Ковачевски рече-Таче одрече. До пред само некоја недела власта го посочуваше хрватскиот модел за преамбулата на Уставот како добра основа за уставните измени кои треба да се направат со цел Бугарите да влезат во Уставот.

И навистина Уставот на Хрватска е добар пример бидејќи носител на државноста е хрватскиот народ a на сите други малцинства, меѓу кои и на македонското им се гарантирани сите права. Клучен збор е „малцинства“ односно „nacionalna manjina“  како што се нарекуваат во хрватскиот Устав.

Ако се препише хрватскиот Устав, сите кои живеат во Македонија а не се Македонци, односно Албанци, Турци, Срби, Власи, Бошњаци, и по ново Бугари, Хрвати и Црногорци треба да бидат во променетиот македонски Устав, односно во неговата преамбула.

Ништо спорно, и никој би не би имал против. Затоа беше за поздравување што власта во Македонија го посочуваше хрватскиот модел.

Но, откако лидерот на ВМРО-ДПМНЕ Христијан Мицкоски се изјасни дека за него хрватскиот Устав е прифатлив и оти би би прифатил такви промени на Прембулата, да се пробудија духовите.

Први се јавија албанските партии со изговор дека минало времето кога една нација или народ надвадувала на друг и оти промената на Уставот требало да ја изразува реалноста, односно мултиетичноста на Македонија.

А што си мислеше власта и албанските партии? Дека Уставот е излог од кој ќе си земат само она што им одговара, во случајот набројувањата на сите помали заедници како што е во хрватскиот Устав, а она што не им одговара а тоа е истакнувањето на македонскиот народ како носител на државноста ќе го оставиме во витрината? Така тоа не бидува.

Ковачевски како по обичај се прави дека не е одовде или пак е свесен дека и онака никој ништо не го прашува.

Јас не кажав што е прифатливо, што не е прифатливо, кажав дека прво работи работна група во рамки на Министерството за правда во којашто членуваат експерти и во која веќе се поканети претставници на политичките партии застапени во Парламентот и којашто ќе треба врз основа на најдобрите искуства да изработат предлог којшто треба да биде ставен на расправа. И кажав дека има политички партии кои што зборуваат за еден модел, па има политички партии кои зборуваат за друг модел на амандмани, трети зборуваат за трети. Вие кажавте за хрватски, излезе друга политичка партија кажа за швајцарски модел, трета излезе за белгиски модел да зборува и затоа треба да се седне на експертско ниво и да се изработи предлог којшто одговара на македонското општество и којшто одговара на нашите закони и на она што ние го очекуваме од нашата иднина како идна земја членка на Европската унија. Јас не кажав ниту дека сум за нешто за, ниту дали сум за нешто против-рече Ковачевски денеска.

The post Сега и хрватскиот модел не бил добар: Албанските партии мислат дека Уставот е излог од кој ќе си земат само што она им одговара appeared first on Република.

За Социјалистичката партија на Македонија начелно е прифатлива преамбулата од хрватскиот Устав да се примени и во измените во Уставот на Република Македонија.

Социјалистичката партија на Македонија го задржува принципиелниот став и инсистира на условување на уставните измени со реципроцитет во бугарскиот Устав и наведување на македонското малцинство во него.

Меѓутоа, како што е претходно напоменато од наша страна, сметаме дека овој парламентарен состав нема добиено мандат за било какви уставни измени.

Оттаму е потребата за одржување брзи предвремени парламентарни избори, став зад кој Социјалистичката партија на Македонија цврсто стои.

Воедно, Социјалистичката партија на Македонија не е подготвена и исклучува секаква можност да започне било каков дијалог со СДС, сметајќи го тоа за чин спротивен на изградените партиски ставови и нарушување на концептот за заштита на националните и државните интереси.

The post За СПM начелно е прифатлива преамбулата од хрватскиот Устав appeared first on Република.

Египќаните од Македонија преку своите здруженија испратија барање до Владата и премиерот Димитар Ковачевски да бидат внесени во Уставот, односно, во нацрт-амандманот за промена на Преамбулата да се внесе и заедницата на Египќаните и да стои „дел од еѓипќанскиот народ

Египќанската заедница подолго време бара да биде внесена во Преамбулата, каде освен македонскиот народ се споменати Албанците, Турците, Ромите, Власите, Србите и Бошњаците. Периодов е актуелна можна промена на преамбулата на Уставот, каде заради бугарските барања кон Македонија се очекува во Преамбулата да бидат внесени Бугарите како заедница, а државниот врв најавува дека освен нив ќе бидат впишани и Хрватите и Црногорците, затоа што подолго врмее тоа го бараат, но Египќаните никој не ги споменува.

Според пописот од 2021 година, во Македонија живеат 3.504 Бугари, 2.406 Египќани, 2.145 Хрвати, 1.023 Црногорци итн.

Потсетувајќи дека заедницата на Египќаните во Македонија е автохтона на Балканот, со свој артикулиран идентитет и самосвест, со значајни траги во материјалното и културното наследство, како и тоа дека припадниците на оваа заедница почнувајќи од Илинденското востание, преку Вториот Илинден и третиот Илинден, го дале својот конструктивен придонесза развојот на нашата држава. Исто така, тогашниот пратеник Рубин Земон, припадник на заедницата на Египќаните, во 2019 година гласаше за уставните измени, како и во 2020 годиа за влез на Македонија во НАТО - се вели во барањето на здруженијата на Египќаните во Македонија.

Тие се повикуваат на Повелбата на Обединтетите нации, Општата декларација на правата на човекот, завршниот акт на ОБСЕ, Конвенцијата на Советот на Европа и други меѓународни документи.

The post Египќаните бараат од Владата да бидат внесени во Преамбулата од Уставот appeared first on Република.

Експлицитно барање на нивниот амбасадор во Брисел, пред сите други амбасадори на земјите членки, е Бугарите да бидат насекаде во Уставот. Последното нивно барање, ми тврдат од нашата Влада и Министерството дека е тоа веќе усогласено, е Бугарите да бидат само во Преамбулата, одговори претседателот на државата Стево Пендаровски на прашањето во кој дел од Уставот би биле застапени Бугарите.

Како секој друг, рече шефот на државата, не може да се прави преседан и не може во Уставот да бидат ставени Бугарите таму каде што не се и другите делови од народ.

Но, последно е и бараат да бидат само дел од Преамбулата. Инаку тоа, и за сите други делови од народ, е конститутивен елемент и нема дилема. Значи не во нормативниот…Ако се прифати ова се, веројатно ќе има уште една измена во нормативниот дел на Уставот, кој се вика Комитет на заедници, во кој претпоставувам ќе има место и за Бугарите. Само таму ќе се спомнуваат во нормативниот дел како и сите други што ги имаме во Преамбулата на Уставот, рече Пендаровски.

The post Пендаровски: Бугарите бараат да бидат само дел од Преамбулата appeared first on Република.