Мировните преговори меѓу Русија и Украина не напредуваат и најверојатно нема да продолжат по „капитулацијата“ на украинската армија во челичарницата Азовстал, изјави портпаролот на Кремљ Дмитриј Песков.

– Преговорите навистина не напредуваат. Гледаме целосен недостиг на желба на украинските преговарачи да го продолжат овој процес, ја пренесуваат руските медиуми неговата изјава.

Михаил Подољак, советник на украинскиот претседател,  вчера изјави дека руско-украинските преговори се прекинати. Процесот е запрен, но тоа не значи дека страните на крајот нема да седнат на преговарачка маса.

Подољак рече дека барањата на руската страна не се променети, за разлика од ситуацијата на фронтот.

Денеска преговарачкиот процес е суспендиран. По коминикето во Истанбул, нема никакви промени, нема напредок. Руската Федерација останува во своето стереотипно размислување. Но, секоја војна завршува на преговарачка маса, додаде вчера Подољак.

The post За Кремљ преговорите не напредуваат, за Украина секоја војна завршува на преговарачка маса appeared first on Република.

Повеќе од 250 украински борци излегоа од опколената челичарница „Азовстал“ во Мариупол по тајните преговори за нивна евакуација. Украинската војска избегнува да го користи зборот предавање, опишувајќи ја операцијата како обид да се спасат што е можно повеќе животи.

„Напорите да се вратат момците дома продолжуваат и тоа бара деликатност и време“, изјави украинскиот претседател Володимир Зеленски.

Педесет и тројца тешко ранети војници се префрлени во болница во Новоазовск, а 211 заминаа за Оленивка преку хуманитарен коридор. Двата града се наоѓаат на територија во Донбас што е под контрола на проруските бунтовници.

„За нивно враќање дома, ќе биде направена размена“, изјавија од украинското министерство за одбрана, додавајќи дека се работи на извлекувањето на преостанатите бранители, чија точна бројка не е позната.

Зеленски додаде дека војниците биле евакуирани на територија под контрола на сепаратистите со цел да се спасат нивните животи по недели интензивни борби и гранатирања.

„На Украина ѝ се потребни живи украински херои. Тоа е нашиот принцип“, изјави тој.

The post По тајните преговори со Русија, 250 украински борци евакуирани од „Азовстал“ appeared first on Република.

Украинскиот и рускиот претседател Володимир Зеленски и Владимир Путин најверојатно мировните преговори ќе ги водат во Турција.

Украинскиот преговарач Дејвид Арахамија истакна дека Зеленски е подготвен за средба во блиска иднина со Путин.

Претходно, портпаролот на Кремљ, Дмитриј Песков изјави дека преговорите помеѓу Русија и Украина не беа лесни, но главно е тоа што продолжуваат.

Тој додаде дека Русија би сакала да ги продолжи разговорите со Украина во соседна Белорусија, но Киев се спротивстави на идејата.

The post Набрзо е можна средба Зеленски – Путин во Турција appeared first on Република.

Мировните преговори меѓу Киев и Москва ќе продолжат онлајн од петок, изјави украински преговарач, пренесува Скај њуз.

Украинскиот претседател Володимир Зеленски синоќа изјави дека разговорите сè уште не донеле конкретни договори. Сепак, украинскиот мировен преговарач претходно изјави дека е оптимист по мировните преговори со Русија во Истанбул.

Украина предложи план за неутралност и е подготвена да се откаже од влез во НАТО. Но, советникот на Зеленски, Михајло Подољак, рече дека секоја одлука ќе оди на референдум.

The post Украинско-руските преговори ќе продолжат од петок appeared first on Република.

Официјален Кремљ објави дека милијардерот Роман Абрамович легално учествува во преговорите во Истанбул меѓу делегациите на Русија и Украина.

„Но, тој не е член на руската делегација“, изјави портпаролот на Кремљ, Дмитриј Песков.

Тој напомена дека споственикот на европскиот фудбалски шампион Челзи, Роман Абрамович престојува во Истанбул на покана на двете завојувани страни.

The post Песков: Абрамович не е член на руската делегација appeared first on Република.

Во Истанбул се водат преговори меѓу руската и украинската делегација. Ова е нов обид за смирување на конфликтот во Украина, кој трае повеќе од еден месец.

Двете страни бројат загинати војници, цивили и воена опрема.

Турскиот претседател Реџеп Таип Ердоган се согласи да биде домаќин на разговорите.

Напредокот во преговорите меѓу руската и украинската страна, кои денеска се одржуваат во Истанбул, ќе го отвори патот за средба меѓу двајцата претседатели, рече Ердоган.

Деталите и барањата на делегациите на средбата веќе почнаа да протекуваат.

Руската страна остро реагирала поради снимките на кои се понижува руската армија. Според него, украинската страна ветила дека ќе преземе мерки против ваквите снимки.

https://republika.mk/vesti/svet/aplauz-za-erdogan-nema-da-ima-gubitnici-so-praveden-mir/

Украинскиот преговарач Михајло Подољак изјави дека конфликтот сега ескалира.

Двете страни повикуваат на уништување на двете нации. Има видео што ги прекршува Женевските конвенции, рече тој.

Тој рече дека доколку се прекршат законите против воените заробеници, ќе се преземат мерки.

Клучното прашање е договорот за меѓународни безбедносни гаранции за Украина, што ќе ни овозможи да ја завршиме војната онака како што ѝ треба на Украина, рече тој.

На разговорите се појави и рускиот милијардер Роман Абрамович. По изјавата дека е затруен, тој дошол во Истанбул, каде што за прв пат е виден во јавноста.

Објавено е и видео од почетокот на преговорите.

Немаше вода на преговарачката маса, како што е вообичаено.

До знамињата имаше шишиња кои го збунија рускиот преговарач Медински.

На тоа реагирал Дејвид Арахами, кој му рекол дека тоа не е вотка, туку антисептик кој го има на сите маси поради коронавирусот.

The post На масата немаше вода, а се појави и Абрамович appeared first on Република.

Рускиот бизнисмен и милијардер Роман Абрамович, кој беше санкциониран од Западот поради инвазијата на Москва врз Украина, присуствува на мировните преговори меѓу руската и украинската делегација во Истанбул, објави Би Би Си.

На снимките што ги објавија турските медиуми, Абрамович не се наоѓа на главната маса за преговори, но се гледа како седи покрај Ибрахим Калин, портпаролот на турскиот претседател Реџеп Тајип Ердоган, и носи слушалки за превод.

Медиумите наведуваат дека Абрамович накратко разговарал со Ердоган пред почетокот на преговорите во Истанбул. Во разговорот учествувал и турскиот министер за надворешни работи Мевлут Чавушоглу.

„Волстрит журнал“ вчера објави дека Абрамович, кој го прифатил барањето на Украина да помогне во преговорите за ставање крај на руската инвазија, и украинските мировни преговарачи неодамна имале симптоми на труење по состанокот во Киев.

Според „Индепендент“, Абрамович се пожалил на болки во очите и воспаление на кожата неколку часа по напуштањето на украинската престолнина. Тој тврди дека накратко бил и целосно слеп и дека му се лупела кожата на лицето.

Овие симптоми, велат експертите за Телеграф, наликуваат на труењето со три можни хемикалии: порфирини, бициклични материи или органофосфати.

Неименуван американски функционер, пак, подоцна изјавил дека разузнавачките податоци сугерираат дека симптомите на лошата здравствена состојба на рускиот милијардер Роман Абрамович и украинските мировни преговарачи биле резултат на фактори на околината, а не на труење.

Нова рунда преговори меѓу руската и украинската делегација почна денеска во Истанбул, истакна советникот на украинскиот претседател Михаил Подољак. Во меѓувреме, една украинска телевизија објави дека членовите на двете делегации не се ракувале пред почетокот на разговорите.

The post Отров или „надворешен фактор“: Што му се случи на Абрамович за време на преговорите? appeared first on Република.

Српскиот претседател Александар Вучиќ вели дека доколку некој мисли дека Белград е најдоброто место за преговори, Србија е подготвена да им го понуди на „руските и украинските пријатели“.

Вчера потсети дека главниот град на Србија веќе е место за преговори.

Ние не се мешаме во ништо. Ако некој мисли дека Белград е најдоброто место, ние сме подготвени да им го понудиме Белград на руските и украинските пријатели на преговори, рече српскиот претседател.

Имено, рускиот министер за надворешни работи, Сергеј Лавров, пишува Курир.рс, изјавил дека „Белград е голем град кој одговара за секаков тип преговори“.

Местото на преговорите мора да биде прифатливо за двете страни. Преговаравме во Белорусија, а потоа имаше неколку видео конференции. Преговорите сега ќе се водат во Истанбул, иако сме подготвени да разгледаме и други локации, вклучително и Белград, заклучи Лавров.

The post Вучиќ прифати во Белград да продолжат преговорите меѓу Украина и Русија appeared first on Република.

Украина е подготвена да разговара за неутралноста и ненуклеарниот статус на земјата доколку добие безбедносни гаранции, изјави украинскиот претседател Володимир Зеленски.

Безбедносните гаранции и неутралноста, ненуклеарниот статус на нашата држава. Подготвени сме да разговараме за тоа. Ова е многу важна точка“, рече Зеленски во интервју за руските медиуми преку видео повик.

Одлуката за неутрален статус на Украина треба да има гаранции од трета страна и да биде потврдена на референдум, објасни тој. Сепак, тој додаде дека нема да седне на преговарачка маса со Русија доколку се разговара за „демилитаризација“, еден вид „денацификација“, пренесува Ројтерс.

Зеленски рече и дека сака компромис со Русија за прашањето за Донбас.

Тој додаде дека прашањето за рускиот јазик е една од темите на преговорите. Договор со Русија е можен само доколку руските трупи се повлечат од Украина, рече Зеленски.

Зборувајќи со група руски новинари преку видео повик, Зеленски рече дека руската инвазија предизвикала уништување на градовите во кои се зборува руски, објави Ројтерс.

Украинскиот претседател нагласи дека штетата е поголема од руските војни во Чеченија.

Зеленски цело време разговараше со новинарите на руски јазик и откри дека Украина разговарала за употребата на овој јазик во Украина во преговорите со Русија. Но, тој истакнува дека Украина одбила да разговара за други руски барања, како што е демилитаризацијата на земјата.

The post Зеленски: Украина е подготвена да разговара за неутралноста и ненуклеарниот статус на земјата доколку добие безбедносни гаранции appeared first on Република.

Портпаролот на рускиот претседател, Дмитриј Песков, денеска изјави дека нема да има прекин на огнот во Украина за време на преговорите со Киев, бидејќи украинската страна постојано го прекршувала договорот.

Песков на новинарите им соопшти дека украинските сили користат каков било прекин на огнот за да се прегрупираат со цел „да продолжат со нападите врз руските војници“.

Тој кажа и дека Кремљ смета дека напредокот во руско-украинските преговори е недоволен за да може да се зборува за контакти меѓу двајцата претседатели Владимир Путин и Володимир Зеленски, но не сакаше да зборува за деталите од преговорите.

Советникот на украинскиот претседател, Михаил Подољак, претходно денеска изјави дека преговорите би можеле да траат неколку недели. Според него, основно барање на Киев е прекин на огнот, повлекување на армијата и политичко решавање на спорните територии.

The post Русија не планира да прекине со нападите дури траат преговорите appeared first on Република.

Делегациите на Украина и Русија треба да се сретнат утрово во нова рунда преговори, откако Киев го отфрли ултиматумот на Москва да го предаде опколениот Мариупол. Русија ги повика украинските војници во Мариупол рано утринава да го положат оружјето и да го напуштат градот, и постави краен рок до 5 часот по московско време за украинскиот одговор.

Украинската вицепремиерка Ирина Верешчук изјави дека на Москва и било кажано „не се зборува за предавање“.

Нова рунда разговори ќе започне утрово и ќе се одржи преку видео врска, изјави советникот на украинскиот претседател Михаило Подољак, пренесе украинската новинска агенција УНИАН. „Работните групи на двете страни интензивно работат во последно време“, рече тој.

Украина не сака да предаде територија

Минатиот понеделник се одржаа мировни разговори на високо ниво.

Подољак верува дека разговорите со Москва за завршување на војната ќе траат неколку недели, додавајќи дека има знаци дека позицијата на Москва станува „поразумна“ и пореална.

Москва бара демилитаризација на Украина и неутрален статус, признавање на самопрогласените републики и анексија на Крим. Украина досега покажа подготвеност за компромиси за неутралноста, но сака посилни безбедносни гаранции од Западот.

Украина не попушти во зачувувањето на територијалниот интегритет на земјата.

Зеленски инсистира на средба со Путин

Украинскиот претседател Володимир Зеленски инсистира на можна средба со неговиот руски колега Владимир Путин, што Кремљ досега одбиваше да го земе предвид. Зеленски, пак, ги критикуваше руските војници во своето последно видеообраќање рано утринава.

https://republika.mk/vesti/svet/zelenski-podgotven-sum-da-razgovaram-so-putin-dokolku-ne-uspeeme-ni-se-zakanuva-treta-svetska-vojna/

„Тие продолжуваат да бараат измислени нацисти од кои очигледно планираат да го заштитат нашиот народ и сè уште не можат да најдат Украинци подготвени да ги пречекаат со цвеќиња“, рече тој.

The post Украина е подготвена на компромис, Русија сака признавање на Крим appeared first on Република.

Портпаролот на Кремљ Дмитриј Песков изјави дека рускиот претседател Владимир Путин сè уште не планира патување во зоната на операција во Украина.

Се уште не е планирана средба со борците во болниците – рече Песков.

На прашањето дали Русија и Украина се блиску до потпишување на договорот, Песков одговори со „не“.

Работата продолжува, кога ќе се постигне напредок, ќе ве информираме – додаде тој.

The post Песков: Русија и Украина се далеку од потпишување мировен договор appeared first on Република.

Русија и Украина направија план за прекин на огнот, кој содржи 15 точки, пишува Фајненшл Тајмс.

Планот вклучува прекин на огнот и повлекување на Русија доколку Киев прогласи неутралност и прифати ограничувања на своите вооружени сили, велат лица вклучени во преговорите.

Како што е наведено, предложениот договор, за кој првпат разговараа украинските и руските преговарачи во понеделникот, ќе значи дека Киев ќе се откаже од своите амбиции да се приклучи на НАТО и ќе вети дека нема да биде домаќин на странски воени бази или оружје во замена за заштита од сојузниците, како што се САД, Велика Британија и Турција.

Прерано е да се откриваат какви било договори меѓу Русија и Украина, рече портпаролот на Кремљ, Дмитриј Песков, коментирајќи ги информациите дека се подготвува план за решавање на ситуацијата во Украина.

Михаил Подољак, висок советник на украинскиот претседател Володимир Зеленски, изјави за Фајненшл тајмс дека секој договор ќе вклучува „руските трупи во секој случај да ја напуштат територијата на Украина“ заробена од почетокот на инвазијата на 24 февруари – односно јужните региони долж Азовското и Црното Море, како и територијата источно и северно од Киев.

The post Со план од 15 точки Украина и Русија договараат крај на војната appeared first on Република.

Постојат „фундаментални противречности“ во разговорите за ставање крај на руската инвазија врз Украина, но компромисот е можен, изјави денеска членот на украинската делегација и помошник на претседателот, Михаило Подољак.

„Ќе продолжиме утре. Многу тежок преговарачки процес. Има суштински противречности. Но, секако, има простор за компромис“, напиша Подољак на Твитер.

Разговорите продолжија денеска, при што двете страни сигнализираа напредок.

Делегациите на Украина и Русија ги продолжија преговорите по техничката пауза, дадена вчера, кога почна четвртиот круг преговори.

Подољак вчера рече дека договориле „техничка пауза… до утре“.

Тој појасни дека паузата била потребна за да се изврши „дополнителна работа во работните подгрупи и разјаснување на поединечните дефиниции“

The post Украинската делегација се надева дека е можен компромис appeared first on Република.

Делегациите на Украина и Русија ги продолжија преговорите по техничка пауза, информираше членот на украинската делегација Давид Арахамија, пренесуваат украински медиуми.

Вчера почна четвртиот круг преговори, но беа паузирани. Михаило Подољак, советник на украинскиот претседател Володимир Зеленски и учесник во разговорите, вчера рече дека договориле „техничка пауза… до утре“.

Тој појасни дека паузата била потребна за да се изврши „дополнителна работа во работните подгрупи и разјаснување на поединечните дефиниции“.

The post Продолжуваат преговорите меѓу Украина и Русија appeared first on Република.

Преговорите меѓу Русија и Украина продолжуваат денеска и ќе се одвиваат во форма на видео конференција, изјави Дмитриј Песков, руски преговарач и портпарол на рускиот претседател Владимир Путин.

Би-Би-Си јави дека Михаил Подољак, украински преговарач и советник на украинскиот претседател Владимир Зеленски, ја потврди оваа најава од Кремљ.

Во видео објавено на социјалните мрежи, Подољак кажува дека Русија почнала поконструктивно да се ангажира околу преговорите и дека сега „го гледа светот околу себе многу подобро“.

Украинскиот претседател Зеленски вчера изјави дека неговата делегација секојдневно разговара со руските преговарачи.

The post Украина и Русија ќе преговараат онлајн appeared first on Република.

Рускиот министер за надворешни работи Сергеј Лавров замина за Анталија, Турција, каде утре ќе има средба со својот украински колега Дмитриј Кулеб, изјави портпаролката на руското Министерство за надворешни работи Марија Захарова.

The post Утре во Анталија средба меѓу украинскиот и рускиот министер за надврешни работи appeared first on Република.

Украина мора да го запре нападот на Русија во следните седум до 10 дена за да не може Москва да тврди каква било победа, наведе висок украински владин претставник.

Вадим Денисенко, советник на министерот за внатрешни работи на Украина, смета дека Русија е очајна за барем некаква победа, наведувајќи ги градовите Мариупол или главниот град Киев како најверојатни цели.

„Ним им треба барем некоја победа пред да бидат принудени на финалните преговори. Затоа наша задача е да се спротивставиме во наредните 7-10 дена“, напиша Денисенко на Фејсбук.

Русија соопшти дека денеска ќе обезбеди хуманитарни коридори за луѓето кои бегаат од Киев и четири други украински градови. Единствениот оперативен коридор е тој од градот Суми, кој беше отворен вчера

The post Украина мора да го запре нападот на Русија во следните седум до 10 дена за да не може Москва да тврди каква било победа appeared first on Република.

Третата рунда разговори меѓу Русија и Украина треба да почне денеска попладне во Белорусија, јавија руски медиуми кои се повикуваат на белорускиот политиколог Јуриј Воскресенски, близок до организаторите на разговорите.

Разговорите се планирани да започнат во 15 часот по московско време, но тајмингот може да се промени поради проблеми со логистиката на украинската делегација, пренесуваат медиумите.

Разговорите меѓу руските и украинските претставници започнаа на украинско-белоруската граница на 28 февруари. Втората рунда од разговорите се одржа на 3 март. Досега се без никаков суштински пробив.

The post Преговорите меѓу Русија и Украина ќе продолжат попладнево appeared first on Република.

Третата рунда преговори меѓу Русија и Украина може да се одржи на 7 март. Ова денеска го објави изданието „Украинска правда“, повикувајќи се на извор близок до украинскиот претседател Володимир Зеленски, пренесува ТАСС.

– Чекаме потврда од Русите. Нашиот предлог е 7 март, изјавил изворот за медиумот.

Претходно денеска, Михаил Подољак, советник на шефот на кабинетот на претседателот на Украина, изјави за „Страна“ дека преговорите ќе се одржат во следниот ден или два.

На 28 февруари се одржаа првите руско-украински разговори во регионот Гомел во Белорусија. Руската делегација ја предводеше помошникот на претседателот Владимир Медински. Вториот круг се одржа на 3 март во Беловежскај Пушча. Медински ги оквалификува договорите постигнати со украинската страна како резултат на преговорите – значаен напредок. Поточно, Москва и Киев успеаја да се договорат за хуманитарни коридори за цивилното население, потсетува ТАСС.

The post Третата рунда руско-украински преговори може да се одржи на 7 март appeared first on Република.