Фудбалската федерација на Македонија ќе ги награди репрезентативците со премија во висина од околу 4,5 милиони евра во случај да обезбедат пласман на Светското првенство 2022.

Оваа информација за МИА ја потврди портпаролот на ФФМ, Златко Андоновски.

Избраниците на селекторот Благоја Милевски вечерва од 20:45 часот во Порто ќе го почнат финалниот дуел од плејофот за пласман на Мундијалот во Катар. Противник ќе им биде Португалија која важи за апсолутен фаворит.

Претходно, премија во висина од 500 илјади евра на фудбалерите им вети премиерот Димитар Ковачевски.

The post ФФМ со мега премија: Нашите фудбалери ќе добијат околу 4,5 милиони евра за пласман на Светското првенство appeared first on Република.

Премиерот Димитар Ковачевски ги испрати фудбалерите на патувањето за Порто и им вети премија од пола милион евра за победа над Португалците и пласман на Светското првенство во Катар.

Вие сте најсветлата точка на Македонија во овој момент. Цела македонија ќе ве чека на Плоштад, ви ветувам. Владата во овој момент со драго срце ќе издвои награда од 500.000 евра за пласман во Катар. И ова што досега го направивте е успех, не знам како, но победете ги Португалците. Знам дека можете, им рече Ковачевски на фудбалерите во авионот пред полетување.

Македонската репрезентација ќе се надигрува со Португалците, во вторник со почеток од 20:45 часот. Нова победа носи пласман на Светското првенство во Катар, што ќе биде нов голем успех на оваа генерација играчи предводени од Благоја Милевски.

Натпреварот во Порто ќе биде последен за тековните квалификации. Противникот е исклучително тежок и ќе биде голем предизвик за „рисовите“, кои пред неколку дена ја надиграа Италија во Палермо.

фото: Макфудбал.мк

The post Ковачевски ги испрати фудбалерите за Порто и им вети премија од пола милион евра appeared first on Република.