Израелскиот премиер Бенјамин Нетанјаху, изјави дека Израел нема да се согласи на прекин на огнот, бидејќи тоа би било „еквивалентно на предавање на Хамас и тероризмот“.

Нетанјаху одржа прес-конференција додека израелските трупи навлегоа подлабоко во Газа, при што главниот воен портпарол на Израел предупреди дека воените операции на територијата ќе „ескалираат“.

https://republika.mk/vesti/svet/izraelskite-sili-napreduvaat-vo-gaza/

Тој додаде дека повиците за прекин на огнот се исто што и „повикот до Израел да му се предаде на Хамас, да се предаде на тероризмот и варварството“.

Тоа нема да се случи. Библијата вели дека има време за мир и време за војна. Ова е време за војна, порача израелскиот премиер.

Тој го повика светот „да не се предава на тиранијата и теророт“.

Израел не ја почна оваа војна. Израел не ја сакаше оваа војна. Но, Израел ќе победи во оваа војна. Хамас „силуваше жени“ и „обезглавуваше мажи“ за време на нивниот напад на 7 октомври, изјави Нетанјаху.

Тој ги опиша нивните постапки како „најстрашните злосторства што можат да се замислат“.

The post Нетанјаху со порака: Израел нема да прифати прекин на огнот, ова е време за војна appeared first on Република.