Првиот вицепремиер Артан Груби за „Слободен печат“ вели дека за измена на Изборниот законик мора да има консензус. ДУИ се залага за укинување на техничката влада. Груби вели дека и да има и да нема техничка влада, премиер Албанец во последните 100 дена на владата ќе има.

Изборниот законик треба да биде усвоен консензуално, а не еднострано затоа што законикот ги определува правилата за сите. Во однос на укинувањето на техничката влада, тоа е став на ДУИ уште од пред изборите затоа што е апсурдно членка на НАТО и земја со зелено светло за отпочнување на преговори за членство во ЕУ да има техничка влада за спроведување избори поради недовербата во институциите преку нефункционален систем којшто ја блокира владата. Тоа беше и дел од коалицискиот договор и нема ниту една последица по договорот за прв премиер Албанец затоа што не се взаемно зависни затоа што укинувањето на техничката влада и политички премиер со полни надлежности во последните 100 дена влада беше и останува дел од договорот којшто гледаме дека го почитува и ВМРО-ДПМНЕ, но и парламентарните партии на Албанците ветија дека ќе гласаат за – вели Груби за „Сободен печат“.

The post Груби: И без техничка влада, премиер Албанец ќе има appeared first on Република.