Саутемптон го победи Вест Бромвич во реванш полуфиналниот натпревар од плејофот на Чемпионшип со 3:1. Средбата се одржа на стадионот „Сент Мери“ во Саутемптон.

Во првото полувреме немаше постигнати голови. По паузата, Вилијам Смолбон го отвори резултатот, Адам Армстронг со два погодока зголеми на 3:0. Во последните минути гостите намалија преку Седрик Кипре.

Првиот меч заврши нерешено 0:0, па Саутемптон се пласираше во финалето каде што во борбата за влез во Премиерлигата ќе се сретне со Лидс.

The post Саутемптон ќе му биде противник на Лидс во финалето на плејофот за пласман во Премиерлигата appeared first on Република.

По ремито со Манчестер јунајтед од 1:1, во натпреварот од 37. коло на англиската Премиерлига, Тренерот на Челзи, Томас Тухел, зборуваше за тоа што му недостигало на тимот за да се бори за шампионската титула оваа сезона.

Погледнете како играше Рис Џејмс, кој пропушти 12 недели. Ни недостигаше овој квалитет, но сепак, остануваме во топ 3 екипи на шампионатот. Бевме блиску до пласман во полуфинале во Лигата на шампионите и за неколку месеци ќе учествуваме во второто куп-финале. На овој натпревар не можевме да сметаме на Матео Ковачиќ и секако на Бен Чилвел. Таа приказна трае во текот на целата сезона. Разликата е во тоа што Манчестер сити и Ливерпул имаат на располагање полн состав, а ние имавме проблеми низ целата оваа сезона. Се соочивме со многу случаи на Ковид и долготрајни повреди, што имаа одлучувачко влијание врз резултатите - истакна Тухел.

Челзи со 66 бодови е на третото место во Премиер лигата, додека Манчестер јунајтед со 55 бода остана шести на табелата.

Лидер е Манчестер сити со 80, пред Ливерпул кој има 79 бодови. 

The post Тухел обелодени што му недостигало на Челзи за да биде конкурентен за титулата appeared first on Република.

Манчестер јунајтед го победи Брентфорд со 3:1 во одложениот натпревар од 17. коло на англиската Премиерлига, со што „црвените ѓаволи“ станаа првиот клуб од Премиер лигата кој остварил 300 победи на гостински терен. Натпреварот се одигра во Лондон на стадионот „Брентфорд Комјунити“.

На вечната листа во оваа статистичка категорија на второто место е Челзи со 259, додека Арсенал е трет со 246 победи на гости.

Во топ 5 се уште и Ливерпул со 239 и Манчестер сити со 188 гостински победи.

The post Манчестер јунајтед постави рекорд во Премиер лигата appeared first on Република.

Тренерот на Челзи, Томас Тухел, порача дека водечкиот тим во Премиер лигата, Манчестер сити е фаворит број еден за англиската титула оваа сезона.

Челзи вечерва го игра дерби натпреварот од 21 коло во Премиер лигата против Ливероул, а двата тима се единствените конкуренти на тимот предводен од Пеп Гвардиола, кој во трката за одбрана на титулата во моментов има 11 бодопви предност пред Челзи и 12 во однос на Ливерпул.

Манчестер сити делува како победничка машинерија. Тие точно знат што е потребно за една врвна сезона. И тоа константно го повторуваат - ијзави Тухел.

Германскиот стратег, сепак, додаде дека тој и неговиот тим имаат обврска да се борат до крај, се додека има и најмала шанса за титулата.

Никогаш нема да престанеме да веруваме во своите способности. Ќе се бориме до крајни граници на нашите можности и секогаш ќе се обидуваме. Но, мораме да бидеме и реални во се. Мораме да бидеме и амбициозни, но не и преамбициозни за на крајот да не се чувствуваме фрустрирани - порача предводникот на актуелниот европски првак.

The post Тухел се пожали: Реалноста е дека Манчестер сити е победничка машинерија appeared first on Република.