Дејвид Арахамија, шефот на украинската делегација во преговорите со Русија, позитивно ја оценува улогата на рускиот олигарх Роман Абрамович во преговорите, во прво време како „неофицијален канал за комуникација“.

Всушност, да бидам искрен, улогата што ја игра е многу позитивна. Но, не разбирам зошто почна да игра јавна улога. Во почетокот тој беше дополнителен канал во комуникациите, неофицијален канал што помага да се зборуваат сложени работи на нормален човечки, а не на дипломатски јазик, изјави украинскиот преговарач.

Тој повеќе не се ни крие, тој е веќе дел од лицата вклучени во преговорите - рече тој.

Арахамија смета дека Абрамович се обидува да се позиционира како неутрална страна во преговарачкиот процес.

Иако не го доживуваме како неутрална страна, сепак можеме да кажеме дека тоа е понеутрална од официјалната страна на преговорите, додаде шефот на украинската делегација.

The post Украински преговарач за улогата на Роман Абрамович во преговорите appeared first on Република.

Украинскиот министер за надворешни работи, Дмитро Кулеба, им порача на украинските преговарачи да не јадат ни пијат ништо додека се на преговори со Русија, затоа што Роман Абрамович наводно е отруен.

Вчера медиумите објавија дека Абрамович развил симптоми на труење по патувањето во Киев.

Ги советувам сите што одат на преговори со Руската Федерација да не јадат и пијат ништо. И, ако е можно, избегнувајте да допирате каква било површина. Тоа е од прва рака.

 

Второ, сите тие приказни - некој слушнал нешто некаде, некои извори - сега ги има многу, затоа што сите се жедни за вести, сензација - изјави Кулеба, а пренесува „Скај њуз“.

Во Истанбул тденеска треба да се одржи нова рунда преговори, прва во последните две недели. Украинската делегација синоќа пристигна во Истанбул, на мировни преговори со нивните руски колеги.

Делегацијата е предводена од украинскиот министер за одбрана Олексеј Резников, како и Михајло Подољак, шефот на кабинетот на претседателот.

Тие велат дека нивниот главен приоритет е да се обезбеди прекин на огнот, иако не се сигурни дека тоа е можно.

Средбата треба да почне во вторник во 10:00 часот по локално време (07:00 GMT).

Едно од барањата на Русија е Украина да се откаже од обидот да стане членка на НАТО, што е прашање за кое украинскиот претседател Володимир Зеленски изјави дека е подготвен на компромис.

The post Украинскиот министер ги предупреди преговарачите: Не јадете, не пијте и не допирајте ништо appeared first on Република.