Бугарија денеска ја доби преодната влада на чело со премиерот Димитар Главчев, а на 9 јуни се закажани вонредни парламентарни избори.

Народното собрание на вонредната седница ја инаугурираше 10. преодна влада во историјата на државата, а шеста во последните четири години. Тоа е и првата влада која положи заклетва пред парламентот, а не пред претседателот, по неодамнешните измени на уставни амандмани пишува бугарскиот сајт „Новините“.

Претходно денеска бугарскиот претседател Румен Радев издаде указ за официјално именување на кабинет и закажување единствени избори за 9 јуни и за европскиот и за националниот парламент.

На крајот на март претставниците на партијата „Има таков народ“ (ИТН) на бугарскиот претседател му го вратија третиот и последен мандат за состав на влада што им го врачи со што се отвори патот за закажувањето на вонредните парламентарни избори.

The post Бугарија доби преодна влада, избори на 9 јуни appeared first on Република.

Собранието на Република Македонија денеска ја избра новата, преодна Влада која во наредниот период треба да организира фер и демократски избори.

Новата, преодна Влада на Република Македонија е во состав:

м-р Талат Џафери, претседател на Владата на Република Македонија,

Славјанка Петровска, министерка која ќе раководи со Министерството за одбрана,

Панче Тошковски, министер кој ќе раководи со Министерството за внатрешни работи,

Кренар Лога, министер кој ќе раководи со Министерството за правда,

Артан Груби, министер кој ќе раководи со Министерството за политички систем и односи меѓу заедниците,

Бујар Османи, министер кој ќе раководи со Министерството за надворешни работи,

Фатмир Бесими, министер кој ќе раководи со Министерството за финансии,

Крешник Бектеши, министер кој ќе раководи со Министерството за економија,

Љупчо Николовски, министер кој ќе раководи со Министерството за земјоделство, шумарство и водостопанство,

Фатмир Меџити, министер кој ќе раководи со Министерството за здравство,

Јетон Шаќири, министер кој ќе раководи со Министерството за образование и наука,

Ѓоко Велковски, министер кој ќе раководи со Министерството за труд и социјална политика,

Ристо Пенов, министер кој ќе раководи со Министерството за локална самоуправа,

Бисера Костадиновска - Стојчевска, министерка која ќе раководи со Министерството за култура,

Азир Алиу, министер кој ќе раководи со Министерството за информатичко општество и администрација,

Благој Бочварски, министер кој ќе раководи со Министерството за транспорт и врски,

Каја Шукова, министерка која ќе раководи со Министерството за животна средина и просторно планирање,

Бојан Маричиќ, министер без ресор задолжен за европски прашања,

Фатмир Битиќи, министер без ресор задолжен за економски прашања, координација на економските ресори и инвестиции, и

Славица Грковска, министерка без ресор задолжена за политики за добро владеење.

The post Кои се новите министри во преодната влада предводена од Џафери appeared first on Република.

Претседателот Стево Пендаровски, вечерва, по завршувањето на седницата во Собранието за избор на преодна Влада за спроведување на избори на пратеници, во својот Кабинет ги прими членовите на новиот состав на Владата, соопштија од кабинетот на претседателот Стево Пендаровски.

На членовите на преодната Влада, претседателот Пендаровски им посака ефикасно работење и успешно спроведување на претстојните парламентарни избори.

The post Претседателот Пендаровски ги прими членовите на преодната Влада appeared first on Република.

„Ова е преодна влада која што ќе биде со важност до  организација на избори, а потоа граѓаните ќе одлучат. Добро е да сме дел од тој процес, на тој начин ќе спречиме евентуална злоупотреба на изборниот процес и неправилности, што е важно за да имаме кредибилен изборен процес и тоа на ВМРО-ДПМНЕ и граѓаните ќе им даде доверба дека процесот кој следи и претседателски и парламентарни се согласно законите и Уставот“, изјави претседателот на ВМРО-ДПМНЕ, Христијан Мицкоски при посетата на Кочани, одговарајќи на новинарско прашање за предлогот за преодна влада иако со ВМРО-ДПМНЕ и СДС се ривали.

Мицкоски појасни дека  тоа треба да биде преодна влада без учество на ДУИ со сите останати политички партии, односно дека добро е консолидираната опозиција на албански политички партии да биде дел од таа влада, додека уставните измени да важат откако Македонија ќе стане дел од ЕУ.

„Идниот премиер нема да биде премиер поради договорот кој го направиле СДС и ДУИ, туку ќе биде премиер кој го избрале мнозинството пратеници во рамите на Собранието. Тоа го предложивме ние како ВМРО-ДПМНЕ и очекуваме одговор од СДС“, рече Мицкоски.

„Кога станува збор за уставните амандмани ние рековме во ред, еве да речеме да го прифатиме гласањето за тие но, но да биде ефектот одложен односно со одложено дејство. Тоа значи практично околностите нема да се променат нема да имаме промена на устав тие амандмани нема да бидат дел од новиот устав се до моментот додека Македонија не стане земја членка на ЕУ. На тој начин го заштитуваме нашиот идентитет и на тој начин ние кажуваме дека нема да има дополнителни отстапки кои ќе можат да му наштетат на нашиот идентитет“, истакна Мицкоски.

The post Мицкоски: Бараме преодна влада без ДУИ, рамен терен за изборна борба и зачуван идентитет appeared first on Република.

Претседателот на Србија Александар Вучиќ во вчерашното интервју за „Пинк“ изјави дека нема да прифати техничка влада и дека единствен начин тоа да го добијат е да го убијат.

Да ме убиете можетее, тоа е најлесно, но што ќе постинете со тоа? Ќе ме кренете во небеса.Поинаку не можете да добиете ништо.Секаде каде што постојат преодни влади бидејќи таму директно раководи странскиот фактор. Тие земји се разорени и уништени за долги години секоја од нив. Тоа би било директно уништување на Србија, јас во тоа нема да учествувам, положив заклетва на Уставот и Евангелието. Да учествувам  во тоа затоа што ми се закануваат на улица или странците. Што мислите како ги издржав притисоците за Косово, праша Вучиќ?

The post Вучиќ: Секаде каде што има преодни влади се раководени од странскиот фактор, тие земји се уништени appeared first on Република.