Делегација на Хамас утре ќе пристигне во Каиро на разговори со египетските власти за прекин на огнот, изјави високиот функционер на групата Басем Наим.

Соединетите Американски Држави пред неколку дена соопштија дека ќе почнат нови разговори со Катар, Египет и Турција, со цел да ги обноват преговорите за ослободување на заложниците во Газа и договор за прекин на огнот, по примирјето меѓу Израел и либанската милитантна група Хезболах.

„Њујорк тајмс“ вчера објави дека Хамас покажува „зголемена флексибилност во преговорите“ за долго закочениот договор за прекин на огнот и ослободување на заложниците во Појасот Газа.

The post Делегација на Хамас утре во Каиро за договорот за прекин на огнот и заложниците appeared first on Република.

Група вработени во Уставниот суд на Грузија ја повикаа владата да ја преиспита одлуката за прекин на преговорите со Европската Унија.

Во соопштението, потпишано од членови на Уставниот суд, се апелира одговорните лица да покажат посветеност на уставниот поредок на Грузија и да ја променат одлуката за одложување на преговорите за членство во ЕУ до 2028 година.

Ги повикуваме властите да преземат соодветни чекори со цел да се запре изолацијата на Грузија од европската заедница и да се спречат негативните ефекти што произлегуваат од тоа, се вели во соопштението.

Како што изјави вчера премиерот Иракли Кобахидзе, Грузија ги прекина преговорите за нејзиниот прием во Европската Унија на четири години поради „уцени и манипулации од одредени европски политичари и бирократи“.

Тој го објави ова неколку часа откако членовите на неговата партија Грузиски сон го реизбраа за претседател на владата.

Кобахидзе порача дека неговата земја сака да биде примена во Европската Унија, но дека „нема да се занимава со отворање на пристапните преговори до крајот на 2028 година“ поради тоа што Брисел кон земјата се однесува со уценувачки и потценувачки однос. Според одлукатана Кобахидзе, до 2028 година земјата ќе одбива и средства од буџетот на ЕУ.

The post Вработени во Уставниот суд на Грузија бараат од владата да го преиспита прекинот на преговорите со ЕУ appeared first on Република.

Премиерот Мицкоски вели дека владата нема да отстапи од црвените линии и дека нема да се поместат ниту милиметар од позициите. Според него Македонија направила максимум на патот кон ЕУ и порача оти нема да дозволи земјава да биде жртва на билатерализација.

Ниту ние ниту било кој нема да се помести од тоа ниту милиметар. Не затоа што имаме било какви причини да правиме наоред или назад, туку едноставно доволно македонските граѓани и македонскиот народ отстапија. Нема да бидеме жртва на билатерализација. на процесот на приклучување на Македонија кон ЕУ. Ние кажавме што можеме да направиме и тоа е максимумот. Ако ЕУ сака да биде заложник на некои земји членки во процесот набилатерализација, во ред, разбираме. Нека не остават да си ги решиме домашните задачи, проблемите дома да си ги решиме. Не сме ние опасност никому.

https://www.youtube.com/watch?v=NAPHnMNgSHI&t=5s

The post Мицкоски: Нема да отстапиме од црвените линии, Македонија направи максимум до сега appeared first on Република.

Во услови кога геополитиката е променета, нема место за билатерални уцени, вели хрватскиот европратеник Карло Реслер, кој е и претседавач на Заедничкиот парламентарен комитет ЕУ-Македонија. Тој смета дека треба да се препознае овој геополитички момент за шесте земји од Западен Балкан и да се работи напорно следните пет години за нивно пристапување во ЕУ, јави известувачот на МИА од Стразбур.

-Денес во ваквите околности во кои ЕУ функционира после три години крвава руска агресија врз Украина, после енергетската и економската криза архитектурата на безбедносната рамка на цела Европа е изменета поради војната и драматично различни политички околности и јасно е дека последиците од овие работи се чувствуваат не само во државите членки, туку и во регионот и Западниот Балкан. Во тој контекст Македонија, а и сите други држави од Западниот Балкан мораат да го искористат тоа што им се дава, сите можности и потенцијали кои им се отвораат поради таа ситуација, а тоа е пред се една свест дека пристапување кон ЕУ не е и не може да биде некаква строга формалистичко правна или административна задача, туку е многу повеќе од тоа и со себе во секој случај содржи една многу важна геополитичка димензија, рече Кеслер во изјава за македонски медиуми во Европскиот парламент во Стразбур.

Тој фактор, нагласува тој и тоа како е во корист на Македонија, но исто така е јасно дека внатре во земјава како и во другите држави членки од Западен Балкан мора да одиграат уште многу важни процеси во сферите на политиката, владеење на правото, економијата и тоа се важни чекори кои земјава мора да ги изоди, со цел да биде во целост подготвена за членство во Европската Унија.

Како што Германија и беше „спонзор“ на Хрватска во нејзиното членство во ЕУ, а сега Италија и е на Албанија, Реслер смета дека Хрватска може да биде државата којашто ќе може да го поттурне пристапувањето на државава во ЕУ.

-Независно од тоа каква беше ситуацијата и кога Хрватска пристапуваше кон ЕУ, јасно е дека Хрватска е држава која е пријателски расположена према Македонија, која можеби најдобро може да ја разбере и фрустрацијата, но и потешкотиите коишто произлегуваат од практично 20 години различни блокади, различни политички недоразбирања или судири и дека може, како што и сега работи со премиерот Андреј Пленковиќ да биде една од оние држави-членки на ЕУ која ќе се залага за разумно, но исто така ќе се залага и за сфаќањето дека пристапувањето на Македонија е од интерес не само за југоистокот на Европа, не само во интерес на Хрватска, туку е навистина и во интерес на целата ЕУ, истакна Кеслер.

Хрватскиот европратеник смета дека со продлабочена парламентарна димензија може да придонесат Македонија која, како што вели, беше практично во иста позиција како и Хрватска во 2005 година, пред 20 години, што побрзо да биде подготвена за членство во ЕУ економска смисла, во насока на зајакнување на политичката стабилност, владеење на правото и сите останати критериуми на ЕУ.

Тој вели дека е свесен оти постојат и други билатерални прашања кои се уште го нарушуваат патот на Македонија кон ЕУ, но, нагласува, ќе направат се со парламентарната дипломатија да се обидат да го продлабочат разбирањето.

-Денес, во овие актуелни геополитички околности едноставно нема место за такви билатерални уцени и мораме да направиме се што е можно Македонија да го направи вистинскиот, конкретниот чекор, но од друга страна внатре во Европската Унија да се сфати дека прашањето на проширување има и тоа како геополитичка димензија, дециден е Кеслер.

Во однос на тоа кој е начинот да се реши спорот со Бугарија, истакна дека тоа е ситуација која постои неколку години и која едноставно ги нарушува односите не само помеѓу Бугарија и Македонија, туку за жал, вели, во еден поголем дел влијаеше и на македонскиот пат кон ЕУ.

-Она што е важно да се направи и што ќе се обидеме ние да направиме од позиција на Делегација за односи со Македонија е да ја релаксираме ситуацијата, да се обидеме со сите колеги да разговараме, бидејќи на крајот е јасно дека јас не можам сега да понудам решение за билатералните проблеми кои очигледно постојат и кои очигледно ги оптоваруваат билатералните односи, но мораме заедно да работиме низ еден отворен и конструктивен дијалог да дојде до решение, а во тој контекст европските институции, особено Европскиот парламент мора и ќе бидат од корист, оцени хрватскиот европратеник.

Вели дека имаат комуникација за ова прашање со бугарските европратеници, и како што рече, „тоа се некои од нашите задачи кои едноставно мора да ги извршиме овде“. Сепак тој додава дека е јасно оти разликите кои нема да успеат да ги надминат со магично решение.

-Јасно е пред се дека тоа е прашање кое е билатерално прашање и кое што мора да се решава помеѓу двете држави, помеѓу државата членка Бугарија и државата кандидатка Македонија. Според некои искуства што ги имавме досега, па и од хрватскиот пристап кон ЕУ, Унијата може да биде помагател, може да биде медијатор, може да биде фацилитатор на таков разговор, но јасно е и дека со една парламентарна димензија можеме да се обидеме да дојде до релаксирање на таквите односи, изјави тој.

The post Реслер: Македонија мора да направи конкретен чекор, но и ЕУ да сфати дека проширувањето има геополитичка димензија appeared first on Република.

Владата и банките продолжуваат со преговорите околу условите за пласманот на унгарскиот заем за македонските компании. Начелно постои договор околу роковите за исплата, но не и околу каматата што ќе треба да се исплаќа, за која од двете страни има волја за доближување на ставовите.

Премиерот Христијан Мицкоски вчера по средбата со Македонската банкарска асоцијација, на која требаше да се прецизираат условите под кои бизнис секторот ќе може да ги користи 250-те милиони евра од унгарскиот заем, во однос на каматата, рече дека уште ќе се преговара.

- Во делот на каматата ќе се преговара уште оваа недела и очекувам дека до крајот на следата недела, во втората половина веќе би имале некаков став поврзан со тоа прашање и на тој начин би го заокружиле сето ова за конечно да почнеме сето ова да го аплицираме и да се пренесе на стопанството. Во моментов се доближуваат ставовите. Не би зборувал сега за проценти, би зборувал повеќе за изразена волја од двете страни за доближување на ставовите, рече Мицкоски.

Целта, е како што рече, каматата што ќе ја понудат банките да биде што е можно пониска, за да може стопанството да ги добие парите по пониска камата.

- Можеби за некоја година би издале еврообврзница со која предвреме би го вратиле овој кредит, бидејќи знаеме дека немаме таму каматна стапка. Може ќе се одлучиме и за други механизми, во зависност од интересот на државата. Целта е каматата што ќе ја понудат банките да биде што е можно пониска, за да може стопанството да добие пониска камата. Реално има трошоци што ги имаат банките, но да видиме што може од тие трошоци да се намали, зависи тука и од политиките на централната банка. Затоа велам, да не зборуваме се уште за проценти, да ги доближиме ставовите, и тогаш официјално ќе излеземе со позиција, рече Мицкоски.

Според него, банките изразиле желба и подготвеност да бидат дел од овој процес, а во однос на рочноста заземен е заеднички став тоа да биде до три години грејс период и до 15 години рок на отплата.

- Во делот на рочноста земавме заеднички став дека во зависност од барањата на клиентите ќе ја користиме формулацијата - до три години грејс период и до 15 години рок на отплата, бидејќи членките кажаа дека имаат одделни клиенти кои сакаат можеби и пократок рок итн. Затоа велиме до три години и до 15 години рок на отплата, рече Мицкоски.

За премиерот Мицкоски, важно е преговорите со банките да завршат успешно за конечно компаниите да ги добијат парите наменети за нив. Со унгарскиот заем, смета тој, ќе и се помогне на македонската економија со оглед на информациите дека автомобилската индустрија запаѓа во сериозна криза, а голем број компании во земјава произведуваат за автомобилската индустрија.

- За волја на вистината лично разговарам со некои од нив, велат дека немаат намалување на нарачките, досега нема таква најава дека ќе има намалување на нарачките, што значи дека останува истиот волумен, истите парчиња кои што од претходно се нарачани. Но ако има намалување на побарувачката единствен начин да се борите, а да ја одржите економијата е со инвестиции. Ние преку овој кредит со минимум 20 проценти сопствено учество ќе обезбедиме бран од 300 милиони инвестиции. Кога на тоа ќе се додадат капиталните инвестиции што ги прави Владата во вредност од околу половина милијарда евра доаѓаме до отприлика 800 милиони евра инвестиоциски бран кој што треба да резултира со околу 4-5 проценти од нашиот БДП. Само така можеме да се одбраниме од овој предизвик, изјави Мицкоски во саботата.

Претседателот на Стопанската комора Бранко Азески очекува дека ќе се најде решение во интерес на бизнисот. Aпелира тоа да оди во пакет со прашањето за капитализацијата на Македонската банка за поддршка на развојот затоа што таква институција е потребна за бизнисот. Во неговата најнова колумна, Азески, побара парите веднаш да бидат ставени во функција со што, според него, власта ќе и покаже на јавноста и на меѓународната заедница дека покрај способноста за договор, има и способност за поддршка на бизнисот.

-Намерата на премиерот да помогне на бизнисот е чесна како и настојувањата на банкарите да го одбранат своето. Но, чесно е барањето на бизнисот, имплементација одма. Тоа ќе овозможи заедно со другите инвестициони активности што ги најавува Владата на РСМ и оние што ги планираат компаниите ,да внесеме доза на оптимизам дека работите одат кон посакуваната цел, а тоа подразбира раст на економијата поголем од 1.8% што беше просек во изминатиот период, пишува Азески во својата колумна.

Потпретседателот на Коморскиот инвестициски форум (КИФ) и претседател на Стопанската комора на Македонија, Бранко Азески, денеска и утре ќе престојува во работна посета на Бугарија.

Унгарскиот заем од половина милијарда евра го договорија премиерот Мицкоски и унгарскиот премиер Виктор Орбан за време на Самитот на НАТО во Вашингтон. Законот за унгарскиот заем беше донесен во Собранието на 17 септември, а на 8 октомври во Будимпешта министерката за финансии го потпиша договорот.

Условите под кои е земен кредитот, како што информираше неколкупати досега премиерот, се поволни - 3,25 проценти со три години грејс период и 12 години рок на отплата. Половина од парите се наменети за општините за реализација на капитални проекти, а половина за бизнис секторот.

The post Владата и банките продолжуваат со преговорите околу унгарскиот заем appeared first on Република.

Не знам дали е можно да се направи некаков исчекор, во евроинтеграциите до крајот на годината, но знам дека ќе сториме се што е во наша моќ да се обидеме нашето прашање да го претставиме онака како што е, пред сите светски авторитети. Уставни измени сигурно не планираме, вели премиерот Христијан Мицкоски.

-Тоа сигурно не се планира. Не знам дали е можно да се направи некаков исчекор, но знам дека ќе сториме се што е во наша моќ да се обидеме нашето прашање да го претставиме онака како што е, пред сите светски авторитети. И тоа го направивме во изминатиот период. Дали ќе има некаков напредок - не знам, дали ќе има промена на нашата позиција - нема да има. Затоа што нашата позиција се темели на принципи и аргументи и тоа сме го кажале барем досега стотина пати. Доколку има волја има и начин. Тоа не зависи само од нас. За танцување треба двајца, некогаш можеби и повеќе, но во случајов треба да имаме некој соговорник кој што ќе сака да разговара. Ние сме подготвени, секаде ја претставуваме нашата позиција и ќе продолжиме да ја претставуваме и спротивни аргументи не сме слушнале на нашите аргументи. Веќе нема аргумент -тоа е тоа, земете или оставете, тоа веќе не е, сега имаме поинаква позиција. Сега позицијата е дајте да најдеме решение. Дали ќе постигнеме напредок за месец - два, шест месеци не знам, дали ќе дадеме се од себе- ќе дадеме, рече Мицкоски на новинарско прашање колку се реални очекувањата за некакво придвижување на евроинтеграциите до крајот на годината, поради актуелните случувања во Бугарија со неуспехот за избор на претседател на Парламентот или се планираат уставните измени.

Тој најави дека во декември два пати ќе престојува во Брисел, каде ќе може повторно да разговара за нашето прашање поврзано со деблокада на евроинтеграциите.

-На почетоткот од декември ќе има билатерален тет а тет разговор со Кошта, по што ќе учествува со него на вечера со другите лидери од Западен Балкан. На крајот на декември има самит ЕУ - Западен Балкан на кој ќе присуствуваат канцеларот Шолц, францускиот претседател Емануел Макрон и други авторитети од ЕУ. И ќе се бориме, нема да седиме со скрстени раце или со бело знаме да мавтаме, како што беше до сега. Ќе се бориме и битно е да победуваме, и мислам дека од поразите што ги нижевме изминативе седум годии постепено полека излегуваме од таа летаргија и почнуваме да победуваме, малку ситно, но победуваме, тоа е нашиот план, таа е нашата агенда, рече Мицкоски по присуството на поставување камен темелник за надградба на ООУ Ацо Шопов во населба Радишани, Општина Бутел..

The post Мицкоски: Не знам дали е можен исчекор во евроинтеграциите до крајот на годината, но ќе сториме се да најдеме решение appeared first on Република.

Рускиот претседател Владимир Путин денеска изјави дека земјата е подготвена да води преговори со Украина.

Неколку пати кажав дека Русија не само што е подготвена за преговори, туку во одредена фаза, на самиот почеток на овој конфликт, ги водеше тие преговори. Дури беше подготвен и заеднички прифатлив договор, кој украинската страна го парафира. Сепак, на совет од страна, кој подоцна го потврдија и официјални претставници на Украина, украинската страна го отфрли тој договор, рече Путин на церемонијата на предавање на акредитивните писма на странските амбасадори во Кремљ.

Тој исто така рече дека Русија е отворена за меѓусебна соработка со сите земји.

Русија е отворена за взаемно корисна соработка со сите држави без исклучок врз принципите на еднаквост, немешање во внатрешните работи и строго почитување на меѓународното право, рече тој.

Во однос на конфликтот на Блискиот Исток, Путин рече дека Русија активно се обидува да спречи палестинско-израелскиот конфликт да ескалира во поголема војна.

The post Путин: Русија е подготвена за преговори со Украина appeared first on Република.

Писмото до ЕУ е во подготовка, пред да го испратам сакам да имам појасна слика до каде сме и што можеме да направиме, изјави денеска на прес-конференција премиерот Христијан Мицкоски, во одговор на прашање до каде е подготовката на писмото со кое ќе даде нови идеи за продолжување на преговорите и дали очекува поинаква опција или оптимизам од Унијата.

Не би се согласил дека нема оптимизам. Не би се согласил со ставот дека таму не постои разбирање за нашите позиции, одговори Мицкоски, додавајќи дека ако не се смени Преговарачката рамка тогаш „најдобро е да прифатиме се и да се избришеме'.

Тогаш најдобро е да прифатиме се што бараат соседите, да се избришеме, и тогаш ќе бидеме најсреќни. Така јас не водам политика. Ако некој друг така водел политика во минатото, да ги ограбува граѓаните и да се самоизбришува тогаш тие беа поразени пред 4 месеци. Писмото е во подготовка. Утре патувам во Берлин ќе има состанок на Берлинскиот процес, ќе разговарам со голем број од европските политичари, пред да го испратам писмото сакам уште малку повеќе да имам јасна слика за тоа до каде можеме и што можеме да направиме - рече Мицкоски.

Премиерот минатиот викенд најави дека преку разни институционални канали ќе се обрати и ќе работи со Европската комисија и со партнерите за изнаоѓање решение кое ќе биде достоинствено и согласно националните интереси.

Диктати, да биде јасно, не прифаќам. За овој процес е потребно и разбирање од Унијата, која очекуваме да покаже еднаква верба во европската иднина на нашиот регион како што е и нашата верба. Македонија и нашите граѓани премногу дадоа и предолго се заложници на билатерални проблеми и барања. Не барам сочувства и изговори. Барам почит за мојот народ. Ние планираме да ја вклучиме и опозицијата во процесите, кога ќе дојде време за тоа. Нема да ветуваме работи кои се неостварливи, но и нема да пропуштиме да ја консултираме опозицијата и да побараме поддршка за нашите напори. Сепак, целите ни се заеднички и немаме дилема околу тоа. Веќе следната недела ќе испратам писмо до сите инволвирани во кое и на таков начин ќе ја обзнанам и потврдам мојата недвомислена воља за дијалог, реформи и изнаоѓање решение. Јас сум на располагање за идеи и дијалог и тоа сите скептици треба да го знаат. Темите како изолација се повеќе стравови и психолошки товар за скептиците од најразлична провиниенција. Ќе продолжиме напред, се допаѓало тоа некому или не - подвлече Мицкоски од Охрид минатиот викенд.

The post Мицкоски: Писмото до ЕУ е во подготовка, пред да го испратам сакам да имам појасна слика до каде сме и што можеме да направиме appeared first on Република.

На денешната прес-конференција по средбата со премиерот Христијан Мицкоски претседателот на Самостојниот синдикат за образование, наука и култура (СОНК) Јаким Неделков потврди дека и оваа година, поточно од овој месец, ќе има зголемување на платите во основно и средно образование за пет проценти.

Тоа значи дека од овој месец, односно од октомвриската плата, вработените во основното и средно образование ќе имаат зголемена плата за пет проценти. Задоволството е уште поголемо што се договоривме за континуиран раст на платите во основно и средно образование во период од четири години, каде според нашите заеднички математики, конечно вработените во основно и средно образование, носителите на дејност наставниците и професорите ќе имаат плата во висина од просечна или нешто над просечна плата - рече Неделков.

Како што додаде, ова е голем успех во преговорите, во социјалниот дијалог и партнерство и е доказ дека со заемно почитување и разбирање како социјални партнери, може да се дојде до прифатливи решенија.

Премиерот Христијан Мицкоски денеска на прес-конференцијата посочи дека после неколку неделни преговори и анализи, и врз основа на она што го имаат како информација како се полни буџетот и кои се проекциите за годините кои следат, сакале да постигнат договор кој ќе биде долгорочен и ќе биде во насока на подобрување на финансиска состојба на наставниците.

The post Успех во преговорите на СОНК со Владата: Наставниците ќе добијат зголемување на платите appeared first on Република.

Претседателот на Владата, Христијан Мицкоски во Отворено студио „100 дена Влада“ на МРТ говорејќи на тема за преговорите со Европската Унија и проблемот со Бугарија истакна дека преговорите нема да ни ги решат домашните проблеми, туку прво треба да си ја завршиме домашната задача, а Владата е фокусирана токму на тоа, решавање на домашните проблеми и решение за ЕУ кое ќе биде предвидливо.

Треба да бидеме дел од европското семејство и тука нема дилема. Дали имаме поддршка, не од една, ние имаме поддршка од 26 земји членки и за сите тие не е важно какво ќе биде решението, туку да има решение. Освен една тоа е нашиот источен сосед кој е сега во предизборен период. Да почекаме кој ќе биде исходот од тоа. За сите останати 26 земји членки е важно да има решение, и во нив има помалку гласни и повеќе гласни поддржувачи - рече премиерот Мицкоски.

Премиерот Мицкоски нагласи дека на таа тема многу гласен беше во Загреб хрватскиот премиер Андреј Пленковиќ, како и на неговата билатерална посета во земјава унгарскиот премиер Виктор Орбан.

Поентата е ние мораме заеднички да работиме ако сакаме да дојдеме до решение кое што ќе биде предвидливо. Ние сега немаме предвидливо решение. Многумина велат таа преговарачката рамка и е јасна. Да, но нејасен е патот и целта. Тоа е проблемот. Не би се сложил со констатацијата дека мнозинството граѓани мислат дека овој процес на преговори нас ќе ни ги реши сите проблеми како животната средина, повисок стандард, повисоки плати и така натаму - посочи премиерот Мицкоски.

Премиерот Мицкоски додаде дека ние денеска ги имаме европските фондови на располагање, но проблемот е друг, дали ние сакаме да си ја завршиме домашната задача.

Ако сакаме, ќе ја завршиме и со ова сега што го имаме на располагање. Преговарањето не значи членство, туку подразбира процес во кој ние ќе го зголемуваме капацитетот на институциите и ќе добиеме поинакви вештини во рамки на администрацијата. Од нас самите зависи дали сакаме да си ја завршиме домашната задача. Ние како Влада сакаме и сме фокусирани на тоа - изјави Мицкоски.

Премиерот Мицкоски нагласи дека сето она кое се случуваше изминативе децении создаде еден вид фрустрација кај граѓаните и таа фрустрација денеска е огромна, затоа што оваа преговарачка рамка нема јасна цел и светло на крајот на тунелот.

Сите почнале и го завршиле процесот, ние немаме таков јасен показател и параметар. Кога ќе има и тоа би го зграпчиле. Нашиот став околу одложеното дејство не е ништо повеќе од формула која функционирала како што е Преспанскиот договор кој велеше дека амандманите ќе станат ефективни кога грчкиот парламент ќе го ратификува пристапниот протокол за државава во НАТО. Велат дека Преспанскиот договор бил ремек дело на дипломатијата, ајде тогаш тоа да го реплицираме тоа, уставните амандмани да важат кога бугарскиот парламент ќе го ратификува пристапниот договор за ЕУ. Ако е тоа добро, само да го копираме и примениме - истакна Мицкоски.

Премиерот Мицкоски нагласи дека после се што сме направиле, што никој не го направил, ниту еден народ, ниту една држава која е членка, сме заслужиле да го добиеме ова прашање за одложеното дејство.

The post Мицкоски: Преговорите со ЕУ нема да ни ги решат сите проблеми, треба сами да ја завршиме домашната задача appeared first on Република.

Претседателот на Владата, Христијан Мицкоски во своето гостување во „Само интервју“ на „Канал 5“ телевизија, говорејќи за преговорите со Бугарија, истакна дека во истите не се влегува само за да се учествува, туку треба да се избориме за успех, при што потенцираше дека Гоце Делчев за него е титан на македонската борба.

„Не сум во оваа приказна само за да учествуваме, туку да завршиме со успех. Тоа е суштината на целиот овој процес. Не е суштината да го смениме Уставот до следната пречка за 6 месеци. Не е тоа со мандат „од – до“, туку процес кој трае, не е процес кој сега ќе почне и следната недела ќе заврши“, рече премиерот Мицкоски.

Премиерот Мицкоски посочи дека ако се сака, се има и начин за да нема билатерализација на целиот процес и да нема повеќе никакви пречки.

„Нека биде Европска Унија арбитер, претседавачот со ЕУ не кани во Будимпешта да ги решиме однапред сите прашања, да не биде етапно, туку сите и да нема повеќе пречки понатаму и да нема билатеризација на овој процес. Веднаш да почнеме“, рече Мицкоски.

Премиерот Мицкоски говорејќи за Гоце Делчев истакна дека е титанот на македонската борба и треба да се вкрстат аргументите за да се види какво е неговото значење за македонскиот народ.

„Гоце Делчев за мене е македонски деец и историска фигура, титан на македонштината, за нив можеби е друго. Нека кажат колку песни, имиња, приказни има Гоце, а да видиме колку има кај нас. Да видиме кој навистина бил Гоце Делчев. Мудроста на народот е неприкосновена“, изјави Мицкоски.

Мицкоски нагласи дека мора да бидеме добри соседи, но барањата треба да се објективни, а не билатерални, и ако континуирано едни со други се напаѓаме со аргументи од среден век, тогаш нема да излеземе од ова мочуриште.

„Мораме сега да ги решиме. Ако имаме објективни пречки, тоа може да не направи подобри. Но, субјективните проблеми билатерализацијата е проблем“, дециден е премиерот Мицкоски.

The post Мицкоски: Не сум во преговорите со Бугарија само колку да се учествува, туку да се избориме, Делчев за мене е титан на македонската борба appeared first on Република.

Претседателот на Владата на Република Македонија, Христијан Мицкоски во вечерашното гостување во емисијата „Само интервју“ на „Канал 5“ телевизија вели дека во Европската Унија соговорниците му кажале дека Пендаровски и Ковачевски прифатиле нешто кое што не го испорачале односно дека ги убедувале дека ќе обезбедат 80 пратеници за гласање на внесување на Бугарите во Уставот, по принципот како за Преспанскиот договор.

„Пендаровски и Ковачевски прифатија нешто кое што не испорачаа. Не засрамија и ги засрамија во ЕУ. Знаете мене што ми велат таму сите соговорници? Ми велат ние го поддржувавме тоа затоа што вашите не убедуваа дека ќе испорачаат по принципот на Преспа за уши ќе влечеле пратеници и ќе обезбеделе 80. Еве не успееја. Сега што правиме“, вели премиерот Мицкоски и додаде:

„Мене на памет не ми паѓа да давам гаранција за нешто за кое не сум сигурен дека ќе го испорачам. Мојот став е многу јасен.“

Мицкоски потенцираше дека не може да прифати нешто за кое што претходно бил против.

„Ако некој очекува дека оваа Влада или мене да прифатам нешто за кое што сум бил принципиелно против, бидејќи сум имал аргументи, а не зошто сум инаетлив, тогаш мислам дека погрешно очекува. Или не ме познава мене или пак не ги познава приликите тука“, кажа Мицкоски.

Претседателот Мицкоски порача дека европските вредности се силни институции, пријателства и добрососедски односи.

„Европските вредности се силни институции, европските вредности се добрососедски односи, чесни односи, пријателски односи“, изјави тој и додаде дека „доколку Брисел сака Македонија да е во Европската Унија, тогаш постои начин. Ако некој во Брисел, во Берлин, во Париз, во Рим, навистина сака да не види таму, има начин. Ако има желба има и начин.“

The post Мицкоски: Пендаровски и Ковачевски прифатија нешто кое не го испорачаа appeared first on Република.

Европската комисија со нетрпение очекува што е можно поскоро почеток на преговорите по поглавја со Албанија и Македонија, изјави портпаролката на ЕК за проширување, соседска политика и меѓународни партнерства Ана Писонеро во однос на одлуката на Комитетот на постојаните претставници на владите на земјите членки во Европската Унија (КОРЕПЕР), Албанија на 15 октомври да го започне преговарачкиот процес за членство во ЕУ по поглавја.

Нашиот став е многу јасен, Комисијата со нетрпение очекува почеток на преговорите по Кластерот „Основи вредности“ што со Албанија и со Македонија што е можно поскоро, откако  Македонија ќе ги исполни релевантните критериуми што се договорени со Советот, изјави Писонеро во одговор на прашањето за ставот на ЕК за „раздвојувањето“ на Тирана и Скопје на европскиот пристапен пат.

Таа додаде дека тие „релевантни критериуми“ ги вклучуваат уставните амандмани за вклучување на Бугарите во Уставот.

Европскиот совет ја повика Македонија да го забрза спроведувањето на овие измени, изјави Писонеро, додавајќи дека одлуките за следните чекори во пристапниот процес се во надлежност на земјите членки на ЕУ, а не на Европската комисија.

Како што потврди денеска унгарското претседателство со Советот на ЕУ за МИА, КОРЕПЕР донесе одлука Албанија на 15 октомври да го започне преговарачкиот процес за членство во ЕУ по поглавја, со отворање на преговорите по Кластерот 1 – „Основи вредности“.

Можеме да потврдиме дека Корепер се согласи да продолжи со процесот на пристапување на Албанија во ЕУ, изјави за МИА портпаролката на унгарското претседателство за Корепер, Ана Атанасов.

Со ваквата одлука Албанија практично ќе биде раздвоена од земјава на патот кон членство во ЕУ, иако досега двете земји се движеа во пакет во пристапниот процес.

The post Писонеро: ЕК очекува старт на преговорите по кластери со Македонија штом таа ги исполни договорените критериуми appeared first on Република.

Премиерот Христијан Мицкоски денеска изјави дека уште кога бил во посета на Брисел било најавено дека најверојатно Албанија ќе ги почне преговорите и ќе се одвои од земјава, но нагласи дека тоа е лоша порака кон македонските граѓани, бидејќи државата во, како што рече над дводецениски пат кон интеграција во ЕУ сторила многу работи, повеќе од која било кандидатка или актуелна членка, а кои најчесто немаат никаква врска со Копенхагенските критериуми. Тој и посака многу успех на соседна Албанија брзо да го заврши преговарачкиот процес и како, што рече, можеби еден ден „нашите патишта повторно ќе се сретнат по таа траекторија кон полноправно членство во ЕУ“.

Ние сме единствениот случај во кој билатерални договори се услови во Преговарачка рамка. Жалам што претходната Влада егизбиционистички прифаќаше се, мафташе со европско знаме додека го ограбруваше сопствениот народ. Гледаме дека состојбата е таква каква што и го делам впечатокот со огромен број македонски граѓани дека не треба повеќе на сметка на национални отстапки, идентитетски остапки без гаранции да прифаќаме услови - рече Мицкоски одговарајќи на новинарско прашање, по посетата на Фондот за здравствено осигурување.

Нагласи дека сегашната поставеност на работите во однос на нашето членство е диктат и оти тој својот став го пренел и на средбите во Брисел.

За мене ова е диктат, ако е ова условот за Македонија да продолжи да преговара тогаш тоа го кажав и во Брисел - не благодарам, тоа не се европските вредности во кои мојата генерација се вљуби, а тоа се оние вредности, кои ги дефинирале Аденауер, Дегаспери и Шуман и затоа ја споделив идејата, ајде да разогвараме, немојте со диктат, не не условувајте со диктат, јас сакам да разговараме колку е потребно да најдеме решение, очигледно сега немаме решение - нагласи Мицкоски.

Повторно се повика на принципот „Pacta sund servanda", кој како што рече, ако важи за Преспнскиот договор, треба да важи и за Договорот за добрососедство со Бугарија.

И покрај многуте критики како нова Влада го прифативме Преспанскиот договор и ако тој принцип важи за тој Договор, тогаш ЕУ и Брисел треба да го прифатат „Pacta sund servanda“ и за Договорот за добрососедство, во кој никаде не стои дека услов мора да биде ние да го промениме Уставот. Таму никаде не го пишува тоа, дури пишува и дека Бугарија треба да не поддржува и да ни помага. Кога ние зборуваме за одложено дејство, зборуваме за тоа по успешно завршување на разговорите и ратификација на претпристапниот протокол подготвени сме да прифатиме промена на Уставот и за многумина во Брисел беше што е сега ова, а тоа не е ништо поразлично од Преспнаскиот договор - изјави Мицкоски.

Направи паралела меѓу уставните амандмани за Преспа и додаде дека како што тие во сила влегоа, откако Грција го ратификуваше претпристапниот Протокол за членство во НАТО, тоа да важи и за ЕУ.

Еве ќе ја завршиме процедурата, имаме 80 пратеници, но амандманите што ќе ги поминеме нека важат и да бидат ефективни кога Бугарија ќе го ратификува пристапниот протокол за нас во ЕУ - рече Мицкоски.

На прашањето дали унгарскиот премиер Виктор Орбан, кој од денеска е во посета на земјава и чија држава е актуелен претседавач на Унијата може да помогне во таа насока не даде директен одговор, но напомена дека доста е со примена на двојни стандарди на грбот на земјава и оти сето ова нема врска со европски вредности, нагласувајќи дека преговорите значат јакнење на институциите, збогатување на капацитети.

Во врска со можноста за евентуална дестабилизација кај нас, откако Албанија продолжи понатаму, рече дека такви обиди може да има и доколку не сме раздвоени.

Ако некој решил да дестабилизира безбедносната состојба во НАТО земја-членка, ние како држава ќе одговориме соодветно. Нема да дозволиме некој ќе ја дестабилизира земјата - рече премиерот.

The post Мицкоски за одвојувањето на Македонија: Се испраќа лоша порака, само се изживуваат врз нас appeared first on Република.

Комитетот на постојаните претставници на владите на земјите членки во Европската Унија (КОРЕПЕР) донесе одлука Албанија на 15 октомври да го започне преговарачкиот процес за членство во ЕУ по поглавја, со отворање на преговорите по Кластерот 1 – „Основи вредности“, потврди за МИА унгарското претседателство со Советот на ЕУ.

Можеме да потврдиме дека Корепер се согласи да продолжи со процесот на пристапување на Албанија во ЕУ, изјави за МИА портпаролката на унгарското претседателство за Корепер, Ана Атанасов.

Со ваквата одлука за одржување на Меѓувладина конференција ЕУ-Албанија на 15 октомври и старт на преговорите по Кластерот 1, Албанија практично ќе биде раздвоена од земјава на европскиот пат. Во Кластерот 1 – „Основи вредности“ се вклучени поглавјата Набавки, Статистика, Судство и Основни права, Правда, Слобода и Безбедност и Финансиска контрола.

ЕУ донесе одлука за старт на преговорите со Македонија и Албанија во пакет во јули 2022, по што двете земји го спроведоа скрининг процесот.

Но, Албанија беше блокирана за преминување кон следната фаза од преговарачкиот процес, односно старт на преговорите по поглавјата, од страна на Грција, која ја обвини Тирана за непочитување на принципите на владеење на правото.

Ваквите обвинувања уследија по приведувањето во мај 2023 на кандидатот за градоначалник на албанскиот град Химара, Фреди Белери, припадник на грчката заедница во Албанија, под обвинение за поткуп на гласачи пред изборите. Белери, сепак победи на изборите за градоначалник, а во меѓу време беше избран и за европратеник од Грција на изборите во јуни годинава, по што беше ослободен од притвор за да може да го заземе своето место во Европскиот парламент.

Кога станува збор за земјава, согласно Преговарачката рамка усвоена во јули 2022 година, во следната фаза од преговарачкиот процес, односно преговорите по кластерите, таа треба да премине по усвојувањето на уставните измени со кои во Уставот заедно со другите делови од народи, би биле споменати и припадниците на бугарскиот народ.

Во заклучоците од последните Совети на ЕУ во делот за земјава се посочува дека „Европската унија е подготвена да ја заврши фазата на отворање на пристапните преговори со Македонија, веднаш штом таа согласност нејзините внатрешни процедури ја спроведе својата заложба да ги заврши уставни измени наведени во заклучоците на Советот од 18 јули 2022 година. Европскиот совет ја повикува Македонија да го забрза спроведувањето на овие измени“.

Новите македонски власти ја промовираа идејата за излез од ќор-сокакот во кој се најде земјава на европскиот пат со т.н. „француски предлог плус“, кој предвидува одложено дејство на уставните измени, односно нивно усвојување пред официјалниот почеток на преговорите за членство во ЕУ по поглавја, но тие да стапат во сила на крајот од преговарачкиот процес.

Министерот за надворешни работи и надворешна трговија Тимчо Муцински, кој минатата недела го придружуваше премиерот Христијан Мицкоски при работната посета на Брисел, за МИА изјави дека на средбите со претставниците на ЕУ се дискутирало и „за дел од овие прашања и дека дијалогот продолжува“.

Според дипломатски извори, претставниците на ЕУ предлогот за одложено дејство на уставните измени го оцениле како прагматичен.

Претседателот на Советот на ЕУ, Шарл Мишел во објава на Икс по средбата со Мицкоски минатиот четврток, наведе дека ја поздравува геостратешката ориентација и посветеност на земјава за членство во ЕУ и дека со сегашниот моментум во проширувањето на Европската Унија, таа има реална можност да напредува на патот кон ЕУ и да се приклучи на европското семејство. За тоа, според Мишел, клучно да се спроведат обврските од минатото, да се почитуваат правно обврзувачките договори и решително да се продолжи со реформите поврзани со ЕУ.

The post Албанија на 15 октомври ќе ги започне преговорите со ЕУ по Кластерот 1 appeared first on Република.

Она што и се очекуваше беше и потврдено во Брисел: Албанија практично ги почнува преговорите со ЕУ на 15 октомври.

Постојаните претставници на земјите членки на ЕУ на денешната средба едногласно решија Албанија да ги започне преговорите со Унијата со отворањето на првиот кластер „Темелни вредности“, јави Бугарското национално радио.

Стартот ќе на меѓувладината конференција меѓу ЕУ и Албанија што ќе се одржи во Луксембург.

Со тоа, како што наведуваат дипломатски извори во Брисел практично се разделуваат Македонија и Албанија на патот кон ЕУ. Македонија и Албанија во ист ден ги одржаа првите меѓувладини конференции во јули 2022.

Неодамна тоа го најави еврокомесарот за проширување Оливер Вархеи, кој рече дека „целта е во октомври да се одржат меѓувладини конференции со Србија, Албанија и можеби Македонија.

Со разделувањето на Македонија и Албанија нашата земја останува на празен простор меѓу оние во Западен Балкан кои ги почнале преговорите (Црна Гора, Србија и за три недели Албанија) и оние што се далеку од таа фаза (Босна и Херцеговина и Косово).

The post Албанија ги почнува преговорите со ЕУ, Македонија извиси appeared first on Република.

Бугарија нема повторно да преговара за условите од договорот со Република Македонија, изјави вршителот на должноста премиер на Бугарија, Димитар Главчев.

Нема за што да се преговара. Имаме позиција на Бугарија. Тие велат дека нема да преговараат со преодната влада, но јас би рекол дека нема од наша страна желба за преговори, нема за што да преговараме. Постои европска позиција. На последниот Европски совет изјавив дека Република Македонија не ги почитува своите обврски, а истото го кажа и премиерот на Грција. Република Македонија не го почитува Договорот од Преспа, затоа го кажавме нашиот став на највисоко можно ниво – Европскиот совет - рече тој, пренесе „БНР.бг“.

Неговата изјава е одговор на инсистирањето на „Има таков народ“ за итна и одлучна реакција на новите тврдења против веќе преземените обврски од таканаречениот „француски предлог“.

The post Бугарскиот Премиер: Со Македонија се имаме веќе договорено, нема што да преговараме appeared first on Република.

Сега е период кога апсолутно ништо не може да се случи во преговорите со Бугарија, истакна денеска претседателот на Владата на Република Македонија, Христијан Мицкоски кој одговараше на прашањето за евроинтегративните процеси и дијалогот со соседна Бугарија.

Мицкоски потенцираше дека јавноста е доволно запознаена со позициите на Владата, како и со неговите лични позиции и, како што вели, „не би коментирал ни чекор повеќе, ни чекор помалку“.

Сега е период кога апсолутно ништо не може да се случи во тој процес, бидејќи како што знаете имаме период кога во Бугарија ќе се случуваат нови седми по ред, во последните три години предвремени Парламентарни избори. Да почекаме да се случи таму политичка Влада, за да видиме дали постои желба за дијалог. Ние сме подготвени да разговараме, сакаме да разговараме и тоа го пренесуваме на нашите соговорници, кои доаѓаат од Брисел. Инаку што се однесува до нашите предлози, тие во јавноста се познати, коментирани многу пати до сега - изјави Мицкоски.

Премиерот на Република Македонија, Мицкоски синоќа во телевизиско интервју зборувајќи за уставните измени апелираше да се престане со билатерализација на евроинтегративниот процес.

Потврди дека на 19 септември ќе отпатува на состанок во Брисел и таму ќе биде соопштен владиниот предлог за кој веќе јавно се зборува.

Мицкоски вели дека тие нема да влезат наивно во какви било процеси и отстапки, без притоа да има јасен план и гаранција.

А тој јасен план и јасна гаранција мора да бидат потврда која што ќе се темели на јасна порака и на јасни постигнувања. Не можеме веќе да влегуваме во процеси без да имаме предвидлива завршница и затоа ние сме конструктивен партнер во процесот и велиме ајде заедно да седнеме со владата во Софија и да разговараме и да видиме имаме ние предлог. Тој предлог ние јасно го зборуваме, тој предлог не е од сега. Логичен е предлогот за одложена примена, да ги завршиме преговорите, па да видиме тогаш што ќе правиме, како ќе правиме, да видиме што со пресудите од Стразбур за македонската заедница од Бугарија, да видиме што конечно со идентитетот македонски и јазикот итн. затоа што ако ги погледате поглавјате 34 и 35 ги нема. . . Имаме многу прашања за кои треба да се дискутира. Ние сме подготвени, сакаме да дискутираме и да најдеме решение  - рече синоќа премиерот Мицкоски.

The post Мицкоски за преговорите со Бугарија: Да почекаме таму да се случи политичка Влада, за да видиме дали постои желба за дијалог appeared first on Република.

Јуриј Ушаков, помошник на рускиот претседател Владимир Путин, изјави дека украинскиот напад на областа Курск значи дека Москва сега не е подготвена за мировни преговори.

Во видео изјава која ја емитуваше новинската куќа Shot, Ушаков рече дека Русија не се откажува од своите претходни мировни предлози.

Неговата изјава доаѓа ден по демантот на Москва на извештајот на Вашингтон Пост, во кој се сугерира дека предложените преговори меѓу двете страни што требаше да се одржат во Катар пропаднале поради украинскиот напад на регионот Курск.

The post По нападот на Курск, Русија не е подготвена на мировни преговори со Украина appeared first on Република.

Украинскиот претседател Володимир Зеленски денеска во Киев се сретна со државниот секретар на Ватикан, кардинал Пјетро Паролин, со кого разговараше за улогата на Ватикан во постигнувањето мир во Украина.

„Разговаравме за последиците од руската агресија врз Украина, за тековниот воздушен тероризам, за тешката хуманитарна ситуација и за исходите од нашата средба со папата Франциск во Италија во јуни“, напиша Зеленски на Х.

„Посебно се фокусиравме на одлуките на првиот мировен самит и на улогата на Ватикан во воспоставувањето праведен и траен мир за Украина“, додаде Зеленски.

The post Зеленски разговараше со Пјетро Паролин за улогата на Ватикан во постигнувањето мир во Украина appeared first on Република.