Осумгодишно дете и маж (34) се ранети во престрелката што се случила вчера попладне во западниот дел на Лондон, а полицијата ги повикува очевидците да излезат за да ги расветлат сите околности на овој настан.

Пукањето се случило околу 17:30 часот во Кенсингтон, а девојчето и мажот, како и една жена се пренесени во болница со брза помош. Медиумите јавуваат дека девојката сега е во стабилна состојба.

Ова е страшен инцидент во кој две лица се тешко повредени, меѓу кои и едно дете, кое за среќа од утрово е во стабилна состојба, изјави Овен Реновден од полицијата.

Тој ги повика граѓаните кои биле во овој дел од градот во моментот на пукањето и виделе нешто веднаш да ги контактираат.

Дали синоќа околу 17 часот и 30 минути слушнавте пукотници? Дали видовте некој како бега од оваа област. Бараме секој што знае нешто за ова да не контактира, велат од полицијата.

The post 8-годишно дете и маж ранети во престрелка во Лондон appeared first on Република.

Вчера се случила пресметка меѓу локални кланови во градот Мемаљиај, во областа Ѓирокастро, јавуваат албанските медиуми.

Цел на пукањето биле членовите на семејството Каљеми, кои биле во кафеана на роднини.

Според информациите, загинале три лица од кои Шиќири Каљеми (74), келнер и муштерија во локалот, а напаѓачите пукале од калашникови.

Постои сомневање дека членови на семејството Каљеми учествувале во убиството на бизнисменот Едмонд Папа во 2022 година, по што Шиќири Каљеми бил застрелан неколку пати.

По инцидентот, полицијата поставила контролни пунктови во градовите Фиера, Берат и Валона, а во блиското село било пронајдено опожарено возило „БМВ“ кое наводно го користеле сторителите.

The post Престрелка меѓу кланови во Албанија, три лица загинаа appeared first on Република.

Во ноќта меѓу саботата и неделата најмалку три лица се ранети од огнено оружје во Ѓаковица, а портпаролот на полицијата Шеремет Ељезај изјави дека на повредените им била укажана лекарска помош и дека нивната состојба е стабилна, пренесува Коха.

Престрелката се случила во кафеаната десетина минути по полноќ, а три лица се здобиле со повреди, за кои постои сомневање дека биле предизвикани од огнено оружје.

Полицијата веднаш реагирала на случајот и на настраданите им била укажана лекарска помош, според првите информации нивната здравствена состојба е стабилна“, изјави Ељезај.

Тој додаде дека се спроведуваат потребните истражни постапки за расветлување на случајот.

Полицијата соопшти дека во консултација со државен обвинител е оформен случај за „убиство во обид“ и „неовластено поседување, контрола или држење оружје

The post Тројца се ранети: Престрелка во Косово, напаѓачите се во бегство appeared first on Република.

Најмалку 15 луѓе наводно биле застрелани во страшна престрелка. Како што јавија локалните медиуми, големото пукање се случило во населбата Виловрук во Илиноис.

Локалните медиуми јавуваат дека биле застрелани голем број луѓе, најверојатно најмалку 15.

Властите се уште не го објавија нападот, иако се верува дека неколку лица се тешко повредени.

BREAKING: At least 15 people shot at illegal street takeover in Willowbrook, Illinois https://t.co/JPByNkhGVg

— BNO News (@BNONews) June 18, 2023

The post Најмалку 15 луѓе застрелани во страшна престрелка во САД appeared first on Република.

Тежок инцидент се случиј во зелениот појас на албанско – косовската граница, во близина на преминот Морина, во кој сириски државјани шверцери на мигранти пукале врз албанската полиција, на што таа одговорила, но нема повредени, јавија албанските медиуми повикувајќи се на полициско соопштение.

Според полицијата во Кукс, финализирана е акцијата „Структурирање“ при што дошло до размена на оган меѓу полицајците и трговците со луѓе. Во истата куршумите продреле во заштитната облека на двајца полицајци, кои за чудо не се повредени. Разбиена е криминална група која организирала меѓународен шверц на имигранти од трети земји, од Грција кон Албанија, Косово и Србија, со крајна дестинација земјите од ЕУ, наведуваат медиумите.

Уапсени се петмина сириски и еден алжирски државјани, а се трага по еден алжирски државјанин.

Полициските службеници ги предупредиле да застанат на што дел употребиле огнено оружје, сериозно загрозувајќи ги животите на полициските службеници. Веднаш било комуницирано со Граничната полиција на Косово, за блокирање на границата од косовска страна, а по неколкучасовна потера, полициските служби успеале да ги уапсат шесте лица, стои во полициското соопштение.

Процедурните материјали се предадени на Обвинителството при Основниот суд од општата надлежност Кукс за понатамошни дејствија.

The post Престрелка меѓу полицијата и шверцери на мигранти на албанската граница appeared first on Република.

На 06.03.2023 во 20:11 часот во СВР Скопје било пријавено дека во угостителски објект на ул.„Самоилова“ во Скопје пет лица облечени во црна облека со фантомки од огнено оружје пукале кон Ј.К. (37) и Е.И. (28), кои починале на местото на настанот.

Пукано е и кон А.Т.(34) од Скопје, кој се здобил со повреди и бил пренесен во Градската општа болница „Св. Наум Охридски“ за укажување лекарска помош.

Известен е јавен обвинител, кој излезе на лице место и по чија наредба телата се дадени на обдукција.

Околу 20:30 часот било опожарено возило „ауди а6“ на патот кон Горно Оризари.

По насоки од јавен обвинител, извршени се службени разговори со повеќе лица и се преземаат соодветни мерки и активности за расчистување на убиството.

The post МВР со детали за двојното убиство во Скопје, телата дадени на обдукција appeared first on Република.

Се вратија деведесеттите. Со Ковачевски како премиер, Груби како вицепремиер и Спасовски прв човек на полицијата се случуваат убиства, пасоши на криминалци се делат, наркотрафикантите седат до првите лица на владата, велат во партиското соопштение од ВМРО-ДПМНЕ.

Додека Спасовски вкупно е прв човек на полицијата 8 години, се случија стотина нерасветлени убиства. Што друго да се случи Спасовски да си даде оставка.

Треба да одговори дали има политичка конотација ова двојно убиство и каква е поврзаноста со крилата на криминализираните ДУИ и СДС?

Нема леб, скапи бензини, инфлација и многу убиства. Тоа е владеењето на Груби, Ковачевски и Спасовски, се вели во соопштението на ВМРО-ДПМНЕ.

The post Се вратија деведесеттите, мафијашки убиства на улиците, само Спасовски мува не го лази, дали зад ова има политички контекст меѓу криминализираните ДУИ, СДС appeared first on Република.

Четири вооружени лица облечени во црна облека, некои очевидци велат во црни униформи, со лицата сокриени во фантомки, излегле од автомобил „ауди А6“ влегле во кафулето Шиша бар под Калето, се претставиле како полицајци, се качиле на вториот кат  и влегле во „мониторинг“ салата каде повикале „рација“ и испукале неколку куршуми, дознава МКД.мк.

Од истрелите две лица биле убиени, а едно е рането.

Според порталот, убиени се Јетон Кривањева викан Жила и Енес Исеинов со прекар Лаци. По убиството, со „аудито“ четирите лица го напуштиле местото, а наскоро возилото било полиено со бензин и запалено, а за тоа сведочи само регистерската табличка.

The post Четворица во црно и со фантомки на лицата излегле од „ауди“ и пукале, автомобилот потоа го запалиле appeared first on Република.

Шестмина вклучително и двајца полицајци, беа убиени во стравична престрелка на оддалечен имот вчера во Австралија . Се сомнева дека станува збор за заседа.

Полицијата соопшти дека трагала по исчезнато лице во областа Вајамбилам, околу 300 километри северозападно од Бризбејн, главниот град на Квинсленд, кога врз нив бил отворен оган.

о долга опсада полицијата убила тројца осомничени. Властите соопштија дека мотивот останува нејасен.

Првично, во понеделникот, четворица вооружени полицајци отишле на имотот во текот на попладневните часови, откако добиле барање од полицијата на Нов Јужен Велс, јавува Би-Би-Си.

Полицајците Метју Арнолд (26) и Рејчел МекКроу (29) биле убиени неколку моменти подоцна додека се приближувале до имотот. Уште еден полицаец е ранет, додека четвртиот поминал без физички повреди, соопшти полицијата.

Тогаш бил убиен и соседот Алан Дер (58), кој бил застрелан од осомничените кога дошол на имотот да види што се случува.

Опсадата траела неколку часа, било вклучено многу оружје, пред осомничените, двајца мажи и една жена, да бидат убиени од полицајци.

Еден од нив е идентификуван како Натаниел Трејн (46), кој бил поранешен директор на училиште. Полицијата за исчезнати лица била испратена да го провери.

Останатите се сопствениците на имотот, неговиот брат Гарет Трејн (47) и сопругата на Гарет Стејси Трејн (45).

The post Во заседа во Австралија убиени шест лица, од кои двајца полицајци appeared first on Република.

Ученик загина, а еден е ранет во пукање кое се случило пред средно училиште во американската сојузна држава Флорида, за време на натпревар во американски фудбал, јавија медиумите.

На крајот од натпреварот во средното училиште „Орландо Џонс“ во саботата вечерта, вооружен човек испукал неколку куршуми на паркингот за време на расправија меѓу две групи, изјави началникот на локалната полиција Ерик Смит.

Весникот „Орландо Сентинел“ објави дека по пукањето играчите и гледачите избегале на спротивната страна од стадионот.

Како што пишуваат американските медиуми, еден од тинејџерите починал на местото на настанот, а другиот е пренесен во болница со повреди кои не се опасни по живот.

Полицијата во Орландо соопшти дека четворица малолетници биле приведени, како и уште едно повозрасно лице.

Неколку часа подоцна околу 22:30 часот, полицијата била известена за трета жртва од пукањето.

Лицето наводно се упатило во болница со повреди кои исто така не се опасни по живот.

This is the scene in the parking lot at Jones High School right now pic.twitter.com/oemshJzNze

— Jon Santucci (@JonSantucci) November 13, 2022

The post Престрелка меѓу средношколци на американски фудбал, мртов тинејџер, четворица уапсени appeared first on Република.

Картелска престрелка во Мексико резултирала со смрт на 11 членови на банда, како и еден мајмун-пајак, облечен во мал „панцирен елек“, маскирна јакна и пелени, објави „ЦБС Њуз“. Мајмунот бил пронајден како лежи преку градите на мртов вооружен маж за кој се верува дека бил негов сопственик.

„Мексико Дејли Пост“ се сомнева дека мајмунот му припаѓал на човек со врски во мексиканскиот картел „Ла Фамилија Мичоакана“. Додека сопственикот починал од неколку прострелни рани, причината за смртта на мајмунот останува мистерија, а аутопсијата треба да ја изврши ветеринар. Од 11 убиени лица, 10 биле потврдени дека се мртви на лице место на престрелката во градот Текскалтитлан, додека последниот е прогласен за мртов во болница.

Според „Инфобае“, Канцеларијата на јавниот обвинител на државата Мексико соопшти дека пет мажи и три жени се меѓу осомничените кои ја преживеале престрелката и биле приведени. Тие на крајот би можеле да се соочат со обвиненија за трговија со животни. Уапсен е и малолетник кој нема наполнето 15 години.

Безбедносниот аналитичар, Дејвид Соседо, за „Асошиејтед прес“ вели дека чувањето егзотични животни се смета за симбол на статус и моќ, додавајќи дека поседувањето „приватната зоолошка градина било предуслов за да се биде дел од кругот на големи шверцери на дрога“. Соседо сугерира дека некои картели користеле животни за погрозни практики, како што се тортура или исчезнување на нивните жртви.

The post Мајмун облечен во панцирен елек пронајден мртов по крвава престрелка на картели во Мексико appeared first on Република.