Со црвени вратоврски на кои пишува премиер – Албанец – 28.01.2024, Али Ахмети со сопартијците го славеше изборот на Талат Џафери за премиер на преодната влада.

Видеа од славјето на Тик-ток објавува Бленди Февзиу – водител на популарното ТВ-шоу „Мислење“ (Опиниони) на ТВ Клан Албанија, кој е еден од четворицата ВИП гости на ДУИ за кои порталот „Икс“ објави дека цел ден се превезуваат со службено возило од Министерството за политички систем со кое раководи Артан Груби, пишува „360 Степени“.

Според сторијата на „Икс“, гостите прво пиеле виски и пушеле цигари во канцеларијата на Али Ахмети, заедно со домаќините, а потоа ги зазеле столчињата во ВИП-ложата во пленараната сала на македонскиот парламент.

Мислевме дека ДУИ како домаќин само сака да им направи чест на гостите од Албанија и Косово, но испадна добро организиран план за пропаганда. Од утрово Талат Џафери беше придружуван од Адриатик Келменди. Материјалите се споделуваа од портали блиски на Груби, а целата операција ја координираше самиот тој“, вели новинарот на портал „Икс“, Фуркан Салиу, во денешната видеосторија покажувајќи десетици идентични објави на портали кои важат за блиски до ДУИ.

Артан Груби, неговиот сопартиец, кој во новата влада ќе биде министер за политички систем, објави видео на својот Фејсбук профил.

Многу емоции, пријатели. Али Ахмети пее за Калош Дани“, пишува Груби.

The post Со песна и црвени вратоврски на кои пишува „Премиер Албанец“, Ахмети и неговите сопартијци го прославија премиерското место appeared first on Република.

ВМРО-ДПМНЕ е подготвено да нема техничка влада, само ДУИ со стотици скандали зад себе да нема технички премиер.Од изградбата на коридорите, до самитот на ОБСЕ, не постои работа за која се фатија кадри на ДУИ, а да не ја компромитирале, велат од опозициската партија.

Кога ќе се спомне криминал и корупција и малите деца мислат на ДУИ.Партија која нема некомпромитиран функционер не може да биде партијата која ќе даде премиер, па дури тоа било и за 100 дена.

ДУИ 7 години се најлош репрезент на Албанците, тие се репрезент само и само на своите лични интереси, а стотици Албанци, исто како и Македонци на неделна основа ја напуштаат Македонија.

Државата не треба да биде водена од структура која длабоко во своите корени е криминализирана. Потребен е нов пристап и борба против криминалот и корупцијата.

The post Дали СДСМ ќе се откаже од „Псе јо“ премиер? appeared first on Република.

Ако ме прашувате мене како политичар и како човек кој ја води најголемата политичка партија во Македонија, ВМРО-ДПМНЕ не гледам потреба повеќе од техничка влада, вели лидерот на ВМРО-ДПМНЕ Христијан Мицкоски во гостување во емисијата Само интервју на Канал 5 телевизија.

Претседателот Мицкоски рече дека за него понижувачки е ДУИ која е во епицентарот на криминални и коруптивни скандали да номинира премиер, како и дека земја која пледира да биде членка на Европската унија мора да покаже одговорност и зрелост.

Прво за мене е понижувачки како граѓанин и како политичар партијата која што во последно време е во центар на скандалите а тоа е ДУИ да номинира премиер. Не гледам каков квалитет тој премиер може да донесе и каква додадена вредност. Второ ценам дека земја која што пледира да биде дел од ЕУ мора да покаже и малку одговорност и зрелост. Ние треба да покажеме дека сме зрели, потенцираше Мицкоски.

Мицкоски истакна дека треба со партиите од власта и останатите парламентарни партии да седнат и да се договорат за бришење на техничката влада, и не само на овие избори туку и на сите следни избори, укажувајќи дека во техничката влада има повеќе опструкции, отколку нешто кое што може да додаде вредност во процесот.

Можеби делува чудно како сега како тоа јас од позиција на опозиција во очи на избори го говорам. Но, верувајте јас ова го говорам најискрено и ценам дека треба заедно со политичките партии од власта и со останатите парламентарни партии да интервенираме во Изборниот законик и да го избришеме оној дел од техничката влада, и практично од овој момент па натаму да имаме влада со политички легитимитет. Не само на овие избори, туку и на сите наредни избори и тоа е влада која што ќе може со политички легитимитет да ги води процесите, бидејќи ќе повторам во техничката влада има повеќе опструкции, отколку нешто кое што може да додаде вредност во процесот. А од друга страна понижувачки за мене е да гледам како партија во парламентот која што е очигледно во последно време во епицентарот на многу криминални и коруптивни скандали да номинира прв човек на таа позиција, нагласи Мицкоски.

На прашањето дали тој е подготвен да со измените на Изборниот законик кои ќе следат да прифати и промени на Законот за влада, Мицкоски рече:

Да, подготвени сме.

The post Мицкоски: Не треба да има технички премиер од ДУИ, подготвен сум да се избрише постоење на техничка влада appeared first on Република.

Во текот на следните недели се очекува разврска околу терминот за претседателските и парламентарните избори, но и за кандидатите кои ќе се „борат“ за највисоките државни функции.

Премиерот и претседател на СДСМ Димитар Ковачевски смета дека постои доволно простор во мај да се организираат изборите, во нивниот редовен термин, а за финалните ставови на политичките партии, вели тој, јавноста ќе биде информирана кога ќе се постигне поширок консензус во рамките на Парламентот.

Според него, сите кадровски решенија ќе бидат споделувани со јавноста како што ќе се носат од официјалните партиски тела.

Во моментов, информира Ковачевски, течат разговорите за финализирање на Изборниот законик и вклучувањето во него на сите забелешки од страна на ОБСЕ/ОДИХР. Тоа е веќе финализирано во најголема мера и многу скоро ќе се најде на владина седница, како и на седница во Парламентот при што ќе се добие целосно усогласено законско решение.

-Со ДУИ имаме јасен коалициски договор објавен во 2020 година, секако дека за модалитетите со нив се разговара, но целта за остварување европска коалиција која ќе предводи широк фронт е клучната работа што ќе ги обедини партиите на следните избори. Сите детали и кадровски решенија кои ќе следуваат, ќе бидат споделувани со јавноста како што ќе се носат од официјалните органи на партиите, истакна Ковачевски.

Кога се прават коалиции, подвлече Ковачевски, клучно е да се споделуваат заеднички вредности кои се однесуваат, пред се, на визијата за модерно општество и модерна држава.

Наум Стоилковски, портпарол на ВМРО-ДПМНЕ во врска со изјавата на Ковачевски за одржување на двојни избори потенцираше дека ова е чекорот кој што се бараше и се очекуваше.

-Ова е чекорот што го баравме и го очекувавме со оглед на тоа што споени избори се единствен логичен расплет на настаните со тоа што ќе се одбегне грч на стопанството и потребата финансиски да се оптоварат граѓаните преку зголемени трошоци за евентуални разделени избори, потенцираше Стоилковски.

The post Двојните избори речиси сигурни во мај, Ковачевски не се откажува од премиер Албанец appeared first on Република.

Артан груби синоќа на промоција на Секретаријатите на огранокот на ДУИ во Чаир бил поздравен како „премиер“, а  тој одговорил  дека со „Македонија владеат Албанците“.

Претседателот на огранокот Беким Незири се обрати со „поздрав за премиерот Артан Груби“ на настанот, а потоа Груби во говорот рекол дека моќта на Албанците е голема и дека сите се плашат од Албанците што владеат со државата.

Според договорот Заев-Ахмети последните сто дена од оваа влада премиерот треба да биде Албанец.

The post Груби во Чаир поздравен како нов премиер appeared first on Република.

Во лицитацијата на тоа што сѐ нуди ДУИ само да ВМРО-ДПМНЕ гласа за уставни измени се најде и премиер Албанец. Многумина и заборавија што беше тоа и да не беше Артан Груби да потсети ќе изумевме.

Груби за косовска телевизија вели дека се откажуваат буквално од сѐ.

За иднината на нашата земја сме подготвени да се откажеме и од привремена влада и од премиер Албанец и од нашите мандати. Од сé што е политички договор на коалицијата ние се откажуваме, под услов македонската опозиција да ги гласа уставните измени.

Навистина е нејасно како Груби се откажува од нешто што не постои. Да, не постои бидејќи премиер Албанец во последните 100 дена од Владата го договорија тоташниот лидер на СДСМ Зоран Заев и Али Ахмети.Во таа 2020-та година по изборите среде корона, СДСМ како по обичај немаше мнозинство да направи Влада и мораше да исполнува желби на ДУИ.

Па така, излегоа Заев и Ахмети на прес конференција и рекоа дека си дале беса во последните 100 дена од Владата премиерот да биде Албанец.Баш убаво. Значи не е закон туку договор, чашка муабет. И сега Груби од тоа се октажува.Навистина великодушно од негова страна.

Згора на тоа и Заев е веќе „бивши“, а сите знаеме дека неговиот збор вреди колку ланскиот снег.„Псе Јо“ зоти Груби.

The post ДУИ „великодушно“ се откажува и од премиер Албанец кој на муабет си го договорија Заев и Ахмети appeared first on Република.

За иднината на нашата земја сме подготвени да се откажеме и од привремена влада и од премиер Албанец и од нашите мандати. Од сé што е политички договор на коалицијата ние се откажуваме, под услов македонската опозиција да ги гласа уставните измени,

Ова во интервју за косовската телевизија Т7 синоќа го изјавил првиот вицепремиер и министер Артан Груби откако лидерот на Демократската унија за интеграција, Али Ахмети вчера соопшти дека сите министри и останати функционери на ДУИ во Владата поднеле оставки до премиерот Димитар Ковачевски.

Груби додаде дека со одлуката за депонирање на оставните од страна на министрите, ДУИ ѝ го отвора патот на македонската опозиција да гласа за уставните измени, а тоа, како што додава првиот вицепремиер, е во полза на интеграциите на С Македонија во Европската Унија и за доброто на граѓаните.

„Познато е дека пред два месеца имаше средба меѓу премиерот Ковачевски и опозицискиот лидер, г. Мицкоски, при што Мицкоски нагласи дека единствен услов на опозициската ВМРО-ДПМНЕ за да ги гласа уставните измени, кои се услов за продолжување на нашиот европски пат, е излегувањето на ДУИ и на Албанците од македонската влада и формирањето моноетничка влада на двете главни македонски партии, ВМРО-ДПМНЕ и СДСМ. Значи, на опозицијата не ѝ пречи вклучувањето на Бугарите во преамбулата на Уставот, не ѝ пречи ништо друго, туку ѝ пречи Албанците да бидат во владата и ѝ пречи еднаквоста меѓу Македонците и Албанците“, вели Груби во интервјуто за косовската телевизија, пренесе МИА.

Груби додаде дека одлуката за оставки на министрите не е ненадејна, бидејќи определба на на ДУИ и нејзиниот лидер Ахмети за целосна интеграција на С Македониај во ЕУ не е ниту од денеска ниту од вчера, туку, како што додва првиот вицепремиер, е актуелна уште од основањето на партијата.

Вчера, партискиот лидер Али Ахмети објави дека министрите од неговата партија поднеле оставки од функциите, кои ќе станат ефективни откако опозициската ВМРО-ДПМНЕ ќе гласа за уставните измени.

Влада без ДУИ беше едно од барањата кои лидерот на ВМРО-ДПМНЕ, Христијан Мицкоски, ги постави на лидерската средба со премиерот Димитар Ковачевски на 7 јуни, а на која се зборуваше за гласање на уставните измени.

Уште истиот ден, портпаролот на ДУИ и министер за надворешни работи Бујар Османи соопшти дека тој и неговите сопартијци се спремни на ваков чекор.

The post „PSE JO“: ДУИ се откажува и од премиер Албанец само ВМРО-ДПМНЕ да гласа за уставни измени appeared first on Република.

Министерот за надворешни работи  Бујар Османи порача дека ДУИ е спремна да ја даде и позицијата премиер до избори ако лидерот на ВМРО-ДПМНЕ, Христијан Мицкоски го побара тоа.

„Јас сум малку повеќе информиран од другите поради позицијата Министер за надворешни работи. Знам дека сега е време за големи и сериозни компромиси за напредок на државата. Сега се прават отстапки за доброто на сите. Ако Мицкоски ја побара полицијата премиер на Влада до избори, и за тоа сме спремни. Спремни сме да ја дадеме позицијата премиер на ВМРО-ДПМНЕ. Ова се историски времиња и затоа сме спремни на компромис кој води до решение“, порача Османи за „TV 21“

The post „Псе јо“: ДУИ се откажува од премиер Албанец? appeared first on Република.

Влада од типот на пржинската не ѝ е потребна на држава која веќе е членка на НАТО и која има отворено преговори со Европската Унија, изјави вечерва за ТВ Сител премиерот Димитар Ковачевски.

„Таа влада беше договорена низ едни тешки преговори кога нашата држава беше заробена држава, кога беше обзнането дека државните институции се злоупотребуваат политички и како резултат на преговори се дојде до една техничка влада од 100 дена која ги спроведува изборите. Земја која е членка на НАТО, која отвори преговори со ЕУ, која претседава со ОБСЕ, која во моментов е фактор на стабилност на Балканот, сметам дека не треба да има таква влада, рече Ковачевски.

На актуелното прашање кое деновиве го отворија високи претставници на ДУИ за Албанец-премиер, Ковачевски рече дека за него етничката припадност не е професија.

„Секој кој исполнува професионални критериуми кои се стекнуваат со знаење, со искуство, со посветеност, со работа може да биде претседател на влада, особено во технички мандат. Сме имале и премиер кој беше Влав и успешно се справуваше со предизвиците. Затоа сметам дека тоа е нешто што е асполвирано во јавноста уште пред три години“, изјави Ковачевски.

За него прашањето за предвремени избори е затворено и во 2024 година прво ќе се одржат претседателските, а потоа и редовните парламентарни избори.

Ковачевски вели дека лидерска средба нема да има, а убеден е дека на редовните парламентарни избори ќе победи сегашната коалиција.

The post Ковачевски: Веќе не ни е потребна пржинска влада appeared first on Република.

Премиерот Димитар Ковачевски денеска потврди дека веќе е договорено да има премиер Албанец и оти ќе го почитува договореното меѓу неговиот претходник Заев и Али Ахмети.

Во однос на премиер Албанец тоа не е ништо ново. Тоа беше објавено на прес-конференција во 2020 година, по изборите, кога присуствуваа Зоран Заев и Али Ахмети. Тие се достапни снимки на која се формираше Влада во 2020 година, по изборите на кои победи СДСМ и со ДУИ формираше Влада. Така ќе биде и во 2024 година кога СДСМ ќе победи и ќе формира Влада со коалиционите партнери. СДСМ ги почитува коалициските договори. Ова во однос на премиер кој ќе обавува техничка улога ќе се случи кон крајот на следната година, во последните 100 дена, и уверени сме дека на изборите кои ќе се одржат идната година, ние ќе ја добиеме поддршката и повторно премиерот ќе биде од редот на СДСМ по изборите 2024 година“, кажа Ковачевски.

„Република“ денеска пишуваше дека не само што постои договор меѓу Заев и Ахмети за премиер Албнец туку и за тоа постои пишан документ. За потписот меѓу нив проговори вицепремиерот Артан Груби за косовска телевизија.Поставивме и прашање до Владата но одговор нема.

https://republika.mk/vesti/makedonija/zaev-ne-samo-shto-dogovoril-premier-albanets-tuku-i-potpishal/

The post Ковачевски потврди дека ќе го почитува договореното од неговите работодавци Заев и Ахмети за премиер Албанец appeared first on Република.

Раководството на ДУИ по четири години откри детали за договорот помеѓу тогашниот премиер Зоран Заев и лидерот Али Ахмети. Артан Груби, кој сака да се нарекува прв вицепремиер, од Косово ја кажа вистината за договорот меѓу Заев Ахмети во Клубот на пратениците тој 18 август 2020 година по парламентарните партии.

По лидерската средба Заев и Ахмети излегоа насмеани и објавија дека се договориле последните сто дена премиер ќе биде Албанец што ќе го предложи ДУИ а техничката Влада ќе се укине.

Јас ја добив честа да бидам претседател на владата во полн 4-годишен мандат. Покажав доблест, како градење на доверба, сите на 100 дена пред пред избори да бидат рамноправни, коалиционите партнери на предлог на ДУИ ќе го постават премиерот кој 100 дена ќе ја води владата“, рече тогаш  Заев.

Ахмети пак му се воодушевуваше на храброста на Заев.

Идејата беше за доближување, порака за преземање на одговорност од Албанците за заедничка држава. Мора да му признаам на Заев за храброста и поздравувам дека ќе има Албанец премиер во последните 100 дена од оваа Влада“, рече Ахмети пред три години.

Но, не било само договор туку имало и црно на бело кој досега се криеше.

 Во коалицискиот договор што го постигнавме, Заев се соагласи во последните 100 дена тој да ја напушти Владата и да биде заменет со Албанец на функцијата премиер. Тоа и го напишавме и е потпишано, но и самиот Заев со изјава го потврди тоа што е договорено“, рече завчера Груби за косовската телевизија Дукаѓини.

Дека планот „Псе јо“ e во напредна фаза и оти може да се очекува наскоро премиер Албанец покажа и новата кампања. Слоганот „Да, тој доаѓа“ според познавачите на состојбите во ДУИ го најавува доаѓањето на првиот премиер Албанец.

The post Заев не само што договорил премиер Албанец, туку и потпишал! appeared first on Република.

По Бујар Османи и Артан Груби со истата изјава - Македонија ќе има премиер-Албанец, како што е договорено.

Вицепремиерот Артан Груби во интервју за косовската телевизија „Дукаѓини“ изјави дека ќе се реализира договорот меѓу поранешниот премиер Зоран Заев и лидерот на ДУИ, Али Ахмети и Македонија ќе добие премиер-Албанец.

Во 2020 година смисливме модерна кампања, која одекна во Приштина и во Тирана, и велеше дека е дојдено времето за првиот премиер-Албанец, а ова исто така е и проект на Али Ахмети, да се скршат табуата. Дојде времето да се надминат предрасудите со избор на премиер-Албанец. Одлуката на народот беше: Социјалдемократскиот сојуз освои 46 пратенички места, ДУИ 15, а заедно имавме 61 пратеник, рече Груби за косовската телевизија.

Претходно министерот за надворешни работи, Бујар Османи рече дека договорото на чело на Владата да застане Албанец ќе се реализира „за неколку месеци“.

https://republika.mk/vesti/makedonija/bujar-osmani-najavuva-smena-na-kovachevski-i-premier-albanets/

The post Македонија ќе има премиер-Албанец, така се договорија Ахмети и Заев, изјави Груби appeared first on Република.

Откако вчера Бујар Османи најави дека наскоро Албанците во Македонија ќе го добијат првиот премиер се разгореа предвидувањата дека наскоро би можело да има предвремени парламентарни избори.

Иако рокот за нив е јуни следната година, многу е веројатно дека ќе се случат порано. Тенкото мнозинство кое го има власта и покрај влегувањето на Алијанса очигледно е дека не дава резултати. Главниот збор во Владата се знае дека го има ДУИ а СДСМ во спортски речник е само спотер.

Договорот за Албанец падна меѓу тогашниот лидер на СДСМ Зоран Заев и Али Ахмети пред изборите во 2020 година. Тие се договорија во последните сто дена премиер да биде Албанец иако остана нејасно дали тоа ќе биде техничкиот премиер согласно Договорот од Пржино или пак Албанец ќе седне на чело на Влада пред тие сто дена, односно шест месеци пред изборите.

Ако тоа се случи дека веќе пред Нова Година би можеле да очекуваме промени во Владата и најави за избори.

Портпаролот на ВМРО-ДПМНЕ Наум Стоилковски коментирајќи ја изјавата на Османи нагласи дека не само што голем дел од јавноста го перцепира Ковачевски како нелегитимен премиер, туку и коалициските партнери во владата го гледаат само како привремен премиер кој наскоро ќе биде сменет.

–  Привремен премиер на Кого ДУИ му ги брои месеците пред да го сменат, без авторитет ниту во државата ниту од министрите во владата.  Премиерот што го најавува Османи е продолжение на процесот на дуизација на институциите од меѓународната заедница оценети како корумпирани, рече Стоилковски.

The post Какво понижување за СДСМ: ДУИ одредува уште колку ќе биде премиер Ковачевски appeared first on Република.

Зијадин Села, лидерот на Алијанса на Албаците, за денешен Утрински брифинг вели дека Али Ахмети го смета за еден голем политички лажго кој на избори оди со многу големи ветувања.

На пример, рече дека ќе има премиер Албанец. Нам не ни треба премиер Албанец, со албанско име и презиме, туку човек што ќе ги решава проблемите. Иднината на Македонија не се крои од Мала Речица или Зајас. Ако сакаме да мериме, треба да погледнеме што се инвестирало. Таму, се крои корупција, се кројат судии и обвинители, и да, ДУИ треба да си оди во опозиција. ДУИ стануваат коцкари и сакаат да формираат фирма која би правела државна лотарија а која би била како крило на ДУИ. Оттука е јасно дека ние немаме правна држава. Оти да објави Владата конкурс за таква фирма во рамките на Лотарија на Македонија пред законот за игри на среќа да помине не е во ред, вели Села.

Села вели дека Ахмети е класичен манипулатор и дека не може да предводи зелена агенда некој кој владее со општини каде што има најмногу дива сеча или се палат трски. Села ја толкува зелената агенда како нешто со што Ахмети би можел да излезе на избори.

The post Села: Нам не ни треба премиер Албанец, со албанско име и презиме, туку човек што ќе ги решава проблемите appeared first on Република.