Уставните измени се помалку се зборуваат во Собранието, вклучувајќи ја и власта. Ние како опозиција мислам дека многу пати сме го кажале зошто е тоа така и кои се причините и кој ја донесе Македонија во оваа слепа улица и тоа го алармираме повеќе од година дена, барајќи предвремени патламентарни избори со цел граѓаните да одлучат во кој правец ќе се движи Република Македонија во иднина, вели пратеникот од ВМРО-ДПМНЕ и коалицијата Љупчо Пренџов во гостување во емисијата Анализа на ТВ 24.

Пренџов додаде дека е при крај мандатот на овој парламентарен состав и дека уставните измени под бугарски диктат нема да се случат.

Мислам дека таа тема завршува и веќе е при крај овој состав на парламентот и уставни измени под бугарски диктат нема да поминат. И мислам дека тоа им е јасно на сите, рече тој.

На прашањето дали тој како пратеник ќе чувствува одговорност доколку Македонија остане во ова статус кво, Пренџов рече дека нема да чувствува одговорност.

Не, не чувствувам одговорност. Од повеќе причини не чувствувам одговорност. Првата причина е затоа што алармиравме и го молевме Бујар Османи да не ги потпишува протоколите кои што ги потпиша во Софија, а кои се поврзани директно со нашиот идентите на Македонците. Втората причина е затоа што ги молевме како влада да имаме еден унисон став и да заличиме како нормална држава каде што власта и опозицијата кога се работи за европската перспектива на државата зборуваат со еден глас. Но и тоа го одбија. И трета причина е затоа што нашата цел е како да ги внесеме нашите граѓани на Македонија во ЕУ, додека целта на власта е како Бугарите да ги внесе во македонскиот Устав. Така што не чувствувам никаква одговорност како пратеник, потенцираше Пренџов.

Според него не се само проблем уставните измени, проблем е и немањето на право и правда, додавајќи дека 7 години власта не прифаќа ниту една помош од опозицијата, како и дека според сите релевантни анкети власта веќе нема ниту легитимитет, ниту кредибилитет.

Не се само проблем уставните измени, оваа држава има проблем со право, правда, корупција и економија. Седум години имаме власт која што е самобендисана и не трпи критики, власт која што ниту една добронамерна помош од страна на опозицијата не ја прифаќа и имаме власт која според сите релевантни анкети гледаме дека нема ниту кредибилитет, ниту легитимитет, истакна Пренџов.

The post Пренџов: Наша цел е како Македонците да ги внесеме во ЕУ, додека целта на власта е како Бугарите да ги внесе во македонскиот Устав appeared first on Република.

„Уставни измени под бугарски ултиматум нема да се случат во Собранието на Република Македонија. Оваа пратеничка група е хомогена и дише како едно и секојдневно комуницираме така да јавноста треба да биде мирна бидејќи уставни измени нема да се случат“, истакна пратеникот од коалицијата за „Обнова на Македонија“ Љупчо Пренџов во гостување во емисијата „За или Против“ на Телевизија Алфа.

Тој истакна дека ова што се прави практично е еден театар што се случува во државата бидејќи на секого му е јасно дека уставни измени нема да има.

„Ниту се плашиме од закани, уцени, ниту не интересираат нивни дарови, едноставно таква комуникација нема за вие да имате било каква комуникација треба да има било какво двоумење но ниту еден пратеник нема двоумење за тоа како ќе постапи во следниот период. Уставни измени нема да се случат, јавноста треба да биде смирена бидејќи власта нема да гледа таков филм со оваа пратеничка група“, кажа Пренџов.

Тој посочи дека несериозно од претседател на држава е да ако 80 проценти од граѓаните се за или против определено политичко решение тој да каже дека не ги разбира.

„Ако Пендаровски не ги разбира нашите аргументи го поттикнувам и охрабрувам повторно да се кандира за претседател на државата бидејќи му е прв мандат и смета дека е успешен тогаш кога ќе го побара вториот мандат и кога дестинацијата нема да му биде Вила Водно, Влада и да отиде помеѓу граѓаните тогаш да разбере дека 80 проценти вклучувајќи ги и тие што го гласале него за претседател не ги разбираат неговите аргументи“, вели Пренџов.

Тој додаде дека ако се погледнат анкетите тогаш ќе се види дека 75-80 проценти од луѓето и кои што гласале за СДСМ се против промена на Устав под бугарски диктат. Сопственото членство е против оние уставни измени, од она кое што тој го гледам и слуша има и некои пратеници од владејачкото мнозинство кои нема да ги поддржат Уставните измени.

„Не ги чувствувам за притисок странските гости и средби. Јас бев присутен на средбата со тројца министри на Европската Унија каде се разговараше и ги кажавме нашите аргументи и мислам дека ги разбраа нашите аргументи бидејќи тие беа поткрепени со многу факти“, кажа Пренџов.

The post Пренџов: Има пратеници од владејачкото мнозинство кои нема да ги поддржат уставните измени appeared first on Република.

Господине премиер излезете и одговорете и на оваа јавност на овие граѓани, вклучително и на пратениците на СДСМ, дали со влезот на Алијанса на Албанците во владата ќе имаме помала инфлација, дали ќе имаме пониски цени на рафтовите во маркетите и на пазарите, дали граѓаните ќе имаат поголеми плати, дали ќе имаме правна држава и дали Република Македонија ќе биде барем 5 проценти онаква каква што вие ветувате 6 години. Одговорете и на јавноста, бидејќи во овие ваши византиски игри и комбинаторики највеќе даваат СДСМ и Алтернатива а ДУИ не дава ништо од министерства, ништо од директори дали премиере расколот во СДСМ е поголем од оној на ДУИ кој што е барем очиглед на јавноста“, нагласи Пренџов.

Пренџов истакна дека премиерот треба да и одговори на јавноста дали смее збор да му каже на министерот за образование, Јетон Шакири каде што година дена децата учат од тетратки, без учебници.

„Премиере одговорете и на јавноста бидејќи во мачо стил кажувате за оној немил настан, за кој што не сакам да правам политички поени, дека сте му рекле на министерот за здравство да си поднесе оставка, а претходно три часа веќе сте го трампале и смениле на пазар три, дали господине премиер смеете збор да му кажете на министерот за образование Јетон Шакири кој што година дена децата наши учат од тетратки без учебници а нели итаме кон ЕУ, каде што знаењето се цени и наместо да седите во други простории станете да ве види сала и одговорете ги овие прашања“ , нагласи Пренџов.

Пренџов го повика премиерот да излезе и каже зошто сме држава со најмалку инвестиции на Балканот, каде се работи и зошто коридор 8 не е почнат, дали имаме гасификација.

„Излезете и кажете дали е вистина дека за година дена премиер сме држава со најмалку инвестиции на Балканот, каде се работи и зошто коридор 8 не е почнат, дали имаме гасификација, немојте со флоскулите и тезите дека правите Европска коалиција а ќе се испотепате за министерски места. До колегите од Алијансата сметам дека многу евтино се продавате. Две министерски места се премалку да си ги дадете идеалите и борбата“, истакна Пренџов.

The post Пренџов до Ковачевски: Станете да ве види сала премиере и одговорете дали со новата Влада ќе имаме повисоки плати, помала инфлација, пониски цени по маркетите appeared first on Република.

Да разјасниме по стоти пат, а тоа е дека со оваа пратеничка група на ВМРО-ДПМНЕ и коалицијата „За обнова на Македонија“ нема да има уставни измени. Нема ниту еден од нас ниту да го поколебааат, ниту да го купат, ниту да го уценат и знаат дека оваа пратеничка група е хомогена и една од најголемите ноќни мори на неспособните кои се на власт, изјави за „Анализа“ на ТВ 24 пратеникот Љупчо Пренџов од коалицијата „За обнова на Македонија“ предводена од ВМРО-ДПМНЕ.

Пренџов во врска со влезот на Алијанса за Албанците во владата, псоочи дека тоа се прави за да може луѓето кои се на челни позиции да крадат месец повеќе, а тоа нема на граѓаните да им ги намали цените во маркети, ниту да добијат подобар правен систем.

-Според мене треба власта да одговори дали со влегувањето на Алијанса за Албанците во владата ќе добиеме помала инфлација, дали граѓаните ќе добијат пониски цени на рафтовите и пазарите, дали ќе имаме правна држава, намалување на непродуктивни трошоци, дали ќе имаме покачување на плати? Бидејќи од ова кое можеме да го видиме деновиве единствени кои ќе имаат ќар од влегувањето на Алијанса се оние кои се на челните позиции веќе 5 години и ќе имаат можност да пљачкаат 10 месеци повеќе.

Пренџов исто така прашува чиј раскол е поголем, оној на СДС или на ДУИ бидејќи ако се направи анализа ќе се види дека најголем дел од местата кои се жртвуваат од власта се места на СДС и на Алтернатива, ДУИ не дава многу.

– Се поставува прашање каде е расколот поголем во СДС или ДУИ? Ако ДУИ има раскол а најмалку жртвува тогаш логички ми кажува дека проблемите се поголеми во СДС. Јавна тајна е дека има незадоволство од сите овие непринципиелни случувања. Кој и како ќе гласа ќе биде согласно тоа што го ветувал во текот на мандатот, нагласи Пренџов.

Пренџов потенцираше дека власта постојано се фали дека го зголемувала мнозинството, а какво мнозинство имаат говори фактот дека не може да соберат пратеници за седница во Собрание и дека од 1 декември до 1 февруари имало само две седници.

The post Пренџов: Уставни измени нема да има, а со Алијанса во власта граѓаните нема да добијат пониски цени и повисоки плати appeared first on Република.

Претеникот Љупчо Пренџов на својата официјална Фејсбук страница ја објави неговата изјава заверена на нотар дека никогаш нема да гласа за промени во македонскиот Устав.

Јас Љупчо Пренџов никогаш нема да гласам за да се промени македонскиот Устав ниту ќе поддржам било каква иницијатива, предлог или заклучок кој ќе ја доведе Република Македонија во положба на потчинетост или зависност спрема некоја друга држава. Оваа моја изјава е цврст доказ и истата е неотповиклива. ДА ЖИВЕЕ РЕПУБЛИКА МАКЕДОНИЈА, пишува тој во својата објава.

The post Пренџов ја објави изјавата заверена на нотар: Никогаш нема да гласам за да се промени македонскиот Устав appeared first on Република.

Два дена премиерот, не е појавен во салата, носи министри од култура до економија што немаат врска со овој предлог. Го донел и првиот вицепремирер за ништо а него го нема во салата да дојде да даде одговори првиот човек на Владата, изјави пратеникот од коалицијата за „Обнова на Македонија“ Љупчо Пренџов на денешната собраниска седница.

Тој запраша кој е одговорен од вас, неспособни криминалци кои дете од мајка ќе продадете за ден повеќе во фотелјите и за тендер повеќе? Кој е одговорен што сте дале согласност за договор преговарачка рамка која што значи прво бугарзација а потоа европеизација на македонскиот народ?

Пренџов посочи дека трудејќи се да станете најдобрите комшии на соседите, станавте најголемите непријатели и предавници на сопствениот народ.

Пет години ве слушам како зборувате за добрососедство, пријателство. Какво ви е тоа пријателство кога од другата страна имате луѓе кои не ви го признаваат ниту македонскиот народ, ниту македонскиот јазик, ниту македонската историја ? Какви се тие добрососедски односи ако соседот кон тебе гледа како нешто што не постои, кое е тоа пријателство ако пријателот те множи со нула и за него  не постоиш“, кажа Пренџов.

Тој запраша дали вие од Владата им кажавте во Брисел дека Уставот на оваа држава нема да се промени по бугарски ултиматум и дали им кажавте во Брисел дека ниту еден од 44 пратеници нема да може да купите, уцените и било што друго?

Дали им кажавте во Брисел дека 3/4 од македонскиот народ е против овој предлог? Дали им кажавте дека 3/4 од Македонците не можат и не сакаат да поднесат нови вреѓања на човекот достоинство, гордост и право на самоопределување? Им кажавте ли дека граѓаните не ве чувствуваат како водство како Влада туку ве гледаат како обични криминалци кои 6та година ги лажете, крадете и ги манипулирате“, рече Пренџов.

Пренџов за жал констатира дека  историјата се повторува, сите векови наназад Македонците се бореле за своите правдини додека група како вас од „Илиндеска“ ги предавале за лични интереси. Порано биле златници, денес се тендери, моќ, фотелји и влијание.

Македонија и Македонците нема да дозволиме да бидат дрво без корен, нема да дозволиме да бидеме паричка за поткусурување помеѓу византиските балкански игри. Нема да дозволиме Софија да ни ги пишува учебниците, да ги присвои нашите национални херои и нема да дозволиме македонскиот јазик да биде ничив дијалект“, дециден е Пренџов.

https://www.youtube.com/watch?v=MJpPvN_jfjE

The post Пренџов ја кажа вистината зошто власта прави асимилација: Неспособни криминалци сте, дете од мајка ќе украдете за ден повеќе на власт appeared first on Република.

Изминатиов месец имавме инфлација од 8,8%, односно да бидам поконкретен, тоа што нас граѓаните најмногу не’ интересира – порастот на цените на мало изнесува цели 9,6%, посочи на прес-конференција во собранието Љупчо Пренџов, пратеник на пратеничката група на ВМРО-ДПМНЕ и коалицијата „За подобра Македонија“.

Пораст на трошоците за живот во март 2022 година, во споредба со март 2021 година, е забележан кај млекото, сирењето и јајцата за 7,4%, лебот и житата за неверојатни 16,5%, месото за 6,7%, зејтинот за 21,6%, овошјето за 13,2%, зеленчукот за 17,7% итн.

Понатаму, во март имаме пораст кај гасот за 37,8%, течни горива за 72,6%, електрична енергија за 9,4%, топлинска енергија исто така за 9,4%, угостителски услуги за 9,7%, транспортните услуги за 18,5% итн, истакна пратеникот.

 

Тој обвини дека цените растат, а како што рече, Владата нема стратегија.

Почитувана јавност, уште не запролетило, а веќе имаме околу 200 милиони евра буџетски дефицит. Наспроти овој дефицит имаме скромни само 80 милиони евра капитални инвестиции. При носењето на Буџетот за 2022 година од власта се фалеа дека оваа година ќе го реализирале златното правило за повисоки капитални расходи од буџетски дефицит, но само три месеци подоцна, бројките ги вадат на чистина дека се неспособни и дека немаат економски тим. Речиси два и пол пати буџетскиот дефицит е поголем од капиталните расходи.

И ова не го зборува само опозицијата. Пред неколку дена излезе пролетниот извештај на Светска банка според кој за Македонија се прогнозира најмал економски раст во регионот, односно додека на Македонија и предвидуваат 2,7% раст, на Албанија и предвидуваат 3,2%, на Косово 3,9%, на Србија 3,2%, на Босна и Херцеговија 2,9%, на Хрватска 3,8%“, кажа Пренџов кој обвини дека владеачките структури се грижат само за нивната лична корист и токму затоа, како што рече, на Македонија и македонското општество се потребни избори час поскоро.

The post Пренџов: Порастот на цените на мало изнесува цели 9,6 отсто, Владата нема стратегија appeared first on Република.