Вчера во 08.20 часот во ОВР Гостивар било пријавено дека на регионален пат Гостивар - с.Градец, во с.Врапчиште, патничко возило „фолксваген пасат“ со гостиварски регистарски ознаки, управувано од Е.Ќ.(42) од гостиварско Здуње, удрил во малолетен пешак.

Во несреќата, пешакот се здобил со тешки телесни повреди констатирани во Ургентен центар Гостивар.

Увид на местото извршила екипа од ОВР Гостивар.

The post Тешко повредено прегазено дете appeared first on Република.

Вчера во 13.00 часот во СВР Скопје било пријавено дека на крстосница од ул.„Џон Кенеди“, ул.„Цветан Димов“ и бул.„Христијан Тодоровски Карпош“, патничко возило „фолксваген“ со скопски регистарски ознаки, управувано од И.К.(31) од с.Блаце, скопско, удрило во малолетен пешак од Скопје, соопшти МВР.

Во несреќата со тешки телесни повреди се здобил малолетникот, констатирани во Градската општа болница „Св.Наум Охридски“ во Скопје.

Извршен бил увид од увидна екипа на СВР Скопје.

The post Прегазено дете во Чаир appeared first on Република.

Вчера околу 13.30 часот во Полициската станица Валандово било пријавено дека во двор на основно училиште во Валандово, мотоцикл, управуван од малолетник од Валандово, удрил во малолетен седумгодишен пешак од с.Пирава, валандовско.

Детето со итна помош прво било однесено во Здравствениот дом во Валандово, а откако му биле утврдени сериозни повредени било префрлено во општата болница во Гевгелија, а оттаму на крајот е донесено во Градската болница за хируршки болести „Свети Наум Охридски“ во Скопје.

Полицијата извршила увид.

The post Дете прегази дете во школски двор во Валандово appeared first on Република.

Во СВР Велес синоќа во 21:55 часот било пријавено дека на главната улица „Благој Ѓорев“ во Велес, патничко возило „цитроен“ со велешки регистарски ознаки, управувано од 35-годишната велешанка М.Р. удрило во малолетен пешак. Во несреќата со тешки телесни повреди се здобил малолетникот, информира денеска портпаролот на СВР Велес, Билјана Ѓаковска.

https://republika.mk/vesti/crna-hronika/pregazeno-dete-vo-veles/

Таа додава дека по овластување на јавен обвинител извршен бил увид од увидна екипа од СВР Велес.

Како што информира за МИА портпаролот на ЈЗУ Општа болница Велес, Марина Андова, малолетникот бил прегледан на Одделот за Радиодијагностика по што било утврдена скршеница на левата потколеница, и по дадената лекарска помош поради тежината на повредата малолетникот бил препратен на Клиниките во Скопје на понатамошно лекување.

The post Детето прегазено во Велес поради тешките повреди пренесено на скопските клиники appeared first on Република.

Вчеравечер во 21.55 часот во СВР Велес било пријавено дека на ул.„Благој Ѓорев“ во Велес, патничко возило „цитроен“ со велешки регистарски ознаки, управувано од 35-годишната М.Р. од Велес, удрило во малолетен пешак.

Во несреќата со тешки телесни повреди се здобил малолетникот, констатирани во Општа болница Велес.

По овластување на јавен обвинител извршен бил увид од увидна екипа од СВР Велес.

The post Прегазено дете во Велес appeared first on Република.

Вчера во 15.55 часот во СВР Скопје било пријавено дека на ул.„Методија Митевски“ во Скопје патничко возило „форд“ со скопски регистарски ознаки, управувано од Б.М.(41) од Скопје удрило во пешак-малолетник од Скопје.

Во несреќата со тешки телесни повреди се здобил малолетникот, констатирани во Градската општа болница „Св.Наум Охридски“, соопштува МВР.

Извршен бил увид од увидна екипа од СВР Скопје.

The post Прегазено дете во Топанско appeared first on Република.

Вчера во 11.20 часот во СВР Скопје, било пријавено дека на крстосница од ул.„Варшавска“ и ул.„Виенска“ во Скопје патничко возило „хјундаи“ со скопски регистарски ознаки, управувано од Б.К.(72) од Скопје, удрило во малолетник од Скопје, соопшти денеска МВР.

Во несреќата со тешки телесни повреди се здобил малолетникот, констатирани во Комплексот клиники „Мајка Тереза“ во Скопје. Извршен бил увид од увидна екипа од СВР Скопје, велат од полицијата.

За овој случај вчера реагираше родител на дете ученик во скопското училиште „Јан Амос Коменски“:

https://republika.mk/vesti/skopje/roditel-od-opshtina-karposh-do-stevcho-jakimovski-pred-uchilishteto-komenski-ti-zgazija-dete-nem-si-na-nashite-barana-samo-profit-te-interesira/

The post Детето прегазено пред „Коменски“ се здобило со тешки повреди appeared first on Република.

Осумнаесетгодишниот тетовец Ш.И., вчеравечер во СВР Тетово пријавил дека на улица „Киро Ристевски-Дрнц“ во Тетово околу 21 часот физички бил нападнат
од неколку лица.

Претходно, како што пријави, тој со неговото патничко моторно возило „фолксваген поло“ со тетовски регистарски ознаки удрил во малолетно лице и кога излегол да види што се случило уследил нападот.

Малолетникот се здобил со телесни повреди констатирани во тетовската Клиничка болница.

Се расчистува и документира случајот, велат од СВР Тетово.

The post Толпа нападнала возач кој удрил во дете, тоа е само полесно повредено appeared first on Република.

Обвинителството ќе вложи жалба на висината на казната одредена за Шукри Зеќири од Скопје, 21-годишниот возач кој на 12 октомври на булеварот „Никола Карев“, на делот познат како „Пластичарска“ удри десетгодишно дете кое од ударот почина на самото место, а тој избега и денеска беше осуден на единствена казна затвор од две години и три месеци, информираат од Основното јавно обвинителство Скопје за МИА.

Казната денеска во Основен кривичен суд му ја одреди судијката Марија Клетничка, а тој беше гонет за кривично дело „тешки дела против безбедноста на луѓето и имотот во сообраќајот“ и кривично дело „неукажување помош на лице повредено во сообраќајна незгода“.

Согласно законот, за „тешки дела против безбедноста на луѓето и имотот во сообраќајот“ е предвидена казна затвор во траење од една до пет години, па за наведеното кривично дело судот му утврдува казна затвор во траење од 2 години, и сторил едно кривично дело за неукажување помош на лице повредено во сообраќајна незгода од член 301 став 1 од КЗ, за кое кривично дело согласно законот е предвидена парична казна или затвор до една година, па за наведеното кривично дело судот му утврдува казна затвор во траење од шест месеци, рече судијката.

Дополни дека судот обвинетиот Шукри Зеќири го осудува на единствена казна затвор во траење од две години и три месеци.

Согласно член 47 од КЗ во наведена казна затвор во траење од две години и три месеци на обвинетиот му се засметува секое лишување од слобода по однос на предметните кривични дела, како и времето поминато во куќен притвор сметано од 12.10.2023 година од 17:25 часот до правосилноста на пресудата врз основа на признание на вина на Основен кривичен суд Скопје КБР 2083/23 од 15.11.2023 година но најдолго 60 дена сметано од 15.11.2023 како ден на објава на пресудата, појасни Клетничка.

На обвинетиот, судијката му одреди и казна забрана за управување со моторно возило во период од три години со што времето поминато во затвор не се смета во казната и му ја продолжи и мерката куќен притвор сѐ до правосилноста на пресудата.

Како што образложи судијката при денешната пресуда, Судот како отежнувачки околности при изрекувањето на пресудата ги земал зачестеноста на овие кривични дела, степенот на кривичната одговорност на обвинетиот и објектот на зашитита кога како жртва во конкретниов случај се јавува 10 годишно дете кое прерано го загуби својот живот, како и исклучителната болка која е предизвикана кај членовите на неговото семејство.

Околноста дека обвинетиот по случувањето воопшто не застанал да види дали може да укаже лекарска помош или да повика брза помош и со самото тоа евентуално спасување на животот на жртвата, околноста што обвинетиот го управувал возилото со брзина од 76 километри на час, која е повисока од законски пропишаната брзина од 50 километри на час, на место каде што нема одбележан пешачки премин на растојание од 100 метри, каде што нема заштитна ограда а има голема фреквенција на пешаци, појасни Клетничка.

Додека, како олеснувачки околности ги зема личните прилики на обвинетиот, особено, како што рече, возраста на обвинетиот, која е млада личност на возраст од 21 година, неговата материјална, социјална и семејна положба, околноста што обвинетиот не е осудуван, и против него не се водат постапки за други кривични дела како и неговото целосно признание на вина со кое, според неа, придонесе кон брзо решавање на постапката како и каењето и жалењето на обвинетиот.

А и околноста што одреден степен на вина во сообраќајната незгода е најдено и на страна на жртвата која започнала да преминува попречно преку коловозот со трчање од лево кон десно, гледано во насока на движење на патничкото моторно возило, на место на кое нема обележан пешачки премин, во ситуација која на растојание помало од 100 метри нема обележан пешачки премин без да обрне внимание на возилата кои се движат по булеварот, рече судијката.

Во изјава за медиуми по пресудата, таткото на жртвата изјави дека очекувале дека казната треба да биде над 10 години.

Повеќе да е од 10. Да изгубиш дете со две години, ова не е реално. Се знае кога губиш дете како се чувствуваш. Од тоа нема повеќе тежина. Не му посакувам на никому ова да му се случи. Ама ако имаме држава треба правилно да се суди, рече тој.

Процесот го води судијката Марија Клетничка, а застапник на обвинението е обвинителот Даниел Коцев.

The post „Да изгубиш дете со две години, ова не е реално“, вели таткото за казната доделена на возачот кој го усмрти неговиот син appeared first on Република.

Единствена казна затвор од две години и три месеци одреди судијката Марија Клетничка од Основниот кривичен суд Скопје за 21-годишниот Шукри Зеќири од Скопје, кој на 12 октомври на булеварот „Никола Карев“, на делот познат како „Пластичарска“ во Скопје удри десетгодишно дете кое од ударот почина на самото место, а тој избега.

На обвинетиот, судијката му одреди и казна забрана за управување со моторно возило во период од три години со што времето поминато во затвор не се смета во казната и му ја продолжи и мерката куќен притвор сѐ до правосилноста на пресудата.

Обвинетиот Зеќири претходно пред Судот го призна делото кое му се става на товар, но рече дека избегал од страв да не биде тепан.

Според обвинението од Основното јавно обвинителство Скопје, обвинетиот се товари за кривично дело „тешки дела против безбедноста на луѓето и имотот во сообраќајот“ по член 300 став 4 во врска со член 297 став 3 во врска со став 1 и кривично дело „неукажување помош на лице повредено во сообраќајна незгода“ по член 301 став 1 од Кривичниот законик.

The post Две години и три месеци затвор за возачот што усмрти дете на „Пластичарска“ appeared first on Република.

Судењето за сообраќајната несреќа во која животот го загуби десетгодишно дете на булеварот „Никола Карев“, на делот познат како „Пластичарска“ во Скопје, денеска во Основниот кривичен суд заврши со признание на вина на 21-годишниот возач.

Обвинетиот на 12 октомври во 16:40 часот на булеварот „Никола Карев“ во Скопје не се придржувал до пропишаните прописи и возел со 76 километри на час, и со предниот дел од возилото удрил во телото на пешак – дете родено 2013 година кое како пешак попречно го поминувало коловозот надвор од обележан пешачки премин. Од ударот детето починува на лице место, а возачот го напушта местото на несреќата без да укаже помош.

Обвинетиот 21- годишен возач од Скопје, денеска пред Судот го призна делото кое му се става на товар, но рече дека избегал од страв да не биде тепан.

Многу ми е жал за тоа што го сторив. Се каам за тоа што го направив. Не можам да спијам. Свесно и доброволно признавам, рече обвинетиот.

Јавниот обвинител Даниел Коцев од ОЈО Скопје, во завршен збор, побара при одмерувањето на казната Судот да ги има в предвид сите олеснителни и отежнителни околности, како и да делува превентивно за другите учесници во сообраќајот.

Со оглед дека обвинетиот го призна делото, предлагам Судот при одмерување на казната да ги има во предвид сите олеснителни околности, како возраста, признанието на вина и тоа дека вештакот одреден степен на вина за несрќата најде и на страната на жртвата. Како исклучително отежнувачките околности, пред се тоа дека жртвата е 10-годишно детенце и исклучителната болка предизвикана на семејството, како и дека по случувањето на несреќата обвинетиот воопшто не застанал да види што се случило и да укаже помош на жртвата и дека возилото го управувал со брзина поголема од законски предвиденото ограничување од 50 километри на час, изјави јавниот обвинител.

Адвокат на обвинетиот по службена должност, во завршен збор рече дека одбраната нема како, а да не се согласи со завршниот збор на обвинителот, особено што е прерано загубен еден детски живот, што не требало никогаш да се случи, но и за уште еден прерано уништен живот на обвинетиот. Тој побара од Судот да даде шанса на обвинетиот да го продолжи животот, со оглед на неговата возраст и дека никогаш не сторил никакво кривично дело, изјави адвокатот на обвинетиот.

Судијката Марија Клетничка Марковска пресудата ќе ја објави на 15 ноември.

Возачот се наоѓа во куќен притвор, а според обвинението од ОЈО Скопје се товари за кривично дело тешки дела против безбедноста на луѓето и имотот во собраќајот по член 300 став 4 во врска со член 297 став 3 во врска со став 1 и кривично дело неукажување помош на лице повредено во сообраќајна незгода по член 301 став 1 од Кривичниот законик.

The post 21-годишникот кој со 76 км/час на Пластичарска уби дете призна вина за сообраќајката appeared first on Република.

Вчера во 20 часот во Полициската станица Струга било пријавено дека на ул.„ЈНА“ во Струга, малолетник од Струга, управувајќи мотоцикл со струшки регистарски ознаки, удрил во малолетен пешак од Струга.

Во несреќата пешакот се здобил со тешки телесни повреди, констатирани во Специјална болница „Св. Еразмо“ во Охрид.

Извршен бил увид од увидна екипа на Полициската станица Струга.

The post Малолетник на мотор прегази дете appeared first on Република.

Вчера околу 16.45 часот во СВР Скопје било пријавено дека на крстосница од ул.„Васко Карангелевски“ и сервисна улица, патничко моторно возило „тојота“ со скопски регистарски ознаки, управувано од С.Ѓ.(35) од Демир Капија, удрило во малолетен пешак од Скопје.

По несреќата малолетникот бил пренесен во Комплекс клиники „Мајка Тереза“ каде му биле констатирани тешки телесни повреди.

Увид на местото на настанот извршила екипа од СВР Скопје.

The post Прегазен малолетник во Аеродром appeared first on Република.

Вчера во 17.00 часот во Гостивар во населба Фазанерија 2, патничко моторно возило „голф“ со гостиварски регистарски ознаки, управувано од А.С.(39) од Кичево, удрило во малолетен пешак од Гостивар.

По несреќата пешакот бил пренесен во Општата болница во Гостивар каде од лекар му биле констатирани тешки телесни повреди.

Увид на местото на настанот извршила екипа од Полициска станица Гостивар.

The post Прегазено дете во Гостивар appeared first on Република.

Вчера во 14.00 часот во СВР Скопје било пријавено дека на ул.„Христијан Тодоровски Карпош“ во Скопје, патничко возило „фиат“ со скопски регистарски ознаки, управувано од У.И.(62) од Скопје, удрило во малолетен пешак од Скопје.

По несреќата малолетникот бил пренесен во Комплекс клиники „Мајка Тереза“ каде му биле констатирани тешки телесни повреди.

Увид на местото на настанот извршила екипа од СВР Скопје.

The post Прегазен малолетник во Чаир appeared first on Република.

Вчера вo 13.50 часот во Скопје на раскрсница од ул.„Аугуст Цесарец“ со ул.„Благоја Паровиќ“ во Скопје, патничко возило „дачија логан“ со скопски регистарски ознаки, управувано од Б.Ј.(25) од Скопје, удрило во малолетен пешак од Скопје.

Во несреќата пешакот се здобил со тешки телесни повреди, констатирани во Комплекс клиники „Мајка Тереза“.

Увид на местото извршила екипа од СВР Скопје.

The post Прегазено дете во Чаир appeared first on Република.

Вчера околу 12 часот  во СВР Тетово пријавено е дека 34-годишниот З.С. од тетовска Мала Речица, враќајќи се наназад со своето патничко моторно возило „ауди“ во дворот пред семејната куќа, не го забележал и според пријавеното, удрил во малолетниот син, при што му нанел тешки телесни повреди констатирани во тетовската Клиничка болница.

Извршен е увид од екипа на Секторот за внатрешни работи Тетово.

The post Тешко повредено дете откако татко му го прегазил возејќи рикверц appeared first on Република.

Вчера (12 април) во 18 часот и 10 минути во СВР Тетово пријавено е дека на крстосницата на улиците „18 Ноември“ и „Београдска“ во Гостивар, патничко моторно возило „опел“ со гостиварски регистарски ознаки управувано од косовскиот државјанин со престој во Гостивар Е.Х.(25), удрило во малолетен пешак од Гостивар.

Во несреќата малолетникот се здобил со тешки телесни повреди констатирани во гостиварската Општа болница „Ферид Мурад“.

На местото на несреќата увид извршила екипа од Одделението за внатрешни работи Гостивар.

The post Косовар прегази дете во Гостивар, со тешки повреди е во болница appeared first on Република.

Вчера во 22:00 часот во Полициската станица Аеродром, 74-годишен скопјанец пријавил дека тој и неговата сопруга биле измамени од едно лице за сума од 3.500 евра. Според пријавеното, лицето им се јавило околу 09:15 часот и ги известило дека нивниот син предизвикал сообраќајна несреќа во која починало дете и доколку сакаат да се спаси од затвор ќе треба да му дадат пари. Како што е пријавено, тие се договориле и му ги дале парите, но подоцна сфатиле дека се измамени. Се преземаат мерки за расчистување на случајот.

Иста измама била пријавена и во 20:30 часот во Полициската станица Аеродром, 84-годишна скопјанка пријавила дека била измамена од едно лице за сума од 60.000 денари и 1.700 евра. Според пријавеното, лицето ѝ се јавило околу 17:30 часот и ја известило дека нејзината ќерка предизвикала сообраќајна несреќа во која починало дете и доколку сака да ја спаси од затвор ќе треба да му даде пари. Како што е пријавено, тие се договориле, по што му ги дала парите, а откако ќерка ѝ дошла дома таа сфатила дека е измамена. Се преземаат мерки за расчистување на случајот.

The post Платил 3.500 евра за синот да не му оди во затвор за прегазување на дете, после сфатил дека е измамен appeared first on Република.

Малолетник е тешко повреден откако вчера во него удрил автомобил на бул.„Александар Македонски“ во Скопје.

Според информациите од МВР, С.Ш.(29) од с.Марино, општина Илинден, управувајќи патничко возило „мерцедес“ со скопски регистарски ознаки, удрил во малолетен пешак.

Во несреќата малолетникот се здобил со тешки телесни повреди констатирани во Комплексот клиники „Мајка Тереза“-Скопје. Увид на местото извршила екипа од СВР Скопје.

The post Тешко повредено дете откако „мерцедес“ удрил во него appeared first on Република.