Следува период на променливо облачно време со повремени локални врнежи од дожд, информираат од Управата за хидрометеоролошки работи.

Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме. Дневната температура од четврток ќе биде во постепено опаѓање.

Времето денеска сончево и топло со мала до умерена локална облачност. Попладне во источните делови ќе има услови за слаб локален дожд. Ќе дува слаб до умерен ветер од североисточен правец. Максималната температура ќе биде во интервал од 20 до 27 степени.

Времето во Скопје, ќе биде сончево со мала облачност. Ќе дува слаб ветер од променлив правец. Температурата ќе се движи до 26 степени.

The post За празниците ќе има пороен дожд, грмежи и пад на температурите appeared first on Република.

За првомајските и велигденските празници во Дојран се очекува да престојуваат над 10 илјади туристи, соопшти градоначалникот Анго Ангов.

Според него, се бара место повеќе и сите капацитети се исполнети.

Сакам да истакнам дека не само за празниците, туку од лани и од почетокот на оваа година расте бројот на туристи кои го посетуваат Дојран надвор од летната сезона. Ние сме подготвени да ги пречекаме сите посетители и да им го понудиме нашето познато гостопримство, рече градоначалникот Ангов.

Додава дека се зголемува бројот на сместувачките капацитети со обновување на тие коишто не биле во функција подолго време, а се градат и нови со што туристичката понуда на Дојран се зголемува.

The post Гужва во Дојран за празниците, се очекуваат над 10.000 туристи appeared first on Република.

Средината на месецот февруари го означуваат серија од три последователни празници, именувани според народните традиции – Трифунци: 14 февруари – Свети Трифун, 15 февруари – Сретение Господово и 16 февруари – Свети Симеон.

Овие денови се поврзани со лозја, вино, плодност и просперитет. На сите мора да им се молиме за добра година исполнета со многу среќа и љубов.

Св. Трифун потекнува од провинцијата Фригија во Мала Азија, Апамија, област која се смета за еден од предците на лозата и виното. Маченик, светец-исцелител, кој во 248 г. н.е., за време на владеењето на императорот Декиј Трајан, бил убиен со меч. Името на светителот е од грчкиот збор за мекост, нежност.

Само на 17-годишна возраст се здобила со голема слава лекувајќи ја ќерката на римскиот император Гордијан III. Сепак, наследникот на Гордијан, Декиј Трајан, се покажа како непокорен непријател на христијанското учење. Тој им нареди на сите почитувани светци да бидат изведени пред лицето на правдата. Меѓу нив е и Трифун, кој не сака да се одрекне од својата вера и умира како маченик.

Најчесто на иконите светителот е насликан како држи крст во десната рака, додека во левата има мал срп, како симбол на главната алатка за одгледување на лозја и градини во средниот век.

Свети Трифун важи за чувар на лозјата и празникот е во негова чест. 14 февруари се слави како ден на лозарот.

Токму на 15 февруари се слави Зимската Богородица, – Господова вечера, која е еден од 12-те големи христијански празници во годината и еден од четирите празници посветени на Богородица. Тогаш поминале 40 дена од раѓањето на Исус Христос.

Следниот ден е посветен на Свети Симеон и пророчицата Ана.

The post Денеска почнуваат трите волшебни денови на февруари appeared first on Република.

Традиционално, со празниците често пати доаѓа и вишокот килограми што потоа тешко се губат. Порталот „24 часа“ споделува неколку совети за „вкусен а здрав“ Божиќ.

Пред сѐ, првиот совет гласи: Не се седнува на маса прегладнет. Избегнувањето на дневните оброци на сметка на обврските, води кон обилна вечера и прејадување. Тоа, според стручњаците, воопшто не е здраво.

Натаму, не треба да се претерува ни со јаткастите плодови. Честопати ги јадеме и „несвесно“, а познато е оти тие се доста калорични и носат опасности.

Помалку алкохол, но не претерувајте ни со газираните пијалаци. Тие го отекуваат стомакот и создаваат непријатности. Потоа, се препорачува и помалку мрсно бело месо, наместо сочни шницли и колбаси, но и мајонез, крем и слични масни производи. Пржената храна, велат познавачите, е забранета. Наместо тоа, варената, обарената и печената закуска секогаш се подобар избор.

Околу облеката, треба да се избегнуваат тесни фустани и ремени што го притискаат стомакот.

Опуштете се. Стресот има негативно влијание врз варењето, а ако цела вечер се грижите дали гостите се среќни и нервозно трчате за другите да бидат задоволни, тоа ќе се одрази на Вашиот стомак и главата.

Следниот совет е: За да не дојде до оптоварување на црниот дроб, се јадат мали порции, а почесто во текот на денот. Доколку се прејадете со еден оброк, прескокнете го следниот.

Внимавајте и на висок холестерол. Тука се земаат во обѕир сирењата, месото, питите и колачите. Се препорачува бело месо, риба, зеленчук, како и повеќе јаболка, бидејќи тие се богати со пектин и го намалуваат лошиот холестерол во крвта.

Во случај на кардиоваскуларни проблеми, особено треба да се намали алкохолот, солената храна и мрсната храна. Ова важи и за луѓето со висок крвен притисок. Дури и прекумерните емоции за време на празниците претставуваат опасност за овие лица.

За крај: Дури и ако имате малку повеќе слободно време, не значи дека токму сега треба да се почне со понапорни вежби или интензивирање на постојната програма. Ова се денови кога вообичаено се претерува со храната, па тоа во спој со енергични спортови води кон премор за телото и бројни здравствени ризици и опасности.

The post Ако веќе се прејадувате за време на празниците – немојте да вежбате appeared first on Република.

Министерството за труд и социјална политика ја објави програмата на неработни денови за 2024 година.

Согласно со Законот за празниците на Република Македонија (Сл.весник на РМ број 21/98 и 18/07) во 2024 година неработни денови се:

Погледнете кои ќе бидат продолжени викенди во претстојната година и испланирајте ги вашите следни авантури:

За сите граѓани на РМ:
01 јануари (понеделник), Нова Година,
07 јануари (недела), Божиќ, првиот ден на Божиќ според православниот календар, односно 08 јануари (понеделник) е неработен ден,
10 април (среда), Рамазан Бајрам, првиот ден на Рамазан Бајрам,
1 мај (среда), Ден на трудот,
06 мај (понеделник), Велигден, вториот ден на Велигден според православниот календар,
24 мај (петок) „Св. Кирил и Методиј“ Ден на сесловенските просветители,
02 август (петок), Ден на Републиката,
8 септември (недела), Ден на независноста, односно 09 септември (понеделник) е неработен ден,
11 октомври (петок), Ден на народното востание,
23 октомври (среда), Ден на македонската револуционерна борба,
8 декември (недела), „Св. Климент Охридски“, односно 09 декември (понеделник) е неработен ден.

За граѓаните од православна вероисповед
06 јануари (сабота), Бадник, ден пред Божиќ,
19 јануари (петок), Богојавление (Водици),
03 мај (петок), Велики Петок, петок пред Велигден,
21 јуни (петок), Духовден, петок пред Духовден,
28 август (среда), Успение на Пресвета Богородица (Голема Богородица).
За граѓаните од католичка вероисповед
01 април (понеделник), Велигден, вториот ден на Велигден,
01 ноември (петок), Празникот на сите светци,
25 декември (среда), првиот ден на Божиќ.

За граѓаните од муслиманска вероисповед
16 јуни (недела), Курбан Бајрам, првиот ден на Курбан Бајрам,

За граѓаните припадници на албанската заедница
22 ноември (петок), Ден на албанската азбука.

За граѓаните припадници на српската заедница
27 јануари (сабота), Свети Сава.

За граѓаните припадници на ромската заедница
08 април (понеделник), Меѓународен ден на Ромите.

За граѓаните припадници на влашката заедница
23 мај (четврток), Национален ден на Власите.

За граѓаните припадници на еврејската заедница
12 октомври (сабота), Јом Кипур, првиот ден на Јом Кипур.

За граѓаните припадници на бошњачката заедница
28 септември (сабота), Меѓународен ден на Бошњаците.

За граѓаните припадници на турската заедница
21 декември (сабота), Ден на настава на турски јазик.

The post Ни следуваат многу продолжени викенди: Еве кои ќе бидат неработни денови во 2024 година appeared first on Република.

Следниот месец, октомври, имаме два неработни денови.

Во согласност со Законот за празниците на Република Македонија неработни се 11. октомври (среда), Ден на народното востание и 23. октомври (понеделник), Ден на Македонската револуционерна борба.

за припадниците на еврејската заедница неработен ден е овој понеделник, 25 септември, кога се слави Јом Кипур, првиот ден на Јом Кипур.

За граѓаните припадници на бошњачката заедница во земјава неработен е следниот четвртик, 28 септември (четврток), Меѓународен ден на Бошњаците.

The post Октомври носи два неработни денови, еден продолжен викенд appeared first on Република.

За време на божиќните празници јавните паркиралишта Народен фронт, АМСМ, Дом на печат, ЗОИЛ, Тутунски комбинат и 8-ми Септември, ќе бидат слободни за
паркирање на 6 и 7 јануари 2023 година, односно нема да се врши наплата на истите, информираат од ЈП Градски паркинг – Скопје.

Јавните површини наменети за паркирање (зонските паркиралишта), исто така ќе бидат слободни за паркирање без вршење на наплата на 7 јануари 2023 година.

Кочо Рацин, Градска болница, Клинички центар „Мајка Тереза“, Треска, како и катните гаражи „Беко“ и „26 Јули“, пак, ќе работат со редовно работно време 00:00 – 24:00 часот и со редовна наплата на истите, се наведува во соопштението на ЈП „Градски паркинг“ – Скопје.

The post Дел од јавните паркинзи во Скопје без наплата за божиќните празници appeared first on Република.

На Бадник, денот пред Божиќ започнува божикното славење. Рано наутро се зема бадниково гранче и се пали оган. Жените во куќите месат колачи и торти и ја подготвуваат трпезата за Божиќ. Погледнете што означуваат дел од обичаите и симболите што се подготвуваат за овој верски празник:

1. Сламата во домовите ги симболизира јаслите во коишто е оставено божјото новородено дете.

2. Парите во сламата го симболизираат златото со коешто е даруван Исус.

3. Оревите во сламата и во аглите на собите покажуваат дека Бог владее над сите четири страни на светот.

4. Кадењето на домот со темјан го симболизира мирот.

5. Погачата се крши и го симболизира самиот Исус Христос којшто за себе рекол: „Јас сум жив леб (леб на животот) којшто се симнува од небото; кој ќе јаде од овој леб ќе живее засекогаш; и леб којшто ќе му го дадам на светот“.

6. Рибата е симбол на Синот Божји. На грчки јазик, преку којшто нашите предци го примиле христијанството, риба е „ihtis“, што е склоп од иницијалите на Исус Христос. Затоа, на почетокот на христијанството рибата била знак за распознавање на христијаните.

7. Солта е симбол на силата и божјите благодати, којашто го чува божјото дело, како што лебот и рибата ги чува од мувла и гниење.

8. Медот е производ од најчистите суштества под небото – пчелите. Тој ја симболизира сладоста на вечниот живот под божјата заштита.

9. Виното ја претставува крвта на Спасителот којашто ја дал како откуп за спасување на човечките гревови.

10. Свеќата којашто се пали на Бадник и Божиќ треба да е од чист восок. Таа со својата светлина го претставува Божеството коешто е без почеток и крај.

11. Првиот гостин на самиот ден на Божиќ најчесто треба да биде дете, затоа што Спасителот велел: „Кој ќе го прими детето во мое име, ме прима мене“. Затоа првиот гостин се прима како самиот Господ којшто со своето раѓање во сите домови носи мир и добра волја.

12. Бадниковото лепче се меси во чест на Исус Христос. Сребрените или златните парички се симбол на златото со коешто е дарувано Божјото новороденче. Лепчето се крши во рацете, а членот на семејството којшто ќе ја најде паричката ќе има бериќет во текот на годината.

The post На Божик првиот гостин треба да ви биде дете, свеќата што се пали да е од чист восок appeared first on Република.

ЈСП Скопје информира дека во сабота (31.12.2022 год), возилата од јавниот превоз ќе сообраќаат по саботен возен ред, а во недела (1.01.2023 год) по неделен возен ред, при што првите вклучувања на возилата ќе бидат подоцна од воообичаеното, а останатите согласно неделниот возен ред.

Во понеделник (02.01.2023 год) ќе се вози по неделен возен ред, со вообичаените термини на првите вклучувања на сите линии.

Од вторник (3.01.2023 год) јавниот превоз ќе сообраќа по редуциран делничен зимен ред, поради училиштниот зимски распуст.

РАБОТНО ВРЕМЕ БИЛЕТАРНИЦИ
◾️во сабота (31.12.2022 год), сите билетарници и центри за персонализација ќе работат до 17 часот
◾️на 1 и 2 јануари, билетарниците и центрите за персонализација нема да работат

РАБОТНО ВРЕМЕ ЖИЧАРНИЦА

◾️во сабота и недела (31.12.2022 год и 1.01.2023 год) ќе работи вообичаено, од 10 до 17 часот
◾️во понеделник (2.01.2023 год), нема да работи, бидејќи секој понеделник, како и секој последен вторник во месецот се врши редовен преглед на објектот

The post Како ќе возат автобусите за време на празниците appeared first on Република.

Скопската православна епархија при МПЦ – ОА денеска ги демантира информациите дека била донесена одлука да нема погребенија на Свети Никола, првиот ден на Божик и Велигден, како и на Задушница, иако, како што велат оттаму, за тоа се разговарало.

По повод настаните од 19.12.2022 година, денот во кој Црквата го прославува споменот на светиот Николај Чудотворец, а во врска со неизвршувањето на погребенијата во тој ден, Скопската православна епархија го издава следново известување до медиумите – по барање на дел од свештенството од Скопската епархија да не се извршуваат погребенија на празникот на светиот Николај Чудотворец, во саботите на Духовденската и Митровденската задушница, и на првиот ден на Божик и Велигден, беа остварени средби со раководството на АД Бутел“, на коишто се разговараше за таа можност. Но, конечно, таква одлука не беше донесена, се вели во денешното соопштение од Скопската православна епархија.

Во него се додава дека поради одредена меѓусебна некоординираност, од некого било погрешно пренесено дека таква одлука има и оти веќе на 19 декември не треба да се извршуваат погребенија.

Како последица на тоа дојде до несаканите случувања. Затоа, уште еднаш истакнувајќи дека за тоа беше само разговарано, а не и одлучено, известуваме дека погребенијата ќе продолжат да се извршуваат секојдневно, како, впрочем, и досега, нагласува во соопштението од Канцеларијата на Скопската православна епархија.

The post Погреби, сепак, ќе има и на празници – засега appeared first on Република.

Овој четврток ќе биде последниот неработен ден за оваа година, тоа е празникот Св.Климент Охридски.

Првиот неработен ден во 2023 година ни доаѓа на само вториот ден од Новата година.

Јануари (2 продолжени викенди)

Во јануари имаме продолжен викенд за Нова Година. 1 јануари е недела но неработен ќе биде понеделникот, односно 2 јануари.

За Божиќ баш немаме среќа бидејќи празникот се паѓа во сабота. Но, Бадник е во петок па ќе имаме еден подолг викенд.

Во јануари има уште еден празник, а тоа е Богојавление (Водици) кој се празнува на 19 јануари во четврток.

Април (подолг Велигденски одмор и продолжен викенд за Бајрам)

Во април оваа година ни е Велигден. Празникот се паѓа на 16 април. Како и секоја година, неработни ќе бидат 4 дена околу овој празник, во кои е вклучен и еден викенд. Нема да се работи 14 април кога е Велики Петок а по викендот неработен ќе биде и вториот ден на Велигден, односно 17 април, понеделник.

Во овој месец неработен за сите граѓани е и 21 април кога се празнува Рамазан Бајрам. Денот се паѓа во петок што значи дека ќе имаме продолжен викенд.

Мај (продолжен викенд за Денот на трудот)

Во мај уште на почетокот на месецот имаме продолжен викенд. 1 мај се паѓа во понеделник, што значи дека заедно со викендот тоа ќе биде добра можност да се испланира некое патување.

Во мај има уште еден неработен ден, на 24 мај, Денот на сесловенските просветители Св. Крил и Методиј. Овој ден се паѓа во среда.

Јуни (продолжен викенд за Духовден)

Во јуни граѓаните од православна вероисповед имаат еден неработен ден а тоа е 2 јуни, кога се одбележува Духовден. Неработниот ден е во петок, што значи дека ќе има можност за уште еден продолжен викенд.

Август (продолжен викенд за Успение на Пресвета Богородица)

Во август имаме 2 неработни денови. Првиот е за Денот на Републиката, на 2 август. Денот се паѓа во среда.
Вториот неработен ден ќе ни донесе и продолжен викенд бидејќи Голема Богородица се паѓа на 28 август, во понеделник што значи дека тоа ќе биде уште еден продолжен викенд.

Септември (продолжен викенд за Денот на независноста)

Во септември имаме уште една добра можност за некој краток одмор на крајот од летото бидејќи 8ми септември, Денот на независноста се паѓа во петок.

Октомври (продолжен викенд за Денот на ВМРО)

Во октомври има два неработни дена. Првиот е на 11 октовмри Денот на народното востание и овој ден се паѓа во среда.

Вториот неработен ден е нова можност за продолжен викенд, бидејќи Денот на ВМРО се паѓа на 23 октомври, понеделник.

Декември (продолжен викенд за Св Климент Охридски)

Во декември неработен е 8 декември, петок поради прославата на Св. Климент Охридски што е нова можност за продолжен викенд)

The post В четврток е последниот неработен ден за годинава: Во 2023 година ќе има рекорден број споени викенди appeared first on Република.

Овој четврток ни доаѓа и последниот неработен ден за оваа година, тоа е празникот Св.Климент Охридски.

Потоа првиот неработен ден во 2023-та година ни доаѓа на само вториот ден од Новата година.

Јануари (2 продолжени викенди)

Во јануари имаме продолжен викенд за Нова Година. 1 јануари е недела но неработен ќе биде понеделникот, односно 2 јануари.

За Божиќ баш немаме среќа бидејќи празникот се паѓа во сабота. Но, Бадник е во петок па ќе имаме еден подолг викенд.
Во јануари има уште еден празник, а тоа е Богојавление (Водици) кој се празнува на 19 јануари во четврток.

Април (подолг Велигденски одмор и продолжен викенд за Бајрам)

Во април оваа година ни е Велигден. Празникот се паѓа на 16 април. Како и секоја година, неработни ќе бидат 4 дена околу овој празник, во кои е вклучен и еден викенд. Нема да се работи 14 април кога е Велики Петок а по викендот неработен ќе биде и вториот ден на Велигден, односно 17 април, понеделник.

Во овој месец неработен за сите граѓани е и 21 април кога се празнува Рамазан Бајрам. Денот се паѓа во петок што значи дека ќе имаме продолжен викенд.

Мај (продолжен викенд за Денот на трудот)

Во мај уште на почетокот на месецот имаме продолжен викенд. 1 мај се паѓа во понеделник, што значи дека заедно со викендот тоа ќе биде добра можност да се испланира некое патување.

Во мај има уште еден неработен ден, на 24 мај, Денот на сесловенските просветители Св. Крил и Методиј. Овој ден се паѓа во среда.

Јуни (продолжен викенд за Духовден)

Во јуни граѓаните од православна вероисповед имаат еден неработен ден а тоа е 2 јуни, кога се одбележува Духовден. Неработниот ден е во петок, што значи дека ќе има можност за уште еден продолжен викенд.

Август (продолжен викенд за Успение на Пресвета Богородица)

Во август имаме 2 неработни денови. Првиот е за Денот на Републиката, на 2 август. Денот се паѓа во среда.
Вториот неработен ден ќе ни донесе и продолжен викенд бидејќи Голема Богородица се паѓа на 28 август, во понеделник што значи дека тоа ќе биде уште еден продолжен викенд.

Септември (продолжен викенд за Денот на независноста)

Во септември имаме уште една добра можност за некој краток одмор на крајот од летото бидејќи 8ми септември, Денот на независноста се паѓа во петок.

Октомври (продолжен викенд за Денот на ВМРО)

Во октомври има два неработни дена. Првиот е на 11 октовмри Денот на народното востание и овој ден се паѓа во среда.

Вториот неработен ден е нова можност за продолжен викенд, бидејќи Денот на ВМРО се паѓа на 23 октомври, понеделник.

Декември (продолжен викенд за Св Климент Охридски)

Во декември неработен е 8 декември, петок поради прославата на Св. Климент Охридски што е нова можност за продолжен викенд)

The post Во четврток е последниот неработен ден за годинава – во 2023 ни следуваат рекордни споени викенди appeared first on Република.

Големиот православен празник Успение на Пресвета Богородица, секоја година се слави на ист ден - 28 август, кој е неработен за граѓаните од православна вероисповед. Сепак, годинава Голема Богородица се паѓа во недела, со што ни пропаѓа еден неработен ден во годината.

Следниот празник е Денот на независноста на Македонија, 8 Септември, кој годинава се паѓа во четврток, па најсреќните ќе може да го спојат целиот викенд во мини одмор.

Последниот продолжен празничен викенд е во октомври. Неработен ден по повод Денот на македонската револуционерна борба, 23 Октомври, е понеделник 24 октомври.

За сите граѓани неработни денови се Денот на народното востание 11 Октомври кој годинава се паѓа во вторник, и 8 Декември посветен на Св. Климент Охридски, кој годинава е во четврток.

За граѓаните од католичка вероисповед неработни се и 1 ноември (вторник), Празникот на сите светци, 25 декември (недела), првиот ден на Божик.

Програма на неработни денови за 2022 година

Во согласност со Законот за празниците на Република Македонија (Сл. весник на РМ број 21/98 и 18/07) во 2022 година неработни денови се:

За сите граѓани на РМ

1 јануари (сабота), Нова година,
7 јануари (петок), Божик, првиот ден на Божик според православниот календар,
1 мај (недела), Ден на трудот, односно 2 мај (понеделник) е неработен ден,
25 април (понеделник), Велигден, вториот ден на Велигден според православниот календар,
2 мај (понеделник), Рамазан бајрам, првиот ден на Рамазан бајрам,
24 мај (вторник), Св. Кирил и Методиј, Ден на сесловенските просветители,
2 август (вторник), Ден на Републиката,
8 септември (четврток), Ден на независноста,
11 октомври (вторник), Ден на народното востание,
23 октомври (недела), Ден на македонската револуционерна борба, односно 24 октомври (понеделник) е неработен ден,
8 декември (четврток), Св. Климент Охридски.
За граѓаните од православна вероисповед

6 јануари (четврток), Бадник, ден пред Божик,
19 јануари (среда), Богојавление (Водици),
22 април (петок), Велипеток, петок пред Велигден,
10 јуни (петок), Духовден, петок пред Духовден,
28 август (недела), Успение на Пресвета Богородица (Голема Богородица).
За граѓаните од католичка вероисповед

18 април (понеделник), Велигден, вториот ден на Велигден,
1 ноември (вторник), Празникот на сите светци,
25 декември (недела), првиот ден на Божик.
За граѓаните од муслиманска вероисповед

9 јули (сабота), Курбан бајрам, првиот ден на Курбан бајрам,
За граѓаните припадници на албанската заедница во РМ

22 ноември (вторник), Ден на албанската азбука,
За граѓаните припадници на српската заедница во РМ

27 јануари (четврток), Свети Сава,
За граѓаните припадници на ромската заедница во РМ

8 април (петок), Меѓународен ден на Ромите,
За граѓаните припадници на влашката заедница во РМ

23 мај (понеделник), Национален ден на Власите,
За граѓаните припадници на еврејската заедница во РМ

5 октомври (среда), Јом Кипур, првиот ден на Јом Кипур,
За граѓаните припадници на бошњачката заедница во РМ

28 септември (среда), Меѓународен ден на Бошњаците,
За граѓаните припадници на турската заедница во РМ

21 декември (среда), Ден на настава на турски јазик.

The post Следниот неработен ден ни „пропаѓа“ во недела, продолжен викенд дури во октомври appeared first on Република.

За време на Велигденските празници нема да се врши наплата на зонските паркинзи во недела 24.04.2022 и понеделник 25.04.2022, информираат од Јп Градски паркинг-Скопје.

Со редовна наплата ќе работат катните гаражи Беко и 26 Јули, паркиралиштата: Кочо Рацин, Градска Болница, Треска и клинички центар Мајка Тереза.

На сите верници од православна вероисповед им ги честитаме велигденските празници со христијанскиот поздрав ,,Христос Воскресе!" , порачаа од претпријатието.

The post Утре и в понеделник бесплатен паркинг на зонските паркинзи во Скопје appeared first on Република.

За време на Велигденските празници нема да се врши наплата на зонските паркинзи во недела 24.04.2022 и понеделник 25.04.2022, информираат од Јп Градски паркинг-Скопје.

Со редовна наплата ќе работат катните гаражи Беко и 26ти Јули, паркиралиштата: Кочо Рацин, Градска Болница, Треска и клинички центар Мајка Тереза.

На сите верници од православна вероисповед им ги честитаме велигденските празници со христијанскиот поздрав ,,Христос Воскресе!" , порачаа од претпријатието.

The post Бесплатен паркинг на зонските паркинзи во Скопје за Велигденските празници appeared first on Република.

По повод претстојните велигденски празници, возилата од јавниот превоз утре, петок (22.04.2022 год) ќе сообраќаат по неделен возен ред, со исклучок на автобусите на линиите 11, 11А, 18 А, 32, 47А, 51, 55, 55В, 56, 56А, 64А, 65А, 70, 74, 80А, 81, 118, 160 и 180 кои ќе возат по делничен возен ред.

Во сабота (23.04.2022 год), недела (24.04.2022 год) и понеделник (25.04.2022 год) автобусите на сите линии ќе сообраќаат по неделен возен ред.

РАБОТНО ВРЕМЕ БИЛЕТАРНИЦИ

Утре и во недела, од 7 до 14 часот дежурни ќе бидат билетарниците на Транспортен центар, Зелено пазарче и билетарницата во Ѓорче Петров.

Во сабота сите билетарници и центри за персонализација ќе работат вообичаено, а понеделник е неработен ден за сите продажни места.

РАБОТНО ВРЕМЕ ЖИЧАРНИЦА

Жичарницата утре, во сабота и недела ќе функционира вообичаено, од 10 до 18 часот, а во понеделник нема да работи.

РЕЖИМ НА СООБРАЌАЊЕ НА ЛИНИИТЕ ДО СРЕДНО ВОДНО

Линиите 25 (Транспортен центар-Средно Водно), 25А (Автомакедонија-Средно Водно) и 25Б (Дом на печат-Средно Водно) во понеделник нема да сообраќат, а во останатите празнични денови ќе возат по неделен возен ред.

The post Неделен возен ред за време на претстојните празници, ќе има дежурни билетарници, а Жичарницата нема да работи само во понеделник appeared first on Република.

Иако звучи чудно што разводите можат да се поврзат со месеците во годината, статистиката покажува дека врската меѓу нив и тоа како постои.

Можеби не сте размислувале за тоа, но времето на празниците може да влијае на вашето размислување, да ве поттикне да го преиспитате односот со брачниот другар, но и да ги одложите тие одлуки за подоцна.

Врз основа на анализите, експертите откриле дека најголем број разводи се случуваат во текот на јануари, но и зошто е тоа така.

Дошле до заклучок дека тоа е затоа што луѓето избегнуваат да започнуваат болни теми и да носат големи одлуки за време на празниците.

Луѓето се понесени од празничната еуфорија и потоа сите проблеми во бракот и семејството ги оставаат за подоцна, а кога ќе дојде јануари полека на површина излегува сето она што ги мачело за време на празниците.

Празниците се период кога емоциите се издигнуваат на повисоко ниво, па ако сте несреќни во бракот или сте лути на партнерот, овој период може да биде пресвртница – вели адвокатот за развод Џејмс Гроза.

Од друга страна, многу луѓе во декември стануваат маѓепсани од украсите, светилките, потпаѓаат под влијание на прекрасната, магична празнична музика, толку многу што веруваат дека се може да се сврти и да се подобри. За жал, штом поминат празниците се уверуваат дека биле во право уште пред празниците.

The post Јануари е прогласен за месец во кој паровите најмногу се разведуваат appeared first on Република.