ХЕРА - Асоцијација за здравствена едукација и истражување, по повод 1 декември - Светски ден на СИДА, во соработка со средното училиште СМУГС „Д-р Панче Караѓозов“ организира работилница за средношколци, која ќе биде спроведена од тим на средношколци, а со цел да им пренесат знаења на своите соученици, пријатели и познаници на темата сексуално преносливи инфекции, со фокус на важноста од ХИВ превенцијата.

Работилницата ќе се одржи на 28 ноември, четврток, со почеток во 11.30 часот во просториите на СМУГС „Д-р Панче Караѓозов“.

Пред почетокот на работилницата, изјави за медиумите по повод Светскиот ден на СИДА ќе дадат претставници на ХЕРА, СМУГС „Д-р Панче Караѓозов“ и Оддел за епидемиологија на заразни заболувања - Институт за јавно здравје.

The post Работилница за средношколци за сексуално преносливи инфекции, со фокус на важноста од ХИВ превенцијата appeared first on Република.

Во рамки на одлежување на месецот посветен за борба против рак на дојка, под мотото „Заедно против ракот на дојка“, во просториите на Централниот комитет на ВМРО-ДПМНЕ, свое предавање за важноста на раното откривање на ракот на дојка имаше ас. др. Гордана Петковска.

Д-р Петковска е специјалист онколог, кој има богато искуство токму со пациенти со рак на дојка и се осврна на онколошкиот третман на пациентите и искуството со кое се стекнала во работата на овој оддел. Таа споделувајќи ја статистиката која говори дека секоја осма жена заболува од ова заболување која не бира ни етничка припадност,ни по опшествен статус искажа поддршка за ширење на пораката за важноста за рано откривање на оваа болест и важноста на превентивниот преглед кој е овозможен преку скрининг програмата на Министерство за здравство.

Клучна е соработката со невладиниот сектор кој дава несебична поддршка за психолошка поддршка жените кои се заболени од рак на дојка, заклучи д-р  Петковска.

The post Во просториите на Централниот комитет на ВМРО-ДПМНЕ предавање за важноста на раното откривање на ракот на дојка одржа ас. др. Гордана Петковска appeared first on Република.

На Филолошкиот факултет „Блаже Конески“ во Скопје денеска предавање ќе одржи Намита Субиото, словенечка македонистка, еден од најголемите афирматори на македонскиот јазик, литература и култура во странство и професорка на Филозофскиот факултет при Универзитетот во Љубљана.

Субиото ќе одржи предавање на тема „Ацо Шопов во контекст на македонско-словенечките книжевни и културни врски во XX век и денес“.

Како што е најавено, во рамките на настанот ќе биде претставенa и книгата „Златен круг на времето“ – избор од поезијата на Шопов на македонски и во препев на словенечки јазик што неодамна беше објавен во Словенија.

Инаку, ова издание што воспоставува дијалог помеѓу поезијата на Шопов и уметничките дела на академскиот сликар Боге Димовски е прв избор од поезијата на македонски класик објавен во странство во ваков формат, којшто ги обединува сите препејувачи, односно преведувачи што во децениите наназад се имаат посветено на пренесување на моќта на македонската поетска реч во кодот на својот мајчин јазик. Пред неполн месец се случија и првите промоции на изданието во Словенија.

На предавањето, со македонската јавност ќе бидат споделени и дел од согледбите и заклучоците од новите истражувања на совенечката книжевна македонистика за современата македонска книжевност, односно за творештвото на Ацо Шопов.

The post Словенечката македонистка Намита Субиото ќе одржи предавање за Ацо Шопов на Филолошкиот факултет „Блаже Конески“ appeared first on Република.

Денес од 10 часот на Катедрата за современ танц, при универзитетот „Гоце Делчев“, ќе се одржи работилница со познатата хрватска кореографка Соња Преград. Оваа работилница се одржува во соработка со Центарот за нови иницијативи во уметноста и културата „Локомотива“ и нивниот програм „Култренинг“.

Со оваа работилница официјално започнува сезоната 2024-2025 за студентите по современ танц, во која се планирани повеќе активности, работилници и настапи.

Соња Преград е хрватски кореограф, изведувач, педагог и куратор. Таа има магистрирано на Универизтетот за уметности во Берлин, Германија. За нејзината кореографска и изведбена работа три пати ја добива Хрватската национална театрска награда, а наградена е и како куратор на фестивалот „Импроцпекција“. Како изведувач работи со кореографите Мег Стјуарт, Борис Шармац, Изабел Шад, Сања Ивековиќ, Александра Јанева Имфелд, Ирма Омерзо и други. Континуирано предава на Катедрата за нови медиуми на Академијата за ликовни уметности и Танцовиот оддел на Академијата за драмска уметност во Загреб, Хрватска, како и на независниот програм „ROAR“ во Берлин, Германија. Соња Преград е основач и продуцент на фестивалот „Импроспекција“, кој започнува во 2007 година, како и на колективот „Антисезона“ со кој води програма за изведбена уметност во Музеј на современа уметност во Загреб, Хрватска.

The post Со работилница на хрватската кореографка Соња Преград почнуваат предвањата на Катедрата за современ танц при УГД Штип appeared first on Република.

Во рамки на програмата на КРИК 09 – Фестивал за критичка култура, вечерва во 19, 30 чаот, во Чифте амам во Скопје предавање ќе одржи политичката теоретичарка Изабел Лорај.

Како што соопштија организаторите на Фестивалот, таа ќе одржи предавање насловено како „Презентистичка демократија: Практика на грижа и квир долг“, во кое ќе се тематизираат сегашните практики и потенцијали на општествената грижа, коишто можат да бидат основа за моделот на демократија во сегашноста.

После предавањето на англиски јазик, во разговор со Артан Садику, ќе ги дискутираме прашањата: Како да се ослободиме од позицијата на субјективитетот на долгот што ни го наметнува сегашниот систем? И како да се организира дисперзирана социјализирана грижа за да се бориме против временската оскудица на сегашноста, велат организаторите.

Изабел Лорај е политичка теоретичарка и професорка по квир студии на Академијата за медиумски уметности (KHM) во Келн и работи за transversal texts (transversal.at), платформата за издаваштво на Европскиот институт за прогресивни културни политики (eipcp). Авторка е на неколку книги, меѓу кои „Состојба на несигурност: Влада на несигурните“, „Демократија во политичката сегашност: Квир-феминистичка теорија“.

Фестивалот КРИК 09, годинава се одржува со тематската рамка „Желбени машини – уметноста како (ре)волуција“.

Фестивалот е финансиски поддржан од Гете Институт, Министерството за култура на Република Македонија и програмата Креативна Европа на Европската Комисија, финансирана од Европската Унија.

The post Предавање на Изабел Лорај во Чифте амам appeared first on Република.

Програмата на деветтото издание на КРИК – фестивалот за критичка култура продолжува утре, на први јули во 19:30 часот, во Националната галерија Чифте амам, со предавање на една од најинтересните современи промислувачки на квир феминизмот, Изабел Лорај.

Таа ќе одржи предавање насловено како „Презентистичка демократија: Практика на грижа и квир долг“, во кое ќе се тематизираат сегашните практики и потенцијали на општествената грижа, кои можат да бидат основа за моделот на демократија во сегашноста.

Сегашноста, која несомнено се одликува со екстремни услови на прекарност во работата и животот, исто така отвора поле во кое споделената прекаријарност и взаемно зависење може да се зачува. Новата концепција на прекаријарност се заснова на квир/црн и конечно лош долг, долг кон меѓусебната зависност, во смисла на бескрајно должнички односи на грижа. Наспроти машкиот долг, кој наложува сигурност и е насочен кон иднината, долг кој воспоставува фиксни индивидуализирани субјективности, оној кој не ја експлоатира работата, туку општественоста и животот, и кој се базира на односот заемодавач-заемопримач, Изабел го повикува квир долгот како средство за дисперзија на грижата и политиката во сегашноста“, се вели во најавата за предавањето.

После предавањето на англиски јазик, во разговор со Артан Садику, ќе се дискутираат прашањата: Како да се ослободиме од позицијата на субјективитетот на долгот што ни го наметнува сегашниот систем? И како да се организира дисперзирана социјализирана грижа за да се бориме против временската оскудица на сегашноста?

Изабел Лорај е политичка теоретичарка и професорка по квир студии на Академијата за медиумски уметности (KHM) во Келн и работи за transversal texts (transversal.at), платформата за издаваштво на Европскиот институт за прогресивни културни политики (eipcp). Таа е авторка на неколку книги, меѓу кои „Состојба на несигурност: Влада на несигурните“, „Демократија во политичката сегашност: Квир- феминистичка теорија“.

The post Предавање на политичката теоретичарка Изабел Лорај на КРИК – фестивалот за критичка култура appeared first on Република.

„Духовниот портрет на Луан Старова“ е насловено предавањето на акад. Ферид Мухиќ, кое ќе се одржи утре, 12 април (петок), со почеток во 11 часот, во Салата за седници на Филолошки факултет „Блаже Конески“.

Роден 1941 година во Поградец, Албанија, а од 1943 год. со семејството се преселува и живее најнапред во Струга, кратко време во Тетово, а потоа во Скопје од 1945 година.

Основно образование и гимназија завршил во Скопје. Потоа студирал француски јазик и книжевност. За време на студиите работел како новинар, и како главен и одговорен уредник на весникот „Млад борец“. По дипломирањето во 1967 година, во Радио Скопје работи како новинар. Во 1968 г. станува главен и одговорен уредник на емисиите на албански јазик на Телевизија Скопје.

Во 1979 година Старова беше избран за потпретседател на Републичката комисија за културни врски со странство, бил прв главен и одговорен уредник на македонското издание на Гласникот на УНЕСКО, и член на редакцијата на меѓународното списание „Балкан – Форум“. Во 1985 година бил избран за вонреден и ополномоштен амбасадор на СФРЈ во Тунис. Бил именуван за прв амбасадор на СФРЈ во Палестинската држава. Во 1990 година бил избран за редовен професор по предметот француска книжевност на Филолошкиот факултет во Скопје, а подоцна и за шеф на катедрата на романски јазици и книжевности. Во 1994 бил именуван за прв вонреден и ополномоштен амбасадор на Република Македонија во Франција, прв постојан претставник во УНЕСКО, и нерезидентен амбасадор во Шпанија и Португалија.

За редовен член на Македонската академија на науките и уметностите е избран на 27 мај 2003. Бил секретар на Одделението за уметност, а од 1 јануари 2016 е избран за потпретседател на МАНУ. Луан Старова беше и почесен член на Академијата на науките на Албанија, член на Медитеранската Академија во Неапол и на Европската академија на науките во Салцбург.

Автор е на над 200 библиографски единици на разни стручни и научни трудови во земјата и во странство, како и на преводи на дела од Жан-Пол Сартр, Ѓерѓ Лукач, Исмаил Кадаре и други. Автор е на книгата „Француски книжевни идеи на XX век“, како и на „Балканска сага“, составена од 17 романи. За своите книжевни дела е добитник на повеќе национални и меѓународни признанија и награди.

The post „Духовниот портрет на Луан Старова“ -предавање на акад. Ферид Мухиќ на Филолошки факултет appeared first on Република.

Во среда, 20 март 2024 година, во 18 часот, во Јуроп хаус  ќе се одржи онлајн-предавањето на француско-романскиот автор Матеј Вишниек.

Матеј Вишниек е писател (драматург, новинар, поет и романописец) кој твори на француски јазик. Како и кај други уметници и интелектуалци кои се родени во Романија, но твореле во културата на дијаспората (како Константин Бранкуши, Емил Чоран, Мирча Елијаде, Ежен Јонеско, Норман Манеа, Херта Милер), уметничкото творештво и животот на Матеј Вишниек можат да се поделат на: a) годините на академското и културното оформување во Романија, родната земја со нејзините жители кои останаа негов главен извор на инспирација, независно од книжевниот жанр што го обработува, и б) зрелоста и меѓународниот успех стекнати во француската култура во која живее и го објавува најголемиот дел од своето дело.

Двата значајни аспекти од годините на неговото творење и оформување во романската културна средина се следниве: студира историја и филозофија на Универзитетот во Букурешт и е основач на Понеделничкиот кружок, координиран од професорот Николае Манолеску. Неговите пиеси објавени од 1987 до 1997 година, иако цензурирани, тајно си го наоѓаат патот до читателите заинтересирани за неговиот израз и стил. На 31-годишна возраст, кога пристигнува во Париз, Матеј Вишниек ѝ остава на романската култура веќе значајно дело: еден роман, бројни пиеси и неколку збирки поезија. Во 1987 година емигрира во Франција, во 1993 година станува француски државјанин, но продолжува да објавува паралелно на француски и на романски јазик. Живее во Париз и работи како новинар во Радио Франс Ентернасјонал. Во Франција, земјата во чија култура ќе се истакне, тој дебитира со збирката поезија „Мудрецот во времето за пиење чај“ која ја добива наградата за најдобра поетска книга во 1984 година. По декемвриската револуција од 1989 година, Матеј Вишниек станува најиграниот романски драмски писател кој твори на француски јазик во неговата родна земја, но и во уште триесет други земји.

Разликата меѓу реалноста и начинот на нејзиното претставување, меѓу зборовите и делата, светот како циркус и спектакл остануваат фундаментални теми на неговите пиеси кои одржуваат совршена рамнотежа меѓу апсурдот и комичното. Матеј Вишниек ги сака надреализмот, дадаизмот, театарот на апсурдот, комичното и гротескното, фантастичната книжевност, магичниот реализам на латиноамериканскиот роман, англосаксонскиот реалистичен театар, но го мрази социјалистичкиот реализам.

The post Предавање на француско-романскиот автор Матеј Вишниек во Јуроп хаус appeared first on Република.

Комисијата за здравство на ВМРО-ДПМНЕ преку статус на Фејсбук пишува дека по повод розовиот месец, докторот специјалист од болницата во Струмица, Лазе Манев имал свое предавање на темата: „Карцином на дојка-современи дијагностички методи“.

„По повод #РозевОктомври, доктор Лазе Манев, специјалист радиолог од Болницата во Струмица со предавање на тема

“Карцином на дојка-современи дијагностички методи” на ТРЕТАТА АКАДЕМИЈА за здравство

#Важно е да се закаже преглед затоа што ракот на дојка е најчесто малигно заболување кај жената и најчеста причина за смртност.

Ова се дел од заклучоците од дискусијата и предавањето👇

❗️ И пациентките од Струмица и цел источен регион потешко стигнуваат до ехо на дојка или мамографија

❗️3 години не работеше мамографот во болницата во Струмица

❗️Струмичката болница не ги исполнува стандарддите и не е во националната скрининг програма, единствен центар за цел Исток е Штип

❗️Немањето доволно специјалисти по радиологија во оваа и низа други установи уште еднаш ја потврдува долгогодишната лоша кадрова политика и неводење грижа за еден од трите столба на здравствениот систем,а тоа е човечкиот потенцијал

❗Затоа и се потешко како во Струмица, така и во цела Македонија се стигнува до здравствена услуга.

#Важно е да има доволно радиолози во сите болници и

#Важно е да се набавува нова опрема за превентивни прегледи.

#ВажноЕДаБидемеЗдрави“, стои во нивниот пост на Фејсбук.

The post По повод розовиот месец, доктор Лазе Манев со свое предавање на темата: „Карцином на дојка-современи дијагностички методи“ appeared first on Република.

Д-р Гоце Христов, супспецијалист дијабетолог од Болницата во Струмица предаваше на тема „Современа фармаколошка терапија кај Т2ДМ“ на стручниот дел на Третата академија во Струмица. Ова се дел од поентите:

ВажноЕ да се превенира
Важно е да се започне веднаш по дијагноза на дијабетес
Важно е зашто ненавремено иницирање и интензивирање на соодветниот тип на терапија води кон појава на дијабетични компликации.
Важно е зашто клетките ги паметат периодите на несоодветна контрола(метаболна меморија)
Важно е зашто нема втора шанса за пропуштеното време
Клуч за успешната терапија е избор на соодветен лек (ефикасен и безбеден за пациентот)
Индивидуализиран пациент центричен пристап во водењето на пациенти со дијабетес тип

Проценка на карактеристиките на пациентот

За избегнување на клинична инерција редовно да се реевалуира и модифицира терпијата
Кардиопротективниот бенефит на некои лекови е новина во пристапот кон избор на антидијабетичен лек кај пациентите со етаблирана кардиоваскуларна болест и висок КВ ризик

The post Д-р Гоце Христов предаваше на тема „Современа фармаколошка терапија кај Т2ДМ“ на Третата академија во Струмица appeared first on Република.

The post Кинотека на Македонија ја одржа првата обука од проектот … и Акција! на ЕРАЗМУС+ програмата appeared first on Република.

Cо предавањето „Во потрага по убавината на Палестина за време на окупација“ на Раед Саадех, започнува вториот дел од осмото издание на КРИК – фестивал за критичка култура, во организација на „Контрапункт“. Оваа година фестивалот се оржува на тема „Заробени во слободата – уметноста и заедницата“.

Предавањето ќе се одржи на 9 септември, 2023 (сабота), во КСП „Центар – Јадро“ (ул. Алберт Ајнштајн бр.2), со почеток во 20 часот.

За да се заштити континуираното постоење на Палестинците како окупирана нација и нивната политичка иднина, како и да се зачува нивното материјално и нематеријално наследство, особено во позагрозените области, оние кои се блиску до населбите, но и во оддалечените области, од витално значење е да се бараат карактеристични елементи кои ги формулираат специфичните идентитети на овие потенцијални дестинации со културно наследство, каде туризмот може да се согледа како алатка за издржливост и развој. Идејата за потрагата по убавината на Палестина која е вкоренета во нејзината демографска, културна, еколошка и природна разновидност е од витално значење за народот чии корени и наративи се оспорувани и искоренети од израелската окупација. Ова предавање ќе се обиде да претстави пристап кон одржлива сензибилизација на специфичните културни идентитети на овие локалитети и методологија за селата, градовите и другите заедници, со цел да се формулира стратегија на одржливост и развој.

Раед Саадех е активист и застапник на туризмот во заедницата и зачувувањето на културното наследство во Палестина. Тој е поранешен претседател на арапската (палестинска) хотелска асоцијација. Тој е ко-основач и претседател на „Розана“ – здружние за конзервација на архитектонското наследство и развој на руралниот туризам, со седиште во Бирзеит. Раед Саадех е, исто така, сопственик и генерален директор на хотелот Ерусалим, во Ерусалим, хотел за наследство, за кој тој ги направи концептот и дизајнот. Првично обучен како машински инженер Дипл. на Универзитетот Сиракуза, во Њујорк, по што магистрирал на Универзитетот Кејс Вестерн Резерв, во Кливленд. Тој е ко-основач и член на одборот на „Палестинскиот уметнички суд“, член на одборот на Фондацијата за современа уметност „Мамал“, претседател на организацијата „Sunbula“ за фер трговија и развој на ракотворби и ко-основач и поранешен претседател на „Yabous Productions“ за изведувачки уметности. Неговите сегашни напори се фокусирани на развивање на концептот на туристички одбор на Алкудс/Ерусалим, кој е наменет да ги максимизира економските придонеси и придобивки на локалната заедница во Алкудс. Исто така, тој е и еден од главните лидери и ко-основач на „Мрежата за искуствени палестински туристички организации“, како и ко-основач и претседавач на „Palestinian Heritage Trail“.

Како и во последните неколку години, КРИК се одвива во неколку кластери низ годината, бидејќи обидот да ја живееме и поттикнуваме критичката култура не може да биде еднократен – тоа е влог кој трае континуирано и постојано, велат организаторите.

Низ разни теориски, уметнички и социјални практики ќе ги испитуваме и истражуваме, формите на рабните, субверзивни стратегии на алтернативни простори на слободата кои ќе стојат наспрема репресивните општествени и институционални форми кои го контролираат нашето слободно време, сфатено како време во кое ги остваруваме нашите императивни цели, поврзано со создавањето на општествени заедници кои се грижат за заедничкото добро, за зелените политики аплицирани во сите сегменти на заедницата и кои сакаат да ги редефинираат актуелните, капиталистички, „пазарни“ политички концепти кои безмилосно газат врз сѐ што треба да го создава емпатичниот, праведен и солидарен поредок.

The post Со предавање за Палестина продолжува осмото издание на КРИК appeared first on Република.

Современата теоретичарка, философка и уметница Марина Гржиниќ денеска во 13 часот во Музејот на современа уметност ќе одржи предавање „ПАНКОТ и поранешната југословенска ЛГБТКИА+ заедница во Словенија и пошироко: Распетлување на сексот и политиката во расниот капитализам“.

Како што наведуваат организаторите - Фестивалот за квир култура, уметност и теорија Викенд на гордоста 2023, Гржиниќ го испитува потеклото на оваа идеја која ја мапира во преодот од студениот социјализам на осумдесеттите години од 20 век, кога музичката група „Боргезија“ го објавува деби-албумот „Љубовта е постудена од смртта“ (Ljubav je hladnija od smrti) во зимата 1983-84 година, и сегашниот период кој Седрик Џеј Робинсон во неговото капитално дело од 1983 година, „Црнечки марксизам: Создавањето на радикалната црнечка традиција“ го нарекува „расен капитализам“. Се интересира за расплеткувањето на нештата кое треба да почне оттука, каде политиката е токсична работа, граѓанското општество е вџашено, а маргинализираните активни.

Од 1983 година, Гржиниќ е вработена во Филозофскиот институт при Научниот и истражувачки центар на Словенечката академија на науките и уметностите (ЗРЦ САЗУ), а од 2003 година е редовна професорка на Академијата за ликовни уметности во Виена, Австрија. Нејзините теоретски дела ја обработуваат современата постмодернистичка филозофија и естетика и се насочени кон теорија на идеологија, теорија на технологија, биополитика/некрополитика, видеотехнологија и трансфеминизам споено со политичките цели на деколонизацијата, а учествувала и во многубројни видеа и кураторски проекти.

По предавањето во просторот на Музејот на современа уметност ќе следи неделно матине со музичка селекција на Артан Садику, најавуваат организаторите.

The post Предавање на Марина Гржиниќ во МСУ appeared first on Република.

Уметничкиот тандем Дан и Лиа Пержовски, кој преку цртежи ги потполнува ѕидовите на МоМА Њујорк, Тејт Модерн во Лондон, Центарот Помпиду-Бобур во Париз, ВанАбе Музејот во Ајндховен, за првпат доаѓа во Музејот на современата уметност – Скопје. Ова е исклучително ретка можност во Скопје да присуствуваат светски познати уметници, кои ги поместуваат границите на современите уметнички практики денес.

Познатиот уметник чие изразно средство е цртежот Дан Пержовски, за првпат ќе биде гостин во Музејот на современата уметност заедно со Лиа Пержовски истражувачка, уредничка и концептуална уметница.

Утре, на 5 април во 19 часот, Дан и Лиа Пержовски ќе одржат предавање во МСУ насловено „Постојано репозиционирање, помеѓу локалното и глобалното“. Влезот е слободен за сите оние кои сакаат да ја искористат оваа ретка можност да го запознаат одблиску уметничкиот тандем. Предавањето се реализира во рамките на Интердисциплинарната програма на МСУ - Скопје.

На 6 април во 12 часот во МСУ – Скопје, Дан и Лиа Пержовски ќе одржат и работилница на тема „Цртање, разговарање и споделување“.

Ден Пержовски е светски познат автор кој го користи цртежот преку бројни форми, цртежи на ѕид, цртачки перформанси, активистички цртеж, уметнички книги, проекти изведени во јавен простор, печатење и независно издаваштво. Пержовски преку своите цртежи, ја адресира важноста на бројни општествени теми, како што се актуелните воени, финансиски и мигрантски кризи, проблемите поврзани со комуникацијата денес, политичките уредувања, како и прашања поврзани со современата уметност.Пержовски го трансформираше цртежот во медиум за информации и политички коментари. Изразувајќи сложени идеи преку брзо направени цртежи, инсталациите на Дан сугерираат како уметноста, или уметничкиот цртеж може да биде ангажиран.

Дан најчесто ги создава своите цртежи во светски познатите музејски простори, како оние во Музејот на модерна уметност во Њујорк, каде што ги создаваше пред очите на посетителите. Друга изложба на Пержовски пак е нацртана на ѕидовите од португалска банка и се состои од стрип цртежи, кои се однесуваат на повеќе европски прашања како што е прифаќањето на Романија во ЕУ и легализацијата на абортусот во Португалија. Неговата работа ги одразува, над се, човечките прашања, и општествените односи.

Пержовски има реализирано бројни самостојни изложби во МоМА Њујорк, Тејт Модерн во Лондон, ВанАбе Музејот во Ајндховен, МАКРО во Рим, Киазма Хелсинки и Лудвиг Музејот во Келн. Учествува на бројни престижни групни изложби и манифестации, како Документа 15, Биеналето во Венеција, Биеналата во Истанбул, Лион, Џакарта, Сао Пауло и Сиднеј. Од 2010 година, Пержовски го продуцира цртачкиот проект во јавен простор насловен „Хоризонтален весник“, во Сибиу Романија.

Лиа Пержовски е истражувачка, уредничка и концептуална уметница. Таа е основач на неколку платформи и институции како „CCA“ - архивата за современа уметност Букурешт и „КМ“ - Музејот на знаењето, како и „TSK“ – Телескопскиот простор на знаењето. Лиа Пержовски има реализирано самостојни изложби во Нашер музејот во Далас, Галеријата Иван во Букурешт, Музејот ESPAI Castellon во Шпанија, како и редица групни изложби, меѓу кои во Центарот Помпиду-Бобур во Париз, Тејт Модерн Лондон, МАКБА Барселона и Биеналата во Сао Пауло и Сиднеј.

The post Светски познатиот уметнички тандем Дан и Лиа Пержовски гости на МСУ Скопје appeared first on Република.

На 1 февруари, во 20 часот, во Музејот на современата уметност – Скопје предавање и перформанс ќе одржи британската уметница Дилејн Ле Бас. Разговорот со неа ќе го води уметникот Никола Узуновски. 

Перформансот се однесува на уметничка практика на Ле Бас, претставена преку проектот„Архивата на Куќата“.

Неколку нејзини уметнички дела се составен дел од веќе отворената изложба „Се што ни е заедничко“, во МСУ Скопје, која е реализирана во рамки на проектот Манифеста 14 Приштина – Западен Балкан.

Настанот се организира со финансиска поддршка на Британската Амбасада во Скопје.

Дилејн Ле Бас е британска уметница на вкрстени дисциплини и создава инсталации, перформанси, фотографии и филмови. Таа е една од шеснаесетте уметници кои се дел од Изгубениот рај, Првиот ромски павилјон на Биеналето во Венеција од 2007 година. Нејзините дела се вклучени во Биеналето во Венеција од 2007 година, Биеналето во Прага 2005 и 2007 година, Биеналето Гвангју 2012 година, Националната галерија на уметност Зачета 2013 година, MWW Музеј на современа уметност Вроцлав 2014 година, третото издание на проектното биенале за современа уметност D-O Арк Андерграунд Босна и Херцеговина 2015 година, Биеналето Оф, Будимпешта 2015 година, Проширено меѓународно биенале за современа уметност во Гетеборг.

The post Предавање и перформанс на британската уметница Дилејн Ле Бас вечерва во МСУ appeared first on Република.

По повод отворената изложба „Сѐ што ни е заедничко“ во Музејот на современата уметност (МСУ) ќе се одржи предавање и перформанс на британската уметница Дилејн Ле Бас.

Настанот ќе се одржи на 1 февруари, среда, со почеток во 20 часот.

Приказни од куќата на Ле Бас. Времето се преклопува. Куќата на Ле Бас. Грешки… Што беше тоа? Што е тоа? Дали го имам видено порано? Дали навистина гледате кога гледате? Дали навистина слушате кога слушате? Пазете се од лингвистичко инженерство… И преку уметноста ќе најдеме ли правда? И каде е ромската амбасада? Замина во тишината на ударот…“, се вели во описот за настанот.

Дилејн Ле Бас е британска уметница која создава инсталации, перформанси, фотографии и филмови. Таа е една од шеснаесетте уметници кои се дел од Изгубениот рај, Првиот ромски павилјон на Биеналето во Венеција од 2007 година.

Нејзините дела се вклучени во Биеналето во Венеција од 2007 година, Биеналето во Прага 2005 и 2007 година, Биеналето Гвангју 2012 година, Националната галерија на уметност Зачета 2013 година, MWW Музеј на современа уметност Вроцлав 2014 година, третото издание на проектното биенале за современа уметност D-O Арк Андерграунд Босна и Херцеговина 2015 година, Биеналето Оф, Будимпешта 2015 година и Проширеното меѓународно биенале за современа уметност во Гетеборг.

The post Предавање и перформанс на британската уметница Дилејн Ле Бас во МСУ appeared first on Република.

Музејот на современата уметност – Скопје продолжува со предавања под наслов „Без/редие во светот на уметноста“. Денеска, во 19 часот, со физичко присуство ќе се одржи предавање на Аманда Боеткис, теоретичарка на современата уметност и естетика и професорка на универзитетот „Гуелф“, Канада.

Предавањето насловено „Реализам без авторитарност: современата уметност во поствистината“ се однесува на естетиката на реализмот во современaта уметност, конкретно на реализмот во ерата на поствистината, различно откако овој уметнички стил и политички императив се поjaваувал во текот на 19 век. Преку истражување на делата на форензичка архитектура, Мона ал Кадири, Џулијан Шариер и Теранс Хоул, предавањето ќе овозможи приказ на современиот реализам, каде што се надминува поделеноста на субјективноста и објективноста во доменот на реалноста, особено во ерата на поствистината, како и можноста во уметноста да се употребува реализмот како отпор кон авторитарноста над сликите и визуелните репрезентации.
Боеткис е авторка на значајни изданија. Нејзиното истражување се фокусира на односот помеѓу перцепцијата и претставувањето, теориите на свеста и екологијата. Преку нејзините публикации, Боеткис ги анализира сложените односи на човекот со животната средина преку призмата на естетиката.

The post Предавање на Аманда Боеткис во МСУ appeared first on Република.

Од денеска до 3 јули, во рамки на Културната унија помеѓу Кина и земјите од Централна и Југоисточна Европа и програмата за танцови работилници, која ќе трае во следните шест месеци деканката на Филмската академија, Катедра за современ танц при универзитетот „Гоце Делчев", професор д-р Рисима Рисимкин, ќе одржи серија предавања на тема „Развој на софтвер за компјутерски генерирана кореографија“. Во програматаа ќе земат учество повеќе европски и кинески предавачи, во текот на следните шест месеци, а честа да ја отвори оваа програма ја има токму професорката Рисимкин.

Навистина сум возбудена од овие предавања и огромниот интерес кои го побудија кај студентите на Културната унија. За мене е прекрасно ново искуство, овоие предавања за поврзување на уметноста и технологијата, по споделувањата на сцените во Братислава, (Словачка), Загреб (Хрватска) и Рига (Латвија), да ги сподела со огормен борј на студенти кои ги следат предавањат овие три дена. Компјутерски генерирана короеграфија е термин кој се јавува кон крајот на минатиот век и кој интензивно се развива и сметам дека е одлична прилика студенти од областа на танцот да се запознаат со овие нови интенции, вели професорката Рисимкин.

Трудот „Развој на софтвер за компјутерски генерирана кореографија“ на професорката Рисимкин, беше првично презентиран и објавен во рамки на Научната конференциај ЕТИМА 2021. Рисимкин и понатаму го развива истражувањето во последната година и ги споделува своите сознанија со глем број на танцови уемтници од светот.

Воедно, во склоп на предавањата професорката Рисимкин ќе ги претстави студиските програми на Катедрата за современ танц при УГД, за додипломски и мастер студии, како и отворањето на првите докторски студии од областа на теоријата на танцот кај нас, кои ќе започнат со работа од септември 2023 година, со цел да се привлечат што повеќе странски студенти, кои оваа Катедра веќе ги има меѓу редовите на своите студенти.

The post Предавање на Рисима Рисимкин за компјутерски генерирана кореографија во Кина appeared first on Република.

Музејот на современата уметност, во рамките на Интердисциплинарната програма, продолжува со предавања под наслов „Без/редие во светот на уметноста“. Денеска, во 19 часот, предавање со физичко присуство ќе одржи уметникот Немања Цвијановиќ.
Презентацијата насловена „Антифашизмот како самоодбранбен споменик“ се сосредоточува на реализираната интервенција на Немања Цвијановиќ „Споменикот на Црвената Риека – споменикот на самоодбрана“ реализирана во 2020 година во Риека, Хрватска, кој може да се разбере како промислен акт, кој се спротивставува на подемот на национализмот, како и националистичкото насилство. Ова конкретно дело претставува појдовно стојалиште во однос на конфронтациите на фашистичкото и антифашистичкото наследство во Хрватска, но и пошироко, дефинирајќи го гестот на Цвијановиќ како ангажиран во однос на општествените текови, политиката, уметноста. Дискусијата ќе биде дополнета со презентација на монографијата „Антифашизмот како самоодбранбен споменик“.

Немања Цвијановиќ е роден во Риека, Хрватска. Дипломирал на „Академија ди беле арти ди Венеција“, а магистрирал проектирање и продукција на визуелна уметност на универзитетот ИУАВ во Венеција. Соработувал со меѓународни институции, изложувајќи ги своите дела во музејот „Пера“ во Истанбул, во Рим, Загреб, Риека… Од 2014 година е професор на „Академија ди беле арти ди Венеција“, а од 2018 година е програмски координатор на Риека 2020 ЕЦЦ.

The post Немања Цвијановиќ денеска ќе одржи предавање на тема „Без/редие во светот на уметноста“ во МСУ appeared first on Република.

Лидерот на Доњецката Народна Република (ДНР), Денис Пушилин, информира дека украинските војници заробени во фабриката за челик „Азовстал“ во Мариупол прифаќаат да се предадат, но бараат да бидат евакуирани во Турција наместо во областите под контрола на Киев.

Тие ги контактираат нашите сили и руската армија и се обидуваат да преговараат за најдобри услови за нивно предавање. Бараат или предлагаат, не знам кој збор би бил соодветен. Тие немаат многу доверба во Киев. Во нивните последни барања, тие порачаа дека повеќе сакаат да одат во Турција отколку да бидат евакуирани во областа под контрола од Украина. Тоа е една од опциите - информира Пушилин за ТВ каналот „Соловјев лајв“, пренесува ТАС С.

Лидерот на самопрогласената ДНР додаде дека војниците од „Азовстал“ во барањето истакнале дека планираат да го предадат оружјето во Турција.

Тие рекоа: Ќе излеземе со оружје, ќе стигнеме до Турција по море и ќе се разоружаме таму. Тоа го слушнавме од нив - вели Пушилин, пренесе ТАС С.

The post Украинските сили од „Азовстал“ не сакаат да бидат евакуирани во Украина, бараат транспорт до Турција appeared first on Република.