Друштвото на писателите на Македонија (ДПМ) ги објави добитниците на наградата „Празник на липите“. На конкурсот за најдобра творба на тема „Липа” учествуваа 15 автори – членови на ДПМ со 18 свои творби.

Жири комисијата во состав Гоце Ристовски, Марина Мијаковска и Мирјана Стојановска наградата „Празник на липите” за поезија ја додели за песната „Липа” од Славица Дабевска Ќировска.

Жири комисијата во состав Љерка Тот Наумова, Елена Пренџова и Зоран Пејковски наградата „Празник на липите” за проза ја додели за расказот „Последниот Пурим” од Михајло Свидерски.

Жири комисијата во состав Весна Дамчевска Илиевска, Наум Бајо и Вања Изова Велева наградата „Празник на липите” за есеј ја додели за есејот „Ништо необично” од Трајче Кацаров, соопшти ДПМ.

Наградите на авторите ќе им бидат врачени на традиционалната меѓународна манифестација „Празник на липите” што ќе се одржи на 14 јуни со почеток во 11 часот во свечената сала на Друштвото на писателите на Македонија.

The post Дабевска Ќировска, Свидерски и Кацаров добитиници на наградата „Празник на липите“ appeared first on Република.

Заврши Конкурсот на тема „Липа”, распишан од страна на Друштвото на писателите на Македонија.

На Конкурсот пристигнаа повеќе творби, кои ги разгледуваше тричлената Жири-комисија во состав: Васил Тоциновски (претседател), Југослав Петровски и Пунторие Муча Зиба (членови).
Жири-комисијата едногласно одлучи да ја издвои и награди песната од авторот Стефан Марковски, која е годинашен добитник на наградата за најдобра творба на Меѓународната манифестација “Празник на липите”.

Манифестацијата „Празник на липите” е традиционална, а годинава ќе се одржи на 28.6.2022 година, во просториите на Друштвото на писателите на Македонија, со почеток во 10 часот.

Наградата на авторот Стефан Марковски е во вид на плакета и ќе му биде врачена на свеченоста на манифестацијата „Празник на липите 2022”.

The post Стефан Марковски е добитник на наградата „Празник на липите“ appeared first on Република.

Друштвото на писатели на Македонија распиша конкурс за  најдобра песна, краток расказ и есеј на тема „Липа“ за манифестацијата „Празник на липите’’.

На конкурсот може да учествуваат сите членови на ДПМ, а изборот за најдобра песна, краток расказ и есеј, ќе го врши тричлена комисија.

Песната, краткиот расказ или есејот треба да се испрати во четири примероци потпишани со име и презиме, е-мејл адреса и телефон од авторот на следнава адреса: Друштво на писателите на Македонија, улица Максим Горки бр.18 1000 Скопје, или на адресата на ДПМ; drustvonapisateli@gmail.com најдоцна до 15 јуни 2022 годинa, соопштија од писателската асоцијација.

The post ДПМ за манифестацијата „Празник на липите“ ќе додели награди за најдобра песна и есеј appeared first on Република.