Премиерот Христијан Мицкоски денес најави дека од понеделник почнува акција против корумпирани судии и обвинители. Тој нагласи дека нема да функционираат како „естрада“ и да се понижуваат поединци, нема да се ангажираат специјални полициски единици при имплементација на планот кој ќе почне да се спроведува од понеделник.

„Мислам дека имате претстава дека не функционираме како естрада и сигурно дека нема јас сега да кажувам како што тоа во минатото се случуваше пред камери или пред медиуми и да носам специјални полициски единици, да понижувам луѓе, индивидуи итн. Имаме план, од понеделник почнуваме со имплементација на планот. Доволно беше чекање, чекавме, дадовме шанса, доволно беше. Очигледно дека прежестоки се нападите наеднаш на дијареја, грчеви во цревата, главоболка, температура, анксиозност итн. кога ќе треба да се потпише последниот указ за да се спроведе правдата кај поедини обвинители, за жал“, изјави Мицкоски.

https://republika.mk/vesti/makedonija/paleneto-i-gazeneto-na-drzhavnoto-zname-dobro-smisleno-stsenario-za-destabilizatsija-na-poznati-rezhiseri/

Тој и деновиве во повеќе наврати посочи дека е разочаран од однесувањето на поединци и неможноста за спроведување на правдата.

„Секогаш кога треба правдата да ја имплементираме некој добива дијареја, покачена температура или анксиозност од обвинителите и судиите, Мицкоски пред два дена по посетата на КОСТАЛ Македонија, посочувајќи дека е „жестоко разочаран од тоа што се случува“ и во периодот што следи најавува „робусна акција“ за справување, како што рече, ако треба и „на поинаков начин со тие корумпирани обвинители и судии“, кажа Мицкоски.

The post Мицкоски најави: Од понеделник почнуваме со акција против корумпираните обвинители и судии, доволно чекавме appeared first on Република.

Од неколку од банките веќе имаме потврда и очекувам најголем дел од нив да застанат зад проектот и конечно 250-те милиони евра од унгарскиот заем да бидат поделени на македонското стопанство, порача денеска премиерот Христијан Мицкоски.

-Договорена е каматна стапка од 1,95 проценти, до три години грејс период и до 15 години рок на отплата во зависност од потребите на компаниите. Ценам дека е ова историски договор со историска најниска каматна стапка, рече Мицкоски во одговор на новинарско прашање по денешното пуштање во употреба на новата спортска сала во ООУ „Наум Охридски“  во скопското село Булачани.

Нагласи дека за да добијат кредит компаниите ќе треба да имаат минимум 20 отсто сопствено учество, а максималниот износ кој можат да го добијат е ограничен на 10 милиони евра.

-Тоа значи дека ќе имаме инвестициски бран од 300 милиони евра. Сите компании ќе имаат можност да ги вложат овие средства во основни средства за работа, во обновливи извори на енергија, како и во објекти кои ќе ги користат како свои административни згради, односно за сопствена потреба, рече Мицкоски

The post Мицкоски: Со банките е договорена каматна стапка од 1,95 проценти за унгарскиот кредит за компаниите appeared first on Република.

На македонската вечер од меѓународниот саем за вино, храна, ракија и туризам „Винска визија на Отворен Балкан“ во Белград премиерот Христијан Мицкоски истакна дека македонските вина се меѓу најубавите во Европа и пошироко. Тој, како што јави известувачот на МИА, истакна дека овој саем е одлична можност за македонските винарии да создадат нови контакти и да отворат нови пазари, особено во држави каде што македонските вина не се присутни.

Премиерот е уверен дека македонските вина ќе станат неодолив дел од трпезата на домаќинствата во тие држави.

Овој Саем на вино и организацијата која што ја води истиот е навистина добра можност за македонските винарии за создавање нови контакти, отворање нови пазари бидејќи има држави коишто се присутни каде што македонските вина не се присутни на пазарот. Јас сум убеден дека кога еднаш ќе се појават на тој пазар ќе станат неодолив и неодминлив дел од трпезата на домаќинствата во тие држави, рече премиерот во изјава за медиуми по отворањето на македонката вечер.

Во фокус на разговорите на неговите денешни средби со претседателот на Србија, Александар Вучиќ и премиерот на Србија, Милош Вучевиќ беа инфраструктурните проекти на коридорот 10.

Акцентот е ставен на брзата пруга која што има за цел да ја поврзе Централна Европа со грчките пристаништа, а ние како држава сме неодминлив дел од таа рута, така што генерално тоа беше тема на муабет и тема на разговорите кои ги водевме. Мислам дека има голема перспектива и многу блиску сме до изнаоѓање на решение кое што ќе биде дел од она што јас секогаш го споменувам, а тоа е како да бидеме држава која што својата економска иднина, но и стратешка иднина ја темели на три столба коишто се своевидна раскрсница, едната е транспортна, а другата е железничка и третата е раскрсница во енергетска смисла на зборот, изјави Мицкоски.

Тој ја гледа иднината на Македонија како земја која, иако нема излез на море, може да ја искористи својата геостратешка положба преку изградбата на Коридорот 8 и Коридорот 10, кои природно се пресекуваат на територијата на Македонија.

Овие проекти ќе ја зголемат важноста на Македонија во регионот и ќе ја претворат во значаен центар во овој дел од светот, рече Мицкоски, кој се обрати и на отворањето на саемот.

Во врска со прашањето за Отворен Балкан и нерешените проблеми со метежот на граничните премини, Мицкоски рече дека овие теми ќе се разгледуваат дополнително.

Оваа година од Македонија на саемот во Белград ќе учествуваат 80 винарии и дестилерии, 6 изложувачи на храна и ресторан со 3 готвачи.

Во состав на македонската делегација на саемот се и Љупчо Димовски заменик-претседател на владата за политички систем, Иван Стоилковиќ, заменик-претседател на владата и министер за односи меѓу заедниците, Игор Јанушев, генерален секретар на владата на Република Македонија, Зоран Љутков, министер за култура и туризам, Цветан Трипуновски, министер за земјоделство, шумарство и водостопанство, Горан Минчев, министер за јавна администрација и Максим Димитриевски, градоначалник на Општина Куманово.

The post Мицкоски: Македонските вина ќе станат неодолив дел од европските трпези appeared first on Република.

Претседателот на Владата на Република Македонија, Христијан Мицкоски, денеска и утре ќе престојува во дводневна посета во Република Србија по повод меѓународен саем за вино, храна, ракија и туризам „Винска визија на Отворен Балкан“.

Мицкоски денеска попладне ќе има одвоени средби со претседателот на Република Србија, Александар Вучиќ, а потоа и со српскиот премиер, Милош Вучевиќ.

Во состав на македонската делегација по повод третиот меѓународен саем ќе бидат Љупчо Димовски заменик-претседател на владата за политички систем, Иван Стоилковиќ, заменик-претседател на владата и министер за односи меѓу заедниците, Игор Јанушев, генерален секретар на владата на Република Македонија, Зоран Љутков, министер за култура и туризам, Цветан Трипуновски, министер за земјоделство, шумарство и водостопанство, Горан Минчев, министер за јавна администрација и Максим Димитриевски, градоначалник на Општина Куманово.

Премиерот Мицкоски ќе има обраќање на отворањето на настанот, по што ќе следува прошетка низ саемот.

Вечерва Мицкоски и Амбасадорот на Република Македонија во Република Србија, Никола Тупанчевски, ќе имаат свои обраќања на македонската вечер што ќе се одржи во хотелот Хајат.

На третиот меѓународен саем за вино, храна, ракија и туризам „Винска визија на Отворен Балкан“ што се одржува во Белград од 22-24 ноември ќе бидат претставени 650 изложувачи од 38 земји.

Покрај тоа, посетителите ќе можат да уживаат и во Гастро театарот - презентација на најдобрите ресторани и хотели од Србија, Македонија и Албанија, каде што ќе се подготви комплет мени од три јадења во комбинација со вина избрани од најдобрите сомелиери од Србија.

Оваа година од Македонија на саемот во Белград ќе учествуваат 80 винарии и дестилерии, 6 изложувачи на храна и ресторан со 3 готвачи.

Еден од најатрактивните сегменти на саемот ќе биде доделувањето на „ Винскиот трофеј на Отворен Балкан“, што ќе се одржи на 23 ноември. Тогаш ќе бидат прогласени најдобрите вина на фестивалот, а жирито составено од 26 меѓународни вински експерти, меѓу кои и шестмина носители на титулата „Мастер на виното“, ќе оцени речиси 1.000 примероци вино.

Ќе се оценуваат вината од Србија, Македонија, Албанија и други балкански земји, а најдобрите примероци ќе бидат наградени со златни, сребрени и бронзени медали. Исто така, за вината на членовите на Иницијативата Отворен Балкан ќе бидат доделени национални

Гости на Белград ќе бидат и лидерите на кулинарската и прехранбената индустрија: британскиот готвач и амбасадор на британската кујна Алан Коксон, главниот готвач и сомелиер Драган Униќ, вториот потпретседател на Светската асоцијација на мајстори на готвачи Даниел Ајтон, познатиот италијански готвач Џанлука Томази, како и директорот на Кулинарската олимпијада Даниел Шаде.

Централното место на Белградскиот саем ќе го заземе заедничкиот штанд на трите национални туристички организации на земјите од Отворен Балкан, каде заеднички ќе ја презентираат туристичката понуда и културното наследство на сите три земји.

The post Премиерот Мицкоски во посета на Србија appeared first on Република.

Порака за денот на студентите упати  премиерот Христијан Мицкоски според кој, образованието не е само патека кон индивидуален успех, туку и катализатор за општествени промени, рамноправност и прогрес.

-Вие сте оние што ќе го водат нашето општество кон подобра иднина, вие сте тие што ќе направат разлика на факултетите, во заедниците, во целата држава. Вашите проблеми се наши приоритети. Владата е решена да ви даде силна поддршка да ви создаде услови во кои вашиот труд, талент и амбиција ќе можат да блеснат. Нашата визија за младите е едноставна, да создадеме систем што ќе ви даде можност да се развивате без ограничувања и бариери, подвлече Мицкоски.

Важно е, дополни, да се пренесе пораката дека образованието е најважната алатка преку која ќе се водат процесите во иднината.

-Колку тоа образование е посилно и помоќно, толку во помоќна и посилна држава ќе живееме, а целта на сите нас е да ја направиме државата силна, моќна, Македонија да биде онаква каква што мојата генерација сакаше да биде затоа што колку е таа посилна толку  и мојот дом, вашиот дом е повеќе вреден. За бизнисмените и за оние студенти од Економскиот факултет кои утре ќе формираат сопствени бизниси и ќе бидат претприемачи, толку нивниот бизнис ќе биде повреден, колку што е државата послаба, опустошена, ограбена, осиромашена, толку и мојот дом е помалку вреден или би рекол безвреден, толку и нашите бизниси се помалку вредни би рекол безвредни, рече премиерот.

За него патриотизам се, нагласи, индивидуи со големо искуство, силно образование и многу знаење.

-Сите ние во одредени моменти во нашите животи сме имале можност или понекогаш од револт сме сакале да го спакуваме нашиот живот во еден куфер и да заминеме што подалеку од овде.  Не било лесно и ние нашите професионални кариери сме ги започнувале можеби под очекувањата онакви какви што ни биле кога сме биле студенти. Можеби сме очекувале дека таа сурова реалност наречена живот ќе биде со нас помила и понежна и дека можеби ќе не’ погали од самиот почеток. Но, за жал реалноста не е таква. Реалноста е дека треба да се борите секој ден и дека животот е борба и таа борба можете да ја водите дома, таа е поинспиративна бидејќи се борите за сопствената татковина, но можете да бидете некаде таму далеку и да се борите за туѓи бели дворови и за туѓи татковини. Мојот совет до вас е - останете дома и заедно да се бориме, да се избориме за оние што доаѓаат по вас, заедно да се бориме за онаа Македонија каква што сакаме да ја видиме бидејќи само така можеме и ние да бидеме среќни и бидејќи само така можеме да успееме, рече Мицкоски.

Тој и во оваа прилика ја спомна потребата од поголем наталитет, апелирајќи дека мора сите да се бориме „а полна држава со млади луѓе, за многу деца во градинките, за многу деца во училиштата, за многу млади луѓе на универзитетите“.

-Тоа значи брачна заедница помеѓу сопруг маж и сопруга жена. Тоа значи дека само така можеме да бидеме држава и општество кое ќе се развива. Не бегајте од таа обврска која во суштина претставува се во вашите животи, зашто формирањето семејство, многудетно семејство значи патриотски чин, истакна Мицкоски

The post Мицкоски за студентите: Вие сте оние што ќе го водат нашето општество кон подобра иднина appeared first on Република.

Сите политичари од минатото, коишто се темни сенки бидејќи не можете да ги слушнете како зборуваат за предлози и реформи, единствената карта на која што ја темелеа својата децениска политичка кариера беше криминал и корупција и етнички конфликти.

Ние велиме сега ќе ја растуриме таа магла и ќе гледаме јасно во иднината. Ќе гледаме јасно во процесот на реформи, реструктуирање на нашите држави, борба против криминалот и корупцијата и тоа е нашата желба и тоа е нашата визија како две влади и така ќе продолжиме и во иднина да функционираме, порача премиерот Христијан Мицкоски, одговарајќи на новинарски прашања на зедничката прес-конференција со косовскиот премиер Албин Курти.

Прашан за одлуките на Уставниот суд и зошто токму кога ВМРО-ДПМНЕ дојде на власт се актуелизираат, Мицкоски рече дека од првиот до последниот судија во Уставниот суд се избрани во македонското Собрание кога мнозинство беше владината коалиција СДСМ и ДУИ.

-Судиите коишто во моментот се дел од Уставниот суд, се судии коишто без исклучок се избрани од мнозинството на Демократската унија за интеграција и СДСМ. Навистина не знам од каде впечатокот дека ние имаме влијание, или сме можеби семоќни и ги контролираме сите политички партии, што не е така, изјави Мицкоски.

The post Mицкоски: Судиите коишто во моментов се дел од Уставниот суд се избрани од ДУИ и СДСМ appeared first on Република.

Претседателот на Владата на Република  Македонија, Христијан Мицкоски, на заедничката прес-конференција со премиерот на Косово, Албин Курти, зборуваше и за апсењата на поранешните војници на Ослободителната војска на Косово во  Македонија.

Тој рече дека секој што не ги прекршил законите и Уставот на својата земја може слободно да го посети Скопје.

Што се однесува до лицата со потерници, секој што не ги прекршил законите и Уставот на  Македонија и секој што нема конфликт со законите и Уставот, може слободно да дојде на прошетка во Скопје, во Македонија, поканете ги да дојдат, ние сме земја за добредојде“, нагласи Мицкоски.

https://republika.mk/vesti/makedonija/mitskoski-etnichki-temi-otvoraat-politichari-koi-nemaat-idei/

The post Поранешните членови на УЧК можат слободно да дојдат во Македонија appeared first on Република.

Етнички теми отвораат политичари кои немаат идеи, каде што има отсуство на реални идеи кои
решаваат реални проблеми за реалните потреби на граѓаните. Тогаш тие не знаат како да привлечат внимание и на тој начин преку политички егзибиоцинизам се одлучуваат даанимираат публика, изјави денеска премиерот Христијан Мицкоски на заедничката пресконференција со косовскиот премиер Албин Курти.

Ние сме тука, додаде тој одговарајќи на новинарско прашање, да разговараме за транспортни,
економски, за образование итн.

Тоа е она што не поврзува и што во иднина треба да додаде вредност во квалитетот на живот
на нашите сограѓани. Многу беа инспиративни говорите на членовите на двете влади. Точни,
прецизни со јасни поставени цели и очекувам во иднина така и да продолжиме да
функционираме, рече Мицкоски.

https://republika.mk/vesti/makedonija/mitskoski-dogovorivme-konkretni-chekori-za-podobruvane-na-transportnite-i-energetskite-vrski-ke-imaat-pozitivno-vlijanie-vrz-ekonomskiot-razvoj-i-napredokot-na-zemjite/

Косовскиот премиер Курти рече дека не верува дека меѓуетничките разлики создаваат конфликт, туку дека може да има политички центри кои ги користат етничките разлики.

-Јас не верувам дека меѓуетничките разлики создаваат конфликт. Може да има политички центри кои за власт, за хегемонија, за доминација, за репресија ги користат етничките разлики, но етничките разлики како такви не произведуваат конфликт и секаде на Балканот ги имаме работејќи, граѓаните од различни етнички потекла, соработувајќи, тргувајќи, студирајќи заедно...И јас не верувам дека во нашиот Балкан има такви аспекти кои можат етничките разлики да ги направат конфликтни, може да има желби но, не верувам дека има етаблирани концепти како што беше во минатиот век кога и се експлоатираа посебно од официјален Белград меѓуетничките разлики за да се предизвикаат крвави војни во регионот кој има за цел голема Србија од таа се помала Југославија, рече Курти.

The post Мицкоски: Етнички теми отвораат политичари кои немаат идеи appeared first on Република.

Со секоја средба се повеќе и повеќе се бориме за нашите аргументи и за вистината онаква каква што е, онаа вистина којашто ја чувствуваа нашите граѓани и којашто е важна за Македонија.
Ќе продолжиме да се бориме за Македонија и во неделите, месеците, годините коишто следат. Мора да успееме.

Мора да бидеме таму каде што заслужуваме а тоа е успешна европска приказна, а местото наше е во рамките на Европската Унија, напиша премиерот Мицкоски на Фејсбук по средбите во Будимпешта.

После состаноците на европската политичка заедница во Будимпешта сум уште повеќе оптимист дека мора да не биде и ќе не биде!

The post Мицкоски: Ќе продолжиме да се бориме за Македонија, мора да успееме appeared first on Република.

Нашето место е во рамките на ЕУ и мора да бидеме таму каде што заслужуваме, порача премиерот Христијан Мицкоски од Будимпешта, каде вчера учествуваше на Самитот на Европската политичка заедница задно со лидерите на уште 26 земји од Европа и високи претставници на Унијата и НАТО.

Во исто време од Брисел, кандидатката за нова еврокомесарка за проширување Марта Кос нагласи дека очекува земјава да го промени Уставот како што вети, за да може да продолжи на својот европски пат.

Мицкоски од Будимпешта изрази оптимизам за иднината на земјата, нагласувајќи дека се бориме за нашите аргументи и за „вистината која е не заобиколива“.

- Ќе дадеме се од себе да ги зачуваме државните и националните интереси, изјави Мицкоски. Тој информираше дека на маргините на Самитот остварил продуктивна средба со францускиот претседател Емануел Макрон, со кој, како што кажа, отворено разговарале за одблокирање на патот на Македонија кон Европската Унија.

Мицкоски истакна дека за време на средбите што ги имал на маргините на Самитот во Будимпешта, ги презентирал нашите аргументи, како ја гледаме нашата економска иднина и нашите економски цели, како и „начинот на којшто планираме да ја развиваме нашата Македонија, но истовремено и ги презентирал и „нашите погледи и аргументи за нашиот евроинтегративен пат“.

- Со секоја средба, се повеќе и повеќе се бориме за нашите аргументи и за вистината онаква каква што е, онаа вистина што ја чувствуваат нашите граѓани и којашто е важна за Македонија. Ќе продолжиме да се бориме за Македонија и во неделите, месеците и годините коишто следат. Мора да успееме. Мора да бидеме таму каде што заслужуваме, а тоа е успешна, европска приказна. Нашето место е во рамките на ЕУ. После овој состанок на Европската политичка заедница, овде во Будимпешта, уште повеќе сум оптимист дека мора да не биде и ќе не биде. Тоа што е важно, е дека ние ќе дадеме се од себе да ги одбраниме националните интереси на македонските граѓани и на нашата татковина, изјави Мицкоски.

The post По средбата со Макрон, Мицкоски оптимист за иднината на Македонија во ЕУ appeared first on Република.

Премиерот Христијан Мицкоски очекува уште поголемо зајакнување на, како што посочи исклучително добрите односи меѓу македонските граѓани и граѓаните на САД, по победата на Доналд Трамп на претседателските избори.

Тој денеска одговарајќи на новинарско прашање во врска со очекувањата по победата на Трамп на изборите во САД, истакна дека двете земји имаат економски приоритети кои понатаму ќе се развиваат.

-Честитам на граѓаните на САД за демократскиот изборен ден или изборен процес, избраа напредок, избраа нешто коешто тие одлучија дека ќе им биде приоритет, го избраа претседателот Трамп да биде повторно нивен претседател. Јас тоа го честитав и не само на него, туку и на луѓето коишто се дел од неговиот, дел од неговиот тим, изјави Мицкоски.

Премиерот нагласи дека со членовите на неговиот тим размениле неколку пораки изутрината и потсети дека во земјава на неодамна беше Хауард Лутник, кој на прес-конференцијата стоел до семејството на Трамп.

-Господинот Лутник е практично претседател на транзицискиот тим, во којшто се пет членови, меѓу кои е и Дон Џуниор, односно синот на претседателот Трамп, таму е потретседателот, сега веќе Џејди Венс, таму е самиот претседател, новиот претседател на САД, господинот Трамп, таму е госпоѓата Мекмахон и претседател на тој тим е Хауард Лутник. Тој беше тука разговаравме за нови проекти, остана подолго време комуницираме, денеска разменивме по некоја порака. Исто така господинот Рик Гренел, којшто исто така очекувам да биде од тимот на претседателот Трамп. Таму беше Девин Нунез, поранешен конгресмен, тој исто така беше дел од таа делегација која што беше присутна тука. Моментално ги води компаниите на господинот Трамп, ќе го видите денеска и него на бината исто така. Тука беше човекот од македонско потекло, господинот Крис Павловски, сопственик на „Рамбл“, исто така искомунициравме од позадината на самиот настан Така да има комуникација. Очекувам уште поголемо зајакнување на и онака исклучително добрите односи помеѓу македонските граѓани и граѓаните на САД.  Имаме одредени економски приоритети, рече Мицкоски.

Тој нагласи дека очекува тие економски приоритети да бидат уште повеќе зацврстени. Повтори дека како Влада изразуваат голема поддршка на граѓаните на САД, што во еден демократски амбиент, донеле правилна одлука и практично го избрале новиот претседател на САД, Доналд Трамп.

The post Мицкоски по победата на Трамп очекува уште поголемо зајакнување на добрите односи со САД appeared first on Република.

Претседателот на Владата Христијан Мицкоски денеска изјави дека нема договорено средба со бугарскиот претседател Румен Радев на маргините на Самитот на Европската политичка заедница во Будимпешта, што се одржува утре.

-Не, но подготвен сум да разговарам со секого, секаде врз основа на вистински договор што ќе не однесе до целта, е на да го направиме само првиот чекор, рече Мицкоски .

https://republika.mk/vesti/balkan/orban-gi-sobira-liderite-na-evropskata-politichka-zaednitsa/

The post Засега нема договорено средба меѓу Мицкоски и Радев во Будимпешта appeared first on Република.

Претседателот на македонската Влада Христијан Мицкоски утринава, меѓу првите лидери во регионот, му ја честиташе изборната победа на претседателот Доналд Трамп.

Во пораката, упатена набргу откако Трамп се обрати до нацијата и до светот, премиерот Мицкоски порачува дека „со нетрпение очекуваме натамошно продлабочување на нашето цврсто партнерство и соработка, особено во областите на безбедноста, економскиот развој и демократските реформи.

Македонија останува посветена на градењето уште посилни врски со САД, како стратешки сојузник и пријател, кои ќе продолжат да ја зајакнуваат стабилноста и напредокот на целиот регион“.

Покрај протоколарната намена на честитката, во која Мицкоски вели и дека изборот на претседателот Трамп е „потврда на длабоката верба на американскиот народ во принципите на слободата и демократијата“, јасно е Македонија влегува во нова фаза на своите односи со најважниот стратешки партнер - Соединетите Американски Држави. Македонија и САД ретко имале совпаѓање да бидат управувани од идеолошки блиски политички партии, иако ВМРО-ДПМНЕ честопати нескриено црпела инспирација во своите политики од американската Републиканска Партија.

Освен неколкуте години совпаѓање на мандатите на претседателот Џорџ В. Буш со премиерите Љубчо Георгиевски и Никола Груевски, кои минаа во сенка на војната во 2001 и самитот во Букурешт, и еднакво драматичните неколку месеци во кои се вкрстија мандатите на Груевски и Доналд Трамп, на ВМРО-ДПМНЕ обично му се случувало да управува со Македонија кога со САД владее левата Демократска Партија, со нејзините нескриени симпатии кон левата политичка опција во Македонија и особено кон албанскиот политички фактор, што неретко се прелевало и во официјалната американска надворешна политика кон Македонија.

Во пресрет на изборите во САД, македонските власти имаа низа средби со претставници на неговата администрација. Неизбежен тука е водечкиот дипломатски советник на Трамп, Ричард Гренел, кој во неговиот прв мандат држеше неколку важни функции - амбасадор во Германија, директор за национална безбедност и, што е особено интересно за нас - пратеник за Балканот.

Оваа последна функција Гренел продолжи да ја држи и во мандатот на претседателот Бајден - тој беше чест гостин во балканските главни градови, одржувајќи ги контактите на балканските водачи со кругот околу Трамп, а воедно беше ангажиран и на реализирање на бизнис интереси на семејството Трамп во регионот - особено во Србија и Албанија.

Гренел зад себе има и една сериозна иницијатива за постигнување на договор меѓу Србија и Косово, која беше попречена со чудно темпираното покренување на истрага против Хашим Тачи, но при што сепак се издејствува средба на највисоко ниво во Белата Куќа и привремено унапредување на односите на двете земји.

Имајќи го предвид ова докажано искуство и ангажман за решавање на сериозни балкански спорови, премиерот Мицкоски се сретна со Гренел неколку пати по доаѓањето на власт - еднаш во Вашингтон, а еднаш при посетата на Гренел на Македонија, при што двете средби беа претставени како срдечни и успешни.

Министерот за надворешни работи Тимчо Муцунски, при една од неговите посети на САД, имаше и заеднички настап на телевизијата Њузмакс - позната како медиум кој го има вниманието на претседателот Трамп, при што во име на Македонија најави дека ќе продолжиме во секој поглед да ја усогласуваме нашата надворешна политика кон Украина и другите важни глобални прашања со политиката на САД.

Пред изборите во САД, премиерот Мицкоски оствари средба и со деловна делегација која исто така е блиска до претседателот Трамп.

Македонско-канадскиот бизнисмен Крис Павловски и поранешниот конгресмен Девин Нунес се деловни партнери на Трамп, при што соработуваат со компании во Македонија.

Заедно со нив, на средбата со Мицкоски и министри од македонската влада присуствуваше и мултимилијардерот Хауард Латник, кој сега е ко-претседавач со транзицискиот тим на претседателот Трамп и со тоа ќе биде важен двигател на формирањето на неговата администрација.

Латник, како што пренесе премиерот Мицкоски, е заинтересиран да и помогне на Македонија да го развие својот финансиски сектор - со предлози кои премиерот Мицкоски ги оцени како исклучително позитивни за земјата. Македонската влада воедно одржува блиски односи со Унгарија, чиј премиер Виктор Орбан е водечки поддржувач на претседателот Трамп во Европа, промовирајќи ги неговите политики во областа на безбедноста, миграциите и националната држава, честопати во конфликт со либералното раководство на Европската Унија.

Формирањето на повеќе десно ориентирани влади на Балканот и во средна Европа гарантира дека земјите од регионот своите односи со Белата Куќа нема да ги градат само индивидуално, туку и колективно.

The post Нова страница во односите Македонија – САД appeared first on Република.

Владата бара начин да ги декласифицира информациите дека премиерот Христијан Мицкоски бил активно следен од службите додека беше лидер на опозицијата.Мицкоски бил следен од дрон во реонот на Пелагонија.

Во Агенцијата за разузнавање за овој случај се уште трае истрагата, како и во АНБ. Мицкоски е пристутен во повеќе белешки отколку еден од најголемите турски криминалци Седат Пекер кому власта на СДСМ му даде македонски пасош.

АНБ повеќе се интесирала за Мицкоски отколку за кланови кои функционираа во Скопје.

Интересно е дека нема наведено по кој основ е следен Мицкоски од АНБ, додека според Агенцијата за разузнавање основ било дека безбедноста на директорот била нарушена.

Во следењето на Мицкоски има работи што се целосно измислени и за места каде што не бил воопшто присутен а во извештајот е наведено дека бил таму.

The post Мицкоски бил следен и од небо и од земја appeared first on Република.

Претседателот на Владата на Република Македонија, Христијан Мицкоски денеска при посета на поставување камен темелник на изградба на нова детска градинка во Општина Ѓорче Петров, одговарајќи на новинарско прашање за што прави Владата за младите одговори дека  младите се во фокусот на Владата како и сите останати граѓани на Македонија.

„Младите се во фокусот на Владата, впрочем сите се во фокусот на владата, но и младите. Ќе ве потсетам дека во моментот интензивно се работи на реновирање на студентските домови, некаде околу 18 милиони евра има тука инвестиција, во буџетот се предвидени оние 250 евра за дигитални уреди коишто ќе ги користат сите студенти на сите универзитети коишто веќе се планирани во буџетот“, посочи премиерот.

Претседателот на Владата Мицкоски додаде дека се планирани пари за поддршка на нови бизниси на младите и ги охрабри младите да се борат за да успеат.

„Тука се планирани оние 10 милиони евра коишто треба да бидат во форма на грант за старт ап бизниси на младите и уште многу други проекти, млади специјализанти итн., нешто што досега беше незамисливо за претходните влади, ние тоа го правиме и го овозможуваме и ги охрабрувам младите да влезат во борба со животот затоа што само така можеме заеднички да успееме како општество, животот е борба, дневно се бориме за да успееме, секој ден е нов предизвик, секој ден тој предизвик треба да го совладаме, ништо не паѓа од небо готово за се мора да се бориме и да го заслужиме“, посочи премиерот Мицкоски и додаде дека се на што се работи сега ќе остане за младите во иднина.

„Ние сме тука да помогнеме и да работиме да го оставиме тоа коешто го работиме на младите, бидејќи на нив останува иднината, а ние како Влада ќе сториме сешто можеме да им оставиме подостојна и попристојна иднина“, кажа Мицкоски.

The post Мицкоски најави нови проекти: 18 милиони евра се предвидени за реновирање на студентски домови, по 250 евра за дигитални уреди appeared first on Република.

Премиерот Христијан Мицкоски очекува ЕУ да и помогне на земјата за одблокирање на евроинтеграции, преку изнаоѓање решение со кое државата да го задржи достоинството, што ќе значи гаранција дека во иднина нема да има нови барања што не се во согласност со европските вредности. Претседателката на ЕК Урсула Фон дер Лајен пак искажа пофалби за реформската агенда, ја најави авансната исплата на 52 милиони евра - првите средства од Планот за раст за ЗБ за земјата и порача дека ЕУ ќе и помогне на земјата да ја спроведе преземената обврска на секој дел од патот.

Ние имаме јасна цел, а тоа е да се отвори кластерот фундаментални вредности што е можно поскоро. Речиси сме таму, треба да поминат уставните промени на кои вашата држава се согласи дека ќе ги направи. Со заеднички дијалог се надевам дека сите политички сили ќе се здружат во земјата и ќе направат потребните заеднички чекори за напредок и уверена сум исто како и вас дека можеме да ги надминеме пречките кои постојат, рече вчера претседателката на ЕК Фон Дер Лајен на заедничката прес-конфернција со премиерот Христијан Мицкоски.

-Драг Христијан, бидете сигурен дека проширувањето ќе остане врвен пориоритет на Европската комисија во следните пет години. Сега ги имаме сите потребни алатки и инструменти за да го овозможиме тоа, рече таа.

Претседателката на ЕК посочи дека Македонија постигна многу и дека покажа одлучност во преземањето на секој чекор.

-И навистина сакам да ја пофалам Македонија и да одадам почит на луѓето. Сега работата навистина мора да продолжи, рече Фон Дер Лајен.

Таа оддаде почит и на како што кажа 100 - процентата усогласеност на земјава со надворешната и безбедносната политика на ЕУ како и за поддршката на Украина, и се осврна на придобивките од Планот за раст на Западен Балкан за луѓето и за бизнисите.

-Тоа е нашиот заеднички патоказ да ги приближиме економиите на ЗБ до нашите и постепено да ги интегрираме нашите економии. Ја отвораме вратата на единствениот европски пазар во одредени сектори за компании од Македонија, а за возврат вие ќе спроведете важни реформи  за да имаме изедначено поле за игра, а тоа ќе биде придружено со дополнителни инвестиции од ЕУ во Македонија. Мина веќе една година откако го почнавме ова, и морам да кажам дека земјите од ЗБ ги испорачаа своите резултати, ја имааат агендата за реформи, исто и Македонија. Македонија заврши навистина добра работа, имаме одлични реформи и треба да почнеме со 52 милиони евра до крајот на годината, а треба да добиете повеќе од 750 милиони евра според Планот за раст, рече меѓу другото претседателката на ЕК.

Премиерот Мицкоски истакна дека Владата високо ја цени заложбата на претседателката на ЕК за нашиот евроинтеграциски пат и дека очекува ЕУ заедно со нас да помогне како да го продолжиме тој пат почитувајќи го ставот на граѓаните. Мицкоски изрази убеденост дека заедно може да се надминат овие пречки.

-Владата, високо ја цени заложбата на претседателката за проширувањето на Европската Унија во најскоро време. Во овие услови на променета геополитичка ситуација во светот, нашата земја останува стабилен, сигурен и посветен партнер на ЕУ. Но, очекуваме Европската Унија заедно со нас да помогне во изнаоѓањето на начини како да продолжи нашиот европски интегративен пат, истовремено уважувајќи ги легитимните ставови на нашите граѓани дека во иднина нема да се соочуваме со барања кои се во длабока спротивност со идеите на кои што почива самата ЕУ. Очекуваме од Европската Унија да го препознае нашиот напредок и да продолжи да ни дава поддршка во овој процес, многу е важна поддршката, рече Мицкоски.

Веруваме, додаде тој, во принципот на фер и заслуги и верувавме дека нашите континуирани напори ќе бидат соодветно вреднувани.

-Нашата цел е јасна, но патот до неа бара заеднички труд. Соработката, дијалогот и меѓусебното разбирање кои што се од суштинско значење. Убедени сме дека заедно можеме да ги надминеме сите пречки и да изградиме подобра иднина за нашите граѓани. Со нетрпение очекуваме да ја продолжиме соработката и да го забрзаме нашиот пат кон полноправно членство во Европската Унија, посочи премиерот Мицкоски изразувајќи благодарност до претседателката на Европската комисија за нејзината лична посветеност и поддршка.

Претседателката на ЕК на новинарско прашање за тоа дали смета дека условувањата кон земјава за уставни измени се диксриминирачки, но и дали уставните измени со одложено дејство се прифатливи рече дека ЕУ ќе и помогне на Македонија да ја спроведе преземената обврска на секој дел од патот.

-Ние ќе помогнеме да се спроведе обврската што Македонија ја презеде како суверена земја на секој дел од патот. За мене е мошне важно тоа што имаме јасна цел. Работам колку што можам за да можеме да ги отвориме преговорите за кластерот „Темели“, тоа е нашата краткорочна цел засега и уставните промени треба да се разработат. За мене тоа е важно, важно е и е во интерес на Македонија да бидеме успешни и затоа сакам да ве уверам дека ќе бидеме со вас на секој дел од патот за да стигнеме до заедничката цел. Може да сметате на нас. И мене ми е навистина важна, да не се вртиме многу наназад, туку да гледаме кон иднината и сакаме да го пишуваме следното поглавје од нашата заедничка иднина заедно, рече претседателката на ЕК.

Одговарајќи на новинарско прашање дели во ЕУ има расположение за планот за уставни измени со одложено дејство и дали би добиле некаква гаранција доколку тие се спроведат, дека нема да има нови барања од Бугарија, Мицкоски напомена дека само со таа синергија ќе се дојде до конечната цел а тоа е земјава да стане дел од европското семејство.

-Мислам претседателката беше многу јасна и прецизна .. Потребно е да работиме, потребно е да работиме напорно за да дојдеме до целта, а целта е регионот и ние бидеме дел од европското семејство и ЕУ. Ние како Влада ќе продолжиме и понатаму да ги споделуваме европските вредности. Ќе направиме се што е потребно од наша страна да ја доближиме ЕУ до граѓаните, нешто што претставува и задача наша, но и желба, бидејќи повеќе од 75 проценти од граѓаните иднината ја гледат токму како дел од европското семејство. Јас како прв човек на Владата, ќе продолжам да работам исклучиво во интерес на граѓаните и тоа што за нив претставува прв приоритет, а нивен прв приоритет е истовремено да живеат подобро, да владее правото, да се постигнуваат реформи, европските вредности да бидат дел од нашето секојдневние, но истовремено да бидат зачувани гордоста, достоинството, да не бидат понижени и да не бидат поразени. И мислам дека ако направиме една убава синергија, на сето ова за коешто зборував како одговор на вашето прашање, мислам дека ќе дојдеме до конечната цел, а конечната цел е да бидеме дел што е можно поскоро од европското семејство, нагласи Мицкоски.

The post Мицкоски: Мора да бидат зачувани гордоста и достоинството, граѓаните да не бидат понижени и поразени appeared first on Република.

Јас од кога почнав да се занимавам со политика тврдам - На македонското прашање му е потребна енергија и на Македонија и е потребна долгорочна стратегија за развој со сопствени сили. И сметам дека денес дојде денот да го обзнаниме тоа и да отпочнеме еден сериозен проект, oбјасни во својот говор премиерот Мицкоски.

Тој иницираше  проект кој владата ќе проба да го договори со Македонската Академија на Науките и Уметностите и со универзитетската заедница, проект кој ќе биде сеопфатен и преточен во стратегија на државата до 2050 година, со кој ќе се дефинираат приоритетите на развој на државата, демографските предизвици, економските цели, и како да се стигне до нив, земјоделски, технолошки развој, енергетски и транспортен развој, и така натаму.

Сеопфатна стратегија која ќе ја дефинира новата парадигма на современата држава. Ние мора да ги користиме знаењата на сите кои можат да помогнат, ние мора да се обединиме и да поставиме долгорочни цели за развој на државата, а потоа ќе побарам широк партиски консензус за прифаќање на таа стратегија. Таков консезус, за жал ни недостасува сите овие години. МАНУ и научните умови беа маргинализирани и насочени само кон своите проекти и научни цели, но овојпат, мора да се вклучат и да помогнат во развојот и во поставување на целите и приоритетите. Сега знам дека некој во јавноста ќе почне да зборува за ваква или онаква академија, па затоа ова го кажувам. Науката и стратегијата не смее да се етнизираат. На граѓаните на оваа земја потребна им е стратегија и преку глава им е од водење на државата ден за ден.

Премиерот нагласува дека ако имало стратегија и заеднички приоритети и патоказ како да се постигнат, немаше да чекаме 20 и кусур години да не признаваат земји под уставното тогашно име, според познатата стратегија на Глигоров, дека времето работи за нас.

Не велам дека беше неисправна, сигурно имале причина зашто правеле така. За да не доаѓа до такви моменти потребно е долгорочна стратегија чии главни точки и стратешки цели нема да зависат од лакомоста на политичарите, ниту од нивното незнаење. Или што ќе беше ако прашањето за името се решеше во деведесетите години? Каде ќе беше денес Македонија?
Јас не викам дека јас сум најдобар, напротив сакам да учам, буквално да учам секој ден се повеќе и повеќе, самиот си увидувам грешки па се трудам да ги исправам, сакам да слушнам различни мислења и охрабрувам дебата, верувам во демократијата и во потенцијалот на демократијата, но истовремено сакам да ги соберам најдобрите и заедно да работиме, да одиме, сите, без разлика на нашата припадност или неприпадност, верска или етничка, да одиме напред.

https://republika.mk/vesti/makedonija/mitskoski-grchkiot-i-bugarskiot-problem-pochnaa-vednash-na-denot-na-osamostojuvaneto-na-drzhavava/

Луѓе сме, знаеме понекогаш и да погрешиме, подвлече премиерот.

Но уште повеќе грешно ќе биде ако кога сме констатирале дека сме погрешиле, не се корегираме. Сите оние кои кои ќе признаат дека грешат бескрајно ги почитувам. Потекнувам од универзитетската заедница и знам што значи титулата која ја имаат сите оние кои ги повикувам да се вклучат во овој проект. Од нив може многу да научиме и тие се духот на нашата земја и дел од нашиот идентитет. Секоја Академија на науки од соседството соработува со својата државата, и придонесува кон градење на стратегиите на државата, нашата мора да го добие заслуженото место на почит, но и на одговорност.

Еве да ја почнам јавно дебатата кон која треба да се насочиме: Во наредните 70 години сме на добар пат да исчезнеме. Тоа е една генеррација од сега.

Зошто никој до сега не ја отворил оваа тема?, праша премиерот.

Според анализите на Стратфорд од земјава до 2050 година ќе има 400 илјади луѓе помалку. Дали знаете што значи тоа за општеството, економијата и за државата? Населението кое се иселува е работоспособно.

Сериозни држави планираат со десетици и стотици години нанапред.

После договорот за Хонг Конг и Британците и Кинезите излегле среќни. Кога ги прашале британците зошто се радосни, тие одговориле во наредните 100 години Хонг Конг ќе биде наш, а кога ги прашале Кинезите зошто сте вие радосни, тие рекле, после 100 години Хонг Конг ќе биде наш. 100 години оттогаш одамна поминаа. Хонг Конг е повторно кинески.
Историјата може многу да не научи и стратешкото размислување и планирање може и мора многу да ни помогне во периодот кој следи за нашата држава.

Кој ако не МАНУ, со најголемите умови треба да изнајдат лек за ова и во дефинирање на најголемите предизвици во иднина на државата.

Како ќе функционира држава со таква диспропорција на население и толку малку луѓе кои ќе работат, да не кажам од нив повеќе од пола во администрацијата. Кој ќе ја одржува таа држава?
Знае ли некој од овие кои досега ја воделе - каде државата како целина???
Размислил ли некој и отворил дискусија за клучните прашања за оваа држава? Демографија со миграцијата и наталитетот? Вредностите кои треба да ги имаме? Приоритетите кои мора да ги решаваме. Како да посадиме денес, за идните генерации да жнеат плодови. Дајте да дефинираме што а најважно, кои се нашите приоритети и да одиме напред.
Како влада имаме јасен план што да правиме во својот мандат. Имаме програма, имаме генерална стратегија и ги имаме предвид овие работи кои ги спомнувам при носењето одлуки, но искрено се сомневам дека има уште многумина што размислува на овој начин. Овдека еден од главните проблеми е политиката купи ден продај. И толку. Никој не размислува стратешки и долгорочно-заклучи премиерот.

The post Мицкоски: Владата и МАНУ ќе договараат проект преточен во стратегија на Македонија до 2050 година appeared first on Република.

Јас сакав и можеби наивно се надевав дека мојот мандат ќе биде фокусиран исклучиво на реформи, проекти, мерки и реализирање на програма, на економија, развој и спроведување реформи, но за жал Македонија како држава не може да помине еден мандат на една гарнитура без таа да е проследена со некои историски или национални теми или прашања, подвече во својот говор премиерот Мицкоски.

https://republika.mk/vesti/makedonija/mitskoski-vmro-nerazdvojno-i-nepokoleblivo-mu-pripaga-na-makedonskiot-narod/

Но ако се вратиме наназад ќе видиме дека тоа е проклетството кое мора да го носиме, гордиевиот јазол на македонското прашање не може едноставном да се пресече, туку е надвиснат над нашата земја веќе со децении и векови. Прашањето е живо не само затоа што ние го држиме живо, туку затоа што нашите соседи го држеле живо заради сопствени или регионални интереси.

https://republika.mk/vesti/makedonija/mitskoski-istorijata-treba-da-zblizhuva-a-ne-da-razedinuva/

Оттука низ историјата сакале да ја делат Македонија, да ја окупираат, едни па други, па трети, па сакаа да ја обезличат, нешто кое и денес е актуелно.

Но ние не смееме да се предаваме, колку и да е тежок овој предизвик. Цел на секоја наредна генерација е да изоди барем еден чекор нанапред во зачувување на идентитетот на Македонците.

Негаторски политики секогаш имало. Историјата се повторува но секогаш како фарса. А ние мора да си тераме по својот пат, мора да сфатиме дека да имаме подобра држава зависи исклучиво од нас и од никој друг. Ако ние не водиме сметка за институциите, буџетот, околината, ние ќе живееме полошо. Ние мора самите а се свртиме кон нас, и да се цениме повеќе, да веруваме во себе, да не дозволуваме апатијата да не проголта и да не водат алузии дека сите не престигнале и нас не не бива. Тоа не е точно. Ние одамна ќе бевме во ЕУ да не беа грчкиот проблем со македонија и бугарскиот проблем со македонија. Да се потсетиме и грчкиот и бугарскиот проблем почнаа веднаш на денот на осамостојувањето на државава. И траат како дел од нивна стратешка политика базирана на нивното гледање на историјата и нивните регионални интереси и цели, до ден денес.

The post Mицкоски: Грчкиот и бугарскиот проблем почнаа веднаш на денот на осамостојувањето на државава appeared first on Република.

Премиерот Мицкоски денеска имаше средба со австрискиот министер за надворешни работи Александер Шаленберг.

Разговаравме за заеднчките интереси, стратешките цели на Македонија и потребата за придвижување на процесите.

The post Мицкоски на средба со австрискиот министер за надворешни работи appeared first on Република.

Премиерот Мицкоски денеска во Дубровник имаше средба со претседателот на Украина Володимир Зеленски.

Изразив поддршка и стремеж за остварување на целта за траен мир

The post Мицкоски очи во очи со Зеленски appeared first on Република.