починал од природна смрт.

The post Навални: Судот ја одби тужбата против затворот за да не се обелоденат околностите за смртта на Алексеј appeared first on Република.

Одбраната ќе го искористи своето право на жалба на пресудата за случајот „Беса транс“ според која сопственикот на правното лице доби казна затвор од една година и осум месеци, изјави бранителот на обвинетиот Беким Хаџиу, Асмир Алиспахиќ.

https://republika.mk/vesti/crna-hronika/godina-i-osum-mesetsi-zatvor-za-sopstvenikot-na-besa-trans-samo-megunarodna-zabrana-za-vozene-na-prevoznikot/

Во изјава за медиуми по денешната пресуда за случајот, во кој освен сопственикот, обвинето беше и правното лице „Беса транс“, на кое му беше изречена парична казна од 800 000 илјади денари и четиригодишна забрана за вршење на меѓународен превоз, адвокатот Алиспахиќ наведе дека смета дека казната е превисоко одмерена.

Ако направиме една компарација во делот на другите изречени судски одлуки и судски пресуди од ваков вид, иако е казната предвидена од една до пет години како казна затвор, сметам дека во конкретнава ситуација е превисоко одмерена, не само во делот на постоење на кривично дело, рече тој.

Дополни дека теоријата на одбраната ќе биде презентирана и пред повисоките судови.

Според одбраната во конкретниот кривично правен предмет, не само што не може да опстане ова кривично дело, туку не требаше ниту обвинетиот, Беким Хаџиу, и правното лице да бидат обвинети. Но, секако, се водеше постапката. Непрвосилна е преусдата. Страните имаат право на жалба и ќе ги очекуваме одлуките од нив, рече тој.

Според адвокатот Асмир Алиспахиќ, за да се исполни битието на кривичното длео „фалсификување на исправа“, овен доказен материјал, потребен е и вешт наод.

Во мојот завршен збор тоа го анализирав и од теоретски, и од компаративна судска пракса, каде што основниот елемент за ова кривично дело е постоење на изработена лажна исправа и употребена како вистинска. Во конкретнава ситуација ниту е изработена, ниту е употребена, а ниту постои. Така што, јас сум убеден, како правник и како адвокат на Хаџиу, дека оваа пресуда не може да опстане онака како што е изречена во конкретнава ситуација, посочи тој.

Обвинителот Владимир Милошевски посочи дека ќе чекаат да биде изготвена писмената одлука на Судот, за да видат што би преземале понатаму,

Повеќе не би сакал да ја коментирам одлуката на Судот, единствено тоа што судот го прифати во целост обвинението онакво какво што беше и ги огласи виновни обвинетиот и обвинетото правно лице, рече тој.

Неговите аргументи беа дека Министерството за транспорт и врски воопшто не издало извод од лиценца за конкретниот автобус, ниту било поднесено барање, ниту била издадена.

Тоа значи дека автобусот како што е напишано во обвинението, како што и Судот денеска при објава на пресудата кажа, покажувал пред надворешните управни органи извод од лиценца, а таков, за тој автобус, воопшто не бил издаден од надлежниот орган, рече обвинителот.

И адвокатот Алиспахиќ и обвинителот Милошевски, потсетија дека овој процес не се однесува на автобуската несреќа што се случи со конкретнитот автобус во Бугарија.

Судијата Ивица Стефановски, кој денеска ја објави пресудата во Основен Кривичен суд Скопје, наведе дека обвинетите Беким Хаџиу и правното лице „Беса Транс БТБ ДООЕЛ Скопје“ се виновни затоа што обвинетиот, како управител на правно лице „Беса Транс БТБ ДООЕЛ Скопје“ во повеќе наврати употребил како вистинска лажна јавна исправа, извод од лиценца за вршење на јавен превоз во меѓународниот патен сообраќај, која што воопшто не била издадена од страна на Министерство за транспорт и врски за тој автобус.

Во ноември 2021 година на автопатот „Струма“, во Бугарија во автобуска несреќа на автобус на туристичката агенција „Беса транс“ загинаа 45 лица.

За несреќата истрага се водеше во Бугарија. Истрагата е завршена, а според истражните органи во Бугарија главна причина е човечка грешка.

Автобусот најпрво удрил во банкина, а потоа се запалил. Согласно вештачењето, возачот во моментот на ударот возел со 108 километри на час, на место каде максимална дозволена брзина била 90 километри на час. Како што се наведува во анализите на инспекторите, пламените јазици автобусот го зафатиле за неколку минути.

По несреќата, македонските истражни органи отворија истрага, но само за работењето на правното лице „Беса транс“.

The post Одбраната на „Беса транс“ смета дека казната е превисока appeared first on Република.

Пресудата за случајот „Ласкарци“ ќе биде објавена на 25 јануари, откако денеска во Основен кривичен суд Скопје, се изведоа последните завршни зборови од постапката која започна во 2019 година.

Во случајот кој се однесува на автобуската несреќа што се случи на 13 февруари 2019 година во која животот го загубија 16 патници, а над 30 беа повредени се обвинети Белули, сопственик на компанијата „Дурмо турс“, одговорниот за транспорт во фирмата, Ремзи Мифтари и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот. Како и тројцата вработени во станицата за технички преглед, Игор Ѓорѓиевски, Горан Дуковски и Јане Боварски, кои се товарат за соучество во истото дело.

Според членот 300 став 2 од Кривичниот законик, за кој се товарат обвинетите, казната затвор изнесува најмалку четири години.

Во доказната постапка беа изведени повеќе вербални и материјални докази, а беше направено вештачење и супервештачење.

Одбраната на обвинетите, секоја засебно, во завршните зборови потенцираше дека во доказната постапка не се докажал товарот што им се става на товар на секој од обвинетите посебно и побараа ослободителна пресуда.

Јавниот обвинител Дарко Јакимовски, од друга страна, во своите завршни зборови побара најстрога казна, бидејќи, според него, кај сите обвинети постоела безобѕирност во постапувањето и било прашање на време само по која основа, како што рече „хаосот на работењето може да резултира со вакви или слични последици“.

Најстрога казна тогаш побараа и оштетени, родители и роднини на загинати во сообраќајната несреќа.

Процесот го води судијката Диана Груевска Илиевска. Пресудата на 25 јануари е закажано за во 12 часот.

The post Пресудата за „Ласкарци“ ќе биде објавена на 25 јануари appeared first on Република.

Заврши главната расправа за судењето на Мухамед Зеќири, кој се товари за „злоупотреба на службена положба и овластување“. Завршни зборови имаа Обвнителството, одбраната и главниот осомничен, по што Кривичниот суд ја закажа пресудата за први декември.

Застапникот на обвинението, обвинителката Катерина Коларевиќ рече дека осомничениот Мухамед Зеќири без да спроведе јавна набавка, директно склучувал договори со правни лица кои работеле под сомнителни околности.

Процесот почнал кога на предлог на вицепремиерот Фатмир Битиќи, владата заклучила дека е потребно да се спроведе постапка за да се направи физибилити студија во врска со македонски пошти и Железници Транспорт, а задолжен за постапката бил Мухамед Зеќири во улога на генерален секретар.

-Наместо обвинетиот да спроведе постапка за јавна набавка, тој склучил директно договор со правото лице друштво за менаџмент, консултантски услуги и трговија „Интерхолдинг дуо“, кое било основана само 12 дена пред донесувањето на конкретниот заклучок на Владата. Од сите докази очигледно е дека од постоењето на правното лице обавува само една единствена соработка со секретаријатот на Владата, седиштето на правното лице на ден 13 април 2022 година е најдено заклучено, ниту биле најдени вработени лица. Произлегува дека правното лице единствено било основано заради извршување на договорот склучен со секретаријатот на Владата, истакна обвинителката.

Според обвинителката Колариќ, имало фактури со вкупна сума 57.932.100 денари, кои биле во целост исплатени од страна на Владата.

Обвинителката додаде дека генералниот секретаријат имал склучено уште еден договор тесно поврзан со осомничениот Мухамед Зеќири.

Обвинителката рече дека обвинетиот го оштетил Буџетот на државата и предложи обвинетиот да ги подмири сите штети, обвинителствто му предложи на судот да спроведе постапка за конфискација на имотот, но и на парични средства пронајдени во сефот кај сопругата на осомничениот, со образложение дека тие претставуваат парични средства на обвинетиот.

Одбраната посочи дека Јавното обвинителство не доставило доволно докази за да докаже дека осомничениот со директна умисла ги правел активностите, а во текот на постапката се покажало дека Мухамед Зеќири само спроведувал постапки исклучиво по наредба на Владата, а врз основа на одлуки донесени од Владата. Во однос на предлогот на обвинителството за одземање на средствата на сопругата на осомничената, одбраната оцени дека тоа би било незаконски и нечовечки затоа што осомничениот доставил писмени докази за потеклото на тие средства.

-Зеќири писмено докажа од каде потекнуваат средствата на неговата сопруга и дека тие потекнуват од нејзините родители и се уредно пријавувани, барањето на обвинителството за запленување на овие средства е незаконски, но и нечовечки, поради состојбата во која се наоѓа сведокот, посочи Владмир Андреевски.

Зеќири се изјасни за невин и рече дека само извршувал активности за кои бил задолжен со одлука на Владата.

– Владата во својата работа донесува заклучоци во која ги задолжува органите да постапуваат, мене ме задолжија да ги споредам сите активности, а во заклучокот немаше предвидена јавна набавка. Обвинението дека со умисла сум направил некаква штета, кога јас како генерален секретар само извршував владин заклучок, што беше и моја законска службена обврска. Ако кривичното дело злопуотреба на положбата може да се стори исклучиво со умисла, никако не можам да бидам обвинет за такво кривично дело бидејќи јас извршував само туѓа замисла, посочи тој.

Зеќири се товари дека во периодот од април 2021 до јануари 2022 година во својство на генерален секретар на Владата, без да спроведе јавна набавка, склучил договори за консултантски услуги во вкупна вредност од речиси еден милион евра, односно биле платени 147.000 евра повеќе од претходно договорените 795.000.

Процесот го води судијката Фанка Јанчулева Михаиловска.

The post На 1 декември пресуда за Мухамед Зеќири appeared first on Република.

Велешкиот основен суд денеска му пресуди затворска казна од 40 години на Славе Илиев (61) за убиство и обид за убиство, што ги сторил пред три месеци во своето родно село Подлес, во општина Градско.

https://republika.mk/vesti/crna-hronika/edniot-go-ubil-drugiot-go-ranil-zhitel-na-s-podles-pukal-vo-dvajtsa-sosedi-koi-kopale-za-vodovodna-instalatsija-blizu-negovata-porta/

Илиев со пиштол го застрелал својот сосед Миле Димов (42), а тешко го ранил и неговиот другар Миле Воденичаров. Кавгата избила поради тоа што Димов копал водоводен канал за кој Илиев, со кого одамна имал нерасчистени односи, сметал дека помунува низ негово место.

Бранителот на Илиев најави тужба на пресудата која ја смета за престрога.

The post 40 години затвор за Илиев за убиството на соседот поради кавга за вода appeared first on Република.

Европскиот суд за човекови права донесе пресуда против  Македонија, Д.Х. и други од земјава, со која утврди дека државата во ноември 2008 година, во полициската акција наречена „Сузбивање на улична проституција“, во која приведе 23 сексуални работници, активистка на здружение на граѓани и неколку случајни минувачи кои беа затекнати покрај кејот на реката Вардар, ги изложила сексуалните работници на нехуман и понижувачки третман додека биле лишени од слобода, оставени цела ноќ без храна, вода и пристап до тоалет.

Судот утврди повреда на правото на приватност поради објавата на фотографии од жртвите на веб страна на Министерството за внатрешни работи, без да биде прикриен нивниот идентитет и ја задолжи државата да им исплати износ од 13.300 евра за претрпените повреди и неефикасната заштита на нивните права пред домашните судови, пренесуваат од „ХОПС“.

Од сите приведени, додаваат оттаму, 23 сексуални работници, без да бидат информирани за причините за лишување од слобода, биле задржани цела ноќ во полициската станица Бит Пазар, а утредента биле однесени на Клиниката за инфективни болести и фебрилни состојби каде биле тестирани за крвно и сексуално преносливи болести, па пуштени на слобода.

За цело време додека биле лишени од слобода, на сексуалните работници од страна на полициските службеници им биле упатувани погрдни зборови и биле изложени на понижување и исмевање. Сите 23 приведени сексуални работници, ноќта ја поминале во мала просторија, без пристап до храна, вода и тоалет, а дел од нив биле во апстиненцијални кризи со дијареја и повраќање.

Како што утврдил и Европскиот суд за човекови права (ЕСЧП), жртвите лишени од слобода, во ситуација која единствено е под контрола на властите е одговорност на државата, а според ЕСЧП Владата не презентирала доволно докази кои убедливо докажуваат дека полициските власти ги земале предвид основните потреби на апликантите, вклучувајќи го и обезбедувањето храна, вода и пристап до тоалет за време на престојот во полициската станица. Дополнително, објавување на фотографии од полициската станица од кои може да се утврди идентитетот на жртвите на веб страна на Министерството за внатрешни работи претставува повреда на правото на приватен живот.

The post Пресуда против земјава поради нехуман третман на сексуалните работници во полициска акција во 2008 година appeared first on Република.

The post Затвор за професорите Шуклев и Ристевски, барале пари и сексуални услуги за преодни оценки appeared first on Република.

Поранешната министерка за надворешни работи на соседна Бугарија денеска изјави дека Бугарите се дел од реалноста на Македонија и дека не е голема работа тоа да се преслика во Уставот, за да отпочнат преговорите со ЕУ. Кога сме кај фактите, прашање е дали за Захариева се реалност десетината пресуди од Судот за човекови права во Стразбург, кои се однесуваат на оневозможување на правото на здружување на Македонците во Бугарија?

Ова, на својот Фејсбук профил го напиша пратеникот од редовите на ВМРО-ДПМНЕ, Антонио Милошоски, кој ѝ порача на Захариева дека ќе биде многу продуктивно за двете соседни држави доколку Бугарија реално ги почитува пресудите на оваа пан-европска судска институција.

Во спротивно, додаде тој, хипокризија е да се говори за реалноста во дворот на соседите, а да не ја почитуваш реалноста во сопствената држава.

А за уставните измени, европскиот принцип е секоја земја да одлучува самостојно за Уставот, како највисок правен акт, кој е заедничка општествена повелба на граѓаните во секоја држава. Но, за жал, за ваквите лекомислено преземени обврски не ни се толку криви претставниците на официјална Софија како Екатерина Захариева, Кирил Петков или Румен Радев. Примарната кривица е кај Ковачевски, Бујар Османи, Маричиќ и другите политички главоклимачи, кои се надеваат дека нивниот мандат ќе трае ден подолго доколку тие дадат согласност на секој диктат што Македонија ќе ја доведе во потчинета положба. Токму затоа ова е убедливо најслабата владина екипа во последниве 30 години, која ѝ носи повеќе штета отколку корист на Македонија, напиша Милошоски.

The post А дали се реални пресудите од Стразбург: Милошоски ѝ возврати на Захариева по изјавата дека Бугарите се реалност во Македонија appeared first on Република.

Сопственичка на ресторан за брза храна од Славонски Брод е прогласена за виновна и е осудена за покачување на цената на бурекот за 1,58 куни и на јогуртот за 1,27 куни. Пресудата е правосилна, пренесуваат медиумите во регионот.

Според туристичката инспекторка, таа ги покачила цените по воведувањето на еврото, односно во периодот од 1 до 18 јануари годинава, пишува „Даница.хр“.

Во деловните простории на ресторан за брза храна во Славонски Брод при давањеугостителски услуги користела неправедни или агресивни деловни практики забранети со одредбите од Законот за заштита на потрошувачите. Бурек со сирење продавала за 15 куни, односно за 1,99 евро на 31 декември, а од 1 до 18 јануари истата услуга ја давала за 16,58 куни, односно за 2,20 евра, па ја зголемила цената на услугата во износ од 1,58 куна или 0,21 евра, што е зголемување од 10,53 отсто.

Потоа на 31 декември продавала бурек со месо за 15 куни или 1,99 евра, а од 1 до 18 јануари истата кетеринг-услуга ја давала за 16,58 куни или 2,20 евра, па услугата ја зголемила за сума од 1,58 куна, што е пораст од 10,53 отсто.

Услугата продавање јогурт за 4 куни или 0,53 евра ја давала на 31 декември, а од 1 до 18 јануари истата услуга ја давала за 5,27 куни или 0,70 евра, па услугата ја зголемила 1,27 кунас или 0,17 евра, што е зголемување зод 31,75 отсто.

Таа неоправдано ги зголеми цените по 31 декември, каде што ги стави потрошувачите во понеповолна финансиска состојба користејќи го воведувањето на еврото како официјална валута и околностите во кои се наоѓаат потрошувачите, што значително влијаеше на одлуката на потрошувачот при купување, заклучи судијата.

The post Ја покачила цената на бурекот и на јогуртот и сега мора да плати глоба: Осудена сопственичка на ресторан во Славонски Брод appeared first on Република.

Апелацискиот суд ги потврди казните на сите осудени за убиството на хравтскиот ракометар, Денис Тот.

Првообвинетиот, Анџело Ѓорѓиевски, доби казна од 18 години затвор исто колку и второобвинетата, Клементина Лефковска.

И на третообвинетиот Андреј Костовски му е потврдена казната затвор, а тој беше осуден на 16 години.

Промени има во пресудата само во делот на сумата на пари која треба да ја исплатат на членови на семејството Тот.

Апелациониот суд Скопје донесе пресуда со која жалбата на обвинетиот А. Ѓ. е одбиена како неоснована, а жалбите на обвинетите А. К. и К. Л. се делумно уважени на начин што пресудата на Основниот кривичен суд се преиначува и во однос на досудениот износ на име нематеријална штета и обвинетите се задолжени, солидарно, на мајката на починатиот Денис Тот, Т. Т., да ѝ исплатат 4.000.000 денари. Идентичен износ ќе треба да му се исплати и на И. Т., татко на починатиот, а на Б. Т., брат на покојниот, досудена е исплата на име нематеријална штета во висина од 3.000.000 денари. Во согласност со пресудата, при исплатата ќе биде пресметана и законска казнена камата од денот на донесување на првостепената пресуда“, велат од скопска Апелација.

The post Апелација одлучи: Еве по колку ќе бидат во затвор Анџело, Клементина и Андреј за убиството на ракометарот Денис Тот appeared first on Република.

На 5 јуни судијата Јордан Велковски од Основниот кривичен суд Скопје ќе ја изрече пресудата за пожарот во модуларната болница во септември 2021 година во кој загинаа 14 лица.

Обвинети во случајот се двајцата директори Флорин Бесими и Артан Етеми кои се гонат за тешки дела против општата сигурност, како и докторот Бобан Вучевски кој е обвинет за непостапување според здравствени прописи за време на епидемија. За предизвикување општа опасност и непостапување според здравствени прописи за време на епидемија, пак, како правно лице се гони и Клиничката болница Тетово.

Закажувањето на пресудата доаѓа откако денеска во тетовскиот суд беа дадени завршните зборови од странките.

The post На 5 јуни пресуда за пожарот во модуларната болница во Тетово appeared first on Република.

Поранешниот француски претседател Никола Саркози денеска во жалбена постапка беше осуден на три години затвор, од кои две се условни а една година да носи електронска алка на ногата наместо престој во затвор.

Во март 2021 година, тој беше осуден на три години затвор, од кои две условни, а една во домашен притвор со електронска нараквица, поради корупција и трговија со влијание преку тајна телефонска линија што беше откриена со прислушување.

Францускиот апелациски суд ја потврди пресудата донесена во првостепената постапка на 1 март 2021 година против поранешниот лидер на француската десница, кој ја слушна одлуката на обвинителна клупа.

Неговата адвокатка Жаклин Лафонт веднаш изјави дека ќе поднесе жалба до Касациониот суд, дека Саркози е невин и ќе оди до крај на судската постапка, нарекувајќи ја одлуката на судот „запрепастувачка“.

Саркози го напушти судот без да даде изјава.

Саркози (68) е првиот поранешен француски претседател осуден на затворска казна. Неговиот поранешен „ментор“ Жак Ширак во 2011 година беше осуден на двегодишна условна затворска казна во случајот со фиктивни вработувања во градот Париз.

Долгогодишниот адвокат на Саркози, Тиери Ерзог (67) и поранешниот висок обвинител Жилберт Азиберт (76), исто така беа прогласени за виновни за склучување на „корупциски пакт“ со Саркози во 2014 година и осудени на истите казни.

Апелацискиот суд, исто така, изрече тригодишна забрана за граѓански права на Саркози, што значи дека тој не може да се кандидира за некаква функција.

Обвинителството на 13 декември побара три години условни затворски казни за тројцата обвинети кои од почетокот негираа дека имало корупција.

Поранешниот француски претседател (2007-2012) најостро ги негираше наводите за време на жалбената расправа.

Одлуката на судот беше очекувана, а Саркози го чека новото судење во жалбена постапка наесен во случајот со нелегално финансирање на неговата претседателска кампања во 2012 година и му се заканува трето судење поради сомневање дека имал либиско финансирање за неговата претседателска кампања во 2007 година

The post Потврдена пресудата за поранешниот француски претседател Саркози appeared first on Република.

Мајката која ја принудуваше малолетната 14-годишна ќерка на сексуални услуги доби 15 години затвор, а екс полицаец кој учествувал во чинот заработи казна од 18 години затвор.

Ова е одлуката на скопскиот Апелациски суд.

Мајката призна дека ја запознала ќерката со полицаецот и ја носела во неговата куќа, каде тој вршел полови дејствија врз девојчето, а за возврат мајката добивала 2.000.

Вината ја призна и екс полицаецот.

Судот констатираше дека поради сериозноста на кривичното дело максималната казна е 20 години, но поради признанието, казната е 18 години затвор.

The post 15 години затвор за мајката која ја принудуваше ќерка си на сексуални услуги за 2.000 денари appeared first on Република.

Вицепремиерот за европски прашања Бојан Маричиќ ја поздрави денешната одлука на Европскиот суд за човекови права која, како што вели, е во полза на државата, според која жалбите на апликантите во целост со наводните помилувања се недозволени.

Со одлуката, Судот смета дека жалбите се недозволени во принцип поради неискористување на домашните правни лекови и дека нема прекршување на човековите права.
Постапките продолжуваат пред домашните судови, бидејќи е нелегитимно да се прескокнуваат македонските судови. Можеби Европскиот суд е искористен во овој случај како алатка за одолговлекување на постапките, но сепак владеење на правото е неприкосновен принцип.
Исклучително важно е да има спроведена правда која граѓаните ја очекуваат, а која ќе се нотира позитивно во извештаите на Европската Комисија во делот почитување на владеење на правото во Македонија.
Благодарност до стручноста и посветеноста на правниот тим за успехот во застапувањето пред Европскиот суд за човекови права, вели Маричиќ.

The post Маричиќ: Правната држава победи, помилувањата немаат законска основа appeared first on Република.

Апелацискиот суд Скопје ја потврди првостепената пресуда на Основниот суд во Велес со која ја ослободи од обвинение 23-годишната велешанка Павлинка Илоска, сметајќи дека не е кривично дело она што е сторено во нужна одбрана. Судијката Габриела Гајдова во февруари, лани кажа дека Пале се бранела од сега покојниот. Од ДНК под ноктите на покојниот полицаец, се утврдило дека тој навистина ја давел, посочи судијката. Била влечена за облеката, удирана по нозе и раце, но и глава.

Велешанката Павлинка Илоска Пале пред Основниот суд во Велес лани изјави дека се бранела од нејзиниот невенчан сопруг, полицаецот Александар Ристовски (40) и раскажа дека тој ја влечел и ја тепал, а таа го молела да ја остави, но тој продолжи.

За ножот со кој го убила раскажа дека го зела и замавнала по него незнаејќи ни што држи во рацете, само за да се одбрани. На судиите во Основниот суд во Велес им нагласи дека се борела за живот и дека ако не се одбранела, тогаш тој ќе ја убиел неа.

Се каам и жалам за стореното, но тоа беше борба за живот, ако не беше тој, јас ќе бев мртва. Кога почна да ме дави јас претав со нозе, со раце, немав сила да му се спротивставам. Се вративме од гости околу полноќ, тој пиеше, јас утрината бев работа и сакав да спијам. Побара од мене да сум направела есап колку пари сме потрошиле, а јас од желба за сон сум заспала. Тој во таква состојба се нафрли врз мене. Бев како фудбалска топка, ме шутираше со нозе. Па ме фати за врат, му реков немој Александар ќе ме удавиш, се уплашив. Почнав да губам свест, гледав само некоја светлина, немав воздух да дишам. И во таа борба за живот кога стивнавме до кујната фатив некој предмет, не знаев што е, само сакав да го удрам да ме ослободи. Почувствував дека наеднаш губи сила и ме ослободи. Видов дека има нож во градите, ги раскажа кошмарните моменти обвинетата на едно од рочиштата.

Со потврдата од второстепениот суд пресудата за Пале е правосилна.

The post Апелација ја потврди пресудата: Велешанката Пале во самоодбрана го убила полицаецот appeared first on Република.