Земјите на ЕУ не се обврзани да ги координираат со Европската комисија и другите земји на Заедницата дозволите за прелет и слетување што ги издаваат на руските авиони по исклучок. Ова го изјави портпаролот на ЕК во одговор на прашање поврзано со летот на рускиот министер за надворешни работи Сергеј Лавров во Скопје за учество на состанокот на Организацијата за безбедност и соработка во Европа (ОБСЕ).

Во сила е забраната за влез на руски авиони во воздушниот простор на ЕУ. Многу малку исклучоци се предвидени, објасни тој. Земјите од ЕУ можат да применат исклучок без да бидат обврзани во такви случаи да ја координираат одлуката со ЕК. Државите имаат обврска да ја информираат Комисијата и другите земји од ЕУ за случаите кога дозволуваат руски авион да прелета и слета, додаде портпаролот.

Тој ги советуваше новинарите да контактираат со грчките власти ако сакаат да знаат зошто Грција го пропушти авионот на Лавров откако во авионот беше неговата санкционирана портпаролка Марија Захарова.

The post ЕК: Земјите од ЕУ не се обврзани да ги координираат дозволите за прелет и слетување на руски авиони appeared first on Република.

Русија доби официјално известување од Бугарија, Полска и Чешка дека на руските авиони им е забранет влез во воздушниот простор на тие земји.

Според руските медиуми, Русија сега планира понатамошни активности.

Бугарија, Полска и Чешка испратија известување за забрана за користење на нивниот воздушен простор (за руски авиони), така што сега ги разгледуваме нашите идни дејствија - наведува извор од воздухопловните руски власти.

The post Бугарија, Полска и Чешка забранија прелет на руски авиони во нивниот воздушен простор appeared first on Република.