СДС клеветничка, докажана и осудена дека ширеше лажни вести за претседателот Мицкоски во случајот со Пречистителната станица во Скопје, велат од ВМРО-ДПМНЕ.

https://republika.mk/vesti/makedonija/mitskoski-dobi-na-sud-sdsm-povtorno-osudena-za-kleveti-i-shirene-lazhni-vesti/

СДС и нивните апологети половина година шират лажни вести, и го клеветеа претседателот Мицкоски во врска со проектот за пречистителна станица во Скопје. СДС лажеа и фингираа.

Дури и судот под контрола на власта не може да ги игнорира ноторните факти и мораше да пресуди на страна на правдата која е повеќе од очигледна.

СДС преку партиски соопштенија половина година ги труеше граѓаните со лаги. Сите манипулации излегоа на виделина, никој повеќе не верува во СДС, се вели во соопштението од партијата.

The post И со пресуда докажано дека СДСМ ширеше лажни вести за Мицкоски во случајот со Пречистителната станица appeared first on Република.

Добиена тужбата за клевета против лагите дека се „профитирало“ од темата Прочистителната станица град Скопје. И сега квалифилациите „медари“, „криминалци“ и „профитери“ се пехарот на срамот кој останува за Арсовска, СДСМ и тие кои направија тема и ширеа лаги. Плукаа силно, сега паѓа на нивното лице, изјави Златко Перински, поранешен директор на ЈП Водовод и канализација, кој беше разрешен откако ѝ се спротистави на градоначалничката Арсовска во нејзиниот обид во влијание на постапката за избор на изведувач на Прочистителната станица, откако претседателот на ВМРО-ДПМНЕ Христијан Мицкоски денес објави за добиена тужба против СДСМ дека тој, а не Арсовска влијаеле врз постапката.

https://republika.mk/vesti/makedonija/mitskoski-dobi-na-sud-sdsm-povtorno-osudena-za-kleveti-i-shirene-lazhni-vesti/

Задоволството е поголемо и кога вака заробениот и корумпиран суд на власта не ќе може да го одбегне фактот дека СДСМ ме клевети. Токму вчера, на 20 септември уште една добиена пресуда против СДСМ дека клевети и шири лажни вести против мене, напиша Христијан Мицкоски.

Овој пат, додава, за тендерската постапка за Пречистителната станица на Град Скопје, истиот тендер кој подоцна го потпиша градот, со грант обезбеден од оваа влада.

Лагите и медот останаа кај СДСМ и нивните апологети. Но и тоа нема да биде долго, зошто остана уште малку до смена на власта, кога ќе го почувствуваат вистинското владеење на правото и правдата, посочи Мицкоски.

The post Перински: СДСМ и Арсовска плукаа силно, сега паѓа на нивното лице appeared first on Република.

Откако претходно денеска, порталот САКАМДАКАЖАМ.МК повикувајќи се на свои извори пренесе дека Европските банки го замрзнале проектот за пречистителна станица во Скопје, оти претставниците на градот не доаѓаат на состаноците, демант до медиумите испрати прес-службата на Град Скопје. Во него велат дека овие тврдења, како што наведоа, биле лага со која се манипулирала јавноста.

Во продолжение ИНТЕГРАЛНО Ви го пренесуваме демантот на Град Скопје испратен до медиумите:

„Градот Скопје остро ги демантира наводите и дезинформациите објавени денеска (25.05.2023 година) на интернет порталот „Сакам да кажам“ со наслов „Европските банки го замрзнаа проектот за пречистителна станица во Скопје оти претставниците на Градот не доаѓаат на состаноците“. Овие паушални тврдења се лага со која се манипулира јавноста.

Водењето на политичка агенда преку медиумски памфлети кои не се базирани ниту на елементарна вистина се недозволиви и штетни по целокупното општество.

Од тие причини, бараме од порталот „Сакам да кажам” и од новинарката Ана Антевска во целост да го повлечат текстот „Европските банки го замрзнаа проектот за пречистителна станица во Скопје оти претставниците на Градот не доаѓаат на состаноците“, да се извинат и во целост да го објават овој демант во рок од 48 часа. Во спротивно вистината ќе ја докажуваме на суд“.

https://republika.mk/vesti/skopje/ebor-i-eib-go-zamrznaa-proektot-za-prechistitelna-stanitsa-oti-pretstavnitsi-na-gradot-ne-doagaat-na-sostanotsi/

The post Град Скопје демантира дека европските банки го замрзнаа проектот за пречистителна станица appeared first on Република.

Договорот за изградба на пречиститечната станица во тајност е потпишан пред три дена, а според информации на Телма, за двесте милиони евра пречистителната станица кај Трубарево ќе ја гради германската фирма WTE Wassertechnik GmbH заедно со домашната компанија Жикол.

Тие на тендерот ја победиле турската фирма Кузу груп и доставиле покомплетна понуда.

https://republika.mk/vesti/skopje/bliska-rodnina-na-danela-arsovska-pred-da-pukne-skandalot-so-turcite-pregovarala-za-milionskiot-tender-na-vodovod-i-kanalizacija/

WTE и Жикол покрај поквалитетна понуда имале и соодветна банкарска гаранција додека Турците понудиле банкарска гарнација не од банка туку од финансиска институција со седиште во Монако.

Откако Народната банка одговорила дека не постои таква банка, на турската компанија ѝ било понудено да достави нова гаранција, но не биле во можност поради војната во Украина. На тој начин, Германците останале единствени во трката и го добиле тендерот.

https://republika.mk/vesti/skopje/vmro-dpmne-danela-arsovska-krishum-go-potpishala-dogovorot-za-prechistitelnata/

WTE е германска компанија која има многу слични проекти пред се во државите во источниот дел на ЕУ, како Полска и Литванија, но имаат и претставништво и проекти и во Москва.

Еден од поголемите проекти на компанијата е пречистителната станица во Будва која е пуштена во употреба во 2014 година.

Повеќе ТУКА

The post Која е германската фирма што ја победи турската, за која навиваше Арсовска, за изградба на пречистителната станица на водите од Скопје? appeared first on Република.

Градоначалничката на Скопје, Данела Арсовска кришум и молкум до потпишала договорот со фирмата изведувач и фирмата која ќе го врши надзорот кои треба да го спроведат проектот за изградбата на пречистителната станица во Скопје. Таа се крие и не ја известува јавноста за овој проект, затоа што за истото тоа кое што сега го потпишала лажеше, манипулираше и го клеветеше јавно поранешниот директор на ЈП Водовод, Златко Перински, велат од ВМРО-ДПМНЕ.

Во тие гнасни лаги, додаваат и помагаа и СДС, за сега сите невистини да им паднат во вода.

„Арсовска и СДС, партнерите во лаги и криминал, треба да се извинат за хајката и кампањата која ја водеа против ВМРО-ДПМНЕ и Перински. Тоа што сега молчат и бегаат од одговори покажува дека се кукавици и лицемери“, се додава во нивната реакција.

Арсовска, како пто истакнуваат во напишаното, неосновано го скандализираше проектот, обвинуваше, па без логично објаснување го одложуваше, за на крај да се потврди тоа кое што европските партнери и го кажаа пред една година, дека целата постапка била водена чисто.

Приказната за медот и рацете, како што велат, сега се однесува за Данела Арсовска. „Ако рацете и гласот и треперат, па затоа се крие, треба да знае дека од одговорноста и од граѓаните може да се крие одредено време, ама не може да побегне“, се истакнува во соопштението.

The post ВМРО-ДПМНЕ: Данела Арсовска кришум го потпишала договорот за пречистителната appeared first on Република.

Несодржајните и клеветнички прес конференции на СДС за време на најтешкиот ден во Христијанството Велики Петок говорат за очајот во партијата соочени со сериозни обвиненија за криминал и непочитта кон овој празник и вернициите, реагиаат од ВМРО-ДПМНЕ.

„Година и пол по одржаните локални избори се уште го чекаме отчетот на градоначалниците на СДС бидејќи за цел овој период ниту еден од нив нема отчет, затоа што и немаат со што да се пофалат.

Од друга страна ја разбираме задачата на дежурниот во СДС да ја оправда Данела Арсовска која е во неформална коалиција со власта и дека сложни криминалци и во петок мрсат, но вистината едека и СДС и Арсовска треба да се извинат што го клеветаа и ВМРО-ДПМНЕ, Претседателот Мицкоски и поранешниот директор на Водовод Перински за договорот за пречистителна станица кој истиот Арсовска и Владата го потпишаа, се наведува во партиското соопштение.

„Оттука имајќи ја во предвид целата соработка на СДС и Арсовска во градот Скопје, срамот на Арсовска од неработата и неспособноста припаѓа на тие кои ја поддржуваат, а тоа се СДС, ДУИ и партијата на македонскиот Енвер Хоџа Апасиев, Левица.

Што се однесува за Градоначалниците на ВМРО-ДПМНЕ тие за година и пол имаат повеќе проекти сработено од сите градоначалници на СДС и цела Влада заедно, со сите опструкции, и кочења кои ги имаат од централната власт.

На крај, јасно ни е дека Васко Кичевски е жртвеното јагне на СДС, но тој млад господин нека се спреми за отчет за својата улога во набавката на софтверот за смс пораки во Паркинзи Центар додека беше одговорен во оваа институција за кој постојат основани сомневања дека е криминален, порачуваат од ВМРО-ДПМНЕ.

The post ВМРО-ДПМНЕ: Сложни криминалци и во петок мрсат, СДС ја брани Арсовска, а не се извинуваат за договорот за пречистителната станица кои самите го потпишаа appeared first on Република.

Претседателот на ВМРО-ДПМНЕ, Христијан Мицкоски во „Само интервју“ на Канал 5 телевизија во врска со грантот кој вчера се потпиша за пречистителна станица за Скопје, прашува кому се сега рацете во медот откако се потпиша истиот грант поради кој градоначалничката на Скопје го разреши директорот на Водовод, а СДСМ организираше црна кампања.

- Вчера се потпиша договорот, грантот, не се смени ништо, од Европска инвестициска банка кажаа дека се е чисти и сега чии раце се во медот? На прес конференција се појавува вицепремиер, министер за финансии, евроамбасадор, втор човек на Европска инвестициска банка и се потпиша грант од 70 милиони, нагласи Мицкоски.

Мицкоски посочи дека немало вчера да се случи потпишувањето на грантот ако фалеле една точка или запирка.

- Каде се рацете во медот, кој ќе ми се извини? СДСМ која со народни пари плаќаше билборди по градот да организира црна кампања против мене или Данела Арсовска? – прашува Мицкоски.

The post Мицкоски до Данела и власта: Сега откако го потпиша истиот грант за пречистителна станица поради кој го разреши директорот на Водовод, да ги прашам сега на кого му се рацете во медот appeared first on Република.

Владата вчера го потпиша договорот со ЕИБ за грант на пречистителна станица во Скопје, проект во кој беше вклучен Златко Перински како директор на ЈП Водовод и канализација.

Вчера се обезбеди дополнително 70 милиони евра грант од ЕУ за финансирање на проектот за изградба на пречистителна станица во градот Скопје. Договорот го потпишаа министерот за финансии Фатмир Бесими, министерката за животна средина и просторно планирање Каја Шукова и заменик-претседателката на ЕИБ Лилјана Павлова. На потпишувањето на Договорот присуствуваа и вицепремиерот за европски прашања Бојан Маричиќ и евроамбасадорот Дејвид Гир.

Проектот за пречистителна станица во Скопје е актуелен изминативе неколку месеци, од кога градоначалничката Данела Арсовска го наклевети поранешниот директор на ЈП Водовод и канализација, Златко Перински дека влијаел на тендерската документација за изградба на пречистителната станица.

Арсовска сакаше да влијае во тек на постапка за избор на изведувач и инсистирала на смена на Комисијата, што е спротивно на праксата на ЕИБ. А, поранешниот директор на ЈП Водовод и канализација, Златко Перински не дозволи незаконие во постапката за пречистителна станица и затоа и засмета на градоначалничката на Град Скопје и СДСМ кои здружено се борат во обидот за криминал.

„Набавките се спроведени во согласност со водичот за набавки на ЕИБ и во согласност со одобрената стратегија за набавки. До денес, Комитетот за евалуација, потпомогнат од искусен тим, од меѓународни консултанти, ги извршуваше своите задачи на посветен начин. Обидите да се ревидира стратегијата за набавки, без соодветно оправдување во оваа фаза од процесот на евалуација, или неусогласеноста со важечките принципи за доверливост, може да предизвика значително одложување во процесот на набавка и на тој начин може да ја загрози достапноста на средствата“, наведено е во делот од соопштението на ЕИБ што го сподели поранешниот директор на ЈП Водовод и канализација, Златко Перински на 15.09.2022 година.

По овој скандал, јавноста беше запознаена по медиуми дека градоначалничката Данела Арсовска имала средба со Димитар Ковачевски.

„Арсовска свесно го загрози проектот за пречистителна станица на реката Вардар. Таа спротивно од препораките и правилата на ЕИБ и ЕБОР сакаше да менува комисија во тек на постапка. Заради Арсовска е загрозен проектот за пречистителна станица за Скопје, а намалена е и довербата на градот, како институција во очите на странските кредитори и даватели на грантови. И наместо да се фати за работа, Арсовска во коалиција со СДС смислува кампања и се фрлаат народни пари за билборди и спотови во ек на криза“, коментира ВМРО-ДПМНЕ.

И за потсетување, вчера градоначалничката на Град Скопје Данела Арсовска уште еднаш беше демантирана од потпретседателката на ЕИБ, Лилјана Павлова во врска со пречистителната станица.

Она што можам да го кажам од оваа перспектива знаете дека Европската Инвестициона банка е главен финансиер и ние имаме и мораме да следиме посебни правила и процедури кои што се веќе воспоставени, вршиме надзор на процесот на набавка, да ги вршиме сите потребни и вонредни проверки и контроли и она што можам да го кажам е дека процесот на набавка беше успешно завршен и немаше отстапки и имаме зелено светло за потпишување на договорите за изградба и надзор од страна на Водовод и канализација. И во оваа фаза можам да кажам дека немаме проблеми и навистина со нетрпение ги очекувам роковите и датумите кога ќе се потпишат договорите и успешно да започнеме со имплементацијата, изјави Павлова, потпретседателка на ЕИБ, рече потпретседателката на ЕИБ, Лилјана Павлова.

The post Многу врева за ништо: Само Арсовска знае зошто му го оцрни името на Перински appeared first on Република.

Вчера на потпишувањето на грантот од ЕИБ, за изградба на пречистителната станица во Скопје, паднаа маските и сите лаги, кои беа упатени кон лидерот на ВМРО-ДПМНЕ, Христијан Мицкоски и Златко Перински, во тој момент директор на ЈП Водовод и канализација - Скопје, велат од ВМРО-ДПМНЕ.

Со изјавата на потпретседателката на ЕИБ, Лилјана Павлова, дека биле исполнети сите планови и процедури во постапката и дека се било во ред, се потврди дека Данела Арсовска и СДС пред 6 месеци се обидоа, да ги изманипулираат скопјани, за некакви криминали и медови околу пречистителната станица во Скопје.

Знаеме дека Арсовска црвенеејќи присувствувала на вчерашниот настан, за проект кој прво се обиде да го урне, од само за нејзе познати цели, а во исто време да слуша во живо како ја демантираат директно од ЕИБ и со лажна насмевка истото да го проследи. Но, на лагата и се кратки нозете.

Доблесно е во најмала рака, Арсовска и СДС, да најдат сили и да се извинат пред јавноста за лагите и манипулациите со кои се служеа.

Арсовска позната по синтагмата „Лажи, лажи Дано", треба во најмала рака да се извии заедно со СДС за лагите кон лидерот на ВМРО-ДПМНЕ Мицкоски и директорот Перински, порачуваат од партијата.

The post Арсовска го потпиша истиот проект за пречистителна поради кој го разреши Перински и го клеветеше Мицкоски appeared first on Република.

Имено одговарајќи на новинарско прашање кој е нејзиниот став бидејќи поранешниот директор на ЈП Водовод и канализација Скопје беше обвинет дека не го водел процесот за изградба на пречистителната станица како што треба и поради тоа бил разрешен од градоначалничката на Град Скопје Арсовска, потпретседателката на ЕИБ Павлова рече дека проектот е кристално чист и без никакви проблеми, укажувајќи дека Европската Инвестициона Банка не утврдила никакви отстапки од она што е воспоставено како правила и процедури од нивна страна.

Она што можам да го кажам од оваа перспектива знаете дека Европската Инвестициона банка е главен финансиер и ние имаме и мораме да следиме посебни правила и процедури кои што се веќе воспоставени, вршиме надзор на процесот на набавка, да ги вршиме сите потребни и вонредни проверки и контроли и она што можам да го кажам е дека процесот на набавка беше успешно завршен и немаше отстапки и имаме зелено светло за потпишување на договорите за изградба и надзор од страна на Водовод и канализација. И во оваа фаза можам да кажам дека немаме проблеми и навистина со нетрпение ги очекувам роковите и датумите кога ќе се потпишат договорите и успешно да започнеме со имплементацијата, изјави Павлова, потпретседателка на ЕИБ.

The post Вториот човек на Европската инвестициска банка потврди дека Перински не влијаел на тендерот за прочистителната станица appeared first on Република.

Потпретседателката на Европската инвестициска банка Лилјана Павлова денеска доаѓа во земјава за да потпише грант за пречистителната станица во Скопје.

Павлова во интервју за МИА открива дека станува збор за најголем грант досега од ЕУ доделен за Македонија според Инвестициската рамка за Западен Балкан (WBIF) и дека со него се комплетира финансирањето на проектот, заедно со заемите од ЕИБ и ЕБОР.

Овој еколошки проект е дел од Економскиот и инвестицискиот план и зелената агенда со цел да се забрза зелената транзиција и да се овозможат подобри услови за живот за околу 500.000 луѓе. Имплементацијата треба да започне наскоро, по завршување на фазата на набавка, вели Павлова во интервјуто кое подоцна ќе биде објавено во целост.

Потпишувањето на договорот ќе биде во Клубот на пратеници, а на него најавено е присуство на вицепремиерот за европски прашања Бојан Маричиќ, министерот за финансии Фатмир Бесими, министерката за животна средина и просторно планирање Каја Шукова и евроамбасадорот Дејвид Гир.

Во интервјуто зборуваме со Павлова и за тоа колку е сигурен банкарскиот сектор по случувањата во Силиконската долина и Кредит свис и кога може да очекуваме олабавување на монетарната политика.

The post Потпретседателката на ЕИБ доаѓа во Скопје за да потпише грант за пречистителната станица appeared first on Република.

Целата постапка за изградба на пречистителната станица за отпадни води во Скопје е завршена, но градоначалничката Данела Арсовска не сака да се потпише договорот, пишува СДК.мк.

Проектот за изградба на пречистителната станица чини 137 милиони евра кои се обезбедени преку кредит од Европската инвестициона банка. Ниту Арсовска, ниту новиот в. д. директор на ЈП „Водовод и канализација“ Драган Илиевски под чија надлежност е проектот, не кажуваат зошто тендерот не се потпишува и зошто го кочат овој важен проект за градот. Тие упорно со месеци ги игнорираат сите прашања поврзани со оваа тема од новинарите и од советниците во Советот на Град Скопје.

Целиот текст овде.

The post Арсовска не го потпишува договорот за изградба на пречистителна станица, иако целиот проект е изработен без ниту една забелешка appeared first on Република.

Во тек е втората фаза од евалуацијата на понудите за пречистителната станица во Скопје. Кога комисијата ќе ја заврши евалуацијата ќе достави извештај и ќе не информира дали е во ред или не и ние, ако се оди според предвиденото, до крај на годинава ќе можеме да потпишеме договор за изградба на пречистителната станица во Скопје, посочи вечерва министерот за животна средина и просторно планирање Насер Нуредини.

Тој во гостувањето на емисијата „Топ Тема“ на ТВ „Телма“, потсети дека средствата во висина од 136,73 милиони евра, се обезбедени од Европската инвестициска банка и од Европската банка за обнова и развој. Изградбата ќе трае три до четири години.

Осврнувајќи се на проблемот со Матка, министерот рече дека денеска одржале јавна деба и оти го радува фактот што добиле согласност од Град Скопје и од Сарај. Тој истакна дека очекува до крајот на годината законот за Матка да биде поднесен во Собрание.

Околу претстојните планови, Нуредини, зборувајќи за можното зголемено загадување на амбиенталниот воздух, заради енергетската криза, рече дека мора да се подигне јавната свест на институциите и на граѓаните во однос на тоа какви материјали согоруваат за греење, нагласувајќи дека е потребно да се употребуваат материјали кои се според стандардите.

Тој изрази надеж дека наскоро ќе помине законот за заем за централните депонии и инфраструктурата, како еден од најголемите приоритети во државата.

The post Нуредини: До крајот на годината ќе потпишеме договор за изградба на пречистителна станица во Скопје appeared first on Република.

Проектот за изградба на пречистителна станица, финансиран од Европската банка за обнова развој, вреден 136 милиони евра, што беше причина за разрешување на в.д. директорот на Водовод и канализација, Зтако Перински, од страна на Град Скопје, ги скара сега веќе поранешниот директор и градоначалничката Данела Арсовска.

На прес-конференција во зградата на Водовод, Перински објасни дека тој на никој начин не влијаел на текот на тендерската постапка, којашто во секој чекор од процесот е под строга европска контрола, додека Арсовска, која присуствуваше на прес-конференцијата, тврдеше дека постапката се врши нетранспарентно и дека има индиции оти има неправилности.

Како што истакна Арсовска, спорно било што кога таа побарала промена на дел од членовите на комисија кои биле дел од проектот за пречистителна станица, Перински не постапил, ниту, пак, во некој момент официјално го известил Градот за текот на тендерската постапка, иако токму Градот е претпоставен на јавното претпријатие и мора да добие официјална информација за одвивањето на проектот.

За таквото постапување на Перински, Арсовска најави одговорност, притоа не давајќи одговор за што точно го обвинува разрешениот директор, туку порачувајќи дека тоа ќе го одлучат и утврдат надлежните институции.

Таквите обвинувања, Перински ги отфрли и ги нарече паушални и објасни дека дека во фазата во која се наоѓал проектот кога Арсовска побарала промена во комисијата, тоа не можело да биде направено, но и дека во сите извештаи на европските банки кои го финансираат проектот дотогашната работа на проектот била оценета позитивно.

Промената на евакуациона комисија треба да се случи со писмена согласност. Во првиот момент кога ја менувавме комисијата, не беше почната евалуацијата во техничкиот дел. Кога тоа го бараше градоначалничката, од Европска инвестициона банка, беше усвоен извештајот без забелешка - посочи Перински.

Тој додаде дека, поради јавно објавени информации кои се тајни и за кои треба посебни сертификати за доверливост, постои можност државата и Град Скопје да го изгубат грантот.

Да не си играме со паушални обвинувања, затоа што ова може да го загрози проектот за кој државата добила 72 милиони евра. Луѓето од европските банки се сериозно загрижени поради информациите што излегуваат во медиумите. Ние интерно можеме што сакаме да си кажеме, но со европски банки не можеме да си играме.

 

ЕБОР се загрижени од саботата бидејќи се пласираа доверливи информации во јавност. Ниту јас, ниту друг субјект, нема право, ако нема изјава за доверливост, да учествува во ова. Затоа банките се загрижени. Утринава јас разговарав, ама не знам што ќе се случува во иднина. Ова се кредити кои ние како граѓани треба да ги вратиме. Има ризик да го изгубиме грантот - порача Перински.

На новинаско прашање дали е точно дека една од фирмите понудувачи на тендерот која имала 20 милиони евра пониска понуда од друга фирма, била одбиена со цел другата компанија да ја добие набавката, Перински објасни дека тој не е во позиција да зборува за такво нешто, ниту дека има податоци.

Јас не можам да коментирам дали имало понуда која е 20 милиони евра е поскапа или поевтина. Отворањето на понудите не е почнато, отворањето на понудите е закажано за денеска. Како можете да знаете вие? Од каде ви е информацијата, тоа вие треба да го објасните. Ме загрижува фактот што пласирате паушални бројки, бидејќи денеска во 12 часот е закажано отворањето на понудите - одговори Перински на новинарот.

Перински на прес-конфенцијата директно на Арсовска која му најави кривична пријава ѝ порача дека ако не му поднесе кривична пријава ќе бара јавно да му се извини.

The post Арсовска најави одговорност за Перински, но не знае за што, институциите ќе одлучеле дали имало криминал appeared first on Република.

Здружението на даватели на комунални услуги АДКОМ, бара итна средба со Министерството за транспорт и врски бидејќи со раскинување на договорите со моменталните снабдувачи на електрична енергија, се очекува зголемување на енергија на слободен пазар, при што јавните комунални претпријатија ќе работат само за да ја платат сметката за струја, истакна на денешната прес-конференција Иван Иванов претседател на Управниот одбор на АДКОМ.

ЈКП даватели на водни услуги нема да бидат во можност да обезбедат континуитет во давањето на водните услуги, со што, имајќи ја предвид постоечката криза и значењето за водата за животот и здравјето на населението и формирањето на сите други субјекти, може да го доведе во опасност целокупното функционирање на државата, вели Иванов.

АДКОМ бараат од Владата да ја разгледа можноста ЈКП да почнат да се снабдуваат со електрична енергија од ЕСМ, по исти тарифи како котларниците, топлотните станици, училиштата и сите други институции што се со повластена тарифа.

Доколку не се преземат мерки, Иванов апелира дека ќе бидат принудени да спроведат рестрикции во потрошувачката на електрична енергија, што ќе значи исклучување од работа на пречистилните станици за отпадни води како најголеми потрошувачи.

Бараме и итно враќање во собраниска процедура на законот со којшто се врши отпис на камати и репрограмирање на долгови што ЈКП ги имаат спрема државните институции, вклучувајќи и долгови што ќе настанат во период додека трае енергетската криза. Со оваа мерка ќе се олесни работата на ЈКП и ќе се ослободат од блокадите што ги имаат, но ќе успее и исплатата на покачената плата, додава тој.

Директорот на Управниот одбор на АДКОМ нагласи дека правото на здрава и квалитетна вода за пиење и чиста животна средина е уставно загарантирано право, но за жал и покрај секојдневните укажувања од нивна страна надлежните не ја разбираат сериозноста на ситуацијата во која се наоѓаат Јавните комунални претпријатија

The post Ќе има рестрикции за вода и исклучување на пречистелните станици за отпадни води поради скапата струја? appeared first on Република.

Град Скопје и ЈП Водовод и канализација годинава започнуваат со реализација на проектот за изградба на Пречистителна станица за третман на отпадни води – Скопје, како најголем еколошки проект за Скопје и скопјани, проект во вредност од 136 милиони евра, соопштуваат од Град Скопје, потенцирајќи дека со проектот ќе се прочистат 90% од водите во градот.

Денеска во просториите на ЈП Водовод и канализација – Скопје, се отворија тендерските понуди за дизајн и изградба на оваа пречистителна станица на која присуствуваа градоначалничката на Град Скопје, Данела Арсовска, директорот на ЈП Водовод и канализација, Златко Перински и претставници на Европската Делегација, Европската Банка за Обнова и Развој, Европската Инвестициона Банка и Инвестиционата рамка за Западен Балкан (WBIF) – ИФИ Канцеларијата за координација (IFICO), велат од Град Скопје.

Градоначалничката Арсовска истакна дека изградбата на оваа пречистителна станица е најголем еколошко-капитален проект за Скопје и скопјани, додавајќи дека на овој начин конечно ќе се овозможи третман на урбаните отпадни води согласно ЕУ стандардите.

Со изградба на оваа пречистителната станица за третман на отпадни води, Скопје конечно има можност да се развива во еколошка метропола која се грижи за животната средина и се грижи за скопјани. Ако до сега отпадните води одеа директно во Вардар, притоа свесно загадувајќи ја животната средина и јавното здравје, сега конечно ќе имаме можност активно да делуваме, да ги менуваме работите и да ставиме крај на загадувањето на реката Вардар, на градот, но пред се, дa обезбедиме подобра вода за пиење на населението и да го подобриме квалитетот на живот на скопјани, рече Арсовска.

На настанот се обрати и претставникот на Европската Инвестициона Банка (ЕИБ), г. Алесандро Брагонзи кој истакна дека овој проект е од огромно значење за жителите и за градот Скопје. Брагонзи посочи дека од голема важност е што проектот се одвива непречено и со одлично темпо и додаде дека со финализација на овој проект ќе се реши проблемот со отпадните води, ќе се зачува животната средина и граѓаните на Скопје ќе имаат почиста вода.

Директорот на ЈП Водовод и канализација, Златко Перински во своето обраќање ги презентираше постапките на реализација на овој значаен еколошко-капитален проект, осврнувајќи се на важноста на изградбата на пречистителната станица, за која вели дека не само Скопје, туку и градот ќе има над 90% прочистени води.

Иницијативата за ваков тип на проект со кој што конечно ќе се воведе еколошки систем за прочистување на водите во Скопје е уште од 2007 година, повторно актуелизирајќи го ова прашање во април 2017 година, со изработка на Студија за финансирање, градење и работење постројка за третман на отпадни води за главниот град Скопје - Уникатен документ Студија за изводливост, како надградба на претходната Физибилити студија. По долг процес на консултации, изработка на техничка документација и активен ангажман на цел тим професионални во оваа област, денеска можеме конечно да најавиме дека сме во фаза пред отпочнување на изградбата на пречистителна станица за отпадни води во Скопје. Со овој проект инвестираме во Скопје, за нашите сограѓани, но креираме и подобра иднина за идните генерации, истакна Перински.

Перински се заблагодари на Европската Банка за Обнова и Развој, Европската Инвестициона Банка и Инвестиционата рамка за Западен Балкан за финансиската поддршка за реализација на овој проект, додавајќи дека изградбата на пречистителната станица ќе започне годинава.

Пречистителната станица за отпадни води – Скопје ќе се простира на површина од 13 хектари, во општина Гази Баба, на левиот брег на реката Вардар, во областа Трубарево и ќе биде со капацитет од еквивалент 500.000 жители.

The post Почнува реализација на проектот за изградба на Пречистителна станица за третман на отпадни води appeared first on Република.