Граѓаните на Бугарија денеска избираат 240 пратеници во 51. Народно собрание. Ова се шести предвремени парламентарни избори по редовните на 4 април 2021 година. Последните предвремени избори се одржаа на 9 јуни годинава.

Изборниот ден почна во 7 часот, а завршува во 20 часот, и може да се продолжи до 21 часот ако пред избирачкото место има гласачи кои не гласале. Гласањето во странство започнува во 7 часот и завршува во 20 часот, односно 21 часот по локално време.

На изборите за Национално собрание учествуваат 19 партии, девет коалиции и еден независен кандидат.

Бугарскиот претседател Румен Радев и даде мандат на Бугарската централнодесничарска партија ГЕРБ да формира влада по последните избори во јуни, на кои партијата освои најмногу гласови и обезбеди 68 места во 240-члениот парламент.

ГЕРБ, сепак, не успеа да формира мнозинска коалиција.

Мандатот потоа им беше понуден на другите партии, но и тие не успеаја да направат мнозинска коалиција, поради што беа организирани нови избори.

Според податоците на „Алфа Рисрч“, се очекува излезноста да биде меѓу 30 и 32 отсто.

The post Бугарија гласа на седмите предвремени парламентарни избори во четири години appeared first on Република.

Арбр Адеми, потпретседател на ДУИ која e дел од коалицијата „Европски фронт“ на денешната прес-конференција ги повика граѓаните на 8 мај да гласаат според нивната индивидуална волја.

- Што се однесува до претседателските избори, граѓаните треба да одлучат како ќе се однесуваат во вториот круг од претседателските избори. Тие се слободни да гласаат врз основа на нивната слободна волја. Тие ќе треба да одлучат како да се однесуваат. Во среда ве покануваме да бидете дел од народниот референдум, повеќе од кога било да ја поддржите платформата на „Европскиот фронт“. Никој не може да го прекине европскиот пат на нашата држава. Во среда масовно да излеземе и да гласаме, рече Адеми.

The post И ДУИ ги повика граѓаните да гласаат на изборите appeared first on Република.

Претседателот на Собранието Јован Митрески се очекува денеска попладне да ги распише претседателските и парламентарните избори 2024. Седмите претседателски избори, според политичкиот договор, треба да се одржат на 24 април, додека на 8 мај ќе се одржат единаесетите парламентарни избори, коишто овој пат ќе бидат редовни. Доколку има втор круг од претседателските избори, тие ќе се совпаднат со парламентарните избори и ќе се одржат на 8 мај.

Според Изборниот законик, откако Митрески ќе ги потпише решенијата за распишување на изборите, тие треба да бидат проследени до Државната изборна комисија (ДИК), која ќе усвои роковници со што почнуваат изборните дејствија. Кампањата за претседателските избори се очекува да започне на почетокот на април и неколку дена да се совпадне со кампањата за парламентарните избори. Според објаснувањата од ДИК, за двата изборни процеси ќе има посебни роковници за спроведување на изборните дејствија.

Согласно членот 8а од Изборниот законик, од денот на донесување на одлуката за распишување на избори односно од денеска до завршување на изборот на претседател и пратеници во Собранието и изборот на Владата согласно со резултатите од изборите не може да се започне со изградба со средства од буџетот или од јавни фондови или со средства на јавни претпријатија и други правни лица што располагаат со државен капитал на нови објекти во инфраструктурата како патишта, водоводи, далноводи, канализација, спортски игралишта и други објекти или објекти за општествени дејности како училишта, градинки и други објекти, освен ако за таа намена претходно се обезбедени средства од буџетот, односно се работи за реализација на програма донесена врз основа на закон во тековната година.

Исто така не може да се вршат исплати на надоместоци од буџетски средства или од средства на јавните фондови кои не се редовни месечни исплати, ниту да се отуѓува државен капитал или да се потпишуваат колективни договори. Нема да може да се започне постапка за вработување на нови лица или постапка за престанок на работен однос во државни и јавни институции, а започнатите постапки се ставаат во мирување, освен во случаи на итни и неодложни работи.

Во периодот од 20 дена пред отпочнување на изборната кампања се до завршување на изборот на претседател и пратеници во Собранието и изборот на Владата согласно со резултатите од изборите не може да се одржуваат јавни настани по повод започнување на изградба или пуштање во употреба на објекти изградени со средства од Буџетот или од јавни фондови, или со средства на јавни претпријатија или други правни лица што располагаат со државен капитал. Под забрана за одржување на јавни настани не се подразбира давање на јавна изјава на носител на јавна функција или кандидат за носител на јавна функција на митинг, интервју на медиум, дебата на медиум или одговор на новинарско прашање.

Исто така од денеска до завршување на изборот на претседател и пратеници, Министерството за финансии е должно сите буџетски исплати, освен редовни плати, пензии и комунални трошоци, да ги објавува јавно на интернет страна во посебна база за буџетски трошоци во изборен период.

Министерството за финансии две недели по распишување на изборите поднесува предизборен финансиски извештај во кој ќе биде опфатен преглед на сите планирани и реализирани приходи и расходи од Буџетот по ставки, во периодот од почетокот на фискалната година до денот на поднесување на извештајот кој се објавува на веб страната на Министерството за финансии.

Јавните фондови, јавните претпријатија и сите други правни лица што располагаат со државен капитал, во рок од десет дена од денот на донесувањето на одлуката за распишување на избори за претседател и пратеници во Собранието, се должни до Државната комисија за спречување на корупцијата да достават податоци за бројот, видот, регистарската таблица и возната состојба на моторните возила со кои располагаат. Податоците се доставуваат во електронска форма на образец кој на предлог на ДКСК го пропишува ДИК.

ДКСК на својата веб-страница го објавува регистарот на службени моторни возила на јавните фондови, јавните претпријатија и сите други правни лица што располагаат со државен капитал. Доколку правните лица не достават податоци, ДКСК покренува прекршочна постапка во рок од 15 дена од истекот на рокот за доставување на податоците.

The post Претседателот на Собранието денеска ќе ги распишe парламентарните и претседателските избори appeared first on Република.

Претседателот на Собранието Јован Митрески утре ќе ги распише и претседателските и парламентарните избори, потврдуваат за МИА од владејачките партии. Според договорот на политичките партии, седмите претседателски избори ќе се одржат на 24 април 2024 година, додека на 8 мај 2024 година ќе се одржат единаесетите парламентарни избори, којшто овој пат ќе бидат редовни.

Претседателот на Собранието Митрески во текот на утрешниот ден се очекува да ги потпише решенијата за распишување на изборите и потоа тие да бидат проследени до Државната изборна комисија, која треба да усвои роковник со што почнуваат изборните дејствија.

Согласно членот 8а од Изборниот законик, од денот на донесувањето на одлуката за распишување на избори до завршување на изборот на претседател и пратеници во Собранието и изборот на Владата согласно со резултатите од изборите не може: да се започне изградба со средства од буџетот или од јавни фондови или со средства на јавни претпријатија и други правни лица што располагаат со државен капитал на нови објекти во инфраструктурата како патишта, водоводи, далноводи, канализација, спортски игралишта и други објекти или објекти за општествени дејности училишта, градинки и други објекти, освен ако за таа намена претходно се обезбедени средства од буџетот, односно се работи за реализација на програма донесена врз основа на закон во тековната година. Исто така не може да се вршат исплаќања на плати, пензии, социјална помош или други исплати и материјални надоместоци од буџетски средства или од средства на јавните фондови кои не се редовни месечни исплати односно сите едногодишни трансфери и исплати или еднократни трансфери од буџетски средства или од средства на јавни фондови ниту да се отуѓува државен капитал ниту да се потпишуваат колективни договори. Нема да може да се започне постапка за вработување на нови лица или постапка за престанок на работен однос во државни и јавни институции, а започнатите постапки се ставаат во мирување, освен во случаи на итни и неодложни работи.

The post Митрески уште се консултирал за распишување на парламентарните избори appeared first on Република.

Годинава која почна ќе биде во знакот на избори, и наши и европски. Сѐ ќе застане на неколку месеци поради претседателските и парламентарните избори во Македонија, но и во ЕУ поради изборите во Европскиот парламент.

За застојот во економијата не се грижиме бидејќи економијата и онака е колабирана и без нови странски инвестиции а постоечките едвај живуркаат. Последното место по раст на БДП во регионот со години е резервирано за Македонија.

Изборната процедура ќе почне веќе на крајот на овој месец кога треба да биде изласана техничката владата.Т.н „Пржинска влада“ е наследство од СДСМ кога по секоја цена сакаше да влезе во власта без избори.ВМРО-ДПМНЕ од позиција на опозиција предлагаше таа да се укине но СДСМ одби поради „бесата“ што им ја даде на ДУИ последните сто дена премиерот да биде Албанец.Така и ќе биде и до изборите премиер ќе биде Талат Џафери.

Поранешниот командат на УЧК ќе биде премиер најмалку до јуни, односно до формирањето на новата Влада. Последните анкети покажуваат речиси двојно водство на ВМРО-ДПМНЕ пред СДСМ.

Слична е состојбата  и за претседателските избори.Кандидатот на ВМРО-ДПМНЕ кој ќе се избере на втори март се очекува да има најмалкку 150.000 предност пред најверојатниот избор на СДСМ Стево Пендаровски.

Во однос на европските избори немаме никакви очекувања.Македонија и онака нема да добие датум за преговори поради неразумните барања од  Бугарија и удоволувањата од страна на ЕУ. За нас  ЕУ сигурно нема да побара Радев да излезе да испие кафе додека се носи одлуката за почеток на преговорите.

The post 2024 ќе биде година на избори – и наши и европски appeared first on Република.

Претставници на владината коалиција остануваат на ставот за одржување редовни парламентарни избори, на ист ден со претседателските, а според неофицијалните сознанија на министерот за правда кој е од редовите на Алијанса за Албанците Кренар Лога, 8 мај ќе биде датум за одржување на двата изборни циклуса.

-Неофицијално јас знам дека тој датум ќе биде и официјален датум. Како и да е, ќе треба деновиве мнозинството да заземе став, а после и со опозицијата, а верувам дека тој ќе биде датумот за двата изборни циклуса, рече Лога на новинарско прашање дали 8 мај ќе биде датум за изборите.

И вицепремиерот и министерот за политички систем и односи меѓу заедниците, Артан Груби, вели дека во мај има простор за одржување на редовните избори.

-Мислам дека сите политички партии се согласни изборите да се одржат заедно и да не бидат предвремени, затоа што во мај има простор да се одржат, согласно нашето законодавство, редовни избори, заеднички значи, и претседателски и парламентарни, и се надевам дека во рок од неколку дена ќе се донесе заедничка одлука за да се одржат тие избори, рече Груби.

Вицепремиерот за економски прашања Фатмир Битиќи, пак, вели дека СДСМ  остануваат на позицијата конечно после многу години да има редовни парламентарни избори.

-Ние се уште како Социјал демократски сојуз остануваме дека треба да има редовни парламентарни избори, конечно еднаш, после низа години, во нашата држава да има редовни парламентарни избори, се друго е работа на дискусија, рече Битиќи, кој со Лога и Груби  учествуваа на Свечената академија по повод 115-годишнината на Битолскиот конгрес и Деновите на Албанската азбука, што ја организираше Владата.

Во однос на прашањето дали ќе има заеднички листи помеѓу ДУИ, АА и СДСМ, сите тројца велат дека се отворени за такво нешто и оти се водат разговори за тоа.

-Европскиот фронт значи е отворен за сите политички партии што го поддржуваат европскиот пат на државата, дали е во заедничко настапување или е во заеднички листи е работа на договор. Немаме ниту партиски, ниту коалициски или пак меѓупартиски договор се уште за заеднички листи, но сите опции се отворени, изјави Битиќи околу тоа прашање.

Во однос на прашањето кој ќе биде следниот премиер на последните дена, Груби повторно потврди дека тој нема да биде и оти тоа ќе биде некој друг предложен од страна на Али Ахмети и ДУИ.

На прашањето дали АА ќе излезе од коалиција доколку нема уставни измени, Лога рече дека треба да се даде надеж на тие измени до крај и оти Алијанса ќе биде до крај за да успеат уставните измени

The post Лога го откри датумот: На двојни избори ќе гласаме на 8 мај appeared first on Република.

Демократската унија за интеграција (ДУИ) размислува претседателските и парламентарните избори да се одржат заедно. Министерот за надворешни работи Бујар Османи вели дека партијата се уште нема формална одлука оти телата не се состанале, но членството размислува за терминот за избори. Има расположение за сите опции оти сметаат дека ДУИ победува во која и да е варијанта.

The post Остана уште СДСМ: И ДУИ сака претседателските и парламентарните избори да се одржат заедно appeared first on Република.

Премиерот Димитар Ковачевски денеска изјави дека ќе имаме редовни избори, а нивниот датум ќе мора да биде договорен со сите политички партии во Собранието.

-Што се однесува до самите избори, мислам дека претседателот на ВМРО-ДПМНЕ прави замена на тези, бидејќи тој зборуваше дека ќе има предвремени избори, а јас зборував дека ќе има редовни избори. И на крајот ќе имаме редовни избори. Тоа значи дека она што јас сум го зборувал останало како така од првиот ден од кога разговаравме за изборите, бидејќи ВМРО-ДПМНЕ две години зборуваше на секои три месеци дека само што не се случиле предвремени избори коишто де факто и де јуре не се случија. Во однос на самиот датум, тој ќе мора да биде договорен со сите политички партии во Собранието, како и секогаш до сега како што бил договорен, рече Ковачевски одговарајќи на новинарско прашање на отворањето на новиот објект за форензички испитувања на Министерството за внатрешни работи.

Премиерот нагласи дека кога ќе се дојде до заедничко прифатливо решение за сите, тогаш ќе може и да почнат роковите и организацијата на изборите.

-Тој процес нормално ќе биде во текот на наредните недели и месеци отворен и кога ќе се дојде до заедничко прифатливо решение за сите, тогаш ќе може и да почнат роковите, организацијата на изборите, бидејќи ние сигурно дека ќе имаме избори со оглед на законските и уставните обврски и мандатот на сите избрани функционери во Собранието и претседателот на државата, рече Ковачевски.

Во однос на тоа кој треба да ги иницира работните групи во Собранието за евентуално да се договори датум за избори, премиерот кажа дека секогаш овие дискусии биле водени во рамки на законодавниот дом каде што се застапени сите парламентарни партии.

-Ако ги иницира Владата работните групи, тогаш тие треба да бидат во Влада, а тоа значи дека опозицисите партии не може да бидат опфатени. И затоа секогаш овие дискусии биле водени во рамки на Собранието каде што се застапени сите парламентарни партии, без разлика на тоа дали се дали од власта или дел од опозицијата, посочи Ковачевски

The post Ковачевски ја одби понудата на Мицкоски за предвремени избори appeared first on Република.

Молк во власта по понудата на лидерот на ВМРО-ДПМНЕ Христијан Мицкоски до премиерот Димитар Ковачевски самиот да го одбере датумот за предвремените парламентарни избори и вториот круг на претедателските. Според Мицкоски тоа може да биде било кој датум меѓу Велигден и Бајрам а тоа во околу десети мај следната година.

Лидерот на опозицијата е јасен дека ништо не може да го спаси СДСМ од пораз но оти е разумно да има двојни избори со огледа на економската состојба во која се наоѓа Македонија.

Мора да се договори датум за редовни избори. Ќе доживеат жесток пораз и тежок дебакл од народот. Народот треба масовно, во огромен број да им ја прати пораката на овие избори – нема играње со народот. Народот е посилен од секоја тесна клика и елита која си игра со судбината и ја одзема иднината. Доаѓаат промени-рече вчера Мицкоски.

The post Moлк во СДСМ откако Мицкоски му понуди на Ковачевски самиот да го напише датумот за избори appeared first on Република.

Лидерот на ВМРО - ДПМНЕ Христијан Мицкоски апелира до владејачката коалиција поскоро да се организираат разговори и работни групи кои ќе ги договорат термините за избори. Според него, роковите течат и има опасност од влегување во уставна криза.

Тој одговарајќи на новинарско прашање до каде е процесот за формирање на работни групи кои ќе ги утврдат датумите за избори, напомена дека ВМРО - ДПМНЕ се залага за спојување на термините за гласање на претседател и за членови на парламентот.

- Ценам дека власта треба час поскоро да се охрабри и да формираат работна група и да ги дефинираме роковите, бидејќи времето нè гази и ќе навлеземе во проблематичен период. Ако изборите бидат на 8. мај ние за помалку од сто дена веќе треба да имаме техничка влада. Ова е одлична можност и владата барем да застане на страната разумот, наместо на сила да турка процеси. Но, како и да е, ние мораме да седнеме и да разговараме за овие процеси и тие да почнат и да завршат. Не газат рокови и влегуваме во уставна и законска криза, рече Мицкоски.

Тој го повтори ставот дека е нерационално да се трошат ресурсите на граѓаните и да се организираат одвоени избори во временска разлика од триесет до шеесет денови.

- Тоа било расипнички ако некој од нас поддржи таква идеја. Јас апелирам на разум во владата. Еве, 8 мај, ден среда и претходно се гласало во среда 2020 година и тоа било случај. Тоа е датум кога вториот круг на претседателските избори ќе биде во ист ден со парламентарните. Има доволно време од 72 часа за жалби и приговори доколку постојат. Така ќе се фати рокот и на 12 мај да биде инаугуриран новиот претседател, рече Мицкоски.

https://republika.mk/vesti/makedonija/zaglavija-traktorite-od-delchevskite-nivi-propadna-lagata-na-sdsm-za-izmislenata-afera-vo-koja-sakaa-da-gi-involviraat-mitskoski-i-vmro-dpmne/

Тој се осврна и на проблемот со испразнетото место во Државната изборна комисија која, како што рече, во моментов не е комплетна.

- Според законот треба да има седум членови. Сега има шест, два на опозицијата и четири на власта. Законот е јасен треба три на опозицијата и четири од власта. Едното место е испразнето откако член на комисијата стана министер. На тоа место треба да има претставник од легитимната опозиција, а со тоа и во општинските комисии и избирачки одбори, рече тој.

https://republika.mk/vesti/makedonija/mitskoski-germanski-fats-do-srzh-ja-razgole-piramidata-na-kriminalot-koj-shto-funktsionira-vo-makedonija/

Мицкоски потврди дека нема комуникација со владејачката коалиција, освен онаа, како што ја нарече колоквијална, што се одвива во Собранието.

Мицкоски ја обвини Владата дека за шест години го зголемила долгот за речиси 2,5 милијарди евра и изрази сомнеж дека на тој начин е направен политички грабеж за да, како што рече, имаат повеќе пари за наместени тендери.

-  Долгот галопира дојде до 8,3 милијарди евра што претставува практично околу 58 проценти од БДП, рече претседателот на ВМРО-ДПМНЕ, Христијан Мицкоски за време на денешната посета на општина Зелениково, која е во рамки на акцијата „Важно е! Од тебе зависат промените“.

Мицкоски направи споредба со земјите од регионот и напомена дека Србија сега е зад Македонија со 53,5 проценти и Косово со 20 проценти. Така што политиките на Владата, додаде Мицкоски, се поразени тие капитулираа.

- Капитулираа и на друг план инфлацијата е некаде околу 8,4 проценти, а во еврозоната е 4,3 проценти речиси двојно помала. Што значи тезата дека е увезена не држи. Повторно е уште една лага на власта“, укажа Мицкоски.

Мицкоски објасни зошто сето ова се случувало во изминатите години владеење на СДСМ и ДУИ

The post Мицкоски: Споени избори се решение за да се избегне уставна криза appeared first on Република.

Со понудата на претседателот на ВМРО-ДПМНЕ Христијан Мицкоски на лидeрската средба која премиерот Ковачевски ја одби, се исцрпи можноста за договор помеѓу власта и опозицијата за уставните измени. Отсега натаму во игра се само избори, по можност предвремени.

Шансата  за договор уште повеќе се исцрпи откако власта без обезбедено мнозинство тргна во авантурата наречена уставни измени.

Иако и владејачките партии беа свесни дека се далеку од 80 пратеници, тие ја започнаа процедурата, надевајќи се до последен момент дека некој од „горе“ ќе ги разубеди или присили  пратениците од ВМРО-ДПМНЕ да ги поддржат уставните измени, односно да се повтори преспанското сценарио.

Но, сега околностите се сосема поинакви, ВМРО-ДПМНЕ е обединето како никогаш досега и тој филм беше малку веројатно дека повторно ќе се прикаже во „кино“ Собрание.

Затоа наивно личат обвинувањата  дека ВМРО-ДПМНЕ e виновно што нема уставни измени. Единствениот виновник за тоа е власта која презема обврска која не може да ја исполни и која е исклучива надлежност на Собранието.

Вина има и меѓународната заедница која им веруваше или сакаше да им верува на лагите на првите луѓе од коалцијата на СДСМ и ДУИ дека им фалат уште двајца, па уште тројца пратеници од ВМРО-ДПМНЕ и оти уставните измени ќе поминат мазно.

Дека тоа не е така се виде на гласањето на дневниот ред. За уставни измени не гласаа сите пратеници на власта, односно на некои им заглави копчето како што се вадеше Ковачевски.Но, затоа копчињата на пратениците на ВМРО-ДПМНЕ не беа заглавени и единствената опција беше „против“. Со оваа одлука се отвора патот за избори, наесен или напролет, исходот е повеќе од извесен.

The post За договор е веќе доцна, сега само избори се решение appeared first on Република.

По дебаклот со уставните измени целосно неважно е што мисли делегитимираната СДС, единствено решение се избори.СДС цела година лажеа дека имаат пратеници за уставни измени. Во петокот видовме дека не само што немаат 80, туку едвај имаат и 70,велат во ВМРО ДПМНЕ.

И пратеници од владејачкото мнозинство се против уставни измени.На Ковачевски никој повеќе не му верува. Со СДС секој ден сме се подалеку од ЕУ. Власта свесно ја заглави државата, и бега од избори, односот на СДС кон граѓаните е крајно неодговорен.Ако СДС веруваат во своите политики, ајде на избори, тоа е единствено решение за излез од кризата.

https://republika.mk/vesti/makedonija/kovachevski-da-ne-ja-drzhi-makedonija-zalozhnik-poradi-svojata-fotelja-izborite-se-edinstveno-reshenie/

The post По дебаклот со уставните измени единствено решение се избори appeared first on Република.

Ние излез од оваа ситуација во која се наоѓаме гледаме во предвремени парламентарни избори. Ова го порача лидерот ан ВМРО-ДПМНЕ, Христијан Мицкоски по средбата со претставници на Стопанската комора на Северозападна Македонија.

https://republika.mk/vesti/makedonija/mitskoski-za-voziloto-na-grubi-treba-da-se-proveri-dali-ima-skrien-imot/

Се наоѓаме во услови на голем криминал, голема корупција, неспособност, немање реформи, Влада која не може да испорача и единствено логично решение гледаме во предвремени парламентарни избори“, рече Мицкоски.Лидерот на ВМРО-ДПМНЕ посочи дека во исто време потребно е да се интервенира и во Изборниот законик.„Потребно  е распуштање на парламентот, интервенција во Изборниот законик, бришење на техничка влада и избори на есен“, посочи Мицкоски одговарајќи на новинарско прашање дали изборите се решение.

The post Мицкоски: Предвремени парламентарни избори се единствено логично решение во оваа ситуација на голем криминал и корупција appeared first on Република.

Четири недели Ковачевски имаше можност да избере меѓу двете наши понуди, но од денеска тие веќе не важат и има само една опција - предвремени парламентарни избори, соопшти претседателот на ВМРО-ДПМНЕ Христијан Мицкоски.

Во вечерашното интервју на Канал 5, тој рече дека не само што власта и опозицијата не преговараат, туку и се многу далеку од преговори.

Нашата позиција е јасна, ние играме со отворен гард. Двете опции што ги понудив на лидерската средба беа на маса до овој монент, но се уште не слушнав од Ковачевски која опција ја прифаќа, првата или втората. Од денеска има само една опција на маса - предвремени парламентарни избори, истакна Мицкоски.

Според него, можно е сценарио ВМРО-ДПМНЕ да има 61 пратеник, а последната опција е коалиција со ДУИ, особено со актуелното раководство на оваа партија.

ВМРО-ДПМНЕ има јасен став дека последната варијатна за соработка е ДУИ, посебно со ова раководство на ДУИ и се ќе направиме иднината Влада да биде без ДУИ и тука нема дилема, подвлече Мицкоски.

https://republika.mk/vesti/makedonija/mitskoski-neka-go-trgnat-bilateralniot-spor-so-bugarija-od-pregovarachkata-ramka-za-makedonija/

Тој нагласи и дека условувањето за ЕУ е бугарски диктат, а нема подобро од тоа, како што истакна, земјава да почне преговори со зачуван идентитет.

-Нема да прифатиме ваков диктат. Сакаме процес за ЕУ што ќе почне и ќе заврши. Подготвени сме да разговараме за се, но имаме свои правила за овој народ и оваа држава, рече Мицкоски.

Во однос на преговори со ЕУ рече дека очигледно дека не само што не преговараме, туку сме многу далеку од преговори.

Можам да гарантирам дека со идната влада на ВМРО-ДПМНЕ нема учебниците да стигнуваат за децата на крај од учебна година, туку пред да почне, можам да ветам дека нема пациенти да ни умираат по ходници затоа што не добиваат здравствена нега каква што заслужуваат, дека ќе имаме инфраструктурен бум и реализација на проекти какви што никога досега немало. Можам да ветам дека ќе имаме подобра економија од таа сега, дека ќе владее правото, дека ќе се бориме со криминал и корупција и дека ќе се борам да ги заштитам интересите на мојот народ и на Македонија. Кога се преговорите, ова се условите кои владата на ВМРО-ДПМНЕ и јас лично сум подготвен да ги прифатам, рече Мицкоски.

Мицкоски нагласи дека ако од другата страна има договор кој не почитува, тогаш ќе го почитува нашето чувство.

The post Мицкоски: Од денеска има само една опција – предвремени парламентарни избори appeared first on Република.

Уставните измени може да се направат оваа година, изјави лидерот на Беса и актуелен градоначалник на општина Тетово, Биљал Касами во синоќешното гостување во дебатниот магазин „Click Plus“ на ТВ21.

Верувам дека уставните измени ќе се направат годинава. Која Влада ќе ги направи овие измени, тоа е друга тема. Можни се предвремени избори. Владата треба да прифати дека со оваа политика не може да се постигне мнозинство. Ако оваа влада е заинтересирана да ги направи уставните измени и да го продолжи патот кон ЕУ, мислам дека со договор на лидерите може да се обезбеди мнозинство за уставните измени, истакна Касами.

Тој најави најави и широк опозициски фронт пред избори.

Касами вели дека сега кога Алијанса за Албанците стана дел од Владата се отвара терен за опозицијата, конкретно сите албански гласачи со опозициско убедување, сега ќе се доближат до Беса.

Освен тоа, големо е незадоволството и кај гласачите на ДУИ. Но не само тоа. И другите етнички заедници се целосно незадоволни од оваа Влада. Ние сакаме да им отвориме врата и на другите етнички заедници, на пример на Турците, Ромите, Бошњаците, и другит, вели Касами.

The post Касами: Можни се уставни измени годинава, но и предвремени избори appeared first on Република.

Расте гласот за предвремени избори во СДСМ, велат од ВМРО-ДПМНЕ, додавајќи дека само Димитар Ковачевски и Миле Зечевиќ се против, зошто „знаат дека ќе изгубат и дека потоа со нивните кариери е завршена работа“.

Ковачевски и Зечевиќ сакаат некој месец повеќе власт, зошто знаат дека народот никогаш нема да ги избере, тие може само да бидат поставени без избори како сега.

Ковачевски бега од избори за да може фирмите на неговиот кум и на неговото потесно семејство да продолжат да се шират низ државата.

Ковачевски и Зечевиќ се уплашени од избори и ја држат и СДС и државата заложник, а тие се поставени како калфи на Ахмети и го слушаат Зајас, но и Струмица.

Време е Ковачевски и Зечевиќ да се охрабрат, да нивните кариери се на мета, но не може цела држава да биде нивен заложник, велат од ВМРО-ДПМНЕ.

The post Се повеќе пратеници од СДСМ и власта се за предвремени избори, тврдат од ВМРО-ДПМНЕ appeared first on Република.

Тоа е само потврда на нашата теза дека ДУИ сака да го проголта СДСМ. Не е далеку од вистината тоа да се случи. Но, тоа ќе значи само дополнително фрагментирање на СДСМ, иако изгубија многу во изминатиов поред посебно последната година по локалните избори.

Таму има многу членови кои не се гледаат себе си во политичка коалиција со ДУИ. И тоа ќе значи природно создавање на некоја друга опција, а таму ќе останат малку, претпоставувам актуелното раководство на СДСМ, Зечевиќ и Ковачевски кои што ќе продолжат да бидат во скутот на ДУИ бидејќи ќе бидат малцински партнер,вели претседателот на ВМРО-ДПМНЕ прпф. д-р Христијан Мицкоски во интервју за порталот Вечер одговарајќи на прашањето кои се неговите планови со оглед на тоа дека можна е предизборна коалиција на СДСМ и ДУИ.
Мицкоски потенцира дека ВМРО-ДПМНЕ го гледа интересот на народот и без разлика на оваа предизборно коалицирање помеѓу СДСМ и ДУИ, ВМРО-ДПМНЕ се бори за освојување на мнозинство гласови.

Тие ќе имаат неколку десетици илјади гласови кои ќе ги додадат на гласовите на ДУИ во една таква коалиција. Дел од гласачите во таква ситуација ќе се деполизизираат, дел ќе дојдат кај нас, дел во некои од актуелните политички партии, дел пак кај некои кои можеби допрва ќе се појават. И на тој начин СДСМ ќе се соочи со еден навистина голем предизвик, а тоа е да продолжат да бидат алатка на ДУИ или пак да престанат да постојат во оваа форма.

И тоа ќе биде погрешен чекор, но тоа е нивна одлука како мислат да настапат. Ние го гледаме интересот на нашата држава. Ние ќе освоиме огромно мнозинство гласови ќе имаме најголем број пратеници, се бориме за мнозинство во парламентот и цениме дека не е невозможно да го постигнеме, рече тој.

На прашање како го коментира што им препорачува на граѓаните како да преживеат во 2023тата годона со оглед дека Буџетот на влада само за невладиниот сектор изнесува рекордни 20 милиони евра а нападите од владата кон опозицијата се синхронизирани токму од невладиниот сектор, Мицкоски смета дека добро е да има невладин сектор кој ќе биде коректив на власта, но овие 20 милиони евра кои се одвојуваат во буџетот служат само за поткуп на невладиниот сектор, за кој рече дека не го видел критички да се осврне кон власта, со мал исклучок.

Добро е да има невладин сектор, здрав невладин сектор кој што ќе биде коректив на власта. Но, проблемот е тоа што овде тоа се злоупотребува и се користи во политички цели и оваа сума на пари служи за условно кажано поткуп на тој невладин сектор кој што јас не сум го видел критички да се барем до сега со мали исклучоци кои што пак без исклучок не се корисници на тие средства од владата.Значи сите оние кои се корисници на овие средства јас не сум ги видел да излезат и да бидат коректив на власта што би требало да биде нивна основна задача, да речат ние сме коректив на власта и да ја прават владата подобра. Но, тоа не го прават. Тие се нивни партнери и тоа партнерство се купува преку овие пари. И затоа велам од една страна е добро да имаме здрав невладин сектор, но за жал кај нас овој сектор кој е корисник на тие средства е партнер на владата, што би требало да биде спротивно од тоа, додава тој.

Во однос на буџетот, Мицкоски вели дека тој е инфлаторен и неразвоен, и доколку владата на СДСМ сака да има пари за студентите доволно е само еден тендер помалку за ископ во РЕК Битола и парите ќе ги имаат.

Инаку, ги споменавте студентите. Само еден тендер помалку за ископ во РЕК Битола, ете ги парите. Толку се краде, само што сега торбарот не е во југоистокот на Македонија, сега торбарот шета тука или во локални меани таму во околината на Битола. Се смени торбарот практично, иначе процентите и парите останаа исти. Само тука да се поведе сметка и не треба ништо повеќе. Ете ги парите за студентите и уште многу други такви проекти. Буџетот за 2023 година е катастрофален и не само што е катастрофален и инфлаторен, туку е и практично е буџет кој што не носи развој. Ќе кажам зошто не носи развој. Имаше едно златно правило што го кажуваат владините министри, вели буџетскиот дефицит ќе биде помал од капиталните инвестиции. И го слушав вицепремиерот за економски прашања на една дебата со потпретседателот на ВМРО-ДПМНЕ кога му рече набројте една година кога во владата на ВМРО-ДПМНЕ ова се случило. И му наброја он, но проблемот е што сега не се случува.Ќе ви кажам и зошто. На само една недела пред крајот на оваа фискална година буџетскиот дефицит е околу 550 милиони, а капиталните инвестиции се 385 милиона. Значи, тоа е да речеме за отприлика 35 проценти поголем од капиталните инвестиции. И тоа е навистина катастрофално.Но, од друга страна, јас мразам да споредувам со минатото но морам некогаш и да направам таква споредба за да ги демантираме лагите кои што ги кажуваат, кажа Мицкоски и додаде:

Ако го споредите периодот на ВМРО-ДПМНЕ од 1 јануари 2007 година до би рекол 31 декември 2016-тата година, тоа е период од 10-тина години, и ако го споредите периодот на СДСМ од 1.1.2018-тата, ајде 2017-та беше техничка влада па не е целосно СДСМ, значи од 1.1.2018 до 31.12.2021 година, бидејќи оваа година уште не е завршена, тоа се 4 години. Ќе видите дека јавниот долг на владата на ВМРО-ДПМНЕ постои, се случува и се зголемува, но во исто времено се зголемува и БДП, односно разликата колку што е зголемен БДП со јавниот долг е од прилика за околу 120 до 130 милиони евра годишно. Тоа е некаде околу милијарда и 300, милијарда и 400 плус. 4 милијарди и 100 е зголемен БДП, а 2 милијарди и 700 е зголемен јавниот долг.

Или годишно просечно околу 130, 140 милиони евра подобрување на економската состојба. За разлика од тој период, во владата на СДСМ имаме одземена, намалена вредност, односно БДП се зголемил, но помалку споредено со јавниот долг. И тоа намалување е помалку околу 160, 170 милиони евра.

The post Мицкоски: ВМРО-ДПМНЕ ќе освои огромно мнозинство од гласовите на граѓаните на следните избори, без разлика како ќе настапат СДСМ и ДУИ appeared first on Република.

Без никаков сомнеж, не само ВМРО-ДПМНЕ, туку по анкетите кои што ги гледаме во јавноста, сите граѓани не се задоволни од начинот на кој што се движи државата и, де факто, бараат промена на оваа власт, вели потпретседателот на ВМРО-ДПМНЕ и градоначалник на Општина Аеродром, Тимчо Муцунски.

Во вечерашното гостување во „Тема на денот“ во централниот Дневник на Сител телевизија, Муцунски истакна дека на дневно ниво од разни релевантни фактори има разни индикатори за лошата состојба во државата, како влошувањето на состојбата во борбата против криминалот и корупцијата, поскапувањата на цените и зголемувањето на инфлацијата кои што граѓаните директно ги чуствуваат пазарејќи намирници за дома и кога на месечно ниво им стига плата со која не успеваат да си ги покријат трошоците.

Секојдневно ние гледаме различни индикатори. Оваа политичка коалиција која е на власт седум години, најави борба против корупцијата и реформа на правосудството, а гледаме дека состојбата постојано се влошува. Денес видовме информации дека стапката на инфлација во Македонија е дупла од европскиот просек и се даваат некои аргументи дека биле системски проблемите, како трговската отвореност на Македонија, како енергетската зависност на Македонија, но има земји и во Европа кои што имаат многу полоши статистики во делот на трговската отвореност и во делот на енергетската независност, но немаат толкав висок степен на инфлација. Што значи, системот на владеење и управување во делот на правосудството и безбедност не функционира, економијата е во катастрофална состојба. Тоа не го потврдува единствено статистиката, која е примарна, туку и тоа што го чуствуваат граѓаните при секое одење во маркет, при секоја пристигната плата, колку се потежок и потежок станува животот, образложи Муцински.

Тој додаде дека низ таа призма, во ВМРО-ДПМНЕ ги гледаат предвремените парламентарни избори, да се излезе, примарно, со една добра економска политика, со тим кој што ќе знае да ја подигне економската економија на соодветно ниво, тим кој што ќе знае вистинки и искрено да води реформи во сите овие сектори во кои што е потребно и тим кој што ќе се бори против корупцијата.

Фактот дека во последната година владеење на ВМРО-ДПМНЕ на локално ниво не сме виделе некој сериозен или голем, или било каков корупциски скандал. Гледаме чесно, транспарентно работење, домаќинско работење од страна на градоначалниците. Додека, секојдневно на медиумите гледаме за разни форми на скандали од тие кои што управуваат со централната власт. Имаме план, имаме стратегија и таа стратегија е во интерес на граѓаните на Македонија и затоа се потребни предвремени парламентарни избори, час поскоро, децидно рече Муцунски.

Без никаков сомнеж, вели Муцински, е потребно окрупнување на опозиција, на опозицискиот фронт со било кој политички субјект со кој веруваме дека ќе можеме да ја движиме Македонија во правилна насико, врз основа на политики, а не на тесни интереси како што оваа влада ДУИ, поддржана од СДСМ, треба да превземаме се што е возможно заеднички, врз основа на принципи, зошто да не и ваков тип на мерки, како што се протести, бидејќи тоа е во интерес на граѓаните.

Предвидливоста и правната сигурност е на толку ниско ниво, што сите посакуваат заради таквите состојби, што побрзо да имаме предвременни парламентарни избори. Бидејќи веруваат дека овој тим на ВМРО-ДПМНЕ, предводен од претседателот Христијан Мицкоски, заедно со сите тие опозициски структури кои што постојат во рамките на нашиот политички систем, можат Македонија да ја водат во вистинска насока и да ја европеизираме Македонија на дело, а не само низ празна демагогија да кажуваме дека се отпочнати преговори, а сите знаееме дека не се отпочнати преговори, дека е отпочнат скрининг пред преговори. Значи, дајте вистински да работиме, не само политиката да биде зборување и демагогија, туку политиката да биде прагматично работење во интерес на граѓаните, како што докажавме на локално ниво во последната година дека може да се прави тоа, колкави и да се глобалните и домашните предизвици, посочи Муцунски.

The post Муцунски: ВМРО-ДПМНЕ има тим, план и стратегија за надминување на кризата appeared first on Република.

Социјалистичката партија на Македонија со внимание се запозна со последната изјава на премиерот на Португалија, Антонио Коста во врска со проширувањето на Европската Унија, велат оттаму, додавајќи дека во контекст на сегашните институционални и буџетски услови, ЕУ не може да ги исполни очекувањата од проширувањето што сама ги создаде, а со настанатата криза самото прашање за проширување го стави во центарот на дебатата со што, многуте ветувања дадени во текот на годините, ги зголемија очекувањата, особено во земјите од Западен Балкан.

https://republika.mk/vesti/makedonija/istorijata-se-povtoruva-nova-lisabonska-deklaracija-za-makedonija/

Европската унија има многу јасни критериуми за пристапување на нови земји-членки, но таа нема критериуми за сопствениот капацитет да прими нови земји-членки. Сето ова на било кој член на македонската Влада треба да му е совршено јасно, особено на Ковачевски, Маричиќ и Османи, велат од СПМ.

Социјалистичката партија на Македонија ги осудува „лажните претстави и манипулации кои ги создава премиерот, министрите и надлежните институции во Македонија во врска со преговорите со ЕУ, кои сеуште не се ни започнати“.

Тие дрско лажат и ги манипулираат граѓаните дека за 8 години ќе станеме членка на ЕУ, а тоа нема никаква врска со реалната состојба, што се потврдува со повеќе изјави на претставници од Унијата, а особено со можните и очекувани вета од Бугарија. Уште пострашно е што тие безобразно ја злоупотребуваат евроинтеграцијата ставајќи ја во нивниот наратив преку кој перфидно сакаат да се доближат до граѓаните, а во суштина единствено сакаат да ја задржат власта, макар уште за само еден месец, за дополнителни отстапки и предавства, злоупотреби, криминали, местење тендери, распродажби и крадење исклучиво за личен материјално финансиски интерес, велат од СПМ.

Социјалистичката партија на Македонија истакнува дека Владата на Република Македонија предводена од „нелегитимниот премиер Ковачевски со полтронскиот однос и прифаќање на сè што се бара од странство, особено со неговиот вазалски однос кон Бугарија и исполнување на сите барања на Софија, само ја доуништува македонската држава“.

Социјалистичката партија на Македонија укажува дека е неопходна смена на премиерот и владата и доаѓање на нова влада која е национално определена, стручна и способна со луѓе кои ќе работат во интерес на граѓаните и државата. Затоа со итни и неодложни предвремени парламентарни избори е потребно да се направи таа смена и да се дефинираат нови стратегии кои со добиениот мандат ќе значат спас на државата и нејзината иднина, велат од СПМ.

The post СПМ: Потребни се итни и неодложни предвремени парламентарни избори appeared first on Република.

Партиските трибини не се подготовка за предвремени парламентарни избори. Ако лично се прашувам, во оваа ситуација во која се наоѓа не само Република Македонија, туку регионот, Европа, па и светот, предвремени парламентарни избори ни се повеќе луксуз отколку потреба.

Ова го изјави министерката за одбрана Славјанка Петровска вечерва во Топ тема на Телма, додавајќи дека партиските трибини се еден од инструментите што секоја  политичка партија ги применува за да биде блиску не само со членството, туку и со граѓаните. Дополнително, нагласи, како партија на власт имаме обврска да бидеме отчетни пред граѓаните.

Од безбедносен аспект, потенцира министерката за одбрана Петровска, нема дилеми дека граѓаните може „мирно да спијат“, дел сме од колективниот систем на одбрана што е постојано буден и тука сме, рече, да одговориме на сите предизвици.

Прашана кои се анализите во однос на ситуацијата во Украина и за можното најцрно сценарио, таа истакна дека сите анализи или информациии кои доаѓаат до нив по различни канали ги следат со  внимание.

Апсолутно 24 февруари оваа година покажа дека мирот не е загарантиран и не е даден еднаш засекогаш. Така што, ништо не исклучуваме, меѓутоа не би кревале дополнително  тензија во општеството. Но, мислам дека задачата на секоја институција, вклучително и на МО и на Армијата е да бидат подготвени. Работиме на сите планови, ги споделуваме навреме информациите, стигаат до нас навреме информациите. Она што не можам да го прифатам е она што се случува  во Украина, нападите на цивилните цели, нападите на нивната критична инфраструктура и се разбира тоа е со единствена цел Укарина да се предаде. Изминатиот период покажа дека тоа е лошо сценарио и нешто што тешко се остварува. Украинскиот народ покажа прилично голема храброст и отпорност кон тоа што им се случува, рече меѓу другото Петровска.

Во однос на воената соработка со Бугарија, министерката Петровска нагласи дека имаме одлична соработка во областа на одбраната во различни сфери, се разменуваат информации, наши кадри се школуваат таму, а имаме и други заеднички активности.

Тоа е пример што треба да го следат и другите сегменти од општеството, порача министерката за одбрана.

The post Петровска: Партиските трибини не се подготовка за предвремени избори appeared first on Република.