Од декември 2018 година кога, во Албанија, почна да се имплементира процесот на проверка, познат како ветинг, Специјалната комисија за проверка донела 802 решенија за лица од правосудството, судии и обвинители.
Од вкупната бројка, околу 280 судии и обвинители биле разрешени, при што 130 од нив незадоволни од одлуката на соодветниот орган за проверка, поднеле жалба до судот во Стразбур. Во досиејата, отпуштените судии и обвинители тврдат дека не е регуларен процесот на проверка.

За пет години Стразбур објави седум решенија, шест од нив со потврдување на одлуката на албанските органи. Единственото решение за враќање на должноста е донесено за обвинителката Антонета Севдари за која Стразбур ја нарекува „диспропорционален процес“, поради што албанската држава е казнета од Стразбур, објавија албанските медиуми.

Според медиумите, 6.609 албански граѓани доставиле поплаки до комисијата за спроведување на ветингот, кои обвинуваат судии и обвинители дека се корумпирани, пристрасни, а ги наведуваат и  непријавените имоти од нивна страна.

Со оглед на тоа што мандатот на Комисијата за проверка завршува  до крајот на декември, граѓаните поплаките ќе може да ги упатуваат до Специјалниот одбор за жалби, кој ќе продолжи да ги разгледува жалбите на оние кои не се потврдени на функцијата.

Поради не поминување на проверката за потекло на имотот и вмешаност во криминални активности во земјата се чувствува дефицит од овој кадар.
Уставниот суд на Албанија не функционираше речиси три години бидејќи овој процес не го минаа шестмина од вкупно девет судии, меѓу нив и претседателот, а идентична беше состојбата и со Врховниот суд. И двете високи судски инстанци профнкционираа кон крајот на 2021 година.

The post Во Албанија ветингот разреши околу 280 судии и обвинители, 130 од нив се пожалиле во Старзбур appeared first on Република.

Нешто повеќе од 1 500 денари или 24,6 евра државата троши по глава на жител за правосудството, што е далеку под европскиот просек од 74,9 евра. Но, гледано како процент од БДП, судскиот буџет е значително над европскиот просек. Државата одвојува 0,39 проценти од БДП за судството, додека европскиот просек е 0,28. Најголем дел од средствата - 78,1 процент оди за судството, 20,9 проценти за обвинителствата и само 1 процент за правна помош.

Иако бројот на судии во земјава е во постојан пад и во последните десет години е намален за околу една третина, со 22,3 судии на 100 илјади жители земјава е нешто малку над европскиот просек од 21,9 судии на 100 илјади жители. Иако 62 проценти од судиите се жени, сепак, бројот на жени претседатели на судови е помал – 41 процент, наспроти мажи кои се претседатели на судови – 59 отсто.

Судиите и обвинителите имаат најниски плати во регионот. Ако на почетокот на кариерата, бруто платата на судиите е двојно помала од европскиот просек, на крајот на кариерата разликата само се зголемува и е речиси четири пати поголема.

Буџетот за ИКТ во судството во земјава бележи раст и гледано како процент од вкупниот буџет на правосудството, бележи раст од 1 процент во периодот 2014-18, на 2,6 проценти во периодот 2018-22 година. Иако буџетската правна помош по жител во земјава е зголемена од 0,16 евра во 2020 на 0,3 евра во 2022, останува еден од најниските во Европа.

Ова го покажува најновиот Извештајот за ефикасност и квалитет на правдата во Европа на Европската комисија за ефикасност на правдата на Советот на Европа (CEPEJ) којшто содржи податоци за 2022. Извештајот ги идентификува главните трендови во судските системи на 44 европски земји и две земји набљудувачи – Израел и Мароко.

Од регионот, за судство најмногу одвојува Црна Гора - 60,5, а најмалку Албанија - 15,8 евра по глава на жител 

Во групата А – земји со БДП по глава на жител од 10 илјади евра, каде се наоѓа и нашата земја, најмногу по глава на жител одвојува Црна Гора – 60,5 евра или 0,76 проценти од БДП. Потоа следи Србија со 48,1 евро по глава на жител или 0,54 проценти од БДП. Босна и Херцеговина одвојува 43,6 евра по глава на жител или 0,64 проценти од БДП.  Помалку од нас одвојува Албанија – 15,8 евра по глава на жител или 0,29 проценти од БДП.

Од земјите кои се во група Б со БДП по глава на жител меѓу 10 и 20 илјади евра повеќе од нас одвојуваат Бугарија – 73 евра по глава на жител или 0,55 проценти од БДП, Хрватска – 65 евра по глава на жител или 0,38 проценти од БДП и Грција – 50,5 евра по глава на жител или 0,26 проценти од БДП. Од оваа група само Турција одвојува помалку од нас – 15,6 евра по глава на жител или 0,15 проценти од БДП.

Во групата Ц – земји со БДП по глава на жител меѓу 20 и 40 илјади евра сите одвојуваат повеќе од нас меѓу 50 и 150 евра по глава на жител, додека споредено по процент од БДП ниту една не одвојува повеќе од нас и се движат меѓу 0,21 и 0,38 проценти од БДП. Во оваа група е Словенија со 107,1 евро по глава на жител или 0,38 проценти од БДП, Италија со 100,6 евра по глава на жител или 0,31 процент од БДП и Франција со 77,2 евра по глава на жител или 0,20 проценти од БДП.

Во групата Д – земји со БДП по глава на жител над 40 илјади евра земјите одвојуваат меѓу 80 и 250 евра по глава на жител или од 0,09 до 0,30 проценти од БДП. Во оваа група се Швајцарија со по 245,6 евра по глава на жител или 0,28 проценти од БДП, Луксембург со по 194 евра по глава на жител или 0,16 проценти од БДП, Австрија со 141 евро по глава на жител или 0,29 проценти од БДП, Германија со 136,1 евро по глава на жител или 0,30 проценти од БДП и Данска со 96,7 евра по глава на жител или 0,15 проценти од БДП.

Генерално повеќе од две третини од правосудниот буџет на земјите оди за плати, нешто помалку од 10 отсто за судските згради, речиси 6 отсто за компјутеризација, а само 0,6 за обуки и едукација. Во споредба со претходниот извештај, најголем раст од 54 проценти има во буџетот за обуки и едукација и компјутеризација 24 отсто. Буџетот за плати има раст од 10 отсто, додека инвестирањето во нови згради и простории има намалување од 40 отсто.

За десет години бројот на судии е намален за една третина, но се уште е над европскиот просек 

Бројот на професионални судии во земјава е намален за еден третина во десет години од 32,4 судии на 100 000 жители во 2012 година, на 22,3 судии во 2022 година. Во меѓувреме европскиот просек е константен на 17,6 судии на 100 000 жители. Генерално источноевропските земји се над европскиот просек, додека западноевропските под европскиот просек на судии на 100 илјади жители. Па така, Англија и Велс имаат по тројца судии на 100 илјади жители, Франција и Шпанија по 11, Италија 12, додека Германија 24,7 судии на 100 илјади жители.

Од земјите во регионот само Албанија има помалку судии од нас, по 11,4 на 100 илјади жители, потоа следат Босна и Херцеговина со 29, Бугарија со 33,9, Грција со 37, Србија со 39,1 и Хрватска и Црна Гора со по 42,4 судии на 100 илади жители.

Земјите со повеќе професионални судии, исто така, имаат и повеќе судска администрација. Просечниот европски сооднос е околу 4 вработени во судска администрација на 1 судија, додека кај нас тој изнесува 5 на 1 судија.

Со 8,5 јавни обвинители на 100 илјади жители ние сме далеку под европскиот просек од 12,2. Најмногу обвинители имаат Бугарија, Латвија и Молдавија – над 23, додека најмалку Франција и Ирска под 3 јавни обвинители на 100 илјади жители.

На еден јавен обвинител во земјава има 2,3 вработени не јавни обвинители, што пак е над еврпскиот просек, каде на еден јавен обвинител има 1,5 вработени не јавни обвинители.

Судиите и обвинителите во земјава имале речиси двојно повеќе обуки во однос на европскиот просек. Судиите во земјава во просек посетиле по 3,4 обуки, наспорти европскиот просек од 1,9 обуки, додека јавните обвинтели имале 4,1 обука, наспроти европскиот просек од 1,3 обуки по јавен обвинител.

Бројот на адвокати е зголемен од 121,1 адвокат на 100 000 жители во 2012, на 153,5 адвокати во 2022 година и е во рамки на европскиот просек од 155,5 адвокати на 100 000 жители.

Судиите и обвинителите со најниски плати во регионот и далеку под европскиот просек

Судиите во земјава на почетокот на кариерата имаат сооднос на 2,1 плата наспроти просечна национална плата. Додека ова е исто со европскиот просек, на крајот од кариерата европскиот просек на платата на судиите е 4,3 пати над просечната национална плата, додека кај нас тој сооднос е 2,9 пати.

Бруто платата на судиите на почеток на кариера изнесува 19 171 евро, што е многу под европскиот просек од 46 812 евра. Оваа разлика само се зголемува со годините стаж, па така на крајот на кариерата кај нас судиите заработуваат во просек по 27 023 евра, додека европскиот просек е речиси четири пати поголем – 100 367 евра.

Од земјите во регионот судиите во Црна Гора на почетокот на кариерата заработуваат 19 557 евра, во Србија 20 967 евра, Албанија - 25 304 евра, Хрватска – 27 754 евра, БиХ – 29 224, Бугарија – 30 085 и Грција – 31 710 евра.

На крајот на кариерата платите на судиите во Албанија стигнуваат до 32 420 евра, Црна Гора – 32 864, Србија – 49 741, Бугарија – 53 144, БиХ – 55 907, Хрватска – 57 558 и Грција – 96 037 евра.

Јавните обвинители во земјава со 1,9 пати над просечната националната плата на почетокот на кариерата имаат нешто над европскиот просек од 1,7. Но, оваа почетна предност не е доволно, па на крајот од кариерата имаат 2,7 пати над просечната национална плата, што пак е под европскиот просек од 3,2 пати.

Обвинителите на почетокот на кариерата имаат бруто плата од 18 014 евра, што е под европскиот просек од 42 249 евра. На крајот од кариерата македонските обвинители заработуваат во просек по 25 461 евра, што е под европскиот просек од 70 090 евра.

Од земјите во регионот јавните обвинители во Црна Гора на почетокот на кариерата имаат плата од 18 310 евра, Србија – 18 368, Албанија – 23 507, Хрватска – 27 754, БиХ – 29 266, Бугарија – 30 085 и Грција 31 710 евра.

На крајот на кариерата платите на јавните обвинители достигнуваат до 31 673 евра во Албанија, 32 650 – Црна Гора, Србија – 34 595, Бугарија – 53 144 евра, БиХ – 55 611 , Хрватска – 57 558 и Грција – 87 247 евра.

Буџетот за Информатички и комуникациски технологии (ИКТ) во судството расте

Во просек буџетот наменет за ИКТ технологија бележи раст во сите земји, освен во две каде е намален. Гледано како процент од вкупниот буџет на правосудството, тогаш буџетот за ИКТ технологии е зголемен во 22 земји, а намален во осум.

Буџетот за ИКТ во судството во земјава по глава на жител во просек во периодот меѓу 2018 и 2022 година изнесувал 0,54 евра, што е значителен раст споредено со перидоот 2014-18 кога изнесува 0,15 евра. Истовремено, гледано како процент од вкупниот буџет на правосудството, бележи раст од 1 процент во периодот 2014-18, на 2,6 проценти во периодот 2018-22 година.

Од земјите во регионот повеќе за ИКТ технологија издвојуваат судските власти во Хрватска – 2,21 евро по глава на жител, Црна Гора – 0,79 евра, Србија – 0,62 евра, додека помалку Босна и Херцеговина – 0,52 евра по глава на жител и Бугарија – 0,32 евра. Албанија, дури има и намалување на буџетот за ИКТ од 0,10 евра по глава на жител во 2014-18 на 0,08 евра во 2018-22 година.

Данска одвојува 8,6 проценти од судскиот буџет за ИКТ технологии или 4,08 евра по глава на жител. Финска – 8,3 проценти или 5,39 евра, додека Холандија – 10,2 проценти или 6,80 евра.

Извештајот во делот на ИКТ за земјава, покажува дека индексот на распоредување на ИКТ во земјава е 3,3, што е под европскиот просек од 4,16. Најсилната ИКТ категорија е „менаџмент на случаи“, и е 56% повисок од вкупниот индекс, што укажува на тековната дигитализација на главниот регистар на случаи. Извршителите имаат електронски софтвер за управување со предмети и се поврзани со земјишниот регистар и бази на податоци. Во подготовка е нова ИКТ стратегија, додека стратегијата 2019-2024 не е финализирана.

Ефикасност и квалитет на судскиот систем

Извештајот на CEPEJ во делот за ефикасност и квалитет, оценува дека во Македонија, високиот број на судии во пензија во 2022 година, предизвикана од новата задолжителна возраст за пензионирање, веројатно довела до намален број на решени предмети и, следствено, зголемено време на решавање. Генерално, судовите се најефикасни во кривичната област и во трет степен. Одделно, третостепениот суд се чини дека е најефикасен, додека времето на решавање е највисоко во прв степен во граѓански и деловните парнични предмети. Најзначајно намалување на времето на решавање има во административните предмети во највисокиот суд.

Во извештајот за ефикасноста се оценуваат два индикатори. Првиот CR се добива со делење на бројот на решени предмети со број на дојдовни случаи во даден период, изразено во проценти. Тоа покажува како судот, или судскиот систем се справува со приливот на предмети и овозможува споредба помеѓу системите без оглед на нивните разлики и индивидуалните карактеристики. Ако CR е над 100% тогаш судот решавање повеќе предмети од новопримени и се намалува бројот на заостанати. Во спротивно, ако CR е под 100% тогаш судот решавање помалку предмети од новопримени, со што се создава застој.

Вториот индикатори DT е времето во теорија потребно за еден предмет да се реши со моменталното темпо на работа на судовите. Се пресметува со делење на бројот на нерешени предмети со бројот на решени случаи во одреден рок, тогаш множејќи се со 365 за да се изрази резултатот во денови. Ако DR е над 365 дена тоа сугерира дека има повеќе случаи во очекување отколку решени, додека DT  под 365 дена укажува на спротивното.

Во теорија времето за решавање на еден случај (DT) во прва инстанца во граѓански судови е 312 дена, во кривичен – 159 дена и во административен – 303 дена. Во второстепени судови за граѓански спорови DT  е 166 дена, во кривичен 129 и во административни – 92 дена. Во највисок, трет степен DT за случаите од граѓанска природа е 217 дена, од кривична област 39 и во административна 26 дена.

Граѓански и трговски парнични случаи во основни судови во 2022 година за Македонија, заедно со Албанија и Црна Гора влегуваат во катергорија на земји кои создаваат заостанати предмети. Стапката на CR е под 90%. Босна и Херцеговина, Грција и Малта се во групата на земји со загружувачки ниска стапка на CR. Ист е случајот и со кривични предмети во прв степен, каде земјава заедно со Албанија, Азербејџан и Грција е во категорија на земји кои создаваат заостанати предмети.

Буџетот наменет за правосудниот систем во повеќето европски земји останува низок споредено со другите јавни сектори

Извештајот покажува дека делот од буџетот наменет за правдата во повеќето европски земји останува низок во споредба со другите јавни сектори, што претставува околу 0,31% од БДП. Во просек, секоја земја троши 85,4 евра по жител на својот правосуден систем (7,31 евра повеќе отколку во 2020 година). Побогатите земји генерално издвојуваат повисок буџет за правосудниот систем, понекогаш надминувајќи 200 евра по жител, додека помалку богатите земји посветуваат поголем процент од својот БДП на правдата, што одразува поголем напор во однос на нивните економски ресурси.

Во просек, 2/3 од буџетот на судските системи на државите се троши на судови, 25% на јавните обвинителства, а остатокот на правна помош (11%). И покрај зголемувањето од 11,74% и 18,75% во буџетите на судовите и јавните обвинители соодветно, има забележително намалување од 16% во трошоците за правна помош од 2020 година. Побогатите земји (со БДП по жител над 20.000 евра) генерално инвестираат повеќе во правна помош, со просечно 24% од судскиот буџет наменет за правна помош, во споредба со само 3% во помалку богатите земји.

Вкупно 44 земји-членки нудат бесплатен онлајн пристап до правни текстови, судска пракса од повисоките судови и разни информации за судскиот систем преку веб-страниците на нивните судови. Само во три земји-членки пристапот до судот е бесплатен. Сепак, правната помош е достапна во сите 46 земји-учеснички, иако условите за нејзино добивање варираат. Во некои земји, специфични категории на луѓе како што се жртви на семејно или сексуално насилство, имигранти или баратели на азил автоматски имаат корист од оваа помош.

Трендот на намалување на бројот на судови во Европа беше потврден во 2022 година. Во исто време, постоењето на алтернативни механизми за решавање спорови – судско посредување постои во сите земји-членки – како и дигитални решенија, се повеќе се гледа како средство за подобрување на пристапот до правдата.

Извештајот на CEPEJ во делот на ефикасноста на судските системи покажува дека тие имаат значително подобрување во 2022 година во споредба со 2020 година. Додека во теорија времето потребно за процесуирање на случаите е намалено во целост во споредба со 2020 година, ситуацијата се разликува во зависност од видот на случајот (граѓански, кривичен, управен) и степенот на надлежност (прв, втор, трет степен). На пример, додека кривичните предмети бележат намалување на времето на процесуирање во прв степен, граѓанските и деловни случаи сè уште не се вратиле на нивните нивоа пред пандемијата, со зголемување на времето на обработка во прв и втор степен. Третостепените судови беа најефикасни за сите видови предмети. Медијацијата поврзана со судот останува недоволно искористена во 25% од државите што обезбедуваат податоци.

Инвестициите во ИКТ се постојани и речиси сите држави го зголемиле просечниот буџет за ИКТ по ​​жител. Ова ја покажува зголемената важност на ИКТ за судскиот систем.  Од последниот циклус и по Ковид, многу држави и ентитети постигнаа значителен напредок во воведувањето на рочишта на далечина во судовите и во 33 држави тоа е можно во кривичната материја. Дополнително, за време на овој циклус на евалуација се појавија нови иновативни алатки за помош на судиите, што го сигнализира почетокот на значајни случувања што ќе бидат видливи во текот на следниот циклус на оценување, покажува Извештајот на СЕРЕЈ.

Ова е десетти евалуациски извештај од формирањето на CEPEJ во 2002 година, првиот што го мери влијанието на Ковид пандемијата врз судските системи, им нуди на креаторите на политиките и на професионалците во правосудството практична и детална алатка за подобро разбирање на функционирањето на правдата во Европа за подобрување на нејзината ефикасност и квалитет.

The post Државата троши нешто повеќе од 1500 денари по глава на жител за правосудството appeared first on Република.

Рокот до 30 септември што го даде Владата помина, но за жал до нас не стигна ниту еден конкретен предлог како треба да се одвива реформата во нашиот правосуден систем. Затоа од денеска ние почнуваме да го развиваме нашиот систем и започнуваат реформите во македонскиот правосуден систем, затоа што Македонија и граѓаните немаат повеќе простор за чекање, порача премиерот Христијан Мицкоски на денешната прес-конференција по повод 100 дена од мандатот на новата Влада.

Тој подвлече дека борбата против корупцијата е една од можеби најголемите забелешки која ја слушал изминативе денови, односно зошто се уште не започна борбата против корупцијата, односно зошто не апсиме, но потенцира дека ниту како човек, ниту како универзитетски професор, ниту како политичар нема да дозволи од тоа да прави естрада и никогаш вели, нема да се случи преку својата позиција и злоупотребите на институциите кои што се дел од македонската Влада да манифестира сила моќ и реваншизам, затоа што засекогаш мора да престане тој начин на однесување.

Човечки е да се простува, но исто така потребно е криминалот и корупцијата да бидат казнети. Но има институции каде што се водат тие процеси, има закон, има Устав пред кој тие кои сториле криминал треба да одговараат без разлика дали се тоа политички криминалци, бизнис криминалци, или некој друг вид криминалци кои што можеме да ги сретнеме сеуште на улиците низ државата. Затоа ве молам да бидете трпеливи, процесот е тежок затоа што имаме партиски октроирано и заробено обвинителство и судство и тоа не мислам за сите обвинители и судии, туку за една мала група од нив кои се партиски послушници кои го контаминираа нашиот правосуден систем, вели Мицкоски.

Посочи дека до вчера до кога бил рокот за предлог реформи за правосудството до Владата официјално не пристигнал ниту еден предлог.

Сите оние кои што критикуваа, сите оние кои што велеа дека ние сакаме да правиме чистка во правосудството и повторна партизација, само овој пат да ги смениме улогите, наместо едните и другите, наместо СДСМ и ДУИ да бидат Вреди, ВМРО-ДПМНЕ и ЗНАМ, ги нема. Затоа од денеска ние почнуваме да го развиваме нашиот систем, нашата методологиоја и започнуваат реформите во македонскиот правосуден систем, затоа што Македонија и граѓаните немаат повеќе простор за чекање, рече Мицкоски.

Борбата со криминалот и корупцијата продолжуваат, посочи премиерот нагласувајќи дека голем дел од случаите се веќе разоткриени и се на виделина на јавноста.

За првпат во независна држава имаме врховен судија кој што е фатен со мито во рацете, имамем поранешен претседател на Советот на јавни обвинители кој што е сочесник во тоа, поранешни пратеници, актуелни пратеници, директори, бизнисмени, огромни скандали. Можеби наша грешка беше што не правевме спектакл и естрада од сето тоа, но така се одлучивме мислејќи дека приватноста на семејствата, пред се, но и презумпцијата на невиност да ги испочитуваме пред било што да правиме, не смеевме да ги осудиваме луѓето пред да бидат вистински осудени, вели премиерот Мицкоски.

Според него, мора да се стави крај на таа пракса кога специјалци влегуваа во домовите на пратенции пред очиглед на малолетни деца и се иживува врз нив за да биде задоволена суетата на некои политички моќници.

Нема потреба од тоа, мора да се сме на земја, подобро половина чекор напред, отколку три напред-два назад, верувајте тоа веќе се чувствува. Одговорноста е на највисоко ниво а псоветеноста и работата ќе продолжи со уште поголема одлучност, нагласи премиерот Мицкоски.

https://www.youtube.com/live/WQc4Wo4UgJI?si=OdCHdQ-qG8GJB86l

The post Не добивме ниту еден предлог за правосудните реформи, почнуваме да го развиваме нашиот систем на реформи, најави Мицкоски appeared first on Република.

Министерот за правда Игор Филков оствари средба со Марциа Палота, проектен офицер од  Делегацијата на Европската унија во Македонија и тимот од проектот „Поддршка на ЕУ за владеење на правото”.

Со ова, како што соопшти Министерството за правда, ќе се поттикне  довербата на граѓаните преку воспоставување на правосуден систем кој ќе биде темел на праведно општество.

Проектот ја обезбедува потребната експертска поддршка на Министерството за спроведување и следење на Секторската развојна стратегија за правосудството 2024-2028 година, како и други активности, а се во насока на подобрување на законските решенија.

Предвидено е во текот на наредниот месец да се отпочне со јавни дебати за Законот за Судскиот совет и Законот за јавно обвинителство. Ќе се реактивира и работата на Советот за следење на Стратегијата .За подобрување на  ефикасаноста на судскиот систем и антикорупциската политика ќе биде неопходно да се унапреди дигитализацијата и да се зајакне соработката помеѓу органите за спроведување на законот и правосудните органи, се наведува во соопштението.

Сето ова, како што велат од Министерството за правда, ќе и помогне на нашата држава да изгради подобар правен систем, да напредува кон интеграцијата во ЕУ и да се осигура дека реформите се одржливи на долг рок.

The post Странски експерти ќе работат со Министерството за правда на проблемите во правосудството appeared first on Република.

Ако не пак, повторно да ја вратиме госпжа Катица Јанева на специјална мисија!?

А, господа амбасадори!?

Таа ја уживаше вашата поддршка и уважение, редно е да и се помогне на жената и да се рехабилитира.

Ако еднаш рекетирала, не значи дека ќе го повтори делото!

Така може од „втора мајка“, да ја оправда вашата доверба, воедно и да ја исчисти „црната дамка“, што ви ја нанесе, како на екселенции со нај добри намери.

Имам и друг предлог:

На местото на поранешниот државен јавен обвинител, „исихастот“ Јовевски, докажаниот „молчељубец/ќутолог“, кој како да имаше земено „завет на молчание“, во неговиот мандат, да ја поставиме госпоѓата Вилма Русковска.

Докажаната обвинителка, можеби сега ќе покрене обвинение и за луѓето со качулки во собранието на 27 април, во тогашната Р.М. за кои тогаш никој не беше заинтересиран да дознае кои се', и зошто биле маскирани?

Ако не тоа, тогаш пак нас може да не собере, на повторено судење и наместо 300, овој пат да побара 600 години робија.

Плус, нејзините методи за притвор, некои од нас ги почувствувавме, некој од вас ги видовте, а отпосле сите ги слушнавме: „Го фрлив таму и го заборавив! Го заборавив! Буквално го заборавив! Ха, ха, ха...“!

Се разбира ако тој глас беше нејзин!?

А не бил глас на некој руски пранкер, кој глуми пијана обвинителка, која садистички ужива во притворот на некој си таму, кого го фрлила во кочината, наречена „Шутка“. Кој знае ... ?

Но, сето тоа треба да се расчисти.

Е сега, за судија во тоа обновено судење за „терористичко загрозување ...“, глупо е да ја враќаме госпоѓата Кацарска и да ја деградираме како уставна судијка, мачејки ја жената по стари години, да се пентари по скалите и да седи по 13 до 14 часа на судење во деноноќие, 4 до 5 деноноќија во неделата.

Тука ќе мора да се најде друг судија, друг кадар.

Некој кој е спремен и кадарен, после тоа судење, да се искачи и да се вивне до самиот врв на уставениот суд.

П.С.

Дали ако еден ден во нашава Македонија победи некоја екстремна десница и ако ја врати смртната пресуда во македонското судство (хипотетички).

Дали во таков случај, ќе можеме самите да си ги одбереме џелатите кои ќе не обезглавуваат, или ќе ни бидат наметнати кадри, кои други ќе ни ги одберат/назначат.!?

Фејсбук статус на Владо Јовановски

The post Е па, ако не, ај Катица да ја вратиме appeared first on Република.

Судскиот совет е важно оружје кое што е потребно за вистинско трансформирање на правосудството во Македонија, во една институција која што им служи на своите граѓани, која што ги штити невините и ги казнува оние кои што сметаат дека се над законот, истакна денеска американската амбасадорка во земјава, Анџела Агелер, на Конференцијата за напредокот при спроведувањето на препораките од Оценската мисија на ЕУ од страна на Судскиот совет.

Агелер во своето обраќање посочи дека Судскиот совет треба да ги следи препораките на Оценската мисија, бидејќи како што рече, довербата на јавноста во правосудството е шокантно ниска.

Ќе се согласите дека останува многу пред вас. Извештајот од Оценската мисија на ЕУ е еден вреден патоказ за реструктурирање на Судскиот совет и повторно поставување на неговата улога во рамките на правосудството. Судскиот совет е едно важно оружје во арсеналот оружје што ќе биде потребен за вистинско трансформирање на правосудството, во една институција која што им служи на своите граѓани, која што ги штити невините и ги казнува оние кои што сметаат дека се над законот. Затоа што денес, како што амбасадорот Коп живописно го опиша, довербата на јавноста во правосудството е шокантно ниска, истакна Агелер.

Судскиот совет, вели Агелер, треба да го следи законот и даде отпор на политичките притисоци, затоа што, вели Македонија има добро изработени закони, како и искусни обвинители и судии.

Имате добро изработени закони, добро опремени институции и искусни обвинители и судии, а повеќето од нив и патувале и имале размени со САД. Па се поставува прашањето како да почнеме да го надополнуваме оној јаз или недостиг на доверба на оние на кои треба да им служиме. Пораката јасна и не се менува. Работете ја работата која што треба да ја работите. Следете го законот, работете за луѓето, дајте отпор на политичките притисоци, заштитете го својот интегритет и прифатете ја транспорентноста. Напорната работа веќе започна и гледаме напредок. Сега дозволете ни да ви помогнаме да стигнете уште понапред на својот пат, рече Агелер.

The post Агелер: Довербата на јавноста во правосудството е шокантно ниска, Судски совет треба да ги казнува оние кои што сметаат дека се над законот appeared first on Република.

Вицепремиерот Маричиќ на денешниот настан TAIEX Самит за пристап до правдата -современи достигнувања во дигитализацијата на правосудството се обрати преку видео порака истакнувајќи ја важноста на “Дигитализацијата на правосудството“ како тема која датира од неговиот претходен мандат во Владата, како министер за правда, започнувајќи го процесот на дигитализацијата на судскиот систем, во рамки на Стратегијата за реформа во правосудството 2017-2022, која продолжува и во периодот од 2023 до 2027 година.

„Со првите опремени судници и овозможувањето судења на далечина, создадовме услови за сите учесници во судските спорови да комуницираат дигитално.“

Во продолжение порача дека Владата останува цврсто на ставот дека дигитализацијата на судството и употребата на вештачка интелигенција во судскиот систем не е веќе прашање на избор, туку на неминовност.

„Определбата за дигитализација на правосудтвото е во согласност и со приоритетот на актуелното шпанско претседателство со Европската Унија, за сеопфатно заокружување на процесот на дигитализација и внимателната апликација на регулативата за вештачка интелигенција. Тоа се исклучително значајни алатки за комуникација помеѓу земјите-членки и на агенцијата ЕВРОПРАВДА на ЕУ за судска соработка во кривичните прашања“

За крај, Вицепремиерот Маричиќ истакна дека судските реформи мора да бидат во корист на граѓаните и дека неговите очекувања се фокусирани на интензивирање на реформите во правосудството, продолжување на соработката со ЕУ и со земјите членки на Унијата.

На настанот воведни обраќања имаа и заменичката министерка за правда, Викторија Аврамовска Мадиќ, шефот на мисијата на ОБСЕ, Килијан Вал, генералниот директор за дигитална трансформација на администрацијата на правдата, Министерство за правда, Шпанија - Аитор Кубо Контрерас, настанот за почеток го модерираше проф д-р и судија Лазар Нанев.

The post Маричиќ: Судските реформи преку дигитализацијата на правосудството мора да бидат во корист на граѓаните appeared first on Република.

Државниот завод за ревизија (ДЗР) денеска го објави Ревизорскиот извештај на усогласеност на Основниот буџет на Република Македонија (Буџет на РМ), со која се опфатени планирањето, подготовката, донесувањето и извршувањето на Буџетот за 2022 година. Според Извештајот, Владата одобрила пет пати повеќе пари од планираното во 2022 година за Министерството за транспорт и врски, себе си си доделила 2,5 пати повеќе плари од планираните но затоа им ги скратила парите на судството за 63 отсто повеќе од планираното, а на Јавното обвинителство наместо законските 0,4 отсто од БДП им дале 0,21 отсто од парите што им следуваат. Вкупните приходи и приливи во 2022 година се остварени за 11 отсто помалку во однос на 2021 година, во износ од околу 202 милијарди денари, што во најголем дел се должи на намалувањето на задолжувањето во странство (62 отсто) и домашното задолжување (37 отсто).

Буџетот за 2022 година изнесуваше приближно 182 милијарди денари и во однос на 2021 година е помал за 7 отсто, додека во однос на бараните пари од буџетските корисници е помал за 29 отсто, пишува ДЗР во најновиот Извештај.

Со ребалансот на буџетот од јули 2022 година, како и со две Одлуки за прераспределба на средства помеѓу буџетските корисници на централната власт и помеѓу фондовите од ноември 2022 година, Владата го зголемила Основниот буџет за 2022 година за 8 отсто.

Според ДЗР, во континуитет се известува дека одобрените буџети на буџетските корисници не е во сооднос со реалните потреби за реализација на поставените цели. Иста е состојбата и за 2022 година, односно износот на одобрени пари од Основен буџет (сметка 637) е повисок за 21 отсто во однос на максималните износи на одобрени средства.

„Значително зголемување на одобрени средства за 2022 година има кај Министерството за транспорт и врски, кои во однос на претходната година се зголемени за околу 5 пати, поради воведување на новата владина програма 2М–Инвестиции во патна инфраструктура, за имплементација на Проектот за изградба на инфраструктурниот Коридор 8 (делница Тетово - Гостивар - Букојчани и Проектот за автопатот Требеништа - Струга - Ќафасан) и Коридорот 10д (делница на автопатот Прилеп - Битола) . Исто така зголемување е утврдено и кај Владата, при што одобрениот буџет е за 2,5 пати поголем во однос на планираните максимални износи. Ваквата состојба е резултат на проширување на програмата П1-Мерки за справување со Ковид-19 кризата и други антикризни мерки, во рамките на која опфатени се и мерки за други кризи, кои не биле планирани при подготовката на буџетот, кога максималните износи на расходи биле утврдени на пониско ниво во однос на 2021 година за околу 50 отсто“, констатирале ревизорите од ДЗР.

Планираното зголемување кај приходите е во насока на оптимизирање на изворите на финансирање на буџетскиот дефицит, додека кај планираното зголемување кај расходите во најголем дел е насочено кон реализација на дел од мерките на Владата за надминување на последиците од енергетската криза.

Ревизорите укажуваат дека имајќи го предвид обемот на надлежностите, големината на буџетот, организациона структура, кадровската екипираност на Владата, поставеноста на внатрешните контроли, како и обврската за континуиран мониторинг и контрола над законското користење на доделените пари по основ на владини програми, потребно е „да се преиспита актуелниот начин на буџетирање каде со планирањето во најголем дел реализацијата на парите се врши преку разделот на Влада и да се распределат средствата во буџетите на одделните институции согласно законските надлежности кои ги врши секоја одделно“.

Освен ова ревизроите констатирале дека Владата при распределба на парите наместо да им ги додели законски предвидените средства на судовите и јавните обвинителства таа од нив кратела повеќе од половина од потребниот буџет.

„Исто така констатирано е дека средствата кои се издвојуваат за финансирање на Судската власт во износ од околу 2,3 милијарди денари претставуваат 0,3 отсто од БДП и истите се за 63 отсто помали од законски утврдениот лимит, додека за Јавното обвинителство одобрените средства во износ од околу 643 милиони денари претставуваат 0,21 отсто од средствата на Буџетот за 2022 година, иако согласно Законот за јавното обвинителство висината на средствата за работа треба да изнесуваат најмалку 0,4% од буџетот на државата, доколку со тоа не се нарушува праведната распределба на буџетските средства“, констатирал ДЗР.

Буџетскиот дефицит на ниво на Централен Буџет изнесува 5,1 отсто од БДП и истиот е 0,8 отсто над проектираниот процент од 4,3 отсто, предвиден во Фискалната стратегија за 2022-2024 (со изгледи до 2026 година).

Во однос на 2021 година учеството на буџетскиот дефицит во БДП е намален за 0,3 отсто, што укажува на стабилизација и намалување, но сепак неговото учество во БДП за 2022 година е на повисоко ниво во однос на годините пред здравствено-економската криза и според предвидувањата во фискалната стратегија се очекува истиот преку континуирано намалување во наредните години, во 2026 година да изнесува 2,2 отсто од БДП.

Вкупните приходи и приливи во 2022 година се остварени за 11 отсто помалку во однос на 2021 година, во износ од околу 202 милијарди денари, што во најголем дел се должи на намалувањето на задолжувањето во странство (62 отсто) и домашното задолжување (37 отсто)

The post Објавен ревизорскиот извештај: Владата кратела пари од правосудството за да додели и до пет пати повеќе за себе appeared first on Република.

По критиките од холандскиот амбасадор во земјава Дирк Јан Коп за корупцијата и правосудството, вицепремиерот за европски прашања Бојан Маричиќ во интервју за МИА открива дека Холандија ќе испрати свој експерт во работаната група која што ќе го креира патоказот за владеење на правотo.

Она што можам да ви кажам е дека ние ја поканивме Холандија да испрати – номинира свој експерт во работната група која што ќе го креира патоказот за владеење на правото и тие тоа го прифатија и веќе имаме номинација, така што очекуваме под надзор на Холандија да се направи тој патоказ за владеење на правото за да имаат тие доверба дека сме ги предвиделе вистинските чекори како Влада за наредниот период што следува до членство и да направиме суштинска промена во сите области, вели Маричиќ на прашање на МИА дали можеби Холандија би била државата која што во текот на преговорите би ставила блокада доколку нема резултати во борбата против корупцијата.

Тој додава дека со Холандија имаме непосредна, директна отворена комуникација за ова и за сите други прашања и изрази очекување во наредниот период тој дијалог да се интензивира.

Важно е не само Холандија, туку и целата Европска Унија, да биде убедена дека ние ги преземаме вистинските чекори. Борбата против корупцијата и борбата за владеење на правото е долгорочен процес и секогаш ќе имаат и Холандија и граѓаните и сите други држави членки на ЕУ во Владата да речам сојузник по ова прашање и во дневната борба против корупцијата и во дневната борба со перцепцијата, но и во долгорочните мерки и системските одлуки што треба да се носат, вели Маричиќ во интервјуто за МИА.

The post По критиките од амбасадорот: Холандија ќе има свој експерт во работната група за патоказот за владеење на правото appeared first on Република.

За Европската Унија, како што кажав, владеењето на правото е фундаментално и ако имате компромитирано судство тоа ќе влијае во иднина на обидите на консолидирана демократија и градење на напредна и развиена економија. Сериозно и одблизу ги следиме случувањата во правосудството. Нема да навлегувам во деталите од Судскиот совет, не сум упатен во нивните дискусии и не би било прикладно да го правам тоа но би го кажал следново - Судскиот совет е многу важно тело, одговорен е за промовирање и одбрана на независноста, интегритетот и професионалноста на судиите и затоа е важно што работи, какви одлуки носи и како се однесува, изјави вечерва евроамбасадрот во земјава Дејвид Гир.

Во однос на работата на Судскиот совет, Гир во гостувањето на ТВ Сител, вели дека многу е важно начинот на којшто работи тој, и, како што рече, во ниту еден момент да не стане предмет на надворешни политички вмешувања или финансиски интереси, зашто ако тоа се случи, според него, тогаш независноста на судиите ќе биде компромитирана, и конечно тоа ќе влијае на правото, генерално.

-Како што кажав, нема да шпекулирам за конкретните случувања во Судскиот совет, тоа е нешто што тие треба да го регулираат, но ќе кажам дека е многу важно, сите членови на Судскиот совет секогаш да дејствуваат со потребното ниво на непристрасност и во интерес и обезбедување независно и професионално судство кое дејствува со интегритет. Не затоа што тоа го бара Европската Унија, туку затоа што е во интерес на граѓаните, рече Гир.

На прашањето за ситуацијата со Советот на јавни обвинители, кои отворија етичка процедура против обвинителка која јавно ја критикуваше нивната работа и укажа дека постојат политички притисоци врз таа институција, вели дека предизвикот е ист и оти тие се одговорни за промовирање и одбрана на независноста, професионалноста и интегритетот на обвинителите и тоа, рече, е исклучително важна улога.

-Во врска со конкретниот случај кој го споменавте, не ги знам деталите не сакам конкретно да го коментирам, но би сакал да кажам дека е многу важно ако има свиркачи тие да можат да дејствуваат без страв од последици. Истовремено и свиркачите треба да бидат одговорни, оцени евроамбасадорот.

Во однос на тоа дали земјава се движи во вистинска насока во реформите во правосудството, како што ЕУ очекува, тој повтори дека одблизу ја следат ситуацијата во редовните извештаи за земјава и даваат оценка како сметаат дека се развиваат работите.

-Низ годините гледавме позитивен прогрес. Но, во последните месеци ние сме загрижени, видовме поголем број случаи, скоро како по шаблон на однесување, кои не се конзистентни со она што би го очекувале од земја која води преговори. Што мислам под земја која води преговори? Минатиот јули отворивте преговори за членство со ЕУ и тоа значи поинакви односи со високо ниво на посветеност. И очекуваме да видиме остварување на полето на владеењето на правото во позитивна смисла. И што мислам конкретно под загриженост? Тоа покрива широк спектар на проблеми кои беа и во фокусот на јавноста. Нема да ги коментирам конкретно, но ќе споменам области на загриженост - видовме во многу случаи кои се однесуваат на корупција на високо ниво одредени повторувања на однесувањето - со враќање на повторено судење и пресуди, кои влијаат на застарување на случаите. Тоа е загриженост. Можеби има силни оправдувања за тие индивидуални случаи, но целокупната повторувачка пракса е загрижувачка. Исотвремено, гледаме настани во Судскиот совет, со Обвининтелството за организиран криминал и коруоција, и сите тие отвораат прашалници, нагласи Гир.

За ЕУ, додаде евроамбасадорот, овој процес на пристапување ние ќе гледаме на овие прашања многу внимателно, низ микроископ, од денот број еден, до денот на зачленување во ЕУ, и затоа сите овие настани се следени и затоа изразуваме загриженост за сегашниот развој.

The post Гир: Видовме висока корупција и враќање на пресудите на повторено судење – тоа е загрижувачки appeared first on Република.

Зајакнување на правосудството во земјава, на сите нивоа, е главен приоритет за амбасада на САД, за мене лично и за Вашингтон, изјави американската амбасадорка во земјава Анџела Агелер.

По посетата на Истражниот центар при Основното јавно обвинителство Скопје, каде амбасадата на САД донираше компјутерска и техничка опрема, Агелер порача дека ова е добар систем и изрази уверување дека интероперабилноста ќе ја подобри ефикасноста.

Тука сум од ноември и корупцијата во земјава е присутна подолго време. Тоа не е проблем што може да се реши за неколку месеци и постојат веќе системи, кои бараат проверка. Затоа е добра денешната посета, за да видам како се водат истрагите - порача Агелер.

Сакаме да бидеме партнери со оваа земја, нагласи Агелер, така што ќе покажеме дека овој систем е тука за вашите граѓани.

За тоа е потребно време. Не е нешто што еден компјутерски систем ќе го реши, но е приоритет и ако имам една цел како амбасадор во земјава, тоа е да се осигурам дека ќе направам се што можам, заедно со мојот тим, за зајакнување на вербата на граѓаните на Македонија во правосудството - порача Агелер.

Претседателот на Основното јавно обвинителство – Скопје, Гаврил Бубевски, изрази благодарноста за донацијата, која помага во секојдневната работа, а со крајна цел да овозможиме верба на граѓаните во институциите во системот и добивање на правда.

Се работи за сериозна донација што ќе ни помогне во секојдневната работа и од технички и од суштински аспект, затоа што многу побрзо можеме да работиме на одредени докази и прибирање доказен материјал - изјави Бубевски.

Се надеваме, посочи Бубевски, и на понатамошна соработка со американската амбасада преку обуки и друга помош.

The post Агелер: Ќе направам се да зајакне вербата во правосудството appeared first on Република.

Треба да се направи многу повеќе од она што е направено до сега во борбата со корупцијата и организираниот криминал во Македонија, ако сакаме да чекориме напред во нашите политички процеси кои неминовно мора да се случат, затоа што граѓаните сакаат да видат видливи резултати“, порача заменичката на претседателот на Владата задолжена за политики за добро владеење, Славица Грковска, во интервју за Гласот на Америка.

Наша задача е да ги лоцираме системските недостатоци и да ги подобриме со соодветни решенија со кои ќе се намали корупцијата во нашата земја. Сите заедно мораме да работиме на подигање на свесноста и одговорноста во носењето на одлуки. Токму затоа лично имав реакции на одлуките на јавното обвинителство и судството, потенцираше Грковска.

Таа нагласи дека токму уставната независност на овие органи треба да ги поттикне да работат транспарентно и одговорно при носењето на одлуки и нивното образложение пред граѓаните.  Повикувањето на транспарентно и отчетно работење на овие органи при носење на решенија и нивно образложение, додаде таа, не е мешање во работата на институциите, туку напротив е поттик за зголемување на нивната транспарентност, а со тоа и зголемување на довербата на граѓаните во правосудниот систем и органите.

Судиите и јавните обвинителите треба да одговараат за злоупотреба на службена должност исто онака како и останатите функционери кои подлежат под истите закони како јавните обвинители и судии. Независноста која што Уставот ја дава на правосудниот систем  при работењето, години наназад беше користена како параван за самоволие при носењето на одлуки и истото повеќе не смее да се дозволи, посочи Грковска.

Вицепремиерката Грковска се осврна на поддршката што ја добиваме од меѓународната заедница во процесот во борбата со корупцијата и организираниот криминал, посочувајќи дека тоа е стимул за побрзо, поотчетно и потранспарентно работење на институциите во овој политики процес.  Оваа поддршка, нагласи таа, мора сериозно да се сфати и заедно, во нашата земја самостојно да почнеме да ги решаваме состојбите кои се трули  и кои нé влечат наназад во сите процеси.

The post Грковска: Независноста која Уставот ја дава на правосудните органи години наназад беше злоупотребувана, тоа веќе не смее да се дозволи appeared first on Република.

Само 4 отсто од граѓаните целосно му веруваат нa правосудството, според најновата анкета на ИРИ, објавена денеска.

Претходни анкети покажуваа дека околу 8 отсто од граѓаните во Македонија веруваат во правосудството.

За една година довербата е намалена за дури 50 отсто.

https://republika.mk/vesti/makedonija/anketa-na-iri-ako-utre-ima-izbori-za-vmro-dpmne-bi-glasale-19-posto-od-gragjanite-za-sdsm-11/

Анкетата е спроведена во име на Центарот за анкетни истражувања од Брима, фирма за истражување на пазарот (членка на Тејлор Нелсон Софрес и Галуп Интернешнл). Податоците се собрани од 23 септември до 13 октомври, 2022, со повеќестепен стратификуван примерок преку интервјуа лице-во-лице во домовите на испитаниците. Анкетиран е национално репрезентативен примерок од 1.207 испитаници на возраст од 18 години и повеќе. Податоците се пондерирани според возраст, пол, регион, населеното место (урбано/рурално) и етничката припадност. Маргината на грешка е ± 2,8 поени на ниво на доверба од 95%. Стапката на одговор е 69%.

Анкетата е направена со поддршка на Националниот фонд за демократија (НЕД).

The post Веќе нема ни 8 отсто: Довербата во правосудниот систем падна на 4% appeared first on Република.

Таканаречениот „тим за санкции“ од САД пристигна во Македонија и ќе врши „поагресивен“ увид во корупцијата на бивши и сегашни функционери. Ова на „Твитер“ го објави американската амбасадорка Анџела Агелер.

Тимот за санкции од Вашингтон е тука за да направи поагресивен увид на минатите и сегашните корумпирани актери и да ги разгледа сите можни одговори. На македонскиот правосуден сектор му требаат повеќе истраги и гонење, за да се покаже дека никој не е над законот, напиша Агелер на Твитер.

Sanctions Team from Washington here to take a more aggressive look at past and current corrupt actors, and to consider all possible responses. North Macedonia’s justice sector needs more investigations, prosecutions to show that no one is above the law.

— Ambassador Angela Aggeler (@USAmbNMacedonia) December 6, 2022

Ова следува неколку дена откако Габриел Ескобар, заменик-помошник на државниот секретар на САД, изјави дека американските санкции за корумпираните политичари од Балканот имаат ефект и дека САД ќе продолжат со санкционирање корумпирани функционери од регионот.

The post Тимот за санкции од Вашингот пристигна, поагресивно ќе истражува корупција кај поранешни и сегашни функционери appeared first on Република.

Изборот на Весна Дамева за претседател на Судскиот совет е нов срам за македонското правосудство, обвинуваат од ВМРО-ДПМНЕ.

Вчера за претседател на судски совет беше избран лик за кој постојат фотографии со Заев кои потврдуваат дека е париски активист и член на партиската комисија за правда во СДС. Скандалозен беше и самиот избор на Дамева за член на Советот, кога по предлог на Пендаровски од стручна соработничка во основен суд беше инсталирана во органот кој треба да одлучува за избор и оценување на работата на судии. Ете таков човек догура до позиција на претседател на Судски совет, иако нема облечено судска тога, велат од ВМРО-ДПМНЕ.

https://republika.mk/vesti/makedonija/posle-zoshto-osum-posto-doverba-vo-sudstvoto-vo-eden-den-den-ostavka-podnese-prviot-chovek-na-akademijata-na-sudii-i-obviniteli-i-poraneshnen-chlen-na-sdsm-stana-pretsedatel-na-sudski-sovet/

Распупеното судство од Заев, додаваат, Ковачевски продолжува да го распупува.

Како расте партизацијата на правосудството од страна на СДС и ДУИ, така се намалува довербата кај граѓаните. Правосудниот систем е во колапс.

Секој ден излегуваат скандали за неговата трулост. Колку што е скандалозен изборот на Дамева, исто толку скандалозен е и изборот на Ислам Абази за шеф на Обвинителството за гонење на организиран криминал и корупција.

Полагањето на правосудниот испит на синот на Талат Џафери кој е при крај со Академијата за судии и обвинители и со неправо ќе треба да дели право.

Оставката на претходничката на Дамева, Црвенковска која обвини за бизнис- судска клика.

Изборот на шефови на обвинителства само со еден кандидат, затоа што другите се под притисоци да не се пријават и уште многу други скандали за месец дена.

СДС и ДУИ црпнуваат партиски војници и ги ставаат на високи правосудни позиции за да може непречено да цвета криминалот и корупцијата на власта. Но времето на одговорност ќе дојде и за криминалците од власта и нивните заштитници во судството. Секој ќе одговара за тоа што го сторил, но и тоа што не се борел против криминалот, велат од ВМРО-ДПМНЕ.

The post Изборот на Весна Дамева е нов срам за македонското правосудство appeared first on Република.

Владата денеска ги прифати измените и дополнувањата на Законот за плати на јавните обвинители.

Како што појаснува владината прес-служба, со предложените одредби се прилагодува коефициентот за утврдување на плата на јавните обвинители и вкупните заложби за подобрување на материјалните и финансиските ресурси во правосудниот систем вклучително и платите и другите надоместоци на јавните обвинители.

Цел на предложените законски измени, додаваат, е надградување на системот на плати на јавните обвинители, соодветни на значењето и угледот на функцијата кои тие ја вршат, тежината на работата и нивната одговорност.

Владата ги утврди и измените и дополнувањата на Законот за изменување на Законот за судска служба.

– Основната цел на Предлогот на законот е постигнување на еднаквост на вработените во приватниот и јавниот сектор, судската служба како негов дел, со најниските примања преку воспоставување на ист износ на законска минимална плата и скалесто усогласување на останатите плати на судските службеници од сите нивоа, како и обезбедување на континуитет на промените на платите во судската администрација во однос на минималната плата на национално ниво, како долгорочна цел. Истовремено, во рамките на усогласувањето на Законот за судска служба со Законот за минимална плата во Република Македонија, се врши и зголемување на платите на вработените во судската служба за 15 посто, се вели во соопштението.

Владата денеска го утврди и текстот на Предлог-законот за изменување на Законот за јавно обвинителска служба кој, како што посочуваат од Владата, има за цел воспоставување на ист износ на законска минимална плата и скалесто усогласување на останатите плати на јавно обвинителските службеници од сите нивоа, како и обезбедување на континуитет на промените на платите во јавно обвинителската администрација во однос на минималната плата на национално ниво, како долгорочна цел.

– Во рамките на усогласувањето на Законот за судска служба со Законот за минимална плата во Република Македонија, се врши и зголемување на платите на вработените во судската служба за 15 посто, стои во соопштението.

На предлог на Министерството за правда, на денешната седница се утврдени и измените на Законот за платите на членовите на Советот на јавни обвинители.

– Во предложениот законски текст се менуваат коефициентите за утврдување на плата на членовите на Советот со цел надградување на системот на плати на членовите на Советот на јавните обвинители, соодветни на значењето и угледот на функцијата кои ја вршат, тежината на работата и нивната одговорност, соопшти прес-службата на Владата.

Сите овие измени и дополнувања на Законот за плати на јавните обвинители, на Законот за судска служба, на Законот за јавно обвинителска служба и на Законот за платите на членовите на Советот на јавни обвинители на Република Македонија, ќе бидат доставени на усвојување во Собранието

The post Утврдени измените за повисоки плати во правосудниот и обвинителскиот сектор appeared first on Република.

Перцепцијата за правосудството ќе се подобри само во оној момент кога ќе докажеме како држава дека навистина за тешки кривични дела без оглед од која сфера се, дали се работи за кривично дело – економскиот криминал, компјутерскиот итн., ќе има пресуди кои ќе бидат пропорционални на неправото. Во таа насока ги охрабруваме судовите, обвинителствата и сите други институции што правораздаваат да бидат на нивото на задачата во смисла на тоа дека навистина веќе е зрело време во Македонија да покажеме и на дело како треба да изгледа подобрувањето или квалитетот на правораздавањето.

Ова го изјави денеска министерот за правда Никола Тупанчески, одговарајќи на новинарски прашања, на маргините на 10-тата сесија на Работната група 3 – Правосудство и основни права (Поглавје 23) на тема „Актуелните предизвици во македонското правосудство низ перспективата на препораките на националната конвенција за Европската унија во С Македонија“ во рамки на активностите од проектот Национална конвенција за Европската Унија во Македонија.

Прашан за довербата во правосудството, Тупанчески потврди дека повеќе меѓународни фактори констатираа дека е ниска довербата во правосудството и тоа, според него, треба да се земе како факт, но и како поттик, мотивација за подобрување на состојбите на тој план.

Ние како Министерство за правда работиме интензивно не само на законодавната агенда затоа што констатиравме дека не е ништо ново ова што ќе го кажам дека не е проблемот само во квалитетот на законите, туку напротив и во начинот на кој тие се имплементираат. Често знам да кажам дека и најлошиот закон може да биде добар закон ако се применува неселективно. Во таа насока работиме на создавање на оптимални услови за правораздавање и во однос на она што се нарекува ефективно и ефикасно правосудство. Во таа насока говориме околу дигитализацијата на судството и јавното обвинителство од една страна, интероперабилноста или поврзаноста меѓу институциите каде што навистина се олесни процесот на добивање информации, меѓутоа и побрзо ќе се стигне до правдата, односно до вистината, подвлекува Тупанчески.

За можноста за ветинг во правосудството, тој посочува дека компаративното искуство во соседна Албанија покажа дека тоа не е најдобар рецепт или алгоритам за решавање на состојбите. Останува консеквентен на ставот дека во земјава може да се направи прочистување на судството и со постојната регулатива и со институциите што во моментов се активни како Судскиот совет, Советот на јавни обвинители доколку си ја завршат задачата како што треба. Постојат, вели, строги критериуми коишто налагаат доколку некои не работат според она што се нарекува стандард да биде разрешен, а и да биде казнет затоа што ниту судиите, ниту обвинителите не смеат да бидат над законот.

Во тој контекст би сакал да додадам, еве и денес ќе зборуваме за новата методологија за оценување на судиите, за квалитетот на судиите. Тоа значи пропис – подзаконски акт донесен година – година и пол наназад и од необјасниви причини беше неприменлив. Меѓутоа, дефинитивно еве веќе стигнуваме во период каде што тоа веќе од Судскиот совет е не само ветено, туку почнува да се имплементира таа методологија и верувам дека ќе даде резултат и на тој план ќе се подобрат драстично состојбите, нагласува министерот за правда.

Европските стандарди во однос на бројот на судии, вели тој, се јасни, и на 100 илјади жители би требало да има 21,5 (математички прецизно пресметано), а во нашата држава според тој стандард ние имаме повеќе судии отколку што ни треба. Меѓутоа, додава Тупанчески, факт е дека треба да се направи оптимизација и рационализација на судството затоа што, вели, најголемото оптоварување на судовите е токму во Скопје како најголем град со најголем број на жители.

The post Тупанчески: Перцепцијата за правосудството ќе се подобри ако за тешки кривични дела има пропорционални пресуди appeared first on Република.

Вработените во управата и правосудството денеска и утре нема да работат од 10 до 12 часот. Причина за прекинот на работата се барањата за исплата на минимална плата и линеарно зголемување на останатите плати за 2.806 денари.

Според најавите на Синдикатот на управата, правосудството и здруженија на граѓани (УПОЗ), ќе се протестира во сите оние институции каде имаат синдикални организации, како што се министерства, агенции, фондови, управи и судови.

Од Синдикатот велат дека во 95 проценти од институциите не се исплаќа минимална плата, а во останатите пет проценти, дел не ја подготвуваат минималната плата, а дел што веќе ја исплатиле направиле грешки и исплатиле само минимална плата без вклучен стаж.

Досега не добиле покана од Владата за преговори, а притисокот од членството е голем и се бара прекинот на работата да продолжи.

Поддршка вчера добија од Сојузот на синдикати на Македонија. Оттаму побараа да не се тактизира со усогласувањето на останатите плати со минималната плата. Доколку се тактизира, како што посочија, следните чекори што ќе бидат преземени, ќе бидат чисто работнички и синдикални за изразување на работничкото незадоволството, за што одлука ќе биде донесена в петок на седница на Претседателството и Советот на ССМ.

The post Вработените во управата и правосудството со двочасовен прекин на работата appeared first on Република.

Министерот за правда, Никола Тупанчески, потпиша девет договори за размена на податоци со државните институции, кои на дневна основа со судовите остваруваат 50% од размената на податоците, за што ја изрази неговото задоволство од постигнатите резултати и од започнувањето на процесот на интероперабилност.

Судовите за почеток ќе овозможат користење на четири веб сервисни услуги од базите на податоци, а во наредниот периодот таа бројка постепено ќе се зголемува. Со оглед на комплексноста и сложеноста на процесот денес започнува ново поглавје во македонскиот правосуден систем, како прва земја од земјите од регионот во која 34 суда кои се приклучени на Националната платформа за интероперабилност, со потпишувањето на договорите, наместо со физичка размена на податоците целиот процес ќе го водат преку платформата за интероперабилност, рече министерот Тупанчески.

Министерот се осврна на придобивките што со себе ги носи вештачката интелигенција, напредокот и усовршувањето на техничките и оперативните перформанси на ИКТ алатките, во насока на поголема ефикасност, транспарентност и пристап до правдата.

ИКТ алатките и дигиталните решенија треба да го олеснат процесот, а со тоа ќе се добие на ефикасност, ефективност и оперативност во работењето, врз основа на сите претходно детектирани процесни слабости за сметка на искористување на предностите и придобивките. Верувам дека овој чекор, за сите учесници во судските процеси, ќе се овозможи побрзо одлучување и суштинско елиминирање на неефикасноста на правосудниот систем, додаде министерот.

Договорите беа потпишани со следните државни институции: Министерството за внатрешни работи, Јавното обвинителство на Република Македонија, Централен регистар, Царинската управа, Државната изборна комисија, Управата за финансиска полиција, Управата за финансиско разузнавање, Државната комисија за спречување на корупцијата, Агенција за цивилно воздухопловство.

Владата на Република Македонија минатата година го донесе Оперативниот план за дигитализација на правосудните органи, при што Министерството за правда преку Советот за ИКТ изминатите месеци интензивно работеше на операционализација на активностите за меѓусебно поврзување и размена на податоци помеѓу правосудните институции и тоа 34 суда и државните органи и институции преку Националната платформа за интероперабилност.

The post Тупанчески: Заложбата за модерно и ефикасно судство, полека но сигурно, дава резултати appeared first on Република.